Жаңалықтар

Қазақстандағы ірі бизнестің жаңа «жұлдызы» Шахмұрат Мүтәліп сатып алуға ниеті «Алтыналмас» компаниясы тағы бір кен орнын иелігінен шығарды. Ол – осыдан бірнеше жыл бұрын қызметкерлер мінген автобус апатқа ұшырған «Майқайыңалтын» кеніші.

Компанияның ресми ақпаратына сәйкес, «Алтыналмас» аталмыш кен орнын 8,7 млрд тенгеге өз акционері – Gouden Reserves Kazakhstan-ға сатқан. Яғни компания кенішті сыртқа емес, өзінің жоғары тұрған құрылымына аудара салған.

Бұл кенішті «Алтыналмас» дәл бір жыл бұрын 6,06 млрд теңгеге сатып алған.

Сондай-ақ кезінде 33,5 млн долларға сатып алған «Ақтоғай мыс» серіктестігін де иелігінен шығарғаны белгілі. Нәтижесінде «Алтыналмастың» иелігінде 14 компания бар...

Семейде жоғалып кеткен қос жасөспірім дін аман табылды. Бұл туралы ІІМ хабарлайды.

Іздеу шараларының нәтижесінде таңғы сағат 09:10 шамасында балалар жергілікті тұрғындардың бірінің ауласынан табылды. Үй иесі балаларды көре сала, бірден полицияға хабарлаған. Аман-есен табылған балалар ата-аналарына тапсырылды. Қазіргі уақытта балалармен және олардың заңды өкілдерімен профилактикалық жұмыстар жүргізіліп жатыр.

ІІМ өкілдері бала тәрбиесіне салғырт қарап, қауіпсіздігін қамтамасыз ете алмағаны үшін ата-аналар жауапкершілікке тартылады деп ескертеді. Бұл мәселеге қатысты жиналған құжаттар кәмелетке толмағандардың құқықтарын қорғау жөніндегі комиссияның отырысында қаралады.

Абай облысының Полиция департаменті ата-аналарға балалардың қайда жүргенін, әсіресе, жазғы уақытта, кешкі және түнгі мезгілде үнемі қадағалап отыру қажеттігін ескертеді.

Жоғалған ек...

Әлемдегі ең ірі құрылыс конгломераттарының бірі – China State Construction Engineering Corporation (CSCEC) Түркістан облысында тау-курортты қалашық тұрғызғысы келеді. Жергілікті билік солардың көмегімен Қасқасуды әйгілі Куршевельге айналдыруды көздеп отыр.

Ірі холдинг Түркістанға кірді

China Construction холдингінің алтыншы бюросы – China Construction Sixth Engineering Bureau Corp. LTD Түркістан облысына халықаралық тау шаңғысы кластерінің бас жоспары мен сәулеттік тұжырымдамасын ұсынды.

Жергілікті билік Қытай инвесторлары ұсынған жоба өңірдің туристік әлеуетін арттырады деп есептейді.

«Жоба курортты заманауи, жыл бойы қызмет көрсететін халықаралық туристік нысанға айналдыруды көздейді. Дизайн тұжырымдамасында әлемдік тау шаңғы курорттарының үздік тәжірибесі ескерілген», – деп таратты Түркістан...

Volkswagen компаниясы Өзбекстанда алғашқы зауытын ашты. Ел президенті Шавкат Мирзиёев пен Германия федералдық президенті Франк-Вальтер Штайнмайер келіссөздерге қол қойды. Бұл туралы Өзбекстан президенті баспасөз қызметі хабарлады.

Салтанатты рәсімде Шавкат Мирзиёев пен Франк-Вальтер Штайнмайер арнайы батырманы басып, Volkswagen автокөліктерін шығаратын зауытты ресми түрде іске қосты.

Бұл жобаны Volkswagen компаниясы мен «Өзавтосаноат» құрамына кіретін «Alyans Auto» кәсіпорны бірлесіп жүзеге асырады. Жоспар бойынша зауытта Volkswagen-нің 7 түрлі моделі құрастырылады, бірақ олардың нақты қай үлгілер екені әзірге құпия сақталып отыр.

