Жаңалықтар

Қазақстанның тұңғыш президенті Нұрсұлтан Назарбаев туралы фильм түсірген отандық киностудия қарызын үш жылдан бері өтемегені мәлім болды. Satai Film компаниясы Қаржы министрлігінің борышкерлер тізімінде әлі жүр.

Министрліктің Мемлекеттік кірістер комитеті борышкер заңды тұлғалардың тізімін жаңартты. Құжат 15 маусым, дүйсенбі күні жарияланды. Оған елдегі 241 субъект енген. Тізім 2026 жылғы 31 наурыздағы жағдай бойынша дайындалған.

Kursiv.Media қаржыминнің ресми тізімінде танымал режиссер Ақан Сатаев негізін қалаған Satai Film компаниясы да жүргенін анықтады. Киностудия экс-президент Нұрсұлтан Назарбаев туралы ауқымды жобаларды жүзеге асырған.

Құжатқа сәйкес, Алматы қаласының мамандандырылған ауданаралық экономикалық соты киностудияға қатысты оңалту рәсімін қолдану туралы шешімді 2023 жылғы 15 мамырда

Мемлекеттік мүлік және жекешелендіру комитетінің төрағасы Нұрмахан Әділбеков Перизат Қайраттың қымбат көліктері неліктен мемлекеттік органдарға берілгенін түсіндірді.

Айтуынша, мемлекеттік қызметшілердің мұндай люкс санатты көліктерді тізгіндеуі бюджет қаржысын үнемдеуге септігін тигізеді әрі бұл – қалыпты тәжірибе.

«Жаңа көлік сатып алғанша, оларды тәркіленген мүліктің есебінен толтырған тиімдірек. Нормативтік-құқықтық актілерде құқық қорғау және мемлекеттік органдарға мұндай құқық берілген. Сондықтан бұл мүмкіндікті неге пайдаланбасқа?», – деді ол орталық коммуникациялар қызметіндегі брифингте.

Бұған дейін Перизат Қайраттан тәркіленген қымбат көліктер саудаға шығарылған. Бірақ, мүлікті сатып алуға ниет білдіргендер табыла қоймаған.

Қазіргі уақытта су жаңа Mercedes көлігі елордалық полиция департаментіне, ал...

Осы айдың басты саяси оқиғасы – отыз жылға жуық тарихы бар «Аманат» партиясының құрылғанына ай да толмаған «Әділет» партиясына қосылуы. Осыған орай ұзақ жыл елдегі ең басты саяси күшке айналған ұйымның тарихына көз жүгіртіп көрдік.

«Аманат» партиясының тарихы 1999 жылғы президент сайлауымен байланысты. Сол кездегі президент Назарбаевтың мерзімі 2000 жылы бірінші желтоқсанда бітуі керек еді. Сайлау 1999 жылғы қаңтарға белгіленген. Басты үміткер Нұрсұлтан Назарбаев өзіне штаб құрған. Ол «Президентке үміткер Нұрсұлтан Назарбаевты қолдаудың қоғамдық штабы» деп аталып, қоғамдық қозғалыс ретінде тіркелді.

10 қаңтарда сайлау өтіп, Назарбаев 79% басымдықпен жеңеді. Он күннен кейін штабының атауын «Отан» саяси партиясы етіп өзгертт...

KursivMedia зерттеуінше, Қазақстанда Өзбекстан қатысқан заңды тұлғалар саны екі жылда 2,3 есеге жуық өсті. 2024 жылғы қаңтар-мамырда олардың саны 4 829 болса, 2026 жылдың осы кезеңінде 10 905-ке жетті.

Дерек Қазақстан мен Өзбекстан арасындағы бизнес байланыс күшейіп жатқанын көрсетеді. Әсіресе, шағын бизнес, сауда, қызмет көрсету және құрылыс бағытындағы белсенділік айқын байқалады.

Екі жылда 6 мыңнан аса жаңа субъект қосылды

2025 жылғы қаңтар-мамырда Өзбекстан қатысқан заңды тұлғалар, филиалдар және шетелдік заңды тұлғалардың филиалдары саны 6 849 болды.

