Жаңалықтар

Футболдан Әлем чемпионатының 1-туры аясында Норвегия құрамасы Иракты 1:4 есебімен талқандады.
Матчтың басты қаһарманы – норвегиялық шабуылшы Эрлинг Холанд атанды.

Бірінші таймдағы тартыс

Ойын басынан-ақ Норвегия құрамасы қарсыластың айып алаңына қысым көрсетті. 29-минутта Эрлинг Холанд есепті ашып, Норвегияны алға шығарды.
Ирак құрамасы тез арада ес жиып, жауап қатты. 39-минут: А. Хусейн есепті теңестірді. Дегенмен, бірінші таймның соңына таман Холанд тағы да көзге түсті.

43-минутта Эрлинг Холанд екінші голын соғып, дубль жасады.

Екінші таймдағы Норвегияның үстемдігі

Екінші таймда қос команда да ойыншыларды алмастырды. 73-минутта Норвегия сапынан бірден төрт жаңа ойыншы (Шьельдеруп, Торстведт, Остигард, Бобб) шықты, бұл Норвегияның шабуылына жаңа серпін берді.

Футболдан өтіп жатқан Әлем чемпионатының 1-туры аясында Франция мен Сенегал құрамалары кездесті. FIFA рейтингінде 3-орында тұрған Франция өзінің фаворит екенін дәлелдеп, 15-орындағы Сенегал құрамасын 2:0 есебімен қапы қалдырды.

Матч барысы

Ойынның бірінші таймында Сенегал құрамасы қорғаныста жинақы ойнап, француз шабуылшыларына мүмкіндік бермеді. Тіпті өздерінде де гол соғатын бірнеше мүмкіндік болды. Алайда алғашқы 45 минут 0:0 есебімен тең аяқталды. Екінші таймда Франция құрамасы басымдықты өз қолына алды.

66-минутта Франция құрамасының көшбасшысы Килиан Мбаппе Майкл Олисенің керемет пасынан кейін, ойын есебін ашты.

80-минутта бас бапкер Дидье Дешам ойыншыларды алмастырып, Усман Дембеленің орнына Брэдли Барколяны шығарды. Алаңға жаңадан шыққан Барколя Адриен Рабьоны...

Петропавлда бесінші қабаттың терезесінен құлап кете жаздаған екі кішкентай бала отбасынан алынды, деп хабарлайды HALYQSTAN Telegram-арнасы.

Оқиға 15 маусымда қала орталығындағы бес қабатты үйлердің бірінде болған. Алдын ала мәлімет бойынша, әкесі үйде ұйықтап жатқан, ал анасы балаларға пицца алуға кеткен. Арнаның хабарлауынша, ата-ананың екеуі де мас күйінде болған. Осы уақытта үш жасар ұл мен төрт жасар қыз терезе алдына шығып кеткен.

Сағат 21:00 шамасында балаларды СҚО ПД процессингтік орталығының қызметкері Ержан Тамышев байқаған. Ол досынан 102 арнасына қоңырау шалуды және сәбилердің назарын аударуды сұрап, өзі подъезге жүгірген.

Белгілі болғандай, пәтер іштен құлыпталмаған. Полиция қызметкеріне есікті мас әкесі ашқан. Арнаны...

Қызылордадағы «Арай» саябағының басшылығы аттракционда 18 жастағы жігіт аяғынан айырылған қайғылы оқиғаның мән-жайын мәлімжеді, деп хабарлайды «31 арна».

«Сыр самалы» ЖШС директорының орынбасары Ғани Тұрсекеев зардап шеккен жігіттің саябақта аттракцион операторы болып жұмыс істегенін айтты.

«Біздің қызметкер, оператор жігіт аттракционның қоршауынан ішке кірген. Ол неліктен онда барғанын әлі анықтаған жоқпыз, оны тексеруші органдар анықтап жатыр. Қауіпсіздік техникасы ережелеріне сәйкес, аттракцион жұмыс істеп тұрған кезде, оған кіруге қатаң тыйым салынады», – деді директордың орынбасары.

