Жаңалықтар

Әлеуметтік желілерде Сайранда өнер көрсететін әншілердің микрофонға балағат сөздер айтып, айқайлап жатқан видеосы пайда болды. Қала тұрғындары пікірлерде полициядан бұған шара қолдануды сұрады.

Елена есімді желі қолданушысы Threads платформасына Сайрандағы әншілердің өзара есеп айырысып жатқан видеосын жүктеген. Олар қарсыластары туралы не ойлайтынының бәрін микрофонға балағат сөздермен айқайлап жеткізген. Ал ер адам мен әйел өздерін телефонға түсіріп жатқанын көргенде, Еленаға қарай беттеп, түсірілімді тоқтатуды талап еткен.

«Сайран. Кеш батты. Әр 100 метр сайын музыка, музыка, музыка. Ол әртүрлі, араласып естіледі, нәтижесінде жай ғана хаос тудырады. Ешқандай демалыс жоқ. Оның үстіне мынадай сорақылар келіп, жұрттың көзінше микрофонға балағат...

2026 жылдың қаңтар-мамыр айларында қолма-қол ақшасыз төлемдер көлемі 73,5 трлн теңгеге жетті. Бұл 2016 жылмен салыстырғанда 462,1 млрд теңгеге көп.

Дегенмен соңғы жылдағы өсім қарқыны небәрі 3,9%-ды құрап, айтарлықтай баяулаған.

Банк карталары айналымындағы қолма-қол ақшасыз операциялардың үлесі 87,6%-ға тұрақтап, қалған 12,4%-ы ғана қолма-қол ақша алуға тиесілі болып отыр. Ал 2016 жылы қолма-қол ақшасыз операциялардың үлесі небәрі 12,5%-ды құраған.

Бүгінде банк карталары арқылы жасалатын он операцияның тоғызына жуығы қолма-қол ақшаны алмай-ақ жүзеге асырылады.

Өңірдегі көрсеткіштер қандай?

Төлемдердің басым бөлігі әлі де ірі қалаларда шоғырланған:

«ҚазАвтоЖол» ұлттық компаниясы қазақстандықтарға ақылы жолдармен жүруге арналған абонементтің құны мен оны рәсімдеу тәртібін түсіндірді. Сондай-ақ жүргізушілерге айлық және жылдық абонемент сатып алуға болатынын еске салды.

Ол үшін көлік құралы ақылы жолдар учаскесіне іргелес аудандарда тіркелу қажет (көлік құралының тіркелген жері ҚР ІІМ деректер қорынан алынады) және жол ақысы үшін қарызы болмауы тиіс.

Ал абонементті алу үшін онлайн, клиенттермен жұмыс істеу орталығына немесе ақы төлеу пунктіне барып өтінім беруге болады.

Абонементтің екі түрі бар: бір айлық және бір жылдық.

Бір айлық абонемент (күнтізбелік 30 күн):

– жеңіл көліктерге қарастырылмаған;

Атырау облысында тегін медициналық көмекті ақылы қызмет ретінде көрсетіп, пациенттерді алдаған хирург-дәрігердің ісі сотқа жолданды. Ол екі жыл ішінде емделушілер мен мемлекетті миллиондаған теңгеге шығынға ұшыратқан.

Қаржылық мониторинг агенттігінің мәліметінше, дәрігер 2023-2025 жылдар аралығында «Family Health Clinic» және «Ким В.» клиникаларында жұмыс істеп, варикозды емдеген. Бірақ бұл операциялардың Міндетті әлеуметтік медициналық сақтандыру (МӘМС) пакеті аясында тегін жасалатынын пациенттерден жасырып келген.

Салдарынан дәрігер бір қызмет үшін екі жерден ақша алып отырған. Ота тегін екенін білмеген 42 адам дәрігердің жеке банктік шотына жалпы көлемі 8 млн теңгеден астам ақша аударған. Ал «DamuMed» жүйесіне бұл операциялар тегін жасалды деп жалған мәлімет енгізген. Соның негізінде Әлеуметтік медициналық сақтандыру қоры...

