Жаңалықтар

БҰҰ-ның Балалар қоры (ЮНИСЕФ) ХАМАС пен Израиль арасында соғыс қимылдарын тоқтату туралы келісім күшіне енгеннен бергі 300 күн ішінде Газа секторында кемінде 300 баланың қаза тапқанын хабарлады.

Ұйым өкілдерінің айтуынша, қазіргі уақытта палестиналық отбасылар аймақ аумағының үштен бір бөлігінде ғана, қираған ғимараттар мен үйінділер арасында өмір сүруге мәжбүр. ЮНИСЕФ-тің Таяу Шығыс және Солтүстік Африка бойынша өңірлік директоры Эдуард Бейгбедер күн сайын орта есеппен бір бала көз жұматын жағдайды «шынайы бейбітшілік» деп атауға болмайтынын атап өтті.

Сондай-ақ халықаралық ұйым сектордағы гуманитарлық дағдарыс пен медициналық ахуалдың тым ауыр екенін мәлімдеді. Атап айтқанда:

Иран бойынша келіссөздер төңірегіндегі белгісіздіктің сақталуы мен шикізат жеткізіліміне қатысты қауіп кезінде әлемдік мұнай бағасы 1%-дан астамға өсті, деп хабарлайды Reuters.

6 тамыз кешкі жағдай бойынша Brent маркалы мұнайдың қазан айындағы фьючерстерінің құны 1,04%-ға өсіп, барреліне 80,28 долларды құрады. Америкалық WTI мұнайы 0,81%-ға қымбаттап, барреліне 75,83 долларға жетті.

Reuters атап өткендей, инвесторлар Иран мен Оман арасындағы келіссөздер туралы хабарламаларды сақтықпен бағалауда. Нарық қатысушылары ықтимал келісімдер геологиялық шиеленісті тез төмендете алатынына күмән келтіреді, өйткені бұған дейінгі келісімдер қысқа мерзімді сипатта болған. Мұнай котировкаларына жеткізілімдегі іркілістер тәуекелдері де қосымша қолдау көрсетуде.

Агенттік мәліметінше, йемендік хуситтер Қызыл теңіз бен Аден...

Eurasian Resources Group (ERG) компаниясының 40% мемлекеттік акциялар пакеті ресми түрде «Самұрық-Қазынаға» берілді. Бұл туралы қор мәлімдеді.

«Самұрық-Қазына» АҚ 2026 жылғы 4 тамызда Қазақстан Республикасы Үкіметінің шешіміне сәйкес ERG компаниясының 40% мемлекеттік акциялар пакеті қордың меншігіне өткенін хабарлайды. Аталған активтің берілуі «Самұрық-Қазына» АҚ-ның Қазақстан Республикасының мүддесі үшін мемлекеттік активтерді тиімді басқару бойынша әл-ауқат қор ретіндегі стратегиясы мен рөліне сәйкес келеді.», – делінген ресми хабарламада.

Компания сайтында хабарланғандай, енді жалғыз акционері Қазақстан Үкіметі болып отырған «Самұрық-Қазына» ERG акцияларының 40%-ына иелік етеді.

ERG-дің құрылтайшылары – «үштік» деп аталатын олигархтардың (Машкевич, Шодиев, Ибрагимов) мұрагерлері ед...

Есту қабілеті нашар қазақстандықтар мүгедектігі болмаса да, медициналық көрсеткіштер бойынша есту аппараттарын ала алады. Жаңа механизмді Денсаулық сақтау министрлігі әзірледі.

Ведомство барлық ұйымдастырушылық процедура аяқталғаннан кейін, мыңдаған пациент осындай көмекті пайдалана алатынына уәде береді.

Осы уақытқа дейін есту аппараттары есту қабілеті бұзылған деген мүгедектігі бар адамдар санатына ғана тегін беріліп келді. Енді сурдолог-дәрігер есту протездеуін тағайындаған барлық пациент оны тегін алуға құқылы.

