Жаңалықтар

Түркияның Измир провинциясына қарасты Алиага қаласындағы HABAS металлургия зауытында болған жарылыс пен өрт салдарынан қаза тапқандар саны алты адамға жетті, деп хабарлайды Kursiv.Media.

Төтенше жағдай жергілікті уақыт бойынша күндізгі сағат 12:00 шамасында орын алды. Алдын ала болжамға сәйкес, жұмыс барысында сұйық болат құйылып жатқан сәтте көпірлі кран пешке құлап кеткен. Дәл осы техникалық ақау немесе қателік жарылысқа түрткі болған.

Бастапқыда билік орындары 3 адамның қаза тауып, 14 адамның жарақат алғанын (оның ішінде үшеуінің жағдайы ауыр екенін) хабарлаған еді. Кейін іздестіру жұмыстары барысында үйінді астынан тағы екі адамның денесі табылып, ауруханаға жеткізілген ауыр жарақат алған науқастардың бірі көз жұмды.

Қазіргі уақытта оқиға орнында құтқарушылар үйінді астында қалуы мүмкін...

Ақордада президент Қасым-Жомарт Тоқаев XX жазғы Азия ойындары мен V Азия Пара ойындарының жеңімпаздары мен жүлдегерлерін қабылдап, олардың алдында сөз сөйледі, деп хабарлайды Kursiv.Media.

Кездесу барысында мемлекет басшысы елдегі өзгерістерге тоқталып, жаңа қабылданған Конституцияда ел Егемендігі мен Тәуелсіздігі және Қазақстан жерінің тұтастығын қорғау қастерлі міндет деп танылғанын атап өтті.

«Бүгінде біз өркениетті әрі озық ойлы ұлт ретінде біртұтас қоғам болып өрлеу дәуіріне қадам бастық. Тұтас мемлекеттің тұрпаты мен халқымыздың болмыс-бітімін айқындаған қастерлі құжат – Конституциямызды қабылдадық. Берекелі бірлігіміздің арқасында ауқымды реформаларды сапалы жүзеге асырдық. Соның нәтижесінде мемлекеттің басқару жүйесі толықтай жаңғырды. Атап айтқанда: бір палаталы за...

Жетісу облысында «Алматы-Өскемен» республикалық тас жолын жөндеу кезінде тас пен топырақты заңсыз өндіру дерегі анықталды. Мемлекетке келтірілген шығын 115 миллион теңгеден асты, деп хабарлайды Kursiv.Media.

Тергеу барысында мердігер ұйымның тиісті рұқсат құжаттарынсыз тау бөктерінен тас пен топырақ өндіріп, оны жол құрылысының негізі ретінде пайдаланғаны белгілі болды. Жер қойнауын заңсыз пайдалану салдарынан келтірілген алдын ала шығын көлемі 115 миллион теңгеден асады.

«Аталған факті бойынша ҚР Қылмыстық кодексінің 334-бабы 3-бөлігінің 3-тармағы («Жер қойнауын өз бетінше пайдалану») бойынша қылмыстық іс тіркеліп, сотқа дейінгі тергеп-тексеру жүргізілуде. Тергеу барысы Жетісу облысы прокуратурасының бақылауында», – деп хабарлады ведомство.

Өңірде экологиялық заңнаманың сақталуын қамтамасыз ету...

Президент Қасым-Жомарт Тоқаев Ақордада XX жазғы Азия ойындары мен V Азия Пара ойындарының жеңімпаздары мен жүлдегерлерін марапаттау рәсімінде параспортшы, депутат Айсұлу Сүлейменованың жетістігіне жоғары баға берді, деп хабарлайды Kursiv.Media.

Айта кетейік, Жапонияда өткен V Азия Пара ойындарында ол 100 метр қашықтықты 16,18 секундта жүгіріп өтіп, T62 санатында Азия рекордын орнатты. Жалпы қорытынды бойынша спортшы бесінші орынға ие болды.

Президент бұл жетістікті қайсарлық пен мақсатқа ұмтылудың жарқын үлгісі деп атады.

