Жаңалықтар

Маңғыстаудың жерасты мешіттері ЮНЕСКО-ның Бүкіләлемдік мұралар тізіміне кіру мүмкін. Бұл туралы Ерлан Қарин хабарлады.

Мемлекеттік кеңесшінің мәліметінше, шілде айында Оңтүстік Кореяның Пусан қаласында ЮНЕСКО-ның Бүкіләлемдік мұралар комитетінің үлкен жиыны өтеді. Осы басқосуда әлем бойынша ұсынылған 40-қа жуық нысан талқыланып, солардың ішінде Маңғыстаудың жерасты мешіттерін беделді тізімге қосу мәселесі де ресми түрде қарастырылады.

Өткен жылы Қазақстан тарапынан барлық қажетті ғылыми, тарихи және сараптамалық құжаттар ЮНЕСКО-ға жолданған. ЮНЕСКО-ның арнайы сарапшылары Маңғыстау өңіріне келіп, мешіттердің жағдайын, олардың тарихи және мәдени құндылығын өз көздерімен көріп, зерттеп қайтқан. Қазіргі таңда барлық құжаттамалық база толықтай қабылданған.

«Әлем жады» бағдарламасы

Президенттің былтырғы тапсырмасына сәйкес...

2026 жылдың алғашқы төрт айының қорытындысы бойынша Қазақстанның банк секторында таза пайданың төмендеу динамикасы байқалып отыр. Егер 2025 жылдың қаңтар-сәуір айларында екінші деңгейлі банктер 904,5 млрд теңге пайда тапса, биыл көрсеткіш 795,8 млрд теңгеге дейін қысқарған. Табыстың бәсеңдеуіне негізінен екі іргелі макроэкономикалық фактор – минималды резервтік талаптардың (МРТ) артуы тікелей ықпал етіп отыр.

«Қазақтелеком» компаниясының Басқарма құрамына тағы бір топ-менеджер қосылды. Ғазиз Дөненбай жобаларды басқару жөніндегі директор атанды.

Басқармаға кірді

«Қазақтелеком» директорлар кеңесі Басқармаға тоғызыншы адамды қабылдау жөніндегі шешімді 6 мамырда қабылдаған. Корпоративті мәлімет Қаржылық есептілік депозитарийі сайтында енді ғана жарияланып отыр.

Қазір компанияның Басқарма құрамында мыналар бар:

Басқармадағы соңғы екеуі 2026 жылы қосылған. Ғазиз Дөненбай «Қазақтелеком» АҚ филиалы – Жобаларды басқару дирекциясының Бас директоры – Жобаларды басқару жөніндегі директоры қызметін атқарады.

Депутаттар Мәжілістің жалпы отырысында Салық кодексіне түзетулер енгізу туралы заң жобасын бірінші оқылымда мақұлдады.

Депутат Ерлан Стамбековтің айтуынша, құжатты Парламент депутаттары дайындаған. Оның басты мақсаты – 2026 жылғы 15 наурызда бүкілхалықтық референдумда қабылданған Қазақстан Республикасының жаңа Конституциясын іске асыру.

«Заң жобасы аясында Салық кодексіне бірқатар өзгеріс енгізіліп жатыр. Олар бір палаталы Парламент – Құрылтайдың құрылуына, Қазақстан Халық Кеңесінің жасақталуына байланысты. Сондай-ақ, азаматтардың Конституциялық Сотқа жүгінуі кезінде мемлекеттік баж салығын төлеу талабы да жойылады», – деді депутат.

Оның сөзінше, бұл заңның қабылдануы ешқандай жағымсыз әлеуметтік-экономикалық немесе құқықтық салдарға әкеп соқпайды. Сонымен қатар, мемлекеттік бюджеттің шығынын көбейтпейд...

Әкімшілік және қылмыстық рақымшылық аясында, жол ережесін бұзғаны үшін салынған бірнеше миллиард теңге айыппұл кешірілмек.

Десе де, қызылға өту секілді өрескел ереже бұзушылықтардың айыппұлы бұған ілікпейді.

Қандай айыппұл кешірілмейді

Kazinform ақпаратына қарағанда, депутат Снежана Имашева есептен шығарылатын айыппұл жөнінде пікір білдірді.

