Жаңалықтар

Екі ресейлік ғарышкер мен NASA астронавты мінген кеме белгіленген орбитаға шығып, Халықаралық ғарыш станциясына қарай бағыт алды.

Астана уақытымен 19:47:50-де – «Союз-2.1а» тасымалдаушы зымыраны № 31 алаңның ұшыру кешенінен көтерілді. Ұшырылымнан кейін шамамен тоғыз минуттан соң «Союз МС-29» кемесі тасымалдаушының үшінші сатысынан бөлініп, белгіленген орбитаға бет алды.

Кеме командирі Роскосмос ғарышкері Петр Дубров болды. Онымен бірге Халықаралық ғарыш станциясына ресейлік ғарышкер Анна Кикина және NASA астронавты Анил Менон аттанды.

Дубров пен Кикина үшін бұл – ғарышқа екінші рет ұшуы. Петр Дубров алғашқы экспедициясы кезінде орбитада бір жылға жуық уақыт өткізіп, ашық ғарышқа төрт рет шыққан. Анна Кикина бұған дейін ХҚС-қа...

Түркістан облысының тұрғыны кішкентай балаларымен бірге үйінен кетіп қалған жұбайын жеті күн бойы іздеген. Әйел адам Шымкенттен табылды.

Полицияға Отырар ауданының тұрғыны жүгініп, әйелінің жоғалып кеткенін хабарлаған. Оның айтуынша, бір апта бұрын әйелі алты, бес, үш жастағы және он айлық төрт баласымен бірге үйден шығып кетіп, байланысқа шықпай қойған.

Іздестіру жұмыстарына облыстық департаменттің Ұйымдасқан қылмысқа қарсы күрес басқармасының және аудандық полиция бөлімінің қызметкерлері қосылды. Олар ауданға кіреберіс пен шыға берістерге бекеттер қойып, автокөліктерді тексерді және көршілес аймақтарға бағыттамалар жіберді.

«Жедел-іздестіру іс-шараларының нәтижесінде әйел балаларымен бірге Шымкенттен табылып, полиция бөліміне жеткізілді. Тексеру барысында оның жұбайымен отбасылық жанжалдан...

Астанада салынып жатқан төрт қабатты ғимараттың шатырында өрт шықты, деп хабарлады ТЖМ.

Өрт Есіл ауданындағы Е-871 көшесінде болған. Алғашқы өрт сөндіру бөлімшелері келген кезде шатырдың ашық жанып жатқаны және қою қара түтін байқалды.

Өртті сөндіру үшін құтқарушылар автосатының көмегімен өрт сөндіру ұңғыларын бағыттады. Ашық жалын басылғаннан кейін, ТЖМ қызметкерлері жасырын өрт ошақтарын болдырмау үшін конструкцияларды сулап, бөлшектеу жұмыстарын жүргізді.

Өрт сағат 17:55-те оқшауланып, сағат 18:06-да 150 шаршы метр алаңда толықтай жойылды. Зардап шеккендер жоқ.

Айта кетейік, осыған дейін елорда маңындағы қоқыс полигоны өртенген. 9 шілдеде басталған өрт үш күн бойы сөндірілген. 12 шілдеде түсте тілсіз жаумен әлі алысып жатқаны айтылған...

Маусымда Қазақстанның валюта нарығы екі түрлі бағыт көрсетіп, сарапшыларды таңғалдырды: биржада ұлттық валютамыз нығайса, банктер арасындағы нарықта доллар, керісінше, қымбаттай түсті.

Экономист Руслан Сұлтановтың түсіндіруінше, екі көрсеткішті тікелей салыстыруға болмайды. Қазақстан қор биржасындағы (KASE) бағам айдың соңындағы жағдайды көрсетеді, ал биржадан тыс нарықтағы статистика ай бойы жасалған бүкіл мәміленің орташа өлшенген бағамына негізделеді. Сондай-ақ мұндағы ойыншылардың құрамы да басқа. Дегенмен бұл алшақтық маусым айында валюта нарығының қаншалықты құбылмалы әрі әртүрлі болғанын анық байқатады.

Доллар: сауда қызғанымен, ортақ бағыт табылмады

KASE биржасында маусымның соңына қарай доллар бағамы 485,95 теңгеден 480,72 теңгеге дейін төмендеп, теңге шамамен 1,1%-ға нығайды...

