Елдегі автомектептердегі оқу құны, тәжірибелік сабақтар саны мен қосымша қызметтер әрқилы. Finratings порталы Астана мен Алматыдағы ұсыныстарды салыстырып, «В» санатындағы жүргізуші куәлігін қай жерде арзанырақ алуға болатынын анықтады.
Екі қалада да теориялық курстың ең қолжетімді ұсынысын PDD Test автомектебі ұсынып отыр. Науқан бойынша оқу құны 44 мың теңге, бірақ тәжірибелік сабақтар бөлек төленеді.
Толық курс қай жерде арзанырақ?
Мегаполистерде тәжірибесі бар толық курстың ең төменгі бағасы шамалас. Дегенмен, кейбір автомектептер қосымша қызметтері бар қымбатырақ пакеттерді ұсынады.
Астана:
- 80 мың теңгеден бастап – Qulager (автоматты беріліс қорабы).
Алматы:
- 80 мың теңгеден бастап – ProPDD;
- 95 мың теңгеден бастап – Qulager (медициналық анықтама және ЖҚЕ бойынша тесттер қарастырылған).
Салыстырған кезде ең қымбат автомектеп алматылық «Қаусар» екені белгілі болды, онда оқу бағасы 120 мың теңгеден басталады. Астанада ең қымбат курсты «Бек Авто» ұсынады – 104 мың теңгеден бастап.
Автомектептер не ұсынады?
Автомектепті таңдағанда, курс бағасына қандай қызметтер кіретінін алдын ала анықтап алған жөн. Медициналық анықтама, мемлекеттік баж, автодромдағы сабақтар мен басқа да шығындар жиі бөлек төленеді, сондықтан соңғы сома көрсетілгеннен жоғары болуы мүмкін.
- PDD Test – бағасына теория, оқу материалдары, ЖҚЕ бойынша тесттер мен куәлік кіреді. Тәжірибелік сабақтар бөлек төленеді.
- Qulager – теория, кемінде бес тәжірибелік сабақ және PDD.kz сервисіне рұқсат. Алматыда кейбір пакеттерге медициналық анықтама мен ЖҚЕ бойынша тесттер де кіреді.
- ProPDD – тарифке байланысты үштен онға дейін тәжірибелік сабақ. Кеңейтілген пакеттерге VR-тренажер, медициналық анықтама, ЖҚЕ бойынша тесттер және сүйемелдеу кіруі мүмкін.
- «Бек Авто» – Астанада медициналық анықтамасы, сертификаты және жетіге дейін тәжірибелік сабағы бар пакеттерді ұсынады, бірақ автодром бөлек төленеді. Алматыда базалық бағдарламалар тек теорияны қамтиды.
- «Қаусар» (Алматы) – теория, тәжірибе және емтиханға дейін сүйемелдеу. Анықтама, мемлекеттік баж және автодромдағы сабақтар бөлек төленеді.
Неден үнемдеуге болады?
Болашақ жүргізушілер 073/е нысанындағы анықтаманы лицензиясы бар мемлекеттік или жеке клиникадан өз бетінше рәсімдей алады. Кейбір медициналық орталықтарда қызмет 7,5 мың теңгеден басталады, бұл автомектеп арқылы рәсімдегеннен арзанырақ түсуі мүмкін.
Бұған дейін елде көлікті тіркеу мен жүргізуші куәлігін алу ережелері өзгеретінін хабарлағанбыз.