2026 жылы өсім одан әрі жылдамдады. Қаңтар-мамыр қорытындысы бойынша көрсеткіш 10 905-ке жетті. 2025 жылмен салыстырғанда өсім 4 056 субъектіні немесе...

2026 жылдың 1 шілдесінен сенімсіз құрылыс компанияларының ресми «қара тізімі» пайда болады. Енді пәтер сатып аларда алданып қалмас үшін әрбір азамат заң бұзған компанияны арнайы реестрден ашық тексере алады. Бұл тізімге ілінген компанияларға 3 жыл бойы халықтан ақша жинауға ресми түрде тыйым салынады.

Жаңа ереже көпқабатты немесе жеке үй кешенін салумен айналысатын барлық құрылыс салушыларға қатысты. Бұл тізімді жергілікті әкімдіктер құрылыс нысандарының орналасқан жері бойынша, тұрғын үй құрылысына үлестік қатысу бірыңғай цифрлық жүйесінде электронды түрде жүргізеді.

Әкімдіктер тиісті ресми құжаттар мен мәлімет келіп түскен күннен бастап 5 жұмыс күні ішінде олардың толықтығы мен шынайылығын тексереді және...

Алматы әкімдігінің Құрылыс басқармасы «Медеу» спорт кешенінің автотұрағы жарты жылға жабылатынын хабарлады.

Шектеу спорт кешенін қайта жаңғырту жобасын іске асыру аясында енгізілмек. Автұрақ 16 маусымынан желтоқсан айына дейін жабық болады.

«Шектеу құрылыс-монтаж жұмыстарының жүргізілуіне және нысан аумағындағы қауіпсіздікті қамтамасыз ету қажеттілігіне байланысты енгізіліп отыр. Уақытша қолайсыздықтарға түсіністікпен қарауларыңызды және қозғалыс бағытын алдын ала жоспарлауларыңызды сұраймыз», – делінген хабарламада.

Әкімдік хабарламасында мұз айдынына жақын орналасқан аспалы жолға көтерілетін жердегі автотұрақ туралы ештеңе айтылмаған.

Медеуге автобуспен жетемін деушілер үшін №12 және №21 бағыттағы қоғамдық көлік бұрынғыдай қатынай беретінін айта кеткен жөн.

Бүгінде «Медеу» биік таулы спорт кешенінде...

Қаржы министрлігінің Мемлекеттік кірістер комитеті 2026 жылғы 15 маусымда борышкерлер тізімін жариялады. 241 заңды тұлғаның арасында «Оқжетпес» клубы да бар.

Сот шешімімен борышкер атанған клуб

Ақмола облысы әкімдігіне қарасты «Оқжетпес» футбол клубы сот шешімімен борышкер деп танылған субъектілер тізіміне енді. Мемлекеттік кірістер комитеті дүйсенбі күні 2026 жылғы 31 наурыздағы жағдай бойынша «оңалту рәсімін қолдану туралы сот шешімдері заңды күшіне енген борышкерлердің тізімін» жариялады.

Құжатқа сәйкес, Көкшетау қаласының мақтанышына айналған клубқа қатысты оңалту рәсімін қолдану туралы сот шешімі 2025 жылғы 17 маусымда шығып, 18 шілдеде заңды күшіне енген. Тізімде кәсіпорынның бірінші басшысы ретінде клубтың бұрынғы директоры Мұрат Тлешев көрсетілген. Ол...

Алматының әл-Фараби даңғылында үш адамның өмірін қиған атышулы жол апатына қатысты сот отырысы жалғасып жатыр. 15 маусымдағы сот отырысында айыпталушы Александр Пакқа қатысты медициналық сараптама қорытындысы оқылды.

Судья Еркін Майшинов оқыған құжаттарға сүйенсек, қайғылы оқиға болған түні Пак таныстарымен бірге мейрамханада отырған. Олар 2,25 литр шарап, 0,9 литр виски, 0,2 литр текила және түрлі алкогольді коктейльдерге тапсырыс берген.

«Сараптама Александр Пактың қанында ішімдік бар-жоғын анықтады. Қорытындыға сәйкес, оның қанынан 1,3 промилле этил спирті табылған, есірткі заттары анықталған жоқ.. Бұл жеңіл дәрежедегі мас күйді тудыруы мүмкін», – деді іс материалдарын оқыған судья Майшинов.