«Есту реабилитациясын ерте бастау өмір сүру сапасын сақтауға, білім алу, қарым-қатынас жасау және әлеуметтік бейімделу мүмкіндіктерін жақсартуға көмектеседі», – деп атап өтті Денсаулық сақтау министрлігі Ана мен бала денсаулығын қорғау департаменті директорының міндетін...

Қазақстанның солтүстігі мен шығысында жаңбыр жауып, оңтүстік пен батыста 40 градус ыстық болады. «Қазгидромет» 7 тамызға ауа райы болжамын ұсынды.

Астанада көшпелі бұлт, жауын-шашынсыз, жел 7-12 м/с. Ауа температурасы түнде +11…+13°C, күндіз +26…+28°C.

Алматыда көшпелі бұлт, жауын-шашынсыз, жел 3-8 м/с. Ауа температурасы түнде +18…+20°C, күндіз +32…+34°C.

Шымкентте көшпелі бұлт, жауын-шашынсыз, жел 8-13 м/с. Ауа температурасы түнде +20…+22°C, күндіз +35…+37°C.

Ақтауда көшпелі бұлт, жауын-шашынсыз, жел 5-10 м/с. Ауа температурасы түнде +23…+25°C, күндіз +32…+34°C.

Ақтөбеде ашық, жауын-шашынсыз, жел 2-7, екпіні 12 м/с дейін. Ауа температурасы түнде +18…+20°C, күндіз +33…+35°C.

Атырауда көшпелі бұлт, жауын-шашынсыз, жел 5-10 м/с. Ауа температурасы түнде +21…+23°C, күндіз +35…+37°C.

Жезқазғанда көшпелі бұлт, жауын-шашынсыз, жел 8-13 м/с...

Тараздық мемлекеттік қызметші тұрғын үй алу кезегінен шығып қалып, сот арқылы қайта тізімге енген.

Істі Жамбыл облысының мамандандырылған ауданаралық әкімшілік соты қарады. Іс материалдарына сәйкес, ер адам 2017 жылғы желтоқсаннан бастап тұрғын үйге мұқтаж ретінде есепте тұрған. Алайда 2024 жылғы қарашада тұрғын үй комиссиясы тіркеуін өзгерткені үшін оны кезектен шығарып тастаған.

Сотта белгілі болғандай, ер адам тіркеуде тұрған үйдің иесі Тараздағы үйді сатып жіберген. Сол себепті пәтер жалдаушы Жуалы ауданына тіркелуге мәжбүр болған. Бұл ретте оның жеке баспанасы пайда болған жоқ: ол мемлекеттік қызметтегі жұмысын жалғастыруда және бұрынғыша пәтерге мұқтаж.

Сот тіркеуді ауыстыру тұрақты тұрғылықты жерге көшуді білдірмейді және...

Канье Уэст атымен танымал америкалық рэпер Ye-нің Қазақстандағы концертіне бір апта қалды. Өнер көрсету 14 тамызда Алматының Орталық стадионында өтеді. Концертке қатысты қарбаласпен бірге алаяқтар да белсенді бола бастады.

Алматы қалалық полиция департаменті әлеуметтік желіге мониторинг жүргізу кезінде концертке билет сату туралы хабарландыру орналастырған жас жігітті анықтады. Oл алаяқтық арам ойын іске асырып үлгермеді. Полиция оның әрекетін дер уақытында тоқтатты және ешкім зардап шекпеді.

Полиция бұл ірі музыкалық оқиға алдындағы...

Бұрынғы Мәжіліс депутаты, Қазақстанның еңбек сіңірген әртісі әрі Мемлекеттік сыйлықтың лауреаты Бекболат Тілеухан журналист Аман Тасығанға сұхбат беріп, өзінің отбасы жайлы аз-кем әңгімеледі.

Бастапқыда Бекболат Тілеухан отбасы, үш әйелі, балалары туралы сөз қозғағысы келмеген. Бірақ журналистің табандылығымен бірнеше сұраққа қысқа қайырып жауап берді.

Экс-депутаттың сөзінше, оның анасы үшінші келінін көрмеген. Яғни Бекболат Тілеуханның үшінші әйелімен танысып үлгермеген.

