Жаңалықтар

Астанада түнгі клубтың жанында қоғамдық тәртіпті бұзған тұрғын 10 тәулікке әкімшілік қамауға алынды.

Елорданың Әкімшілік құқық бұзушылықтар жөніндегі мамандандырылған ауданаралық соты хабарлауынша, 17 қазан күні таңғы сағат 05:00 шамасында азамат түнгі клуб маңындағы қоғамдық орында дәрет сындырған.

Тәртіп бұзушылық фактісі Threads әлеуметтік желісінде жарияланған видеожазба арқылы дәлелденді.

Сот отырысында ол өз кінәсін толық мойындап, өкінетінін және оқиға кезінде мас күйде болғанын айтты.

Сот азаматты Әкімшілік құқық бұзушылық туралы кодекстің 434-бабының 1-бөлігі («Ұсақ бұзақылық») бойынша айыпты деп тапты. Оқиғаның мән-жайын ескере отырып, оған 10 тәулікке әкімшілік қамауға алу жазасы тағайындалды.

Сот қаулысы әлі заңды күшіне енген жоқ.

Солтүстік және шығыс өңірлерде қар жауып, көктайғақ болып, оңтүстікте түнде үсік жүреді. «Қазгидромет» 23 қазанға арналған ауа райы болжамын ұсынды, деп хабарлайды Kursiv.Media.

Астанада көшпелі бұлт, жауын-шашынсыз, жел 7-12 м/с. Ауа температурасы түнде -2…-4°C, күндіз 0…+2°C.

Алматыда көшпелі бұлт, жауын-шашынсыз, жел 3-8, екпіні 13 м/с. Температура түнде 0…+2°C, күндіз +8…+10°C.

Шымкентте көшпелі бұлт, жауын-шашынсыз, жел 8-13, екпіні 15-20 м/с. Ауа температурасы түнде +3…+5°C, күндіз +16…+18°C.

Ақтауда көшпелі бұлт, жауын-шашынсыз, жел 7-12 м/с. Ауа температурасы түнде +8…+10°C, күндіз +20…+22°C.

Ақтөбеде ашық, жауын-шашынсыз, жел 3-8 м/с. Ауа температурасы түнде -1…-3°C, күндіз +10…+12°C.

Атырауда ашық, жауын-шашынсыз, жел 6-11 м/с. Ауа температурасы түнде +6…+8°C, күндіз +17…+19°C.

Жезқазғанда көшпелі бұлт, жауын-шашынсыз, жел 9-14 м/с. Ауа температурасы түнде -2…-4°C, күндіз +6…+8°C.

Көкшетауда көшпелі бұлт, жауын-шашынсыз, жел 9-14, екпіні 15-18 м/с. Ауа температурасы түнде -2…-4°C,күндіз 0…+2°C.

Қарағандыда көшпелі бұлт, жауын-шашынсыз, жел 7-12 м/с. Ауа температурасы түнде -3…-5°C, күндіз 0…+2°C.

Қонаевта көшпелі бұлт, жауын-шашынсыз, жел 9-14 м/с. Ауа температурасы түнде...

Бельгия астанасы Брюссельдің ең басты белгілерінің бірі – «Маннекен Пис» мүсіні Қазақстанның Республика күніне орай қазақтың ұлттық шапанын киді, деп жазады Kursiv.Media.

Бұл ерекше шара Қазақстан мен Бельгия арасындағы достық қарым-қатынас пен мәдени байланыстың айқын көрінісіне айналды. Ұлттық нақыштағы киіммен көмкерілген мүсін екі ел арасындағы рухани сұхбатты айшықтап, Еуропа төрінде қазақ мәдениетін тағы бір мәрте дәріптеді.

Бельгия астанасының тұрғындары мен қала қонақтары қазақы шапан киген әйгілі мүсінді 21 қазан күні сағат 18:00-ге дейін тамашалау мүмкіндігіне ие болды.

Алматылық «Қайрат» футбол клубы УЕФА Конференция лигасының негізгі кезеңіндегі екінші ойынында Грекияның «Панатинаикос» командасынан 1:5 есебімен жеңілді, деп хабарлайды Kursiv.Media.

