Әйелді ойыншық қарумен қудалаған жүргізуші ұсталды

Әлеуметтік желіде қуғын түсірілген шошытарлық видео пайда болды. Кадрда қаруы бар белгісіз жүргізуші Алматы тұрғынының жолын бөгейді, деп хабарлайды Kursiv.Media.

Әйелдің айтуынша, бейтаныс ер адам оның соңынан Достық көшесінен Әл-Фараби даңғылына дейін соңынан еріп отырған. Осыдан кейін ол Esentai автотұрағына бұрылғанда, ер адам оның жолын бөгеп, оған үлкен тапаншаға немесе автоматқа ұқсайтын затты бағыттаған.

«Оның ойында не болғанын білмеймін. Бұл анық ауру немесе мас адамның әрекеті», – деп жазды алматылық әйел құқық қорғау органдарынан шара қолдануды сұрап.

Алматы полициясы әлеуметтік желілерге мониторинг жүргізу кезінде оқиғаның видеожазбасын тапқанын хабарлады.

«Медеу аудандық полиция басқармасының қызметкерлері фигурантты анықтады, ұстады және полицияға жеткізді. Көрсетілген заттың ойыншық тапанша екені және атыс қаруына жатпайтыны анықталды», – деп хабарлады Алматы қалалық полициясы.

Жүргізушіге қатысты ұсақ бұзақылық фактісі бойынша әкімшілік іс қозғалды. Материалдар сотқа жіберілді.

Бұдан бөлек, ер адамға қатысты жол жүрісі қағидаларын бұзғаны үшін әкімшілік материал жасалды. Полиция тіпти ойыншық тапаншаның өзі айналадағыларды қорқытып, дүрбелең тудыруы мүмкін екенін атап өтті.

«Қоғамдық орындарда сырт келбеті қаруға ұқсас заттарды демонстрациялауға, тіпті олар ойыншық болса да, жол берілмейді», – деп ескертті полиция.

Алматы қалалық ПД мұндай әрекеттер құқық қорғау органдарының дереу әрекет етуін талап ететінін қоса айтты.