«Төсегімдегі әңгімені айтпай-ақ қояйықшы. Раушан, Кенже, Жанар менің балаларымның анасы. Мен оларды құрметтеймін. Қазір бір әңгіме айтамын, баламның көңіліне тиеді, Раушанның туыстары бар, олардың көңіліне тиеді, Кенженің көңіліне тиеді, Жанардың көңіліне тиеді», – деді экс-депутат.

Журналист одан...

Астанада жыл сайынғы Jüregımnıñ Jenımpazy фестивалінің өтуіне байланысты бірнеше көше уақытша жабылады, деп хабарлады елорда әкімдігі.

Шара жексенбі, 9 тамызда өтеді. Осыған байланысты:

«Жүргізушілер мен жаяу жүргіншілерге өз бағытын алдын ала жоспарлау ұсынылады. Ауқымды шараның өткізілуіне түсіністікпен қарауларыңызды сұраймыз. Jüregımnıñ Jenımpazy – Қазақстандағы ең ірі қайырымдылық жүгіру жарыстарының бірі. Тоғызыншы рет ұйымдастырылып отырған...

Алматы облысының таулы аймағында жарақат алған Ресей Федерациясының екі азаматына шұғыл медициналық көмек көрсетіліп, қауіпсіз жерге жеткізілді. Құтқару операциясын Қазақстан ТЖМ күштері сәтті жүргізді.

Оқиға 5 тамыз күні Талғар ауданында болған. Теңіз деңгейінен 3510 метр биіктікте орналасқан «Қазселденқорғау» мекемесінің «Тоғызақ» гидробекетіне 8 адамнан тұратын туристер тобы келіп, көмек сұраған. Бес қаруы сай боп жорыққа шыққанымен, таулы аймақта екі шетелдік жарақат алған. Оның бірі 25 жастағы бойжеткен.  Арнайы қорғаныс каскасын кигеніне қарамастан, құлағанда тас тиіп, басынан жарақат алған.

Екіншісі 32 жастағы ер адам, құлап түсіп, қолын зақымдаған.

Хабарлама түскен бойда ауа райы қолайсыз болып, тікұшақ көтеру мүмкін болмаған. Осыған байланысты...

Жамбыл және Қостанай облыстарында «Қазақтелеком» АҚ-ның екі қызметкері жұмыста қаза тапты, деп хабарлады компанияның баспасөз қызметі.

Алғашқы қайғылы оқиға 4 тамызда Жамбыл облысында болды. Арнайы техниканы пайдалану арқылы жұмыс істеген Тараз қалалық техникалық қызмет көрсету орталығының қызметкері жарақат алып қайтыс болды.

Екінші оқиға 5 тамызда Қостанай облысының Әулиекөл ауданында орын алды. Жергілікті желілік-техникалық цехтың қызметкері байланыс желісінің бағандарында жұмыс істегенде ауыр жарақат алды.

Қостанай облыстық полиция департаментінде трагедияның Москалевка кентінде болғанын хабарлады.

«Алдын ала мәліметтер бойынша, «Қазақтелеком» АҚ нысанында бөлшектеу жұмыстарын жүргізу кезінде электр монтёрінің үстіне темірбетон баған құлаған. Алған жарақаттарынан ер адам оқиға орнында көз...

Алматыда полиция «Атакент» көрме кешені маңында бір топ балаға жасалған шабуылды тексеріп жатыр. Белгісіз ер адам 10 жасар ұл баланың бетінен ұрып, балаларды соққыға жығамын деп қорқытқан. Қалалық полиция тергеуді бастады.

Анасының айтуынша, ер адам алдымен қыз баланы ұрмақ болған, бірақ ол тығылып үлгерген. Содан кейін ол 10 жасар ұлының көзінен жұдырықпен ұрған. Баланың дене жарақаттары тіркеліп, көзінің асты көгерген.

Әйелдің айтуынша, балалардың бағына қарай жақын маңда Қорғаныс министрлігі Бітімгершілік даярлау орталығының әскери қызметшілері болған. Олар ер адамды ұстап, полиция шақырып, қызметкерлерге тапсырған.