«Негізінен бұл ІІМ салған айыппұлдар болады. Соның шамамен 90%-ы – жол қозғалысы ережелерін бұзғаны үшін салынған айыппұлдар. Адамдардың өмірі мен денсаулығына зиян келтіруі мүмкін құқықбұзушылықтар, яғни қызыл жарыққа өту, жылдамдықты асыру, мас күйде көлік жүргізу сияқты жағдайлар рақымшылыққа ілікпейді», – деді депутат.

Кешірілетін жағдайлар

Оның сөзіне қарағанда, қауіпсіздік белдігін тақпаған...

Өнерде де, өмірде де жұбы жазылмаған танымал жұп – Кәмшат Жолдыбаева мен Ғазрет Қажымұқанұлы жаңа телехикаяға бірге түсіп жатыр. «Ақ жеңге» атты сериалда қос әртіс шынайы өмірдегідей ерлі-зайыптылардың рөлін сомдайды.

Жобаның түсірілім алаңында Кәмшат Жолдыбаева жолдасына қызықты сұрақ қойып, оны тығырыққа тіремек болды. Актриса күйеуінен: «Сериалдағы әйеліңіз Жібек пен өмірдегі жарыңыз Кәмшаттың айырмашылығы неде?» деп сұраған.

Ғазрет Кәмшаттың бұл сұрағына тапқырлықпен әрі әзілмен жауап берді.

«Сериалдағы кейіпкерімнің әйелі Жібек күйеуінің көңілін табуға үнемі, шын жүректен тырысып жүреді. Ал өмірдегі жарым Кәмшат та көңілімді табуға тырысады, бірақ өтірік тырысады», – деп қалжыңдады актер.

Алматыдағы пластикалық хирургия клиникасында кенеттен көз жұмған белгілі кәсіпкер әрі миллиондық аудиториясы бар блогер Сәуле Ермаханованың қызы әлеуметтік желіде мәлімдеме жасады. Ол анасының өліміне қатысты бұған дейін беймәлім болып келген деректерді жариялап, қоғамнан және журналистерден көмек сұрады.

«1,5 сағаттық ота трагедияға ұласты»

Марқұмның қызының айтуынша, оқиға 15 мамыр күні Алматыдағы Smart Beauty Clinic жекеменшік клиникасында болған. Сәуле Ермаханова жергілікті анестезия (жансыздандыру) арқылы липосакция жасатуға жоспарлы түрде барған. Дәрігерлер бұл ем-домның 1–1,5 сағаттан аспайтынын айтып сендірген.

«Бір сағат өтті. Бір жарым, екі, үш сағат өтті. Біздің сұрақтарымызға ешкім жауап берген жоқ, жай ғана үндемей құтылды. Бірге...

Қаржы сарапшысы Артемий Галкин қазақстандықтардың не себепті көлікке ұзақ уақыт ақша жинайтынын айтып, оған қандай қателіктер әсер ететінін түсіндірді.

Оның айтуынша, көп адамның басты қателігі ақшаны «артылып қалса ғана жинау» қағидасымен әрекет етуі.

«Адамдар көбіне: «Алдымен барлық қажетті шығынды жасап алайын, егер ақша қалса – жинаймын» деп ойлайды. Бірақ мұндай тәсілмен әдетте ештеңе қалмайды. Егер адам шынымен тезірек ақша жинағысы келсе, жинаққа кететін соманы немесе табыстың белгілі бір пайызын алдын ала белгілеп қоюы керек. Бұл табыстың 20%-ы немесе 30%-ы болуы мүмкін. Ең бастысы – жүйе тұрақты әрі автоматты түрде жұмыс істеуі қажет»,– деді Галкин.

Қарағандыда Үндістаннан келген 21 жастағы медицина университетінің студенті терезеден құлап, қайтыс болды.

«Патриот» ақпаратына қарағанда, студент Халықаралық медицина факультетінің соңғы курсында оқыған.

17 наурыз күні ол өзі тұрған жатақхананың бесінші қабатындағы бөлменің терезесінен құлап кеткен. Кейін оның денесі туған еліне жөнелтілген.

