Жаңалықтар

Ұлыбританияда жазасын өтеп шыққан 20 мыңға жуық шетел азаматы өздеріне қатысты депортация туралы шешімі болғанына қарамастан, елде тұрып жатыр, деп хабарлайды Kursiv.Media.

The Times мәліметінше, соңғы жылдары шетелдік қылмыскерлерді елден шығару қарқыны артқан. Атап айтқанда, депортацияланғандар саны 2020 жылғы 8 мыңнан 2025 жылы 36 мыңға дейін өскен. Алайда елден шығарылғандардың 30%-ы ғана шетелдік қылмыскерлер.

2025 жылғы маусымдағы деректер бойынша, депортация туралы ордер шығарылғанына қарамастан, 20 мыңға жуық шетелдік құқық бұзушы бостандықта жүрген. Кейбір елдердің азаматтарын мәжбүрлі түрде қайтару көрсеткіші өте төмен. Мысалы, Нигерия мен Ямайка азаматтарын депортациялау деңгейі 5%-дан төмен. Ал Сомали, Сьерра-Леоне және Конго бойынша...

TikTok платформасы 2026 жылдың екінші тоқсанында Қазақстанда 1,37 миллионнан астам бейнероликті жойды. Олардың 99,6%-ы пайдаланушылар шағым түсірмей тұрып анықталып өшірілген. Бұл туралы компанияның Қауымдастық ережелерінің сақталуы жөніндегі есебінде айтылған, деп жазады Kursiv.Media.

Компания мәліметінше, сәуір-маусым айларында қауымдастық ережелерін бұзған бейнероликтердің 92,1%-ы жарияланғаннан кейінгі алғашқы 24 сағат ішінде жойылған.

Ал әлем бойынша осы кезеңде TikTok 188 миллионнан астам бейнероликті өшірген. Олардың 99,5%-ы пайдаланушылардың шағымынсыз анықталған. Сонымен қатар ереже бұзған контенттің 92,7%-ы жарияланғаннан кейінгі алғашқы тәулікте жойылған.

Платформа контентті тексеру кезінде жасанды интеллект пен автоматтандырылған жүйелерді белсенді қолданады. Екінші тоқсанда әлем бойынша өшірілген бейнероликтердің 97,4%-ы осындай жүйелердің көмегімен анықталған. Бұл...

Қазақстанда үй жанындағы дүкендерді әлеуметтік маңызы бар азық-түлік тауарларына қойылатын сауда үстемесі бойынша тексеруден босату және оларға мораторий енгізу ұсынысы қолдау таппады. Үкімет мұндай дүкендерге нарықтағы басқа сауда нысандарымен бірдей талап қойылуы керек деп есептейді. Бұл туралы Серік Жұманғарин депутаттардың сауалына берген жауабында мәлімдеді, деп жазады Kursiv.Media.

Депутаттар үй жанындағы дүкендерді қолдау, салық жүктемесін азайту және сауда үстемесін бақылау мәселелерін көтерген. Алайда Үкімет қолданыстағы заңнамада шағын сауда орындарына арналған жеңілдіктер мен қаржылай қолдау тетіктері бар екенін алға тартты.

Салық мөлшерлемесін 2%-ға дейін төмендетуге болады

2026 жылғы 1 қаңтардан бастап күшіне енген жаңа Салық кодексіне сәйкес, үй...

Қазақстан Ұлттық банкі 9 қарашада KASE биржасында мемлекеттік бағалы қағаздарды (ноталарды) сату бойынша аукцион өткізеді. Бұл жолы инвесторлар ноталарды әдеттегідей және жаңа цифрлық форматта – блокчейн технологиясы арқылы (токенизацияланған түрде) да сатып ала алады, деп хабарлайды Kursiv.Media.

Қазақстан фондық биржасының мәліметінше, цифрлық ноталарды орналастыру көлемі 50 миллиард теңгені, бір бағалы қағаздың құны 100 теңгені, ал айналым мерзімі 91 күнді құрайды.

Төлем жасау 11 қарашаға белгіленген. Өтінімдерді қабылдау Астана уақытымен сағат 11:30-да аяқталады. Токенизацияланған ноталармен жасалатын мәмілелер бойынша клиринг пен есеп айырысуды KASE клирингтік орталығы жүргізеді.

