Жаңалықтар

Мемлекет басшысы Қасым-Жомарт Тоқаев Өзбекстан Президенті Әкімшілігінің басшысы Саида Мирзиёеваны қабылдады. Кездесуде Қазақстан мен Өзбекстан арасындағы стратегиялық серіктестікті одан әрі дамыту, сауда-экономикалық және мәдени-гуманитарлық байланыстарды кеңейту мәселелері талқыланды. Бұл туралы Ақорда хабарлады.

Президент Саида Мирзиёеваның Астанаға сапары екі ел арасындағы ынтымақтастықты ілгерілету тұрғысынан маңызды екенін атап өтті. Оның айтуынша, Қазақстан мен Өзбекстан президент әкімшіліктері арасындағы тұрақты жұмыс байланыстары өңірлік ықпалдастықты күшейтуге ықпал етеді.

«Біздің саяси жүйелерімізде президент әкімшіліктері айрықша рөл атқарады. Мен әкімшіліктер арасындағы жұмыс қатынастарының жанданғанын әрдайым қолдаймын. Бір-бірімізбен байланыстарымыз артқан сайын Орталық Азиядағы тұрақтылық, өңірлік ықпалдастық нығая түседі», – деді Қасым-Жомарт Тоқаев.

Мемлекет басшысы Қазақстан мен Өзбекстанның Орталы...

Мемлекет басшысы Қасым-Жомарт Тоқаев 22-23 маусым күндері Брюссельге ресми сапармен барады. Ақорданың мәліметінше, сапар Еуропалық Кеңес Президенті Антониу Коштаның шақыруымен өтеді.

Сапар аясында Қазақстан Президенті Еуропалық Кеңес Президенті Антониу Коштамен және Еуропалық комиссия Президенті Урсула фон дер Ляйенмен келіссөз жүргізеді. Кездесулерде Қазақстан мен Еуропалық Одақ арасындағы кеңейтілген серіктестік пен ынтымақтастықты одан әрі нығайту мәселелері талқыланады.

Сонымен қатар Бельгия Премьер-министрі Барт де Вевермен кездесу де қарастырылған. Бұл кездесу Қазақстан мен Бельгия арасындағы екіжақты байланысты дамытуға, соның ішінде сауда, инвестиция және іскерлік әріптестікті кеңейтуге арналмақ.

Қасым-Жомарт Тоқаев ірі еуропалық компаниялар жетекшілерінің қатысуымен өтетін «Қазақстан – ЕО» дөңгелек үстелінде сөз сөйлейд...

Kursiv.Media зерттеуінше, 2026 жылдың І жартыжылдығында Қазақстанда қыздарға ең көп қойылған есім – Айлин, ал ұлдар арасында көш басында Алан тұр. ҚР Ұлттық статистика бюросының мәліметіне сүйенсек, алты айда 2026 қызға Айлин есімі берілген. Екінші орында тұрған есім – Асылым. 1726 баланың ата-анасы осы есімді таңдаған. Үштікті 1373 қыз балаға қойылған Медина есімі түйіндейді.

Ал Томирис, Айша, Аяла, Мариям, Сафия, Айым және Адия деген есімдер рейтингтің соңына жайғасқан. Тізімге қарасақ, ата-аналар арасында қысқа, әуезді әрі қазақы ортада да, халықаралық ортада да жеңіл айтылатын есімдер сұранысқа ие болып тұр.

Ұлдар арасында ең танымал есім – Алан. 2026 жылдың алғашқы...

Reuters мәліметінше, АҚШ Иранның Ормұз бұғазын жаптық деген мәлімдемесімен келіспей отыр. Вашингтонның айтуынша, бұл маңызды теңіз жолында сауда кемелері бұрынғыдай қатынап жатыр.

АҚШ пен Иран өкілдері жексенбі күні Швейцарияда бейбіт келіссөздерді бастауға тиіс. Иран делегациясы елге жетіп қойған, ал АҚШ атынан вице-президент Джей Ди Вэнс бастаған топ қатысады.

