Жаңалықтар

Бұдан екі жыл бұрын Шерзаттың қазасы Қазақстанды ғана емес, Орталық Азия елдерін дүр сілкіндірген еді, деп жазады Kursiv.Media.

Өйткені оқиға желісі адамның төбе шашын тік тұрғызып, қоғамда дүмпу тудырды. Ел назарын еріксіз өзіне бұрғызды.

Жас баланы анасының көзінше бірнеше адамның ұрып, пышақтап өлтіруі, қара жабылып отырған шаңыраққа өрт қою, ұлынан айырылған әкеге түрлі қоқан-лоқы, артынша Шерзаттың немере ағасының өлі денесінің мола маңынан табылуы, Талғардағы әлдебір жүгенсіз кеткен, құрығы ұзын қылмыстық топ туралы қауесеттің гулеуі, мұның бәрі отқа май құя түсті.

Бұл оқиға қоғамның да, жоғары биліктің де Талғардың жергілікті билігіне қатысты сауалын тудырды.  

Оқиға қалай өрбіді?

Қазақстанда «Сақтандыру нарығы туралы» жаңа заң жобасы әзірленіп жатыр. Бұл заң қабылданса, сақтандыру нарығындағы қолданыстағы 11 заңның орнын баспақ. Заң жобасы қазір ашық талқыға шығарылған, талқы аяқталған соң, Құрылтай қарауына ұсынылады. Жоспар бойынша, заң 2027 жылы қабылдануы мүмкін.

Үш түрлі табиғи апаттан міндетті сақтандыру енгізіледі

Осы заңдағы негізгі жаңалықтың бірі – тұрғын үйді табиғи апаттан міндетті сақтандырудың енгізілуі. 2030 жылға қарай тұрғындар басындағы баспанасын орман өрті, су тасқыны және жер сілкінісі сынды апаттардан сақтандыруы тиіс.

Freedom Insurance басқарма төрағасы Азамат Керімбаевтың айтуынша, табиғи апаттан міндетті сақтандыру жарнасы әр аймақта табиғи апаттардың туындау қаупіне қарай сараланады. Қазірг...

Қазақстан Hyundai Motor Company компаниясымен қалаларды цифрландыру, ЖИ мен робототехниканы дамыту бағытында ынтымақтастық орнатпақ. Тараптар Алматы мен Алатау қалаларында ақылды автотұрақтар, роботтандырылған жеткізу қызметтері және интеллектуалды көлік жүйелерін енгізу мүмкіндігін қарастырып жатыр. Осы мақсатта Жасанды интеллект және цифрлық даму министрлігі мен Hyundai Motor Company өзара түсіністік туралы меморандумға қол қойды.

Құжатқа премьер-министрдің орынбасары – жасанды интеллект және цифрлық даму министрі Жаслан Мәдиев пен Hyundai Motor Group атқарушы вице-президенті Хогын Чон бастаған делегацияның кездесуі қорытындысында қол қойылды.

Hyundai Қазақстанда қандай жобаларға қатысуы мүмкін

Кездесуде тараптар қалаларды басқару жүйесіне заманауи технологияларды енгізу мәселесін талқылады. Оның ішінде бірнеше бағытқа басымды...

Елге ұшақпен келетін азаматтар құны 10 000 еуроға дейінгі және салмағы 50 кг-ға дейінгі жеке заттарды бажсыз кіргізе алады. Дегенмен, телефон, ноутбук немесе ақша сомасы мен алкоголь өнімдеріне қатаң лимиттер қойылған, деп хабарлайды Kursiv.Media Мемлекеттік кірістер комитетіне сілтеме жасап.

Жеке пайдалануға арналған тауарлар – жеке, отбасылық және үй қажеттіліктерін қанағаттандыруға арналған, кәсіпкерлік қызметпен байланысы жоқ заттар.

ЕАЭО шекарасы арқылы қанша тауар әкелуге рұқсат етіледі?