Бастапқы кезеңде көліктерді дайын бөлшектерден құрастыру жұмыстары Ташкентте жүргізіледі. Ал екінші кезеңде «Ангрен» еркін экономикалық аймағында толыққанды зауыт салынады. Онда шанақты дәнекерлеу мен...

18 маусымнан бастап Алматыдағы Достық даңғылының Гоголь көшесінен Жібек жолы даңғылына дейінгі бөлігінде солтүстік бағытта бір жақты қозғалыс енгізіледі. Бұл туралы Алматы әкімдігі хабарлады.

Сондай-ақ Зенков көшесінің Мақатаев көшесінен Гоголь көшесіне дейінгі бөлігінде оңтүстік бағытта біржақты қозғалыс болады. Бұдан бөлек, Әуезов ауданында Атамекен көшесінің (Атамекен шағынауданы) №103 үйден №108 үйге дейінгі бөлігінде оңтүстік бағытта біржақты қозғалыс ұйымдастырылған.

Бұл шешімді Әкімшілік полиция басқармасы мен қалалық билік бірігіп қолға алып отыр. Оның басты мақсаты – кептелісті азайту, көліктердің емін-еркін жүруіне жағдай жасау және жолдағы жүргізушілер арасындағы түсініспеушіліктерді болдырмау.

Мұндай қадамға баруға жолдардағы қазіргі жағдайды зерттеу нәтижелері мен сол маңда тұратын халықты...

Ұлттық статистика бюросы елде қанша электрокөлік тіркелгенін, олардың көбі қай қалаға тиесілі екенін жариялады.

Бюро мәліметтеріне сәйкес, 1 маусымдағы жағдай бойынша Қазақстанда 5,9 млн автокөлік құралы тіркелген. Оның 84,2%-ын жеңіл автомобильдер, 8%-ын жүк автомобильдері, 4,3%-ын тіркемелер, 1,5%-ын автобустар, 1,2%-ын мотоциклдер және 0,8%-ын басқа да көлік құралдары құрайды.

«Пайдаланылатын отын түрі бойынша автокөліктің 80%-ы бензинмен жүреді, 7,6%-ы – дизель отынымен, 6,5%-ы аралас отын түрін пайдаланады, ал газ баллонды көліктің үлесі 0,4%-ды құрайды», – делінген бюро хабарламасында.

Бұдан бөлек, электр қуатымен қозғалатын көлік саны – 32 479, яғни тіркелген жалпы автокөлік санының 0,5%-ын құрайды.

Электромобильдердің е...

Ресей тарапы Қазақстанға бензин мен дизель отынын жеткізуді бастау туралы ресми түрде өтініш жасамаған. Бұл туралы Сенат отырысының кулуарында Энергетика министрі Ерлан Ақкенженов мәлімдеді.

«Ресей отын жеткізу бойынша Қазақстаннан әлі ештеңе сұраған жоқ. Бізге ешқандай ресми сауал түскен жоқ», — деді министр журналистердің сұрақтарына жауап бере отырып.

Сонымен қатар министр техникалық мүмкіндік туындаған бойда, Ресей аумағы арқылы өтетін «Дружба» құбырымен Германияның Шведт қаласындағы мұнай өңдеу зауытына (МӨЗ) Қазақстан мұнайының транзиті қайта басталуы мүмкін екенін жоққа шығармады. Айта кетейік, бұл бағыттағы транзит мамыр айында Ресей тарапының бастамасымен тоқтатылған болатын.

Отын тапшылығы және...

Астана – Қорғалжын тасжолында түнде жарқырайтын ерекше жол таңбасы пайда болды. Пилоттық жобаны «ҚазАвтоЖол» іске қосты.

Сынақ учаскесі автожолдың 23-шақырымында орналасқан. Бұл бағыт көлік қозғалысының көптігіне, күрделі ауа райына және жол-көлік оқиғалары жиі тіркелетін учаске болғанына байланысты таңдалды. Соңғы үш жылда аталған аумақта алты жол-көлік оқиғасы тіркелген.

Жаңа технология қалай істейді?

Жол таңбасын жасау үшін люминесцентті бояу қолданылған. Ол күндіз жарық энергиясын жинақтап, қараңғы уақытта жанады. Осылайша жол сызықтары жүргізушілер үшін анық әрі жақсы көрінетін болады.

