Жаңалықтар

Петропавлда жаңа медициналық жедел жәрдем стансасын салуға Инфрақұрылымды дамыту қорынан 5,9 млрд теңге бөлінді. Оның ішінде 800 млн теңгеге медициналық жабдықтар сатып алу көзделген, деп хабарлайды Kursiv.Мedia үкіметтің баспасөз қызметіне сілтеме жасап.

Қазіргі уақытта облыстық жедел медициналық жәрдем стансасы қаладағы 22 бригаданың және ауылдық жерлердегі 14 бөлімшенің жұмысын үйлестіреді. Олар 510 мыңнан астам тұрғынға медициналық қызмет көрсетеді. Әр бригада тәулігіне орта есеппен 16 шақыртуға шығады. Жыл сайынғы шақыртулар саны 100 мыңнан асады.

Құрылыс қашан аяқталады

Жалпы аумағы 1,5 гектар болатын кешеннің құрамына төрт қабатты негізгі ғимарат, цифрлық диспетчер қызметі, симуляциялық орталық, 20 санитариялық автокөлікке...

9 қарашадан бастап Қазақстанда су есептегіштерді орнату талаптары жаңарды. Енді жаңадан орнатылатын және істен шыққан құрылғылардың орнына қашықтан дерек жіберетін есептегіштер қойылуы керек. Осыған байланысты тұрғындарда бұрыннан қолданыстағы есептегіштерді де ауыстыру қажет пе деген сұрақ туындады. Өнеркәсіп және құрылыс министрлігі жаңа талаптарға қатысты түсініктеме берді. Бұл туралы Kursiv.Media Krisha.kz-ке сілтеме жасап хабарлайды.

Қолданыстағы есептегіштерді ауыстыру керек пе

Өнеркәсіп және құрылыс министрлігінің түсіндіруінше, жұмыс істеп тұрған су есептегіштерін жаңасына ауыстыру міндетті емес. Олар жарамды болса және белгіленген мерзімде тексеруден өтіп тұрса, әрі қарай пайдалануға болады. Әдетте мұндай тексеру төрт-бес жыл сайын жүргізіледі.

Есептегіш істен шықса...

«Самұрық-Қазына» ұлттық әл-ауқат қоры басқарма төрағасы Нұрлан Жақыповтың ұсталуына қатысты түсініктеме берді. Қор өкілдері құқық қорғау органдарына жан-жақты көмек көрсетіп жатқанын мәлімдеді.

Қордың баспасөз қызметінің хабарлауынша, қазір уәкілетті органдар тергеу әрекеттерін жүргізіп жатыр.

«Қор Қазақстан Республикасының қолданыстағы заңнамасы аясында құқық қорғау органдарымен жан-жақты ынтымақтасып жатыр. Қажетті өзара іс-қимылды қамтамасыз етіп, сұратылған ақпарат пен материалдарды ұсынып отыр», – деп жазылған хабарламада.

Еске салайық, бүгін Самұрық-Қазына» қорының басқарма төрағасы Нұрлан Жақыпов пен «Қазақстан темір жолы» басшысы Елжас Отыншиев пара алу ісі бойынша ұсталды. ҰҚК олар жемқорлық жасады деп күдіктеніп отыр.

«Самұрық-Қазына» – Қазақстанның ірі стратегиялық кәсіпорындарын басқаратын мемлекеттік ұлттық әл-ауқат...

Қазақстандық әнші Нұрлан Албанның ұлы Отан алдындағы әскери борышын өтеп, отбасына аман-есен оралды. Өнер иесі қуанышты жаңалығын әлеуметтік желідегі парақшасында бөлісті, деп хабарлайды Kursiv Media.

Әнші ұлының әскерден оралған сәтіне қатысты бейнежазба жариялап, көпшіліктен сүйінші сұрады.

«Сүйінші! Балам Отан алдында әскери борышын өтеп, аман-есен шаңыраққа оралды. Әскерде жүрген әр сарбаздың аман-сау отбасына оралуын шын ниетіммен тілеймін!» – деп жазды Нұрлан Албан.

Өнер иес...

Дженсен Хуангтың көңілдесі болған Элис Хуанг Қытай астанасы Бейжіңде тұрып жатыр. Оның қайда жүргенін Қытай қауіпсіздік қызметі біледі деп жазады Bloomberg дереккөздеріне сілтеме жасап.

