Жаңалықтар

Бас прокуратура қазақстандықтарға «Қазпошта» АҚ атынан тарап жатқан жаңа интернет-алаяқтық туралы ескертті, деп хабарлайды Kursiv.Мedia.

Алаяқтар шетелдік нөмірлерден (мысалы, +212 6 12 82 15 27) қазақ тілінде, ресми стильде жазылған хабарламалар жолдауда. Хабарламада сәлемдемені жеткізу үшін мекенжайды нақтылау керектігі айтылып, жалған (фишингтік) сайтқа сілтеме ұсынылады. 

Сілтеме арқылы өтіп, жеке деректерін енгізген жағдайда, құпия ақпараттары қаскөйлердің қолына түседі.

Бас прокуратура азаматтардан күмәнді сілтемелерге өтпеу, белгісіз сайттарға жеке және банктік деректерді енгізбеу, сәлемдемелер туралы ақпаратты тек пошта қызметінің ресми арналары арқылы тексеру керектігін ескертеді.

Айта кетейік жақын арада Қазақстан Ұлттық банкі алаяқтармен күресетін арнайы сайтты іске қосты.  

Ресей 2026 жылдың екінші жартысында Балтық порттары арқылы өтетін қазақстандық көмірдің Еуропаға экспортын тоқтатты десе болады. Сарапшы Ернар Серік шектеулерден келетін жалпы шығынды 400-470 млн доллар аралығында бағалап отыр, деп хабарлайды Kursiv.Media.

Сауда сарапшысы өзінің Tradereport арнасында Ресей аумағы арқылы шетелге тасымалданатын қазақстандық көмір экспортының статистикасы туралы жазды.

Айтуынша, тамыз айынан бастап Ресей темір жолдары арқылы Балтық порттарына қарай өтетін транзит толықтай дерлік тоқтаған. Тасымал көлемі тамыздағы 1 млн тоннадан қазан айында 30 мың тоннаға дейін қысқарды. Ал «Ресей темір жолдары» қазан және қараша айларына Балтық бағытына жасалған бірде-бір қазақстандық транзиттік өтінімді мақұлдамаған.

Салыстырмалы түрде, 2025 жылы...

Қыста көлік жүргізушілері жанармайдың жазға қарағанда тезірек таусылатынын байқайды. Күн суықта отын шығыны шамамен 10-25%-ға артуы мүмкін. Бұған қозғалтқышты жылыту, салқын майдың қоюлануы, пеш пен басқа да электр құрылғыларының қосылуы, сондай-ақ жол жағдайының нашарлауы әсер етеді. ROSSKO компаниясының техникалық маманы Константин Ершов суықта қозғалтқышты дұрыс жылыту және жанармай шығынын азайту жолдарын түсіндірді.

Қозғалтқышты қанша уақыт жылыту керек

Қозғалтқышты ұзақ уақыт қыздыру да, оталдырған бойда бірден қозғалу да көлікке зиян келтіруі мүмкін. Мамандардың айтуынша, мотор ұзақ уақыт бос жүрісте жұмыс істегенде жанармайдың бір бөлігі толық жанбай, цилиндр қабырғаларына жиналады. Соның салдарынан май қабаты шайылып, поршень тобының тозуы мен отын шығыны...

Еліміздегі ең ірі алтын өндіретін үш компанияның бірі Solidcore Resources Қазақстанда жалпы қуаты 96 МВт болатын жаңа үш электр станциясын салады, деп хабарлайды Kursiv.Media.

Компанияның ақпараты бойынша, қазіргі жоспарда екі күн электр станциясы мен бір газ-поршеньді станцияның құрылысы қарастырылған. Олар Solidcore компаниясының ішкі энергия қажеттілігін қамтамасыз етуге және көміртегі ізін азайтуға бағытталған.

Күн электр станциялары Сырымбет (23 МВт) және ЕГМК (Ертіс гидрометаллургия комбинаты, 25 МВт) жобаларын электр энергиясымен қамтамасыз ету үшін салынады.

Қуаты 48 МВт болатын газ-поршеньді станция Қарағанды облысында бой көтеріп, ұлттық электр желісіне және газ тасымалдау жүйесіне қосылады. Нысандарды орналастыратын нақты алаңдар, жобалардың құны мен...