Экономист Эльдар Шамсутдинов бұл Қазақстанның қаржылық инфрақұрылымы үшін маңызды қадам екенін атап...

Ақтөбе облысында 2011 жылдан бері тоқтап тұрған жергілікті әуе қатынасын қалпына келтіру жұмыстары басталды. Осы мақсатта Шалқар қаласындағы аэродромды реконструкциялау қолға алынды, деп хабарлайды Kursiv.Media.

Конкурстық рәсімдердің қорытындысы бойынша жөндеу жұмыстарын «SK Best Spec Stroy KZ» ЖШС жүргізеді. Алдын ала жоспарға сәйкес, жобалау жұмыстарына бес ай, құрылыс-монтаж жұмыстарына алты ай бөлінген. Бұл мерзімге мемлекеттік сараптамадан өту уақыты кірмейді.

Шалқар аэродромы қаладан шамамен 7 шақырым жерде орналасқан. Жоба аясында ұзындығы 1 200 метрлік ұшу-қону жолағын күшейту, перрон мен рульдеу жолын жаңарту, қоршау орнату және модульдік жолаушылар павильонын салу жоспарланған. Сонымен қатар аэродром қажетті жабдықтармен қамтамасыз етіледі.

Жөндеу...

Әлемдегі ең қымбат компанияның бірі, чип өндіруші Nvidia компаниясының негізін қалаушы Дженсен Хуанг Қытайдың барлау қызметіне жұмыс істеді деген әйелмен жақын қарым-қатынаста болғанын мойындады деп жазады Axios.

«Мен әйелімнің көзіне шөп салдым. Осы ісіммен оның және балаларымыздың жүрегін ауырттым. Мұны ешнәрсемен ақтап ала алмайсың», – деп жазған ол компания қызметкерлеріне арнаған хатында.

Nvidia басшысының мәлімдемесінен кейін компания Хуанг шетелдік барлау қызметінің құрбаны болуы мүмкін бе деген мақсатта тәуелсіз зерттеу бастады. Дегенмен директорлар кеңесі Nvidia-ның құпия мәліметтері және ұлттық қауіпсіздігіне қатысты мәлімет өзгелерге берілуі мүмкін деп есептемейтінін мәлімдемеді.

Кәсіпкер...

Алматыдағы Республикалық физика-математикалық мектебіне жаңа директор тағайындалды. 

Енді бұл қызметті РФММ-да білім алған, «Математика» мамандығы бойынша PhD докторы Алмаз Күнғожин атқарады. 

Ал бұған дейін мектеп директоры болған Мейірлан Мейірбек қызметтен кетті.

Алмаз Күнғожин туралы не белгілі?

Алмаз Күнғожин әр жылдары РФММ-да мұғалім, математика пәнінен олимпиадаға дайындау бойынша жаттықтырушы, Директордың бейіндік-эксперименттік жұмыс жөніндегі орынбасары қызметтерін атқарған. 

2023 жылдың қыркүйегінен бастап «РФММ» КеАҚ Басқарма төрағасының бірінші орынбасары болды.

Балалар жаппай уланды

Алматыда 12-14 қазанда мектептің 47 оқушысы ішек инфекциясымен ауруханаға түсті. Одан кейін тағы бірнеше бала ауруханаға жатқызылды. Осы жағдайдан кейін мектеп қашықтан оқытуға көшті. 

Алматы полициясы РФММ оқушыларыны...

Қазақстанда жалпы ұзындығы 4,6 мың шақырымнан асатын 746 каналды реконструкциялау жұмыстары жүргізіліп жатыр. Биыл оның 964 шақырымын жөндеу жоспарланған. Бұл шамамен 200 мың гектар суармалы жерді сумен қамтамасыз етуді жақсартуға мүмкіндік береді.

Су ресурстары және ирригация министрлігінің мәліметінше, каналдарды жаңғыртудың негізгі мақсаты – су тасымалдау кезіндегі шығынды азайту және су ресурстарын тиімді пайдалануға жағдай жасау. Осы жұмыстар аясында бірқатар нысанда судың көлемін нақты есептеуге мүмкіндік беретін автоматтандыру жүйелері де енгізіліп жатыр.

Каналдардағы су шығыны азаяды

Ирригация желілерін реконструкциялау ауыл шаруашылығындағы суару жүйесін жақсартуға бағытталған. Каналдарды жөндеу арқылы судың жол-жөнекей ысырап болуын азайтып, оны егіс алқаптарына тиімді жеткізу...