Алдын ала мәлімет бойынша, қызметкер жылап тұрған баланы жұбату үшін «Америкалық төбешіктерге» жақындаған. Сол сәтте кабинка жігіттің аяғын қысып қалған.

Елдің солтүстігі мен орталығында бұршақ аралас жаңбыр жауып, дауыл тұрса, оңтүстік пен шығыста күн жылына түседі. «Қазгидромет» 17 маусымға арналған ауа райы болжамын ұсынды.

Қостанай орталығында сотқа қатысу үшін бара жатқан бес тұтқын отырған полиция көлігі жол апатына ұшырады, деп хабарлайды «Наша газета».

Апат 16 маусым күні түс мезгілінде болды. Полиция автокөлігі таксимен соқтығысып, бүйіріне аударылып қалған. Полиция департаментінің хабарлауынша, автозак сотқа бес тергеу-тұтқынын апара жатқан.

«Алдын ала деректер бойынша, қызметтік Jac автокөлігі Баймағамбетов көшесімен келе жатып, жарқылдауық маяктары қосулы күйде қиылыстан өту кезінде маневр қауіпсіздігіне көз жеткізбестен, Гоголь көшесімен бағдаршамның рұқсат беру сигналына қарай жүріп келе жатқан Chevrolet Cobalt автокөлігімен соқтығысқан», – делінген хабарламада.

Ақмола облысы прокуратурасының хабарлауынша, арнайы прокурорлар Щучинскідегі «Центр плова Loft» дәмханасында болған газ баллонының жарылуы мен өртке қатысты істі тергеуді аяқтады.

Қадағалау органының дерегінше, қылмыстық жауапкершілікке үш адам тартылуда: мекемені жалға алушы, автогаз құю станциясының директоры және газ жеткізумен айналысқан адам.

Олардың әрекеттері ҚР Қылмыстық кодексінің 292-бабының 3-бөлігі «Өрт қауіпсіздігі талаптарын бұзу» және 306-бабының 3-бөлігі «Қауіпсіздік талаптарына сай келмейтін қызметтер көрсету» бойынша сараланды.

Прокуратура арнайы прокурорлар қауіпсіздік талаптарын бұзу мен орын алған ауыр зардаптар арасындағы тікелей себеп-салдарлық байланысты анықтағанын хабарлады.

«Іс бойынша түпкілікті шешімді сот қабылдайды», — деп хабарлады өңір прокуратурасы.

Естеріңізге сала кетейік...

Президент Қасым-Жомарт Тоқаевтың төрағалығымен өткен Қауіпсіздік Кеңесінің отырысында отандық ғарыш саласының қазіргі жай-күйі мен даму болашағы талқыланды.

Жиын барысында ғарыш инфрақұрылымын жетілдіру, спутниктік байланыс жүйелерін нығайту және саланың стратегиялық әлеуетін мемлекет мүддесі үшін тиімді пайдалану мәселелеріне ерекше назар аударылды.

Ғарыш индустриясы жаңа кезеңге өтуде

Мемлекет басшысы бүгінгі таңда ғарыш секторының жаһандық ауқымда түбегейлі өзгергенін атап өтті. Бұрынғыдай ғарыш саласы тек ірі державалардың «жабық клубы» болып қала бермейді. Қазір жекелеген компаниялар байланыс, навигация, ғарыштық мониторинг және ғылыми зерттеулер сияқты маңызды бағыттарды белсенді дамытып келеді. Осы орайда Қазақстан да бұл үрдістен қалыс қалмай, заманауи талаптарға сай бейімделуі тиіс.

Үкіметке жүктелген...

Шиелі – Түркістан теміржол учаскесінде Саратов – Алматы бағытындағы №7/8 жолаушылар пойызының бір вагонының дөңгелек жұптары рельстен шығып кетті.

«Жолаушылар тасымалы» АҚ ақпараты бойынша, оқиға 16 маусымда сағат 12:49-да техникалық себептерге байланысты болған. Жолаушыларға медициналық көмек ұсынылды, алайда олар одан бас тартты.

Оқиғаның салдарын жою және қозғалысты қалпына келтіру үшін оқиға орнына жедел түрде қалпына келтіру пойызы жіберілді.