Ал Тайвань билігі ұлттық қауіпсіздік мәселесіне байланысты Элис Хуангтың аралға кіру рұқсатын жойғанын мәлімдеді. Тайвань көші-қон агенттігінің мәліметінше, Элис Хуанг бұған дейін аралға сегіз рет Гонконг паспортымен кірген.

Дженсен Хуангты Конгреске шақырды

Бұл уақытта Республикалық партия өкілдері Дженсен Хуангты 18 қарашада жабық кездесуге шақырды. Ұсынысты Брайан Маст, Джон Муленаар және Рик Кроуфорд айтқан.

Конгресс мүшелері Дженсен Хуангтан Элис Хуангпен қарым-қатынасы туралы түсініктеме алғысы келеді. Джон Муленаардың айтуынша, егер Дженсен Хуанг...

АҚШ Ресейге Еуропадағы қауіпсіздік мәселелеріне қатысты жаңа келісім жобасын әзірлеуді ұсынды, деп хабарлайды Kursiv.Мedia. 

Axios мәліметінше, бұл мәселе Абу-Дабиде өткен Украина бойынша келіссөздердің негізгі тақырыптарының біріне айналған.

Кездесу барысында Ресей өкілдері Украинадағы ауқымды соғыс АҚШ-тың бұрынғы президенті Джо Байден Владимир Путиннің қауіпсіздікке қатысты алаңдаушылықтарына қатысты хатына жауап бермегендіктен басталғанын мәлімдеген.

Бұған жауап ретінде АҚШ президентінің арнайы өкілдері Стив Уиткофф пен Джаред Кушнер Мәскеудің қауіпсіздік саласындағы алаңдаушылық пен талаптарын ескеретін жаңа келісім жобасын әзірлеуді ұсынған.

Құжатта Ресейдің Еуропа елдерімен арадағы шиеленісті азайту үшін қандай «симметриялы қадамдарға» баруға дайын екені де көрсетілуі тиіс. Уиткофф пен Кушнер мәселелерді байыпты талқылау үшін келіссөздерге Еуропа өкілдерін...

Қазақстан Қор биржасында сағат 14:43-тегі жағдай бойынша, бір АҚШ долларының бағамы 443,1 теңгені құрады. Кеше, яғни 11 қарашада ресми сауда бағамы 1/444 теңге деп жабылған еді. Осылайша теңге біртіндеп нығайып келеді.

Елде 2026 жылдың үшінші тоқсанының қорытындысы бойынша жұмыссыздық деңгейі 4,5%-ды құрады. Мұндай деректі Ұлттық статистика бюросы келтірді, деп хабарлайды Kursiv.Мedia. 

Ведомствоның мәліметінше, елдегі жұмыс күшінің саны 9 млн 849 мың адамға жетті. Оның ішінде 9 млн 403,4 мың адам экономиканың түрлі салаларында жұмыспен қамтылған.

Жұмыс істейтін қазақстандықтардың көбісі – жалдамалы қызметкерлер. Олардың саны 7 млн 247,7 мың адамды немесе жұмыспен қамтылғандардың жалпы санының 77,1%-ын құрады. Тағы 2 млн 155,7 мың адам (22,9%) өзін-өзі жұмыспен қамтығандар санатына жатады. 15 жастан асқан халық арасындағы жұмыспен қамту деңгейі 64,3% болды.

Қазақстандықтардың көбі қай салада жұмыс істеп жатыр?

2026 жылдың сәйкес...

2027 жылғы 1 қаңтардан бастап бала күтімі бойынша төлем алатын әйелдер үшін мемлекет есебінен жасалатын қосымша зейнетақы аударымдары тоқтатылады. Соның салдарынан декреттегі әйелдердің зейнетақы шотына түсетін жарна көлемі 60%-ға қысқарады, деп хабарлайды Kursiv.media.

Қазір бала күтімі бойынша ай сайынғы төлем әйелдің соңғы екі жылдағы орташа табысының 40%-ы мөлшерінде есептеледі. Осы төлемнің 10%-ы міндетті зейнетақы жарнасы ретінде ұсталады. Бұған қоса, мемлекет зейнетақы аударымдарының жалпы сомасы декретке дейінгі жалақының 10%-ына жетуі үшін жетпейтін бөлігін қосып төлейді.