Бұған дейін тараптар 60 күндік атысты тоқтату режиміне келіскен. Бірақ сенбі күні Иранның Ислам революциясы сақшылары корпусы Ормұз бұғазы жабылғанын мәлімдеді. АҚШ Орталық қолбасшылығы мұны жоққа шығарып, сенбі күні бұғаз арқылы 55 сауда кемесі өткенін хабарлады. Бұл кемелер әлемдік нарыққа 17 млн баррельден астам мұнай жеткізген.

АҚШ президент...

Премьер-министрдің орынбасары Серік Жұманғарин бастаған қазақстандық делегация гуманитарлық және іскерлік миссиямен Ауғанстанға барды. Елге жалпы салмағы 318,8 тонна болатын гуманитарлық жүк жеткізілген.

Көмек құрамында қант, дәрі-дәрмектер, шатырлар және басқа да ең қажетті заттар бар.

Делегациямен бірге Кабул қаласына тоғыз қазақстандық дәрігер ұшып барған. Олар бір апта бойы пациенттерге кеңес беріп, практикалық көмек көрсетеді, сондай-ақ ауғандық медиктер үшін мастер-кластар өткізеді.

Үкіметтің мәліметінше, Қазақстан Орталық Азия елдерінің арасында Ауғанстанға гуманитарлық көмек жеткізетін ең ірі мемлекет болып қала береді.

Оған дейін Қазақстан Иранға гуманитарлық көмек жіберген. Иранға азық-түлік пен дәрі-дәрмек тиелген 30 теміржол вагоны жіберілді.

Қоғам белсендісі Марина Рузматова «ҚазТАГ» ақпараттық агенттігінің бас редакторы Әмір Қасеновтің әректіне қатысты сыни пікірін білдірді. Қасенов бұған дейін бұлтартпау шарасы қатаңдатылғаннан соң аштық жариялаған.

Рузматова журналистің денсаулық жағдайының нашарлағаны туралы мәлімдемелерінің шынайылығына күмән келтіріп, оның бұрынғы жұбайы Роза Есенқұлованың тарапынан айтылған өкпе-ренішті еске салды.

Қоғам белсендісі Қасенов өз жақындары мен мемлекеттік органдарды адастырып келген деп мәлімдеді. Ол Есенқұлованың отбасылық зорлық-зомбылық туралы айтқандарына сүйеніп, журналистің көп жылдар бойы төмен табысын көрсетіп, ең төменгі мөлшерде алимент төлеп келгенін алға тартты.

Бұдан бөлек, қоғам белсендісі ақпарат агенттігінің қызметкерлеріне ресми емес (конверттегі) жалақы төлену...

Қазақстан отын тапшылығын болдырмау үшін шекарадағы бақылау күшейтіліп, заңсыз экспорттың жолын кеспек.

Премьер-министр Олжас Бектенов мұнай өнімдері нарығындағы жағдайға байланысты жауапты министрліктер мен құқық қорғау органдары басшыларының қатысуымен жиын өткізді. Жиында Энергетика министрі Ерлан Ақкенженов елдегі ахуал туралы баяндады.

Министрліктің мәліметінше, қазіргі уақытта Қазақстандағы мұнай өңдеу зауыттары штаттық режимде жұмыс істеп тұр.

Елдегі бензин, дизель және авиациялық отынның қоры 1 миллион тоннадан асады. Үкімет бұл қор ішкі нарықтың сұранысын толық өтеуге жеткілікті екенін және қазіргі уақытта жанар-жағармай тапшылығы жоқ екенін мәлімдеді.

Бөлінген отын бірінші кезекте жанармай құю бекеттеріне, ауыл шаруашылығы тауарын өндірушілерге және отандық авиакомпанияларға жеткізіліп жатыр.

Белгілі продюсер Жан Мұқанов әнші Төреғали Төреәлі концерттік және гастрольдік қызметін толықтай тоқтататынын ресми түрде жариялады. Хитменнің бұдан былай сахнаға шығуына тыйым салынды.