«Қазақта «Күш – білекте емес, жүректе» деген мақал бар. Расында, биік мақсат пен қайсар мінез ұштасқан жерде алынбайтын асу жоқ. Осы орайда Пара ойындарында Азия рекордын жаңартқан Айсұлу...

Ауыл шаруашылығы министрлігі шалғайдағы ауылды елді мекендерді ветеринариялық қызметтермен қамтуға ерекше көңіл бөліп отыр. Шығыс Қазақстан облысында 2026–2027 жылдары жалпы құны 3 млрд 633 млн теңгелік 131 ветеринариялық нысан салу жоспарланып отыр, деп хабарлайды Kursiv.Media.

Атап айтқанда, 7 ветеринариялық станция, 70 ветеринариялық пункт және 54 мал қорымын салу көзделген. Осы мақсатқа биылғы жылы 60 нысанның құрылысына 1 млрд 662,5 млн теңге, ал келесі жылы тағы 71 нысан салуға 1 млрд 970,5 млн теңге қарастырылған.

Нысандар өңірдің аумақтық ерекшеліктері мен қажеттіліктерін ескере отырып орналастырылады.

Ветеринариялық станциялар аудан орталықтарында, ал ветеринариялық пункттер ауылдық округтерде салынады.

Бұл ветеринариялық қызметтерді тікелей мал шаруашылығы...

Қазақстанда қазақ тіліндегі мәтіндердің көлемі 14 млрд токенге жететін корпусы қалыптасты. Сонымен қатар 12 мың сағат аудиожазба жинақталған. Бұл туралы Халықаралық «Қазақ тілі» қоғамының төрағасы Рауан Кенжеханұлы Президент Қасым-Жомарт Тоқаевқа баяндады, деп хабарлайды Kursiv.Media.

Ақорда мәліметінше, бұл жұмыстар OpenAI компаниясымен бірлескен жоба аясында жүзеге асырылып жатыр.

Қазақ тіліндегі фильмдер де көбейіп келеді

Кездесу барысында Рауан Кенжеханұлы соңғы үш жылда Disney, Pixar және Sony студияларының 13 танымал фильмі қазақ тіліне дубляждалып, үлкен экранға шыққанын айтты.

Сондай-ақ ол қазақ тілін қолдауға бағытталған Qazaq Tili Endowment қорының жұмысы туралы баяндады. Қазір қорға түскен жарна көлемі 824 млн теңгеге...

Франциялық дзюдошы, Олимпиада ойындарының бес дүркін чемпионы Тедди Ринер 2027 жылы өтетін президент сайлауына қатысуға ниетті, деп хабарлайды Kursiv.Media.

«Менің есімім – Тедди Ринер. Бүгін сіздерге тура қарап, президент сайлауына түсетінімді мәлімдеймін», – деді ол.

Спортшы саясатта тәжірибесі жоқ екенін мойындағанымен, Францияның қазіргі жағдайына алаңдаушылық білдірді. 

Оның айтуынша, ел қарызға батып, көшелердегі қауіпсіздік мәселесі де күрделене түскен.

Ринер Францияға кәсіби саясаткерден гөрі, әділдік пен тәртіпті қамтамасыз ете алатын басшы қажет екенін атап өтті.

Айта кетейік, Франциядағы президент сайлауының бірінші кезеңі 2027 жылғы 18 сәуірге жоспарланған. Егер кандидаттардың ешқайсысы...

Мәскеуден Алматыға бағыт алған SCAT әуе компаниясының ұшағы шұғыл түрде Астана әуежайына қонуға мәжбүр болды деп жазады Kursiv Media.

Рейс жолаушыларының бірі Threads желісінде ұшақтың шұғыл қонғанын жазды. Оның айтуынша, жолаушылар қатты қорқып қалған. Ал ұшақ жерге қонғаннан кейін ұзақ уақытқа дейін оқиғаның мән-жайы түсіндірілмеген.

«Бортта бәріміз қатты қорықтық. Әрине, бұл аяқт астынан болған жағдай екенін түсінеміз. Бірақ неге жолаушыларға тіпті су да ұсынбады? Біз наразылық білдіргенге дейін қорқып, абдырап қалған адамдарды сусыз, тамақсыз және ең бастысы, ешқандай ақпарат бермей күттірді», – деп жазды жолаушы.