Блогер Диана Қырықбай бала туғаны үшін ер-азаматынан 100 млн теңге немесе Гелендваген сұрап жатқан әйелдерге қатысты ойын айтты.

Оның айтуынша, мұндай талапты кез келген әйелдің қоюы дұрыс емес.

«100 млн теңге бересің немесе Гелендваген алып бересің. Сонда ғана мен саған бала туып беремін» деген әңгімені естіген шығарсыздар. Маған он қыз хабарлама жіберді. Мен осы әңгімені қозғағым келіп жатыр», – деді Диана Қырықбай.

Оның пікірінше, бұл әңгімені танымал блогер айтқан. Өзі де блогер болғандықтан, бұл мәселеге қатысты пікір білдіргісі келген.

«Қыздар, видео көрген кезде «бұл әңгіме маған келе ме, келмей ме» деген сұрақты өздеріңізге қою керексіздер. Сәния жасының 39-да екенін, бұрын тұрмыста...

2026 жылдың алғашқы үш айында TikTok Қазақстанда ереже бұзған 1,28 миллион видеоны өшірді. Бұл туралы платформа жариялаған жаңа есепте белгілі болды.

Ереже бұзушылықтардың 99,4%-ын жүйе өздігінен анықтаған. Видеолардың 95,6%-ы жарияланғаннан кейін алғашқы тәуліктің ішінде платформадан жойылған.

Әлемдегі жағдай

2026 жылдың үш айында TikTok бүкіл әлем бойынша Қоғамдастық ережелерін бұзған 184 миллионнан астам видеороликті өшірді. Контенттің 99,3%-ын жүйе өзі анықтаған. Ал видеолардың 94,4%-ы жарияланғаннан кейін алғашқы 24 сағат ішінде жойылған.

TikTok автоматты модерацияға басымдық беруді жалғастырып келеді. 2026 жылы компания статистикаға жасанды интеллект өздігінен өшіретін видеоларды алғаш рет қоса бастады.

Қазіргі уақытта автоматтандырылған жүйелер, соның ішінде жасанды интеллект...

Қарлығаш Жаманқұлова Халықаралық сөз бостандығын қорғау «Әділ сөз» қоры президенті қызметінен кетті. Бұл туралы ол әлеуметтік желідегі парақшасында жазды.

«Бүгін мен құрылтайшылар жиналысына Халықаралық сөз бостандығын қорғау «Әділ сөз» қоры президенті өкілеттігін тоқтату, сондай-ақ Құрылтай сайлауына кандидат ретінде ұсынылуыма байланысты рөлдер қақтығысының туындауына жол бермеу мақсатында құрылтайшылар құрамынан шығу туралы өтінішімді жолдадым», – деді ол.

Жаманқұлова қор жұмысына студент кезінен араласқанын айтады. Кейін халықаралық ұйымдарда жұмыс істегенде қор жобаларына қолдау көрсетіп жүрген. Ол «Әділ сөзде» жұмыс істеген уақытын тұтас бір дәуірге теңеді.

«Бұл уақыт еліміздің медиа кеңістігіне, оның күшт...

Жаздың аптап ыстығында үйдің іші де тез ысып кетеді. Әсіресе кондиционері жоқ пәтерде немесе үйде ұзақ отыру жайсыздық тудырып қана қоймай, денсаулыққа да кері әсер етуі мүмкін. Алайда арнайы техникасыз-ақ бөлмені салқын ұстаудың қарапайым әрі тиімді тәсілдері бар.

Қалың перде немесе жалюзи қолданыңыз

Күн сәулесі терезе арқылы бөлмеге еніп, ауаны және үй ішіндегі заттарды қыздырады. Мұның алдын алу үшін терезеге қалың перде немесе жалюзи ілген дұрыс.

Күндіз дала жарық болған кезде оларды жабық ұстау бөлменің қатты қызып кетуіне жол бермейді.

Терезеге күннен қорғайтын пленка жабыстырыңыз

Пердені үнемі жауып қоюдың бір кемшілігі – бөлме қараңғы болып кетеді. Егер табиғи...

Өзбекстан ұлттық құрамасының бас бапкері Фабио Каннаваро қызметін сақтап қалады. Италиялық маман команданы 2027 жылы өтетін Азия Кубогына дайындайды. Бұл туралы Championat.asia хабарлады. 

Өзбекстан футбол қауымдастығының басшылығы Каннавароға толықтай сенім артып, алдағы уақытта Сауд Арабиясында өтетін 2027 жылғы Азия Кубогында чемпиондық атақ үшін таласу міндеті қойылды.

Еске сала кетейік, Өзбекстан құрамасы алғаш рет Әлем чемпионатына қатысып, үш ойында да жеңіліс тапты. Әлем чемпионатындағы сәтсіз ойыннан кейін жанкүйерлер бас бапкерді қызметінен кетуін сұрады. Алайда, Өзбекстан футбол қауымдастығы Каннавароға тағы бір мүмкіндік берді.

Әнші әрі актриса Айгүл Иманбаева жасалуға тиіс ота кейінге қалдырылғанын мәлімдеді.

Оның себебі медициналық талдаулары жақсы нәтиже көрсетпеген.

«Мен бүгін жоспарлы отаға жатуым керек еді. Жата алмай қалдым. Себебі, менің кейбір талдауларым дұрыс болмай, дәрігерлерім қайта тапсыруға жіберді. Анестезиологым да, хирургым да», – деді актриса.

Айгүл Иманбаева дәрігерлерінің біліктілігіне, ісіне деген жауапкершілігіне ризашылық білдірді.

«Ол кісілердің жұмысы маған ұнады. Соншалықты нашар емес, нормада болғанның өзінде де, өздері де, мен де сенімді болуым үшін қайта тапсыртып жатыр. Жауапкершілік, денсаулық және өмір деп айтты. Содан кейін қайта тапсырдым… Жүрегім тарсылдап тұр. Бәрі жақсы болса, ота жасатамын», – дед...

Қазақстандық оқушылар Гонконгта өткен роботехника жарысына қатысып, жүлделі орындарды иеленді. Бұл туралы Оқу-ағарту министрлігі хабарлады.

PhysTech School Almaty мектебінің «PEAK» командасы чемпионаттың ең жоғары марапаттарының бірі – 1st Runner-Up атағын жеңіп алды. Сондай-ақ команда ең инновациялық көрме аймағы үшін берілетін Most Innovative Booth Award арнайы жүлдесімен марапатталды. Robot Game санатында 6-орын иеленіп, әлемнің үздік командаларының қатарына енді. Ал «Future Axions 218» тобы халықаралық командалар арасында екінші орынға ие болды.

FIRST LEGO League Hong Kong Championship – балалар мен жасөспірімдерге арналған робототехника және STEM бойынша ірі халықаралық және ұлттық чемпионат. Биыл бұл турнирге әлемнің 30-дан астам елінен 120 үздік команда...

Ұлттық бірыңғай тестілеуде (ҰБТ) 140 балл жинаған сыныптастар Айсұлтан Жаңбырбай мен Жасур Нышанбаев Түркістан қаласындағы Woosong Kazakhstan университетін таңдады. 2025 жылғы қыркүйекте ғана ашылған оқу орны Жасанды интеллект инженерлерін дайындайды.

Жасур да, Айсұлтан да Түркістандағы Tulga School жеке мектебінде бір сыныпта оқыған. ҰБТ-да ең көп балл жинаған сыныптастар жоғары оқу орнындағы білімін бірге жалғастырады. Өйткені екеуі де Woosong университетін таңдады. Оларға мекеменің білім беру бағдарламасы мен кампустары ұнаған. Бұған қоса, жастар таңдау жасау барысында ЖИ саласы қатты дамып келе жатқанын ескерген.

Woosong University Kazakhstan (WSUK) 2025 жылғы 25 қыркүйекте Түркістан қаласында салтанатты түрде ашылды. 18 қабаттан тұратын зәулім ғимарат құрылысын...