Полиция мәліметінше, өлім фактісі бойынша сотқа дейінгі тергеу жүргізілген. Сараптамалар тағайындалып, тергеу әрекеттері өткізілген. Тергеу қорытындысы бойынша қылмыстық іс жабылды. Қарағанды облыстық полиция департаменті бұл оқиғаны «жазатайым жағдай» деп есептейді.

Халықаралық медицина факультетінің деканы Қасым Сәрсенбаев оқу орнында шетелдік студенттерге қысым көрсетілмейтінін мәлімдеді.

Қазақстанда Үндістаннан келген студенттердің қаза болуы алғаш рет тіркеліп отырған жоқ. Мәселен, 2026 жылы...

Ұлттық экономика вице-министрі Азамат Әмриннен «қазақстандықтар қашан тамаққа көп ақша жұмсауды тоқтатады» деп сұрады. Әмрин жағдайды шетелдік мысалдарды айта отырып түсіндіріп берді.

Оның айтуынша, бізде тұтыну себеті негізінен 508 тауар түрінен тұрады. Оның ішінде шамамен 40 пайызы – азық-түлік, қалғаны – қызмет көрсету түрлері мен азық-түлік емес тауарлар

Дамыған елдерде халықтың сырттан тамақтануы «қызмет көрсетуге» жататындықтан, статистикада азық-түлік шығыны аз болып көрінеді.

«Бұл жағдай көбіне біздің өмір салтымызға байланысты. Біз негізінен үйде тамақ дайындап жегенді жақсы көреміз, сондықтан дүкеннен өнімдерді өзіміз сатып аламыз.

Ал шетелде адамдар көбіне мейрамханалар мен дәмханаларда тамақтанады, таңғы асты да сырттан...

21 мамыр – еліміздің рухани қазынасын байытып, мәдени мұрамызды көздің қарашығындай сақтап, оны болашақ ұрпаққа аманаттап жүрген шығармашылық иелерінің төл мерекесі.

Бұл күн – тек сахна төрінде жарқыраған жұлдыздардың ғана емес, сонымен бірге көрермен көзіне түсе бермейтін, бірақ мәдениеттің ілгерілеуіне өлшеусіз үлес қосып жатқан мыңдаған маманның мерекесі. Олардың қатарында: Театр және кино майталмандары, музыканттар мен бишілер, мұражай жетекшілері мен көрме кураторлары, кітапханашылар мен архив қызметкерлері, мәдениет үйлері мен шығармашылық үйірмелердің ұстаздары бар.

Бұл жандар қоғамды ізгілікке тәрбиелейтін, адамдардың жүрегіне сұлулық пен мейірімділік нәрін себетін нағыз руханият шырақшылары.

Қазіргі XXI ғасыр цифрландыру мен жаһандану дәуірі. Бұл кезең мәдениет саласына да үлкен...

Ыстанбұлда өткен Еуропа Лигасының финалдық кездесуі англиялық «Астон Вилла» клубының айқын басымдылығымен аяқталды. Бирмингемдік ұжым Германияның «Фрайбург» командасын 3:0 есебімен тас-талқан етіп, тарихында тұңғыш рет осы турнирдің кубогын көкке көтерді.

Ағылшындық клуб ойын тағдырын негізінен бірінші таймда-ақ шешіп тастады. 41-минутта Юри Тилеманс есеп ашып, командасын алға шығарды. 45+3-минутта төреші қосқан қосымша уақытта Эмилиано Буэндия есепті еселеді. Екінші таймның 58–минутында Морган Роджерс матчтың нүктесін қойып, қорытынды есепті орнатты – 3:0.

Унаи Эмери – Лига Еуропаның абсолютті королі

Бұл жеңіс «Астон Вилланың» бас бапкері Унаи Эмери үшін ерекше тарихи сәт болды. Испаниялық маман өз мансабында бесінші рет Еуропа Лигасының кубогын бағындырып...

Адамзат баласы әлі күнге дейін Марсқа ұшып барған емес. Соған қарамастан әлемнің ең бай адамы Илон Масктің қызыл ғаламшарда 1 млн адамға қоныс мекенін тұрғызғаны үшін сыйақы алатыны мәлім болып отыр.