Мәселен, әйелдің декретке дейінгі орташа айлық жалақысы 500 мың теңге болған жағдайда, есеп мынадай болады:

PFL ұйымының жеңіл салмақтағы чемпионы Усман Нұрмағамедов пен оның командасы Абу-Дабидегі қонақүйлердің бірінде болған жаппай төбелестен кейін полицияға жеткізілгені хабарланды. UFC ұйымының бұрынғы чемпионы Мераб Двалишвили ресейлік спортшы мен оның қасындағы адамдар өзін және досын жабылып соққыға жыққанын мәлімдеді, деп хабарлайды Kursiv Media.

Оқиға 11 қарашада Біріккен Араб Әмірліктерінің астанасы Абу-Дабидегі қонақүйлердің бірінде болған. Грузиялық спортшы қалаға Real American Freestyle (RAF) күрес турниріне қатысу үшін келген. Оқиға орнына полиция қызметкерлері келіп, спортшыларды ұстап әкетті.

Кейбір ақпарат құралдары ресейлік спортшының кінәсі дәлелденсе, БАӘ заңнамасына сәйкес оған бір жылға дейін бас бостандығынан айыру жазасы немесе шамамен 2700 доллар (1,3 млн...

Биылғы тоғыз айдың қорытындысы бойынша Air Astana 2,7 млн доллар таза шығынға ұшырады. Бұған шығындардың кірістен жылдам өсуі мен шетелдік әуе отынының 47%-ға қымбаттауы себеп болған, деп хабарлайды Kursiv.Мedia. 

Air Astana 2026 жылдың 3-тоқсаны мен тоғыз айындағы қаржылық нәтижелерін жариялады. Компанияның түсімі екі таңбалы қарқынмен өсуін жалғастырып келеді, алайда шығындардың артуы бизнестің рентабельділігін айтарлықтай төмендетіп отыр.

2026 жылдың тоғыз айындағы негізгі қаржылық көрсеткіштер

2026 жылдың тоғыз айында Air Astana тобының жалпы кірісі 17,9%-ға артып, 1,29 млрд долларға жетті. Дегенмен ақша көп түскенімен, компанияның негізгі операциялық табысы (EBITDAR – ұшақ жалдау мен салықтарды шегергенге дейінгі пайда) 5,7%-ға азайып...

Ұлттық қауіпсіздік комитеті «Самұрық-Қазына» мен ҚТЖ басшыларын пара алу ісі бойынша ұстады. Екі ірі компания басшысының бір күнде ұсталуы айтулы оқиға болып отыр, деп хабарлайды Kursiv.Мedia. 

Нұрлан Жақыпов пен Елжас Отыншиевті не байланыстырады

Жақыпов пен Отыншиев 2009 жылы «Тау-Кен Самұрық» компаниясына түрлі департаментті басқаруға бір уақытта жұмысқа тұрған. Бұл мекемеде екеуі 2-3 жыл еңбек еткен.  

2021 жылы «Kazakhstan Investment Development Fund (KIDF) компаниясында Отыншиев Жақыповтың орынбасары қызметін атқарыпты. 

Елжас Отыншиев «Қазақстан темір жолын» небәрі 4 ай ғана басқарды. Ал бұл қызметке ол «Самұрық-Қазына» қорынан келген. Ең қызығы Нұрлан Жақыпов пен Елжас Отыншиев 2023 жылдың сәуірінде «Самұрық-Қазына» АҚ-ға да қызметке бір уақытта орналасқан. Екеуі үшінші рет...

Қазақстанда кәсіпкерлерге арналған бірқатар лицензия мен рұқсатты автоматты түрде беру жүйесі енгізілді. Бұрын 15–30 күнге созылатын рәсімдер енді ақпараттық жүйелер арқылы бірнеше минутта орындалады, деп хабарлайды Kursiv.Мedia. 

