Алматы полициясы «Йоу, орыстар» әнінің авторларын іздестіріп жатыр
Алматы полициясы «Йоу, орыстар» әнінің авторларын іздестіріп жатыр, деп хабарлады Алматы қалалық полиция департаменті.
Полицияның мәліметінше, Qaznews24 паблигінің авторы Темірлан Еңсебекті сатиралық жарияланымдары үшін ұстаған жоқ. Тергеу бойынша, бұл іс ұлттық араздықты қоздыру белгілері бар материалды жариялауға қатысты.
Қазақстан Конституциясы азаматтарды шыққан тегі, ұлты, тілі, діні немесе басқа да белгілері бойынша кемсітуге тыйым салатынын еске салды. ПД мәліметінше, бұл заңды бұзған жағдайда Қылмыстық кодекстің 174-бабы бойынша жауапкершілікке тарту көзделген.
«Қазіргі уақытта тергеу жарияланған әннің авторларын анықтаумен айналысып жатыр. Ән Instagram парақшасында гр. Е. тарапынан жарияланған», – деп мәлімдеді ПД.
Адвокат Жанар Балғабаеваның айтуынша, істің қозғалуы жарияланған пост емес, оған қосылған музыкалық композицияға байланысты болған. Белсенді Дархан Шәріптің пікірінше, бұл 2000-жылдары жазылған, бірақ 2022 жылы Ресейдің Украинаға басып кіруінен кейін «танымал болған» «Йоу, орыстар» әні болуы мүмкін. Әннің мазмұнында орыс этносын қорлау белгілері бар екені айтылды.
Еске сала кетейік, 17 қаңтар күні Qaznews24 cатиралық паблигінің авторы Темірлан Еңсебекті полиция ұстап әкетті. Оған «ұлтаралық араздықты қоздырды» деген айып тағылып отыр.