Қаржылық мониторинг агенттігі шетелдік заңсыз интернет-казинолардың пайдасына 191 млрд теңге аудару жүйесін ұйымдастырғандарға қатысты тергеуді аяқтап, істі сотқа жолдады, деп хабарлайды Kursiv.Media.

ҚМА интернет-казинолардың заңсыз жұмыс істеуіне жәрдемдесу дерегі бойынша тергеуді аяқтады.

Тергеу мәліметінше, күдіктілер өздерінің бақылауындағы үш компанияның төлем жүйесін пайдаланып, шетелдік интернет-казинолардың пайдасына ақша аударып отырған. Бұл жүйеге түрлі банктерде орнатылған жүздеген терминал кірген. Олардың қатарында Nomadgames, Sultangames, Pinco, Pin-UP, Vavada, Mostbet және 1WIN интернет-казинолары бар.

Жүргізілген операциялардың жалпы көлемі 191 млрд теңгеге, ал есептелген комиссиялық сыйақы 286 млн теңгеге жеткен.

Ақшаның қандай мақсатқа аударылғанын жасыру үшін заңды тұлғалар мен жеке кәсіпкерлердің деректемелері пайдаланылған. Кейбірі өз...

Сөз бостандығы тарылып, қатаң цензура орнаған Ресейде жұрт Украинадағы соғыс жайын жария талқыға салып, көкейіндегісін орысша жеткізуге бата алмайды. Бірақ елдің құрамындағы ұлттық республикаларда халық ана тілінде (аз халықтардың тілі) бұл соғысты ашық сынап, пікірін жасырмай жазып жүр, дейді Дарья Таланова «Новая газета Европа» басылымында жарық көрген зерттеуінде.

Автор Татарстан, Башқұртстан, Тыва, Бурятия сияқты өңірлердің тұрғындарының «ВКонтакте» және Telegram сынды платформалардағы онлайн-каналдарда қалдырған жүздеген мың жазбасын (пікірлерін) талдай келе, орыстілді арналарда жоқ өзекті де ашық талқы аз халықтардың тілінде шектеусіз өрбіп жатыр деген қорытынды жасаған.

Ресми нұсқауларды елемеген

Мемлекеттік БАҚ және жергілікті билік өкілдері «арнаулы...

Алматыдағы Республикалық физика-математикалық мектебінің директоры қызметінен кетті. Бұл туралы мектеп баспасөз қызметі хабарлады, деп жазады Kursiv.Media.

Білім ошағы өкілдерінің сөзінше, директор қызметінен өз еркімен кеткен, одан өзге толық ақпарат берілген жоқ.

Алматыдағы РФММ директорының қызметінен кеткені туралы журналист Михаил Козачков та жазды. Сонымен қатар ол мектепте оқу әзірге қалыпты форматта қайта басталмағанын хабарлады. Нақты айтқанда, мектеп 16 қарашадан бастап гибридті форматқа көшпек. Атап айтқанда, қалада тұратын оқушылар мектепке барып, офлайн оқиды. Ал интернатта тұратын балалар әзірге онлайн білім алады. Себебі олардың тұруына міндетті шарт саналатын тамақтандыру мәселесі әлі шешілмеген.

Оқушыларды интернатқа орналастыру асхана жұмысы қайта...

АҚШ Мемлекеттік департаменті Иранның ядролық бағдарламасына қатысты құнды ақпарат берген адамдарға 20 млн долларға дейін сыйақы беретінін жариялады. Вашингтонға ядролық нысандардың қазіргі орналасқан жері, пайдаланылатын жабдықтар мен бағдарламаға қатысы бар мамандар туралы мәлімет қажет деп жазады BILD басылымы.

АҚШ тарапы, әсіресе, Иранның ядролық бағдарламасына қатысы бар ғалымдар мен басқа да қызметкерлер туралы ақпарат іздеп отыр. Сондай-ақ ядролық жабдықтардың қайда көшірілгенін анықтағысы келеді. Себебі АҚШ-тың әуе соққыларынан кейін кейбір нысандар мен жабдықтардың қазіргі жағдайы белгісіз.

Ақпарат бергісі келетін адамдар мәліметтерін Signal мессенджері немесе АҚШ Мемлекеттік департаментінің арнайы анонимді онлайн арнасы арқылы жібере алады. Қажет болған жағдайда оларға басқа елге қоныс аударуға...