22 қазанда Алматыда өткен кездесуде қонақтар алғашқы минуттан-ақ басымдық танытты. Матчтың 6-минутында Висенте Таборда есеп ашып, грек клубын алға шығарды. Ал 24-минутта Сирил Дессерс пенальтиден гол соғып, есеп айырмасын екі допқа жеткізді.

29-минутта «Панатинаикос» шабуылшысы Андреас Тетте тағы бір мәрте қақпаны дәл көздегенімен, бейнеқайталаудан кейін төреші офсайд тіркеп, голды есепке алмады.

Бірінші таймның соңына қарай екі команда ойыншылары да ескерту алды. «Қайрат» сапынан Еркін Тапалов пен Александр Мрынскийге, ал қонақтардан Эрик Палмер-Браунға сары қағаз көрсетілді. Үзіліске командалар 0:2 есебімен...

Қазақстан Біріккен Араб Әмірліктерінің Лана Заки Нусейбені БҰҰ Бас хатшысы лауазымына ұсыну бастамасын құптайды әрі қолдайды, деп хабарлайды Kursiv.Media. Лана Заки Нусейбе — БАӘ Сыртқы істер мемлекеттік министрі және елдің БҰҰ жанындағы бұрынғы Тұрақты өкілі.

«Бейбітшілік пен қауіпсіздікті, орнықты дамуды қамтамасыз ету және адам құқықтарын қорғауда БҰҰ тиімділігін арттыруға қатысты күтулер өсіп жатқан жағдайда Бұрынғыдай БҰҰ Бас хатшысын сайлау халықаралық қоғамдастықтың ерекше назарын аударып отыр. Сайлау процесі Қауіпсіздік Кеңесінде консенсусқа жетудегі белгілі бір қиындықтармен қатар жүруде, бұған бейресми дауыс берудің алдыңғы кезеңдерінің нәтижелері дәлел. Осыған байланысты Қазақстан кандидаттар аясының кеңеюін құптайды және мұны конструктивті диалогты...

Шығыс Қазақстан облысында қолайсыз ауа райының салдарынан жолда қалған энергетика компаниясының қызметкерлері аман-есен қауіпсіз жерге жеткізілді, деп хабарлайды Кursiv.Media.

Төтенше жағдай Күршім ауданына қарасты Құйған ауылдық округінің Татарка учаскесінде орын алған. Жоспарлы жұмыспен жолға шыққан электр желісінің 7 маманы мінген екі көлік қалың қарға батып жолда қалған.

Хабар түскен бойда арнайы техникамен оқиға орнына жеткен құтқарушылар мамандарды жақын елдімекенге жеткізді. Барлығы аман, медициналық көмек қажет болған жоқ

ТЖМ алыс жолға шықпас...

Қазақстандық теннисші Елена Рыбакина әлемдік рейтинг көшбасшысы мәртебесіндегі алғашқы жеңісіне қол жеткізді. Оның қарсыласы ойынды жалғастырудан бас тартты, деп хабарлайды Кursiv.Media.

Нинбодағы (Қытай) WTA 500 сериялы турнирінің екінші айналымында Рыбакина өзбекстандық Полина Кудерметоваға қарсы алаңға шықты. Қазақстандық теннисші 5:0 есебімен алда келе жатқанда, қарсыласы денсаулығына байланысты ойынды әрі қарай жалғастыра алмайтынын мәлімдеді. Ойын 33 минутқа ғана созылды.

Матч аяқталған соң, Рыбакина көз жасына ерік берген қарсыласын құшақтап, қолдау білдірді.

Келесі айналымда Рыбакина әлемнің үздік теннисшісі польшалық Катарина Каваға қарсы ойнайды. Ол Нинбодағы турнирдің қазіргі чемпионы.

Айта кетейік, әлемнің бірінші ракеткасы атанғаннан кейінгі алғашқы матчында Рыбакина Бейжіңдегі турнирдің бастапқы кезеңінде армениялық Алина Чараевадан ұтылып қалған еді. Осы кездесуден кейін...

Қазақстанда 1 қазаннан бастап ірі салық берешегі бар азаматтардың елден шығуына уақытша шектеу қою шарасы қолданыла бастады, деп хабарлайды Kursiv.Media.

Қаржы министрлігі Мемлекеттік кірістер комитетінің хабарлауынша, ереже жеке кәсіпкерлерге, өзін-өзі жұмыспен қамтитын тұлғаларға, сондай-ақ заңды тұлғалардың бірінші басшыларына (немесе оларды алмастырушыларға) қолданылады.