Сондай-ақ, жолаушыларды тасымалдау үшін қосымша пойыз тағайындалды. Отырғызу және жөнелту жұмыстары жедел режимде ұйымдастырылды.

Ұлттық тасымалдаушы компания жолаушылардан келтірілген қолайсыздықтар үшін кешірім сұрады.

«Қазақстан темір жолы» ұлттық компаниясы Есіл – Арқалық учаскесіндегі теміржол өткелінде пойыз бен трактор соқтығысып, тракторшы...

УЕФА штаб-пәтерінде футболдан 2026/27 жылғы Чемпиондар лигасының бірінші іріктеу кезеңіне жеребе тартылды. Алматылық «Қайрат» іріктеуді Никшич қаласының черногориялық «Сутьеска» клубымен өтетін матчтармен бастайды.

Бірінші іріктеу кезеңінің матчтары 7/8 және 14/15 шілдеде өтеді. Қазақстан чемпионы алғашқы ойынын өз алаңында өткізеді.

Жеребеге қатысқан 28 еуропалық клубты ұйымдастырушылар рейтингі мен географиялық орналасуына сәйкес екі топқа бөлді.

Айта кетейік, өткен маусымда Чемпиондар лигасының ортақ кезеңінде өнер көрсеткен алматылық «Қайраттың» 21,2 миллион еуро (11 млрд...

Мажарстан парламенті премьер-министрдің қызметте болуын екі төртжылдық мерзіммен шектейтін конституцияға түзетуді қабылдады.

Түзетуді қабылдау үшін 134 депутат дауыс берді, 50-і қарсы шықты, алтауы қалыс қалды.

Жаңа заңның кері күші бар және ол 1990 жылдан бастап премьер-министр қызметін атқарғандардың барлығына қатысты қолданылады.

Бұл Мажарстанның экс-премьері Виктор Орбанның үкімет басшысы қызметіне қайта орала алмайтынын білдіреді. Ол өзінің саяси мансабында министрлер кабинетін бес мерзім бойы, оның ішінде 2010 жылдан бері үздіксіз басқарды.

Түзетудің бастамашысы ретінде қазіргі премьер-министр Петер Мадьярдың биліктегі «Тиса» (Tisza) партиясы сөз сөйледі.

Премьер-министрдің өкілеттік мерзімін шектеу 2026 жылдың сәуірінде өткен парламенттік сайлауда жеңіске жеткен оның партиясының негізгі сайлауалды уәделерінің бір...

Солтүстік Қазақстан облысында ауыл шаруашылығы алқабын химиялық өңдеу кезінде ер адам қаза тапты, деп хабарлайды Kazinform.

Оқиға 14 маусымда Ленин ауылдық округіндегі «Қазақстан Бидайы» ЖШС алқабында болды. Қаза болған азамат 46 жаста, шаруашылықта механизатор болып жұмыс істеген және Новоселовка ауылының тұрғыны болған.

Сағат 10.00 шамасында ер адамды егістікке химиялық өңдеу жұмыстарын жүргізу үшін апарған. Түнге қарай, сағат 23.00 шамасында оның жағдайы күрт нашарлап, әріптесі жедел жәрдем шақырған. Ер адамды көлікке отырғызып, дәрігерлерге қарсы жолға шыққан, алайда ол жедел жәрдем бригадасы келгенге дейін көз жұмды.

Өлімнің нақты себебін анықтау үшін мәйіт сот-медициналық сараптамасына жіберілді. Өңірде өндірісте болған қайғылы оқиғаның мән-жайын...

Ақбөкен етін Қорғаныс министрлігі, Ішкі істер министрлігі және Төтенше жағдайлар министрлігінде азық-түлікпен қамтамасыз ету үшін пайдалануы мүмкін. Бұл туралы премьер-министр Олжас Бектеновтің депутаттық сауалға берген жауабында айтылған.

Құжатта Үкіметтің ақбөкен санының өсуінің ауыл шаруашылығына тигізетін кері әсерін азайту, биологиялық әртүрлілікті сақтау және Қазақстанның жануарлар дүниесі саласындағы халықаралық міндеттемелерін орындау бойынша шаралар қабылдап жатқаны атап өтілген.