«Соның арқасында жол таңбалары түнгі уақытта, жарық жеткіліксіз жағдайларда және жүргізушілер үшін қозғалыс бағытын алдын ала көру...

ChatGPT-ді әзірлеуші компания Қазақстан бюджетіне 1,8 миллиард теңге салықты кем төлеген. Салық қызметінен ескерту алғаннан кейін ғана толық төлем аударылды. Бұл туралы Мемлекеттік кірістер комитетінің Цифрлық активтерді әкімшілендіру басқармасының басшысы Талғат Әділов мәлімдеді.

2025 жылдың қорытындысы бойынша фискалдық органдар салық міндеттемелерін толық орындамаған 77 шетелдік интернет-компанияны анықтады. Платформалардың бір бөлігі Қазақстанда шартты тіркеуде тұрмаған. Әділовтің сөзінше, ескерту алғаннан кейін 8-ге жуық компания өз міндеттемелерін орындаған.

«Егер ірі сомалар туралы айтатын болсақ, онда ChatGPT 2025 жыл үшін 1,8 миллиард теңге көлеміндегі салықты қосымша төледі», – деді Талғат Әділов.

Тағы бір ірі салық төлеуші – AliExpress компаниясы...

Қаржы нарығын реттеуші органдар мен салық комитеті тауар әкелемін деп шекарадан қомақты қаржы шығарып алып, оны жеткізбеген кәсіпкерлерден сыртқа кеткен валютаны қайтаруды талап етеді. Өйткені әр мемлекет өзінің қаржы қауіпсіздігін қамтамасыз етуі шарт. Ұлттық банк төрағасы Тимур Сүлейменов шетелге қаржы себепсіз кетпес үшін қатаң шаралар қолданылатынын айтады.

«Капитал ағынын бақылау – мемлекеттің қаржы қадағалаудағы басты функциясының бірі. Ақша бақылаусыз ары-бері аға бермеуі керек. Мәселен, біреу трактор аламын деп келісіп, шетелге ақша аударғанымен, тракторы келмесе, онда мемлекет бизнесменнен ақшаны қайтар деп талап етеді. Яғни сен ақшаны шетелге шығарумен айналысып жатырсың», – дейді бас банкир.

Сондықтан мемлекет...

Футболдан өтіп жатқан 2026 жылғы Әлем чемпионаты трибунадағы мәртебелі қонақтарымен де ерекшеленіп жатыр. Көршілес Өзбекстан құрамасының Колумбияға қарсы тарихи матчын тамашалауға футбол әлемінің танымал тұлғалары да келген.

Олардың қатарында Ресей құрамасының бұрынғы капитаны, лондондық «Арсеналдың», санкт-петербургтік «Зениттің» және алматылық «Қайраттың» экс-шабуылшысы Андрей Аршавин де болды.

Аршавин Мехико қаласындағы халықаралық стадионның трибунасынан орын алып, Өзбекстан құрамасының мундиальдағы дебюттік кездесуіне арнайы қолдау көрсетті. Ол ойын бойы көршілес елдің тарихи қадамына тілектестік білдіріп, өзбек жанкүйерлерімен бірге отырды.

Еңбек және халықты әлеуметтік қорғау министрі Асқарбек Ертаев зейнетақы жүйесін реформалаудың екі нұсқасы қарастырылып жатқанын мәлімдеді. Оның бірі «4+1» моделі.

Журналистер министрден ел үкіметі мен Дүниежүзілік банк бірлесіп әзірлеп жатқан зейнетақы жүйесін реформалау жоспарлары туралы сұрады. Сондай-ақ азаматтардың зейнетақы жинақтарының көлемін ұлғайту және зейнетақы активтерінің кірісін арттыру үшін қандай өзгерістер қарастырылып жатқанын нақтылады.

«4+1» моделі: зейнетақыға қосымша 4% аудару ұсынылды

«Зейнетақы жүйесі мынадай бағытта реформалануы мүмкін. Қазір жұмыс берушінің міндетті 5%–дық зейнетақы жарналары бар. Осы 5%-дық аударымға қатысты екі негізгі жоба талқыланып жатыр. Біріншісі – Бірыңғай жинақтаушы зейнетақы қоры ұсынған «4+1» жобасы. Бұл модель жинақтаушы...