Әскери қызметшілердің айтуынша, ұстаған кезде ер адам қазақтарды жек көретінін айтып айғайлап, кейін балаларға қарай...

Ақтөбе облысында 22 жастағы көршісі зорлаған 15 жастағы мектеп оқушысы интернетте буллингке ұшыраған.

Kriminal_kazakhstan ақпаратына қарағанда, бұл оқиға дүмпу тудырған соң ауылға блогерлер келіп, отбасының келісімінсіз қыз туралы видео жариялаған. Осыдан кейін интернетте мазақтау мен қудалау басталған. Бұл туралы жәбірленушінің туыстары айтқан.

Қолданушылар қорлау сипатындағы пікірлер қалдырып, оқушы қызды кінәлап, «жаман» деп атаған және оны ішімдік ішеді, темекі шегеді әрі жігіттермен кездеседі деп айыптаған.

Туыстарының айтуынша, осы қудалаудың салдарынан қыз қатты психологиялық күйзелісті бастан кешіріп отыр. Үйден қашып кеткісі келген, тіпті өзіне қол жұмсау туралы да айтқан. Отбасы буллинг фактісі бойынша полицияға арызбен жүгінуді жоспарлап отыр.

Сонымен...

Қазақстанда TABAN жүйесіне 400 мың үй жануары тіркелген. Енді жануарды асырап отырған иелері оларға eGov Mobile қосымшасында цифрлы құжат жасата алады деп хабарлады Egov.kz.

5 тамыздағы дерек бойынша, реестрге енгізілгендер ішінде 290 868 ит және 106 760 мысық бар. Сондай-ақ бес қоян, төрт күзен, тышқан, тасбақа, су шошқасы және ергежейлі шошқа да тіркелген.

Цифрлық паспортта жануардың лақап аты, тұқымы, түсі, туған күні, жынысы және айрықша белгілері көрсетіледі. Сонымен қатар құжатта чиптеу, стерилизациялау және вакцинациялау туралы мәліметтер де жазылады.

Паспортты ашу үшін eGov Mobile қосымшасына кіріп, «Цифрлық құжаттар» бөліміне өтіп, «Басқа құжаттар» санатын, содан кейін «Үй жануарының паспорты» тармағын таңдау...

Freedom Holding Corp. компаниясы «Bilim Group LTD» ЖШС-нің негізгі қатысушысы атанды. Бұл мәмілені Қазақстан Республикасы Бәсекелестікті қорғау және дамыту агенттігі толық мақұлдаған. Нәтижесінде қос компания стратегиялық бастамаларды іске асыруға кіріспек.

Бұл қадам Freedom Holding Corp. компаниясының білім беру сервистерінің сапасы мен ашықтығын арттыруға, сондай-ақ отандық IT-сектордың экспорттық мүмкіндіктерін арттыруға бағытталған цифрлық трансформация стратегиясын көрсетеді.

Ынтымақтастық аясында болашағы зор зерттеулерге инвестиция салу, озық білім беру контенті мен әдістемелерін әзірлеу, оқытуды дараландыру және жасанды интеллект құралдары мен білім беру аналитикасын енгізу арқылы мұғалімдерді қолдау көзделген.

Freedom Holding Corp. бас атқарушы директоры Тимур Турлов келісімді қаржы және білім беру технологияларының синергиясы арқылы...

Марокконың Рабат қаласында ФИФА Президенті Джанни Инфантино, ФИФА Бас хатшысы Маттиас Графстрём және ФИФА Басқару кеңесі мүшелерінің қатысуымен кездесу өтті. Жиын барысында ұйымның ішкі процестерін жақсарту және соңғы оқиғаларға байланысты беделді қорғау мәселелері талқыланды.

Өзара қолдау мен ынтымақтастық

Кездесу қорытындысы бойынша Бас хатшы мен Басқару кеңесінің мүшелері ФИФА-ның 211 мүше-қауымдастығы тарапынан сайланған жалғыз ресми тұлға – Президент Джанни Инфантиноны толық қолдайтынын тағы бір мәрте растады. ФИФА Президенті де ұйым стратегиясын жүзеге асыруда сапалы жұмыс атқарып жатқан Бас хатшы мен ФИФА әкімшілігіне сенім білдірді.