Оның сөзінше, ұшақтағы адамдар төрт сағатқа дейін...

Қытайдың BYD компаниясы Yangwang Altior атты жаңа премиум электрлі көлігін таныстырды. Классикалық іскерлік седан үлгісінде жасалған автомобиль Абу-Дабиде көпшілікке көрсетілді. Бұл модельдің халықаралық нарыққа да бағытталғанын көрсетеді, деп хабарлайды КурсивАвто.

Бір қуатпен 1 000 шақырым жүреді

Yangwang Altior төрт электр қозғалтқышпен жабдықталған. Әр қозғалтқыш жеке дөңгелекті басқарады. Соның арқасында жүйе әр дөңгелектің айналу моментін секундына 100-ден астам рет реттей алады.

Көлікке Blade аккумуляторының екінші буыны орнатылған. Өндіруші мәліметінше, автомобиль CLTC сынақ циклі бойынша бір қуатпен 1 000 шақырымға дейін жүре алады. Ал Flash Charging технологиясы аккумулятор қуатын 5 минутта 10%-дан 70%-ға дейін толықтыруға мүмкіндік береді.

Алматы қаласындағы Ұлттық акушерлік, гинекология және перинатология ғылыми орталығында жетісулық келіншек төртем босанды. Бұл туралы облыс әкімдігі хабарлайды.

31 жастағы Альмира Бекеева төрт ұлды 24 қыркүйекте кесарь тілігімен босанған. Сәбилер: Арлан (салмағы 1400 грамм, бойы 40 см), Арсылан (салмағы 1700 грамм, бойы 42 см), Әлихан (салмағы 1700 грамм, бойы 44 см) және Әмірхан (салмағы 1700 грамм, бойы 43 см).

Бұл – жетісулық келіншектің төртінші жүктілігі. Бұған дейін үш баланы дүниеге әкелген. УЗИ кезінде жатырында бірден төрт ұрықтың дамып келе жатқаны анықталған. Оны есепке тұрғызған соң Денсаулық сақтау министрлігінің мониторингтік тобы консилиумы жиналып, әрі қарай бақылау үшін Ұлтты...

2026 жылдың 9 айында қазақстандық тұтынушыларға 2,17 млрд теңгеден астам қаражат қайтарылды. Осы уақыт ішінде Сауда министрлігінің комитеті мен оның аумақтық департаменттеріне 72 мыңнан астам өтініш түскен, деп хабарлайды Kursiv.Media.

Оның басым бөлігі, яғни 31 186 өтініш (42,9%) бөлшек саудаға, 12 264 (16,9%) электрондық саудаға, ал 7 065 (9,7%) тұрмыстық қызмет көрсету саласына қатысты.

Тұтынушылардың құқықтарын қорғау комитетінің көмегімен 23 мыңнан астам өтініш аясында тұтынушылардың талаптары қанағаттандырылды. Тағы 26 мың өтініш бойынша азаматтарға құқықтық көмек көрсетілді. Ең көп қаражат Алматы, Астана және Шымкент қалаларында қайтарылған.

Сонымен қатар, қоғам назарына іліккен 107 іс қаралып, 365 тұтынушының шамамен 1,03 млрд теңге...

2027 жылы бокс, дзюдо, таэквондо, үстел теннисі және киберспорт секілді танымал спорт түрлерінен әлем чемпионаты өтеді. Бұл туралы президент Қасым-Жомарт Тоқаев Азия ойындары және Азия параойындарының жеңімпаздары мен жүлдегерлерін марапаттау рәсімінде айтты, деп хабарлайды Kursiv.Media.

Қасым-Жомарт Тоқаевтың пікірінше, бүгінде спорт мемлекеттің жаһандағы абыройы мен беделінің көрсеткіштерінің біріне, қоғамдық дипломатияның құралына айналды

– Біз спорттың осы әлеуетін толығымен пайдалануымыз қажет. Қазақстан спорт державасы ретіндегі позициясын дәйекті түрде нығайтып, елімізде ең жоғары деңгейдегі жарыстарды ұйымдастырып келеді. 2027 жылы бокс, дзюдо, таэквондо, үстел теннисі және киберспорт секілді танымал спорт түрлерінен әлем чемпионатын өткіземіз», – деді президент.