Қазақстанға 2027 жылғы қажылық маусымына 4300 орын бөлінді. Бұл туралы Қазақстан мұсылмандары діни басқармасының баспасөз қызметі хабарлады.

Бөлінген орын саны Сауд Арабиясы Корольдігінің Қажылық және умра министрлігімен жасалған келісім аясында бекітілді. Құжатқа Қазақстан мұсылмандары діни басқармасының төрағасы, Бас мүфти Наурызбай қажы Тағанұлы мен Сауд Арабиясының Қажылық және умра министрі Тауфиқ бин Фаузан әр-Рабиа қол қойды.

Келісімде қазақстандық қажылардың сапарын ұйымдастыру, оларды орналастыру және тасымалдау, сондай-ақ қажылық кезінде көрсетілетін қызметтердің сапасын қамтамасыз ету мәселелері қамтылған.

Сонымен қатар тараптар қажылардың қауіпсіздігін сақтау және медициналық талаптардың орындалуын қамтамасыз ету жөніндегі міндеттерді айқындады.

Оқи отырыңыз: 2027 жылы қазақстандықтарды қажылыққа...

Қазақстан Жазушылар одағының мүшесі, белгілі ақын, айтыскер Надежда Лушникова 86 жасқа қараған шағында өмірден өтті. Бұл туралы жазушы Исмаилжан Иминов жеке парақшасында жазды.

«Бірегей тұлға, есімі қазақ сөз өнерін қадірлейтін жұртшылыққа көзі тірісінде-ақ аңызға айналған көрнекті ақын, суырыпсалма өнердің шебері Надежда Лушникованың 86 жасында дүниеден өткенін хабарлау үшін қалам алып отырмын. Талантты ақынның, тамаша адамның, аяулы ана мен ардақты әженің жарқын бейнесі туған-туыстарының, достары мен жерлестерінің жүрегінде мәңгі сақталады. Оның есімі мен шығармашылығы қазақ әдебиетінің тарихында да өшпес із қалдырады», – деп жазды ол.

Надежда Лушникова 1940 жылғы 22 қарашада Алматы облысында...

Әлемдегі ең ірі Binance криптобиржасының қаржы директоры Кайзер Нг 6,3 млрд доллардың криптовалютасы ұрланғаннан кейін қызметінен кететіні белгілі болды. Оның орнына бұған дейін Airwallex компаниясында қаржы жөніндегі вице-президент болған Джастин Йек келеді, деп хабарлайды Kursiv.Media Reuters агенттігіне сілтеме жасап.

Кайзер Нгтің компаниядан кететіні туралы Binance 7 қарашада хабарлады. Биржаның тең төрағасы И Хэнің айтуынша, қаржы басшысы ұйымда бес жылдан астам жұмыс істегеннен кейін жаңа жобаға назар аударуды ұйғарған. Өкілеттікті тапсыру дайындығы соңғы алты ай бойы жүргізілген.

Бұған дейін Airwallex-те қаржы бағыттарын басқарған Джастин Йек Binance-тің жаңа қаржы директоры болып тағайындалып үлгерді.

Қызметтен кету платформадағы қауіпсіздікке қатысты күрделі мәселелер аясында...

Қазақстан ерлер құрамасы Оңтүстік Кореяның Чонджу қаласында өткен шайбалы хоккейден Азия чемпионатында топ жарды, деп хабарлайды  Kursiv.Media Ұлттық олимпиада комитетіне сілтеме жасап.

Отандастарымыз соңғы ойында Оңтүстік Корея құрамасымен кездесті. Негізгі және қосымша уақытта командалар бір-бірінің қақпасына шайба соға алмады. Сондықтан жеңімпаз буллиттер сериясында анықталды. Нәтижесінде қазақстандық хоккейшілер 4:3 есебімен басым түсті.

Ұлттық құрама бұған дейін Жапонияны 3:2, Қытайды 5:0 есебімен жеңген болатын.

Айта кетейік, Қазақстан құрамасы үшінші жыл қатарынан Азия чемпионы атанды. Ұлттық команда бұған дейін 2024 және 2025 жылдары алтын медаль жеңіп алған.

Жапония құрамасы күміс медальға ие болды. Ал Оңтүстік Корея үздік үштікті түйіндеді.

