Жаңалықтар

Батыс Қазақстан облысында, Самара-Шымкент трассасында 20 тонна шабдалы тиелген жүк көлігі апатқа ұшырады. Кейінірек көлік жүргізушісі бүлінген шабдалыны тұрғындарға тегін таратып берді деп хабарлайды AstanaTV.

Апат орнына ауыл тұрғындары келді. Олар бір сағат ішінде 20 тонна шабдалыны бөліп әкеткен. Бірақ тегін өнімге таласып, өзара жанжалдасып қалған.

«Жол бойында ескі қорғандар, бейіттер бар. Жиі апат болып тұрады. Апатқа ұшыраған көлік жүргізушісі шашылған өнімдерді таратып беруді ұсынды. Соны шуламай, жанжалдаспай жинап алуға болар еді. Бірақ оның орнына адамдар бір-бірін итеріп, шабдалыға таласып кетті», – дейді куәгерлердің бірі Равхат Халелов.

Дегенмен көпшілігі жүргізушіге жанашырлық танытып...

Украина президенті Владимир Зеленский Жоғары Радаға жаңа премьер-министрді ұсынды. Оның шешімімен, министрлер кабинетін Сергей Корецкий басқаруы керек. Бұл туралы украиналық парламент спикері Руслан Стефанчук мәлімдеді.

Бастапқыда аталған лауазымға төрт үміткер болған. Олардың қатарында Украина энергетика министрі Денис Шмыгаль, қорғаныс министрі Михаил Федоров, Харьков қаласының мэрі Игорь Терехов және Сергей Корецкий бар. Корецкий бұған дейін «Нафтогаз» басқарма төрағасы болды.

Зеленскийдің мәлімдеуінше, кеңесулерден кейін премьер-министр лауазымына ең лайықтысы Сергей Корецкий деп шешкен.

Жоғарғы Рада жаңа үкімет басшысын бекітуге және министрлер кабинетінің жаңа құрамына 16 шілдеде дауыс береді. Іс жүзінде үкіметтің толық құрамы белгілі. Ең маңызды өзгеріс – қорғаныс министрі Михаил...

Футболдан өтіп жатқан Әлем чемпионатының жартылай финалында Аргентина Англиямен кездесіп, матчтың соңғы минуттарында жеңісті жұлып кетті. Қорытынды есеп – 2:1.

Текетірес пен камбэк

Ойынның бірінші таймы қос команданың да сақ қимылдауымен өтіп, есеп ашылмады (0:0). Алайда екінші тайм жанкүйерлерге ұмытылмас эмоция сыйлады: 55-минутта Англия құрамасы есеп ашты. М. Роджерстің пасынан кейін А. Гордон мергендік танытып, ағылшындарды алға шығарды (1:0).

85-минутта ойынның аяқталуына санаулы минуттар қалғанда Лионель Мессидің нәтижелі пасын Э. Фернандес голға айналдырып, таразы басын теңестірді (1:1).

90+2-минут. Төреші қосқан қосымша уақытта тағы да Л. Месси ассист жасап, Мартинес Англия қақпасына жеңіс голын соқты (1:2). Аргентина құрамасы чемпиондық мінез...

Қазақстанда қазір 15 жастан асқан азаматтардың 15,1%-ы темекі шегеді. Оның ішінде 13,6%-ы темекіні күн сайын, 1,5%-ы анда-санда тартады. Бұл туралы Ұлттық статистика бюросының 2026 жылғы ересектердің темекі тұтынуына арналған зерттеуінде айтылған.

Зерттеудегі ең үлкен айырмашылық ерлер мен әйелдер арасында байқалады. Ерлердің 30,5%-ы темекі тартса, әйелдер арасында бұл көрсеткіш 4,9% болды. Яғни ерлер арасындағы темекі тұтыну деңгейі әйелдерден шамамен 6,2 есе жоғары.

Күнделікті темекі тартатындардың арасында да ерлер әлдеқайда көп: ерлердің 27,9%-ы және әйелдердің 4,2%-ы күн сайын шылым шегеді.