Жаңа жүйе мемлекеттік деректер базаларын біріктіру арқылы жұмыс істейді. Кәсіпкер электрондық өтініш бергеннен кейін жүйе қажетті мәліметтерді өздігінен жинап, белгіленген талаптарға сәйкестігін тексереді. Барлық шарт орындалса, шешім мемлекеттік орган қызметкерінің қатысуынсыз автоматты түрде қабылданады.

Бұған дейін кәсіпкерлер қажетті құжаттарды өздері жинап, мемлекеттік органдарға тапсырып, тексеру мен шешімді бірнеше апта күтуге мәжбүр болған.

Мемлекеттік қызметтер комитетінің төрайымы Айнұр Юсупованың айтуынша, цифрландырудың мақсаты қағаз құжаттарды электрондық форматқа ауыстыру ғана емес, артық әкімшілік рәсімдерді жойып, шешім қабылдау...

15 қарашада Алматыда City Run жүгіру жарысының өтуіне байланысты бірқатар көшеде көлік қозғалысы уақытша шектеледі. Кейбір жолдар таңғы сағат 04:00-ден бастап жабылады, деп хабарлайды Kursiv.Media.

Жексенбі күні Алматыда жүгіру маусымын қорытындылайтын City Run жарысы өтеді. Биыл жарысқа әлемнің 20-дан астам елінен 2 500 жүгіруші қатысады деп жоспарланған.

Жарыс «Астана» алаңынан басталады. Осыған байланысты 15 қараша күні сағат 04:00-ден 12:00-ге дейін Төле би көшесінің Назарбаев даңғылынан Абылай хан даңғылына дейінгі бөлігінде екі бағыттағы көлік қозғалысы толық тоқтатылады.

Қай көшелер жабылады?

Жарыс өтетін күні төмендегі жол учаскелерінде көлік қозғалысы уақытша шектеледі:

Қаңтар-қыркүйек аралығында Астана өңіраралық көші-қонның негізгі тартылыс орталығы болды. Елордаға басқа өңірлерден келгендер саны кеткендерден 52 029 адамға артық. Ал Түркістан облысында кері көрініс: көшіп кеткендер келгендерден 32 142 адамға көп.

Оң көші-қон айырымы бойынша Алматы қаласы екінші орында – 29 019 адам. Шымкентте бұл көрсеткіш 11 128 адамға жетті. Осылайша, үш мегаполистегі жиынтық оң айырма 92 176 адамды құрады.

Облыстар арасында оң көрсеткіш тек Алматы және Ақмола облыстарында тіркелген: тиісінше 8 307 және 5 500 адам. Қалған 15 өңірде кеткендер саны келгендерден асып түскен.

Түркістаннан кейінгі ең үлкен теріс айырма Жамбыл облысында байқалды – 15 470 адам. Қызылорда мен...

Қазақстандықтардың 52,4%-ы елдегі қоғамдық-саяси оқиғаларға қызығушылық танытқанымен, азаматтардың жартысына жуығы қоғамдық-саяси процестерге мүлдем қатыспайды. Бұл туралы DEMOSCOPE қоғамдық пікірге жедел мониторинг жүргізу бюросының «Қазақстан азаматтарының саясатқа араласуын бағалау» атты зерттеуінде айтылған.

Сауалнама 2026 жылғы 5-27 қазан аралығында жүргізілген. Жобаны MediaNet Халықаралық журналистика орталығы PAPERLAB зерттеу орталығымен бірлесіп, Конрад Аденауэр атындағы қордың қолдауымен жүзеге асырған. Зерттеу барысында азаматтардың саяси белсенділік деңгейі, саясатқа араласу тетіктеріне көзқарасы және негізгі билік институттарына деген сенімі сараланған.

Қазақстандықтар саясатқа қызыға ма

Зерттеу нәтижесіне сәйкес, сауалнамаға қатысқандардың 52,4%-ы Қазақстандағы қоғамдық және саяси оқиғаларға қызығатынын айтқан. Ал 44,3%-ы саясаттағы соңғы жағдайларды қадағаламайтынын жеткізген.

Алайда саяси...

Астанада «Самұрық-Қазына» қорының басқарма төрағасы Нұрлан Жақыпов пен «Қазақстан темір жолы» басшысы Елжас Отыншиев пара алу ісі бойынша ұсталды, деп хабарлайды Kursiv.Мedia. Ақпаратты Ұлттық қауіпсіздік комитеті растады.

