Жаңалықтар

Әлеуметтік желіде жасы егде тартса да, өмірге деген құштарлығы сөнбеген ақ жаулықты ананың видеосы қызу талқыланып жатыр. Instagram қолданушысы alma.janalina парақшасында 74 жастағы анасының биік таулардың үстінен парапланмен қорықпай ұшқан сәтін көрсетті.

Видео авторы жазбасында: «Анашым 74 жаста… Ал, істеп жүргені мынау… Не дейсіздер, ал?!» – деп жазды.

Апаның нұсқаушымен бірге асқар таулардың аясында, аспан көгінде ешбір қобалжусыз, керісінше, ән айта отырып, көңілді күйде ұшып бара жатқаны көрінеді.

Бұл ерекше сәт оқырмандардың таңданысы мен сүйіспеншілігін тудырды. Пікір қалдырушылар апаның батылдығына тәнті болып, ақ тілектерін жаудырып жатыр.

«ЖИ деп қалсам. Шын екен...

ЕуроОдақ парламенті өздері паналатудан бас тартқан, бірақ отанына қайта алмайтын мигранттарды депортациялау ережесін мақұлдады. Жаңа регламент бойынша мұндай адамдар үшін ЕуроОдақтан тыс жерде арнайы уақытша тұру орталықтары (қайтару хабтары) салынады.

DW басылымының жазуынша, дауыс беруге қатысқан 666 еуродепутаттың 418-і бұл бастаманы қолдап, 218-і қарсы шықты, ал 30-ы қалыс қалды.

Қазір ЕО-дан шығарылатын мигранттардың тек төрттен бірі ғана өз еліне қайтады. Жаңа ережелер бұл көрсеткішті арттыруды көздейді.

Әзірге уақытша тұратын хабтардың нақты қай жерде ашылатыны белгісіз, алайда Африка елдері ұсынылып отыр. Сонымен қатар, AFP ақпарат агенттігінің мәліметінше, Қазақстан, Өзбекстан, Руанда және Уганда ЕО-ның депортация бойынша болашақ серіктестері атануы мүмкін.

Li Auto компаниясы L6 моделінің жаңа буыны 2026 жылдың шілде айында таныстырылатынын ресми түрде растады. Бұл туралы компанияның өнім желісі бойынша жетекшісі Ли Синьян мәлімдеді.

Жаңартылған көлік энергия жүйесі, интерьер жабдықтары және автопилот технологиялары бойынша елеулі өзгерістерге ие болады.

Жаңа Li Auto L6 қазіргі 36,8 кВт·сағ аккумулятордың орнына сыйымдылығы 51 кВт·сағ болатын Li Auto 5C батареясымен жабдықталады. Соның арқасында көлік тек электр қуатымен WLTC стандарты бойынша 234 шақырымға, ал CLTC стандарты бойынша шамамен 300 шақырымға дейін жүре алады.

Сондай-ақ аккумулятор жылдам қуаттау технологиясымен жабдықталған. Өндірушінің мәліметінше, небәрі 10 минут ішінде 200 шақырымға жететін жүріс қорын толықтыруға болады.

20 маусымда ел бойынша жоғары оқу орындарының қабылдау комиссиялары жұмысын бастайды. ҰБТ-ны тапсырып грант конкурсына қатыспайтын талапкерлер ЖОО-ға оқуға түсу үшін құжаттарын тапсыра берсе болады. Бұл туралы Ұлттық тестілеу орталығы хабарлады.

Гранттар конкурсына қатысуды жоспарлап отырғандар 13-20 шілде аралығында қатысуға өтініш беруі керек. Дәл осы кезеңде талапкерлер түскісі келетін мамандықтар мен ЖОО-ларды таңдайды.

Гранттар конкурсына өтінішті кез келген ЖОО-ның қабылдау комиссиясы арқылы тапсыруға болады.

Грант иегерлерінің тізімін ҒЖБМ (Ғылым және жоғары білім министрлігі) 10 тамызға дейін жариялайды.