Ауылдағы көрсеткіш қаладан жоғары

Ауыл тұрғындарының 17,8%-ы темекі тұтынады. Қалада бұл көрсеткіш 14%-ды құрайды. Күнделікті темекі тарту деңгейі ауылда...

Павлодарда ерлі-зайыпты зейнеткерлер алаяқтардың талабы бойынша банк бөлімшелерінің біріне петарда салынған торт әкеліп, оны тұтатқан, деп хабарлады Pavlodarnews.kz.

Өңірлік полиция департаментінің ақпаратына сүйенсек, банктің бір бөлімшесінде петарданың жарылуы туралы хабарлама 15 шілде күні сағат 16.00 шамасында түскен.
Зейнеткерлердің телефон алаяқтарының құрбаны болғаны анықталды. Бұған дейін олар жалған инвестициялық жобаларға ақша салып, алаяқтардан зардап шеккен екен. Алаяқтар ерлі-зайыптылармен қайтадан байланысқа шыққан.

«Бұған дейін салынған қаражатты қайтару сылтауымен, психологиялық қысым жасау әдістерін қолдана отырып, олар зейнеткерлерді торт пен петарда сатып алуға көндірген. Алаяқтардың нұсқауын орындаған зейнеткерлер торттың ішіне салынған петарданы тұтатқан», – деп хабарлады полиция.

Оқиға салдарынан...

Қазақстанның солтүстігі мен шығысында жаңбыр жауып, найзағай ойнап, дауыл соғады, ал оңтүстігінде аптап ыстық болады деп күтілуде. «Қазгидромет» 16 шілдеге ауа райы болжамын ұсынды.

Астанада бұлтты, жаңбыр, найзағай, жел 9-14, екпіні 15-20 м/с. Түнде ауа температурасы +18…+20°C, күндіз + 31…+33°C.

Алматыда көшпелі бұлт, жауын-шашынсыз, жел 3-8 м/с. Түнде температура +22…+24°C, күндіз + 36…+38°C.

Шымкентте көшпелі бұлт, жауын-шашынсыз, жел 8-13 м/с. Түнде ауа температурасы +21…+23°C, күндіз + 41…+43°C.

Ақтауда көшпелі бұлт, жауын-шашынсыз, жел 9-14 м/с. Түнде ауа температурасы +23…+25°C, күндіз + 32…+34°C.

Ақтөбеде жауын-шашынсыз жел 5-10, екпіні 15-18 м/с. Түнде ауа температурасы +18…+20°C, күндіз + 29…+31°C.

Атырауда бұлтты, жаңбыр, найзағай...

Алматыдағы Халықаралық бизнес және коммуникация колледжіндегі диплом тапсыру рәсімінде құжатты жұрт алдында жыртып тастаған түлек ұсақ бұзақылық үшін бес тәулікке қамауға алынды.

«Жүргізілген тексеру барысында қосымшасы бар дипломның түпнұсқасы, сондай-ақ білім беру мекемесі берген мұқаба зақымдалмағаны анықталды. Бейнежазбада диплом мұқабасының алдын ала дайындалған имитациясы қолданылған. Соған қарамастан, жарияланған ролик интернет желісінде кеңінен тарап, пайдаланушылардың әртүрлі реакциясын тудырды және полиция тарапынан тексеру нысанына айналды», – деп хабарлады қалалық полиция.

Әкімшілік сот жас жігіттің іс-әрекетінде қылмыстық жауаптылық белгілері болмағанымен, заңсыз контентті орналастырғаны және таратқаны үшін әкімшілік жауапкершілікке тартып, 20 АЕК көлемінде айыппұл салды.

Сонымен қатар...

Қазақстанда күннің қатты ысуынан орман және дала өрттерінің саны артты. 15 шілдеде мемлекеттік орман қоры аумағында сегіз өрт тіркелді, деп хабарлады Экология және табиғи ресурстар министрлігі.

Өрт ошақтарының үшеуі «Бұйратау» мемлекеттік ұлттық табиғи паркінде анықталған. Сонымен қатар «Сандықтау орман шаруашылығы» аумағында, Ақмола және Қостанай облыстарында, «Бурабай» ұлттық паркінде өрт шыққан.

Министрліктің мәліметінше, өрттер авиациялық патрульдеу, ерте анықтау жүйелері және мемлекеттік орман күзетінің тұрақты мониторингі арқылы дер кезінде байқалған. Өрт ошақтарын оқшаулау мен сөндіруге орман күзетінің қызметкерлері және «Қазавиаорманқорғау» мамандары жұмылдырылды.

Ведомство соңғы күндері қалыптан тыс аптап ыстықтың әсерінен дала өрттері мен құрғақ шөптің жану жағдайлары жиілегенін атап өтті. Осыған байланысты...

Маңғыстау облысында Каспий теңізінде жоғалған жасөспірімді іздеу жұмыстары аяқталды. ТЖМ қызметкерлері оның денесін Ақтаудан 51 шақырым жерде, жағалаудан шамамен 10 метр қашықтан тапты.

Іздестіру жұмыстарына сүңгуірлер, дрондар және ТЖМ авиациясы жұмылдырылған. Операцияға теңіз ағысы, жел, су астындағы көрінудің нашарлығы және теңіз түбінің күрделі бедері кедергі келтірген.

Куәгерлердің айтуынша, екі жасөспірім жабдықталмаған жағалауда сапбордпен жүрген. Кейін олар құтқару кеудешелерін шешіп, суға түскен. Бір жасөспірім құтқарылды, екіншісі жоғалып кеткен.

ТЖМ азаматтарды тек рұқсат етілген жағажайларда шомылуға және жүзу құралдарын пайдаланғанда міндетті түрде құтқару кеудешесін киюге шақырды.

6 шілдеден 20 тамызға дейін Астанадағы Ұлы Дала даңғылы мен Төле би көшесінің қиылысында көлік қозғалысы толық шектеледі.

Шектеу Төле би көшесінің Роза Бағланова көшесінен Ұлы Дала даңғылына дейінгі бөлігін салуға байланысты енгізіледі.

Жүргізушілер Тұран даңғылы мен Е-54 көшесі арқылы немесе Ұлы Дала даңғылындағы жергілікті өткелмен айналып өте алады.

Қала әкімдігі тұрғындарды бағыттарын алдын ала жоспарлауға шақырды.

Қасым-Жомарт Тоқаев Қытай Халық Республикасының төрағасы Си Цзиньпиннің шақыруымен Шанхай қаласына жұмыс сапарымен барды.

Сапар аясында Қазақстан мен Қытай арасындағы саяси, сауда-экономикалық және инвестициялық ынтымақтастықты нығайтуға бағытталған бірқатар кездесу өтеді.

Ертең Қасым-Жомарт Тоқаев Си Цзиньпинмен келіссөз жүргізеді. Мемлекет басшылары екі ел арасындағы стратегиялық серіктестіктің қазіргі жағдайы мен алдағы даму бағыттарын талқылайды.

Президент сондай-ақ Қытайдың ірі трансұлттық және жетекші компанияларының басшыларымен өтетін дөңгелек үстелге қатысады. Кездесудің негізгі тақырыбы — Қазақстанда бірлескен инвестициялық жобаларды іске асыру және экономикалық байланысты кеңейту.

Сапар бағдарламасында заманауи технологиялар мен жасанды интеллект саласына да ерекше мән берілген. 17 шілдеде Қасым-Жомарт Тоқаев Дүниежүзілік жасанды интеллект конференциясына — WAIC...

Өрт сөндірушілер Түркияның Мугла провинциясында өртпен күресті жалғастыруда. Мугла провинциясының Милас ауданында тұтанған орман өрті негізінен бақылауға алынды.

Өртті толықтай жою жұмыстары жерден және ауадан жалғасып жатыр.

Өрт кеше кешке Гюрчамлар аймағының Бозбюк ауданындағы орман алқабында басталған. Түнде өрт сөндірушілер өртпен құрлықтағы күштермен күрессе, таң ата операцияға алты тікұшақ пен төрт ұшақ қосылды.

Сондай-ақ өртті сөндіруге төтенше жағдайлар қызметінің жүздеген қызметкері мен ондаған арнайы техника жұмылдырылды.

Түркияның Орман шаруашылығы бас басқармасы өрттің айтарлықтай оқшауланғанын, алайда өрт ошақтары толық сөндірілгенге дейін жұмыстардың жалғаса беретінін хабарлады.

