Жаңалықтар

«ҚазТрансОйлдың» Грузиядағы активі – Батуми мұнай терминалы сегіз жылдық үзілістен кейін авиакеросин тасымалын қайта қолға алды. Бұл бағыт Еуропадан Қазақстанға Орта дәліз арқылы отын жеткізудің негізгі тірек нүктесі болады. Бұл туралы компанияның баспасөз қызметі хабарлады.

Терминал Еуропа зауыттарында өндірілген JET A1 маркалы авиакеросинді өңдеуге кірісті. Көлемі 10 мың тонна болатын алғашқы отын партиясы Қара теңіз арқылы кемемен жеткізілді. Қазіргі уақытта жүк терминалда сақтаулы тұр. Жақын арада ол Қазақстанға жөнелтілу үшін теміржол вагон-цистерналарына тиеледі.

JET A1 авиакеросині – азаматтық авиация үшін негізгі отын. Ол ұшақтардың қауіпсіз әрі үздіксіз ұшуын қамтамасыз етеді. Қазақстанды бұл отынмен тұрақты қамтамасыз...

Атақты қазақ шахматшысы Динара Сәдуақасова өз атынан 1,2 млн теңге көлемінде стипендия тағайындады. Алғашқы материалдық көмекті тоғыз жастағы Ермұхан Саламат алады.

Халықаралық гроссмейстер атаулы стипендияны 20 шілде – Халықаралық шахмат күні қарсаңында жариялап отыр.

«Биыл осы күнді қарапайым құттықтаумен ғана емес, маңызды іспен атап өткім келеді», – деп жазды Сәдуақасова Facebook-тегі парағында.

Оның пікірінше, ел өңірлерінде мыңдаған дарынды бала бар, бірақ олар қаражат жоқтығынан әлемнің айтулы тұғырларына көтеріле алмай жүр.

«Кәсіби жаттығулар, оқу жиындары, сырттағы турнирлер – ата-ана осының бәріне көп ақша жұмсайды. Мұндай демеу әсіресе жас спортшыға аса...

inDrive платформасының негізін қалаушы Арсен Томский Алматыда ең үздік нәтиже көрсеткен жаяу курьерді марапаттады. Бұл туралы ол әлеуметтік желідегі парақшасында хабарлады.

Маусым айында ерекше көзге түскен үздік курьер – Елбосын Құрышбайұлы. Ол бір айдың ішінде жаяу жүріп 234 тапсырысты сәтті жеткізген. Уәде етілгендей, оған 1,2 миллион теңге табыс етілді.

Арсен Томскийдің айтуынша, Елбосын қазір қаржылай қиындық көріп отыр. Көмек оған нағыз қажет сәтте бұйырған.

«Ол қанша қиындық болса да, берілмей, көп еңбек етіп, тығырықтан шығуға тырысып жүр. Мұндай жеңіс дәл осындай жандарға өте қажет және олар бұған әбден лайықты», – деп атап өтті inDrive басшысы.

Арсен Томскийд...

Ақмола облысындағы Байқоныс, Бестөбе, Изобильное, Бөгенбай, Сілеті ауылдары мен Степногорск қаласының маңында дала өртенді.

ТЖМ бөлімшелері аптап кезінде құрғақ өсімдіктердің лаулап жануын тоқтатты.

112. kz ақпаратына қарағанда, өрт ошақтарын жедел жою үшін ТЖМ, жергілікті атқарушы органдар және басқа да мүдделі мемлекеттік қызметтердің күштері мен құралдары жұмылдырылған.  

«Баруы қиын учаскелерде ТЖМ авиациясы қолданылып, бұл өрттің таралуына жол бермеуге және ең күрделі ошақтарды жедел сөндіруге мүмкіндік берді. ТЖМ авиациясының әуе кемесі өрт ошақтарына 38 тонна су төкті. Алдын ала мәлімет бойынша, өрттердің шығуына найзағай разрядтары себеп болған», –  делінген ақпаратта.

Министрліктің мәлімдеуінше, жағдай тұрақты бақылауда...