Айта кетейік, Ғылым және жоғары білім министрі Саясат Нұрбек 2026-2027 оқу жылына 89 457 мемлекеттік грант бөлінгенін айтты. Айтуынша, биыл жоғары...

Біріккен Араб Әмірліктері 15 жасқа толмаған балаларға әлеуметтік желілерді пайдалануға тыйым салды. БАӘ мұндай шектеу енгізген алғашқы араб елі болып отыр деп жазады Reuters агенттігі.

Қабылдаған қаулыға сәйкес, 15 жастан кіші балаларға әлеуметтік желілерде жеке парақша ашуға, оны пайдалануға немесе басқаруға рұқсат берілмейді. Олар қандай да бір мәлімет жариялай алмайды, пікір қалдыра алмайды, ақпаратпен бөлісе алмайды және ашық топтарға қосыла алмайды.

15 және 16 жастағы жасөспірімдер әлеуметтік желілерді пайдаланады, бірақ олар үшін қауіпсіздік шаралары күшейтіледі. Мысалы, жас ерекшелігіне сай келетін контент қана көрсетіледі, бейтаныс адамдармен сөйлесуге шектеу қойылады, экран алдында өткізетін уақытты бақылау құралдары орнатылады және ата-ана бақылауы функциясы қосылады...

Жанкүйерлерін ұзақ күттірген Grand Theft Auto VI (GTA 6) ойынына алдын ала тапсырыс беру 25 маусымда ашылады. Бұл туралы осы ойынды дайындайтын Rockstar Games компаниясы хабарлады.

Компания алдын ала тапсырыс басталатын күнді ғана жариялап қоймай, ойынның мұқабасын да көрсетті.

GTA-ның өзі 2026 жылғы 19 қарашада сатыла бастайды. Бұған дейін ойын шығатын күн бірнеше мәрте кейінге шегеріліп келген. Алдын ала тапсырыс алу басталғалы жатқанына қарағанда, көп күттірген ойын биыл шығуға тиіс.

Алдын...

Денсаулық сақтау министрлігі ана мен бала денсаулығын қорғау саласындағы ең үздік ұйымдарды анықтады.

Байқау қорытындысы бойынша «Беделді перзентхана» атағы бірден үш медициналық ұйымға берілген. Жеңімпаздар қатарында Астана қаласы әкімдігінің №2 қалалық көпбейінді ауруханасы бар. Бұл медициналық ұйым елордадағы босануға көмек көрсететін ең ірі орталықтардың бірі саналады.

Сондай-ақ Түркістан облысының №1 облыстық перинаталдық орталығы да осы марапатқа ие болды. Орталық бүкіл өңірдегі жүкті әйелдер мен жаңа туған нәрестелерге, соның ішінде күрделі клиникалық жағдайларда мамандандырылған көмек көрсетеді.

Құрметті атақ иеленген тағы бір мекеме – Қызылорда облыстық перинаталдық орталығы. Бұл медициналық ұйым жүктілікті, босануды жүргізудің және шала туған нәрестелерді күтіп-баптаудың заманауи әдістерін белсенд...

Футболдан Әлем чемпионатының топтық кезеңінің 2-турында Мексика құрамасы Оңтүстік Корея командасын 1:0 есебімен жеңіп, маңызды ұпайға қол жеткізді. Бұл жеңіс мексикалықтарға топтан шығу мүмкіндігін ресми түрде қамтамасыз етті.

Бірінші тайм

Кездесудің алғашқы таймы қос команданың да өте сақ ойнауымен ерекшеленді. Есеп ашылмағанымен, ойын тартысты өтті. Оңтүстік Корея сапынан Ли Кан Ин ойынның небәрі 4-минутында-ақ сары қағаз алып, командасын біраз қысымға қалдырды. Алғашқы 45 минут 0:0 есебімен аяқталды.

Екінші тайм: Ромоның шешуші голы

Екінші тайм басталған бойда Мексика құрамасы бірден шабуылға көшті. Нәтижесінде, 50-минутта Луис Ромо қарсылас қақпасын дәл көздеп, есепті 1:0-ге жеткізді. Осы гол ойын тағдырын шешкен жалғыз...

Қазақстанда электрлі көлік нарығы біртіндеп өсіп келеді. Дегенмен жалпы автопаркпен салыстырғанда электрокарлардың үлесі әлі де өте төмен. Ел бойынша 5 млн-нан астам жеңіл автомобиль тіркелсе, соның 24,6 мыңы ғана электрлі көлік. Яғни жалпы автопарктегі үлесі шамамен 0,49%.

Электрокар саны бойынша ең жоғары көрсеткіш Алматы қаласына тиесілі. Қалада 15 280 электрлі автомобиль тіркелген. Бұл Қазақстандағы барлық электрокардың 62%-ына жуығын құрайды. Басқаша айтқанда, елдегі әрбір үш электрокардың екеуі дерлік Алматыда жүр.

«Қазавиақұтқару» тікұшағы жас пациентті Павлодардан Астанаға тасымалдады. Жасөспірімнің өмірі үшін күрескен жансақтау бөлімінің дәрігерлері қыз балаға елордалық клиникада мамандандырылған медициналық көмек шұғыл қажет екенін хабарлады.

Дәрігерлер баланың жағдайын ауыр деп бағалады.

«Пациентке жүйелі аутоиммундық ауру аясында бүйрек жеткіліксіздігімен асқынған бүйректің жедел зақымдануы диагнозы қойылды. Жағдайының ауырлығына байланысты мамандандырылған медициналық көмекті одан әрі көрсету үшін санитариялық авиациямен республикалық клиникаға тасымалдау ұйымдастырылды», – деп хабарлады Павлодар облысының денсаулық сақтау басқармасы.

ТЖМ хабарлағандай, әуе кемесінің экипажы Астана-Павлодар-Астана бағыты бойынша шұғыл ұшып шықты.

«Ұшу барысында санитариялық авиацияның медициналық бригадасы 2009 жылы...

АҚШ президенті Дональд Трамп Иранмен соғысты тоқтату туралы келісімге қол қойғаннан кейін бірнеше сағат өткен соң, 6 миллион баррель мұнай тиелген Сауд Арабиясының туы астындағы үш супертанкер Ормұз бұғазынан өтті, деп хабарлайды Reuters.

Жүк жөнелтушілер бұғаз арқылы тасымалдау көлемін соғысқа дейінгі деңгейге қайтару үшін әлі де уақыт қажет екенін, сондай-ақ, қауіпсіз жолды қамтамасыз етіп, аумақты минадан тазарту керек екенін алға тартуда.

Brent маркалы эталондық мұнайдың фьючерстік бағасы тағы 2 пайызға төмендеп, барреліне 78 доллардан төмен деңгейге жетті, бұл соғыс басталғаннан бергі ең төменгі көрсеткіш.

АҚШ пен Иран арасындағы меморандум Трамптың Израиль премьер-министрі Биньямин Нетаньяхумен бірлесіп ақпан айында бастаған соғысын...

Жамбыл облысы полиция департаменті бастығының бұрынғы орынбасары Жайдарбек Құттыбаев пара алу ісі бойынша 6 жылға бас бостандығынан айрылды, деп хабарлайды «ҚазАқпарат«.

Құттыбаевпен қоса, Талас ауданы полиция бөлімі бастығының міндетін атқаған Еркен Абаевқа қатысты үкім Тараз қалалық №2 сотында оқылды. Сот екеуін де кінәлі деп таныды, дегенмен олар ақыр соңына дейін кінәларын мойындамай, істі қолдан жасалғанын айтты.

Құттыбаев 6 жылға, ал Абаев бес жылға сотталды. Сонымен қатар екеуінің де мемлекеттік қызметте және құқық қорғау органдарында қызмет атқару құқығы өмір бойына шектелді. Сот оларды арнайы атақтарынан айыру туралы да қаулы шығарды.

Іс материалдарына сәйкес, жәбірленуші Қаратау қаласында қызмет еткен бұрынғы полиция...