Қазақстанда дәріханалармен қатар маркетплейстер мен әлеуметтік желілер арқылы дәрі сататындарға да бақылау күшейеді. Денсаулық сақтау министрлігі лицензиясыз дәрі сататын, тіркелмеген немесе сапасыз препараттарды өткізетін ұйымдарды анықтауға басымдық бермек. Заңбұзушылық анықталса, дәріхананың жұмысын уақытша тоқтату немесе жекелеген дәрілерді сатуға тыйым салу шаралары қолданылуы мүмкін, деп хабарлайды Kursiv.Media.

Ведомство дәрілік заттар мен медициналық бұйымдардың айналымына қатысты мемлекеттік бақылау тәртібін өзгертуді ұсынып отыр. Жаңа талаптарды 2027 жылғы 1 қаңтардан бастап енгізу жоспарланған.

Қандай дәрілердің сатылуына ерекше назар аударылады

Министрлік ең алдымен азаматтардың денсаулығына қауіп төндіретін заңбұзушылықтардың жолын кесуді көздейді. Атап айтқанда, бақылау мынадай жағдайларға бағытталады:

Психологтардың Этикалық кодексі қабылданды. Еңбек және әлеуметтік қорғау министрі 2026 жылдың 31 қарашасында тиісті бұйрыққа қол қойды. Әділет министрлігі құжатты 2 қарашада тіркеуге алды, деп жазады Kursiv.Media.

Кодекс бойынша психологтардың кәсіби жүріс-тұрысы ортақ ережеге бағынады. Ол ережелер Қазақстанда психологиялық қызмет көрсететін барлық маманға қатысты.

Психологтарға қандай тыйым бар?

Басты ереженің бірі – клиентке уәде беруге қатысты. Енді психологтар өз қызметтерін жарнамалағанда нақты бір нәтижеге жетесіз деп кепілдік беруге заңды түрде тыйым салынады. Одан бөлек медициналық диагностика жүргізіп, медикаментозды ем тағайындауға, адам санасына әсер ететін психоактивты әдістер пайдалануға (гипноз тәрізді) тыйым салынады.

Сондай-ақ мамандарға мына ережелерге тыйым...

«Қазгидромет» РМК 10, 11 және 12 қарашаға ауа райы болжамын жариялады. Оған сәйкес, аптаның басында республиканың басым бөлігінде ауа райы тұрақсыз болады, деп хабарлайды Kursiv.Media.

Алдағы үш тәулікте республиканың басым бөлігінде ауа райы тұрақсыз болады деп болжанады. Жаңбыр және қар аралас жауын-шашын күтіледі. Көктайғақ болады.

Тек еліміздің батысында 11–12 қараша күндері ауа райы жауын-шашынсыз болады. Республика бойынша желдің күшеюі, түнгі және таңертеңгі сағаттарда тұман болжанады.

Ауа температурасы

Күндіз еліміздің батысында +3…+12°С, солтүстік-батысында 0…+8°С, солтүстігінде, шығысында және орталығында −3…+5°С, оңтүстігінде және оңтүстік-шығысында +2…+10°С болады.

Бұған дейін синоптиктер 9 қарашаға ауа райы болжамын жариялаған еді. Дүйсенбі күні елдің басым...

Қазақстанда қазан айында бензин бағасы қаңтардағы деңгейден жоғары болды. Ұлттық статистика бюросының деректеріне сәйкес, АИ-92 бензинінің ел бойынша орташа бағасы литріне 235 теңгеден 251 теңгеге көтерілген. Бұл 16 теңге немесе 6,8% өсім. Ал АИ-95 және АИ-96 біріктірілген санатының бағасы 304 теңгеден 315 теңгеге жетіп, 3,6%-ға артқан.