Елде инфляция баяулап, базалық мөлшерлеменің төмендеуі депозит ставкаларына да әсер етуде. Теңгемен жинақ сақтайтындар үшін банктердің ұсынысы әртүрлі: бірінде ақшаны толықтырып, қажет кезде алуға болады, екіншісінде жоғары мөлшерлеме үшін қаражатты белгілі мерзімге қалдыру керек. 2026 жылғы 4 қарашадағы кестелерде жылдық тиімді сыйақы мөлшерлемесі 19,02%-ға дейін жетеді.

Депозит таңдағанда көз алдымен пайызға түседі. Алайда сол көрсеткіштің артында күнделікті тұрмысқа әсер ететін шарттар бар. Жинақты ай сайын толықтыруға бола ма? Күтпеген шығын туындаса, ақшаның бір бөлігін алуға мүмкіндік бар ма? Әлде қаражат мерзімі біткенше шотта жатуы керек пе? Банктер ұсынатын табыстылық осы мүмкіндіктерге қарай өзгереді.

Ақша қолжетімді болса

Толықтыру және ақша...

Осы жылдың желтоқсанында Шоқан Уәлиханов туралы жаңа фильмнің тұсауы кесіледі. Картинада ғалымның жаңа бейнесін танисыздар дейді туындының бас продюссері Мая Бекбаева Алматыда өткен Шоқан Уәлихановтың зияткерлік мұрасына арналған II Халықаралық Shoqan Forum-да.

Шоқан жайлы еңбек деректі көркем фильм сипатында түсірілген. Продюссер картинаны түсіруге дайындық кезінде бұрынғы еңбектерді де қарап шыққан.

«Шоқан Әлиханов туралы кеңес заманында екі фильм түсірілген. Сондықтан бұл жобаны жасау бір жағынан қиын болды. Өйткені ол фильмдер кеңестік идеологияның ықпалымен түсірілген еді. Көптеген құжат қолжетімді болмады, тақырып та бүгінгідей терең зерттелмеген. Қазір, әрине, ақпарат та көп, мүмкіндік те мол», – дейді Мая Бекбаева...

Қостанайда полицейлер 86 жастағы қартты өтірді деген күдікпен 17 жастағы жасөспірімді ұстады, деп хабарлайды Kursiv.Media.

Қостанай облысы полиция департаментінің мәліметінше, зейнеткердің мәйіті өз үйінің ауласынан зорлық-зомбылық белгілерімен табылған. Аталған факті бойынша қылмыстық іс қозғалды.

«Жедел-іздестіру шаралары барысында күдікті анықталып, ұсталды. Ол жергілікті кәмелетке толмаған тұрғын болып шықты. Күдікті уақытша ұстау изоляторына қамалды», – делінген ресми хабарламада.

Қазіргі уақытта тергеу жүріп жатыр. Құқық қорғау органдары оқиғаның мән-жайын анықтауда.

Еске сала кетейік, қайғылы оқиға 30 қазанда Көбеев көшесінде болған. Зейнеткер тұрғын үйдің ауласына серуендеуге шыққан кезде белгісіз біреулер оған шабуыл жасаған.

Бұған дейін Солтүстік Қазақстан...

Маңғыстау облысында оқу-жаттығу кезінде әскери қызметшілердің қаза табуына қатысты қылмыстық істі тергеу аяқталуға жақын. Іс аясында 300-ден астам адамнан жауап алынып, 30-дан астам сот сараптамасы мен зерттеу жүргізілген, деп хабарлайды Kursiv.Media.

Бас прокуратураның мәліметінше, қайғылы оқиғаға байланысты Қарулы күштердің Әскери-теңіз күштерінің басшылығы мен әскери бөлім командирлерін қоса алғанда, сегіз лауазымды тұлға қамауға алынған.

Ішкі істер министрлігінің әскери-тергеу органдары істі тергеуді жалғастырып жатыр. Ал тергеу барысы Бас прокуратураның ерекше бақылауында.

Тергеу барысында не анықталды

Қылмыстық іс бойынша оқиғаның барлық мән-жайын анықтау үшін кешенді тергеу әрекеттері жүргізілген. Қазіргі уақытқа дейін 300-ден астам адамнан жауап алынып, 30-дан астам сот сараптамасы мен...

Алматы қаласының Наурызбай ауданындағы Қарағайлы қорымында жүргізілген археологиялық қазба жұмыстары кезінде сақ дәуіріне жататын бірегей алтын әшекей табылды. Сонымен қатар обадан көптеген адам сүйегі мен көне қыш ыдыстардың сынықтары анықталды, деп хабарлайды Kursiv.Media.