Үкіметтің дерегінше, ақбөкендер кеңінен таралған өңірлерде жедел штабтар құрылып, ауыл шаруашылығы алқаптарының тапталу фактілері анықталған кездегі іс-қимыл алгоритмдері бекітілді, инспекторлар күшімен жерлерді патрульдеу ұйымдастырылды, сондай-ақ вахталық әдіспен ауысымдық кезекшілік енгізілді.

Жауапта өткен жылы бұл шаралар егістік және шабындық алқаптарының тапталу ауқымын қысқартуға мүмкіндік берген...

Ақтөбедегі Орталық стадионға жиналған 12 800 жас – әнші Димаш Құдайбергеннің жанкүйерлері «Ақерке» әнін шырқады. Димаш Құдайберген «Ақерке» халық әнін орындап, ақтөбеліктерге қатысқандары үшін алғысын білдірді.

«Жастардың жиналғанын көріп тұрмын. Баршаңызды көргеніме қуаныштымын. Бұл сәтті асыға күттім. Сіздер әрқашан менің жүрегімдесіздер. Туған жеріме келіп, жүздеріңізді көргеніме қуаныштымын. Сағындым. Менің Ақтөбем мен Қазақстаным үшін бүкіл әлемге көрсетуге ұят болмайтын бейнебаян шығады деп үміттенемін», – деді әнші.

Айта кетейік, Димаш Құдайберген туған жеріне өткен аптада келген. Ол өзі оқыған мектепке барып, ұстаздарымен кездесті. Сондай-ақ әнші әртістің үлкен LEGO-портретін жасаған оқушылармен де жүздесті.

15 маусымда Түркияның танымал актрисасы Эдже Иртем қайтыс болды. Түрік басылымдарының хабарлауынша, ол анасының қолында көз жұмған. Қайғылы оқиғадан бір күн бұрын актриса мерейтойын атап өткен еді.

Эдже жақындарынан көмек сұрап, содан кейін құлап қалған. Анасы бірден жедел жәрдем шақырғанымен сол жерде қайтыс болды. Дәрігерлердің айтуынша, өлімге жүрек талмасы себеп болған.

«Менің қорғауымдағы Эдже Иртем бүгін сағат 12:00 шамасында дүниеден өтті. Оқиға оның үйінде болды. Алдын ала мәлімет бойынша, өлімге жүрек талмасы себеп болуы мүмкін», – деп мәлімдеді актрисаның адвокаты.

Адвокаттың айтуынша, қазір тергеу амалдары жүріп жатыр. Нақты қорытынды сот-медициналық сараптаманың нәтижелері шыққаннан кейін белгіл...

Кәсіпкер Шахмұрат Мүтәліп сатып алуға ниеттенген шымкенттік «Ордабасы» футбол клубы e-qazyna порталы арқылы 156,9 млн теңгеге сатылды.

Айта кетейік, клубтың аукционға шығарылғандағы алғашқы құны 224,1 млн теңге болған. Алайда 2026 жылғы 28 мамырдағы сәтсіз саудадан кейін клубтың құны бірден 30 пайызға төмендеп, 156,9 млн теңгеге түсті.

Клубты сату бойынша сауда-саттық 16 маусымда өтті. Ережеге сәйкес, активті жалғыз қатысушыға сатуға рұқсат берілген. Клуб нақты 156 913 355 теңгеге сатылды. Әзірге жаңа меншік иесінің есімі жарияланған жоқ.

Сауда-саттыққа қатысу үшін үміткерлер 33,6 млн теңге көлемінде кепілдік жарна төлеуі тиіс болған. Аукцион бағаны көтеру әдісі бойынша жүргізілді. Алайда e-qazyna порталының мәліметінше, футбол...

Нұрсұлтан Назарбаев дәуіріндегі шенеуніктер мен ықпалды байлардан 2022 жылдан бері 99,8 млрд теңгенің 269 активі мемлекетке қайтарылған. Соның ішінде 1 млрд теңгенің зергерлік бұйымдары ел мүлкіне айналды.