Шектеу берешек көлемі 27 мың АЕК-тен асса және оны 3 айдан астам уақыт бойы төлемеген жағдайда қолданылады. Шешім сот санкциясы арқылы жүзеге асады.

Салық өндірудің жаңа тәртібі:

Қазақстанда азаматтардың әлеуметтік желілерде өз пайдасына қаражат жинауын реттеу және жиналған ақшаның жұмсалуы бойынша есеп беруді міндеттеу ұсынылып жатыр, деп хабарлайды Kursiv.Media.

Мәдениет және ақпарат министрлігі дайындаған тиісті заң жобасы «Ашық НҚА» порталында жарияланды.

Қаражат жинайтындардың жауапкершілігі

Қаражат жинайтын азаматтар «қайырымдылық еріктісі» статусын алады. Жиналған ақшаны мақсатсыз пайдаланған жағдайда әкімшілік немесе қылмыстық жауапкершілікке тартылады.

Ашықтық пен есеп

Қаржы жинаушылар бірыңғай цифрлық ресурсқа жылу ашылғаны туралы мәліметті және қаражаттың жұмсалуы бойынша есептерді орналастыруға міндеттеледі.

Жәшік орнату 

Қайырымдылық жәшіктерін орнату үшін ғимарат иесімен келісімшарт қажет болады. Ақшаны сандықтан алу процесі кемінде 3 өкілдің қатысуымен және акт толтыру арқылы жүзеге асырылады.

Атырауда жалған мемлекеттік тіркеу нөмірін пайдаланған Toyota Camry автокөлігінің жүргізушісі бір жылға жүргізуші куәлігінен айырылды, деп хабарлайды Kursiv.Media.

Polisia.kz хабарлауынша, қара түсті седан «Құқықтық тәртіп» жедел-профилактикалық іс-шарасы барысында түнде Абай орталығы аумағында тоқтатылған. Тексеру кезінде патрульдік полиция қызметкерлері көліктің алдыңғы мемлекеттік тіркеу нөмірінің жалған екенін анықтады.

Іс-құжаттары мамандандырылған әкімшілік сотқа жіберіліп, сот шешімімен заң бұзушыға бір жыл мерзімге жүргізуші куәлігінен айыру және екі тәулікке әкімшілік қамауға алу жазасы тағайындалды.

Айта кетейік, осыған дейін Ішкі істер министрлігі жүргізуші куәлігін алу тәртібі өзгергенін хабарлаған еді. 

АҚШ Мемлекеттік департаменті хуситтердің шабуылдарына байланысты Сауд Арабиясынан штаттан тыс мемлекеттік қызметшілері мен олардың отбасы мүшелерін елден алып кету туралы өкім шығарды, деп хабарлайды Kursiv.Media.

The Hill ақпаратына сүйенсек, жаңа жарлық хуситтердің Сауд Арабиясы қолдайтын Йемен үкіметіне қарсы соғысы аясында шыққан. 

Хуситтер Сауд Арабиясы аумағындағы инфрақұрылымдарға, соның ішінде азаматтық әуежайлар мен басқа да маңызды нысандарға соққы беріп жатыр. Бұл бейбіт тұрғындар арасында адам шығынына әкелуде.

21 қазан күні АҚШ-тың Сауд Арабиясындағы елшілігі хуситтер шабуыл жасауы ықтимал деген болжамға байланысты қауіпсіздік шараларын күшейтуді ескертті.

19 қыркүйекте Сауд Арабиясы бастаған әскери коалиция хуситтердің Эр-Риядқа баллистикалық зымыран ұшырмақ болғанын хабарлаған. Коалиция өкілі Турки әл-Маликид...

Tesla жүргізушісіз жүретін Cybercab электромобилін клиенттерге 2026 жылдың соңына дейін жеткізуді бастауды жоспарлап отыр. Алайда бастапқы кезеңде көліктердің басым бөлігі компанияның өз роботакси паркіне жіберіледі. Бұл туралы Motor1 басылымы хабарлады.