Астана су тасқынына қаншалықты дайын?! Елорданы тасқыннан қорғайтын нысандар қандай жағдайда және олардың мүмкіндігі қандай?! Осы сұрақтарға жауап алу үшін Kursiv Media тілшісі Астананың су қауіпсіздігіне жауапты негізгі нысандарды аралап көрді. Су ресурстары және ирригация министрлігі ұйымдастырған баспасөз туры барысында журналистер Астананың су қауіпсіздігін қамтамасыз ететін нысандарды аралады.

Алғашқы нысан – Астананың қорғаныс бөгеті болды. Ол елорданы көктемгі су тасқынынан қорғайтын негізгі нысандардың бірі. Бөгет Есіл өзеніндегі тасқын суларды ұстап, олардың көлемін реттейді. Қазіргі уақытта осы гидротехникалық құрылысты жаңғырту жұмыстары басталды.

«Соңғы климаттық өзгерістер мен төтенше су тасқындарының жиілеуін ескере отырып, қазіргі уақытта қорғаныс бөгетін жаңғырту...

Көкшетаудағы ең ірі автобус паркінің жүргізушілері жалақының кешіктірілуіне байланысты ереуілге шықты.

Kokshetauinform ақпаратына қарағанда, 16 шілде күні таңертең Көкшетауда қоғамдық көлік қозғалысы тоқтап, «Көкшетау автобус паркі» ЖШС-нің автобустары бағыттарға шықпады.

Бұған дейін кәсіпорын ұжымы басшылыққа жазбаша үндеу жолдап, егер 15 шілденің соңына дейін жалақы толық төленбесе, 16 шілдеде жұмысқа шықпайтындарын ескерткен. Олар өз уәделерін орындады.

Жүргізушілер мен кондукторлар ұжымдық хатта жалақыны көтеруді де талап еткен. Олардың айтуынша, қазіргі табыс отбасының ең қарапайым қажеттіліктерін өтеуге де жетпейді.

Автобус паркінің басшылығы жалақының кешігуін мемлекеттік субсидияның уақытында бөлінбеуімен түсіндірді.

Ал Көкшетау қаласының ТКШ, жолаушылар көлігі және автомобиль жолдары бөлімі тасымалдаушыларға...

Қазақстанның мұнай-газ секторындағы ең ірі даулардың бірі жаңа сипат алды. Қашаған кен орнын игеріп жатқан халықаралық North Caspian Operating Company (NCOC) консорциумы өзіне салынған 2,3 трлн теңге көлеміндегі қомақты экологиялық айыппұлға қатысты маңызды мәлімдеме жасады. Reuters басылымының жазуынша, іске халықаралық төрелік сот араласып, Қазақстан үкіметінің әрекетіне шектеу қойып отыр.

Дау 2023 жылдың басында басталған. Сол кезде Қазақстан үкіметі NCOC консорциумын кен орнында тым көп мөлшерде күкірт сақтағаны үшін айыптап, шамамен 5 млрд долларды (2,3 трлн теңге) құрайтын экологиялық айыппұл төлеуге міндеттеген. Әділет министрлігі жақында ғана консорциум бұл соманы осы жылдың 20 шілдесіне дейін...

Лондондық «Челсидің» 17 жасар қазақстандық шабуылшысы Дастан Сәтбаев осы аптада ағылшын клубының жейдесінде алғаш рет алаңға шығуы мүмкін. Бұл туралы Chelsea Mail басылымы хабарлады.

Қазіргі уақытта «Челсидің» негізгі құрамымен бірге маусым алдындағы дайындықтан өтіп жатқан отандасымыз бас бапкер Хаби Алонсоның сеніміне кіруі мүмкін.

Хаби Алонсоның жаңа жоспары

«Челсидің» жаңа бас бапкері Хаби Алонсо маусым алдындағы дайындық аясында екі жабық жолдастық кездесу ұйымдастырған. Бапкерлер штабы дәл осы ойындарда қазақстандық вундеркиндке мүмкіндік беріп, оның әлеуетін байқап көрмек.