Мугла провинциясының губернаторы Идрис Акбыйык күн ішінде өңірде алты табиғи өрт болып, оның бесеуі толығымен сөндірілгенін...

Алматы дәрігерлері жүктіліктің соңғы апталарында жүрген әйелге шұғыл түрде ота жасап, әйелден 5,1 келі болатын алып ісікті алды.

Денсаулық сақтау министрлігінің мәліметінше, Алматы қаласының №2 қалалық перинаталдық орталығына жүктіліктің 35-аптасында қағанақ суы мерзімінен бұрын кеткен 40 жастағы әйел шұғыл түрде жеткізілген.

Тексеру барысында дәрігерлер ұрықтың өміріне қауіп төндіретін қан айналымының бұзылуын анықтаған. Осыған байланысты шұғыл кесарь тілігін жасау туралы шешім қабылданды.

«Операция кезінде мамандар көлемі 20×25 сантиметр болатын алып миоманы анықтады. Жағдай айқын жабысқақ үдеріспен күрделене түскен. Ішек жатырға тығыз жабысып қалған», – деп атап өтті дәрігерлер.

Дәрігерлердің бірлескен күш-жігерінің арқасында сәбид...

«Киллиан диктатор» образындағы қазақстандық Артур Асқарұлын күзетшілер стадионға кіргізбей қойды.

АҚШ-тың Арлингтон қаласындағы «Даллас Стэдиумде» одан костюмін шешуді талап еткен. Өйткені, қауіпсіздік қызметкерлеріне жоғарыдан әскери киіммен ешкімді кіргізбеуге пәрмен келген.

«Мені «Киллиан диктор» костюмімен стадионға кіргізбеді. Менің көңіл күйім жақсы еді. Бәрі келіп, фотоға түсіп жатты. «Қазір контент болады, асыр саламыз» деп ойладым. Жоқ. Күзетшілер бірінен кейін бірі келіп, жібермеді. Супервайзерді шақырдым. Ол келіп: «Бұл – әскери костюм. Сыртқа қалдыруыңыз керек. Бұйрық солай. Сізді кіргізе алмаймыз», – деді. «Диктатор Мбаппе деген жазудан саясат көрді», – деп шағымданды Артур Асқарұлы.

Оның айтуынша, мұнда тұрған дәнеңе жо...

USD/KZT бағамы қайта өсті. Сәрсенбі күнгі KASE саудасында доллар бағамы сейсенбімен салыстырғанда 3,99 теңгеге (+0,85%) қымбаттап, 472,7 теңгеге жетті. Осылайша теңге бір күн ішінде АҚШ валютасына қатысты әлсіреді. Доллардың ресми бағамы KASE-дегі орташа өлшенген бағам негізінде қалыптасады.

Астана қаласының 13 жастағы тұрғыны Жасмина Түзелова «Славян базары» халықаралық ән байқауының алғашқы күні ең жоғары ұпай жинап, көш бастады. Жас әншілер бәсекесі Витебск (Беларусь) қаласында өтіп жатыр.

19 елдің әншісі қатысып жатқан байқаудың алғашқы күні қазақ қызы «Саржайлау» әнін нақышына келтіріп орындады. Қазылар алқасының алты мүшесі де Түзелованың өнерін ең жоғары ұпайға бағалады.

Осылайша 60 ұпай жинаған Жасмина суырылып алға шықты. Әзірге екінші орында тұрған румыниялық Лючия Байкудың 58 ұпайы бар.

15 шілдеде жас әншілер тағы бір ән орындайды. Жарыс жеңімпазы 5 мың долларға ие болады.

2013 жылғы қаңтарда Астана қаласында туған Жасмина Түзелова қазір елордадағы жекеменшік...

Қытай халқының жан басына шаққандағы табысы 2026 жылдың алғашқы жартысында 5,2%-ға өскен.

Синьхуа агенттігінің хабарлауынша, бұл туралы Қытайдың Мемлекеттік статистика басқармасы мәлімдеген.