Салыстырылған 20 қаланың бәрінде бензиннің екі санаты да қымбаттаған. Ең жоғары өсім Оралда тіркелді: мұнда АИ-92 литрі 223 теңгеден 247 теңгеге көтерілген. Айырма – 24 теңге немесе 10,8%. АИ-95/96 бағасы да осы қалада ең көп өскен: 285 теңгеден 304 теңгеге дейін, яғни 6,7%-ға.

АИ-92 бағасының өсу қарқыны Түркістанда 8%-ға, Атырауда 7,8%-ға, Павлодарда 7,7%-ға жеткен...

Түркістан облысының Келес ауданында минералды сусындар өндіретін жаңа кәсіпорын жақын арада іске қосылмақ. Жобаның құны 2,5 млрд теңгеге бағаланады, деп хабарлайды Kursiv.Media Түркістан облысының әкімдігіне сілтеме жасап.

Өндірістік ғимараттың жалпы ауданы – 2 103 шаршы метр. Инвестиция көлемі – 2,5 млрд теңге. Кәсіпорынға 2 млн долларға Қытайдың «XINJIANG YELIDA INTERNATIONAL TRADE CO LTD» компаниясынан заманауи өндірістік жабдықтар сатып алынған. Кәсіпорын газдалған және газдалмаған минералды су өндіруге және дайын өнімді экспорттауға бағытталған.

Зауыт құрылысы 2025 жылдың наурыз айында басталған. Қазіргі таңда құрылыс жұмыстары толық аяқталған.

Жоба аясында 30 адамды тұрақты жұмыспен қамту жоспарланып отыр. Бұл...

Қазақстанда жүргізуші куәлігін алуға дайындалып жүргендердің жартысына жуығы жол ережелері бойынша сынақ емтиханын бір-екі рет тапсырып, кейін дайындықты тоқтатқан. Ал өту балын жинағандарға көбіне екі-үш әрекет жеткілікті болған. Бұл қорытынды жүргізуші куәлігіне дайындалатындарға арналған онлайн тест нәтижелеріне негізделген.

Оқушылардың жартысы алғашқы сынақтан кейін тоқтаған

BaurAI жариялаған 2026 жылғы жол қозғалысы ережелері (ЖҚЕ) емтиханын тапсыру индексіне сәйкес, 14 тамыз бен 5 қараша аралығында 975 оқушы 3 566 сынақ емтиханын тапсырған. Олардың 500-і, яғни 51,3%-ы бір рет тест тапсырумен шектелген. Тағы 463 адам бір-екі рет сынақтан өтіп, қажетті балды жинай алмаған соң кемінде бір апта бойы қайта тест тапсырмаған.

7 қарашада Краков қаласының орталығында көшедегі адамдарға оқ отқан 24 жастағы Михал Оксиньский ауруханада қайтыс болды. Бұл туралы Малополь облыстық полициясы хабарлады, деп жазады Kursiv.Media.

Полиция қызметкерлері күдіктіні ұстау кезінде оған от атқан. Кейін ол жараланып, ауруханаға жеткізілген. Малополь облыс басшысының айтуынша, күдіктінің жағдайы өте ауыр болған, оған кем дегенде үш операция жасалған.

Шабуыл салдары және зардап шеккендер

Қала орталығында болған атыс салдарынан 6 адам қаза тапты. Олардың төртөуі Польша азаматтары (61, 47 және 53 жастағы әйелдер, сондай-ақ 50 жастағы ер адам), біреуі 32 жастағы Ұлыбритания азаматы және тағы бірі 51 жастағы Австрия азаматы.

Тағы 16 адам түрлі жарақат...

Алматыда 9-13 қараша аралығында электр желілеріне жоспарлы жөндеу жұмыстары жүргізіледі. Осыған байланысты қаланың бірқатар ауданында жарық уақытша өшірілуі мүмкін. Бұл туралы «Алатау Жарық Компаниясы» хабарлады.

Жөндеу жұмыстары қаладағы бірнеше электр желісі ауданында (РЭС) жүргізіледі. Электр жарығын өшіру уақыты мен мекенжайлар төмендегідей.

