«Бұл – тек бастамасы»: Нұрай Серікбайдың ағасы видео жариялады
Жарияланды
Нұрай Серікбайдың ағасы әлеуметтік желіде видео жариялап, қарындасына қатысты істі аяғына дейін жеткізетінін мәлімдеді.
«Әлі апелляция, кассация, тергеушінің соты бар. Істі аяғына дейін жеткізген жоқпыз, бұл – тек бастамасы», – деді Сұлтан Серікбай.
Ол сондай-ақ президенттен бастап, прокуратура, ІІМ басшыларына алғыс айтты.
Нұрай Серікбай ісі
Бұған дейін Шымкентте Нұрай Серікбайды өлтірген Шерхан Аймахан өмір бойына сотталды.
Сот Аймаханды ҚР Қылмыстық кодексінің 99-бабы 2-бөлігінің 5-тармағы («аса қатыгездікпен жасалған адам өлтіру»), 125-бабының 1-бөлігі ( «некеге тұруға мәжбүрлеу») және 115-бабының 2-бөлігі («сталкинг») бойынша толық кінәлі деп тапты.