Павлодардағы жанжал және тоқтатылған тур

Оқиғаның ушығуына әншінің Павлодар қаласындағы ипподромның ресми ашылуына келмей, өз міндеттемелерін орындамауы себеп болған.

Бұл жағдайдан кейін продюсерлік орталық шұғыл шешім қабылдап, Алматыдағы қала күніне арналған концерттерді және күзде өтуі тиіс халықаралық турды қоса алғанда, барлық жоспарланған шаралардан бас тартты.

Продюсер Жан Мұқанов қалыптасқан жағдайға байланысты былай деді:

«Бүгіннен бастап әртіс Төреғали Төреәлі өзінің концерттік және гастрольдік қызметін тоқтатады. Арнайы өкім шыққанға дейін...

Баласының ержеткенін күтіп, жазадан уақытша құтылған, бірақ кейіннен іздеуде жүрген Қазақстан азаматшасы Қырғызстаннан экстрадицияланды. Бас прокуратураның араласуымен заң алдында жауап бермек.

Жамбыл облысының мамандандырылған ауданаралық қылмыстық соты 2010 жылдың 23 қарашасында бір әйелге қатысты үкім кесті. Ол ақшалай сыйақы үшін Қазақстанның мемлекеттік шекарасы арқылы 1 килограммнан асатын «гашиш» есірткі затын заңсыз өткізіп, сатпақ болған жерінен ұсталған.

Контрабанда мен аса ірі мөлшердегі есірткі саудасы үшін сот оны мүлкін тәркілей отырып, 15 жарым жылға бас бостандығынан айыру туралы шешім шығарды.

Алайда сол тұста сот сотталушының артында қалған кішкентай баласы барын ескеріп, жазаны өтеу мерзімі баласы...

Иран футбол федерациясы 2026 жылғы әлем чемпионатында ұлттық құрамаға көрсетілген қысым үшін ФИФА-ға ресми шағым түсірмек. Reuters агенттігінің хабарлауынша, бұған АҚШ билігінің иран футболшыларының елге кіріп-шығуына қойған қатаң шектеулері себеп болған.

Саяси текетірестер мен виза алудағы кедергілер кесірінен Иран құрамасы қазір көрші Мексиканы паналауға мәжбүр.

Олар АҚШ-қа тек матч болатын күндері ғана ұшып келе алады. АҚШ билігі ирандық ойыншылардың ел аумағына ойынға 24 сағат қалғанда ғана кіруін және матч аяқталған бойда бірден шығып кетуін талап етіп отыр.

Команданың бас бапкері Амир Галенои бұл шешімге ашық наразылық білдіріп, өз құрамасының турнирдегі ең сорақы әрі теңсіз жағдайға тап...

19 маусым күні кешке Ақтөбе қаласындағы автогаз құю станциясының аумағында жеңіл автомобиль өртенді. Оқиға куәгерлерінің сөзінше, өрт басталған сәтте көліктің қасында көмек сұраған ер адам (болжам бойынша жүргізуші) болған.

Ақтөбе облысының Төтенше жағдайлар департаментінің мәліметінше, өрт шықан жайлы хабарлама 112 пультіне 22:55-те түскен. Оқиға орнына шұғыл жеткен төтенше жағдайлар қызметі тілсіз жауды 8 минут ішінде сөндірді.

Өрт сөндірушілер жалынның өзге аумаққа таралуына және жанармай бекетінде жарылыс болуына жол бермеген.

Fitch Ratings халықаралық рейтинг агенттігі Қазақстанның егемен кредиттік рейтингін «тұрақты» болжамымен «BBB» деңгейінде растады.

Агенттік сарапшылары мұнай өндіру көлемінің тұрақтануы аясында 2026–2028 жылдары Қазақстанның ЖІӨ өсімі жылына 4% деңгейінде болады деп болжайды (2025 жылғы 6,5%-ды құраған).

Елдің жоғары кредит қабілеттілігі халықаралық резервтердің қомақты көлемі және мемлекеттік қарыздың төмен деңгейіне негізделген.