«2026 жылғы 11 қарашада ҚР ҰҚК Сыбайлас жемқорлыққа қарсы іс-қимыл қызметі сыбайлас жемқорлық қылмысын жасады деген күдікпен «Самұрық-Қазына» АҚ басқарма төрағасы Н. Жақыпов пен «ҚТЖ» ҰК» АҚ басқарма төрағасы Е. Отыншиевті және өзге де тұлғаларды ұстады», – делінген ҰҚК таратқан ресми хабарламада.

Қазіргі уақытта істің барлық мән-жайын анықтауға бағытталған тергеу әрекеттері жүргізіліп жатыр.

Сотқа дейінгі тергеп-тексеру барысы туралы өзге ақпарат Қылмыстық-процестік кодекстің 201-бабына сәйкес жария...

Америкалық Nvidia технологиялық компаниясының бас директоры 63 жастағы Дженсен Хуанг өзінен 15 жас кіші қызметкерімен көңіл жарастырғаны туралы ақпарат тарады. Бұл туралы The New York Times басылымы бұрынғы қызметкерге сілтеме жасап жазды, деп хабарлайды Kursiv.Мedia. 

Басылым мәліметінше, Хуанг компанияның денсаулық сақтау бағыты бойынша вице-президенті, 48 жастағы Кимберли Пауэллмен романтикалық қарым-қатынаста болған. Екеуін биыл наурызда Сан-Хоседегі қонақүйлердің бірінде бірге көрген. Сол уақытта қалада Nvidia компаниясының жыл сайынғы GTC конференциясы өтіп жатқан.

Кимберли Пауэлл Nvidia компаниясында 2008 жылдан бері жұмыс істейді. Ол бастапқыда компанияның графикалық процессорларын медициналық бейнелеу саласында ілгерілетумен айналысқан. Кейін денсаулық сақтау бағытын басқарған. Басылым дерегінше...

Қазақстандық тау-кен өндіруші Solidcore Resources компаниясы Тәжікстан аумағында бағалы және полиметалл кен орындарын барлауға кіріспек. Жобаларды жүзеге асыру үшін компания Тәжікстан Үкіметі жанындағы Геология бас басқармасымен бес жылдық ынтымақтастық меморандумына қол қойды, деп хабарлайды Kursiv.Media.

Finmentor телеграм-арнасының мәліметінше, келісім аясында Тәжікстан аумағында бағалы және полиметалл кен орындарын іздеу және бағалау мақсатында бірлескен геологиялық барлау жұмыстарын жүргізу көзделген.

Жобаларды іске асыру үшін тараптар бірлескен жұмыс тобын құрады. Болашақта бұл әріптестік Тәжікстанда бірлескен кәсіпорындар құруға ұласуы мүмкін.

Ел аумағында жұмыс істеуге арналған операциялық платформа ретінде жақында тіркелген Solidcore Tajikistan еншілес компаниясы пайдаланылады.

Меморандум бес жыл мерзімге жасалған және әзірге...

Қазақстанда жаңа мемлекеттік наградалар мен құрметті атақтар бекітілді. Президент Қасым-Жомарт Тоқаев 2026 жылғы 11 қарашада «Қазақстан Республикасының мемлекеттік наградалары туралы» заңға өзгерістер мен толықтырулар енгізу жөніндегі заңға қол қойды, деп хабарлайды Kursiv Media.

Заңға сәйкес, елімізде «Шәмші Қалдаяқов» медалі мен «Қазақстанның еңбек сіңірген суретшісі» құрметті атағы енгізілді. Сондай-ақ мемлекеттік ордендер мен құрметті атақтарды беру тәртібі нақтыланды.

«Шәмші Қалдаяқов» медалі кімдерге беріледі?

Жаңа заң бойынша «Шәмші Қалдаяқов» медалі композиторларға, дирижерлерге, ән авторларына, дәстүрлі және эстрадалық музыка орындаушыларына табысталады.

Сонымен қатар музыка және ән өнерінің дамуына елеулі үлес қосқан Қазақстан азаматтары мен шетелдіктер де осы медальмен марапаттала алады.

Бұдан...