Жолдастық ойындардың кестесі

19 шілде күні «Челси» «Кроули Таун» клубына қарсы ойнайды. Ал 23 шілде күні бейсенбіде лондондықтар «Бромли» ұжымымен күш сынасады.

Дәл осы...

Ресейден режиссер шақырып, жарнама түсіргісі келген 7Days бренді дауға қалды. Шетелдік маман Қазақстанды «тек сиырлар жүретін елге» теңеген. Желі қолданушыларды режиссерді де, оны шақырған брендті де сынап, ашулы жазбалар жариялап жатыр.

Мәселенің мән-жайы

Тәтті круссандар шығаратын 7Days бренді өнімдеріне жарнама түсіру үшін Ресейден маман шақырады. Ол – Илья Лучкин есімді режиссер. Сөзінше, 7Days бренді үшін бес тілде жарнама түсіруі керек, оның бірі Қазақстанда өткен.

«Бұл ел туралы тек Борат фильмінен ғана білгенмін. Ұшақтан түскен соң бұл елдегілер тек сиырға емес электросамокатқа да мінетінін, бағалар Ресейге қарағанда әлдеқайда арзан екенін білгенде таңғалдым», – дейді ол...

Қазақстанда өзбек кәсіпкерлерінің қатары жыл санап көбейіп жатыр. 2024 жылғы 1 шілдеде Өзбекстан қатысуымен 4 867 заңды тұлға тіркелсе, екі жылдан кейін олардың саны 12 065-ке жетті.

Яғни небәрі екі жылда көрсеткіш шамамен 2,5 есе өскен. Бірақ өзбек бизнесі Қазақстанның барлық аймағына бірдей таралып жатқан жоқ. Кәсіпкерлер көбіне Алматы мен Маңғыстауды таңдайды, ал негізгі бағыттары – құрылыс, сауда және түрлі қызмет көрсету салалары.

Көптеген адам табысын арттыруды басты мақсат етеді. Алайда жоғары жалақы алып, қомақты табыс табу – бай боласың деген сөз емес. Өмірде айына 400 мың теңге айлық алатын адамның қаржы жағдайы 1 миллион теңге табысы бар адамнан әлдеқайда тұрақты әрі жақсырақ болуы мүмкін. Себебі табыс көлемі мен шынайы қаржылық әл-ауқат – екі бөлек ұғым. «Qazaq Expert Club» сарапшысы, қаржыгер Әйгерім Ілиясова шынайы қаржы жағдайыңызды анықтау үшін қарапайым есептеу әдісін ұсынады. Компаниялар өз жағдайын бағалау үшін ай сайын немесе жыл сайын баланс есебін жасаса, дәл осы қағиданы әрбір адам өз бюджетіне қолдана алады.

1-қадам: Нарықтық құны...

NASA-ның Нэнси Грейс Роман ғарыш телескопы ғалам жаңа жаратылған кезде пайда болған аса ірі қара құрдымдарды анықтауға мүмкіндік береді.

Ғалымдардың пікірінше, бұл олардың қалай пайда болып, қалай өскенін түсінуге жол ашады.

Телескоптың ұшырылуы 2026 жылғы 30 тамызға жоспарланып отыр.

Жұлдыздарды «жұтатын» қара құрдымдар

Қара құрдымдарды зерттеудің ең тиімді жолдарының бірі – олардың жұлдыздарды жұтып жатқан сәтін бақылау. Мұндай құбылыс tidal disruption event (TDE) немесе «толқындық ыдырау» деп аталады. Бұл кезде қара құрдым жұлдызды бөлшектейді. Сол сәтте айналасы қысқа уақыт өте жарық болады. Кейде оның жарығы тұтас галактикадан да асып түседі.

Ғалымдардың айтуынша, дәл осындай құбылыс ірі қара...

Аптап ыстыққа байланысты коммуналдық қызмет мамандары Алматы көшелеріне су бүркиді. Жұмыстар тәуліктің ең ыстық уақытында жүргізіліп, қаланың 128-ден астам көшесін қамтиды деп хабарлайды Алматы әкімдігі.

