Жаңалықтар

Hyundai Auto Kazakhstan отандық нарықтағы 388 дана Tucson NX4 FL моделі үшін арнайы сервистік науқан басталғанын жариялады. Шара аясында көліктердің қауіпсіздік жүйесіне жауапты бағдарламалық жасақтамасы тегін жаңартылады.

Бұған дейін Hyundai Motor концерні АҚШ-та бағдарламалық қателік салдарынан көліктің өздігінен тежелуіне әкеп соғуы мүмкін ақауды анықтап, 421 мың автокөлікті кері қайтарып жатқанын хабарлаған еді. Ол науқан 2025–2026 жылдары шыққан Santa Cruz пикаптары мен Tucson (соның ішінде гибридті нұсқалары) кроссоверлерін қамтыған еді.

Алғашында «Астана Моторс» мұхиттың арғы жағындағы жағдай Қазақстандағы ресми дилерлер арқылы сатылған көліктерге қатысы жоғын, өйткені АҚШ нарығына арналған машиналардың жиынтығы мен техникалық сипаттамасы бөлек екенін мәлімдеген. Дегенмен, бүгін...

Ресми сапар аясында Қасым-Жомарт Тоқаев пен Ресей Президенті Владимир Путин ерекше рәсімге қатысты. Мемлекет басшылары екі елдің мәңгі достығына арналған аллеяда емен көшетін отырғызды. Бұл туралы Ақорда хабарлады.

Халықаралық дипломатияда ағаш егу – мемлекеттер арасындағы қарым-қатынастың ұзақмерзімділігі мен беріктігін білдіретін терең мағыналы дәстүр. Бұл жолы таңдаудың емен ағашына түсуі де тегін емес. Емен өзінің ұзақ жасауымен, мықтылығымен және тамырының тереңге бойлауымен ерекшеленеді.

Еске сала кетейік, кеше 27 мамыр күні Ресей президенті Владимир Путин Қазақстанға мемлекеттік сапармен келеген еді. Бүгін қос президент бірнеше маңызды құжаттарға қол қойған еді. Ал ертең 29 мамырда Жоғары Еуразиялық кеңестің отырысы өтеді.

Қазақстан Парламенті Сенатының депутаттары екі оқылымда педагогтердің міндеттері мен құқықтық жауапкершілігін қайта қарайтын заңнамалық түзетулерді талқылап, мақұлдады. Жаңа құжат мұғалімдерді жұмыс уақытынан тыс уақыттағы оқиғалар үшін жауапкершіліктен босатады және мектептердегі смартфондарды пайдалану тәртібін реттейді.

Мақұлданған заң жобасы білім беру процесін жүйелеуге және мұғалімдердің құқықтарын қорғауды күшейтуге бағытталған бірнеше маңызды жаңашылдықтарды қарастырады.

Мұғалімдердің жауапкершілігі тек жұмыс уақытымен шектеледі

Енгізілген түзетулердің ішіндегі ең негізгісі – педагогтер мен мектеп басшылығының шәкірттер өміріне қатысты құқықтық жауапкершілік аясын нақтылау.

Ендігі жерде педагог және білім беру ұйымының басшысы білім алушылар немесе тәрбиеленушілермен болған кез келген оқиғалар үшін тек өздерінің кәсіби қызметін жүзеге асыру...

Қазақстан Ұлттық Банкі сарапшылар арасында кезекті сауалнама жүргізді. Мамандардың пікірі бойынша, Қазақстан экономикасы мен баға тұрақтылығына қатысты болжамдар оң жаққа өзгерді.

Сарапшылардың болжамынша, шикізат нарығындағы жағымды өзгерістер еліміздің макроэкономикалық көрсеткіштеріне де әсер етеді. Атап айтқанда, Brent маркалы мұнайдың бағасы барлық болжамды кезеңде бұрынғыға қарағанда жоғары деңгейде бағаланып отыр. Мұнай бағасының бұл серпіні Қазақстанның экспорттық әлеуетін арттырып, валюталық түсімдерді тұрақтандыруға көмектеседі, бұл өз кезегінде макроэкономикалық тұрақтылықтың негізгі іргетасы болып табылады.