Алматы қаласы әкімдігінің қолдауымен қала музейлер бірлестігі Қарағайлы қорымында шұғыл археологиялық зерттеу жұмыстарын жүргізді. Ғалымдардың алдын ала болжамы бойынша, ескерткіш біздің заманымызға дейінгі IV-III ғасырларға жатады.

Диаметрі 25–26 метр, биіктігі шамамен 2,5 метр болатын оба ежелгі заманда тоналған. Соған қарамастан, қазба барысында құнды жәдігерлер табылды. Археологтердің пайымдауынша, мұнда төрт ересек адам мен үш бала жерленген болуы мүмкін. Алайда олардың нақты саны әлі анықталған жоқ.

Ең ерекше олжа...

Шетелдік инвесторлардың қазақстандық жобаларға қаржы құюы жалғасып жатқанына қарамастан, 2026 жылдың бірінші жартыжылдығында тікелей шетелдік инвестициялардың таза ағыны екі есеге жуық қысқарды, деп хабарлайды Kursiv.Media Finprom.kz порталына сілтеме жасап.

2026 жылдың алғашқы алты айында Қазақстан 9,4 млрд доллар көлемінде жиынтық тікелей шетелдік инвестиция тартты. Бұл өткен жылдың ұқсас кезеңімен салыстырғанда 7,8%-ға аз.

Ал шетелдік инвесторлар алдындағы міндеттемелерді өтеуді қоса алғанда, қарсы инвестициялық операцияларды есепке алатын ТШИ-дің таза ағыны едәуір қысқарған. 2026 жылдың бірінші жартыжылдығында бұл көрсеткіш бар болғаны 470,6 млн долларды құрап, өткен жылдың сәйкес кезеңіндегі көрсеткішпен ($928,5 млн) салыстырғанда 49,3%-ға азайды.

Сонымен қатар, қайта инвестицияланған кіріст...

Қызылша балалардың денсаулығына үлкен қауіп төндіруі мүмкін. Өйткені бұл жұқпалы ауру пневмония, энцефалит және есту қабілетінің төмендеуі сияқты ауыр асқынуларға әкеледі. Мамандар ата-аналарға балаларын қызылшаға қарсы уақытында вакциналауға кеңес береді. Қазақстанда алғашқы екпе 1 жаста, екіншісі 6 жаста салынады. Алматы №36 қалалық емханасының педиатрия бөлімшесінің меңгерушісі Дильдора Кенжаева қызылшаға қарсы екпені кейінге қалдырмаудың маңызын түсіндірді.

Қызылша несімен қауіпті

Қызылша – адамнан адамға өте жылдам тарайтын жұқпалы ауру. Ол тек дене қызуының көтерілуі мен бөртпенің пайда болуымен шектелмейді. Инфекция өкпенің қабынуына (пневмония), мидың қабынуына (энцефалит) және есту қабілетінің төмендеуіне себеп болуы мүмкін. Кей жағдайда ауру өлімге де әкеледі.

Қазақстанда автокөлігін сатып алғаннан кейін бір жыл өтпей, бастапқы бағасынан қымбатқа сатқан азаматтар құн өсімінен жеке табыс салығын (ЖТС) төлеуге міндетті. Бұл ретте салық көліктің толық құнынан емес, сатып алу және сату бағасының арасындағы айырмашылықтан есептеледі. Бұл туралы Маңғыстау облысы бойынша Мемлекеттік кірістер департаменті хабарлады. Ведомство көлік сатқан кезде салық қандай жағдайда туындайтынын және оны төлеу тәртібін түсіндірді.

ЖТС төлеу міндеті қашан туындайды?

Құн өсімінен табыс төмендегі екі шарт қатар орындалған жағдайда пайда болады:

Егер қазақстандық нөмірлі көлік бір жыл немесе...

Грузияда жасырынып жүрген Қазақстан азаматы елге қайтарылды. Ол өзін отандық өндіруші ретінде көрсетіп, ауруханаларға сапасыз медициналық техника өткізу арқылы мемлекетке 4,5 млрд теңгеден астам залал келтірген, деп хабарлайды Kursiv.Media.

