Қаза болған Сүлейманидің мүрдесі Иранға жеткізілді
Жарияланды
Жерлеу рәсімі 7-қаңтарда өтеді
Ирактағы «Кудс» ирандық арнайы жасақ бөлімшесінің қаза болған командирі Касем Сүлейманидің мүрдесі жексенбіде Иранға жеткізілді, деп хабарлайды ирандық IRIB телерадиокомпаниясына сілтеме жасаған Интерфакс-Казахстан.
Қазіргі уақытта қоштасу рәсімі өтіп жатыр, әскери қолбасшыны жерлеу сейсенбі, 7-қаңтарға белгіленген.
Бұрын хабарланғандай, генерал Сүлеймани 3-қаңтардағы түнде американдық әскери-әуе күштері Бағдадтағы халықаралық әуежайға зымырандық соққы берген кезде қаза болған-ды. Оның көзін Иракта жою жөніндегі операция президент Дональд Трамптың нұсқауы бойынша жүзеге асырылған болатын.
«Кудс» командирін өлтіру Иранда наразылық пен ашу-ыза тудырды, Тегеран Вашингтон әкімшілігінің әрекетіне табанды жауап қайтаруды уәде еткен болатын.