Экономикалық өсімге (ЖІӨ) қатысты болжамдар да сақталып отыр. Сарапшылар ортамерзімді кезеңде Қазақстан экономикасының әлеуетті деңгейге жақындайтынын және жыл сайын 4-5% шамасындағы тұрақты өсімді көрсететінін болжайды. Бұл – экономиканың сыртқы сын-қатерлерге төтеп...

Сенатта мүдделер қақтығысының алдын алу үшін шенеуніктер жариялауға міндетті байланысты тұлғалар тізімін кеңейтетін заң мақұлданды.

Ресми тіркелмеген қарым-қатынастар қалай заң жүзінде қарастырылатыны және жаңа нормалары қашан күшіне енетіні туралы сенатор Андрей Лукин айтып берді.

«Дос-жарандар» емес, азаматтық некедегілер де енгізілді

Брифинг барысында Лукин заңнамада тек нақты құқықтық ұғымдар қолданылатынын айтты. Сондықтан «достық» секілді түсініктерді нормативтік актілерде көрсету мүмкін емес. Алайда сыбайлас жемқорлыққа қарсы шектеулерге ілігетін тұлғалар қатары ерлі-зайыптылардың туыстары мен азаматтық некеде тұратын адамдар есебінен едәуір кеңейген.

«Заңнамада «дос-жаран» деген анықтама жоқ. Біз заңда байланысты тұлғаларды нақты белгіледік. Онда жақын туыстар – аға-інілер, әпке-сіңлілер, ата-аналар...

Kursiv Media Қазақстан Премьер-лигасындағы ең қымбат 20 ойыншының тізімін талдай келе, лиганың географиялық және клубтық құрылымы туралы қызықты мәліметтерді аңғарды. Transfermarkt деректері бойынша ҚПЛ-дің қазіргі «құндылық картасына» көз жүгіртсек, бірнеше негізгі трендті байқауға болады.

Клубтар арасындағы бәсеке

Топ-20 тізіміне енген ойыншылардың басым бөлігі лиганың алдыңғы қатарлы клубтарының өкілдері. Мұнда «Астана», «Тобыл» және «Ақтөбе» сияқты командалардың үстемдігі айқын көрінеді. Әсіресе, «Астана» мен «Тобылдың» трансферлік саясаты жоғары бағаланатын легионерлерді тартуға бағытталғаны байқалады.

Географиялық әралуандық

Тізімдегі легионерлердің географиясы өте кең:

«Іле-Балқаш» мемлекеттік табиғи резерватына Ресей Федерациясынан төрт Амур жолбарысы – екі ересек дарақ пен екі жолбарыс төлі жеткізілді. Осылайша, Орталық Азия өңірінде жолбарыстар популяциясын қайта жаңғырту бағдарламасы ресми түрде практикалық фазасына енді.

Хабаровск өлкесінің жабайы табиғатынан ұсталып, Қазақстанға берілген жыртқыштар – аймақта бұдан 70 жылдан астам уақыт бұрын жойылып кеткен тұран жолбарыстарының орнын баспақ.

15 жылдық дайындық

Қазақстан бұл жобаны сонау 2010 жылы Санкт-Петербургте өткен жаһандық форумда бастаған. Содан бергі кезеңде қазақстандық, ресейлік және Халықаралық табиғат қорғау одағының (IUCN) ғалымдары ауқымды зерттеулер жүргізді.

Жобаның соңғы заңдық шешімдері 2025 жылғы 12 қарашада Қазақстан Президенті Қасым-Жомарт Тоқаевтың Ресейге жасаған мемлекеттік сапары...

Алматыда әл-Фарабидегі апатқа қатысты сот процесі басталды. Сотталушы Александр Пак бұған дейін қайтыс болған үш адамның отбасына көңіл айтуға мүмкіндігі болмағанын айтып, сот залында кешірім сұрады.

«…Жазамды өтеуге дайынмын. Бостандыққа шыққаннан кейін де сіздерге көмектесемін. Сіздерді ұмытпаймын. Өзімді кешірмеймін…», – деді Александр Пак.

Айта кетейік, апат салдыранын 1996 жылы туған Еламан Қайыржанұлы, 2003 жылы туған Құмар Теңелбаева және 2005 жылы туған Томирис Қыдырбек оқиға орнында қайтыс болған.