Ведомствоның мәліметінше, биылғы алғашқы алты айда ел тұрғындарының жан басына шаққандағы қолда бар орташа табысы 22 981 юань (шамамен 3 384 АҚШ доллары) болып отыр. Баға факторларын есепке алғанда, нақты өсім 4,2% болған.

Ауыл тұрғындарының табысы қала тұрғындарына қарағанда жылдам өсіп келеді. Бірінші жартыжылдықта қала тұрғындарының жан басына шаққандағы орташа табысы 30 126 юаньға (шамамен 2,17 млн теңге) жетіп, номиналды түрде 4,4%-ға, ал нақты мәнде 3,4%-ға өсті.

Ал ауыл тұрғындарының орташа табысы 12 699 юань...

Егер қалтаңыздағы ақша киіміңізбен бірге жуылып кетсе не болады? Жауыннан су болып, батпақ жұқса күшін жоя ма? Ұлттық банк парақшасында арнайы видео жариялап, осы сұрақтарға жауап берді.

Түсінгеніміздей, мамандар банкнота шығарып жатқанда, барынша сынақтан өткізеді. Дайын банкнотаны кір машинаға салып жуады. Топыраққа ұқсас қоспа жағып та көреді. Осыдан кейін қағаз ақшаны арнайы құрылғыға салып, оның қаншалықты өзгергенін байқайды. Сынақтан өткенге дейін және өткеннен кейін банкнота сапасы қалай өзгергенін білу үшін алынған нәтижелерді өзара салыстырады.

«Сіз байқаусызда ақша салған шалбарды кір машинасында жуып жіберсеңіз де, ол біз үшін күтпеген жағдай емес. Біз тест кезінде ондай сценарийлерд...

Астанада қазақ тілін үйренгісі келетін жандардың қатары жыл сайын артып келеді. Алайда олар оқу барысын ұйымдастыру туралы сұраққа толық жауап ала алмаған көрінеді. Сонымен қатар курс оқушылар сабақ белгіленген кестеге сай жүргізілмейтіне көңілі толмай, шағым айтады. Осыған байланысты аталған курсқа жыл сайын бюджеттен қанша қаржы бөлінетінін және оқуды аяқтап, сертификат алғандардың нақты үлесі қандай екенін анықтап көрдік.

Жоспар екі есе өсті

Астанада азаматтарға мемлекеттік тілді тегін оқытуға «Руханият» КММ Тілдерді оқыту және әдістемелік жұмыс бөлімі жауапты.

Мекеменің мәліметінше, тегін курстарды ұйымдастыруға қаржы жергілікті бюджеттен бөлінеді. Алайда мекеме бұл мақсатқа нақты қанша ақша жұмсалатынын айтпады.

«Руханият» КММ хабарлағандай, 2023 жылдан...

Бүгін түнде, 15 шілдеден 16 шілдеге қараған түні футболсүйер қауым тағатсыздана күткен тарихи сәт туды. АҚШ-тың Атланта қаласындағы «Мерседес-Бенц Стэдиум» аренасында 2026 жылғы Әлем чемпионатының жартылай финалы аясында Англия және Аргентина құрамалары кездеседі.

Ойынды қайдан көруге болады?

Матч 15 шілдеден 16 шілдеге қараған түні, Қазақстан уақытымен 00:00-де басталады. Кездесуді Qazsport пен Qazaqstan телеарналары тікелей эфирде көрсетеді.

Қос құрама да ширек финалда жанкүйерлерінің жүйкесін жұқартып, жартылай финал жолдамасын қосымша уақытта ғана жұлып алды.

Джуд Беллингемнің бенефисі

Англия құрамасы 1/4 финалда Норвегиямен кездесіп, қиын ойын өткізді. Есепті бірінші болып норвегиялық Андреас Шельдеруп (36-минутта) ашқанымен, ағылшындардың басты жұлдызы Джуд Беллингем командасын...

Кәсіпкер Ерлан Нығматулиннің (Мәжілістің бұрынғы төрағасы Нұрлан Нығматулиннің бауыры) серіктесі Астана халықаралық қаржы орталығында (АХҚО) екі жаңа компанияны тіркелді. Бұл туралы экономист Арман Батаев жазады.