Коммуналдық инфрақұрылымды дамыту және тұрғын үй инспекциясы басқармасының мәліметінше, негізгі магистральдық көшелерде және адам көп жүретін учаскелерде жолға су себеді, ауаға да су бүркиді. Бұған 16 техника жұмылдырылады.

Көшеге су бүрку асфальттың үстіндегі ауаны салқындатып, шаңды басуға және аптап ыстықтан жолдың балқып, бұзылып кетпеуіне көмектеседі. Сонымен бірге қала көшелерін күнделікті тазалау жұмыстары да тоқтаусыз жүріп жатыр. Қазір жолдар мен тротуарларды, аялдамалар мен басқа да нысандарды жууға 500-ден астам арнайы машина бөлінген.

«Қазгидромет» мамандарыны...

13 жастағы астаналық Жасмина Түзелова «Славян базары» халықаралық ән байқауында үшінші орын алды.

Витебск (Беларусь) қаласында өтіп жатқан ән фестивалінің екінші байқау күні Жасмина «Ромашка-Василёк» әнін орындады. Қазылар алқасы оның өнерін 66 ұпайға бағалады. Осылайша Түзелова өнерпаз балалар арасындағы жарыста барлығы 126 ұпай жинап, үшінші орынға көтерілді. Бұған дейін қазақ қызы «Сарыарқа» әнін шырқап, ең жоғары бағаға ие болған.

Ал Гран-при жүлдесі беларусь әншісі Лiзаветаға бұйырды. Ол 130 ұпай жинады. Ал екінші орынға румыниялық Лючия Байку көтерілді. Өнерпаз барлығы 127 ұпай жинап, Жасминадан бар болғаны 1 ұпайға озып кетті. Әнші балалар жарысына барлығы 19 елдің өнерпазы қатысты.

Жеңімпаз...

19 шілде күні Аргентина мен Испания құрамалары Әлем чемпионатының финалында кездеседі. Бір қызықты жайт, финалда осыдан 19 жыл бұрын жас Месси жуындырған кішкентай нәресте, бүгінде Испанияның бас жұлдызы Ламин Ямаль өз ұстазымен бетпе-бет келеді.

Финал қарсаңында әлеуметтік желіде Мессидің 5 айлық Ямальды жуындырып жатқан суреті тарап жатыр. Kursiv.Media әлеуметтік желі қолданушыларының назарын аударған бұл архивтік фотосуреттің құпиясы мен оның қалай жасалғаны туралы қызықты деректерді ұсынады.

2007 жылғы фотосессия

Бұл тарихи сурет 2007 жылдың желтоқсан айында жасалған. Ол кезде 20 жастағы Лионель Месси «Барселонаның» негізгі құрамында өнер көрсетіп, болашағынан үлкен үміт күттіретін жас ойыншы болатын. Ал оның шомылдырып отырған сәби...

Қытай инвесторы Алматы облысында металл конструкциялары мен бетон өндіретін ірі зауыт ашты. Жобаға 4,7 млрд теңге құйылды.

Алматы облысы Қарасай ауданы Әйтей ауылының маңында орналасқан зауыт үш гектар жерді алып жатыр. Almaty W. S. кәсіпорыны бір жылда 10 мың тонна металл конструкциясы, 300 мың текше метр тауарлық бетон, дәл осындай көлемде сэндвич-панель мен профнастил шығарады.

Бұған қоса, зауыт 10 мың дана модульдік ғимарат пен контейнер, 40 млн цемент блогы мен тротуар тақтасы, сонымен бірге терезелер мен есіктер өндіреді.

Қазір кәсіпорында сексеннен астам адам еңбек етеді. Жиырма адам өндіріс технологиясын үйрету үшін шақыртылған, деп хабарлайды Алматы облысы әкімінің баспасөз...

Биік қоршау, қаруланған күзет, қатаң өткізу тәртібі және дала төсіндегі ондаған шақырым жол. Осындай жабық аумақта елорданы ауызсумен қамтамасыз етіп, миллионнан астам тұрғынды су тасқынынан қорғауда маңызды рөл атқаратын гидротехникалық құрылыстар орналасқан. Kursiv.media тілшісі Су ресурстары және ирригация министрлігі ұйымдастырған баспасөз турына қатысып, Астана маңындағы стратегиялық гидротехникалық нысандарды аралап қайтты.