Қиял-ғажайып есеп

SpaceX компаниясының бас директоры Илон Маск ғарышта дата-орталық пен Марста қоныс салу мақсатына жетсе, қосымша сыйақыға ие болады. АҚШ-тың Бағалы қағаздар және биржалар жөніндегі комиссиясына (SEC) сәрсенбі күні өткізілген құжатта осылай делінген. Мәліметті Bloomberg таратты.

Компанияның директорлар кеңесі 2026 жылғы қаңтарда Илон Маскіге өте үлкен сыйақы пакетін бекітті. Оған Class B санатындағы 1 млрд акция бөлінді. Маск құнды қағаздардың бәрін бірден ала алмайды. Олар...

Блогер Сәуле Ермаханованың өліміне қатысты қылмыстық іс қозғалды.

Қайғылы жағдайға байланысты құқық қорғау органдары дереу іске кірісті.

Аталған дерек бойынша Бостандық аудандық Полиция басқармасы қылмыстық іс қозғады.

Қазіргі уақытта сотқа дейінгі тергеп-тексеру аясында қажетті тергеу әрекеттерінің кешені жүргізіліп жатыр. Оның қорытындысы бойынша түпкілікті процессуалдық шешім қабылданатын болады, делінген хабаламада.

ҚР ҚПК-нің 201-бабының талаптарына сәйкес сотқа дейінгі тергеп-тексерудің өзге мәліметтері жария етуге жатпайды.

Еске сала кетейік, бұған дейін блогер әрі кәсіпкер Сәуле Ермаханова (Базархан) пластикалық ота жасату кезінде жүрек ұстамасынан кенеттен көз жұмғаны туралы ақпарат тараған еді.

Қазгидрометтің ресми болжамы бойынша, 21 мамырда Қазақстан аумағында ауа райы құбылмалы болады.

Елдің солтүстік, орталық және шығыс аймақтарында солтүстік циклонның әсерінен күн суытып, жаңбыр жауады. Найзағай ойнап, дауыл тұруы және кей жерлерде бұршақ жаууы мүмкін. Шығыс өңірлерде түнде ауа температурасы 1 градусқа дейін төмендеп, үсік жүреді.

Батыс және оңтүстік аймақтарда оңтүстік циклонның ықпалы сақталады. Бұл өңірлерде де жаңбыр жауып, найзағай ойнайды, бірақ ауа температурасы жоғары деңгейде қалып, күндіз 27-35 градусқа дейін ысиды.

Қызылорда, Түркістан және Жамбыл облыстарында қатты жаңбыр жауады деп болжанып отыр. Республиканың басым бөлігінде найзағай кезінде желдің екпіні секундына 15-23 метрге дейін күшейеді.

Қайрат Нұртас пен ТМД-ға танымал украиналық әнші Светлана Лобода (LOBODA) бірлесіп, «Анау–мынау» атты жаңа қазақша әннің үзіндісін жариялады.

Лобода өзінің әлеуметтік желідегі парақшасында бейнебаяннан үзінді бөлісіп:

«Менің қазақшамды 1-ден 10-ға дейін бағалаңыздар. Қатты сынамаңыздар, барымды салдым! Релиз жақын арада, асыға күтіп жүрмін!» – деп жазды.

Айта кетейік, 24 мамыр күні Қайрат Нұртас Алматы аренада жеке концертін өткізеді. Кеш қонағы Лобада. Жанкүйерлердің топшылауынша дәл осы концертте «Анау-мынау» әні алғаш рет сахнада жанды дауыста шырқалады.

Танымал қазақстандық блогер әрі кәсіпкер Сәуле Базархан пластикалық ота жасату кезінде жүрек ұстамасынан кенеттен көз жұмды. Қайғылы оқиға «Smart Beauty Clinic» пластикалық хирургия клиникасында болған. Бұл туралы белгілі журналист Михаил Козачков хабарлады.

Журналист мәліметінше, қайғылы жағдай ота басталмай тұрып орын алған. Қазіргі уақытта клиника ғимараты құлыптаулы тұрғанымен, желіде емделушілерді қабылдауға онлайн-жазылу әлі де жүріп жатыр.