Олар – кипрлік «Imperiyumcy Holdings Limited» компаниясы құрған «YDD Holding Ltd.» мен швейцариялық Asterium Holding AG-ға тиесілі «AFA Holding Ltd.» компаниясы.

«Imperiyumcy Holdings Limited» компаниясы Қарағандыда ферросилиций шығаратын «YDD Corporation» ЖШС зауытын Нығматулинмен бірге теңдей иелік етеді. Vlast сайтының мәліметінше, бұл кипрлік компания үлесінің 84%-ы Давид Кемертелидзеге, ал қалған 16%-ы Швейцария азаматы Ольга Симаковаға тиесілі.

Өз кезегінде «Asterium Holding AG» компаниясы Екібастұзда ферросилиций зауыты жобасын жүзеге асырып жатқан «EkibastuzFerroAlloys...

Жамбыл облысының Мойынқұм аудандық соты буллинг жасаған мектеп оқушысының анасын әкімшілік жауапкершілікке тартты.

Жамбыл соттары ақпаратына қарағанда, 2026 жылдың мамыр айында Мойынқұм ауданындағы мектептердің бірінде 9-сынып оқушысы 8-сыныптың бірнеше оқушысына зәбір көрсетіп, ақша талап еткен.

Осыған байланысты полиция Әкімшілік құқық бұзушылық туралы кодекстің 127-2-бабының 3-бөлігі («12 мен 16 жас аралығындағы кәмелетке толмағанның буллинг жасауы») бойынша хаттаманы оқушының анасына қатысты толтырған.

Сотта әйел хаттамада көрсетілген мән-жайларды мойындап, мұндай жағдайдың қайталануына жол бермейтінін айтты. Прокурор оған 10 АЕК көлемінде айыппұл салуды сұраған.

Сот жеңілдететін немесе ауырлататын мән-жайларды анықтамады. Нәтижесінде әйел кінәлі деп танылып, оған 10 АЕК немесе 43 мың теңге көлемінде...

Бүгін, 15 шілдеден 16 шілдеге қараған түні алматылық «Қайрат» футбол клубы УЕФА Чемпиондар лигасының бірінші іріктеу кезеңі аясындағы қарымта ойынын өткізеді. Рафаэль Уразбахтин шәкірттері Черногорияның Никшич қаласында жергілікті «Сутьеска» ұжымымен кездеседі.

Алматыда өткен алғашқы кездесуде «Қайрат» соңғы минуттарда жеңісті жұлып алып, жанкүйерлерін қуантқан еді. Ендігі мақсат – осы басымдықты сақтап, келесі кезеңге жолдама алу.

Ойынды қайдан көруге болады?

Маңызды матчтың тікелей трансляциясы Қазақстан уақытымен 00:00-де (15 шілдеден 16 шілдеге қараған түні) басталады.

Qazsport пен Qazaqstan арналары тура осы уақытта Әлем чемпионатындағы Англия – Аргентина ойынын көрсетеді. Сондықтан «Сутьеска» мен «Қайрат» арасындағы кездесудің тікелей көрсетілімі Freedom Кино мен...

1 маусымдағы дерек бойынша, Қазақстандағы екінші деңгейлі банктер мен басқа да қаржы ұйымдары жалпы 52,3 трлн теңге кредит берген. Бұл 2025 жылдың сәйкес кезеңімен салыстырғанда Бұл өткен жылдың дәл осы кезеңімен салыстырғанда 17,5%-ға көп.

Несиенің басым бөлігі, яғни 27,5 трлн теңгесі (жалпы көлемнің 52,5%-ы) – қарапайым азаматтар алған кредит. Бұған ипотека, автонесие және күнделікті қажеттілікке алынған тұтынушылық несиелер жатады.

Кәсіпкерлікті дамыту мақсатында компаниялар мен жеке кәсіпкерлер 24,8 трлн теңге (жалпы көлемнің 47,5%-ы) несие алған.

Бұл несиенің 88,6%-ы (немесе 46,3 трлн теңге) теңгемен ресімделген. Ал шетелдік валютадағы несиенің үлесі 11,4% (шамамен 6,0 трлн теңге) құрайды.

Сонымен қатар, халы...