Агенттіктің бағалауы бойынша, 2025 жылдың соңында алтынды қоса алғандағы жалпы халықаралық резервтер 65,4 млрд АҚШ долларын құраса, 2026 жылғы мамырға қарай 67,6 млрд АҚШ долларына дейін ұлғайды.

Сонымен қатар, Ұлттық қордың валюталық активтері 2026 жылғы мамырдың соңында 66,4 млрд АҚШ долларына (ЖІӨ-нің 18%-ы) жетіп, өткен жылмен...

Қазақстанда алғаш рет «Болашақ» бағдарламасы аясында жасанды интеллект бағыты бойынша халықаралық тағылымдамалар тағайындалды, деп хабарлайды Ақорданың баспасөз қызметі.

Конкурс қорытындысы бойынша 184 қазақстандық стипендия иегері атанды. Орташа есеппен бір орынға алты адамнан келді. Олардың ішінде 137 адам магистратурада, 10 адам докторантурада білім алады, тағы 37 адам шетелдік университеттер мен зерттеу орталықтарында кәсіби тағылымдамадан өтеді.

Бұдан бөлек, 51 қатысушы әлемнің жетекші ғылыми орталықтарында ғылыми тағылымдамадан өту үшін гранттар алды. Сондай-ақ шығармашыл жастардың бағдарламаға қатысу мүмкіндіктері кеңейтілді.

Енді «Болашақ» бағдарламасы бойынша білім алуға тек халықаралық олимпиадалар мен ғылыми конкурстардың жеңімпаздары ғана емес, сонымен қатар халықаралық шығармашылық сайыстардың жүлдегерлер...

Бұлтартпау шарасының қатаңдатылуына байланысты аштық жариялаған «ҚазТАГ» бас редакторы Әмір Қасеновтің жағдайы тұрақты және өміріне ешқандай қауіп төніп тұрған жоқ. Бұл туралы Алматы қаласының Қоғамдық денсаулық сақтау басқармасы хабарлады.

«Дәрігерлер кешенді тексеру жүргізді (зертханалық талдаулар және құрсақ қуысы мен зәр шығару жүйесі мүшелерінің ультрадыбыстық диагностикасы) – барлық нәтижелер рұқсат етілген норма шегінде», – делінген хабарламада.

Ведомствоның мәліметінше, пациент ауруханаға жатқызуды қажет етпейді. Пациентке инфузиялық терапия жүргізілді, денсаулық жағдайының динамикасы жақсарды, ол бұдан былайғы амбулаториялық емделуге жіберілді.

Дүйсенбі, 15 маусымда Әмір Қасенов өзіне қатысты бұлтартпау шарасының «үй қамағынан» «күзетпен ұстауға» өзгертілгенін біліп, аштық жариялаған болатын.

Бұдан бұрын Әмір...

Италия дипломатиясының басшысы Антонио Таяни бұл шешімді АҚШ Президенті Д. Трамптың Италия Премьер-министрі Дж. Мелониге қатысты мәлімдемелерімен байланысты жағдай аясында қабылдады.

Италиялық дипломаттың сапары 21–22 маусымда өтуі тиіс еді. Алайда ол Ақ үй басшысының италиялық La7 телеарнасына берген шулы сұқбатына Италияның білдірген реакциясына байланысты тоқтатылды.

Эфирде Америка лидері Италия Премьер-министрі Дж. Мелони G7 саммиті аясында өзімен суретке түсуін «жалбарынып сұрағанын» және өзі «аяушылықтан» келіскенін мәлімдеген.

Дж. Мелони Д. Трамптың бұл мәлімдемелерін «толығымен ойдан шығарылған» деп атап, «не өзі, не Италия ешқашан төмендемейтінін және ештеңе сұранбайтынын» баса айтып, шұғыл жауап қайтарды. Италия Президенті Серджо Маттарелла оған қолдау білдірді.