Сонымен қатар, 2ГИС платформасындағы пікірлерде де желі қолданушылары ақпаратты растайды.

«Осы жерде абдоминопластика отасы кезінде Сәуле Базархан қайтыс болды», – деп жазған.

Гүлзира Айдарбекова қаралы хабарды жеткізді

Белгілі продюсер Гүлзира Айдарбекова өзіне сіңлісіндей болып кеткен кәсіпкер Сәуле Базарханның дүниеден...

Астанада 27-29 мамыр аралығында өтетін Құрбан айт күндері құрбандық шалынатын арнайы орындар белгіленді, бұл туралы қала әкімдігі хабарлады.

Айт намазы 27 мамыр күні таңғы сағат 06:00-де қаланың барлық мешітінде оқылады.

Құрбандық шалу рәсімі күн сайын сағат 07:00-ден 18:00-ге дейін тек ресми түрде бекітілген орындарда ғана жүргізіледі. Осы мақсатта елордада бес мамандандырылған алаң белгіленді:

Байқоңыр ауданы: «Шанхай» базары – Алаш тасжолы, 34/6;

«Баракат» базары – А 369 көшесі, 10;

«Жайлау» базары – Алаш тасжолы, Ц 313 көшесі;

«Шәушен» шаруа қожалығы – Алаш тасжолы, 136Б.

Алматы ауданы: «Ет-Хан» ет цехы – Теміржолшылар тұрғын алабы, Ақжар көшесі, 20.

Құрбандық шалу рәсімін арнайы белгіленген...

Hyundai Motor компаниясы АҚШ-та 54,3 мың Elantra Hybrid седанын кері қайтаратынын жариялады. Бұған гибридті жүйені басқару блогындағы ақау себеп болған. Аталған блок қатты қызып кетіп, тіпті өрттің шығуына әкеп соғуы мүмкін екені анықталды. Reuters агенттігінің хабарлауынша, бұл мәселе 2024-2026 жылдары шыққан автокөліктерге қатысты болып отыр.

АҚШ-тың жол қозғалысы қауіпсіздігі жөніндегі ұлттық басқармасы (NHTSA) мәселенің мән-жайын түсіндірді. Электрлік жүктеме жоғары болған кезде басқару блогы қатты қызып кетеді. Осының салдарынан көлік мүлдем оталмай қалуы немесе қуатты шектейтін апаттық режимге ауысуы ықтимал. Сонымен қатар кейбір жағдайларда ішкі компоненттер зақымданып, өрт қаупі туындайды. Ақауды жою үшін дилерлер автокөліктердің бағдарламалық жасақтамасын тегін жаңартып беруді міндетіне...

Қазақстан Президенті Қасым–Жомарт Тоқаев пен Кения Президенті Уильям Руто еліміздің басты технологиялық хабы саналатын Alem.ai халықаралық жасанды интеллект орталығын аралап көрді. Екі ел басшылары заманауи кешеннің техникалық әлеуетімен және цифрлық жобаларымен танысты.

Мемлекет басшыларына орталықтың жұмысы мен алдағы жоспарларын Премьер-министрдің орынбасары – Жасанды интеллект және цифрлық даму министрі Жаслан Мәдиев таныстырды. Мәртебелі қонақтарға музей экспозициясы мен арнайы ЖИ-кинотеатрын көрсетіп, хабтың ұзақмерзімді даму стратегиясы туралы егжей-тегжейлі мәлімет берді.

Ақылды қала және қауіпсіздік технологиялары

Сапар барысында президенттердің назарына Astana Smart City жүйесінің мүмкіндіктері ұсынылды. Бұл жүйе елорданың тыныс-тіршілігін цифрлық форматта басқаруға мүмкіндік береді.

Айта кетейік, бұған дейін Қазақстан мен Кения арасында...

Жамбыл облысында алғаш рет республикалық деңгейде «Жас сақшы – қауіпсіз болашаққа қадам» атты форум өтті. Ауқымды іс-шараға еліміздің 19 өңірінен келген «Жас сақшы» сыныптарының оқушылары қатысты. Бұл туралы Жамбыл облысының әкімдігі хабарлады.