Сондай-ақ, тараптар жұмыс тиімділігін арттыру мақсатында Басқару кеңесі мен ФИФА басшылығы арасындағы коммуникация мен өзара іс-қимылды...

6 тамызда Әзербайжан сыртқы істер министрі Жейхун Байрамов ресми сапармен Киевке барды. Теміржол вокзалында оны Украина СІМ басшысы Андрей Сибига күтіп алды.

Байрамов пен Сибига Украина еркіндігі үшін опат болған жауынгерлер құрметіне арналған мемориалға гүл қойды. Әзертадж агенттігінің хабарлауынша, министрлер бірге суретке түскен соң бетпе-бет кездесу өткізген. Ал содан кейін кеңейтілген құрамның жүздесуі өткен. Олар аймақ және халықаралық қауіпсіздік мәселелерін талқылаған.

Министрлер екі арасындағы одақтас қарым-қатынасты дамыту маңызды екенін атап өткен.

Естеріңізге сала кетейік, 2026 жылғы 13 шілдеде Әзербайжан президенті Ильхам Әлиев украин журналисі Дмитрий Городонға сұхбат беріп, соғысқа қатысты пікір айтқан.

Ұлытау облысында «Күлтөбе қалажұрты: көне Түркістан тарихының бастауы» атты көшпелі көрме ашылды.

Мәдениет және ақпарат министрлігінің ақпаратына қарағанда, экспозиция Күлтөбе қалашығының археологиялық мұрасын және Ұлы даладағы қала мәдениетінің қалыптасу кезеңдерін таныстырады.

«Көрмені Ұлытау облысының тарихи-археологиялық музейі «Әзірет Сұлтан» ұлттық тарихи-мәдени музей-қорығымен бірлесіп ұйымдастырды. Экспозицияға бірнеше тарихи кезеңді қамтитын 172 археологиялық жәдігер қойылған. Олардың қатарында I-IV ғасырларға жататын ошақтар, VII-VIII ғасырлардағы өрнектелген саптыаяқтар, XIV ғасырдағы құмыралар мен су құбырының түтіктері, сондай-ақ XVIII-XIX ғасырлардағы майшамдар мен тостағандар бар», – делінген мәліметте.  

Министрліктің хабарлауынша, көрменің жеке бөлімінде Қоқан хандығы, Бұхара әмірлігі және Ресей империясы кезеңінде...

«Қазақстанның Даму Банкі» Алматы облысындағы «Көлсай» аспалы жолының құрылысын қаржыландыру мүмкіндігін қарастырып жатыр. Өтінім индикативті талдаудан өту үшін құжат жинау кезеңінде тұр.

Қарыз алушы ретінде «Компания Строй Индустрия» көрсетілген, ал жобаның бенефициары – Самат Ахман. Жоба туризм саласына жатады.

Сөз ұзындығы 6,3 км болатын, Төменгі және Ортаңғы Көлсайды қосуы тиіс аспалы жол туралы болып отыр. Нысанды салу жоспарлары туралы Алматы облысының билігі бұған дейін хабарлаған болатын.

Әкімдіктің мәліметінше, желі екі учаскеден тұрады: Батан аңғарына дейінгі ұзындығы шамамен 3,5 км және Ортаңғы Көлсай көлінің жоғарғы жағына дейінгі ұзындығы 2,8 км. Кабиналар сегіз орындықты болмақ.

Наурызда Алматы облысы туризм басқармасының басшысы...

Алматыны Қазақстанның білім орталығы деп атауға негіз бар. Қаладағы университеттер бір ауданда ғана емес, орталықтан бастап батыс және шығыс бөлікке дейін таралған.

Kursiv Media рейтингіне қаладағы 10 жоғары оқу орнының ғимарат саны енгізілді. Рейтингті жасау кезінде оқу корпустары, әкімшілік ғимараттар және университетке тиесілі өзге де негізгі нысандар есепке алынды.