Ең алдымен елордадан шамамен 60 шақырым қашықтықта орналасқан «Астана су қоймасына» ат басын бұрдық. Нысанның стратегиялық маңызы оның аумағына кіреберістен-ақ байқалады.

Биік қоршау, күзет және қатаң өткізу тәртібі. Журналистерді қаруланған қауіпсіздік қызметінің мамандары қарсы алып, құжаттарын тексергеннен кейін ғана гидроторап аумағына өткізді.

Бір қарағанда көкжиекке дейін созылған су айдыны көрінед...

Қазақстандықтар зейнетақы жинақтарын сақтандыру компанияларына белсенді түрде аударып жатыр. 2026 жылдың бес айында зейнетақы аннуитеті шарты бойынша аударылған ақша көлемі бірден 16%-ға жуық өсті. Нәтижесінде бұл мақсатқа жұмсалған жалпы сома 1,5 трлн теңгеге жақындады (нақты көрсеткіш – 1 461,1 миллиард теңге). Бұл туралы Қаржы нарығын реттеу және дамыту агенттігінің шолуында жазылған.

Міндетті зейнетақы жарнасы бар шоттар саны жыл басынан бері 43 мыңға артып, 11,3 миллионнан асты. Еңбек жағдайы зиянды жұмыста істейтіндердің (кәсіби жарналар) шоттары 18 мыңға көбейіп, 781 мыңға жетті. Ал өз еркімен ақша жинайтындардың шот саны, керісінше, шамамен 8 мыңға азайып, 458 мыңды...

АҚШ пен Иран арасындағы қақтығыс Парсы шығанағындағы басқа мемлекеттерге де таралып жатыр. Тегеран америкалық әскерилер орналасқан Кувейт пен Иорданиядағы нысандарға зымыран мен дрон жібергенін мәлімдеді.

Бұл шабуыл АҚШ-тың Иран аумағына жасаған жаңа әуе соққыларына жауап ретінде ұйымдастырылған. АҚШ Орталық қолбасшылығының мәліметінше, операция Иранның Ормұз бұғазындағы коммерциялық кемелерге қауіп төндіретін әскери мүмкіндіктерін әлсіретуге бағытталған. Бұл туралы Reuters мәлімдеді.

Кувейт билігі төрт зымыран мен 21 дронды әуе қорғаныс жүйелерімен ұстап қалғанын хабарлады. Ал Иордания әскері ел аумағына бағытталған сегіз ирандық зымыранды атып түсіргенін мәлімдеді. Иранның америкалық базаларға зақым келтіргені туралы мәлімдемелері әзірге тәуелсіз дереккөздер арқылы толық расталған жоқ.

Қақтығыстың жайылуы...

Алматы қаласында жастарға тоғызқұмалақ үйрететін тегін курстар ашылды. Ол Медеу ауданындағы жастар комьюнити орталығында жұмыс істейді, деп хабарлайды мегаполис әкімдігінің баспасөз қызметі.

Жастар орталығында ұлттық зияткерлік ойын – тоғызқұмалақ курсының ашылу рәсімі өтті. Жобаны қалалық Жастар саясаты басқармасы мен «Алматы қаласы Тоғызқұмалақ Федерациясы» бірлесіп қолға алды.

Әкімдік мәліметінше, бастама жастар арасында ұлттық ойынды кеңінен насихаттауға, олардың зияткерлік әлеуетін дамытуға және Қазақстанның мәдени мұрасын сақтауға бағытталған.

Іс-шара аясында жоба ресми түрде таныстырылып, қаланың жастар комьюнити орталықтарының басшыларына тоғызқұмалақ ойын жиынтықтары табысталды. Бұл жиынтықтар алдағы уақытта Алматыдағы комьюнити орталықтарында ұйымдастырылатын тегін сабақтарда пайдаланылады.

