Жаңалықтар

Жамбыл облысында халықтың әлеуметтік осал топтарына жататын 316 отбасы жаңа пәтерге қол жеткізді. Бұл туралы Жамбыл облысы әкімінің баспасөз қызметі хабарлады.

Тараз қаласының Әулиеата ауданындағы Ұлы дала (15) шағынауданында 196 пәтерлі, ал Жамбыл ауданының орталығы Аса ауылында 120 пәтерлі көпқабатты тұрғын үйлер пайдалануға берілді.

Жаңа баспаналар ұзақ жылдар бойы тұрғын үй кезегінде тұрған отбасыларға табысталды.

Пәтер кілттерін тапсыру рәсіміне облыс әкімі Ербол Қарашөкеев пен Отбасы банк басқарма төрағасы Ләззат Ибрагимова қатысты. Сондай-ақ шараға облыстық және қалалық ардагерлер кеңестерінің төрағалары, қоғамдық кеңес мүшелері мен зиялы қауым өкілдері қатысып, қоныс иелеріне ақжарма тілектерін білдірді.

Салтанатты жиында сөз сөйлеген Ербол Қарашөкеев Мемлекет басшысының тапсырмасына...

Шахматтан үш дүркін әлем чемпионы Бибісара Асаубаева қазақ тілін білмегені, өзге елдің атынан ойнағаны үшін сынаушыларға жауап берді.

Министрлік құны көк тиын

22 жастағы Бибісара Асаубаева мен спорт министрлігі арасында текетірес жүріп жатқан уақытта, әлеуметтік желілерде дауласушы қос тарапқа қарсы сын көбейді.

«Threads-ті оқыдым. Енді мені көпшілігі халық жауына жатқызғанға ұқсайды…», – деп мұңайды желідегі «хейттен» шаршаған шахматшы.

Асаубаева жеке парағына жасалған шабуылдардың артында министрлік тұр деп есептейді.

«Шахмат маңызды емес деп есептейтін министрлік парақшама бот жаудырудан басқаға қауқарсыз болса, оның құны көк тиын«, – деп сынады мінезд...

11 маусым күні футболдан 2026 жылғы әлем чемпионаты басталды. Канадалықтар тұңғыш рет әлем чемпионатын өз жерінде қабылдағалы отыр. Осыған дейін 1986 және 2022 жылдары Мундиальға қатысқан Канада әлі бірде-бір ұпай еншілемеген. Джесси Марш шәкірттері алғашқы ойында Босния және Герцоговина құрамасымен кездеседі. Канадалықтардың көшбасшысы Альфонсо Дэвис жарақатына байланысты алғашқы ойынға қатыса алмайды. Енді бар жауапкершілік шабуылшы Джонатан Дэвидке жүктелмек.

Бұл ойын қазақстандық жанкүйерлер үшін қызықты болмақ. Себебі Босния құрамында елордалық «Астана» клубының жартылай қорғаушысы Иван Башич өнер көрсетеді. Ол Қазақстан Премьер-лигасы тарихында әлем чемпионатында бақ сынайтын алғашқы футболшы атанбақ. Босниялықтардың сапында сондай-ақ олардың басты жұлдызы 40 жастағы капитан Эдин Джеко алаңға...

Алматының демографиялық салмағы соңғы 17 жылда қатты өзгерді. 2009 жылы қалада 1 447 486 адам тұрса, 2026 жылы халық саны 2 348 103 адамға жетті. Яғни қала халқы 900 617 адамға немесе 62,2%-ға көбейді. Kursiv Media мегаполис аудандарына зерттеу жүргізді.

Басты өзгеріс тек жалпы өсімде емес. Қала ішіндегі халықтың қоныстануы да ауысты. Бұрын Алматы халқының негізгі бөлігі Әуезов пен Бостандық аудандарында шоғырланса, қазір Алатау ауданы бірінші орынға шықты. Наурызбай ауданы да ең жылдам өскен аймақтардың біріне айналды.

Алатау ауданы бірінші орынға шықты

2026 жылғы дерек бойынша Алматыдағы ең халқы көп аудан – Алатау. Онда 400 953 адам тұрады. Бұл...