Форумға Жамбыл облысының әкімі Ербол Қарашөкеев, құқық қорғау және арнайы органдардың басшылары, ішкі істер органдарының ардагерлері, полиция департаментінің жеке құрамы, өңірлерден келген делегаттар қатысты.

Тағылымды жиынның негізгі мақсаты – жасөспірімдердің құқықтық сауаттылығын арттыру, патриоттық тәрбие беру және полиция мен қоғам арасындағы байланысты нығайту.

Шара барысында «Жас сақшы» сыныптарының қызметі таныстырылып, оқушыларға құқықтық және патриоттық тәрбие беру бағытында атқарылып жатқан жұмыстар баяндалды. Бүгінде облыс бойынша 43 полиция сыныбы ашылып, онда 900-ге жуы...

Алматы қаласында көлік инфрақұрылымын ауқымды жаңғырту жұмыстары жаңа деңгейге көтерілмек. Қалалық Жолаушылар көлігі және автомобиль жолдары басқармасының басшысы Ержан Диханбаевтың мәлімдеуінше, мегаполисте қоғамдық көлікке басымдық беру, веложолдар желісін кеңейту және бірқатар көшелерге біржақты қозғалыс енгізу жоспарланып отыр.
Басқарма басшысы қазіргі заманғы табысты қаланың басты көрсеткіші адамдарға қолайлы кеңістік қалыптастыру екенін атап өтті.

«Бір автобус жолағы кәдімгі автомобиль жолағына қарағанда әлдеқайда көп адам тасымалдай алады. Сондықтан біз қоғамдық көлікті дамытуға, велоинфрақұрылым қалыптастыруға және көшелердің қауіпсіздігін арттыруға басымдық береміз», – деді Ержан Диханбаев.

Маршруттар жаңарып, төлем жүйесі жеңілдеді

Бүгінгі таңда Алматыда 26 тасымалдаушы 206 тұрақты бағыт бойынша...

Олимпиада чемпионы Елдос Сметов Қытайдың Циндао қаласында өтетін дзюдодан әлемдік Гран-при кезеңіне қатысушылар тізіміне енді. Дүбірлі дода 26-28 маусым аралығында өтеді.

Елдос Сметов үшін бұл 2024 жылғы Париж Олимпиадасынан кейінгі алғашқы халықаралық жарыс болмақ. Еске сала кетейік, Сметов Парижде қазақстандық дзюдо тарихындағы тұңғыш алтын медальді жеңіп алған еді. Халықаралық дзюдо федерациясы (IJF) оны 60 келіге дейінгі салмақ дәрежесінде қатысушылар қатарына қосты.

Осы салмақта ел намысын Сметовпен бірге Талғат Орынбасар да қорғайды. Алдын ала мәлімдеме бойынша, Циндаодағы турнирге Қазақстан ұлттық құрамасынан 21 спортшы (11 ер және 10 әйел) аттанады.

Қазақстан құрамасының толық құрамы:

Ерлер арасында 60 кг: Елдос Сметов, Талғат Орынбасар...

Елорданың 19 жастағы тұрғыны өзінің жаңа туған баласын ерлі-зайыптыларға сатқан. Қылмысты жасыру үшін ол делдалдар арқылы жүктіліктің сегізінші айында суррогат ана болу туралы жалған шарт жасасқан. Бұл туралы Астана қаласының прокуратурасы хабарлады.

Соттың 2025 жылғы 23 мамырдағы үкімімен қыз және делдалдар Қазақстан Республикасы Қылмыстық кодексінің 135-бабы «Кәмелетке толмағандар саудасы» бойынша кінәлі деп танылды.

Сотталушыларға пробациялық бақылау белгілене отырып, шартты түрде 8 жыл бас бостандығынан айыру жазасы тағайындалды.
 
Баланың құқықтары мен заңды мүдделерін қорғау мақсатында ол кәмелетке толмағандарға арналған мамандандырылған мекемеге орналастырылды.

Сонымен қатар, Астана қаласы әкімдігінің «Мамандандырылған балалар үйі» КММ-нің талап-арызы бойынша анасы ата-ана құқықтарынан айырылды.