«Қазгидромет» 9 қарашаға арналған ауа райы болжамын жариялады, деп хабарлайды Kursiv.Media.

Дүйсенбі күні елдің басым бөлігінде қар аралас жаңбыр жауады. Солтүстік, оңтүстік және орталық өңірлерде көп мөлшерде жауын-шашын болжанады.

Елдің оңтүстік-шығысында жауын-шашынсыз ауа райы сақталады. Республика бойынша желдің күшеюі, түнде және таңертең тұман күтіледі. Батыста және солтүстікте көктайғақ болжанады.

Атырау облысының солтүстік-батысында, Алматы облысының батысында, оңтүстігінде және шығысында, Жетісу облысының оңтүстігі мен орталығында, Қызылорда облысының солтүстігінде, Жамбыл облысының солтүстігінде, оңтүстігінде және шығысында, Қостанай облысының оңтүстік-батысында, Түркістан облысының солтүстігі мен оңтүстігінде, сондай-ақ Абай облысының оңтүстігінде жоғары өрт қаупі күтіледі.

Қызылорда облысында, Ақтөбе облысының оңтүстігі мен шығысында, Түркістан облысының батысында, сондай-а...

Қазақстанда соңғы жиырма жылда кедейлік деңгейі төрт есеге жуық азайды. Бұл туралы Дүниежүзілік банктің қазан айындағы баяндамасында айтылған, деп хабарлайды Kursiv.Media.

Ұсынылған мәліметтерге сәйкес, 2006 жылы халықтың 18,2%-ы ұлттық кедейлік шегінен төмен деңгейде болса, 2025 жылға қарай бұл көрсеткіш 4,9%-ға дейін төмендеді. Тиісінше, табысы ұлттық кедейлік шегінен жоғары азаматтардың үлесі 81,8%-дан 95,1%-ға дейін артты.

Дүниежүзілік банктің сарапшылары кедейліктің азаюын, ең алдымен, халық табысының өсуімен байланыстырады. Оң өзгерістер елдің барлық өңірлерінде байқалады.

Дүниежүзілік банктің мәліметінше, сатып алу қабілеті бойынша күніне 8,30 доллардан аз табыс табатын қазақстандықтардың үлесі 2006 жылғы 55,7%-дан 2024 жылы 13,8%-ға дейін төмендеді. Кедейліктің орташа жылды...

7 қарашада Ақтауда нөсер жаңбыр жауып, қала көшелерін су басты. Қаланың 11 учаскесінде көп мөлшерде жаңбыр суы жиналып, көлік қозғалысы қиындады, деп хабарлайды Kursiv.Media.

Ауа райының қолайсыз салдарларын жою үшін қалалық қызметтер күшейтілген жұмыс режиміне көшті.

Ақтау әкімінің тапсырмасы бойынша суды сорып шығаруға 20-ға жуық арнайы техника мен 50-ге жуық қызметкер тартылды. Жұмыстар, атап айтқанда, 17-ші және 18А шағынаудандарының қиылысында, «Хазар» базарының маңында, сондай-ақ 29-шы және 29А, 13-ші және 15-ші, 11-ші және 14-ші шағынаудандар аралығында жүргізілді.

Қала әкімдігінің мәліметінше, күндізгі және түнгі ауысымда көшелерден 10 мың текше метрге жуық жаңбыр суы сорылды.

Қала әкімі Мақсат Мұқаш туындаған жағдайды...

Түрксіб аудандық полиция қызметкерлері жалға алынған үйді есірткі зертханасына айналдырған 28 жастағы ер адамды ұстады, деп хабарлайды Kursiv.Media.

Алматы қаласының полиция департаменті хабарлағандай, жалға алынған үйде есірткі өсірумен айналысатын зертхана жұмыс істеген. Үй иелері уақытша баспанада тұрып, негізгі ғимаратты қарасора өсіруге бейімдеген.

Заңсыз әрекетті Түрксіб аудандық полиция басқармасының жедел қызметкерлері анықтады.

«Жедел-іздестіру іс-шаралары барысында 28 жастағы ер адам ұсталды. Үйді тінту кезінде полиция қызметкерлері құмыраларға егілген, марихуанаға тән иісі бар 93 түп өсімдік пен өзіне тән иісі бар зат салынған пакетті тәркіледі. Күдікті қамауға алынды. Аталған дерек бойынша...