Президент Қасым-Жомарт Тоқаев Қазақстанның Қырғыз Республикасындағы төтенше және өкілетті елшісі болып жаңадан тағайындалған Әбілқайыр Сқақовты қабылдады.

Тоқаев екі ел арасындағы дипломатиялық және экономикалық байланыстарды жаңа деңгейге көтеру бойынша бірқатар маңызды міндеттерді айқындап берді.

Тату көршілік пен одақтастық – басты басымдық

Кездесу барысында президент бауырлас Қырғызстанмен қалыптасқан достық қарым-қатынастың маңызына тоқталды. Ол Қазақстан үшін көршілес елмен арадағы татулықты, стратегиялық серіктестік пен одақтастықты одан әрі нығайту сыртқы саясаттағы басты бағыттың бірі болып қала беретінін атап өтті.

Экономикадан цифрландыруға дейін: Жаңа елшіге қандай тапсырмалар берілді?

Қасым-Жомарт Тоқаев жаңадан тағайындалған елші Әбілқайыр Сқақовқа екіжақты байланысты дамыту үшін нақты бағыттар бойынша жұмысты ширатуды...

Астана-Петропавл трассасында автокөліктің өртенуі кезінде зардап шеккендердің бірі аман қалды, бірақ оның жағдайы өте ауыр күйде қалып отыр.

Ақмола облыстық денсаулық сақтау басқармасының ақпаратына сүйенсек, ер адам Ақкөл аудандық ауруханасының жансақтау бөлімінде жатыр.

«Пациент Ақкөл аудандық ауруханасының жансақтау бөлімінде өте ауыр жағдайда жатыр. Денесінің өрттен зақымдану аумағы үлкен болуына байланысты науқастың жағдайы оны басқа жерге тасымалдауға мүмкіндік бермейді. Қазіргі уақытта оның бойында күйік шогы бар», – деп хабарлады ведомстводан.

Еске сала кетейік, бұған дейін Ақмола облысы Бұланды ауданы Жаңаталап ауылының маңындағы Астана-Петропавл автожолында автокөлік өртенген болатын. Оқиға орнынан түсірілген кадрлар әлеуметтік желілерде тарады. Видеодан...

Қазақстандағы туризмді дамытумен айналысатын Kazakh Tourism ұлттық компаниясы 2025 жыл үшін акционнеріне дивиденд төлемейді. Оған себеп – компанияның шығынға батуы. Бұл туралы қаржы есептілігі депозитарийіндегі хабарламада жазылған.

Жалғыз акционердің шешімі 13 шілдеде шыққан.

«Қоғамының 2025 жылғы жылдық қаржылық есептілігі бекітітілсін. 2. Шығындарға байланысты 2025 жылдың қорытындысы бойынша Қоғамның жай акциялары бойынша дивиденттер төлемеу», – делінген хабарламада.

Kazakh Tourism компаниясы 2017 жылы құрылған. Елдің туристік әлеуетін арттыру үшін жұмыс істейтін мекеменің жалғыз акционері – Туризм және спорт министрлігінің туризм индустриясы комитеті.

Ашық дереккөзде компанияның 2025 жылғы аудиторлық есебі жарияланбаған...

Президент Қасым-Жомарт Тоқаев Қазақстан Халық Кеңесі төрағасының орынбасары – хатшылық басшысы Қанатбек Жайсанбаевты қабылдады. Кездесуде жаңа органның құрылу барысы мен алдағы жоспарлары талқыланды.

Хатшылықтың атқарып жатқан жұмыстары

Кездесу барысында Қанатбек Жайсанбаев Мемлекет басшысына Қазақстан Халық Кеңесі мен оның хатшылығын құру мақсатында қазіргі уақытта жүзеге асырылып жатқан кешенді шаралар туралы баяндады.

Оның айтуынша, хатшылық жаңа құрылымның толыққанды жұмыс істеуі үшін мынадай бағыттарда қолдау көрсетеді:

«Әділетті Қазақстанның» бірегей диалог алаңы

Қасым-Жомарт Тоқаев Қазақстан Халық Кеңесінің еліміздің қоғамдық-саяси өміріндегі рөлі мен маңызына ерекше тоқталды.