Жамбыл облысының Байзақ ауданында қатты тұрмыстық қалдықтар полигонындағы өрт сөндірілді, деп хабарлайды ҚР ТЖМ баспасөз қызметі.

Жамбыл облысында Байзақ ауданы Қарлығаш пионерлагері ауылынан екі шақырым жерде орналасқан қатты тұрмыстық қалдықтар полигонындағы өрт толықтай жойылды.

Өртті сөндіруге ТЖМ бөлімшелері және Түймекент ауылының «Ауыл құтқарушылары» ерікті өртке қарсы құрылымы қатысты. Өртсөндірушілер бірлескен күш-жігермен өрт ошақтарына су сеуіп, үстіне топырақ төкті, бұл жалынның таралуын тоқтатуға мүмкіндік берді.

Құтқарушылардың мәліметінше, өрт толықтай сөндірілді, жақын маңдағы елді мекендерге қауіп төнген жоқ.

ТЖМ қалдықтарды рұқсатсыз жағу ірі өрттерге әкеп соғуы мүмкін екенін ескертіп, өрт қауіпсіздігі ережелерін сақтауға шақырды.

Бұған дейін Астана қаласының Сарайшық ауданында Жүргенов...

Елдің басым бөлігінде найзағай ойнайды деп күтілуде. Оңтүстік өңірлерде термометр бағаны +39°C-қа дейін көтеріледі. «Қазгидромет» 20 маусымға арналған ауа райы болжамын ұсынды.

Қазақстан президенті Қасым-Жомарт Тоқаев ел заңнамасының түрлі салаларына өзгерістер енгізетін түзетулер пакетіне қол қойды.

Ақорданың баспасөз қызметі хабарлағандай, президент мына заңдарға қол қойды:

Қол қойылған барлық заңдардың мәтіндері баспасөзде жарияланады.

Айта кетейік, осыған дейін Тоқаев Қазақстанда...

Қазақстанның Еңбек және халықты әлеуметтік қорғау министрлігі әлеуметтік желілерде декретте отырып, курьер болып қосымша жұмыс істейтін аналарға берілетін төлемдер төңірегінде туындаған дауға кезекті рет жауап берді. Ведомство Қазақстанда мұндай аналарды жәрдемақыдан айыру жоспарланбағанын мәлімдеді.

«Әлеуметтік желілерде және кейбір ақпараттық пабликтерде Қазақстанда курьер болып қосымша жұмыс істейтін аналарды әлеуметтік төлемдерден айыру жоспарланып жатқаны туралы тұжырымдар жазылған жарияланымдар тарап жатыр. Бұл шындыққа жанаспайды», – деп мәлімдеді ведомстводан.

Жұмыс істейтін және жұмыс істемейтін аналарға төлем

Министрліктің түсіндіруінше, қолдау жүйесі төлемдердің екі бөлек түрінен тұрады. Жұмыс істемейтін, 1,5 жасқа дейінгі бала күтімімен айналысатын ата-аналар үшін республикалы...

Ақордада президент Қасым-Жомарт Тоқаевтың Польша Республикасы Сенатының Маршалы Малгожата Кидава-Блоньскамен кездесуі өтті, деп хабарлайды Ақорда.

Кездесу барысында екіжақты ынтымақтастықты нығайту және екі елдің заң шығарушы органдары арасындағы өзара іс-қимылды кеңейту мәселелері талқыланды.

«Біз әлемнің ең ірі жиырма экономикасының қатарына кіретін Сіздің еліңізбен өзара іс-қимылды дамытуға үлкен мән береміз. Мемлекеттеріміз арасында дипломатиялық қарым-қатынас орнаған сәттен бастап шын мәніндегі достық байланыстар қалыптасты, парламентаралық диалог жоспарлы түрде және өте табысты дамып келеді», – деп атап өтті мемлекет басшысы.

Әңгімелесу барысында ортақ тарихи байланыстарға ерекше назар аударылды. Президент қазақ тарихын, тұрмысы мен мәдениетін зерттеуге зор үлес қосқан көрнекті поляк...