Бұған дейін...

Құтқарушылар Алматыдағы Сайран көліне батып, өзіне қол салмақ болған қызды құтқарып қалды.

Жарияланған видеода құтқару кезінде қыз баланың «өлейінші» деген даусы естіледі.

«Алмалы ауданындағы Сайран көлін патрульдеу барысында Алматы ТЖД Құтқару қызметінің қызметкерлері суицид жасау әрекетінің алдын алды. Жағалауда кезекшілікте болған құтқарушылар батып бара жатқан қызды байқап, оны жедел түрде судан алып шығып, жағаға жеткізді. Жәбірленушіге қажетті көмек көрсетілді.» делінген хабарламада.

ТЖМ азаматтарды өміріне жауапкершілікпен қарауға, қажет болған жағдайда мамандардың көмегіне жүгінуге шақырады.

Бұған дейін, жыл басталғалы 10 адам суға кетіп қаза тапқанын жазғанбыз.

2026 жылғы қаңтар-сәуірде Қазақстанның сыртқы сауда айналымы 44,9 млрд АҚШ долларын құрады. ҚР ҰСБ мәліметінше бұл 2025 жылдың сәйкес кезеңімен салыстырғанда номиналды мәнде 7,9% көп.

Оның ішінде экспорт 24 млрд АҚШ долларына жетіп, бір жылда 5% өсті. Импорт көлемі 20,9 млрд АҚШ долларын құрады, бұл былтырғы қаңтар-сәуірмен салыстырғанда 11,3% жоғары.

Яғни Қазақстан әлі де сыртқы саудада оң сальдо сақтап отыр: экспорт импорттан шамамен 3,1 млрд долларға көп.

ЕАЭО елдерімен өзара сауда да өсті. 2026 жылғы қаңтар-сәуірде көрсеткіш 9,9 млрд АҚШ долларын құрап, бір жылда 13,3% артты. Алайда ЕАЭО бағытында Қазақстанның импорты экспорттан едәуір жоғары. Осы кезеңде ЕАЭО елдеріне...

Маңғыстауда Джеки Чан ойнайтын «Құдіретті сауыт-сайман 4: Ультиматум» фильмінің түсірілімі басталды. Бұл туралы облыс әкімдігі хабарлады.

Жобаны Sәlem Entertainment және Dala Edge Creative Tech Park компаниялары жүзеге асырып жатыр. Фильмнің негізгі түсірілім алаңының бірі ретінде Бозжыра шатқалы таңдалған. 7-12 маусым аралығында мұнда 35 адамнан тұратын түсірілім тобы фильмнің бірқатар көріністерін таспалайды.

Түсірілім жұмыстары биыл аяқталады деген жоспар бар. Ал фильмнің прокатқа шығуы 2027 жылдың ақпан айына белгіленген.

Бұған дейін картинаның бір бөлігі Қаскелеңде түсірілген. Ол үшін арнайы «Dala Stage» кинопавильоны салынған.

«Қазгидромет» 15 маусымға Қазақстанның барлық аумағында дауылды ескерту жариялады.

Синоптиктердің болжамынша, елдің солтүстік, шығыс және батыс өңірлерінде жаңбыр жауып, найзағай ойнайды.

Бірқатар өңірде желдің екпіні күшейеді

Кей жерлерде бұршақ түсіп, желдің екпіні секундына 20-25 метрге дейін күшейеді. Ал оңтүстік және оңтүстік-шығыс аймақтарда аптап ыстық сақталып, өрт қаупі жоғары деңгейде болады.

Астана, Ақмола, Солтүстік Қазақстан, Қостанай, Павлодар, Қарағанды, Ұлытау, Шығыс Қазақстан және Абай облыстарында жаңбыр жауып, найзағай ойнайды. Кей өңірлерде нөсер жаңбыр, бұршақ және дауылды жел болжанып отыр.

Астанада кей уақытта жаңбыр жауып, найзағай болады. Күндіз бұршақ түсуі мүмкін. Желдің жылдамдығы секундына 15-20 метрге дейін жетеді.