11 маусым күні Almaty Arena спорт кешенінде әлемге әйгілі Cirque du Soleil (Дю Солей) ұсынған OVO шоуының көптен күткен тұсаукесері өтті. Осы айтулы мәдени оқиғаның қарсаңында халықаралық шығармашылық топ алғаш рет БАҚ өкілдеріне арнап сахна сыртындағы өмірдің шымылдығын түрді және ауқымды қойылымның қалай дайындалатынын көрсетті.

Сахна сыртындағы тылсым өмір

Кешкі премьера алдында журналистер әдетте қарапайым көрерменнің көзінен таса қалатын дайындық барысымен танысып шықты. Сахна сыртында әртістер қыздыру жаттығуларын жасап, соңғы дайындықтарын пысықтаса, костюмерлер жүздеген сахналық образ элементтерін әзірлеп, техникалық топ жарық, дыбыс пен күрделі акробатикалық құрылымдардың қауіпсіздігін тексеріп жатады.

Жәндіктер әлеміне саяхат

Португал тілінен «OVO» сөзі «жұмыртқа» деп...

Қазақстан мамыр айында Германияға мұнай жеткізбеген. Сондай-ақ Каспий құбыр консорциумы (КҚК) жүйесі мен Ақтау теңіз порты арқылы өтетін «Баку–Тбилиси–Джейхан» (БТД) бағытындағы мұнай экспорты азайған. Бұл туралы Reuters агенттігі «ҚазТрансОйл» компаниясының баспасөз қызметінен сілтеме жасап хабарлады.

Ресми мәліметтерге сүйенсек, мамыр айында Ақтау портынан «Баку–Тбилиси–Джейхан» мұнай құбырына қарай 125 мың тонна қазақстандық шикізат жөнелтілген. Бұл өткен жылдың сәйкес кезеңімен салыстырғанда 20 мың тоннаға аз.

Ал КҚК жүйесіне айдалған мұнай көлемі 102 мың тоннаға кеміп, 395 мың тоннаны құрады. Сонымен қатар компания мамыр айында Германия бағытына мұнай экспортын жүзеге асырмағанын мәлімдеді.

Десе де, кейбір бағыттар бойынша тасымал көлемінің өскені байқалады. Мәселен, «Өзен–Атырау–Самара» магистральды...

Биыл сәуір-мамыр айларында террористік және экстремистік қылмыс жасағаны үшін 13 адам сотталды. Бұл туралы ҰҚК хабарлайды.

Мәселен, террористік идеологияны насихаттап, таныстарын террористік белсенділік аймақтарына шығуға үгіттеген Астана тұрғыны 8 жылға бас бостандығынан айырылды. Ал Қазақстанда діннің билік құруын қалап, терроризм идеясын таратқан шымкенттік азамат 7 жылға қамалды.

Дәл осындай айыптармен Астана, Алматы, Шымкент қалаларында, Атырау, Ақтөбе, Жамбыл, Қарағанды, Түркістан және Абай облыстарынан 11 күдікті, оның ішінде 2 шетелдік және шетелден экстрадицияланған 3 Қазақстан азаматы ұсталды.

 «Олар интернетте және өз айналасында экстремистік материалдарды таратты, террористік белсенділік аймақтарына шығуға және өздерінің ұстанымдарымен келіспейтін адамдарға қатысты...

Денсаулық сақтау саласының мамандары стрестен арылып, босаңсуға көмектесетін сусынды атады. Ол кешкі уақытта ағзаны тыныштандырып, ұйқы сапасын жақсартуға көмектеседі. Бұл сусын кей деректерде «ай сүті» (moon milk) деп аталады. Бұл туралы Kursiv.media EatingWell дерегіне сілтеме жасап хабарлады.

Ай сүті деген не

Ай сүті – жылы сүттен (немесе өсімдік негізіндегі сүттен) дайындалатын сусын. Оған ағзаны тыныштандырып, босаңсуға көмектесетін түрлі қоспалар қосылады. Құрамында ашваганда, женьшень, даршын, куркума және мускат жаңғағы сияқты пайдалы қоспалар болуы мүмкін.