«Альп-2030» қысқы Олимпиада және Паралимпиада ойындарының ұйымдастыру комитеті жарыстың ресми логотиптері мен шрифтін таныстырып, шара өтетін орындарды жариялады. Ойындардың эмблемалары тау бейнесі мен жарық сәулесіне негізделген және екі жарыстың тең құқылы екенін білдіреді.

Жарыс кестесі мен қатысушылар:

Жарыс өтетін орындар

Ойындар Францияның төрт аймағы: Жоғарғы Савойя, Савойя, Бриансон және Ниццада өтеді. Спортшылар үшін 5 олимпиадалық ауыл салынады, бұл олардың жарыс орнына 30 минутта жетуіне мүмкіндік береді. Жарыс нысандарының 93%-ы бұрыннан бар немесе уақытша болады.

Алматыда 1930 қорап жалған Nesquik үлпегі тәркіленіп, жойылды, деп хабарлады қалалық әділет департаменті.

Брендтің заңсыз пайдаланылғаны туралы тауар белгісінің құқық иеленушісі мәлімдеді. Өтініштен кейін департамент пен киберполиция жоспардан тыс тексеру жүргізіп, оның барысында құрғақ таңғы астың контрафактілік қаптамаларының сатылып жатқанын анықтады.

Қызметкерлер жалпы сомасы 3 миллион теңгеден асатын 1930 қорапты тәркіледі.

Сонымен қатар, кәсіпкер әкімшілік жауапкершілікке тартылып, оған айыппұл салынды. Сот тәркіленген өнімдердің көзін жою туралы шешім шығарды.

Айта кетейік бұған дейін ірімшік пен сүзбе өндірісі 39,2%-ға, қант және шоколад қосылған кондитерлік өнім – 21,4%-ға, жарма өндірісі 20,8%-ға өскенін жазған едік.

Астанадағы «Қазмедиа орталығында» еліміздің түкпір-түкпірінен келген тіл мамандарына арналған «Көпшілік алдында сөйлеу мәдениеті» атты екі күндік республикалық курс аяқталды.

18-19 маусым күндері өткен бұл шараны Ғылым және жоғары білім министрлігінің Тіл саясаты комитеті мен Ш. Шаяхметов атындағы «Тіл-Қазына» ұлттық ғылыми-практикалық орталығы бірлесіп ұйымдастырды. Ауқымды курсқа еліміздің 16 өңірінен тілдерді дамыту саласында қызмет ететін 25 уәкілетті маман қатысты.

Жобаның негізгі мақсаты – мемлекеттік тілдің қолданыс аясын кеңейту, мемлекеттік қызметшілер мен тіл мамандарының көпшілік алдында сөйлеу мәдениетін дамыту және қоғаммен байланыс (коммуникация) сапасын жаңа деңгейге көтеру.

«Ойдың жүйелілігі – тыңдаушы сенімінің кепілі»

Республикалық курстың ашылуында сөз сөйлеген ҚР Ғылым және жоғары...

Сан алуан интернет-мемдер мен трендтер қаптаған бүгінгі заманда көкейкесті тақырыпқа арнап салған, ой қозғайтын карикатура – ескінің сарқыншағындай көрінетін сияқты. Бірақ өнердің бұл түрі әлі де бар, ешқайда жоғалмады. Қайта арзан күлдіргі контент көбейген шақта мықты карикатураның құны өсті ме деп қаласың.

Содан болар, ертең Бельгияның Крёйсхаутем қаласындағы European Cartoon Center⁠ орталығында белгілі қазақ карикатурисі Ғалым Боранбаевтың (Ғалым Смағұл) Images Finding a Voice («Үн қатқан бейнелер») атты жеке көрмесі ашылады деген хабарды естігенде қуандық. Елге танымал суретші туындыларының шетел аудиториясына жол тартып, қошеметке бөленіп отырғаны бірінші рет емес. Ғалым Смағұл былтыр Кнокке-Хейст (Knokke-Heist) қаласында (ол да Бельгияда) өткен...