Жаңалықтар

KASE саудасында 6 тамыз сағат 10:52-де теңге АҚШ долларына қатысты нығаюын жалғастырды. USD/KZT_TOM валюталық жұбы бойынша соңғы мәміле бағамы 467,19 теңге болды.

Алдыңғы сауда күнінің жабылу бағасымен салыстырғанда доллар 0,80 теңгеге, немесе 0,17%-ға арзандаған. Бұған дейінгі жабылу бағамы шамамен 467,99 теңге болған.

100 млн теңгеден астам қаражат жымқырып, алаяқтық жасады деген күдікті Грузиядан Қазақстанға жеткізілді. Бұл туралы Бас прокуратура хабарлады.

Бас прокуратура мен Ішкі істер министрлігінің интерпол қызметкерлері күдіктіні Грузиядан елге жеткізді.

Ол 2021 жылдың қаңтары мен 2022 жылдың ақпаны аралығында Кипрден пәтер сатып алуға көмектесемін деген сылтаумен Қазақстан азаматынан 100 млн теңгеден астам ақша алған. Жәбірленуші оған 100 млн теңгені бірнеше рет бөліп салған.

Қылмыс жасағаннан кейін күдікті жасырынып қалып, оған халықаралық іздеу жарияланған.

2026 жылдың маусым айында ол Грузия аумағында ұсталып, Қазақстан Бас прокуратурасының сұрауы бойынша елге экстрадицияланды.

Қазіргі уақытта күдікті тергеу изоляторына қамауға алынды. Ол 10 жылға...

Экс-министр Қуандық Бишімбаевтың бұрынғы әйелі Назым Қахарман балаларының әжесі Альмира Нұрлыбекованың 25 млн теңге өндіруді көздеп, талап-арыз бергенін мәлімдеді.

Қахарманның айтуынша, дау 2011 жылдан бері өзі басқарған фитнес-клубқа қатысты. Оның сөзінше, бизнес бұрынғы енесімен жасалған сенімгерлік басқару шарты негізінде жүргізілген. Неке кезінде Бишімбаевтың туыстары бизнестен түскен табысты қайтаруды талап етпегенімен, арада бірнеше жыл өткен соң сотқа жүгінген.

Назым Қахарман бұл соңғы екі жылда Бишімбаевтар әулеті тарапынан өзіне қарсы берілген төртінші талап-арыз екенін айтты. Оның пікірінше, іс балалардың әкесі жағындағы туыстарымен араласуына ықпал ету үшін жасалып отырған қысым болуы мүмкін.

Сондай-ақ ол сенімгерлік басқару шартының тәуекелі жоғары екенін көрсетіп...

Аса қауіпті эбола індеті өршіп тұрған Конгода дәрігерлер айлық алмаған. Медицина қызметкерлері соған байланысты бойкот жариялап жатыр. Гуманитарлық ұйымдар дәрігер еңбегінің өтелмеуі қатерлі вирустың таралуына жол ашады деп есептейді.

Індет өршіп тұр

Конго Демократиялық Республикасында аса жұқпалы әрі қауіпті эбола вирусы 2026 жылғы мамырдың ортасында тіркелген. Содан бері елде, жергілікті денсаулық сақтау министрлігінің мәліметінше, кем дегенде 3874 адам вирус жұқтырып, 1751 адам қайтыс болған.

CNN телеарнасының Африкадағы осы елде дайындаған репортажынан эболамен күресіп жүрген дәрігерлердің айлық алмағаны мәлім болды. Көлемді мақала кейіпкері – Мишелин Кайимпа. Ол елдің шығысындағы клиникада медбике болып істейді. Қатерлі вирус жұқтырғандардың шамамен 90%-ы...

«ҚМГ Қарашығанақ» компаниясы 2025 жылы 47,2 млрд теңге таза пайда тапты. Бұл өткен жылғы көрсеткішпен (47,0 млрд теңге) салыстырғанда сәл өсім бар екенін көрсетеді.

«КМГ Қарашығанақ» ЖШС «Қарашығанақ өнімді бөлісу туралы түпкілікті келісімі» (Қарашығанақ ӨБТК) шеңберінде 10% бөлінбейтін үлеске ие.