Қазақстандағы барлық мектепте Face ID технологиясы арқылы кіруді бақылау жүйесін енгізу қажет. Үкіметте өткен білім беру саласын цифрландыру жөніндегі кеңесте Премьер-министрдің бірінші орынбасары Нұрлыбек Нәлібаев осындай тапсырма берді деп жазады Kursiv Media.

Жаңа жүйе елдегі барлық білім беру ұйымдарында міндетті болуы мүмкін. Үкімет мәліметінше, биометриялық тексеру екі мәселені шешуге көмектеседі. Яғни білім беру ұйымдарының қауіпсіздігін күшейтеді және балалардың сабаққа нақты қатысуын автоматты түрде тіркейді.

Сонымен қатар Оқу-ағарту министрлігі «Қазақтелекоммен» бірлесіп, өңірлерді Ұлттық білім беру платформасына кезең-кезеңімен қосуды бастайды. Бұл платформа мемлекеттік қызметтерді автоматтандыруға арналған.

Балабақшадағы әр балаға бөлінетін қаржы есептеу тәртібі өзгереді

Үкімет мектепке дейінгі білім беруді қаржыландыру...

Алматы қаласы Мемлекеттік активтер басқармасы Абай даңғылында орналасқан «Жас Отау» Неке қию сарайы мен ғимарат жанындағы фонтанды қайтадан сауда-саттыққа қойды, деп хабарлайды Kursiv.Media.

E-Qazyna мәліметінше, тендер 12 қараша күні сағат 10:00-де өтеді. Өтінімдер сонымен қатар сол күннің сағат 9:55-іне дейін қабылданады. Кепілдік жарна мөлшері 1 950 472 теңгені құрайды. Қатысушылар есепшотта кемінде 2 млрд теңгенің бар екенін банк үзіндісімен немесе анықтамасымен дәлелдеуі тиіс.

Конкурста басқарудан түсетін таза табыстың ең аз үлесін сұраған қатысушы жеңіске жетеді. Сыйақының шекті мөлшері 50%-ды құрайды. Егер тендер талаптарына тек бір қатысушы ғана сай келсе, нысан соған берілуі мүмкін.

Басқарушыға қойылатын талаптар

Болаша...

Алматыда метро желісін «Барлық» базарына дейін ұзарту жұмыстары басталды. Жаңа станциялардың құрылысына байланысты 13 қарашадан бастап Алатау даңғылының бір бөлігінде көлік қозғалысы шектеледі, деп хабарлайды Kursiv Media.

Алматы әкімдігінің мәліметінше, «Қалқаман» станциясынан кейін тағы үш метро станциясын салу жоспарланған. Жаңа бағыттағы тоннельдердің жалпы ұзындығы шамамен 5,3 шақырым болады.

Әзірге болашақ станциялардың ресми атаулары бекітілмеген. Сондықтан жобалық құжаттарда олар №1, №2 және №3 станциялар деп көрсетілген.

Бірінші станция Алатау даңғылында, Абай даңғылының солтүстігінде орналасады. Оның құрылысы 13 қарашада басталады. Осыған байланысты 13 қарашадан бастап Алатау даңғылының Абай даңғылынан Ұлықбек көшесіне дейінгі бөлігінде көлік қозғалысы шектеледі. Жүргізушілер осы көшеге қатарлас...

АҚШ-та федералды агенттер 82 жастағы Томас Марклды тұтқындады. Ол – Ұлыбритания ханзадасы Гарридің жұбайы, Сассекс герцогинясы Меган Марклдың әкесі. Томас Марклды балалар порнографиясына қатысы бар деген күдікпен қамауға алған деп жазады Associated Press және The Sun.

Бұған дейін полиция ер адамның үйінде тінту жүргізіп, балаларға сексуалды зорлық жасағаны бейнеленген түрлі фотолар тапқан. Арызды Марклдың ұлы Томас Маркл түсірген.

2025 жылы Томас Маркл ауырып жатқанда, ұлы жанына көшіп келіп, күтім жасаған. Сол кезде әкесінің үйінен қораптардан балалар порнографиясы бар жүздеген суреттер тапқан.

«Оны көріп жүрегім айныды. Барлығы заңсыз жасалғанын түсіндім...

