Финляндия ресейлік газды рубльмен төлемеу туралы шешім қабылдады

Путин 1 сәуірден бастап ресейлік газды жеткізуге ақы төлеудің жаңа тәртібін белгілейтін жарлыққа қол қойған

Финляндия Ресей Федерациясынан жеткізілетін газды рубльмен төлеу бойынша  қойған шарттармен келісуге ниетті емес. Бұл туралы Еуропа істері және мүлікті басқару министрі Титти Туппурайнен Helsingin Sanomat газетіне хабарлады.

«Біз экономикалық саясат жөніндегі үкіметтік комитетте Финляндияның рубль төлемдерін қабылдамайтыны туралы шешім қабылдадық», – деді министр.

Туппурайнен бұл туралы министрлер сәуір айының басында келіскенін атап өтті. Оның айтуынша, мұндай шешім Еуропалық комиссияның (ЕК) ұстанымына сәйкес келеді, оған сәйкес газ үшін төлемдер рубльмен жүргізілмеуі керек, өйткені бұл қолданыстағы келісімшарттарды бұзады.