Қаржылық мониторинг агенттігі ғылыми жобаларды дамытуға бөлінген 945 млн теңге мемлекет қаржысын ұрлаған «Bal halal» ЖШС директорына қатысты тергеуді аяқтады, деп хабарлайды Kursiv.Мedia.

Оқиға неден басталды?

2023-2024 жылдары «Bal halal» ЖШС төрт жобаны іске асыру үшін «Ғылым қоры» АҚ осы компанияға 1,15 млрд теңге қаржы бөлген. Бұл жобалар аясында өсімдік шикізатынан инновациялық макарон өнімдерін және микронутриенттермен байытылған ұн өндіру көзделген.

Бөлінген қаржыға құрал-жабдық сатып алу, өндірістік орынжайларды дайындау, шикізат пен қажетті бөлшектерді алу, жабдықтарды орнату, жөндеу жұмыстарын жүргізу және дайын өнім шығаруды жолға қою жоспарланған.

Алайда тергеу кезінде сатып алынған жабдықтардың жобаларда көрсетілген өнімдерді өндіруге жарамайтыны...

Apple компаниясы iPhone смартфонының 20 жылдығына орай ерекше модель әзірлеп жатыр. 2027 жылы таныстырылуы мүмкін мерейтойлық iPhone 20 Pro дизайны мен техникалық мүмкіндіктері жағынан айтарлықтай өзгерістерге ие болады деген болжам бар. Инсайдерлер таратқан ақпаратқа сүйенген MacRumors басылымы жаңа смартфонда болуы мүмкін он жаңалықты жинақтады.

Еске салайық, 2017 жылы Apple компаниясы iPhone X моделін таныстырған еді. Ол смартфон дизайнына бірқатар өзгеріс енгізіп, кейінгі модельдердің дамуына ықпал етті. Енді компания 20 жылдық мерейтойына орай осыған ұқсас жаңарту жасауды көздеуі мүмкін.

iPhone 20 Pro-да қандай өзгерістер болуы мүмкін?

1. Төрт қырынан иілген экран.

Жаңа смартфонның дисплейі төрт жағынан да иілген...

Қазақстандық кәсіпқой боксшы Жәнібек Әлімханұлының келесі жекпе-жегі 2027 жылғы 23 қаңтарға жоспарланған. Ол Данияның Хорсенс қаласында жергілікті боксшы Якоб Банкпен кездеседі, деп хабарлайды Kursiv Media.

Бұл туралы Жәнібек өзінің instagram парақшасында мәлімдеді. Жарияланған мәліметке сәйкес, кездесу екінші орта салмақта (76,2 келі) өтеді. Жекпе-жекте WBO нұсқасы бойынша әлем чемпионы атағы сарапқа салынатыны айтылған.

Қазақстандық боксшы бұған дейін орта салмақта өнер көрсетіп, әлем чемпионы атанған. Енді ол жаңа салмақ дәрежесінде чемпиондық белбеу үшін жұдырықтасуды көздеп отыр.

Ал оның қарсыласы Якоб Банк Данияның Хорсенс қаласында өнер көрсетеді. Әлімханұлы кәсіпқой рингте 17 жекпе-жек өткізіп, барлығында жеңіске жеткен.

Еске салайық, 2025 жылдың желтоқсанында...

Нұрсұлтан Құрман Қазақстан футзал қауымдастығының президенті қызметінен кететінін мәлімдеді. Ол бұл шешімін әлеуметтік желідегі парақшасында жариялады, деп хабарлайды Kursiv Media.

Нұрсұлтан Құрман Қазақстан футзал қауымдастығының басшысы ретіндегі жұмысын аяқтау туралы шешім қабылдағанын хабарлады. Ол бұл қызметтің өзіне үлкен жауапкершілік жүктегенін және мол тәжірибе жинауға мүмкіндік бергенін атап өтті.

«Бүгін мен үшін маңызды кезеңдердің бірі аяқталып отыр. Қазақстан футзал қауымдастығының президенті қызметіндегі жұмысымды аяқтау туралы шешім қабылдадым. Бұл қызмет мен үшін үлкен жауапкершілікпен қатар, мол тәжірибе мен ерекше естеліктерге толы кезең болды», – деп жазды Құрман.

Ол отандық футзалдың дамуына үлес қосқан әріптестеріне, клуб...