Бас прокуратура мен Ұлттық қауіпсіздік комитетінің қызметкерлері аса ірі мөлшерде алаяқтық жасап, сондай-ақ жалған медициналық бұйымдарды ірі мөлшерде өндіріп өткізген Қазақстан азаматын Грузиядан экстрадициялады.

Тергеу барысында күдіктінің мемлекеттік медициналық ұйымдардың медициналық жабдықтарды сатып алу жөніндегі тендерлерінде басымдылыққа ие болу мақсатында отандық тауар өндіруші мәртебесін заңсыз алу схемасын ұйымдастырғаны анықталды.

Атап айтқанда, ол нақты өндірісті ұйымдастырмай, медициналық техниканың Қазақстанда өндірілетіні туралы уәкілетті мемлекеттік органдарға жалған мәліметтер ұсынған.

Нәтижесінде шетелдік жинақтаушы...

Жасанды интеллект, энергетика, цифрлық сервистер және теміржол. Жыл соңындағы IPO күнтізбесінде әртүрлі саланың компаниялары тоғысып отыр. Олардың мақсаты ортақ – дамуға капитал тарту. Ал инвестор үшін басты мәселе: осы бизнестердің болашағы қандай бағаға ұсынылады.

2026 жылдың аяқталуына екі айға жетпейтін уақыт қалды. Қор нарығында бұл бірнеше ірі орналастыруға мүмкіндік беретін кезең. Дегенмен компанияның биржаға шығу ниеті мен акция саудасының басталуы арасында ұзақ жол бар. Бірі құжаттарын жариялап, инвесторлармен кездесуге дайындалса, енді бірі нарықтың қолайлы сәтін күтіп отыр. Қолайлы сәт әдетте жылдың соңы деп жатады…

Kursiv Media жыл соңына дейін IPO өткізуі мүмкін компанияларды жинақтап, олардың биржаға...

Жамбыл облысында Шерзат Полаттың қазасына арнаған өлеңімен көпшілікке кеңінен танылған ақын Ербол Бықыбаев қамауға алынды. Бұл туралы заңгер Дәулетхан Ахметов инстаграм парақшасында айтты, деп жазады KursivM.edia.

«Қылмыстық Кодекстің 256-бабы, екінші бөлігімен терроризмді насихаттау күдігі бойынша ұстап отыр. Бұл бап бойынша жазасы өте ауыр. Жеті жылдан 12 жылға дейін бас бостандығынан айырады. Бас бостандығынан шектеу жазасы қарастырылмаған», – деді ол парақшасында.

Заңгердің сөзінше, Ербол Бықыбаев тікелей эфирлердің бірінде діни араздықты қоздыру мүмкін деген сипаттағы сөздер айтқан. Бірақ қамауға алынуына дәл сол видеосы себеп деген нақты ақпарат жоқ.

Kursiv.Media осыған қатысты облыстық полиция...

Көлік министрлігі ақылы автомобиль жолдарының желісін кеңейтіп жатыр. Осыған байланысты қайта жаңғыртылған «Ақтөбе – Қандыағаш» автожолының 11-шақырымынан 100-шақырымына дейінгі бөлігі ақылы жолдардың қатарына енгізіледі, деп хабарлайды Kursiv.Media.

Көлік министрлігінің мәліметінше, жол жүру ақысы учаскелерге қарай әртүрлі болады. Атап айтқанда, 11-шақырымнан 87-шақырымға дейінгі аралықта барлық көлік түрі, соның ішінде жеңіл автомобильдер үшін де ақы алынады. Ал 87-шақырымнан 100-шақырымға дейінгі учаскеде және «Қандыағаш – Мақат» жолының қалған бөлігінде ақы тек автобустар мен жүк автомобильдерінен алынады.

Жол жүру құны жүріп өткен қашықтыққа, көлік құралының санатына, жүк көтергіштігіне және төлем тәсіліне байланысты белгіленеді.

Іргелес аудандардың тұрғындарына жеңілдікпен абонементтер қарастырылған. Жергілікті тұрғындардың жеңіл...

