2026 жылдың тамыз айында қазақстандықтар үшін қосымша демалыс күндері қарастырылмаған. Бес күндік жұмыс аптасында бұл айда 21 жұмыс күні және 10 демалыс күні болады.
Тамызда қай күндер демалыс болады
Бес күндік жұмыс аптасы бойынша демалыс күндері мына күндерге сәйкес келеді:
- 1–2 тамыз;
- 8–9 тамыз;
- 15–16 тамыз;
- 22–23 тамыз;
- 29–30 тамыз.
Осылайша, тамыз айындағы барлық демалыс күндері әдеттегі сенбі мен жексенбіге сәйкес келеді. 31 тамыз, дүйсенбі күні – жұмыс күні болып қалады.
Жаңартылған жұмыс күнтізбесіне сәйкес, алты күндік жұмыс аптасында тамыз айында 26 жұмыс күні және 5 демалыс күні болады. Демалыс күндері – 2, 9, 16, 23 және 30 тамыз, яғни жексенбі күндері.
Жұмыс уақытының айлық нормасы 40 сағаттық бес күндік жұмыс аптасында – 168 сағатты, ал алты күндік жұмыс аптасында – 172 сағатты құрайды.
Еске сала кетейік, 1 шілдеден бастап жаңа Конституция күшіне енді. Осыған байланысты 30 тамыз мереке күндері қатарынан алынып тасталады. Енді мереке 30 тамызда емес, 15 наурызда атап өтіледі.