Психолог Инна Хазанның айтуынша, мұндай сусын кешкі әдеттің пайдалы бөлігіне айналуы мүмкін:
«Ол ақыл-ойды, денені және жүйке жүйесін демалысқа дайындауға көмектеседі. Оны тұрақты түрде...

КТК теларнасы 2025 жылдың қорытындысы бойынша шығынға ұшырап, ірі акционері саналатын Нұрсұлтан Назарбаев қорына тағы дивиденд тимеді. Қаржылық есептілік депозитарийіне (ҚЕД) осындай мәлімет жолданды. Құжатта акционерлердің 28 мамырдағы жиналыста қабылдаған шешімі туралы айтылды.

Дивиденд пен сыйақы жоқ

Телеарна акционерлері 2025 жыл шығынмен аяқталуына байланысты былтырғы таза табысты бөлмеу туралы шешім қабылдады. Соған байланысты компанияның жай акцияларына дивиденд төлеу толығымен тоқтатылды. Айта кетейік, 2022, 2023 және 2024 жылдары да осындай төлем жасалған жоқ.

Құжатқа сәйкес, Директорлар кеңесінің мүшелері, бас директор және басқарма құрамындағылар 2025 жылдың қорытындысы бойынша сыйақы алмайды.

Басымдыққа ие акциялар бойынша ғана төлем жасалады. Ол былтыр...

Қазақстанда жаңа піскен қызанақ импортын уақытша шектеу ұсынылды. Тиісті бұйрық жобасын Ауыл шаруашылығы министрлігі «Ашық НҚА» порталында жариялады.

Құжатқа сәйкес, бұл шешімді Сыртқы сауда саясаты және халықаралық экономикалық ұйымдарға қатысу мәселелері жөніндегі ведомствоаралық комиссия қабылдаған.

«Бұйрық жобасында 1 шілдеге дейін үшінші елдерден Қазақстан аумағына жаңа піскен немесе салқындатылған қызанақты автомобиль, теміржол, әуе және басқа да көлік түрлері арқылы әкелуге тыйым салу көзделген. Бұл шектеу Еуразиялық экономикалық одаққа мүше мемлекеттерден жеткізілетін өнімдерге және Қазақстан аумағы арқылы халықаралық транзитпен тасымалданатын жүктерге қолданылмайды», – делінген құжатта.

Министрлік өкілдерінің айтуынша, бұл шара отандық өндірушілерді қолдауға бағытталған.

Бұйрық жобасын...

Мемлекет қаржылай көмек көрсетіп, банкроттықтан аман алып қалған жүйелі маңызды банктер кейін жеке инвесторларға қалай сатылады? Қазақстан Үкіметі осы процесті реттейтін арнайы қаулы жобасын әзірледі. Құжаттағы ең негізгі жаңалық – мемлекет банкке құйған қаржысын жаңа қожайыннан толық көлемде қайтара алмауы мүмкін. Билік қаржы нарығының тұрақтылығы мен салымшылардың ақшасын сақтап қалу үшін инвесторларға жеңілдік жасауға және шығынның бір бөлігін өз мойнына алуға дайын отыр.

Мемлекет банкті қалай сатып алады?

Егер Қазақстанның қаржылық тұрақтылық кеңесі жүйелі маңызды банкті сауықтыруға мемлекет қатысады деп шешсе, арнайы құтқару режимі іске қосылады. Қаржы нарығын реттеу және дамыту агенттігі, Ұлттық банк...

Биыл футболдан Әлем Чемпионатының ашылуында өнер көрсеткен басты жұлдыздың бірі – Шакира болды. Ол нигериялық музыкант Бурна Боймен бірге мундиальдың әнұранына айналған «Dai Dai » әнін орындады.

Италиян тілінен аударғанда «Dai Dai » алға бас, тоқтама деген мағынаны білдіреді. Яғни чемпионат қатысушыларына «жеңіске жету үшін тоқтамай алға басу керек» деген үндеу тастайды.

Әлемдік турнирдің ашылуына дейін Шакира мен Бурна Бой «Dai Dai» әніне арнайы бейнебаян түсірген еді. Клип жарты ай ішінде ютубта 100 млн-нан астам қаралым жинады. Ал стадиондағы перфомансты 80 мыңнан аса адам тамашалады.

Алматы қаласында 12 жастағы оқушы пышақ жарақатынан кейін көз жұмды. Полиция марқұмның 13 жастағы бір танысын ұстады. Туыстары көпшіліктен қолдау күтеді.

Іс қозғалды

Қайғылы оқиға Алматы қаласы Түріксіб ауданында 10 маусымда кешке болған. Полиция мәліметінше, оқушы бала пышақ парақатынан қаза тапқан.

Оны өлтірді деген күдікпен 13 жастағы жасөспірім ұсталды. Күдікті марқұмды танитын болып шықты.

«Алдын ала мәлімет бойынша, жарақат кәмелет жасқа толмаған балалардың жанжалы кезінде түскен. Қазір күдікті арнайы мекемеге қамалды», – деп хабарлады Алматы қаласы полиция департаментінің баспасөз қызметі.

Полиция қылмыстық іс қозғады. Тергеу жүріп жатыр.

Тоғыз мәрте пышақ сұғылған

Марқұмның туыстарыны...

Астанада шетел азаматтарына заңсыз ЖСН рәсімдеген топтың ісі сотқа жолданды. Оның ішінде «Азаматтарға арналған үкімет» мемлекеттік корпорациясының қызметкерлері де бар. Бұл туралы Қаржылық мониторинг агенттігі (ҚМА) хабарлады.

Агенттік мемлекеттік органдардың ақпараттық жүйелері мен сыбайлас жемқорлық тетіктерін пайдалану арқылы шетелдіктерге ЖСН заңсыз рәсімдеу схемасы анықталғанын мәлімдеді.

«Қолданыстағы заңнамаға сәйкес шетел азаматтарына ЖСН беру олардың Қазақстан аумағында жеке қатысуы және міндетті биометриялық сәйкестендіруден өтуі арқылы ғана жүзеге асырылады. Алайда 2024–2025 жылдары өтініш берушілердің елге келуінсіз-ақ ЖСН рәсімдеуге заңсыз көмектесетін қылмыстық схема ұйымдастырылған», – деп хабарлады ҚМА.

Қылмыстық топ бұл схеманы жүзеге асыру үшін әлеуметтік желідег...

Танымал актриса Жанель Мақажан төрт жылдан кейін орамалын шешті. Жолдасы Абай Асылханмен жаңа стильде видео түсіріп, инстаграм парақшасында жариялаған.

Ол енді той жүргізуге кіріскенін айтты.

«Той жүргізу, Ұзату саласына белсенді кірісіп жатырмыз. Біз сіздердің қуанышты сәттеріңізді абыроймен, қызықты әрі әсерлі етіп өткізуге дайынбыз! Тойларыңыз болса хабарласыңыздар», – деп жазған ол видео астында.

Жанель Мақажан көпшілікке «Қош бол, Гүлсары», «Махаббатым жүрегімде», «Ана жүрегі» фильмдері арқылы таныс. Ол 2022 жылы қажылыққа барып келгеннен кейін орамалға келгенін айтқан еді.

Соңғы уақытта медиадағы бірнеше танымал актриса, әнші орамалдан бас тартқанын хабарлады. Қаңтарда Айдана Меденова...

Президент Дональд Трамп АҚШ пен Иран соғысты аяқтауға келіскенін мәлімдеді. Алайда Тегеран мәліметті ресми түрде растауға асығар емес.

«Естіген шығарсыздар, бүгін біз Иранмен арадағы соғысты аяқтадық. Олар ешқашан ядролық қару иемденбеуге келісті. Біздің де талабымыз осы», – деп мәлімдеді Трамп. Ол Джорджия вице-губернаторы Берт Джонсты қолдауға келген уақытта осылай деді. Ақ үй қожайынының айтқандарын CNN телеарнасы таратты.

Осының алдында ғана Трамп Иранды атқылауды бір күнге тоқтатқанын Truth Social әлеуметтік желісіне жазған.