Алдымен роботакси қызметіне басымдық беріледі

Қазір шығарылып жатқан Cybercab көліктерінің барлығы Tesla компаниясының корпоративтік роботакси паркіне қосылып жатыр. Компания басшысы Илон Маск бұл модель жеке пайдалануға емес, ең алдымен жолаушылар тасымалдау қызметіне арналғанын атап өтті. Оның айтуынша, электромобильдердің басым бөлігі Tesla меншігінде қалады.

Компанияның автомобиль инженериясы жөніндегі вице-президенті Ларс Морави алғашқы кезеңде клиенттерге көлік жеткізу көлемі шектеулі болатынын түсіндірді. Алдымен Tesla автономды көліктерді сатып алушыларға тапсыру, оларды иелену және...

«Қазақконцерт» сахнасында америкалық өнерпаз «Адай» күйін орындап, көпшілікті таңырқатты, деп хабарлайды Kursiv.Media.

Мәдениет және ақпарат министрлігінің ақпаратынша, АҚШ-тан келген әуесқой музыкант Джеффтің домбырамен Құрманғазының әйгілі «Адай» күйін орындады. Оның өнері көрермендердің ыстық ықыласына бөленіп, қазақтың күй өнеріне шетелде де қызығушылық жоғары екенін көрсеткен.

«Біздің жәрмеңке» атты мерекелік концерт Республика күніне орай өткен. Кеш барысында халық әндері мен күйлері орындалып, жыр-термелер шырқалып, ұлттық билер ұсынылды.

Сахнада Қазақстанның еңбек сіңірген қайраткерлері Нұржан Жанпейісов, күйші-зерттеуші Айтолқын Тоқтаған, «Қыздар» ансамблі мен «Шалқыма» би ансамблі және басқа да өнерпаздар өнер көрсетті.

Айта кететін жайт, Еуропаның ең биік шыңы Эльбруста «Адай» күйі күмбірлеген ед...

Алматы қаласының дәрігерлері салмағы небәрі 679 грамм болып туған шала нәрестені аман алып қалды. Сәби 70 күн бойы жансақтау бөлімінде жатқан, деп хабарлайды Kursiv.Media Денсаулық сақтау министрлігің баспасөз қызметіне сілтеме жасап.

Ұл бала 2026 жылғы 8 тамызда жүктіліктің 26 аптасы мен 6 күнінде дүниеге келген. Анасы шұғыл түрде перинаталдық орталыққа жеткізілген. Жүктілік кезіндегі асқынуларға байланысты медициналық көрсетілімдер бойынша кесар тілігі жасалған.

«Реанимацияда 70 күн, өкпені жасанды желдету аппаратында 43 күн, СИПАП әдісімен тыныс алуды қолдау кезінде тағы 25 күн өткізген сәби ақыры анасымен қауышты», – деп жазды ведомство.

Өмірінің алғашқы минуттарынан бастап нәрестеге...

Геосаяси шиеленіс пен саяси тұрақсыздық фонында АҚШ, Еуропа және Таяу Шығыстың ірі инвесторлары өз алтын қорларын Сингапурға белсенді түрде көшіре бастады, деп хабарлайды Kursiv.Media.

Bloomberg агенттігінің жазуынша, 2014 жылдан бері Сингапурдағы жеке алтын қоры 16 есеге жуық өсіп, 800 тоннадан асқан.

Ал Silver Bullion компаниясындағы шетелдік клиенттерге тиесілі алтын көлемі 2020 жылдан бері үш есе артып, 8,6 тоннаға жетті.

Сингапур билігі Гонконгпен бәсекелесе отырып, бұл трендті елді асыл металдар саудасының негізгі азиялық орталығына айналдыру үшін белсенді түрде пайдаланып отыр.

Бұған дейін Forbes әлемдегі ең дәулетті 10 адамның тізімін жаңартты. Олардың көбі АҚШ-та тұрады. Олар технологиялар мен жасанды интеллектін...

Мемлекет басшысы Қасым-Жомарт Тоқаев атом энергиясы жөніндегі агенттік төрағасы Алмасадам Сәтқалиевті қабылдады. Кездесуде агенттіктің 2026 жылы атқарған жұмыстарының негізгі нәтижелері мен атом өнеркәсібін дамытудың басым бағыттары талқыланды, деп хабарлайды Kursiv.Media.

Президентке агенттік төрағасы атом энергетикасы саласындағы жобалардың іске асырылу барысы, атом ғылымы мен инновацияларды дамыту, білікті мамандар даярлау және жобалардағы отандық үлесті арттыру жөнінде баяндама жасады.