Үкімет қаулысымен 2026 жылғы қысқы Олимпиада чемпионы Михаил Шайдоровқа 250 мың доллар көлемінде, Надежда Морозоваға 5 мың доллар мөлшерінде ақшалай сыйақы берілді. Бұл туралы Туризм және спорт министрлігі хабарлады.

«Қазақстан Республикасы Үкіметі 2026 жылы Италияның Милан және Кортина-д’Ампеццо қалаларында өткен XXV қысқы Олимпияда ойындарының жеңімпазы Михаил Шайдоров (мәнерлеп сырғанау) пен үздік алтылыққа енген Надежда Морозоваға (конькимен жүгіру) ақшалай сыйақы беру туралы қаулы қабылдады», – делінген хабарламада.

Сонымен қатар Үкімет резервінен спортшылармен қатар олардың жаттықтырушыларына төлемдер бөлінді. Жалпы алғанда, 2 спортшы мен 5 жаттықтырушы ақшалай сыйақы алды.

Ақшалай сыйақы жүлдегер спортшылардың алғашқы, жеке және бас...

18 маусымға қараған түні Мәскеу қаласы мен облысы дрондардың жаппай шабуылына ұшырады. Солардың бірі қала аумағындағы мұнай өңдеу зауытына түсіп, мегаполистің бір бөлігінің аспанын қою қара түтін торлады.

Дрондар шабуылы

Мәскеу мэрі Сергей Собянин жергілікті уақытпен таңғы сағат 8:17-де (Астана уақытымен 10:17) шамамен 180 ұшқышсыз ұшақ аппараты атып түсірілгенін мәлімдеді. Содан кейін де Мәскеуге қарай ұшқан тағы бірнеше дрон туралы ақпарат берді. Мегаполис басшысының айтуынша, қалдықтары құлаған жерлерде құтқарушылар жұмыс істеп жүр.

Дрондардың бірнешеуі Мәскеу аумағындағы мұнай өңдеу зауытына жетіп, шикізат қоймалары жарылды. Өндіріс нысаны өртке оранды. Одан шыққан қою қара түтін Ресей астанасындағы бірнеше...

Қазақстанда «Жайлы мектеп» Ұлттық жобасы аясында салынған сыйымдылығы бірдей екі мектепке бюджеттен екі түрлі қаржы жұмсалған. Мәселен, ШҚО-дағы Опытное село ауылындағы мектеп 4,7 млрд теңгеге салынса, БҚО-дағы Пугачева ауылында мектепке 3 млрд теңге бөлінген. Айырмашылық – 1,6 млрд теңге.

Сенатор Андрей Лукин Сенаттың кезекті отырысында дәл осы мәселені көтерді. Сондай-ақ талдау нәтижелеріне сәйкес, салынған 75 мектептің ішінде бір мектеп тек 29%-ға ғана толған, 8 мектеп 30%-дан 50%-ға дейін, 16 мектеп 50%-дан 70%-ға дейін, ал қалған мектептер 70%-дан жоғары деңгейде толыққан. Депутат Оқу-ағарту министрлігінен «Ұлттық жоба аясында салынған мектептердің толық қуатында жұмыс істемеуінің негізгі себебі неде?» деп сұрады.

Бағаға сейсмика...

Базалық мөлшерлеменің төмендеуі теңге бағамы мен теңгедегі активтердің тартымдылығына кері әсер еткен жоқ. Бұл туралы Сенат кулуарында Ұлттық банк төрағасы Тимур Сүлейменов мәлімдеді.

«Базалық мөлшерлемені төмендеткенде, теңге арзандайды деген еді. Негізгі мөлшерлемені 17 пайызға дейін төмендеттік, доллар сол күйі 484 теңге айналасында саудаланып жатыр. Оған қоса АҚШ пен Иран арасындағы келісім мұнай бағасын барреліне 100 доллардан 80 долларға дейін құлдыратып жіберді. Бірақ бұл жайт та теңге бағамына қатты әсер етпеді», – деді ҰБ басшысы

Сүлейменовтің пайымдауынша, қазір сарапшылар да, нарық ойыншылары да макроэкономика тұрақты екенін, инфляциямен күрес мақсатты жүріп жатқанын, экономикалық өсім бар екенін...