Volkswagen концерні Қазақстан нарығына ең танымал модельдерінің бірін қайта шығармақ. Tayron L кроссоверінен кейін Қытайда шығарылатын жаңа Volkswagen Passat та Қазақстанға әкелуге қажетті сертификат алды. Демек, бұл седан жақын уақытта еліміздегі автосалондарда пайда болуы мүмкін.

Қазақстанда көлік құралының типін мақұлдау (КҚТМ) тізілімінде Қытайдағы FAW-Volkswagen бірлескен кәсіпорнында өндірілетін жаңа Volkswagen Passat моделіне қатысты құжаттар жарияланды.

Kolesa.kz мәліметінше, бұл – Қазақстанда сертификатталған Volkswagen-нің Қытайда шығарылатын екінші моделі. Бұған дейін Tayron L кроссовері де тиісті құжаттарды алған болатын. Бұл модель техникалық жағынан Tiguan-ға өте жақын.

Бұл бұрынғы Passat емес

Атауы таныс болғанымен, әңгіме еуропалық Volkswagen Passat туралы емес.

Қайрат Нұртастың жары, актриса Жұлдыз Әбдікәрімова актер Азамат Сатыбалдымен түскен фотоларына қатысты пікір білдірді.

Актрисаның айтуынша, ол кешеден бері соңғы жазбаларын, ондағы фотолардың қызу талқыланып жатқанын көріп жүр. Сан түрлі пікір жазылып жатқаны шындық. Солардың ішінде ең қызығын тауып алып, жауап беруді ұйғарыпты.  

«Кей оқырмен былай депті: «Сіз тұрмыстағы әйелсіз. Күйеуіңіз, балаларыңыз, ағайын-туыс қарап отырғанда, былай фотоға түсуге болмайды. Өзге ер адаммен сахнаға қалай шығасыз?» – деп сөгіпті. Енді жауап берейін. Бұл менің мамандығым. Мәселен сіз дәрігерсіз. Хирург. Сонда алдыңызға жаны қиналып, ота жасатуға келген науқасқа: «Кешіріңіз, мен тұрмыстағы адаммын. Күйеуім/әйелім бар. Өзге...

Әлемдік поп-музыка жұлдызы Энрике Иглесиас өзінің Facebook және X желісінде қазақстандық белгілі суретші әрі блогер Әсел Сабыржанқызының видеосын жариялады. Әнші миллиондаған аудиториясы бар аккаунттарында бұл жазбаны бөлісіп, «See you soon Kazakhstan» («Жақын арада кездескенше, Қазақстан») деп жазба қалдырды.

Айта кетейік, Энрике Иглесиастың Facebook парақшасына 49 миллион, ал X желісінде 10,9 миллионнан астам адам жазылған.

Кілемге салынған портрет

Суретші ерекше туындыларын кенепке емес кілемге салады. Оның желіде тараған жаңа бейнеролигіне әншінің әйгілі «Ring My Bells» хит әні фондық музыка ретінде пайдаланылған.

Видео желісі бойынша, қыз өзінің шығармашылыққа деген құштарлығын қолдамайтын күйеуімен ренжісіп қалып, ғимараттың төбесіне шығады. Онда аэрозольді бояулар мен кілемді қолдана отырып, Энрике Иглесиасты...

Мемлекет басшысы Қасым-Жомарт Тоқаев Премьер-министр Олжас Бектеновті қабылдады. Ол Президентке Қазақстан экономикасының қаңтар-маусым айларындағы дамуы туралы есеп берді. Сондай-ақ экономиканы әртараптандыру жоспарын таныстырды. Бұл туралы Ақорда хабарлады.

Премьер-министр 2026 жылдың алты айында ішкі жалпы өнім 4,1 пайызға өскенін айтты. Экономиканың түрлі салаларында өсім бар. Мысалы, құрылыс 15,2 пайызға, өңдеу өнеркәсібі 9,8 пайызға, көлік саласы 7,1 пайызға артты.

Сауда-саттық 5,7 пайызға, ауыл шаруашылығы 4,4 пайызға, ал байланыс қызметі 4,3 пайызға өсті. Осы уақытта негізгі капиталға 9,5 триллион теңге инвестиция тартылды. Оның ішінде жеке инвестиция көлемі 21,4 пайызға көбейді.

1,7 трлн теңгеге 200 инвестициялық жоба қосылады

Олжас...

Жаздың аптап ыстығында ағза тез қызып, салқындаудың түрлі жолын іздейміз. Көпшілік мұндайда салқын су ішіп, жиі душ қабылдауға немесе дымқыл сүлгімен сергіп алуға тырысады. Алайда мамандардың айтуынша, ыстықтан қорғанудың күтпеген әрі тиімді жолдары да бар. Солардың бірі – ащы тағам тұтыну.

1. Ащы тағам дайындаңыз

Әлемнің ыстық климаты бар көптеген елде адамдар ыстықтан ащы тағамның көмегімен қорғанады. Сондықтан Үндістан, Қытай, Таиланд және Мексика асханаларында бұрыштың сан алуан түрі кеңінен қолданылады.

Мамандардың айтуынша, ащы тағам ағзаның табиғи салқындау механизмін іске қосып, дене қызуының төмендеуіне ықпал етеді. Соның арқасында адам өзін сергек сезініп, салқындық әсері ұзақ сақталуы мүмкін.

Көпшілік ыстық күндер...

Осы аптада Алматының бірқатар аудандарында жарық өшеді. Бұл туралы «Алатау жарық компаниясы» хабарлады.

Жарық 13-17 шілде аралығында таңертең 9:00-ден 17:00-ге дейін болмайды. Оған қаладағы тұрғын үйлерде жөндеу жұмыстарын жүргізу себеп болып отыр. Электр жарығы тұрғын үйден бөлек балабақша мен мектептерде, мемлекеттік мекемелерде де өшіріледі.

Жарық өшірілетін аудандардың толық тізімін мына жерден көруге болады.

Айта кету керек, Астананың бірқатар көшелерінде де 18 тамызға электр энергиясы болмайды. Тізімін мына жерден біле аласыз.

Ресейлік әйел жанармай тапшылығының кесірінен ұзын-сонар кезекке тұрмаудың амалын іздеп тапқанын айтты.

Пенза тұрғыны ол үшін құрбысының мүгедек баласын жалға алған. Айтуынша, бекеттерде мүгедек жандарға арналған бөлек жанармай құю аппараты бар. Содан кезексіз көлігіне сұйық отын құйып алады. Әрине, оның бағасында да елеулі жеңілдік бар.

«Көлікке жанармай құю керек кезде құрбымның мүгедек баласын алып шықтым. Анықтамасын да алдым. Кезексіз көлігіме жанармай құюға барамын. Лайфхак!» – дейді ресейлік әйел.

Бейнежазбада әйелдің мүгедектерге арналған аппараттан еркін жанармай құйдырып, кезекте тұрғандарға күле қарағаны көрінеді.

Бұл жайт Мемлекеттік Думада да сөз болды. Депутат Виталий Милонов әйелдің тек қана...

Футболдан 2026 жылғы әлем чемпионаты мәресіне жақындап қалды. АҚШ, Канада және Мексика жасыл алаңдарында өтіп жатқан дүбірлі доданың ең тартысты кезеңі – жартылай финалдық кездесулер басталады. Мундиальдың бас фавориттері саналған төрт үздік құрама финалдың жолдамасын сарапқа салады. 

Франция – Испания: Алғашқы жартылай финал

14 шілдеден 15 шілдеге қараған түні, сағат 00:00-де Франция мен Испания кездеседі. Матчты Qazsport арнасы тікелей эфирде көрсетеді.

Франция плей-офф кезеңін сенімді бастаған француздар 1/16 финалда Швецияны (3:0) қапы қалдырды. Одан кейін Парагвайдан (1:0) айласын асырып, ширек финалда Марокконы (2:0) жарыс жолынан шығарды.

Испания болса плей-оффта Австрияны (3:0), Португалияны (1:0) және ширек финалда Бельгияны (2:1) тізе бүктірді.

Англия – Аргентина...

Ғылым және жоғары білім министрлігі 2026 жылғы негізгі Ұлттық бірыңғай тестілеудің қортыныдысын жариялады. Оған сәйкес, биылғы 10 мамырдан 10 шілдеге дейін 233 мыңға жуық талапкер тестілеуден өткен. 

Талапкерлердің 73,1%-ға жуығы тестілеуді қазақ тілінде, 26,8%-ы орыс тілінде, 383 адам ағылшын тілінде тапсырған.

Түлектерге негізгі ҰБТ-ны екі рет тапсырып, ең үздік нәтижемен грант конкурсына қатысу мүмкіндігі ұсынылды. Осылайша, 233 мың талапкер ҰБТ-ны 422 мың рет тапсырды. Ал 2025 жылы 210 мың талапкер ҰБТ-ны 381 мың рет тапсырған.

Тестілеу қорытындысы бойынша 177 мыңға жуық талапкер шекті балл жинады, бұл қатысушылардың жалпы санының 76%-ы. Бес пән бойынша ҰБТ-ның орташа балы 69 балды...

2026 жылғы маусымда Қазақстанда тұрғын үйді сатып алу-сату бойынша 39 053 мәміле тіркелді. Бұл мамыр айымен салыстырғанда 28,4%-ға немесе 8 633 мәмілеге көп.

Мамырда ел бойынша 30 420 тұрғын үй мәмілесі жасалған еді. Маусымда нарықтағы белсенділік барлық өңірде артқан.

Алматы мен Астана көш бастады

Ең көп тұрғын үй саудасы Алматы қаласында тіркелді. Маусымда мегаполисте 6 841 мәміле жасалды. Бұл елдегі барлық мәміленің 17,5%-ына тең.

Екінші орында Астана тұр. Елордада бір айда 6 436 мәміле немесе жалпы көлемнің 16,5%-ы тіркелді.

Үшінші орынға 3 772 мәмілемен Қарағанды облысы шықты. Өңірдің үлесі 9,7%-ды құрады.

Ал тұрғын үй саудасы ең аз Ұлытау облысы...

2026 жылдың алты айында ел қазынасына түскен қаржы үкімет жоспарынан сәл асты. Бекітілген республикалық бюджетке сәйкес, қаңтар-маусым аралығында 10 трлн 811 млрд теңге кірісі кіруге тиіс еді. Жоспар 100,7 пайызға орындалып, жалпы кіріс 10 трлн 886 млрд теңгені құрағанымен, қосылған құн салығы толық жиналмады.

Республикалық бюджетке түскен 10,9 трл теңге кірістің басым бөлігі – 8,4 трлн теңгесі салық түсімдері. Соның ішінде мұнай секторын қоспағанда, ірі кәсіпкерлік субъектілерінен алынатын корпоративтік табыс салығы ел бюджетін толтыруда ерекше рөл атқарады.

Ресми жоспар бойынша 6 айда осы салықтан бюджетке 2,42 трлн теңге түсуге тиіс еді, Дегенмен осы мерзім ішінде...

12 шілдеден бастап жер учаскесіне мемлекеттік актіні рәсімдеу үшін Халыққа қызмет көрсету орталығына (ХҚКО) барудың қажеті жоқ. Енді бұл мемлекеттік қызмет толықтай онлайн форматқа көшіріліп, өтінім тек eGov.kz порталы арқылы қабылданады.

Өзгеріс Ауыл шаруашылығы министрлігінің бұйрығына сәйкес күшіне енді.

Қызметті қалай алуға болады?

Мемлекеттік актіні рәсімдеу үшін:

Өтінім қаралғаннан кейін дайын құжат пайдаланушының жеке кабинетінде қолжетімді болады.

Мемлекеттік қызметті алу тәртібі туралы толық ақпарат eGov.kz порталындағы қызмет паспортында жарияланған.

ХҚКО-ға барудың қажеті жоқ

Жасанды интеллект...