«Кеңқияқ – Құмкөл» және «Атасу – Алашанкоу» магистральдық мұнай құбырлары арқылы тасымалдау кезінде салық заңнамасының бұзылғаны анықталды. Ол бойынша бюджетке 3,3 млрд теңгеден астам қаржы түсті, деп жазады Kursiv.Media.

Тексеру барысында мұнай тасымалдау кезіндегі технологиялық ерекшеліктер мен өлшеу қателерінен пайда болған артық көлем бухгалтерлік есепте толық көрсетілмегені белгілі болды. Соның салдарынан активтердің құны төмендетіліп, салық міндеттемелері толық орындалмаған.

Бас көлік прокуратурасының ұсынуынан кейін энергетика министрлігі басқа да мемлекеттік органдармен бірлесіп, анықталған заң бұзуды жоюға кірісті.

Атап айтқанда, түгендеу нәтижесінде 92 мың тоннадан астам мұнай бухгалтерлік есепке енгізілді. Салық есептілігіне тиісті өзгерістер енгізіліп, соның негізінде 2,9 млрд теңге корпоративтік табыс...

BMW брендінің екі жаңа моделі таныстырылады. Astana Motors құрамындағы BMW Kazakhstan 14 қарашадан бастап жаңа BMW X5 кроссовері мен BMW 7 сериялы флагман седанына алдын ала тапсырыс қабылдайды. Жаңа X5 бағасы 63 637 511 теңгеден, ал BMW 7 сериясы 81 711 570 теңгеден басталады.

14 қарашадан бастап екі модельді Алматы мен Астанадағы ресми BMW дилерлік орталықтарынан көруге болады. Ал желтоқсан айында жаңа көліктер Қазақстандағы барлық ресми дилерлік орталықтарда қолжетімді болады.

Қазақстандағы BMW дистрибуциясының директоры Бауыржан Әбеновтің айтуынша, екі модель де брендтің заманауи технологиялары мен жайлылыққа деген көзқарасын көрсетеді.

«Аталған модельдер BMW брендінің заманауи сән-салтанатының әртүрлі қырын...

«Қазцинкке» қарасты «Шаймерден» АҚ Қостанайдағы «Шаймерден» қорғасын-мырыш карьерін толығымен жабады. Кенішті жабу бойынша жұмыстардың бірінші кезеңі 2012 жылы орындалған болатын, деп хабарлайды Kursiv.Media.

Qazba.kz ақпараты бойынша, карьерді жою жөніндегі қоғамдық тыңдау желтоқсан айының басына белгіленген. Карьердегі кен толықтай өндіріліп біткендіктен кеніш жабылады. Жоюдың бірінші кезеңі аяқталып, арнайы үйіндіден кен жөнелтіле бастады. Осылайша, қазір екінші кезеңді аяқтау туралы сөз болып отыр.

Шаймерден Қостанайдан 200 шақырым жерде, Қамысты аудан орталығына жақын орналасқан. Көршілес жерде ERG басқаратын «Красногорский» боксит кеніші жұмыс істеп тұр.

Кен орнының өзін игеру 2011 жылы-ақ тоқтатылған, ал 2019 жылы ол бойынша жер қойнауын пайдалану келісімшартының мерзімі аяқталды...

Абу-Дабидегі келіссөздердің екінші күні аяқталды. Украина билігі АҚШ-тың Донецк пен Луганск облыстарының әкімшілік шекарасын қайта қарау туралы ұсынысына келіспеді. Бұл туралы келіссөздерге жақын дереккөзіне сілтеме жасаған The Telegraph басылымы жазады.

Редакция дерегінше, америкалықтар аумақтық келісімге келуді ұсынған. Яғни Донецк және Луганск шекараларын өзгертіп, сол арқылы Ресей Донбасстағы соғыс линиясын бақылауына алуы керек. Сонда ұстап отырған қалалары Украинаның өзінде қалады. Бірақ Киевтен барған делегация де-факто да, де-юре де бұл келісімге келмейтінін білдірді.

Кей басылымдардың жазуынша, келіссөздер бүгін аумақтық тұтастыққа қатысты болуы керек. Әзірге делегация өкілдері келіссөздерде не айтылып жатқанын ашып айтпады, барлығы жабық режимде өтіп жатыр.