РЭС-1: Алмалы, Алатау, Жетісу және Түрксіб аудандары

9 қараша, сағат 09:00-17:00:

2026 жылдың қаңтар-қазан айларында Қазақстанның республикалық маңызы бар 28 ақылы жолымен көліктер 68,3 млн рет жүріп өткен, деп хабарлайды Kursiv.Media.

Ең көп пайдаланылған бағыт – Алматы – Қонаев тасжолы. Бұл жолмен 10 айда 10,8 млн рет көлік өткен.

Екінші орында Шымкент – Өзбекстан шекарасы бағыты тұр. Мұнда 8 млн-нан астам өту тіркелсе, үздік үштікке 5,6 млн көрсеткішпен Шымкент – Тараз тасжолы енді.

Сондай-ақ ең көп пайдаланылған бес бағыттың қатарына Тараз – Қайнар (4,9 млн) және Шымкент – Қызылорда (4 млн) тасжолдары кірді.

Ал алғашқы ондыққа Астана – Теміртау (3,6 млн), Астана – Щучинск (3,4 млн), Қонаев...

АҚШ президенті Дональд Трамп Израиль премьер-министрі Биньямин Нетаньяхуды Газадағы жағдайды реттеуге арналған бейбітшілік жоспарын іске асыруға шақырды, деп хабарлайды Kursiv.Media Axios басылымына сілтеме жасап.

АҚШ президенті Дональд Трампқа жақын екі дереккөз оның Израиль премьер-министрі Биньямин Нетаньяхуды Газадағы жағдайды реттеу жөніндегі бейбітшілік жоспарын тезірек жүзеге асыруға шақырғанын мәлімдеді.

Бұл туралы өткен аптадағы екі ел арасындағы телефон арқылы сөйлесу кезінде айтылған.

Жоспарда ХАМАС-ты қарусыздандыру, Газаны әскери күштерден тазарту, сондай-ақ анклавты басқаруды Палестинаның жаңа үкіметіне тапсыру көзделеді.

Бұл жоспардың іске асырылуы Израильде 27 қазанда өткен сайлауға байланысты бірнеше айға тоқтатылған болатын.

«Бұл жоспарды жүзеге асыру қиын болады...

Ташкентке футбол турниріне барамыз деп уланған футболшы балалар түгел елге қайтты. Бұл туралы СІМ ресми өкілі Жанболат Үсенов айтты деп жазады Kursiv Media.

«Олар қажетті ем-шара алды, барлық балалар қайтып келді. Жағдай сырттай қарағандай соншалықты қорқынышты емес. Иә, әрине мұндай жағдайдан ешкім сақтандырылмаған. Қазақстанда да, шетелде де осындай кейстер болады. Бірақ бастысы – денсаулыққа ұзақ мерімді зиян келген жоқ. Барлығы дұрыс»,- деді ол.

СІМ осы жағдайда көмектескені үшін өзбек әріптестеріне де рахмет айтты.

«Өзбекстан Денсаулық сақтау министрлігі толық қолдау көрсетті. Қолдан келгенше барыншы көмектесті. Өзбек әріптестерімізге алғыс айтқымыз...

Ақмола облысында екі күн ішінде жазғы дөңгелекпен жүрген 744-тен астам көлік республикалық тасжолдарға жіберілмей, кері қайтарылды. Ауа райының күрт өзгеруіне байланысты полиция жүргізушілерді қысқы шинаға ауысып, жол қауіпсіздігін сақтауға шақырды, деп хабарлайды Kursiv.Media.

8-9 қарашада Астана – Щучинск, Астана – Шідерті – Павлодар және Көкшетау – Атбасар тасжолдарының жекелеген бөліктерінде жазғы дөңгелекпен жүруге уақытша шектеу қойылды. Полицейлер талапқа сай дөңгелегі жоқ көліктерді жолға шығармаған.

Бірқатар өңірде қар жауып, көктайғақ болады

9 қарашада Ақмола, Ақтөбе, Маңғыстау және Солтүстік Қазақстан облыстарында жаңбыр аралас қар, кей жерлерде қалың қар жауады деп болжанған. Ауа райының қолайсыздығы жолдағы көріну қашықтығын нашарлатып, көктайғаққа себеп...