4 наурыздан бастап Алматы автобустарында жаңа төлем жүйесі енгізіледі

4 наурыздан бастап Алматыда Avtobys электронды төлем жүйесі іске қосылады. Жаңа сервис әзірге қаланың барлық бағыттарын қамтымайды. Бастапқы кезеңде Avtobys жүйесі арқылы төлем жасау мүмкіндігі келесі маршруттарда ғана қолжетімді болады:

• № 51, 117, 219, 221, 228, 234 және 258.

Сервисті пайдалану үшін жолаушыларға бірнеше қарапайым қадамды орындау қажет:

1. Қосымшаны жүктеу: App Store, Google Play немесе AppGallery дүкендерінен Avtobys қолданбасын орнату.
2. Тіркелу: Жеке телефон нөмірі арқылы тіркеуден өту.
3. Балансты толтыру: Қолданба ішіндегі смарт-әмиянның теңгерімін толтыру.
   Бұл жүйе жолақы төлеу процесін жеңілдетіп, жолаушылар үшін баламалы әрі ыңғайлы құрал болуды көздейді.

Еске сала кетейік, бұған дейін Алматыда самокаттардың да маусымы басталғаны туралы жазған едік.