Павлодар, Абай және...

Қазақстан қор биржасында (KASE) 15 маусым сағат 11:30-дағы мәлімет бойынша, қазір 1 доллар 492,60 теңгеден саудаланып жатыр. Ал ақша айырбастау мекемелері АҚШ валютасын 494 теңгеден сата бастады.

Өткен аптаның аяғы, 12 маусымда KASE-дегі биржа 489,40 теңгемен жабылған. Ал дүйсенбі күні доллар бағамы тағы үш теңгеге көтерілгенін көріп отырмыз.

Елдегі ақша айырбастау мекемелері долларды 494 теңгеден сата бастады. kurs.kz мәліметінше, қазір Алматы қаласында 1 долларды 492 теңгеден қабылдап, 493-494 теңгеден сатып жатыр. Астана қаласында, әдеттегідей, сату мен сатып алу айырмашылығы айтарлықтай жоғары: 487 және 494 теңге.

Бұған дейін Ұлттық банк төрағасы Тимур Сүлейменов жаз айларында елде шетел валютасына сұраныс...

Заңды құжаттарға қол қойылмай жатып, AMANAT партиясы атауын өзгертуге кірісіп кетті. Партияның Астанадағы орталық аппараты орналасқан ғимарат сыртындағы AMANAT атауы алынып тасталып, онына ӘDILЕТ деген тақтайша ілінген. Ғимараттың жаңа атауының суреті телеграм-каналдарға тараған.

Nege.kz тілшісінің жазуынша, партияның аймақтағы филиалдары да атауын өзгертуге кіріскен.

Еске салайық, 12 маусымда «Аманат» партиясының съезі өтіп, «Әділет» партиясына қосылатынын хабарлады. Партия депутаты Айдос Сарым мұны Құрылтайдағы басымдықты сақтап қалу үшін күш біріктіріп жатырмыз деп түсіндірді.

14 маусымда «Әділет» партиясы съезін өткізіп, «Аманат» ұсынысын қабылдады.

Депутат Ерлан Сайыровтың сөзінше, партия атауы «Әділет» болады, бірақ екі партияның бір-біріне...

Соңғы жылдары дүркіреп тұрған автонесие нарығындағы қарқынды өсім бәсеңдеп, айтарлықтай «салқындай» бастады. Қазақстан қаржыгерлер қауымдастығы (ҚҚҚ) ұсынған шолуға сүйенсек, 2026 жылдың І тоқсанында автонесиеге өтініш берушілер қатары 11%-ға азайса, банктердің несие беру көлемі бірден 18%-ға қысқарған.

Бұған себеп – банктердегі пайыздық мөлшерлеменің шарықтауы, талаптардың қатаңдауы және осы уақытқа дейін көлік мінгісі келген халықтың несие алып үлгеруі, яғни нарықтың біртіндеп сууы.

2026 жылдың үш айында қазақстандықтар банктерге автонесие алуға 1,2 миллион өтінім жолдаған. Бірақ бұл өткен жылмен салыстырғанда әлдеқайда аз.

Ал банктер тарапынан берілген жаңа автонесие сомасы 397,7 млрд теңгені құрап, нарықтың басқа секторларына қарағанда жылдағыдан...

Балқаш қаласының тұрғыны ай сайын күтіміне алимент өндіру үшін қызын сотқа берген. Бұл туралы ҚР Жоғарғы соты хабарлады.

Зейнеткер сотқа күнделікті тұрмыс пен дәрі-дәрмек сатып алуға қаражат қажет екенін, қызы материалдық көмек көрсетпейтінін айтқан.

«Неке (ерлі-зайыптылық) және отбасы туралы» кодекстің 145-бабына сәйкес, кәмелетке толған балалар еңбекке жарамсыз және көмекке мұқтаж ата-аналарын асырауға міндетті.

Алайда Қарағанды облысының Балқаш қалалық соты талап қоюшы ай сайын 128 229 теңге көлемінде зейнетақы алатынын, сондай-ақ оның екі қабатты тұрғын үйі мен Mitsubishi Montero Sport автокөлігі бар екенін анықтаған.

