Еліміздің кинотеатрларында «Муфаса: Арыстан патша» фильмі қатарынан үш апта бойы көш бастап келеді. Соңғы аптада бұл фильм бұрынғыдан да жоғары табысқа жетті.
«Муфаса» табысы 1 млрд теңгеден асты
Тикетонның мәліметінше, алғашқы аптада «Муфаса» 333 млн теңгеден астам қаржы жинаса, үшінші аптада бұл көрсеткіш 409 млн теңгеге жетті. Жалпы табысы 1 млрд теңгеден асып, фильм көрермендер арасында үлкен сұранысқа ие болды.
Қалған үздік фильмдер
1. «Муфаса: Арыстан патша» – 409 млн теңге
2. «Бишарашки в Тайланде» – 265 млн теңге
3. «Қазақ әлемі» – 252 млн теңге
4. «Соник 3» – 228 млн теңге
5. «Келінжан 3» – 190 млн теңге
«Соник» фильмі «Арыстанның» артынан ілесі алмады
Америкада «Соник 3» фильмінің көрермені көп болғанымен, Қазақстанда «Муфаса» көш бастап тұр. Симбаның әкесі Муфасаның өмірі көремендердің қызығушылығын тудырды.
«Муфаса» фильмі Meloman дистрибьюторінің қолдауымен қазақ тіліне дубляждалған. Еліміздің белгілі актерлері Дулыға Ақмолда, Динара Сұлтан, Бақтияр Байсерік, Әбік Жексен фильмнің кейіпкерлерін қазақ тілінде сөйлеткізді.
Сонымен қатар фильмдегі басты ерекшелік – жануарлардың қазақша атауларының қолданылуы. Балалар мен көрермендер арыстанның ұрғашысын «қаншыр», төлі «абдан», сондай-ақ «мүйізтұмсық», «сүйелді қабан», «ніл қолтырауыны» секілді терминдерді естіп, олардың қазақша атауларын біле алады.
Еске сала кетейік, қазақ тіліне дубляждалған фильмдердің арасында ең көп табыс тапқан жоба «Моана 2» фильмі болған еді.