Ақордада өткен жиында Тоқаев «Астана медицина университеті» жоғары оқу орнына «ұлттық» мәртебесін беретінін мәлімдеді. 

«Маңдайалды отандық жоғары мектептердің бірі ретінде танылған «Астана медицина университеті» цифрлық денсаулық сақтау мен биомедицинаны табысты дамытып келеді. Үкімет аталған оқу орнының айқын жетістіктерін ескеріп, ол ең жоғары – Ұлттық университет мәртебесін алуға әбден лайық деп санайды. Бұл ұсынысты қолдаймын», – деді президенті.

Сондай-ақ ол университетке ғалым, отандық тағамтану ғылымы мен профилактикалық медицинаның негізін салушы, Қазақстанның Еңбек Ері Төрегелді Шармановтың есімін беруді ұсынды.

Ал Қарағанды медициналық университетіне сол оқу орнының негізін қалаған әрі оны ұзақ жылдар бойы басқарған Петр Моисеевич...

Мәжілістің VIII шақырылымы депутаттық сауалдар мен саяси мәлімдемелермен ғана емес, қоғамда қызу пікірталас тудырған заң жобаларымен де есте қалды. Бұл шақырылымда қабылданған немесе талқыланған бірқатар құжат азаматтардың күнделікті өміріне, бизнеске, медиа нарыққа және әлеуметтік қауіпсіздікке тікелей әсер етті. Сондықтан аталған заңдар жай ғана құқықтық өзгеріс емес, қоғамдағы сұраныс пен мемлекеттің соған берген жауабы ретінде қабылданды. Төменде осы шақырылымдағы ең көп талқы тудырған заң жобаларын ұсынамыз.

Онлайн-платформалар және онлайн-жарнама туралы заң

Онлайн-платформалар және онлайн-жарнама туралы заң жаңа цифрлық дәуірдің талабынан туған құжат болды...

АҚШ, Мексика және Канада төрінде жалауы желбіреген футболдан Әлем чемпионатының 1-туры өз мәресіне жетті. Алғашқы кездесулерде-ақ күтпеген нәтижелер мен қызықты ойындар болды.

Kursiv.Media бірінші турдың негізгі қорытындылары мен командалардың қазіргі жағдайына шолу ұсынады.

Алғашқы турдың қорытындысы: командалардың әлеуеті қандай?

Алғашқы турда Алжирді 3:0 есеппен тізе бүктірген Аргентина командасы турнирдегі ең теңгерімді әрі тактикалық тұрғыдан ұйымдасқан ұжым ретінде көзге түсті. Месси бастаған жігіттер 2022 жылғы Әлем чемпиондары екенін де ұмытпаған жөн.

Шабуылы мығым, қорғанысы шикі фавориттер

Германия (Кюрасаоға қарсы 7:1) мен Англия (Хорватияға қарсы 4:2) шабуылда атой салғанымен, қорғаныс шебінде...

Ақордада медицина қызметкері күніне орай салтанатты іс-шара өтті. Жиында сөз сөйлеген Тоқаев үкіметке елдегі ауруханалар мен емханаларды қайта жөндеуден өткізу туралы тапсырма берді.

«Алдағы жұмыс – ауқымды. Елімізде пайдалану мерзімі әлдеқашан өтіп кеткен 14 мыңнан аса нысан әлі де қызмет көрсетіп тұр. Сондықтан Үкімет бүкіл денсаулық сақтау инфрақұрылымына ауқымды реновация жүргізіп, олардың материалдық-техникалық базасын жаңғыртуы қажет», – деді ол.

Президенттің дерегінше, 2023 жылдан бастап жаңадан 655 бастапқы медициналық-санитарлық көмек көрсету нысаны салынған. Олардың ішінде ғылыми институттар мен көпбейінді ауруханалар, заманауи емханалар және перинатальды орталықтар бар. Биыл тағы 32 аудандық аурухананы жаңғырту жұмыстары аяқталады. Жалпы...

