Күнде 3 маусымда үш дүркін жарқырау тіркелді, ғалымдар Жерге қарай плазманың бөлінуін растады, деп хабарлады Күн астрономиясы зертханасы.
Біріншісі M9.3 деңгейінде болды. Бұл 24 сәуірден бергі ең күштісі. Одан кейінгілері М7.7 және X деңгейіне жақын. Күндегі жарқыраулар рентген сәулеленуінің қуаты бойынша – A-дан (ең әлсіз) X-ке (өте күшті) дейінгі шкаламен жіктеледі.
Ғалымдар алғашқы екі бөлінудің жұлдыздың бет жағында орын алғанын және Жерге бағытталғанын растады.
«Екі плазма бұлттары жол бойы екі ядросы бар бір ірі бұлтқа бірігуі керек. Қазіргі сәтте модельдер бейсенбіден жұмаға қараған түні (4-тен 5 маусымға қараған түні) қос соққыны болжап отыр. Бірінші тығыз ядро 4 маусымда түн ортасында, екіншісі – 5 маусым сағат 4:00-де жетуі керек», – дейді астрономдар.
Есептеулер G3-G4 деңгейіндегі магнит дауылдарын көрсетеді. Күші бес балдық шкала бойынша өлшенеді, мұнда:
G3 (күшті) спутниктік навигация мен радиобайланыста үзілістер тудырады, денсаулыққа әсер етеді; G4 (өте күшті) – ғарыш аппараттарынан айырылу қаупі, электр желілеріндегі кернеуді бақылау мәселелері. Жоғары көрсеткіштерге қарамастан, түндердің тым қысқа болуына байланысты поляр шұғыласын көру мүмкіндігі екіталай деп саналады.