Қызы талап қоюмен келіспей, жалғыз өзі екі баланы тәрбиелеп отырғанын, олардың әкесінен алимент алмайтынын және...

Алматыға Green SM атты вьетнамдық жаңа такси сервисі кірмекші. Компания биыл маусымның соңында жұмысын бастамақшы және тек электромобильдерді пайдаланады деп жазады Forbes Kazakhstan.

Такси сервисінің бастапқы иесі – Вьетнамдағы Green SM компания, Қазақстанда GSM Kazakhstan арқылы жұмыс істейді. Компания директоры Артур Шаймұхамбетовтің сөзінше, бастапқыда экокөліктер VinFast VF 6 моделінде болады. Бірақ нақты қанша автомобиль жолға шығатыны белгісіз. Автопарк кезең-кезеңімен кеңейіп отырады деген жоспар бар.

Әзірге сервис Алматыда жұмыс істейді, Қазақстанның басқа қалаларына қашан шығатыны жайлы шешім қабылданған жоқ.

Вьетнамдық такси тек электромобильмен жүреді және компания мұны басты артықшылық деп санайды. Бастапқыда Қазақстанда бар қуаттағыш бекеттер жүйесімен жұмыс істейді. Кейінірек автопарк...

Anthropic АҚШ үкіметінің экспорттық бақылау жөніндегі талабынан кейін Fable 5 және Mythos 5 атты ең қуатты жасанды интеллект модельдеріне қолжетімділікті шектейтінін мәлімдеді. Reuters мәліметінше, билік бұл модельдер ұлттық қауіпсіздікке қатер төндіруі мүмкін деп санайды.

АҚШ тарапы модельдердің қорғаныс жүйесін айналып өтіп, оларды бағдарламалық кодтағы осал тұстарды табуға пайдалануға болады деген қауіп айтқан. Anthropic бұл уәжбен келіспейді және мұндай шешім жүздеген миллион қолданушы пайдаланып жүрген коммерциялық өнімді тоқтатуға негіз болмауы тиіс деп есептейді.

Компания талапты орындау үшін Fable 5 пен Mythos 5 модельдерін барлық клиент үшін уақытша өшіруге мәжбүр екенін хабарлады. Басқа Anthropic модельдеріне қолжетімділік өзгермейді.

Reuters мәліметінше, бұл...

15 маусым күні сағат 9:30-да Алматының Алмалы аудандық сотында «ҚазТАГ» ХАА мен «Фридом Финанс» брокерлік компаниясының ісіне қатысты сот процесі басталды. Жауапкерлер орындығында «ҚазТАГ» бас редакторы Әмір Қасенов, басылымның бас директоры Әсет Матаев, Астана тұрғыны Жанна Қапарова және «Malim Media» құрылтайшысы Уәлихан Рамазанов отыр. Айыпталушыларға көрінеу жалған ақпарат тарату, бұзақылық және міндеттерге ұқыпсыз қарау баптары бойынша айып тағылып отыр.

Бастапқыда сот процесі 11 маусымға белгіленген. Алайда судья Ернар Қасымбеков айыпталушылар Әмір Қасенов пен Жанна Қапарованың отырысқа келмеуіне байланысты процесті 15 маусымға ауыстырды.

Кейінірек Алматы соты әлеуметтік желілерде сот талқылауына қатысу айыпталушылардың процестік міндеті екенін түсіндірді. Сотқа дәлелді себептерсіз келмеу іст...

Ақ үй аумағында АҚШ президенті Дональд Трамптың 80 жасқа толуына және ел тәуелсіздігінің 250 жылдығына орай аралас жекпе-жектен жарыс ұйымдастырылды. UFC Freedom 250 турниріне 60 млн доллардан астам қаржы жұмсалып, октагондағы шоуды туған күн иесіне жақын адамдар мен қалталылар тамашалады.

Қарт президент

Дональд Трамп 2026 жылғы 14 маусымда 80 жасқа толды. Ол 1946 жылы Нью-Йоркте дүниеге келген. Осылайша саясаткер АҚШ тарихындағы ең егде жаста ел басқарушы президенттердің бірі атанды. Оған дейінгі президент Джо Байден де 80 жасқа толуын Ақ үйде атап өткен.