Қарағанды облысында МӘМС аясында тегін көрсетілуі тиіс жүктілікті жасанды тоқтату қызметтері үшін ақы алудың жүздеген заңсыз жағдайы анықталды, деп хабарлады өңірлік прокуратура.

Қарағанды облысының прокуратурасы міндетті әлеуметтік медициналық сақтандыру (МӘМС) саласындағы заңнаманың сақталуына тексеру жүргізді.

Тексеру барысында әйелдерден жүктілікті жасанды тоқтату қызметтері үшін негізсіз ақша алу фактілері анықталды. Қазақстан заңнамасына сәйкес, бұл қызметтер МӘМС жүйесіне кіреді және сақтандырылған пациенттерге тегін көрсетілуі тиіс.

Алайда, қадағалау органдары анықтағандай, әйелдер тегін алу құқығына қарамастан, медициналық қызметтер үшін өз қаражатынан төлеуге мәжбүр болған.

Прокуратураның мәліметінше, соңғы үш жылда медициналық қызметтерге қос төлем жасаудың 775 жағдайы анықталып, оның жалпы сомасы 22 млн...

Оңтүстікте күн ыстық болады. Алайда өзге аймақтарда жаңбыр мен найзағай күтілуде. «Қазгидромет» 19 маусымға арналған ауа райы болжамын ұсынды.

Мемлекет басшысы Қасым-Жомарт Тоқаев Пәкістан Ислам Республикасының премьер-министрі Шахбаз Шарифке құттықтау хатын жолдады. Президент Пәкістан басшысының халықаралық шиеленісті бәсеңдетудегі рөлін жоғары бағалады.

Қасым-Жомарт Тоқаевтың хаты АҚШ пен Иран арасындағы өзара түсіністік туралы меморандумға қол қойылуымен байланысты. Бұл тарихи құжаттың жүзеге асуына Пәкістан тарапы дәнекер ретінде үлкен үлес қосқан.

«Көреген көшбасшылықтың нәтижесі»

Президент өз жолдауында Шахбаз Шарифтің дипломатиялық шеберлігі мен қақтығыстарды бейбіт жолмен шешуге деген ұстанымын ерекше атап өтті. Мемлекет басшысының пікірінше, Пәкістан премьер-министрінің мұндай саясаты әлемдік деңгейдегі сенімді нығайтуға серпін береді.

«Аталған уағдаластық Таяу Шығыста және тұтас әлемде ұзақмерзімді тұрақтылықты қамтамасыз ету тұрғысынан айрықша...

Қазақстан өткен жылмен салыстырғанда өз позициясын бірден 5 сатыға жақсартып, 2026 жылғы Жаһандық бейбіт елдер индексінде (Global Peace Index) 44-орынға көтерілді.

Жаңа рейтингті Экономика және бейбітшілік институты (IEP) жариялады. Сарапшылар 163 тәуелсіз мемлекетті 23 критерий, оның ішінде қылмыс деңгейі, ішкі қақтығыстар, қоғамдық қауіпсіздік және әскерилендіру дәрежесі бойынша бағалады.

Қазақстанның бейбіт ел индексі 1,771-ді құрады, бұл елге әлемдегі ең бейбіт 50 мемлекеттің қатарына кіруге мүмкіндік берді. Орталық Азия елдерінің ішінде Қазақстаннан жоғары тек Өзбекстан ғана орналасты, ол 1,726 индексімен 37-орынды иеленіп, бірден 10 позиция қосқан.

Қазақстаннан кейін Тәжікстан-47-орын (1,799), Қырғызстан-61-орын (1,853) және Түрікменстан-66-орын (1,903) келеді.

Посткеңестік елдер...

Мемлекет басшысы Қасым-Жомарт Тоқаев телефон арқылы Атырау, Жамбыл, Маңғыстау және Ұлытау облыстарының әкімдерімен кездесіп, өңірлердегі ахуал бойынша есеп тыңдады.

Президентке өңірлердің әлеуметтік-экономикалық даму көрсеткіштері мен алдағы жоспарлар туралы баяндалды. Сонымен қатар, облыс басшылары президенттің бұған дейінгі берген тапсырмаларының орындалу барысы жайлы есеп берді.

