2025 жылға дейін ҚР Ұлттық қорына 500 млрд теңге аударылады

2022–2025 жылдары ірі ұлттық компаниялардың IPO-ға шығуы нәтижесінде Ұлттық қорға 500 миллиард теңге аудару жоспарлануда. Тоқаевтың қатысуымен өткен үкіметтің кеңейтілген отырысында «Самұрық-Қазына» қорының басшысы Алмасадам Сәтқалиев осылай деді.

Оның айтуынша, «Самұрық» портфельдік компанияларының IPO және SPO бойынша жұмыс жалғасуда.

 «Қазір қаржы нарықтарында белгісіздік бар екенін түсінеміз. Экономикалық өсудің инвестициялық циклінің ұзақтығы туралы сарапшылардың әртүрлі болжамдары бар. Осыған байланысты біз компанияларымыздың, атап айтқанда «ҚазМұнайГаз» пен «Эйр Астананың» IPO-ға абсолютті дайындығы парадигмасынан шығамыз», – деді Сәтқалиев.

Ол екінші кезеңде компаниялардың бәсекелестік ортаға шығу критерийлерін бекіту күтіліп отырғанын, ал одан шығу кезінде IPO есебінен 500 млрд теңгеге дейін табыс түсетінін айтты.