Ұлттық қауіпсіздік комитеті әуежайда күдіктіні қалай іздейді? - 20.12.2019 - Kursiv Media Казахстан

Ұлттық қауіпсіздік комитеті әуежайда күдіктіні қалай іздейді?

Мамандар адамның өтірік айтып тұрғанын оның мимикасынан анықтайды

Ұлттық қауіпсіздік комитеті Терроризмге қарсы орталығының 2019 жылғы жұмысы қорытындыланды. Биыл әуежайларда профайлер-мамандардың қызметі ұйымдастырылған.

Айта кетейік, профайлер – өтірікті адамдың бет-әлпеті, сөйлеу мәнері, ым-ишарасы негізінде анықтайтын маман. 

«Біріккен Ұлттар Ұйымының Қауіпсіздік Кеңесінің №2396 қарары шеңберінде авиациялық көліктегі жолаушылар легінде профайлер мамандардың қызметі ұйымдастырылды», – делінген ҰҚҚ таратқан хабарламада. 

Сонымен қатар, жиын барысында террористік оқиғаларға жол бермеуге және еліміздегі тұрақтылықты сақтауға күш салынғаны атап өтілді.

Қолға алынған шаралар нәтижесінде, 3 рет террористік әрекеттің жолы кесілсе, 7 радикалдық топ пен 34 экстремистің қылмыстық әрекеті бейтапатандырылған.

2019 жылға белгіленген барлық мақсатты индикаторларға қол жеткізілген.
 

Подписывайтесь на нас в Google News
Материалы по теме