2026 жылдың қазан айында Қазақстанның халықаралық резервтері 1,1 млрд долларға азайды. Қарашаның басындағы жағдай бойынша, Ұлттық қордың валюталық активтерін қосқандағы жалпы резерв көлемі 131,2 млрд долларды құрады. Төмендеудің негізгі себебі алтын қоры құнының арзандауы болды, деп жазады Kursiv.Media.

Қазақстан қаржыгерлері қауымдастығының деректеріне сәйкес, Ұлттық банктің жалпы халықаралық резервтері бір ай ішінде 2,4%-ға төмендеп, 64,3 млрд долларға дейін азайған.

Ең үлкен төмендеу алтынға тиесілі болды. Ұлттық банктің алтын портфелінің құны 6,4%-ға қысқарып, 48,1 млрд долларды құрады.

Алайда реттеушінің валюталық активтері, керісінше, 11,8%-ға өсіп, 16,1 млрд долларға жетті. Дегенмен бұл өсім алтын құнының төмендеуін толық өтеуге жеткіліксіз болды.

Сонымен қатар Ұлтты...

Ұлттық статистика бюросы AI TALDAU атты жасанды интеллект көмекшісін іске қосты, деп жазады Kursiv.Media.

Енді азаматтар қажетті статистикалық мәліметтерді, өңірлердің көрсеткіштерін, өзгеру динамикасын талдау үшін жүздеген кестені ақтармайды. Жүйе арқылы керек сұрақты қарапайым тілде қою жеткілікті.

Мысалы, белгілі бір өңірдегі орташа жалақының соңғы бес жылда қалай өзгергенін немесе Қазақстан аймақтарындағы халық санының айырмашылығын сұрауға болады.

Жүйе тиісті статистикалық деректерді тауып, салыстырып, нәтижесін кесте, график, диаграмма және талдамалық материал түрінде ұсынады.

Бұл жаңашылдықтың маңызы тек ақпарат іздеуді жеңілдетумен шектелмейді. AI TALDAU мемлекеттік органдардың есептеріндегі мәліметтерді тексеруге де мүмкіндік береді. Енді журналистер, зерттеушілер мен қарапайым азаматтар әкімдер мен министрлердің баяндамаларында келтірілген көрсеткіштерді ресми статистикамен салыстыра...

Қазақстанда шығарылатын Stadler вагондарының шанағына пайдаланылатын болат металдың шамамен 60%-ы отандық өнім. Сонымен қатар вагон өндірісінде елде өндірілген алюминий де пайдаланылады. Бұл туралы Stadler Kazakhstan компаниясының коммерциялық директоры Сергей Леонтьев мәлімдеді.

Оның айтуынша, вагон өндірісіндегі негізгі технологиялық операциялардың басым бөлігі Астанадағы зауытта жүзеге асырылады. Қазір тек алюминийді дәнекерлеу мен бояу жұмыстары Қазақстанда жолға қойылмаған. Компания бұл өндірісті келесі жылы іске қосуды жоспарлап отыр.

«Алюминийді дәнекерлеу және бояу жұмыстары келесі жылы іске қосылады. Осыдан кейін өндірістік цикл толығымен Қазақстанда, Астанадағы зауытымызда аяқталады», – деді Сергей Леонтьев.

Вагондарға қазақстандық алюминий де қолданылады

Компания өкілінің сөзінше, вагондар...

Қазақстандағы мобильді интернет бағасы әлемдік орташа көрсеткіштен төрт есе төмен, ал жылдамдығы бойынша республика Канада мен Ұлыбритания сияқты дамыған елдерді артта қалдырып отыр, деп хабарлайды Kursiv.Media. 

Бағасы мен жылдамдығы жағынан топ-10-дыққа кіреді

Broadband Genie зерттеуіне сәйкес, Қазақстанда 1 ГБ мобильді интернетидің орташа құны шамамен 0,3 долларды құрайды (әлемдік орташа көрсеткіштен 4 есе төмен). Бұл көрсеткіш бойынша республика зерттелген 234 ел арасында 53-орында (жоғарғы төрттік) тұр.

Ал Speedtest Global Index рейтингіндегі жылдамдығы ең жоғары 55 елдің қатарында Қазақстан ай сайынғы интернет құны бойынша 7-орынды иеленді.