Түрікменстан президенті Сердар Бердімұхамедов Каспий теңізінің жағалауындағы Түрікменбашы қаласынан Қазақстан шекарасына дейінгі автомобиль жолының жаңа учаскесін пайдалануға берді, деп хабарлайды Kursiv.Media.

Түрікменстан басшысы Гарабогаз (Қарабұғазкөл) қаласынан Қазақстанмен шекаралас аумаққа дейінгі 44 шақырымдық жол учаскесінің ашылу рәсіміне қатысты. Аталған жол «Солтүстік – Оңтүстік» халықаралық көлік дәлізінің құрамдас бөлігі саналады.

Сердар Бердімұхамедовтің айтуынша, жаңа жол халықаралық маңызы бар көлік бағыттарының маңызды буынына айналып, өңірдің транзиттік әлеуетін арттыруға мүмкіндік береді.

Сонымен қатар Түрікменстан президенті ұзындығы 550 шақырым болатын Ашхабад – Дашоғыз автомобиль магистралінің құрылысын бастау рәсіміне қатысты.

Жаңа магистраль елдің солтүстік өңірін астанамен байланыстырып, көлік қатынасының қауіпсіздігін қамтамасыз етуге, транзиттік...

2027 жылы елде электр энергиясының тарифі 10–12% төңірегінде көтерілуі мүмкін. Мұндай пікірді «Атамекен» ҰКП басқарушы директоры Жақып Хайрушев LS басылымына берген сұхбатында айтты, деп хабарлайды  Kursiv.Media.

Сарапшының сөзінше, 2026 жылдың күзінде энергия өндіруші ұйымдар шекті тарифтерді қайта қарап үлгерген.

«2026 жылдың соңына дейін қосымша тариф өсімі болмайды деп ойлаймын. Ал 2027 жылға келсек, бәрі генерациямыздың алдағы жылыту маусымынан қалай өтетініне, электр станцияларының қыстан кейінгі техникалық жағдайына және оларды қалпына келтіру мен келесі маусымға дайындауға қанша қосымша шығын қажет болатынына байланысты», – деп атап өтті Хайрушев.

Оның бағалауынша, келесі жылы тарифтер «инфляция плюс»

Атырау облысында электр энергетикасын дамытудың 2034 жылға дейінгі жоспары әзірленді. Құжатта жалпы қуаты 1 290 МВт болатын бес ірі жобаны іске асыруды көзделген, деп хабарлайды Kursiv.Media облыс әкімдігінің баспасөз қызметіне сілтеме жасап.

Генерацияны күшейтуге деген қажеттілік электр энергиясын тұтыну көлемінің артуына байланысты туындап отыр. Оның ішінде жаңа өнеркәсіптік жобалардың сұранысы да бар.

Энергетика және ТҮКШ басқармасының басшысы Айдулат Кенжебеков баяндағандай, өңірдегі электр энергиясын өндіру көлемі – 1 266 МВт. Жаз мезгілінде көршілес энергия тораптардан алынатын қосымша электр энергиясын 220–270 МВт шамасында болады.

2030 жылға дейін бес жаңа нысанды пайдалануға беру жоспарланып отыр: қуаты 250 МВт-тан болатын «Sterna Power» ЖШС...

Тұрсынбек Қабатовтың екінші әйелі Айман Талғатқызы TADDS брендімен әйелдерге арналған екілік тігіп жатыр, деп хабарлайды Kursiv.Media.

Ол өнімдерді «TADDS-тің жеке тігін өндірісі» деп көрсеткен. Айман Талғатқызы әлеуметтік желіде t_a_d_d_s никнеймімен белсенді.

Өнімдерінің, яғни екіліктердің премиум сапада екеніне кепілдік беріп отыр. Кейбір киім үлгілерінің жеңінде үкі тағылған. Қауырсындар 8 қабаттан тұрады. Қаласаңыз, алып тастауға да болады екен. Бағасы 35 теңге деп көрсетілген.

Күнделікті әйелдер киімі десек те, өте сәнд...

5 қарашадан бастап Астана – Алматы және Астана – Семей бағыттарында қатынайтын Stadler пойыздарына билет сату басталады, деп хабарлайды Kursiv.Media.

