Иорданияда Израиль елшілігінің жанында болған атыс салдарынан үш полиция қызметкері жараланды
24 қараша, жексенбі күні Иорданияда Израиль елшілігінің маңында атыс болып, үш қауіпсіздік қызметкері жараланды, деп жазады Reuters. Оларға медициналық көмек көрсетілді.
Амман қаласының Рабия ауданында қарулы адам полиция патрульіне оқ жаудырған. Тәртіп сақшылары оқ жаудырды, нәтижесінде қылмыскер өлтірілді. Полиция Аммандағы атыс болған Рабия аймағын қоршауға алып, жергілікті тұрғындарды үйлерінен шықпауға шақырды.
Жергілікті Al Arabiya басылымының хабарлауынша, қазір үш қауіпсіздік қызметкері ауруханада жатыр. Олардың жағдайы орташа деп бағаланып отыр. Оқиғаға қатысты тергеу жүріп жатыр.
Газа секторында соғыс басталғаннан бері Израильдің дүние жүзіндегі дипломатиялық өкілдіктеріне бірнеше рет шабуыл жасалды. Қазан айында Дания мен Швецияда Израиль елшіліктерінің маңында жарылыс орын алды. Қыркүйек айында Мюнхендегі Израиль бас консулдығының жанында атыс болды. Маусым айында ер адам Белградтағы Израиль елшілігін күзетіп тұрған серб полицейіне арбалетпен оқ атқан.