Бұған дейін қорғау тарабы сотталушы Александр Пактың бет-жүзін көрсетуге шектеу қоюды, қылмыстық іске қатысты БАҚ-та ақпарат жариялауға тыйым салуды сұраған еді.

Қазақстандық FlyArystan лоукостері Алматы – Үргеніш – Алматы халықаралық бағыты ашылатынын жариялады.

Әуе компаниясының мәліметінше, рейстер 3 қыркүйектен бастап аптасына екі рет – бейсенбі және жексенбі күндері орындалады. Бір бағытқа билет бағасы 41 мың теңге. Лоукостер баға доллар бағамының құбылуына орай өзгеруі мүмкін екенін ескертті.

«Үргеніш – Өзбекстанның солтүстік-батысындағы маңызды көлік торабы. Ол Хиуа мен Нүкіс сияқты қалаларға ыңғайлы қатынауға мүмкіндік береді», – дейді FlyArystan президенті Йохан Эйдхаген.

Оның айтуынша, осы рейстің іске қосылуы Орталық Азияда әуе қатынасын дамытуға мүмкіндік береді. FlyArystan Өзбекстанның Самарқанд және Ташкент қалаларына да рейстер орындап жүр.

Бұған...

Алматыда әл-Фараби даңғылында үш адам қайтыс болған жол апатына қатысты сот басталды.

Сотталушы Александр Пак сот залына жеткізілді. Адвокат оның келесі сот отырысына онлайн қатысуын сұрап отыр. Ал жәбірленушілердің құқығын адвокат Мейірман Шекеев пен Олег Чернов қорғайды.

Қорғау тарабы сотталушы Александр Пактың бет-жүзін көрсетуге шектеу қоюды, қылмыстық іске қатысты БАҚ-та ақпарат жариялауға тыйым салуды сұрап отыр. Айтуынша, Пактың кәмелет жасына толмаған үш баласы бар. Олар әкесіне қатысты жағдайдан хабарсыз.

Жәбірленуші тарап іс желіде қызу талқыланғанын, сол себепті БАҚ-та ақпарат жарияламауға негіз жоқ екенін айтты.

Еске сала кетейік, қайғылы оқиға 21 наурызға қараған түні болған. Zeekr көлігінің жүргізушісі жарыс ұйымдастырып, жоғары жылдамдықпен қарсы...

Қазақстанда салынатын алғашқы АЭС құрылысы 16,4 млрд долларға бағаланып отыр. Атом энергиясы жөніндегі агенттіктің баспасөз қызметі жоба құнына қатысты осындай ақпарат таратты.

«Қаражаттың негізгі бөлігі – 14,4 млрд доллар энергоблок құрылысына бағытталады. Тағы 2 млрд доллар инфрақұрылымға, қауіпсіздік жүйесіне және отынға жұмсалады. Жобаның барлық құны шамамен 16,4 млрд доллар болады», – деп жазылған агенттік таратқан мәлімдемеде.

Бірақ аталған соманың қандай бөлігі Ресейден кредит есебінде алынатыны әлі хабарланған жоқ.

Бұған дейін Атом энергиясы жөніндегі агенттік төрағасы Алмасадам Сәтқалиев жоба құны шамамен 15 млрд долларға баруы мүмкін деген еді.

«Росатом» басшысы Алексей Лихачевтің мәліметінше, Қазақстанда Атом...

Соңғы жылдары Қазақстан мен Иран арасындағы сауда қатынастары тұрақсыз және көлемі жағынан мардымсыз болып тұр. Мәселен, 2026 жылдың алғашқы үш айында екі ел арасындағы сауда көлемі былтырғымен салыстырғанда 30%-ға жуық қысқарды. Бұл көрсеткіш осыдан он жыл бұрынғы деңгейден әлдеқайда төмен. Егер 2015 жылы Иран Қазақстанның сыртқы саудасында маңызды орын алса, қазір оның үлесі бар болғаны 0,3%-ға дейін төмендеді.

Сауда неге азайып жатыр?

Бұған негізгі себеп – Таяу Шығыстағы геосаяси жағдайдың шиеленісуі. Аймақтағы тұрақсыздық пен логистикалық қиындықтар кәсіпкерлерді сақтық танытуға мәжбүрлеп, жаңа келісімшарттарға қол қоюды тежеп отыр. Нәтижесінде, тауар айналымы баяулап, Қазақстанның Иранға шығаратын экспорты да екі есеге...

«Союз МС-29» ғарыш кемесі Байқоңыр айлағынан 2026 жылғы 14 шілдеде ұшады. Ол АҚШ пен Ресей экипажын Халықаралық ғарыш станциясына жеткізеді. Бұл туралы «Роскосмос» бас директоры Дмитрий Баканов «Вести» ақпараттық сайтына хабарлады.

«Тағы бір халықаралық ғарыш сапары жүзеге асады. Екі отандасымыз және бір америкалық ғарышкер 14 шілдеде Байқоңырдан ұшады», – дейді Баканов.

Федералдық мекеме экипаж құрамын 2025 жылғы 26 қарашада бекіткен. Оған НАСА ғарышкері Анил Менон, сонымен бірге «Роскосмосдың» екі өкілі Пётр Дубров пен Анна Кикина енген. Үшеуі жыл басында арнайы дайындықтан өткен.

2022 жылы «Роскосмос» пен НАСА тәжірибе алмасу келісіміне қол...

Бүгін, 28 мамырда футболдан Қазақстан чемпионатының 12-тур ойындары бастау алады. Бір күнде бірден алты кездесу жоспарланған. Турдың басты текетіресі Шымкентте өтпек: жергілікті «Ордабасы» өз алаңында ел чемпионы алматылық «Қайратты» қабылдайды.

12-турдың толық ойын кестесі:

Бүгін жасыл алаңға шығатын жұптар мен матчтардың басталу уақыты:

Тікелей эфир: Ойындарды қайдан көреміз?

Отандық футбол жанкүйерлері үшін бүгінгі матчтарды тамашалаудың екі негізгі жолы бар. Елдің басты спорттық телеарнасы Qazsport бүгін үш кездесуді тікелей...

Алматының Медеу ауданында КСРО және Қазақстанның Халық әртісі Роза Бағланованың құрметіне арналған жаңа мурал салынды. Бұл туралы қала әкімдігі хабарлады.

Көркем нысан Самал-3 шағынауданындағы №21 үйдің қасбетіне салынған. Бұл жобаның басты ерекшелігі мен құндылығы – аты аңызға айналған әншінің өзі кезінде дәл осы үйде тұрған.

Жаңа арт-нысанның пайда болуына жергілікті тұрғындардың өздері себепкер болды. Олардың қала әкімдігіне жасаған ресми өтінішінен кейін тиісті жұмыстар жедел ұйымдастырылып, суретшілер іске кіріскен.

Әншінің отбасы жобаға жоғары баға берді

Муралды дайындау, нобайын бекіту және жүзеге асыру процесіне Роза Бағланованың туыстары да тікелей атсалысты. Нақтырақ айтқанда, шығармашылық жұмысқа әншінің келіні Марал Бағланова қатысып, кеңес берген.

Астанада Путин мен Тоқаевтың ресми келіссөздері өтіп, соның аясында екі тарап бірқатар келісімдерге қол қойды.

Атап өтсек, Қазақстан мен Ресей президенті «Қазақстан мен Ресей халықтарының достығы мен тату көршілестігінің жеті негізі туралы бірлескен мәлімдемеге» қол қойды.

Одан бөлек Атом энергиясы жөніндегі агенттік төрағасы Алмасадам Сәтқалиев Росатомның бас директоры Алексей Лихачев «Қазақстан Республикасының аумағында атом электр станциясын салу жобасы бойынша ынтымақтастықтың негізгі принциптері мен шарттары туралы келісімге» қол қойды. Сондай-ақ «ҚР аумағында атом электр станциясының құрылысын қаржыландыру үшін мемлекеттік экспорттық кредит беру туралы келісім» жайлы құжат алмасты.

Оқи отырыңыз: АЭС құрылысы 2027 жылы басталады

Қол қойған құжаттар қатарында төмендегідей келісімдер...

Ресей президенті Владимир Путин Қазақстанға келген мемлекеттік сапарында екі елдің ұстанымдары халықаралық мәселелерде жақын екенін мәлімдеді.

«Халықаралық негізгі мәселелерде көп жағдайда Ресей мен Қазақстанның ұстанымдары өте жақын. БҰҰ және ТМД, ҰҚШҰ, ШОС секілді басқа да форматтарда көзқарастарын үйлестіреді. Әрине, Биыл Қазақстанның Еуразиялық экономикалық одақтағы сәтті төрағалық етуін атап айтқым келеді. Ертең бірлестіктің саммитінде интеграциялық ынтымақтастықты тереңдетуге бағытталған бірқатар маңызды шешімдер қабылданады», – деп атап өтті Ресей президенті.

Путин ерекше қонақжайлылық көрсеткені үшін Тоқаевқа және қазақстандық достарына шын жүректен алғыс айтты. Бұл сапардың Қазақстан мен Ресей арасындағы қарым-қатынастың әрі қарай арта түсетініне сенім білдірді.

Мұның алдында...

30 мамыр күні сағат 19:50-де Freedom Media онлайн-кинотеатры Central Stand Up жобасымен бірлесіп, Чемпиондар лигасы финалының эксклюзивті трансляциясын өткізеді. Көрерменді футболдан бөлек, танымал комиктер, арнайы қонақтар мен түрлі ойындар күтіп тұр.

Threads-тен басталған футбол бәсі

Бәрі белгілі стендап-комиктер Шыңғыс Ермек пен Аңсаған Садырхановтың арасындағы тартыстан басталды. Шыңғыс ПСЖ клубына жанкүйерлік етсе, Аңсаған «Арсеналды» қолдайды. Әлеуметтік желідегі әдеттегі футбол дауы тез арада үлкен бәске ұласты. Жеңген адам қарсыласын доппен 10 рет ұрады. Футбол ортасында мұндай ауыр әрі қызықты жазаны қысқаша «сало» деп атайды.

Комиктер бұл бәсті жария түрде бекіткеннен кейін, Central Stand Up пен Freedom Media идеяны үлкен ортақ жобаға...

Ресей экономикасына салынған қазақстандық инвестиция көлемі 29 миллиард доллардан асты. Бұл туралы Қасым-Жомарт Тоқаев  Ресей Федерациясының президенті Владимир Путинмен жүргізген келіссөздер барысында айтты.

Президенттің айтуынша, жақын арада өзара тауар айналымының көрсеткіштері 30 миллиард доллардан асады.

«Ресей – Қазақстан экономикасының ең ірі инвесторы. Ресей экономикасына салынған қазақстандық инвестиция көлемі 29 миллиард доллардан асты. Бұл айтарлықтай қомақты цифр.

Бүгінгі таңда жалпы инвестиция көлемі шамамен 53 миллиард долларды құрайтын 177 бірлескен жобаның пулы қалыптасты және 122 жобаның операциялық кезеңге өткенін, яғни іске асырылып, жұмыс істеп тұрғанын атап өткім келеді. Бұл ынтымақтастықты дамытуға деген өзара дайындықты көрсету үшін...

Ел аумағына кірген дронды шекара қызметі байқамай қалуы мүмкін бе? Осы сұраққа Ұлттық қауіпсіздік комитетінің орынбасары Ерлан Алдажұманов жауап берді.

Ол тым жоғарыда ұшқан дрондарды шекара қызметі байқамай қалуы мүмкін екенін жоққа шығармады.

«Сіздер түсініңіздер, жер бетінде қызмет ететін шекарашылар тым жоғарыда ұшып бара жатқан дрондарды көрмейді. Мемлекеттік шекара бойынша заңға сәйкес, әуедегі мемлекеттік шекараны қорғау Қорғаныс министрлігі, Әскери Әуе күштерінің міндеті. Сондықтан сұрақты сол ведомствоға жолдаған дұрыс болар», – дейді ол.

ҰҚК өкіліне сұрақ қоюға негіз болған – 25 мамырда белгісіз дрондардың ұшуына байланысты тараған ақпарат. Әлеуметтік желіде жарияланған видеолардың бірінде Батыс Қазақстан...

Қазақстанда электрокөліктер мен гибридтер нарығының саудасы қызып тұр. NEV (New Energy Vehicles) сегментіндегі автомобильдер саудасы төрт айда бес есеге жуық өсті.

«Қазақстанның Автокөлік Одағы» (ҚАО) деректеріне сәйкес, 2026 жылдың қаңтар-сәуір айларының қорытындысы бойынша ресми дилерлер NEV сегментіндегі 2 122 жеңіл автокөлік сатты. Бұл – өткен жылдың осы кезеңімен салыстырғанда шамамен бес есе жоғары көрсеткіш.

1 499 гибрид (PHEV) және жүріс қашықтығы ұлғайтылған электрокөліктерге (EREV), 623 толық электрлі батареялы көлік сатылған.

Бұған модельдік қатардың кеңеюі, жаңа брендтердің ресми түрде нарыққа шығуы түрткі болған. Сондықтан тұтынушылардың таңдауы біртіндеп өзгеріп жатыр.

Төрт айдың қорытындысы бойынша, ең жоғары сұранысқа ие болған бренд –  BYD...

Бүгін Ақордада Қасым-Жомарт Тоқаев пен Ресей президенті Владимир Путиннің кеңейтілген құрамдағы келіссөзі өтіп жатыр.

Путин сөзінде екі тараптың инвестициялық байланыстары нығая түсетініне сенім білдірді.

«Қазір ортақ жеті инвестициялық жоба іске асырылып жатыр, бұл әлі басы ғана. Біз оны бүгінгі кездесу барысында да талқыладық. Серіктестігіміздің тың бағыттары сапалы нәтижеге қол жеткізуге мүмкіндік береді, – деп атап өтті Ресей басшысы.

Ол ресейлік жоғары оқу орындарында 60 мыңнан аса Қазақстан азаматы оқып жатқанын атап өтті. Ал Қазақстанда сегіз ресейлік ЖОО-ның филиалдары жұмыс істейді.

«Осы жерде сіздің ұсыныңызбен құрылған «Халықаралық орыс тілі ұйымын...

Қазақстанда АЭС құрылысы әлі басталған жоқ. Нысанның құрылысы басталмас бұрын міндетті түрде қоршаған ортаға әсерін бағалау шаралары жүргізіледі. Егер жобаның экологияға кері әсері анықталса, құрылыс жұмыстарына рұқсат берілмейді. Бұл туралы Экология және табиғи ресурстар вице-министрі Жомарт Әлиев айтты.

Вице-министрдің түсіндіруінше, АЭС-ті салмас бұрын оның жобасы толықтай зерделеніп, ықтимал теріс әсерлердің барлық деңгейі мен оның алдын алу шаралары анықталады.

«Егер АЭС-тің экологияға кері әсері бары анықталса, құрылыс басталмайды. Жобалық шешімдер заң талаптарына сәйкес келмеген жағдайда, біз рұқсат бермейміз», – деді Жомарт Әлиев.

Қазір жоба қай сатыда тұр?

Бүгінгі таңда Қазақстанда төрт АЭС салу мүмкіндігі қарастырылып...

Қазақстанға мемлекеттік сапармен келген Ресей Федерациясының президенті Владимир Путинді Қасым-Жомарт Тоқаев Тәуелсіздік сарайында салтанатты түрде қарсы алды.

Алдымен  екі ел басшылары бір-біріне ресми делегация мүшелерін таныстырды. Бұл жолы Ресей тарапы үлкен делегациямен келді. Үкімет мүшелерінің құрамында 30-дан аса адам бар, одан бөлек жүздеген ресейлік журналистер де тіркелді.

Мемлекет басшыларына құрмет қарауылының бастығы рапорт берді. Президент оркестрі екі елдің мемлекеттік Әнұранын орындады. Қазақстан делегациясының құрамында да үкімет мүшелері, облыс басшылары толық болды.

Салтанатты рәсімнен кейін екі мемлекет басшысы келіссөз залына өтті.

Келіссөздер барысында мемлекет басшылары Қазақстан мен Ресей арасындағы стратегиялық серіктестік пен одақтастық байланыстардың қазіргі ахуалы және оны одан әрі дамыту...