Өңірлерді дамытудың жаңа тәсілдері

Қасым-Жомарт Тоқаев Атырау облысының әкімі Серік Шәпкеновке, Жамбыл облысының әкімі Ербол Қарашөкеевке, Маңғыстау облысының әкімі Нұрдәулет Қилыбайға және Ұлытау облысының әкімі Дастан Рыспековке аймақтарды дамытудың жаңа тәсілдерін енгізу қажет екенін ескертті. Президент облыстардың экономикалық әлеуетін арттыру және халықтың мүддесін көздейтін әлеуметтік мәселелерді шешу үшін жедел әрі нақты шаралар қабылдауды талап етті.

Әлеуметтік нысандар мен экология мәселесі

Мемлекет...

Алматы тауларында велосипедпен жүру кезінде жасөспірім басынан жарақат алды. ТЖМ хабарлағандай, жазатайым оқиға 18 маусымда Бұтақты өзені ауданында орын алған.

16 жасар жасөспірімге көмекке сол сәтте Кіші Алматы ауданын патрульдеп жүрген ТЖМ «Барыс» республикалық құтқару қызметінің құтқарушылары жедел жетті.

«Қызметкерлер оқиға орнында зардап шегушіге алғашқы медициналық көмек көрсетті. Одан кейін жасөспірім одан әрі тексеру және емдеу үшін жедел медициналық жәрдем бригадасына тапсырылды», — деді құтқарушылар.

Оқиғаның мән-жайы анықталуда.

Айта кетейік, осыған дейін осы Бұтақты маңында, дәлірек айтқанда, Шымбұлақтың аспалы жолда тұрып қалған адамдар құтқарылған еді.

Астанада жасөспірімдер тобының кіші жастағы балаға шабуыл жасауы тергелуде, деп хабарлады елордалық полиция департаменті.

Бұған дейін әлеуметтік желілерде кәмелетке толмағандардың кезектесіп соққы жасап жатқаны түсірілген видео пайда болған еді. Шабуыл жасағандар кастетке ұқсас затты қолданған болуы мүмкін.

«Оқиғаға қатысушылардың барлығы, бұрыннан өзара таныс адамдар, анықталып, полиция бөліміне жеткізілді. Сотқа дейінгі тергеу амалдарын жүргізіп жатырмыз», – делінген хабарламада.

Қылмыстық іс денсаулыққа қасақана жеңіл зиян келтіру фактісі бойынша қозғалды.

Айта кетейік, осыған дейін Павлодарда оқушы мен колледж студенті құрдастарынан ақша бопсалады деп күдікке ілінген еді.

Қазақстандық FlyArystan лоукостері Алматыдан Ыстықкөл көліне тікелей рейстерді қайта іске қосты. Маусымдағы алғашқы рейс бүгін, 18 маусымда ұшып кетті.

Авиакомпанияның баспасөз қызметі хабарлауынша, рейстер жолаушыларды жаздың соңына дейін, 30 тамызға дейін тасымалдайды.

Ұшақтар аптасына екі рет – бейсенбі және жексенбі күндері қатынайды. Ұшу уақыты бір сағаттан аз уақытты алады. Бұл көлікпен немесе автобуспен барғаннан гөрі әлдеқайда жылдам және ыңғайлы.

Бір жаққа билет құны 34 000 теңгеден басталады. Алматыдан ұшақ сағат 16.15-те ұшады.

Сұраныстың жоғары болуына байланысты авиакомпания алғаш рет Астанадан да Ыстықкөлге тікелей рейстерді іске қосуда. Олар 3 шілдеден бастап 31 тамызға дейін қатынайды. Елордадан демалысқа...

Қазақстан қор биржасындағы (KASE) сауда-саттықта доллар тағы арзандап, 487,73 теңгені құрады. Алдыңғы күнмен салыстырғанда ұлттық валюта 1,50 теңгеге нығайған. 17 маусым күнгі бағам 489,23 теңге болған.