Кіріс құрылымы қандай

Серіктестіктің 2025 жылғы жалпы түсімі 184,2 млрд теңгені құрады, бұл 2024 жылғы 185,9 млрд теңгеден шамамен 0,9 пайызға төмен. Компания түсімінің басым бөлігі дәстүрлі түрде шикі мұнай сатудан түскен: 179,5 млрд теңге (өткен жылы 181,1 млрд теңге). Ал газ және оны өңдеу өнімдерін өткізуден түскен кіріс 4,7 млрд теңгені құрады.

Географиялық тұрғыдан алғанда, компанияның негізгі экспортты...

Астанадағы автотұрақтардың бірінде темекі тұтатқан жүргізуші сіріңкесін сөндірмей, терезеден сыртқа тастай салған.

Қасында тұрған көлік – газ баллон жүйесі орнатылған Audi A6 сол сәтте лап етіп өртеніп кеткен.

Өртенген көліктің иесі де кінәлі

Өрттің шығу сәті автотұрақтағы бейнебақылау камераларына түсіп қалған. Тәуелсіз бағалау нәтижесінде келтірілген материалдық шығын 2,9 млн теңгеден асқаны анықталған.

Іс сотқа дейін барды. Сот өрттің шығуына тек сіріңке тастаған жүргізуші ғана емес, өртенген көліктің иесі де кінәлі деген қорытындыға келді.

Әрекет қасақана жасалмаған

Сараптама қорытындысына сәйкес, көліктен шыққан газ булары газ-ауа қоспасын түзген. Көлік иесі тұрғылықты жері бойынша талап арыз бергендіктен, азаматтық іст...

Әлемдік футбол жұлдызы Мұхаммед Салах түріктің «Трабзонспор» клубына ауысып, жергілікті жанкүйерлерге футбол мерекесін сыйлады. Әуежайдағы қарсы алу салтанаты әлеуметтік желіде тарап, үлкен ажиотаж тудырды.

«Бұрын мұндайды көрмегенмін…»

Трабзон қаласының әуежайына мысырлық шабуылшыны өз көзімен көру үшін 25 000-нан астам жанкүйер жиналды. Мұндай ыстық ықылас пен ерекше атмосфераны күтпеген Салах әсерін бөлісті:

«Бұрын мұндай нәрсені көріп-білгенім есімде жоқ. Мұнда 25 000 адам жиналыпты, бұл – ақылға сыймайтын көрініс!» – деді ол.

Әлемдік мұнай нарығында баға қайта төмендеді. 6 тамыздағы азиялық саудада Brent маркалы мұнай барреліне шамамен 79,3 доллар, ал АҚШ-тың WTI мұнайы 75 доллар деңгейінде саудаланды.

Нарықтағы негізгі себеп – АҚШ пен Иран арасындағы шиеленіс бәсеңдеуі мүмкін деген үміт. Инвесторлар Ормұз бұғазы арқылы мұнай тасымалы біртіндеп қалпына келеді деп күтуде.

Reuters дерегінше, Иран мен Оман Ормұз бұғазындағы кеме қозғалысын реттеу мәселесі бойынша белгілі бір түсіністікке келген. Бұл АҚШ пен Иран арасындағы қақтығысты тоқтатуға бағытталған кеңірек келісімге жол ашуы мүмкін.

Алайда баға әзірге күрт құлдыраған жоқ. Себебі келіссөздердің нәтижесі нақты емес. Иран АҚШ-пен ресми бейбіт келіссөз жүріп жатқанын растаған жо...

Жасанды интеллект Қазақстандағы мектеп бағдарламасының міндетті бөлігіне айналады. Бұл туралы Оқу-ағарту министрлігінің баспасөз қызметі хабарлады.

«Осы құжаттарды жүзеге асыру аясында мемлекеттік жалпыға міндетті білім беру стандарты, үлгілік оқу жоспарлары мен оқу бағдарламалары жаңартылды. 1–4 сыныптардағы «Цифрлық сауаттылық» пәні «Цифрлық сауаттылық және жасанды интеллект», ал 5–11 сыныптардағы «Информатика» пәні «Информатика және жасанды интеллект» болып өзгертілді», – делінген хабарламада.