Finprom.kz дерегінше, Қазақстандағы орташа жылдамдық 93 Мбит/с-ке жетіп (әлемде 51-орын), Канада, Италия...

Жасанды интеллект және цифрлық даму министрлігі «Яндекс» компаниясының Қазақстандағы бес компаниясын тексереді. Бұл туралы ведомство басшысы құрылтай депутаты Ләззат Жылқыбаевның сұрағына қайтарған жауабында жазған.

Министрліктің мәліметінше, «Яндекс Казахстан», «Yandex Bastau», «Яндекс. Такси Корп», «Яндекс. Еда Казахстан» және «Яндекс LLP» компаниялары тексеріледі, тексеріс қарашаның соңына дейін өтеді.

Министрлік аталған компаниялардағы азаматтардың дербес деректерін жинау, өңдеу және сақтауда қаншалықты заң талаптарын сақтайды деген мәселеге назар аударып отыр. Сондай-ақ деректерді Қазақстан аумағында сақтау және оларды қорғау үшін қолданылатын ұйымдастырушылық, техникалық шаралар зерделенеді.

«Тексеру нәтижелері бойынша белгіленген талаптардың сақталуына баға беріледі, ал бұзушылықтар анықталған жағдайда оларды...

Футболдан Қазақстан ұлттық құрамасының бас бапкері Джон ван ’т Схип Ұлттар лигасында Молдоваға қарсы өтетін ойынға дайындық барысы туралы айтты. Оның сөзінше, команданың Түркістанда жаттығу өткізуіне табиғи көгал мен ауа райы себеп болған, деп хабарлайды Kursiv Media.

Қазақстан құрамасы 13 қарашада Кишиневте Молдоваға қарсы Ұлттар лигасының кезекті матчын өткізеді. Қазір ұлттық құрама Түркістанда оқу-жаттығу жиынын өткізіп жатыр.

«Алғашқы күндері футболшылардың ойын ырғағына қайта оралуына уақыт қажет. Кейбір жігіттер үш-төрт күн демалды. Сондықтан оларды жаттығу процесіне қайта қосу үшін жиынды ертерек бастадық. «Ордабасы» мен «Қайраттың» ойыншылары, сондай-ақ шетелде өнер көрсететін футболшылар кейінірек келді. Легионерлер кеше...

10 қарашада өткен Халықаралық «Қазақ тілі» қоғамының X мерейтойлық құрылтайына Мемлекет басшысы Қасым-Жомарт Тоқаев қатысып, сөз сөйледі.

Президент өз сөзінде қазақ тілі барлық салада, соның ішінде креативті индустрия саласында кең қолданыс тауып келе жатқанын, ана тілімізде жарық көрген кітаптардың, әндердің, фильмдердің нарықтағы үлесі ұлғая түскенін атап өтті:

«Мысалы, былтыр баспадан шыққан 6 мыңнан астам кітаптың 70 пайызы қазақ тілінде басылды. Ал биыл Қазақстанда түсірілген 71 фильмнің 63-і ана тілімізде жарыққа шықты. Айтылған деректердің бәрі жұртымыздың арасында қазақ тіліне үлкен сұраныс тудырды. Бұл – өте қуанышты жайт, жақсы үрдіс. Осындай жұмысты күшейте беруіміз керек».

Президент Халықаралы...

Stadler-дің жаңа вагондарды жыл соңына дейін тағы екі бағытта іске қосылады, деп хабарлайды Kursiv.Media. Бұл туралы «Қазақстан темір жолы» АҚ басқарма төрағасының орынбасары Әнуар Ахметжанов мәлімдеді.

Оның айтуынша, қараша айының соңына дейін швейцариялық технологиямен құрастырылған пойыздар Астана – Атырау бағытына қатынай бастауы мүмкін.

«Сонымен қатар жыл соңына қарай, желтоқсанның ортасында жаңа қозғалыс кестесі күшіне енген кезде, «Нұрлы жол» вокзалынан Жезқазған арқылы Қызылордаға қатынайтын пойызды іске қосамыз», – деді Әнуар Ахметжанов пойыздарды жолға шығару рәсімінде.

Stadler пойыздары қазір қай бағыттарда қатынайды?

5 қарашада Астана – Алматы және Астана – Семей бағыттарында қатынайтын Stadler...