Сауда барысында доллардың ең төменгі құны 487,00 теңге, ал ең жоғары көрсеткіші 488,90 теңге деңгейінде тіркелді. Сауда-саттық 487,20 теңгемен жабылды. АҚШ валютасымен жасалған мәмілелердің жалпы саны 841-ге жетіп, сауда көлемі 309,8 млн долларды құрады.

Бекітілген ережеге сәйкес, 19 маусымда қолданылатын ресми курс 487,73 теңге болып белгіленбек.

Еуразиялық даму банкі сарапшыларының болжамына сәйкес, АҚШ долларының орташа жылдық бағамы біртіндеп: 2026 жылы – 490 теңге, 2027 жылы – 505 теңге, ал 2028 жылы 525 теңге...

Алматыда қатты тұрмыстық қалдықтарды жинау, тасымалдау, сұрыптау және көму тарифтері қайта қаралды.

Абаттандырылған және абаттандырылмаған секторлардың тұрғындары үшін бір адамға шаққандағы ай сайынғы төлем енді 744,1 теңгені құрайды. Бұған дейін тариф 718,5 теңге деңгейінде болған еді. Осылайша, қызмет құны 25,6 теңгеге немесе шамамен 3,6%-ға өсті.

Сондай-ақ, бір текше метр қатты тұрмыстық қалдықты шығару тарифі де артты. Енді ол бұрынғы 3 303,9 теңгенің орнына 3 832,5 теңгені құрайды. Өсім 528 теңгеден асты немесе шамамен 16%-ды құрады.

Жаңа тарифтер 16% мөлшеріндегі қосылған құн салығының мөлшерлемесі ескеріле отырып есептелген. Өсім салықтық жағдайлардың өзгеруіне және қатты тұрмыстық қалдықтармен жұмыс істеу...

Алаяқтардың айласы асқан заманда адамдар жиі арбаудың жолына түсіп кетіп жатыр. Осы орайда Қаржы нарығын реттеу және дамыту агенттігі атыңызға несие рәсімдесе одан шығудың жолын айтып берді.

Атыңызға несие рәсімделгенін қалай білуге болады?

«Кредиттік тарихыңызды тоқсанына 1 рет тексеріп отыру қажет», – деді агенттік.

Мамандардың кеңесінше әр азамат өзінің несие тарихын үнемі тексеріп отыруы қажет. Оны Мемлекеттік кредиттік бюродан, Бірінші кредиттік бюродан, ХҚО-дан немесе egov.kz. порталы арқылы тексере аласыз.

Несие рәсімделген жағдайда не істеу керек?

Ең алдымен дереу банкке немесе микроқаржы ұйымына хабарласу қажет. Картаны, шотты және мобильдік бағдарламаға қолжетімділікті бұғаттау туралы жазбаша...

Депрессияны емдеудің жаңа тәсілі сынақтан өтті. Психология саласының практигі Олжас Сейітовтің клиникалық зерттеуі барысында қатысушылардың депрессия деңгейі 86%-ға төмендеген. Жаңа психотерапиялық әдіс – пейнхантинг деп аталады.

Қазақстандық зерттеушінің әдісі бойынша қатысушылардың 79%-ы бірнеше сеанстан кейін оң нәтижеге жеткен. Нақты айтқанда екі апта және 3-4 терапиялық сеанстан кейін күйзеліс жағдайынан шыққан.

Зерттеу Астанада жүргізіліп, Әл-Фараби атындағы Қазақ ұлттық университетінің тәуелсіз этикалық комитеті тарапынан мақұлданған. Ғылыми жұмыс халықаралық ClinicalTrials.gov клиникалық зерттеулер базасында тіркеліп, препринт түрінде жарияланды.

Пейнхантинг әдісі қалай жұмыс істейді

Пейнхантинг (ағылшынша painhunting – «ауырсынуды іздеу») әдісі адамның эмоционалдық ауырсынуына себеп болған оқиғалармен жұмыс істеуге бағытталған.

Зерттеу авторлары бұл...