Ескі Қазақстанда қайтарылған байлық туралы мәліметті Қайтарылған активтерді басқару компаниясы (KUVA) бас директорының орынбасары Кәрім Шұғаев Астанада өткен жиында келтірді. Дөңгелек үстел отырысында қайтарылған активтерді басқару жүйесін жетілдіру мәселесі талқыланған.

KUVA 2023 қылғы қыркүйекте құрылған. Содан бірнеше ай бұрын президент «Заңсыз иемденілген активтерді мемлекетке қайтару туралы» арнайы заңға қол қойған. Олигополия өкілдерінен заңсыз активтерді қайтару процесі 2022 жылғы Қаңтар оқиғасынан кейін басталған.

Шұғаевтың дерегінше, компания құрылған үш жылға жуық уақыттың ішінде...

Оңтүстік Корея астанасы Сеулде футуристикалық сән көрсетілімі өтті. Онда кәдімгі модельдермен қатар адам тәрізді роботтар да сахнаға шықты деп жазады Reuters.

«Galaxy Corporation» ойын-сауық компаниясы ұйымдастырған шарада дизайнерлік киім киген роботтар жұртшылық алдына шығып, би билеп, тіпті өзара жұдырықтасты. Роботтар мен адамдар сахнада бірге өнер көрсеткені шараға келген көрермендер үшін де тосынсый болды.

Ұйымдастырушылардың айтуынша, көрсетілімнің мақсаты – адамдар мен роботтардың болашақта әлдеқайда тығыз араласып өмір сүретінін көрсету. «Galaxy Corporation» компаниясының бас директоры Чхой Ён-хо болашақта сән үлгілері екі тарапқа да ортақ болатын әлемді елестететінін айтады. Яғни оның сөзінше, адамдар роботтардың образдарынан шабыт алса, роботтар адамдар үшін жасалған...

Америкалық GOBankingRates сарапшылары екінші нарықтан сатып алуға ең тиімді саналатын жүрілген бес кроссоверді анықтады. Рейтингке сенімділігі, өтімділігі және күтіп-ұстау шығындары аз болатын модельдер кірді.

Тізімді жасау кезінде авторлар iSeeCars сарапшыларының деректері мен Cars.com статистикасына сүйенген. Бір қызығы, аталған жол талғамайтын көліктердің барлығы дерлік қазақстандықтарға жақсы таныс және отандық нарықта бұрыннан ұсынылып келеді.

Toyota RAV4 пен Honda CR-V тағы да үздіктер қатарында

Рейтинг көшін Honda CR-V және Toyota RAV4 бастады. Сарапшылар бұл модельдердің сенімділігін, үнемділігін және күрделі жөндеусіз ұзақ уақыт қызмет ету қабілетін атап өтті. Сонымен қатар CR-V жайлылығымен бағаланса, RAV4 техникалық қызмет көрсету...

Алматы хайуанаттар бағы жаңа аңдармен толықты. Халықаралық жануарлар алмасу бағдарламасы аясында АҚШ-тан канадалық сілеусіндердің жұбы жеткізілді.

Жануарлар Алматыға 6 сәуірде келген. Халықаралық алмасу бағдарламасы аясында Алматы зообағы канадалық сілеусіндердің орнына өз қорынан жыртқыш құстарды берген.

Сілеусіндер зообаққа келгеннен кейін міндетті карантиннен өтіп, ветеринарлардың жіті бақылауында болды. Бүгінде олар жаңа ортаға толық бейімделіп, келушілер назарына іліге бастады.

Зообаққа әкелінген сілеусіннің жасы – 3-те, ал ұрғашысы – 7-де. Олар ұсақ жыртқыштарға арналған «леопардтар шеңбері» аумағындағы арнайы вольерлер кешеніне орналастырылды.

Жыртқыштардың күнделікті рационына балық, сиыр еті және тауық еті кіреді.

Канадалық сілеусіннің қандай ерекшелігі бар?

Канадалық сілеусін – Солтүстік Американың солтүстік...