Сонымен қатар АЭС құрылысына қатысты мәселелер қаралды. Кездесуде Семей ядролық қауіпсіздік аймағын құруға, радиоактивті қалдықтарды басқару жүйесін жетілдіруге және ядролық әрі радиациялық қауіпсіздік саласындағы нормативтік-құқықтық базаны нығайтуға ерекше назар аударылды.

Кездесу қорытындысы бойынша Қасым-Жомарт Тоқаев ұлттық атом энергетикасын дамыту мәселелерін айрықша бақылауда ұстауды тапсырды.

24 қазан, сенбі күні Парижде қақтығыстардың жаңа толқыны болуы мүмкін. Осыған орай Эммануэль Макрон Елисей сарайында арнайы қызметті жинап, шұғыл жиын өткізіп жатыр, деп жазады Kursiv.Media Euronews-ке сілтеме жасап.

Француз құзырлы органдары 24 қазанда өткен сенбіге қарағанда ауқымды шеру болуы мүмкін деп болжап отыр. Осыған орай ең жоғары деңгейдегі отырыстар өтіп жатыр.

Болжам дұрыс болмай шықты

Ел президенті Эммануэль Макрон премьер-министр Себастьен Лекорню, тиісті министрлер және құзырлы органдардың қатысуымен 22 қазанда қауіпсіздік кеңесінің жиынын өткізген. Үкімет «барлау қызметі, болжам жасау және қауіпсіздікті қамтамасыз ету жүйесінің» жұмысын бағалайды. Жиыннан кейін Макрон тағы бір мәлімдеме жасайды...

Ұлытау облысында отбасылық зорлық-зомбылық бойынша 568 адам бақылауға алынды, деп хабарлайды Kursiv.Media.

Polisia.kz хабарлауынша, отбасылық-тұрмыстық зорлық-зомбылықтың алдын алу мақсатында полиция профилактикалық есепте тұрған 568 адамды бақылауда ұстап отыр. Сонымен қатар өңірде 629 қорғау нұсқамасы шығарылып, құқық бұзушылардың мінез-құлқына қатысты 257 ерекше талап белгіленді.

«Аталған шаралар тұрмыстық жанжалдардың ушығуына жол бермеуге, құқық бұзушылықтарды дер кезінде анықтауға және зардап шегу қаупі бар азаматтарды қорғауға бағытталған. Полиция қызметкерлері профилактикалық есепте тұрған адамдармен жұмыс жүргізіп, олардың заң талаптарын сақтауын бақылауда ұстайды», – делінген хабарламада.

Полицияның пікірінше, отбасындағы зорлық-зомбылықты жеке мәселе деп қарастыруға болмайды. Қорқыту, қысым көрсету және күш...

Елдегі полиция қызметкерлері тұрғын үйлерді аралап, жалға берілетін пәтерлерді, жатақханалар мен қонақүйлерді тексеруде. Олар тұрғындардың тіркеуде бар-жоғын анықтап, көршілерден түскен шағымдарды қарайды және қоғамдық тәртіптің сақталуын бақылайды. Бұл «Қауіпсіз аула» жедел-профилактикалық рейд аясында жүргізіліп жатыр.

Полиция нені тексереді

Рейд барысында бірнеше мәселеге назар аударылады:

Қазақстан Ұлттық Банкі «Сиқырлы нышандар» сериясынан «AQYQ» коллекциялық монетасын айналысқа шығарады. Күміс монетаны әшекей-бұйым ретінде де пайдалануға болады, деп хабарлайды Kursiv.Media банктің баспасөз қызметіне сілтеме жасап.

«AQYQ» – жартылай асыл тас. Халцедон тобына жатады. Зергерлік бұйымдар мен сәндік заттарда қолданылады.

«Монетаның көркемдік безендірілуінен қазақ зергер өнерінің қолтаңбасы айқын көрінеді: зерделі сіркелеу әдісі, теріс бетіндегі өрнек пен ақық қондырмасы өзара жарасым тапқан. Монетаның жоғарғы бөлігінде алқа бауын тағуға мүмкіндік беретін арнайы баулық қарастырылған», – дейді ҚҰБ Қолма-қол ақша айналысы департаментінің бас дизайнер-маманы Жанна Нөгербек.