Тегін сабақтарға Алматы қаласының барлық ниет білдірген...

Ресейдің Челябинск облысындағы «Бугристое» шекара бекетінде белгі салынбаған қауындарды өткізу әрекеті тіркелді. Шамамен 40 тонна өнім Қазақстанға қайтарылды. Бұл туралы Россельхознадзор федералдық мекемесі хабарлады.

Мекеме мәліметінше, Қазақстаннан Ресейге әрқайсына 20 тонна қауын тиелген екі жүк көлігі өтуге талпынған. Тауарды Екатеринбург және Пермь қалаларындағы базаларға жеткізбек болған.

Тексеру барысында қауындардың көбіне белгі қойылмағаны анықталған. Жүк тасушылардың үстінен әкімшілік құқық бұзушылық туралы іс қозғалды.

Бұл уақытта Батыс Қазақстан облысында жүк көлігі аударылып, 20 тонна шабдалы тегін таратылды.

Қаржы нарығын реттеу және дамыту агенттігі тағы төрт ірі ұйымға әмбебап лицензия берілгенін хабарлады. Олардың қатарында KMF Банк, Altyn Bank, Bank RBK және Отбасы банкі бар.

Бұған дейін мұндай лицензияны Alatau City Bank, ForteBank, Kaspi Bank, Halyk Bank және Freedom Bank алған болатын.

Әмбебап лицензия банкаралық қарыз, банкаралық кепілдік, банкаралық кепілгерлік, сондай-ақ өзге де банкаралық операциялар жүргізуге құқық береді.

Банктердің әмбебап және базалық лицензияларға бөлінуі – 2026 жылдың басында қабылданған «Банктер және банк қызметі туралы» жаңа заңның нәтижесі.

Қазақстанда ондаған жылдар бойы «бірыңғай лицензия» қағидаты қолданылып келді. Ол жүйеде банктердің көлемі мен ерекшелігіне қарамастан, реттеушілік...

2026 жылдың бірінші жартыжылдығында Қазақстан мен Қытай арасындағы жүк тасымалының көлемі 9%-ға артты.

Көлік министрлігінің ақпаратына қарағанда, екі ел арасында тасымалданған жүктің салмағы 18,7 млн тоннаға жеткен.

«Жүк тасымалының екі бағытында да оң динамика байқалады. Алты айдың қорытындысы бойынша Қытайдан Қазақстанға 7,0 млн тонна жүк тасымалданып, өткен жылдың бірінші жартыжылдығымен салыстырғанда 9%-ға артты», – делінген министрліктің ақпаратында.

Ал, Қазақстаннан Қытай бағытына 11,7 млн тонна жүк жөнелтіліпті. Бұл да өткен жылдың сәйкес кезеңіндегі көрсеткіштен 10%-ға жоғары. Оның ішінде Қытайға экспорттық тасымалдар – кен, құрама жем, қара және түсті металдар, астық, мұнай және мұнай өнімдері...

Алматылық «Қайрат» футбол клубы УЕФА Чемпиондар лигасының бірінші іріктеу кезеңінен сүрінбей өтті. Черногорияда өткен қарымта матчта «Сутьесканы» 2:0 есебімен сенімді түрде тізе бүктірген Қазақстан чемпиондары келесі кезеңге жолдама алды. Ендігі кезекте алматылықтарды одан да маңызды әрі қиын сынақ күтіп тұр.

Алматыдағы алғашқы ойында 2:1 есебімен басым түскен «Қайрат» қос матчтың қорытындысы бойынша 4:1 есебімен келесі айналымға өтті.

Черногориядағы ойын

Никшич қаласындағы Орталық стадионда өткен кездесудің бірінші таймында есеп ашылмады. Екінші таймда ғана алматылықтар шабуылды үдетіп, өз дегендеріне жетті.

68-минутта алаң қожайындарының қақпашысы әрі команда капитаны Владан Гильеннің өрескел қателігін «Қайраттың» 18 жастағы жас шабуылшысы Исмаил Бекболат мүлт жібермей, есеп...