Астана көшелерінің тазалығы мен тұрғындардың жайлы өмір сүруі үшін мыңдаған коммуналдық қызметкер тер төгіп жүр. Солардың бірі – Қанат Әбілмәжінов. Оның еңбек жолы Астананың даму кезеңімен қатар өрілді. Елорданың жаңа қалыптасып жатқан уақытынан бастап коммуналдық шаруашылық саласында қызмет етіп келе жатқан ол бүгінде осы саланың тәжірибелі мамандарының біріне айналды. KursivMedia тілшісі қоғам игілігіне қызмет етіп жүрген еңбек адамының өмірлік ұстанымы, кәсібінің ерекшелігі және қаладағы тазалық мәдениеті туралы сұхбаттасты.

Қорғалжын өңірінің тумасы елордаға 1998 жылы қоныс аударып, 2001 жылдан бері коммуналдық шаруашылық саласында жұмыс істеп келеді. Жас қаланың қалыптасу кезеңін де, бүгінгі заманауи келбетін де көзімен көрген.

Биыл оны...

Алматыдағы ірі сауда орталықтарының бірі – «Байсат» базары өте арзан бағаға ұсынылғанымен, осымен алтыншы рет аукционда сатылмай қалды. Қайрат Сатыбалдыдан қайтарылған актив енді Дархан Сатыбалды басқаратын қала меншігіне өтуі мүмкін.

Нәтижесіз аукцион

«Қайтарылған активтерді басқару компаниясы» (KUVA) өтпей тұрған базарды тағы бір мәрте электронды аукционда сатуға талпынды. Алайда Sauda порталында жарияланған лот 18 маусымда ешкімнің қызығушылығын туғызбады. Сауда-саттық «аукцион басталған кезде сату объектісі бойынша аукцион залына тіркелген қатысушы болмауына» байланысты өтпеді деп танылды.

KUVA базар үлесін кем дегенде 26,7 млрд теңгеге өткізуге тырысқан. Баға нысанның өз құнынан 2,1 млрд теңгеге аз. Айта кетейік, бағалаушылар 2025 жылғы тамызды...

Алматы қаласы, Наурызбай ауданының тұрғыны үйіне 990 адамды тіркеген. Сот оны шартты түрде бір жылға бас бостандығынан айырды деп хабарлайды Бас прокуратура.

Алматылық тұрғын бір бөлмелі пәтерге тіркеген адамдардан сыйақы алған. Сот мұны көші-қон заңнамасын бұзу деп тапты.

«Наурызбай ауданының прокуратурасы ҚР ҚК-нің 394-бабымен (заңсыз көші-қонды ұйымдастыру) тіркеген қылмыстық іс бойынша сот «Резеңке пәтердің» иесіне қатысты айыптау үкімін шығарып, 1 жылға бас бостандығын шектеу түріндегі жаза тағайындады», – деп жазылған прокуратура хабарламасында.

Былтыр шілдеден бастап елде тұрғылықты жері бойынша тіркеу ережелері өзгерген. Енді адам пәтерге тіркелген болса, бірақ шын мәнінде онда...

Енді пайдаланушылар қай банктің мобильді қосымшасын қолданса да, бір ғана QR-код арқылы төлем жасай алады. Аталған QR-төлем жүйесі 19 шілдеден бастап іске қосылады. Бұл туралы Сенат отырысында Ұлттық банк төрағасы Тимур Сүлейменов мәлімдеді.

«19 шілдеден бастап қолма-қол ақшасыз төлемдерге арналған бірыңғай банктаралық QR-код жүйесі жұмыс істей бастайды. Парламенттің қолдауымен 1 мамырда экономиканың жаңа саласы – цифрлық активтер индустриясын іске қосудың құқықтық негізі қаланды. Заманауи, түсінікті және институционалдық орта құрылды. Ұлттық банктің реттеуші орталығы базасында цифрлық қаржылық активтер саласында 30-дан астам инновациялық жоба іске қосылды», – деді Сүлейменов.

Айтуынша, жүйенің іске қосылуы тұтынушының немесе сатушының қай...