925 сынамалы күмістен дайындалған монетаға ақық тасы қондырылған. Оны...

Қарағандылық «Шахтер» Қазақстан Бірінші лигасының 2026 жылғы маусымын жеңіліспен аяқтады. Чемпионатты мерзімінен бұрын жеңіп алған команда соңғы турда «Қайрат-Жастарға» 2:3 есебімен есе жіберді, деп хабарлайды Kursiv Media.

22 қазанда Бірінші лиганың 26-туры аясында «Шахтер» өз алаңында алматылық «Қайраттың» жастар құрамасын қабылдады.

Тартысты өткен кездесуде қонақтар 3:2 есебімен жеңіске жетті. Осылайша, қарағандылық клуб маусымдағы үшінші жеңілісіне ұшырады.

Дегенмен бұл нәтиже «Шахтердің» турнир кестесіндегі орнына әсер еткен жоқ. Қарағандылық команда бұған дейін-ақ Бірінші лиганың чемпионы атанып, Қазақстан Премьер-лигасына жолдаманы қамтамасыз еткен.

«Шахтер» биылғы маусымда 26 матч өткізіп, 21 жеңіске жетті, екі рет тең ойнады және үш кездесуде жеңілді. Команда...

Танымал әнші Тоқтар Серіков футбол бапкері Самат Смақовтың мәдениеттілігіне таңырқады, деп хабарлайды Kursiv.Media.

Тоқтардың айтуынша, Самат Смақов – қазақ елінің маңдайына біткен арда ұл.

«Ала доппен алысып жүріп, арманына жеткен мықты азамат. Бір үлкен іс-шарада жолығысып қалдық. Не деген кішіпейіл, не деген мәдениетті азамат. Бір топырақта туғаннан кейін бе, әңгімеміз де жарасымын тапты. Футболға бір қатты жанкүйер де емеспін», – деді Тоқтар Серіков.

Дейтұрғанмен, Тоқтар Серіковтың айтуынша,  біздің елдің жігіттерінің әрқайсысы осал емес.

«Аман бол елдің еңселі ұлы. Өзіңді қазақ даласындағы әр қазақтың баласы жақсы көреді», – деп жылы лебізін білдірді әнші.

Айта...

«Отбасы банкінің» тұрғын үймен қамтамасыз ету орталығы департаментінің директоры Азат Әшімов тұрғын үй кезегінде тұрғандардың арасында 400 пәтерде үлесі болған азамат анықталғанын айтты, деп хабарлайды Kursiv.Media.

Оның айтуынша, бұрын азаматтарға баспана бөлінген кезде ұсынылған нұсқадан бас тартса, қайтадан тұрғын үй алу мүмкіндігін күтуге тура келетін.

Қазір азаматтар өздеріне қолайлы ауданды таңдап, сол аумақтағы тұрғын үйді күте алады. Мәселен, Алматыда кезекте тұрған адамға Наурызбай ауданынан баспана ұсынылса, бірақ ол Медеу ауданын қаласа, ұсыныстан бас тартып, өзі таңдаған аудандағы тұрғын үйдің бөлінуін күте алады.

«Алматыда 2011 жылдан бері кезекте тұрған кейбір азаматтарға соңғы екі айда 11 ретке дейін...

Әлемге танымал әнші Димаш Құдайберген мүлде жаңа әндер кіретін альбомын шығаратынын жария етті, деп хабарлайды Kursiv.Media.

Оның айтуынша, альбомның қашан жарыққа шығатыны әлі нақтылауды талап етеді. Десе де, оның тең жарымы бұрын естімеген әндер болмақ.

«Сіздерден сүйінші сұрағым келіп отыр. Қараша айында жоспарымды жарияламақпын. Нақты күнін кейінірек айтармын. Дәл бүгін мүлде жаңа альбом шығатынын айта аламын. Сіздер тыңдаған концерт толық альбом емес. Альбомдағы шығармалардың жартысы концертте естімеген мүлде жаңа болады», – деді Димаш Құдайберген.

Айта кететін жайт, халық әртісі Димаш 21 қазанда TikTok әлеуметтік желісінде тікелей эфирге шығып, жанкүйерлеріне ешкім күтпеген жаңалықты бөлісетінін...