Министрлік білім беру мазмұнының жаңаруы технологиялардың дамуымен, еңбек нарығы талаптарының өзгеруімен және жасанды интеллекттің өмірдің әртүрлі салаларына кеңінен енгізілуімен байланысты екенін түсіндірді.

Ведомство деректеріне сүйенсек, оқу бағдарламаларына жасанды интеллект бойынша жаңа бөлімдер енгізілді. Бастауыш мектепте оқушылар жасанды интеллект...

Еуроодақ бұғатталған ресейлік активтен түскен табыстың 1,4 млрд еуросын Украинаға бөлу туралы шешім қабылдады. Бұл туралы Еурокомиссия басшысы Урсула фон дер Ляйен хабарлады.

Оның сөзінше, бөлінген қаражат «Ресейдің заңсыз соғысына тойтарыс беріп жатқан Украинаға қолдау болуы керек». Дегенмен Брюссель бұл Киевтің қолына тікелей берілетін ақша емес екенін ескертті. Бұғатталған активтерден түскен пайданың 95%-ы Украинаға несие беруді қолдайтын арнайы механизмге жіберілсе, қалған 5%-ы Еуропалық бейбітшілік қорына аударылады.

Еуроодақ мұндай шешімін жариялағанға дейін ресейлік дрондар Киевке шабуылдап, 17 адам қайтыс болған еді. Еурокомиссия басшылығы Ресейдің «бұл сұмдығын» айыптады.

«Біз тағы да Ресейдің сұмдық әрекеті туралы жаңалықтарды ести...

Шымкент қаласындағы хайуанаттар бағында Қызыл кітапқа енген көк арқар төлдеді. Оның атын Тұмар деп қойды.

Көк арқар немесе қошқар (Pseudois) негізінен Тибет пен Гималайдың биік таулы аймақтарын мекемендейді.

Саны сирек бара жатқандықтан Қызыл кітапқа енгізілген жануар 12 шілдеде хайуанаттар бағында төлдеді. Хайуанаттар бағының қызметкерлері бұны айрықша оқиғаға балады.

Мәліметтерге қарағанда, жаңа туған төлдің жағдайы жақсы. Тұмар анасынан бір елі қалмайды, жем-шөпті жақсы жейді. Оның жағдайын мамандар бақылап отыр.

«Осындай қуанышты оқиғалар сирек кездесетін жануарларды сақтап қалу үмітін нығайта түседі», – деп есептейді хайуанаттар бағының қызметкерлері.

Естеріңізге сала кетейік, бір күн бұрын Алматы зообағында Фидель атты қолтырауын 40 жасқа толған.

Қазақстанның бірінші ракеткасы, әлемнің 2-ші ракеткасы Елена Рыбакина Канаданың Торонто қаласында өтіп жатқан WTA турнирінің 1/32 финалында тартысты матч өткізіп, келесі кезеңге жолдама алды.

Рыбакинаның бұл турнирдегі алғашқы қарсыласы Австралия өкілі Дарья Касаткина (WTA: 61) болды. Кортта 2 сағат 35 минутқа созылған ауыр матч 2:1 (6:3, 5:7, 6:4) есебімен қазақстандық теннисшінің пайдасына аяқталды.

Елена Рыбакина 1/16 финалда АҚШ өкілі Энн Лимен (WTA: 31) кездеседі. Матч 7 тамыз күні өтеді деп жоспарланған.

«Самұрық-Қазына» қоры Қазақстандағы мұнай-газ, энергетика, көлік, телекоммуникация және атом өнеркәсібіндегі ең ірі компанияларды басқарады. Қордың қазіргі саясаты стратегиялық кәсіпорындарды толығымен сатып жіберу емес, олардың акцияларының белгілі бір бөлігін IPO және SPO арқылы жеке инвесторларға ұсынуға негізделген.

Қор нарығында неше компания бар?

2026 жылғы тамыздағы жағдай бойынша «Самұрық-Қазынаға» тікелей қарайтын бес ірі портфельдік компанияның акциялары биржада саудаланады. Олар: «Қазақтелеком», KEGOC, «Қазатомөнеркәсіп», «ҚазМұнайГаз» және Air Astana.

Осы бес компанияның барлығы KASE-дегі акциялар тізіміне енгізілген. Олардың ішінде KEGOC, «Қазатомөнеркәсіп», «ҚазМұнайГаз» және Air Astana акциялары мемлекеттің экономикадағы үлесін қысқарту бағдарламалары аясында кезең-кезеңімен нарыққа шығарылды. «Қазақтелеком» акциялары KASE-де 1997 жылдан бері саудаланады.

Ал «Самұрық-Қазына...

Түркияда шетелдік сандық тұрғын үйді брондау платформалары мен туристік сервистерге жаңа талаптар белгілейтін заң жобасы дайындалуда. Заң күшіне енгеннен кейін белгіленген шарттарды орындаған компаниялар түрік нарығында қайтадан жұмыс істей алады. Олардың қатарында елдегі қызметін тоғыз жылдай бұрын тоқтатқан Booking.com да болуы мүмкін.

Жобаға сәйкес, шетелдік платформалар Түркияда ресми өкілдік ашып, әр екі жыл сайын ұзартып отыруды талап ететін жұмыс істеу рұқсатын алуға тиіс. Ұзарту құны 5 млн түрік лирасын (105 мың доллардан астам) құрайды.

Компаниялар, сондай-ақ, сандық қызметтерге салынатын салықты төлеушілерге айналады және жылдық айналымның 0,05%-ын Түркияның Туризмді дамыту агенттігіне (TGA) аударып отырады.

Құжат бәсекелестікті бақылауды күшейтуді қарастырады. Платформалар пайдаланылатын...

Алматы әуежайынан Қазақстан көші-қон заңнамасының талаптарын бұзған Үндістанның 35 азаматы елден шығарылды. Олардың барлығы елде болудың рұқсат етілген мерзімінен асып кеткен және елде заңсыз жүре берген.

Алматы қалалық полиция департаментінің хабарлауынша, шетелдіктердің орналасқан жері көші-қон қызметі қызметкерлерінің рейдтері кезінде анықталды. Ұсталғаннан кейін сот оларды Қазақстаннан шығару туралы шешім қабылдады.

Процедураның қорытынды кезеңі Алматы әуежайында өтті. Полицейлер шетелдік азаматтарды ұшу алдында шекаралық және төлқұжаттық бақылаудан өткенге дейін сүйемелдеді.

Шетел азаматтарынан бөлек, қабылдаушы тараптар да әкімшілік жауапкершілікке тартылды. Полицияның мәліметінше, олар шетелдіктердің елде заңды болуының белгіленген мерзімі аяқталғаннан кейін олардың кетуі үшін уақтылы шаралар қолданбаған.

«Көші-қон заңнамасын сақтауға...

Шығыс Қазақстан облысы қатты қолайсыз ауа райының салдарларын жоюда. Күннің күркіреуі, дауылды жел, нөсер жаңбыр және кей жерлерде бұршақ жаууы электр энергиясының өшуіне, ағаштардың құлауына және электр желілерінің зақымдануына әкеп соқты.

Облыс әкімдігінен хабарлағандай, қалпына келтіру жұмыстарының барысы өңір басшысы Нұрымбет Сақтағановтың жеке бақылауында болды.

Қолайсыз ауа райынан Өскемен қаласы ең көп зардап шеккен. Оқиға салдарын жою үшін мұнда 270 адам мен 41 бірлік арнайы техника жұмылдырылды.

Коммуналдық және апаттық қызметтер электрмен жабдықтауды қалпына келтіріп, көшелер мен аулалардан құлаған ағаштарды тазалады, жаңбыр суын сорып, нөсер кәрізін тазартты.

Табиғат апатының салдары Глубокое ауданына да тиді, онда қатты жел бірден бірнеше елдімекенде...

Елдің оңтүстік бөлігінде 40 градустан жоғары ыстық болжануда. Ал солтүстік пен шығыста жел соғып, жаңбыр жауады. «Қазгидромет» 6 тамызға ауа райы болжамын ұсынды.

Астанада бұлтты, жаңбыр, күн күркірейді, жел 9-14 м/с. Ауа температурасы түнде +16…+18°C, күндіз +26…+28°C.

Алматыда бұлтты, жаңбыр, күн күркірейді, жел 3-8, еппіні 13 м/с. Ауа температурасы түнде +17…+19°C, күндіз +29…+31°C.

Шымкентте көшпелі бұлт, жауын-шашынсыз, жел 8-13 м/с. Ауа температурасы түнде +18…+20°C, күндіз +32…+34°C.

Ақтауда бұлтты, жаңбыр, күн күркірейді, жел 7-12 м/с. Ауа температурасы түнде +23…+25°C, күндіз +28…+30°C.

Ақтөбеде ашық, жауын-шашынсыз, жел 5-10 м/с. Ауа температурасы түнде +15…+17°C, күндіз +28…+30°C.

Атырауда көшпелі бұлт, жауын-шашынсыз, жел 5-10 м/с. Ауа температурасы түнде +23…+25°C, күндіз +33…+35°C.

Жезқазғанда көшпел...

Ақмола облысында бөгде адамдардың атына кредит рәсімдеген қылмыстық топтың 21 қатысушысына үкім шықты.

Облыстық прокуратураның мәліметінше, алаяқтар қазақстандықтардың дербес деректеріне алдап қол жеткізіп, олардың атына екінші деңгейдегі банктерден және микроқаржы ұйымдарынан кредиттер рәсімдеген. Нәтижесінде зардап шегушілерге және қаржы ұйымдарына 2 млрд теңге зиян келтірілді.

«5 тамызда Ақмола облысының Қылмыстық істер жөніндегі мамандандырылған ауданаралық соты барлық 21 айыпталушыны кінәлі деп тапты. Әрқайсысының атқарған рөліне байланысты олар 5 жылдан 10 жылға дейін бас бостандығынан айырылды», – деп хабарлады прокуратура.

Бұдан бөлек, сот қылмыстық жолмен алынған мүлікті тәркілеуге қаулы етті. Оның ішінде, Алматыдағы пәтерлер, сондай-ақ Lexus LX...

Қостанай облысында тротуармен жүріп өткен жүргізуші жауапкершілікке тартылды, деп хабарлайды Polisia.kz.

Жол қозғалысы ережелерін өрескел бұзу фактісі тіркелген видеожазбасы бар өтініш полицияға қала тұрғындарынан түскен.

«Автокөлік жүргізушісі ЖҚЕ талаптарын елемей, тротуармен жүріп өтіп, жаяу жүргіншілердің қауіпсіздігіне қатер төндірді. Осы факті бойынша полиция қызметкерлері дереу тексеру жүргізді. Жүргізушінің жеке басы анықталып, құқық бұзушы ҚР заңнамасына сәйкес жауапкершілікке тартылды», – делінген хабарламада.

Тәртіп сақшылары тротуар тек жаяу жүргіншілерге арналғанын еске салды. Онда көліктердің жүруі адамдардың өмірі мен денсаулығына нақты қатер төндіреді.

Айта кетейік, жол апатының санын азайтуға ықпал еткен жолдың бірі – жалпы ұзындығы 2,3 мы...

6 тамызда «Халық Арена» көпфункционалды кешенінің аумағында жоспарлы антитеррорлық жаттығулар өтеді, деп хабарлады терроризмге қарсы күрес жөніндегі қалалық жедел штаб.

Жаттығулар Құлжа тас жолы, 2 мекенжайы бойынша сағат 8.00-ден 13.00-ге дейін өтеді.

«Жаттығу барысында адамдар көп жиналатын объектілердегі жағдайдың дамуының түрлі сценарийлеріне жедел әрекет ету мәселелері пысықталады. Қауіпсіздік шараларын сақтауды және тартылған мемлекеттік органдар қызметкерлерінің заңды талаптарын орындауды сұраймыз. Сондай-ақ ресми ақпарат көздерін басшылыққа алып, жалған ақпараттың таралуына жол бермеу керек», – делінген хабарламада.

Ведомство қала тұрғындарынан жаттығуларға түсіністікпен қарауды, қауіпсіздік шараларын сақтауды және тартылған мемлекеттік органдардың заңды талаптарын орындауды сұрайды.

Бұған дейін 17 сәуірде...

2026-2027 оқу жылына арналған мемлекеттік білім беру гранттарын тағайындау конкурсының қорытындысы 7 тамыз күні сағат 15:00-де жарияланады. Бұл туралы ҚР Ғылым және жоғары білім министрі Саясат Нұрбек хабарлады.

Министрдің айтуынша, республикалық комиссия мемлекеттік білім беру гранттарын бөлуді аяқтады. Оның құрамына мемлекеттік органдардың, қоғамдық ұйымдардың, білім беру саласының кәсіподақтарының, «Атамекен» Ұлттық кәсіпкерлер палатасының және ЖОО-лар қауымдастығының өкілдері кірді.

«Биыл конкурсқа қатысу үшін 127 мыңнан астам өтініш келді. Талапкерлер арасында «Педагогикалық ғылымдар», «Инженерлік, өңдеу және құрылыс салалары» және «Ақпараттық-коммуникациялық технологиялар» даярлау бағыттары ең үлкен сұранысқа ие болды», – деп хабарлады Саясат Нұрбек.

Министр, сонымен қатар, биыл...

Астана тұрғыны полиция бөлімшесінің есігін бүлдіргені үшін қамауға алынды, деп хабарлады қалалық прокуратурасы.

Оқиға 4 маусым кешке болған. Мас болған ер адам кіреберіс есіктің әйнегін сындырған. Келтірілген зиян 90 мың теңге. Құқық бұзушы 10 тәулікке қамауға алынды.

Осыған ұқсас вандализм фактісі Шейх Кунта Қажы атындағы мешітте де тіркелді. 38 жастағы астаналық маңдайшаларды жұлып алып, жыртып, шетке лақтырып жіберген. Ол 15 тәулікке қамалды.

«Осыған ұқсас жағдай 20 мамырда сағат 17.30 шамасында орын алды, онда елорданың 20 жастағы тұрғыны шлагбаумды әдейі бүлдірген. Оған 50 АЕК (2026 жылы 216 250 теңге) мөлшерінде әкімшілік айыппұл салынды», – делінген хабарламада.

2027 жылғы 22 сәуірде Астанада УЕФА-ның 51-ші Конгресі өтеді, оның барысында ұйым президенті мен Атқарушы комитет мүшелері сайланады.

Туризм және спорт министрлігінің баспасөз қызметінің хабарлауынша, Конгреске УЕФА құрамына кіретін барлық 55 ұлттық футбол ассоциациясының өкілдері, сондай-ақ, ұйым басшылығы, ФИФА, еуропалық лигалар, клубтар және басқа да спорттық ұйымдардың делегаттары келеді.

«Қазақстанға мұндай ауқымды шараны өткізу құқығының берілуі УЕФА тарапынан жоғары сенім деңгейін және елдің ірі халықаралық спорттық оқиғаларды ұйымдастыру мүмкіндігіне ие болғанына қуанышты», – деп атап өтті министрлік.

Ведомство ұйымдастыруға кететін барлық шығынды УЕФА өз мойнына алатынын нақтылады.

Елде спорттық инфрақұрылым жаңартылып, балалар...

Ақтөбеде интернет-алаяқтар ұрлаған ақшаны қолма-қол ақшаға айналдыру үшін банк карталарын сатып алды деген күдікпен ер адамды ұстады. Алдын ала мәлімет бойынша, осы карталар арқылы шамамен 10 млн теңге қолма-қол ақшаға айналдырылған, деп хабарлайды Polisia.kz.

Тергеу мәліметінше, ер адам 18-25 жас аралығындағы жастардан банк карталарын 20-30 мың теңгеге сатып алып, кейін оларды үшінші тұлғаларға қайта сатып отырған. Кейін бұл карталар қылмыстық жолмен алынған қаражатты қолма-қол ақшаға айналдыру үшін пайдаланылған.

Алдын ала ақпарат бойынша, аталған банк карталары арқылы шамамен 10 млн теңге шығарылған.

Күдікті уақытша ұстау изоляторына қамалды. Іс бойынша барлық мән-жайды және заңсыз әрекетке қатысы бар өзге тұлғаны анықтауға бағытталған тергеу...