«Халық Кеңесі – әділетті Қазақстанны...

Қазақстандағы Қаңтар оқиғасынан бері бірнеше жыл өтсе де, сол кезде заңсыз айналымға кеткен қару-жарақтар әлі де табылып жатыр. Кезекті жасырын қойма Балқаш қаласындағы қараусыз қалған құс фабрикасының аумағынан шықты.

Жасырын орын туралы сотталған адам айтып берген

Жасырын қойма болуы мүмкін деген ақпаратты Қарағанды және Ұлытау облыстары бойынша Қылмыстық-атқару жүйесі департаментіне қарасты №31 колония қызметкерлеріне сотталғандардың бірі жеткізген.

Жедел уәкілдер мәліметті тексеріп, жасырын орынды іздеуге кірісті. Іздестіру шараларына Ұлттық қауіпсіздік комитеті департаментінің қызметкерлері қосылып, жұмыс прокуратураның қатысуымен жүргізілді.

«2026 жылдың 27 маусымында Балқаш қаласына қарасты Тораңғылық кентінің кіреберісіндегі қараусыз қалған құс фабрикасының аумағын тексеру барысында құқық қорғаушылар...

Әлемдік нарықта мұнай күрт қымбаттады. 14 шілдеде Brent маркалы мұнайдың бағасы 3,8%-ға өсіп, барреліне 86,47 долларға жетті. WTI мұнайы 2,8%-ға қымбаттап, 80,29 доллар болды. Екі марканың да бағасы соңғы төрт аптадағы ең жоғары деңгейге көтерілді.

Салыстыру үшін, 10 шілдедегі сауда қорытындысында Brent барреліне 76,01 доллар тұрған еді. Яғни бірнеше сауда күнінің ішінде мұнай 10 доллардан астам қымбаттады.

Бағаның өсуіне АҚШ пен Иран арасындағы қақтығыстың қайта күшеюі себеп болды. Нарық қатысушылары Ормұз бұғазы арқылы мұнай тасымалдау қиындауы мүмкін деп қауіптеніп отыр. Қақтығыс басталғанға дейін бұл бағыт арқылы әлемдегі мұнай мен сұйытылған табиғи газ жеткізілімінің шамамен бестен бірі өткен. Соңғы...

Құрылтай сайлауын өткізуге 34,3 млрд теңге бөлінді. Бұл туралы Қазақстанның Орталық сайлау комиссиясы хабарлады.

Қаражат үкімет резервінен бөлінген. Өйткені 2026 жылғы бюджет өткен жылы қабылданып қойған.

Жалпы жеті саяси партия 546 адамды саяси додаға қосып отыр. Үміткерлерді ең көп ұсынған – «Әділет» партиясы (186 адам).

Одан бөлек, Respublica – 76, Қазақстан Халық партиясы – 72, «Ауыл» – 69, «Ақ жол» – 63, «Байтақ» -47 және Жалпыұлттық социал-демократиялық партиясы 33 кандидат ұсынды.

Қазіргі уақытта кандидаттардың құжаттары тиісті мемлекеттік органдарға жолданған. Онда үміткерлердің Конституция мен сайлау туралы заң талаптарына қаншалықты сай келетіні тексеріледі.

Орталық сайлау комиссиясының мәліметінше, партиялық тізімд...

2026 жылдың алғашқы жартыжылдығында Қазақстанда 15 мыңнан астам жол-көлік оқиғасы тіркеліп, салдарынан 832 адам қаза тапты. inDrive сервисінің дерегінше, өліммен аяқталған жол апаттарының 86%-ы өңірлерде болған. Мұндай қайғылы оқиғалардың басым бөлігі қалааралық жолдарда тіркелген.

Алты айдың қорытындысы бойынша елде:

Алматы, Астана және Шымкент қалаларында барлық жол апаттарының шамамен 38%-ы болғанымен, қайтыс болғандардың үлесі небәрі 13,6 %-ды құрайды. Ал өліммен аяқталған жол-көлік оқиғаларының қалған 86%-ы өңірлерде тіркелген.

Талдау нәтижесіне сәйкес, қалааралық бағыттардағы әрбір үшінші жол апаты (31,7%) адам өлімімен аяқталады. Бұл орташа көрсеткіштен...

Жетісу облысы Сарқан ауданы аумағындағы Жоңғар Алатауында бұрын зерттелмеген петроглифтер табылды. Олардың тарихи-мәдени маңызы анықталып жатыр.

Тау бөктерінде тасқа қашалған ескі суреттер бар екенін жергілікті тұрғындар айтқан. «Жоңғар Алатауы» табиғи паркінің қызметкерлері сол жерге арнайы барып, ғылымға таңсық петроглифтерді суретке түсіріп алды.

Петроглифтерде тауешкі немесе арқарға ұқсас аңдар бейнеленген. Олардың айналасында бірнеше аңшы жүрген сияқты. Тағы бір суреттер ит пен жылқыны елестетеді. Аң стилі Қазақстанға тән. Осыған ұқсас петроглифтер елдің басқа да өңірлерінде кездеседі.

Тағы бір тасқа крест немесе Т әрпіне ұқсайтын таңба қашалған. Ол ру таңбасы болуы да мүмкін. Ол Жетісуды мекендеген Суан руының белгісі болуы...

DeepSeek чат-ботының негізін қалаушы Лян Вэньфэн жасанды интеллект модельдерін әзірлеушілер арасында әлемдегі ең бай кәсіпкер атанды.

Бұл туралы 14 шілдедегі Bloomberg Billionaires Index рейтингінде айтылған.

Нақты айтқанда, Лян Вэньфэннің байлығы 36 млрд долларға бағаланып отыр. Соңғы есептен бері оның дәулеті 16,7 млрд долларға артқан. Bloomberg мәліметінше, бұл көрсеткіш оны Anthropic компаниясының негізін қалаушы Дарио Амодей мен OpenAI президенті Грег Брокманнан әлдеқайда алға шығарған.

Десе де, әлемдегі ең бай адамдардың жалпы рейтингінде Лян 63-орында тұр.

Маусым айының ортасында DeepSeek жасанды интеллект саласындағы Қытайдың ең қымбат стартабына айналды. Компания алғашқы инвестициялық раунд барысында 7,4 млрд доллардан астам қаржы тартқан.

Лян Вэньфэн...

Түлектерді марапаттау рәсімінде дипломын жыртқан студенттің әрекеті желіде қызу талқыланып жатыр. Бірі креатив десе, бірі осы әрекетімен төрт жыл сабақ берген мұғалімдердің еңбегін құнсыздандырды деп жазады.

Оқиға Алматы бизнес және коммуникациялар колледжінің диплом табыстау рәсімінде болған. Колледж басшылығынан диплом алған Әбдірахман Дәулет есімді студент бірнеше секунд өтпей жатып, оны көпшіліктің алдында жыртып тастайды.

Кейін анықталғандай, ол дипломның алдын ала дайындалған мұқабасы екен. Ал құжаттың өзі бүлінбеген. Оның бұл әрекетіне оқу орталығы қандай реакция білдіргені белгісіз. Видеода мантия киген жігіт күлген бойы сахнадан түсіп кетеді. Бұл әрекеті үшін жауапқа тартыла ма деген сұрақпен Kursiv.Media Ғылым және жоғары білім министрлігіне сауал...

Қырғызстан үкіметі ішкі нарықты мұнай өнімдерімен тұрақты қамтамасыз ету мақсатында мұнай мен жанар-жағармай материалдарын экспорттауға уақытша тыйым салды. Тиісті қаулыға 13 шілдеде қол қойылды

Қырғыз Республикасы Министрлер кабинеті қабылдаған №484 қаулыға сәйкес, елден мұнай мен мұнай өнімдерін автомобиль және теміржол көлігімен сыртқа шығаруға уақытша шектеу енгізілді.

Тыйым ішкі нарық толық қамтамасыз етілгенге дейін немесе Еуразиялық экономикалық одақтың мұнай мен мұнай өнімдерінің ортақ нарығы құрылғанға дейін күшінде болады.

Бұл шектеу тек ЕАЭО-дан тыс елдерге ғана емес, жалпы Қырғызстаннан мұнай өнімдерін кез келген бағытқа шығаруға қатысты қолданылады.

Министрлер кабинетінің арнайы шешімімен қайта өңдеуге жіберілетін және кейін елге қайта әкелінетін нафта, мазут және...

2026 жылдың алты айында Қазақстан қор биржасындағы (KASE) сауда-саттық көлемі 261,9 трлн теңгеге жетіп, өткен жылдың сәйкес кезеңімен салыстырғанда 48,8%-ға немесе 85,9 трлн теңгеге өскен. Бұл туралы Қазақстан қор биржасының баспасөз қызметі хабарлады.

Жыл басынан бері KASE индексінің мәні 9,7 %-ға артып, 7 712,53 пункт деңгейіне тұрақтады. Индекс сәуірде тарихи максимумды жаңартып, 7 972,88 пункт деңгейіне жеткен.

Сонымен қатар, акциялар нарығының капиталдандырылуы 21,9 %-ға немесе 8,6 трлн теңгеге өсіп, жиынтық есепте 47,6 трлн теңгені құрады. Сауда-саттықтағы корпоративтік борыш көлемі де оң динамика танытып, 3,3 % өсіммен 16,8 трлн теңгеге жетті.

2026 жылы...

Қазақстанда сатылмай қалған киік еті вахталық әдіспен жұмыс істейтін кәсіпорындардың асханаларына жіберілуі мүмкін. Бұл туралы Ауыл шаруашылығы вице-министрі Азат Сұлтанов айтты.

Оның айтуынша, бастапқыда киік етіне сұраныс жоғары болған.

«Бір кезеңде сұраныс өте жоғары болды. Киік етінен жасалған консервілерді де халық қызығушылықпен сатып алды. Бірақ көбіне оны ерекше өнім ретінде алған шығар. Қазір бұл қызығушылық бәсеңдеді. Соның салдарынан киік етін өңдеуге тартылған кәсіпорындар өнімді өткізуде қиындықтарға тап болып отыр», – деді Азат Сұлтанов үкімет кулуарында.

Вице-министрдің айтуынша, киік еті мен одан өндірілген өнімдерді шетелге экспорттауға болмайды. Себебі халықаралық деңгейде қорғалатын жануарлар түрлеріне қатысты шектеулер...

Қазақстандағы алғашқы ЖИ университетке құжат тапсыру жүріп жатыр. Бұл қандай оқу орны және қалай түсуге болады? Материалдан оқыңыз.

Qazaq AI Research University қандай оқу орны?

Qazaq AI Research University – Қазақстандағы алғашқы ЖИ университет. Осындай білім ордасын ашу туралы идеяны алғаш рет Тоқаев 2025 жылы қазанда өткен жиында айтқан еді. Бұл университетті ашудағы негізгі мақсат – ЖИ-ді экономиканың барлық саласына енгізе алатын кадрлар даярлау.

Президент тапсырмасынан кейін сегіз ай өткен соң ЖИ университетінің базасы қалыптасып, түлектерден құжат қабылдауға кірісті.

Биыл құжат қабылдау 20 маусымнан басталды, бакалавриатқа талапкерлер қабылдап жатыр. Ал магистратурада оқығысы келетіндер үшін екі түрл...

Қостанайда 44 млн теңгеден астам қаражатты жымқырған кәсіпкерге қатысты сот үкімі шықты.

Қостанай соттары ақпаратына қарағанда, ол сеніп тапсырылған қаражатты заңсыз иемденді деп танылып, қылмыстық жауапкершілікке тартылды.

Ниеті болмаған

Сотталушы К. өз атына тіркелген «Velvet» жеке кәсіпкерлігі арқылы интернет-сауда алаңдарында жәбірленушілерге тауарларды бөліп төлеу арқылы рәсімдеуді ұсынған. Кейін рәсімделген тауарды жеткізуге қатысты міндеттемелерін орындамаған. Тіпті, ниеті де болмаған. Алаң болмастан, түскен қаражатты қолма-қол ақшаға айналдырып, өз пайдасына пайдаланып жүрген.

Лицензиясы жоқ

Сонымен қатар, Қостанай облысындағы ресми айырбастау пункттерінде белгіленген бағамнан төмен бағаммен теңгені рубльге және АҚШ долларына айырбастау қызметін ұсынған. Қолма-қол шетел валютасын айырбастау операцияларын жүргізуге...

Қорғаныс министрлігі ведомствоның бұрынғы басшысы Мұхтар Алтынбаевтың әйелдерді ерлермен бірдей мерзімді әскери қызметке шақыру туралы бастамасына пікір білдірді.

Министрлік қолданыстағы заңнамада әйелдерді мерзімді әскери қызметке міндетті түрде шақыру көзделмегенін, қазіргі уақытта мұндай норманы енгізу мәселесі қарастырылып жатпағанын мәлімдеді.

Десе де әскери қызметкен айнылысқысы келетін әйелдерге шектеу жоқ екенін де ескертті.

Мәселен, әйелдерді әскери мамандықтарға даярлау үшін 2023 жылдан бастап Талғат Бигелдинов атындағы Әуе қорғанысы күштерінің әскери институты әскери-медициналық факультетке қыздарды қабылдай бастағанын атап өткен. Оқуды аяқтаған түлектерге «лейтенант» алғашқы офицерлік атағы беріліп, олар Қазақстан Қарулы күштері қатарында әскери қызметін жалғастырады.

Әскери қызметте қанша әйел бар

Қорғаныс министрлігін...

Футболдан 2026 жылғы әлем чемпионаты өз мәресіне жақындап қалды. Бүгін дүбірлі доданың ең басты текетірестерінің бірі Франция мен Испания арасындағы ойын өтеді. Азулы қарсыластар Арлингтондағы (АҚШ) атақты «AT&T Stadium» стадионында бақ сынасады.

Тікелей трансляция

Қос алпауыттың кездесуі 14 шілдеден 15 шілдеге қараған түні, Қазақстан уақытымен сағат 00:00-де басталады.

Отандық футболсүйер қауым ойынды Qazaqstan мен Qazsport арналарынан көре алады.

Финалға дейінгі жол

Екі ұжым да турнир басталмас бұрын фаворит болып саналды. Франция плей-офф кезеңінде Швецияны 3-0 айқын басымдықпен жеңді. Одан кейін Парагвай құрамасын 1:0 есебімен жеңсе, ширек финалда Мароккодан (2:0) айласын асырып, жартылай финалға жолдама алды.

Испания болса...

Ақмола облысында Астана – Петропавловск тасжолында қайғылы жағдай болды. Әлеуметтік желіде тараған видеода тасжолдағы көліктің жанып жатқан сәтін көруге болады. Кейін анықталғандай көлік ішінде болған үш адам оның ішінде бір бала жанып кеткен. Ақпаратты өңірлік Полиция департаменті растады.

Жол-көлік оқиғасы Жаңаталап ауылының маңында болған. Төтенше жағдайлар департаментінің мәліметінше, жақын маңдағы өрт сөндіру бөлімі оқиға орнынан 30 шақырым қашықтықта орналасқандықтан, құтқарушылар жеткенше көлікті от толық шарпыған.

Жол апатынан аман қалған бір адам дене күйігімен аудандық ауруханаға жеткізілді. Оған жедел жәрдем келгенше трассалық медициналық-құтқару пунктінің қызметкерлері алғашқы көмек көрсетті.

Қазіргі уақытта оқиға орнында полиция мен шұғыл қызмет өкілдері жұмыс істеп жатыр...

Жаз мезгілі келгенде көпшілік күн астында демалып, таза ауада көбірек уақыт өткізуге тырысады. Алайда аптап ыстық пен ұзақ уақыт күн сәулесінің астында болу барлығына бірдей пайдалы емес. Кейбір созылмалы аурулар ыстық ауа райында асқынып, түрлі жағымсыз салдарға әкелуі мүмкін. Әсіресе қант диабеті бар адамдарға күн астында ұзақ уақыт болудан сақ болған жөн.

Қандай аурулар кезінде күн астында жүруге болмайды

Мамандардың айтуынша, теріде пигментация, іріңді немесе жұқпалы қабыну үдерістері, сондай-ақ түрлі жаңа түзілістер болған жағдайда күнге қыздырынудан бас тартқан дұрыс. Мұндай белгілер байқалса, дерматолог маманға қаралып, тиісті ем алған жөн.

Сонымен қатар қант диабеті, варикоздың кеңеюі және қан айналымы бұзылған...