Ел басқарған басқа саясаткерлерге қарағанда, Трамп туған күнін ерекше үлкен ауқымда атап өтті: Ақ үйде аралас жекпе-жектен...

«Bereke Bank» АҚ атқарушы орган мүшелеріне былтыр төленген сыйақы көлемін жариялады. Қазақстан қор биржасындағы (KASE) хабарламаға сәйкес, 2025 жылы банктің топ-менеджменті 923,4 млн теңге көлемінде сыйақы алған.

Бұл көрсеткіш алдыңғы жылмен салыстырғанда айтарлықтай жоғары. 2024 жылы басшылық құрамға төленген қаржы 424,2 млн теңгені құраған.

Осылайша, небәрі бір жыл ішінде сыйақы мөлшері 499,3 млн теңгеге немесе 117,7%-ға көбейіп отыр.

2025 жылы банктің басқарма құрамында үш адам болған. Басқарма төрағасы – Андрей Тимченко мен оның орынбасарлары: Алина Аникина мен Серке Қасенов. Егер 2025 жылғы жалпы соманы айларға шағып есептейтін болсақ, атқарушы орган мүшелеріне ай...

2026 жылы мал шаруашылығын субсидиялауға 117,6 млрд теңге қарастырылған. Қаржының басым бөлігі сүтті және етті ірі қара шаруашылығын, құс шаруашылығын және қой шаруашылығын дамытуға бағытталған.

Ауыл шаруашылығы министрлігінің дерегінше, 1 мамырдағы жағдай бойынша 48,9 млрд теңге игеріліп, жалпы қаржыландыру көлемінің 41,6%-ын құрады.

Мал шаруашылығы тұрақты дамып келеді

2026 жылғы алғашқы төрт айында мал шаруашылығының жалпы өнімі 1 трлн 158 млрд теңгеден асты. Нақты көлем индексі 103,5%-ды құрап, саланың тұрақты қарқынды дамуын дәлелдеді.

Жыл басынан бері барлық санаттағы ет өндірісі 338,2 мың тоннаны құрап, өткен жылдың сәйкес кезеңімен салыстырғанда 3,4%-ға өсті. Оның ішінде 126,7 мың тонна құс ет...

Алматы облысы, Қарасай ауданында үйін есірткі зертханасына айналдырған жігіт ұсталды. 29 жастағы азамат синтетикалық есірткі дайындап отырған.

Оның үйіне тінту жүргізгенде 28 килограмнан астам α-PVP, 880 литр прекурсор және арнайы зертханалық жабдықтар тәркіленді.

«Дайын синтетика өндірілген алғашқы партия болған. Оның көлемі шамамен 125 мың бір реттік дозаға тең. Іс жүзінде өңірдегі криминогендік ахуалға елеулі қауіп төндіретін «есірткі орталығы» жойылды», – деп хабарлайды ІІМ өкілдері.

Қазір іске қатысты тергеу басталды. Күдікті өмір бойына бас бостандығынан айырылуы мүмкін.

Бұған дейін Алматыда көпқабатты үйдің жертөлесінен есірткі зертханасы анықталғанын жазған едік. Күдіктілер...

Жетісу облысы Текелі қаласында көпбалалы ана күйеуін өлтірді деген күдікпен қамауға алынды. Ол тұрмыста зәбір көріп келген болуы мүмкін.

Қайғылы оқиға 10 маусымға қараған түні қаладағы жекеменшік үйлердің бірінде болған, деп хабарлады ҚазАқпарат. Жергілікті полиция қылмыстық іс қозғалғанын мәлімдеді.

«Тергеу барысында өлімге әкелген жарақатты ерлі-зайыптылардың бірге спирттік ішімдік ішкен кезінде жұбайының салғаны анықталды», – деп таратты Жетісу облыстық полиция департаментінің баспасөз қызметі.

Күдікті сот шешімімен қамауға алынды. Қазір ол Талдықорғандағы тергеу изоляторында отыр. Сотқа дейінгі тергеу прокуратура келісімімен жүріп жатыр.

Әлеуметтік желілерде әйелкөпбалалы ана екені, ұзақ жылдар бойы күйеуінен зорлық-зомбылық көріп келгені туралы...