«Жолаушылар тасымалы» компаниясы мәлімдегендей, алғашқы пойыздар елордадан Алматыға 11 қарашада, Семейге 13 қарашада жолға шығады.

«Бүгінде «Жолаушылар тасымалы» АҚ 100-ден астам Stadler вагонын қабылдап алды. Оларды кезең-кезеңімен пайдалануға беру жолаушыларға көрсетілетін қызмет сапасы мен сапар жайлылығын арттыруға мүмкіндік береді», – деді компания басқарма төрағасы Әнуар Ахметжанов.

Жаңа вагондар Қазақстанның климаттық ерекшеліктері мен жолаушылар тасымалына қойылатын заманауи талаптарды ескере отырып, Stadler Kazakhstan зауытында шығарылады.

Купе вагондары 40 жолаушыға, ал плацкарт вагондары 56 жолаушыға...

Ақтауда алимент төлеуден жалтарған борышкерлерден балалардың пайдасына 134,8 млн теңге өндірілді. Қарыз болған әкелердің қымбат мүлкі тәркіленген, деп хабарлайды Kursiv.Media.

Атап айтқанда, 2 пәтер, 1 жер учаскесі және 3 автокөлік алимент қарызы есебіне өндірілді.

Мәселен, борышкерлердің бірінің алимент бойынша қарызы 37,8 млн теңгеге жеткен. Тексеру барысында оның атында Toyota Land Cruiser автокөлігі бары анықталды. Жеке сот орындаушысы көлікті 25,5 млн теңгеге бағалап, берешекті өтеу мақсатында өндіріп алушының пайдасына берді.

Тағы бір жағдайда борышкердің 13,4 млн теңгеге бағаланған пәтердегі үлесі алимент қарызын өтеу үшін өндіріп алушыға берілді.

Сонымен қатар табысын жасырып, ата-аналық міндеттерін орындаудан жалтарған 46 борышкер әкімшілік жауаптылыққа тартылды. Ал...

Қазақстан ІІМ Ұлттық ұланының «Бүркіт» арнайы жасағының тарихында алғаш рет қыз әскери қызметші қызметке қабылданды. Қымбат есімді жауынгер халықаралық жарыстарда «Китана» лақап атымен танылған. Енді ол елдегі беделді арнайы бөлімшенің құрамында қызмет етеді деп жазады Kursiv Media.

Қымбаттың «Бүркіт» жасағына қосылуына Дубайда өткен SWAT Challenge халықаралық жарысы себеп болған. Ол жарыста Қазақстан атынан сынға түскен «Томирис» әйелдер командасының құрамында өнер көрсетті. Қазақстандық қыздар әйелдер санатында бірінші орын алып, жалпы командалық есепте 18-орынға тұрақтады. Осылайша, бірнеше ерлер командасынан жоғары нәтиже көрсетті.

Жарыс кезінде мергендігімен көзге түскен Қымбатқа «Бүркіт» арнайы жасағының өкілдері қызметке қосылуды ұсынған. Ол ұсынысты қабылдап, бөлімше тарихындағы...

Қазақстан күнбағысты қайта өңдеу қалдықтарынан өндірілетін отын экспортын айтарлықтай арттырды. Өнімнің негізгі бөлігін әлі де Польша сатып алып отыр. Kursiv.Media бұл туралы Ұлттық майлы дақылдарды қайта өңдеушілер қауымдастығына сілтеме жасап хабарлайды.

Қазақстан таяуда ғана өндіріс қалдығы ретінде қабылданып келген өнім экспортын арттырып жатыр. 2026 жылдың тоғыз айында түйіршіктелген күнбағыс қауызын сатудан түскен экспорттық түсім 6,15 есе өсіп, 3,4 млн долларға жетті. Негізгі өткізу нарығы — Еуропа, онда қазақстандық өнім электр станцияларында биоотын ретінде пайдаланылады.

Ұлттық майлы дақылдарды қайта өңдеушілер қауымдастығының деректеріне сәйкес, 2026 жылдың қаңтар–қыркүйек айларында Қазақстан 63,2 мың тонна күнбағыс шикізатын экспорттады. Бұл өткен жылдың ұқсас кезеңімен салыстырғанда...