Алматы университеттері: оқу корпустары бойынша топ-10

Ескерту: жатақхана, кітапхана, спорт кешені, клиника және өзге инфрақұрылым нысандары есепке алынбады. «+» белгісі университеттің толық ғимарат саны ашық жарияланбағанын білдіреді.

Өскемендегі «Досым» қаңғыбас жануарларды оңалту орталығына Галя есімді есек әкелінді.

YK-news.kz ақпаратына қарағанда, ол жуырда паналаған Орлик атты қодыққа серік болмақ.

Орталық мамандарының айтуынша, есек – жалғыздықты ұнатпайтын жануар. Сондықтан оның жанында міндетті түрде серігі болуы керек.

«Орликті қарап жүрген ветеринар оған жалғыз қалуға болмайтынын айтты. Әйтпесе, жылқы күйзеліске түсіп, агрессия танытуы мүмкін. Сондықтан ауылдан Галяны сатып алып, панамызға әкелдік», – дейді орталық өкілдері.

Екі апталық Орлик паналауға биыл маусым айында түскен. Енесіз қалған қодықты еріктілер кездейсоқ тауып алған. Олар бастапқыда панадағы жануарларға азық ретінде жылқының өлексесін алуға барған. Алайда сол жерде енесін...

Эндокринолог Абылайхан Сәрсембай пациенттерде «қанша аз жесем де, салмақ тастай алар емеспін” деген шағым жиі кездесетінін айтады. Оның сөзінше, бұған ерік-жігердің жетіспеушілігі мен халық арасында айтылатын «баяу зат алмасу» себеп емес. Мұның астарында анықтауға әрі түзетуге болатын нақты факторлар жатыр.

«Баяу метаболизм» туралы миф

Дәрігер сау адамдардың негізгі зат алмасу көрсеткішінде қатты айырмашылық болмайтынын айтады. Орташа алғанда айырмашылық 10-15%-ды құрайды. Дене салмағына көбінесе басқа факторлар әсер етеді. Оған гормоналды фон, ұйқы сапасы, күйзеліс деңгейі, тамақтану әдетінің ерекшеліктері және тағамның нақты калориясы кіреді.

Гормондар дене салмағына қалай әсер етеді

Тәбет пен зат алмасуды реттеуде бірнеше гормон маңызды рөл атқарады.

Алматы қаласының әкімі Дархан Сатыбалды мегаполисте құрылыс жүргізу кезінде тұрғындарға қолайсыздық жасамауды тапсырды. Өткен демалыс күндері Абай даңғылында қозғалыс шектеуліне байланысты көлік кептелісі болып, алматылықтар қала билігін сынаған.

«Қала әкімі «Оңтүстік» және Ганди саябақтарындағы көріктендіру жұмыстарының барысын тексерді. Сапар соңында барлық жұмыстың сапалы орындалуын қамтамасыз ету, жобаларды жүзеге асыру кестесін сақтау және құрылыс кезінде тұрғындарға келетін қолайсыздықты барынша азайту жөнінде тапсырма берілді», – деп таратты мегаполис әкімдігі.

Бұған қоса, әкім Розыбакиев және Жароков көшелерінде салынып жатқан заманауи қоғамдық кеңістіктердің құрылыс барысымен танысқан.

Естеріңізге сала кетейік, 1-2 тамыз күндері Абай даңғылы мен Әуезов көшесін...

Кәсіп ашамын деген алматылықтарға 86,5 млн теңгеге дейін несие беріледі. Қаржыландыруды «Almaty» микроқаржы ұйымы жүзеге асырады, деп хабарлайды қала әкімдігі.

Қаражат екі мақсатта беріледі. Бизнеске инвестиция құю үшін алатын болса несие мерзімі – 7 жылға дейін, ал айналым қаражатын толықтыруға – 3 жылға дейін.

Несие кімдерге беріледі?

 Бағдарлама өндіріс және өңдеу өнеркәсібі, туризм, мейрамхана, қонақүй бизнесі және мектепке дейін білім беру саласында жұмыс істейтін кәсіпкерлерге арналған. Олардың ішінде: