Жаңалықтар

Мәскеу қалалық соты тарихшы Тамара Эйдельманды сырттай сегіз жылға бас бостандығынан айырды деп жазады «Медиазона».

Тергеу оған бірден екі бап бойынша айып тақты. Оқытушыны «нацизмді ақтады» және Ресей әскері туралы «жалған ақпарат таратты» деп айыптап отыр.

Прокруатура дерегінше, тарихшы 2024 жылдың мамыр айында жарық көрген бағдарламаларының бірінде Екінші дүниежүзілік соғыс оқиғалары туралы айтып, билік заңсыз деп тапқан мәлімдемелер жасаған. Бұған қоса 2024 жылдың шілдесінде Ресей әскерінің әрекеттері туралы бұрыс ақпарат таратты деп кінәлайды. Сот бұл уәждермен келісіп, оқытушыны сырттай сегіз жылдық түрме жазасын кесті.

Тамара Эйдельман – танымал тарихшы, педагог және «Тамара Эйдельманмен тарих сабақтары» атты YouTube-каналдың авторы...

Мемлекет басшысы Қасым-Жомарт Тоқаевтың агроөнеркәсіп кешенін дамыту, азық-түлік қауіпсіздігін нығайту және өңірлерге инвестиция тарту жөніндегі тапсырмалары аясында Жамбыл облысында тағы бір ірі инвестициялық жоба қолға алынды.

Меркі ауданында «ЭкоФерма» жауапкершілігі шектеулі серіктестігінің жұмыртқа бағытындағы құс шаруашылығы кешенінің іргетасын қалау рәсімі өтті. Өңірдің агроөнеркәсіптік әлеуетін арттыруға бағытталған маңызды жобаның капсула салу рәсіміне Жамбыл облысының әкімі Ербол Қарашөкеев қатысып, жаңа бастамаға сәттілік тіледі.

– Жұмыртқа бағытындағы құс шаруашылығы кешенінің іске асуы өңірдегі ауыл шаруашылығының өндірістік әлеуетін арттырып, асыл тұқымды қорды қалыптастыруға мүмкіндік береді. Нәтижесінде өнім сапасы жақсарып, өндіріс тиімділігі артады, импортқа тәуелділік төмендейді. Ең бастысы, жаңа жұмыс орындары ашылып, агроөнеркәсіп кешеніндегі қосылған...

Велосипед тебу ер адамдар денсаулығына зиян ба?! Бұл сұраққа проктолог және хирург Эльвин Гусейнов жауап берді. Дәрігердің айтуынша, велосипедтің орындығы жәйсіз немесе оған дұрыс отырмаса жамбас тұсында жайсыздық сезімін тудыруы мүмкін. Бірақ бұл простатитке тікелей себеп болмайды.

«Велосипедтік простатит» дегеніміз не

Маманның айтуынша, «велосипедтік простатит» деген ұғым велосипедпен тұрақты айналысатын ер адамдарда кездесетін жағдайды сипаттау үшін қолданылады. Мұндай кезде ерлерде шат аралығында жайсыздық, зәр шығаруға байланысты қиындықтар және жыныстық қабілеттің төмендеуі сияқты белгілер байқалуы мүмкін.

«Велосипедтің өзі қуықасты безінің қабынуына әкелмейді. Нағыз бактериялық простатит – бактериялардың қуықасты безі тініне енуінен пайда болатын жұқпалы ауру...

Сотталған блогер Ерболат Жанабылов пен жұбайы Эльмира Төлегеновадан тәркіленген автокөліктер сатылымға шығарылды. Тиісті хабарландырулар E-Qazyna мемлекеттік мүлік тізілімі сайтында жарияланды.

Порталда Hyundai Elantra маркалы автокөлікті сату туралы сегіз хабарландыру орналастырылған. Барлық көлік 2025 жылы шыққан. Сот шешімі бойынша көліктер Ерболат Жанабылов пен Эльмира Төлегеновадан тәркіленген болатын.

Сегіз автомобильдің барлығы Жанабыловтың сотталған әйелі Эльмира Төлегеновға тиесілі «Zhana Business» ЖШС-не тіркелген. Тәркіленген көлік Астана қаласының мемлекеттік мүлік және жекешелендіру департаментінің балансында тұр.

Порталда көліктердің бастапқы бағасы көрсетілмеген. Әр машинаның бағалау құны 8 395 000 теңгені құрайды.

Өтінімді тек құқық қорғау және арнайы мемлекеттік органдар, сондай-ақ Президенттің, саяси мемлекеттік қызметшілердің және Парламент...

Танымал қазақ әншісі Еңлік Құрарбек (Yenlik) Халықаралық зорлық-зомбылыққа қарсы күрес күні «time» деп аталатын бейнебаянын көпшілік назарына ұсынады. Автор жаңа туындысында қоғамдағы әйел теңдігі мәселесін көтерді.

Тимесе – тиме

Бейнебаян атауының өзі екі түрлі мағына беріп тұр: time – ағылшын тілінен уақыт деп аударылса, латын қарпімен жазылған қазақша «тиме» сөзі тиіспе дегенді білдіреді.

«Тимесе – тиме, керіспе!
Төбелескенде не пайда бар?», – деп әндетеді Еңлік.

Бірінші шумағы «Кімнің кім екенін уақыт пен өмірден сұрайық» деп басталады, яғни автор «time» сөзін қос мағынада қолданып отыр.

Жаңа туындының сөзін Еңлік Құрарбек жазса, әнін Нұржан Абдолла

1 шілдеден Қазақстанда тауарлық газ бағасы 33%-ға дейін қымбаттауы мүмкін. Бұл туралы Энергетика вице-министрі Қайырхан Тұтқышбаев мәлімдеді.

Тұтқышбаевтың айтуынша, тариф алдағы жылыту маусымына дайындық пен газ инфрақұрылымын жаңартуға байланысты көтеріледі.

Сонымен қатар соңғы айларда Теңіз секілді ірі кен орындарының жұмысы тоқтап, газ өндіру көлемі төмендеген. Дегенмен мемлекет ішкі сұранысты транзит газ есебінен жауып отыр.

Осы ретте елде газ жүргізу мен газ тұтыну көлемі де тұрақты артып келеді. Министрліктің мәліметінше, 2026 жылы Қазақстанда газ тұтыну көлемі тағы 1 млрд текше метрге артады.

2025 жылы 2 мың шақырымнан астам газ құбыры тартылып, 94 елдімекен табиғи газға...

АҚШ вице-президенті Джей Ди Вэнс Израильге қатысты қатаң сын айтты. Ол Дональд Трамп Израильдің «ықпалды жалғыз одақтасы» болып қала беретінін еске салған. Әрі Израильдің қорғаныс қаруының үштен екісі АҚШ-та өндірілген немесе АҚШ есебінен төленген айтып, Израиль басшылығына «шындықты түсіну керек» деген ой жеткізді, деп жазады Reuters.

Бұған дейін берген сұхбатында ол Итамар Бен-Гвир мен Бецалель Смотричке қарата «Сіздер халқы 9 млн адам болатын елсіздер. Ұлттық қауіпсіздікке қатысты әр мәселені адамдарды өлтіру арқылы шеше алмайсыздар» деген.

Алайда мұндай сын әзірге АҚШ-тың Израильден теріс айналғаныннемесе әскери көмекті тоқтатуды талап етіп отырғанын білдірмейді. Вэнс Израиль үкіметіндегі оңшыл министрлерді әдейі сынады, біра...

Алматының Бостандық ауданында қайғылы жағдай болды. Ер адам он бірінші қабаттан секіріп кетіп қайтыс болды.

Полиция дерегінше, 37 жастағы ер адам пәтерінің терезесінен секірген. Оны сол тұрғын үй кешенінің күзетшісі көріп, жедел-жәрдем шақырады.

«Оқиға орнына жедел жәрдем бригадасы мен полиция қызметкерлері жетті. Зардап шеккен адам шұғыл түрде медициналық мекемеге жеткізілді. Дәрігерлердің күш-жігеріне қарамастан, ер адам есін жимастан көз жұмды. Қазіргі уақытта оқиғаның мән-жайы мен себебі анықталып жатыр», – деп атап өтті полиция департаментінен.

Осыдан он шақты күн бұрын Алматыда көпқабатты үйдің терезесінен әйел адам құлап кеткенін жазған едік. Ол да оқиға орнында мерт...

2026 жылдың қаңтар-мамырындағы дерекке қарасақ, республикалық бюджетке (РБ) өңірлерден түсетін салықтың құрылымы біркелкі емес. Бір өңірлерде негізгі салмақ қосылған құн салығына (ҚҚС) түссе, екіншілерінде пайдалы қазбаларды өндіру салығы, ал мұнайлы аймақтарда кедендік әкету бажы басым.

Бұл өңір экономикасын қандай сала сүйенетінін де көрсетеді: ірі қалаларда тұтыну, сауда және қызмет көрсету алға шықса, батыс пен кенді өңірлерде шикізат факторы шешуші рөл ойнайды.

Қазақстанда 40 жыл еңбек өтілі барларды зейнетке ерте шығару шарты қарастырылып жатыр. Бастаманы Еңбек министрлігінде өткен кеңесте Сенат депутаты Амангелді Нұғманов көтерді.

Еңбек және халықты әлеуметтік қорғау министрі Асқарбек Ертаевтың төрағалығымен өткен кеңейтілген кеңесте зейнетақы қорының қаржылық тұрақтылығын нығайтуға және төлем көлемін арттыруға бағытталған бастамалар ортаға салынды.

Сонымен қатар сарапшылармен және депутаттармен бірлесіп зейнетақы жүйесін жаңғыртудың бірнеше тұжырымдамалық тәсілі әзірленді.

Ең көп талқыланған ұсыныстардың бірі – Сенат депутаты Амангелді Нұғмановтың бастамасы болды. Ол зейнетке шығудың негізгі шарттарының бірі ретінде 40 жылдық еңбек өтілін белгілеуді ұсынды.

Дәлірек айтқан да 40 жылдық еңбек өтілі бар бюджеттік сала қызметкерлері үшін еңбек...

Мемлекеттік кірістер комитеті төлеген салығы тапқан табысына сай келмейтін кәсіпкерлерге ескерту жіберіп жатыр. Салық органдары жеке кәсіпкерлер мен компаниялардың «салық кабинетіне» арнайы Push-хабарлама жолдай бастады.

Бұл хабарламалар салықты тексеру емес, алдын ала көмек ретінде жіберіліп отыр. Мақсат – салық төлеушілердің есептеріндегі қате мен сәйкессіздікті дер кезінде анықтап, айыппұлдың алдын алу.

Ескерту отандық компанияларға ғана емес, ҚҚС (қосылған құн салығы) төлейтін бизнес пен шетелдік компаниялармен (бейрезиденттермен) жұмыс істейтін кәсіпкерлерге де жіберілген.

Кәсіпкерлерге ыңғайлы болу үшін хабарламаның ішіне қатенің қалай табылғаны туралы түсіндірме мен оны өз бетінше тексеруге арналған нұсқаулық қоса тіркелген.

Салық қызметі кәсіпкерлерге...

Қазақстанға Мемлекет басшысы Қасым-Жомарт Тоқаевтың шақыруымен Черногория Президенті Яков Милатович ресми сапармен келді. Астанадағы Тәуелсіздік сарайында мәртебелі мейманды қарсы алу рәсімі өтті.

Алдымен  екі ел басшылары бір-біріне ресми делегация мүшелерін таныстырды. Құрмет қарауылының бастығы рапорт беріп, екі елдің мемлекеттік әнұрандары орындалды.

Салтанатты қарсы алу рәсімі аяқталғаннан кейін Тоқаев пен Милатович келіссөз залына өтті.

Тараптар жоғары деңгейдегі келіссөздер өткізіп, саяси байланысты нығайту, сондай-ақ сауда-экономикалық, инвестициялық және мәдени-гуманитарлық ынтымақтастықты дамыту мәселелерін талқылайды.

Айта кетейік, Черногория басшысының Қазақстанға сапары үш күнге созылады.

Биыл Астанада 16 мыңнан астам түлек мектеппен қоштасып, үлкен өмірге қадам басты. Ал №83 мектеп-лицейінің түлегі, «Алтын белгі» иегері Максим Цой үшін бұл күн өміріндегі ең ұмытылмас сәттердің біріне айналды.

Желіні жаулаған би

Максим Цой көпшілікке осыған дейін, дәлірек айтсақ, 25 мамыр күнгі соңғы қоңырау салтанатында танылған еді. Ерекше білім беру қажеттілігі бар жас түлектің ұстазымен бірге билеген видеосы әлеуметтік желіде кеңінен тарап, мыңдаған адамның жүрегін елжіреткен. Оның өмірге деген шексіз құштарлығы, белсенділігі мен ұстазына деген шынайы құрметіне желі қолданушылары тәнті болып, жылы лебіздерін жаудырған.

Максим өзінің көпжылдық еңбегінің жемісін көріп, мектепті үздік тәмамдағанын айғақтайтын қызыл аттестатын алды.

Ресейден әкелінген 6 тонна жаңа піскен қияр фитосанитариялық талаптарға сай болмай шықты. Осы себепті өнім Ресей Федерациясына кері қайтарылды деп хабарлайды Ауыл шаруашылығы министрлігі.

Министрліктің Мемлекеттік инспекция комитеті шекара арқылы өтетін өнімдердің қауіпсіздігін тексеру барысында осы заңбұзушылықты анықтаған. Белгілі болғандай, көкөністер заңда көрсетілген ережелерге сәйкес арнайы фитосанитариялық бақылаудан дұрыс өтпеген. Бұл ел аумағына зиянкестер мен өсімдік ауруларының еніп кетпеуі үшін жасалған шара.

«Министрлік фитосанитариялық талаптарды сақтау елдің карантиндік қауіпсіздігін қамтамасыз етудің, карантиндік объектілердің әкелінуі мен таралуының алдын алудың, сондай-ақ отандық агроөнеркәсіптік кешенді қорғаудың міндетті талабы екенін еске салады», – деп ескертеді ведомстводан.

Тексеріс отандық ауыл...

Қазақстандағы ең ірі тау-кен металлургиялық компанияларының бірі – Eurasian Resources Group (ERG) менеджерлер кеңесінің құрамын жаңартты. Компанияның ресми сайтындағы мәліметке сәйкес, кәсіпорынды Қазақстанның атынан төрт адам басқарады.

Бұл өзгерістер акционерлер арасындағы үлкен мәміле мен ауыс-түйістерден кейін қабылданып отыр.

Жақында белгілі кәсіпкер Шахмұрат Мутәліпке тиесілі «Nature Energy Solutions Ltd.» компаниясы биыл холдингтің 39,3% акциясын иеленген. Бизнесмен бұл үлесті Патох Шодиев (18,6%) пен Александр Машкевичтің мұрагерлерінен (20,7%) сатып алған.

Менеджердер кеңесінде кімдер бар?

Осы үлкен мәміледен кейін басқару құрамы да жаңарып, бұрынғы қожайындардың өкілдері — Сабир Шодиев пен Эдуард Сурлевич кеңестен...

Футболдан ерлер арасындағы Әлем чемпионатында әйел төрешілердің төрелік етуі ең үлкен өзгерістердің бірі болып отыр. Бүгінде бұл үрдіс футболдың әдемі дәстүріне айналып үлгерді. ФИФА төрешілер комитетінің басшысы Пьерлуиджи Коллина бұл тағайындаулардың гендерлік белгіге емес, «ең алдымен кәсіби сапа» принципіне негізделгенін ерекше атап өтті.

АҚШ, Канада және Мексиканың жасыл алаңдарында өтіп жатқан биылғы Әлем кубогында 6 әйел төрелік етіп жатыр. Олардың екеуі – бас төреші, үшеуі – ассистент және біреуі – VAR (бейнеқайталау) төрешісі.

Бәрі Стефани Фраппардан басталды

Әйел төрешілердің ерлер футболында қызмет етуі алғаш рет 2022 жылы Қатардағы Әлем чемпионатында орын алды.

Франциялық Стефани Фраппар ерлер арасындағы Әлем чемпионатында...

Вьетнам шетелдік азаматтардың елге кіруін алдын ала хабарлайтын жаңа жүйені іске қосты. Бұл туралы ҚР Сыртқы істер министрлігі хабарлады.

Қандай өзгеріс енгізілді?

СІМ мәліметінше, Вьетнам Социалистік Республикасы шетел азаматтарының елге кіру рәсімдерін жеңілдету мақсатында «Алдын ала ақпарат ұсыну жүйесін» (Pre-arrival Information – PAI) пилоттық режимін іске қосты.

Аталған жүйе шетел азаматтарына Вьетнамға сапар алдында қажетті ақпаратты онлайн режимде алдын ала ұсынуға мүмкіндік береді.

«Жүйе шекаралық бақылаудан өту уақытын қысқартуға және әуежайлардағы жолаушылар ағынын оңтайландыруға бағытталған», – делінген хабарламада.

Қай елдерде жұмыс істеп жатыр?

PAI жүйесі қазіргі уақытта Таншоннят халықаралық әуежайында...

«Ойыншықтар хикаясы 5» анимациялық фильмі 19 наурызда әлемдік прокатқа шықты. Мультфильм бірнеше тілге дубляждалған, оның ішінде қазақ тілі де бар. Картинаның дистрибьюциясымен айналысатын Ascar cinema ойыншықтарды қазақша сөйлеткен актерлерді таныстырды.

Анимациялық фильмдегі кейіпкердің бірі Доллиді блогер Бота Миа дыбыстайды. Трикси динозаврын Зарина Кармен, ал Тікенек мырзаны Асан Мәжит сөйлеткен. Сондай-ақ дубляжға Әбілмансұр Серіков те қатысқан. Ал ойыншықтардың иесі Бониды Айзере Беркімбай дыбыстаған.

Қазақша дубляждың режиссері – Шах-Мұрат Ордабаев. Ол бұған дейін «Моана», «Коконың құпиясы», «Арыстан патша», «Малефисента 2», «Мұзды өлке 2» және өзге де фильмдердің қазақша дубляжын басқарған.

«Ойыншықтар хикаясы 5» – Pixar Animation Studios компаниясы мен Walt Disney Pictures...

Қазақстандық банктер 2026 жылдың 5 айында 1 трлн теңгеден астам таза пайда тапты. Бұл өткен жылдың осы кезеңімен салыстырғанда 9%-ға аз.

Ұлттық банк статистикасына сәйкес, банк секторы мамыр айында 240 млрд теңге таза пайда алған. Нәтижесінде бес айдағы таза табыс 1 трлн 36 млрд теңгені құрады.

Банктердің табысы төмендегенімен, олардың клиенттерге қызмет көрсетуден тапқан пайыздары айтарлықтай өсіп, 26%-ға жуықтап, 3,3 триллион теңгені құрады.

Жалпы 2026 жылы қаржы ұйымдарының таза пайдасы қысқарып келе жатқаны байқалады.

Оған несие талаптарының қатаңдауы, салымшыларға төлейтін сыйақының жоғары болуы және салықтың артуы әсер еткен.

«Қазгидромет» шілде айына арналған ауа райы болжамын жариялады. Синоптиктердің мәліметінше, Астана мен Алматыда температура жиі өзгеріп, жаңбырлы күндер көп болады.

Елордада шілде айындағы орташа ауа температурасы +21,2 градус шамасында болып, климаттық нормаға жақын болады. Ай бойы салқын күндер мен аптап ыстық кезеңдер алма-кезек ауысып отырады.

Ай бойы...

Әлеуметтік желіде жасы егде тартса да, өмірге деген құштарлығы сөнбеген ақ жаулықты ананың видеосы қызу талқыланып жатыр. Instagram қолданушысы alma.janalina парақшасында 74 жастағы анасының биік таулардың үстінен парапланмен қорықпай ұшқан сәтін көрсетті.

Видео авторы жазбасында: «Анашым 74 жаста… Ал, істеп жүргені мынау… Не дейсіздер, ал?!» – деп жазды.

Апаның нұсқаушымен бірге асқар таулардың аясында, аспан көгінде ешбір қобалжусыз, керісінше, ән айта отырып, көңілді күйде ұшып бара жатқаны көрінеді.

Бұл ерекше сәт оқырмандардың таңданысы мен сүйіспеншілігін тудырды. Пікір қалдырушылар апаның батылдығына тәнті болып, ақ тілектерін жаудырып жатыр.

«ЖИ деп қалсам. Шын екен...

ЕуроОдақ парламенті өздері паналатудан бас тартқан, бірақ отанына қайта алмайтын мигранттарды депортациялау ережесін мақұлдады. Жаңа регламент бойынша мұндай адамдар үшін ЕуроОдақтан тыс жерде арнайы уақытша тұру орталықтары (қайтару хабтары) салынады.

DW басылымының жазуынша, дауыс беруге қатысқан 666 еуродепутаттың 418-і бұл бастаманы қолдап, 218-і қарсы шықты, ал 30-ы қалыс қалды.

Қазір ЕО-дан шығарылатын мигранттардың тек төрттен бірі ғана өз еліне қайтады. Жаңа ережелер бұл көрсеткішті арттыруды көздейді.

Әзірге уақытша тұратын хабтардың нақты қай жерде ашылатыны белгісіз, алайда Африка елдері ұсынылып отыр. Сонымен қатар, AFP ақпарат агенттігінің мәліметінше, Қазақстан, Өзбекстан, Руанда және Уганда ЕО-ның депортация бойынша болашақ серіктестері атануы мүмкін.

Li Auto компаниясы L6 моделінің жаңа буыны 2026 жылдың шілде айында таныстырылатынын ресми түрде растады. Бұл туралы компанияның өнім желісі бойынша жетекшісі Ли Синьян мәлімдеді.

Жаңартылған көлік энергия жүйесі, интерьер жабдықтары және автопилот технологиялары бойынша елеулі өзгерістерге ие болады.

Жаңа Li Auto L6 қазіргі 36,8 кВт·сағ аккумулятордың орнына сыйымдылығы 51 кВт·сағ болатын Li Auto 5C батареясымен жабдықталады. Соның арқасында көлік тек электр қуатымен WLTC стандарты бойынша 234 шақырымға, ал CLTC стандарты бойынша шамамен 300 шақырымға дейін жүре алады.

Сондай-ақ аккумулятор жылдам қуаттау технологиясымен жабдықталған. Өндірушінің мәліметінше, небәрі 10 минут ішінде 200 шақырымға жететін жүріс қорын толықтыруға болады.

20 маусымда ел бойынша жоғары оқу орындарының қабылдау комиссиялары жұмысын бастайды. ҰБТ-ны тапсырып грант конкурсына қатыспайтын талапкерлер ЖОО-ға оқуға түсу үшін құжаттарын тапсыра берсе болады. Бұл туралы Ұлттық тестілеу орталығы хабарлады.

Гранттар конкурсына қатысуды жоспарлап отырғандар 13-20 шілде аралығында қатысуға өтініш беруі керек. Дәл осы кезеңде талапкерлер түскісі келетін мамандықтар мен ЖОО-ларды таңдайды.

Гранттар конкурсына өтінішті кез келген ЖОО-ның қабылдау комиссиясы арқылы тапсыруға болады.

Грант иегерлерінің тізімін ҒЖБМ (Ғылым және жоғары білім министрлігі) 10 тамызға дейін жариялайды.

Айта кетейік, Ғылым және жоғары білім министрі Саясат Нұрбек 2026-2027 оқу жылына 89 457 мемлекеттік грант бөлінгенін айтты. Айтуынша, биыл жоғары...