Петропавлдың «Қызылжар» футбол клубының бұрынғы президенті Григорий Лорияға іздеу жариялады. Мұндай ақпарат Қазақстан Бас прокуратурасының Құқықтық статистика органдарының порталында пайда болды, деп хабарлайды Kursiv.Media.

Іздеуді Қаржылық мониторинг агенттігі салды, ал іздестірумен Солтүстік Қазақстан облысы бойынша Экономикалық тергеу департаменті айналысып жатыр.

Бұрынғы басшығы сеніп тапсырылған мүлікті иемденіп алу, талан-таражға салу және салық төлеуден жалтару бойынша айып тағылып отыр.

Qazaqstan Media хабарлағандай, 5 қарашада Григорий Лория СҚО бойынша Экономикалық тергеу департаментіне «Сеніп тапсырылған бөтен мүлікті иемденіп алу немесе талан-таражға салу» бойынша шақырылған.

Департаментке келмегендіктен, 7 қарашада Лорияға қатысты іздестіру ісі тіркелгені белгілі болды.

Григорий Лория «Қызылжар» футбол клубын 2014 жылдан...

Ақмола облысы Щучинск қаласында төрт оқу-жаттығу трамплині, 300 орындық мамандандырылған мектеп-интернат және 3 мыңға жуық көрерменге арналған жабық мұз айдыны салынып жатыр. Мұндай нысандар Қысқы спорт түрлері бойынша олимпиадалық даярлау аясында бой көтергелі тұр, деп хабарлайды Kursiv.Media.

Жобаның жүзеге асырылу барысы мен алдағы жоспарларымен Ақмола облысының әкімі Марат Ахметжанов танысты.

Алдағы уақытта орталық қысқы спорт түрлері бойынша ұлттық құрамаларды халықаралық жарыстар мен Олимпиада ойындарына даярлайтын негізгі базалардың біріне айналады.

Кешеннің сәулеттік тұжырымдамасы білім беру, кәсіби спорттық дайындық және спортшыларды оңалту үдерістерін бір арнаға тоғыстыратын бірыңғай инфрақұрылым қалыптастыруды көздейді. Сонымен қатар профессор-оқытушылар құрамына арналған тұрғын корпус пен...

Францияда қымбатшылық пен мен үкімет саясатына қарсы басталған наразылық шаралары төртінші демалыс қатарынан жалғасып жатыр, деп хабарлайды Kursiv.Media DW агенттігіне сілтеме жасап.

Ереуілдің жаңа толқыны қайтадан полициямен қақтығысқа ұласты. Наразылық білдірушілер тәртіп сақшыларына пиротехника мен әртүрлі заттар лақтырды, ал құқық қорғау органдары көзді жас ағызатын газ қолданған.

Елдің Ішкі істер министрлігінің мәліметінше, 7 қарашада өткен наразылық акцияларына 146 мың адам шыққан, ал кәсіподақтар шеруге қатысушылардың санын 250 мың деп есептеді.

Париждегі қақтығыстар

Парижде шерушілер Республика алаңынан Ұлт алаңына дейін жаяу жүріп өтті. Шеру соңында қақтығыс шығып, кейбір адамдар полицияға жарылғыш заттар лақтырды...

Астанада TikTok әлеуметтік желісінде тікелей эфирде балағат сөздер айтқан ер адам 10 тәулікке әкімшілік қамауға алынды, деп хабарлайды Kursiv.Media.

Іс 7 қарашада елорданың Әкімшілік құқық бұзушылықтар жөніндегі мамандандырылған ауданаралық сотында қаралды.

Соттың анықтауынша, сағат 00:30 шамасында ер адам TikTok-та азаматша Т.-ның тікелей трансляциясына қосылып, балағат сөздер айта бастаған. Оның бұл әрекеті айналасындағыларға құрметсіздік таныту және қоғамдық тәртіпті бұзу деп бағаланды.

«2026 жылғы 7 қарашада сағат 00:30 шамасында азамат А. TikTok әлеуметтік желісінде азаматша Т.-ның тікелей эфиріне қосылып, балағат сөздер айтқан. А.-ның кінәсі іс материалдарымен, соның ішінде әкімшілік құқық бұзушылық туралы хаттамамен, кінәсін мойындау жауаптарымен, полиция...