«Қазақстан темір жолы» ұлттық компаниясы 2024 жылы өндіріс қызметкерлеріне 60 млрд теңге көлемінде сыйақы төледі, ал 2025 жылы бұл көрсеткіш 100 млрд теңгеден асты. Бұл туралы Үкіметтегі брифингте ұлттық компанияның басқарма төрағасы Талғат Алдыбергенов мәлімдеді.

Брифинг барысында БАҚ өкілі ұлттық компания басшылығының сыйақысы 1 млрд теңгеден асқаны туралы бұған дейін жарияланған деректерді еске салды. Оның есебінше, бір басшыға шаққандағы орташа айлық төлем шамамен 4,5 млн теңгені құрауы мүмкін.

Осыған байланысты спикерге компания басшылары мен қарапайым қызметкерлердің жалақысы арасындағы елеулі айырмашылықты орынды деп санай ма және мұндай алшақтықты заңнамалық деңгейде реттеу қажет пе деген сауал қойды.

«Мен...

«Қазақстан темір жолы» басқарма төрағасының орынбасары Әнуар Ахметжанов Үкіметтегі брифингте теміржол билеттерінің бағасына қатысты түсініктеме берді.

Журналистер ҚТЖ өкілінен «неліктен пойыз билеттерінің бағасы әуебилеттерімен бірдей болып кетті» деп сұрады. Мәселен, Атыраудан Астанаға дейінгі купе билеті 35 мың теңгені құрап, 2025 жылғы бағамен салыстырғанда шамамен 10 мың теңгеге қымбат.

Әнуар Ахметжановтың айтуынша, теміржол билеттерінің бағасы жыл бойы өзгермеген. Бағаның өсуі соңғы рет 2026 жылдың 1 сәуірінде тіркелген.

«Салыстыру қай кезеңді қамтығанын айту өте маңызды. Сіз айтып отырған 35 мың теңге қаңтар мен желтоқсан аралығындағы баға. Теміржол тасымалында билеттер жыл бойы бір бағада тұрды. Көлік министрлігімен жасалған...

2026 жылдың төрт айында Бірыңғай жинақтаушы зейнетақы қорының (БЖЗҚ) жалпы активтері 171 млрд теңгеге азайып, 1 мамырға қарай 25,72 трлн теңгені құрады. Жыл басынан бері қордың инвестициялық кірісі теріс мәнде қалыптасып, -2,4 млрд теңге болды. Бұл туралы Қаржы нарығын реттеу және дамыту агенттігінің есебінде жазылған.

Оған инвестициялық қызметіндегі уақытша шығын мен халықтың өз жинағын мерзімінен бұрын көптеп алуы себеп болған.

Дегенмен жұмыс істейтін азаматтардың ай сайынғы жарналары есебінен адамдардың жеке шоттарындағы номиналды жинағы 499 млрд теңгеге өсіп, 25,71 трлн теңгеге жетті. Қазір зейнетақы жинақтарының көлемі мемлекеттің ЖІӨ-сіне шаққанда 15,8%-ды құрап отыр.

Қордағы ақшаның азаюына халықты...

«Қазақстан темір жолы» ұлттық компаниясының басқарма төрағасы Талғат Алдыбергенов жеке бизнесі бар екенін растады. Бұл туралы ол үкімет отырысынан кейін өткен брифингте айтты.

«Шынымен ол компанияның құрылтайшысымын. Мемлекеттік қызметкерлердің заңы бойынша, компания сенімгерлік басқаруға берілген. Бірақ қазір «Қазақстан темір жолымен» де, мемлекетпен де жұмыс істемейді. Сондықтан ешқандай мүдделер қақтығысы туындамайды», – деді ол.

Алдыбергеновтың түсіндіруінше, компания құрылтайшысы болғанымен оны басқаруға қатыспайды. Оның кіріс-шығысын есептейтін басқа кәсіпорын бар.

Мұнда сөз болып отырған компания – «АСТАНАТРАНСЭКСПРЕСС» ЖШС. Астанада тіркелген, жүк тасымалымен айналысады, ресми экспедиторлық ұйымдар қатарына енген.

Талғат Алдыбергенов «ҚТЖ» басшылығына 2025 жылы...