Бурабай көлдерінде нәрестелі демалушылар мен балықшы құтқарылды

Ақмола облысының Бурабай ауданында құтқарушылар ауа райының күрт нашарлауына байланысты жағаға өз бетінше қайта алмаған жеті адамды көлдерден эвакуациялады.

Бурабай көлінде акваторияны патрульдеу кезінде ТЖМ жедел-құтқару жасағының қызметкерлері жағадан шамамен 800 метр қашықтықта резеңке катерді анықтады.

Құтқарушылар алты демалушыны, соның ішінде емшектегі баланы эвакуациялады. Олардың барлығы құтқару кеудешелерінде болған және медициналық көмекке мұқтаж емес еді.

Дәл осы уақытта Щучье көлінде, Щучинск қаласында құтқарушылар жағадан шамамен бір шақырым қашықтықта резеңке қайықта болған және қолайсыз ауа райы салдарынан құрлыққа өз бетінше жете алмаған балықшыға көмек көрсетті. Ер адам да құтқару кеудешесінде болған және медициналық көмекті қажет етпеді.

ТЖМ суға шығар алдында жүзу құралының техникалық жай-күйін тексеру, өзімен бірге байланыс құралдары мен құтқару кеудешелерінің болуы қажет екенін еске салды.

Айта кетейік, осыған дейін Бурабайда квадроцикл аударылып 22 жастағы қыз қаза тапқанын жазған едік.