Алматыда цифрлық көмекшінің жаңа форматы – жаяу жүргіншілерге арналған Jerry смартбордтар желісі іске қосылды. Оның ерекшелігі неде және бұл жоба қаланың смарт-сити орталығы ретіндегі мәртебесін қалай нығайтатынын бірге зерделеп көрейік.

Қараша айының басында Алматының жаяу жүргіншілер көшелерінде ақылды қалалық көмекші – Jerry пайда болды. Ол бағыт көрсету, қаланың гиді, іс-шаралар афишасы, ауа сапасы туралы мәліметтер мен шұғыл байланыс қызметтерін бір жерге біріктіреді.

Алғашқы кезеңде 31 смартборд іске қосылды. Жақын арада тағы 4 құрылғы жұмыс істей бастайды. Оларды Панфилов көшесінен, Республика сарайының маңынан, 28 гвардияшы-панфиловшылар саябағынан, Теренқұр бойынан және жағалаулардан кездестіруге болады.

Jerry қызметін тегін, тіркелмей-ақ қазақ, орыс және ағылшын тілдерінде...

Алғаш рет рейске шыққан жаңа Stadler пойыздарының құрамында әйелдерге арналған вагондар бола ма? Бұл сұраққа «Қазақстан темір жолы» АҚ басқарма төрағасының орынбасары Әнуар Ахметжанов жауап берді, деп жазады Kursiv.Media.

Оның айтуынша, әйелдер вагондары пойыздың маркасына емес, оның қай бағытта қатынайтынына байланысты белгіленеді. Яғни бұған дейін әйелдер вагоны болған бағыттарда жаңа Stadler пойыздары іске қосылса да, бұл тәжірибе сақталады.

Мәселен, қараша айында Семей бағытына қатынайтын жаңа пойыз құрамында әйелдер вагоны болады.

Журналистер Астана–Алматы бағытындағы Stadler пойызының құрамына да әйелдер вагонын қосу мүмкіндігін сұрады. Әнуар Ахметжанов мұндай вагонды енгізуге болатынын айтады.

«Менің ойымша, қарастыра аламыз. Бұл қиын...

Докторанттардың ай сайынғы шәкіртақысын 2029 жылға дейін 500 мың теңгеге жеткізу жоспарланып отыр. Бұл туралы ғылым және жоғары білім министрі Саясат Нұрбек құрылтайда өткен брифингте мәлімдеді, деп жазады Kursiv.Media.

Министрдің айтуынша, қазір PhD докторанттары ай сайын шамамен 260 мың теңге шәкіртақы алады. Соңғы бес жылда оның мөлшері екі есе өскен. Алдағы уақытта да бұл бағыттағы жұмыс жалғасады.

Саясат Нұрбек мұндай қолдау жас ғалымдардың әлеуметтік жағдайын жақсартуға мүмкіндік беретінін атап өтті.

Сонымен қатар мемлекет басшысының қолдауымен жас ғалымдарды баспанамен қамтамасыз ету жұмыстары жүргізіліп жатыр.

Министрдің сөзінше, соңғы екі жылда 813 жас ғалым тұрғын үй алған.

Оқи отырыңыз:

Жоғары аудиторлық палата ғылым саласына бөлінген қаражаттың тиімділігіне қатысты жүргізілген аудиттен кейін кімдер қызметінен босатылғаны белгілі болды, Kursiv.Media

«Жоғары аудиторлық палата жүргізген аудит нәтижесінде 51 млрд теңгенің қаржылық заң бұзу анықталды. Оның 37,7 млрд теңгесі аудит барысында қалпына келтірілген. Қалған қаражатты 2027 жылдың бірінші тоқсанында қайтару жоспарланып отыр», – деді  құрылтайда өткен баспасөз мәслихатында жоғары аудиторлық палатаның мүшесі Нұрлан Нұржанов.

Оның айтуынша, аудит қорытындысы бойынша екі адам тәртіптік жауапкершілікке тартылып, төрт лауазымды тұлға қызметінен босатылған. Тағы 32 адамға қатысты әкімшілік жауапкершілік шаралары қаралған.

Сонымен қатар аудит материалдарының үшеуі процессуалдық шешім қабылдау үшін құқы...