«Келісімге қол қойылатын күн мен орын жақында жарияланады», – дейді Трамп.

Дегенмен Тегеран соғыс аяқталғаны...

Халықаралық валюта қоры (ХВҚ) әлемдік экономиканың даму қарқынына қатысты кезекті болжамын жариялады. Қаржы ұйымының «World Economic Outlook» атты сәуірдегі баяндамасында Қазақстан инфляция деңгейі жоғары әлемдегі ең үздік 20 елдің қатарына енгені жазылған.

Сарапшылардың пайымдауынша, биыл елдегі инфляция көрсеткіші 10,7%-ды құрамақ. Бұл есеп бойынша Қазақстан жаһандық рейтингте 18-орынға тұрақтады.

Дәл осы тізімде Қырғызстан да 10,6%-дық көрсеткішпен 19-орынға жайғасқан. Осылайша, қос мемлекет посткеңістіктегі инфляция деңгейі ең жоғары елдер ретінде тіркеліп отыр.

Әлем бойынша инфляция деңгейі ең жоғары мемлекет ретінде Венесуэла көш бастап тұр, ондағы баға өсімі 387,4%-ға жеткен. Ал жаһандық деңгейде дефляция, яғни бағаның төмендеуі байқалатын жалғыз ел – Коста-Рика (-0,4%).

Ресми...

Арменияның «FlyOne Armenia» әуе компаниясы Қазақстанға рейстер ашады. Бұл туралы Көлік министрлігі хабарлайды.

Жаңа компания 12 маусымнан бастап Ереван – Алматы бағыты бойынша аптасына 2 рет (дүйсенбі және жұма күндері) рейс орындай бастайды. Нәтижесінде Қазақстан мен Армения арасындағы рейстердің жалпы саны аптасына 3 рейстен 5 рейске дейін артады.

Бұған дейін Астана мен Ереванды жалғайтын рейс ашылатыны туралы жазғанбыз. 20 сәуірден бастап аталған рейсті Shirak Avia әуе компаниясы орындайды.

Әлемнің ең бай адамы Илон Маск адамзат тарихында ең алғашқы триллионер атануға жақын. Оның SpaceX компаниясы IPO-да 75 млрд доллар тартқан соң, Маск дәулеті 982 млрд долларға жетті.

Қазірдің өзінде баспасөз 54 жастағы кәсіпкер Илон Маскіні «алғашқы триллионер» деп атап үлгерді. Мәселен, беделді Reuters басылымының өзі мақаласын осылай деп айқайлатып атады.

Дегенмен Forbes түзген әлемдегі ең бай адамдардың онлайн рейтингінде Маск дәулеті 982,6 млрд долларға бағаланған. Оның байлығы аз уақыттың ішінде 12,6 млрд долларға, яғни 1,30%-ға артқан.

Америкалық Илон Маск жеті компанияның құрылтайшысы. Олардың арасында электромобиль өндіруші Tesla, зымыран шығарушы SpaceX, жасанды интеллект саласындағы xAI стартапы...

10 маусымға қараған түні Таразда жасөспірім қыз өзіне қол жұмсады. Алдын-ала мәлімет бойынша, ол отбасылық жанжалдан кейін осындай әрекетке барған.

Полиция департаменті суицид фактісі бойынша тергеу басталғанын растады. Қазір мамандар қайғылы жағдайға не себеп болғанын анықтап жатыр. Тергеу мүддесі үшін өзге ақпарат жарияланбады.

Бұған дейін Жамбыл облысы, Қордай ауданында сарайдан екі жасөспірімнің денесі табылған еді. Екеуі де тоғызыншы сынып оқушысы және бір-бірімен таныс болған.

Тағы да оқыңыз: Жамбылда мектеп оқушысының өз-өзіне қол жұмсау ісі бойынша үш адам сотталды

Футболдан Әлем чемпионатының 1-туры аясында Оңтүстік Корея мен Чехия құрамалары жасыл алаңда кездесіп, жанкүйерлерге тартысты әрі драмаға толы ойын сыйлады. ФИФА рейтингінде 25-орында тұрған азиялық ұжым 40-орындағы еуропалық қарсыластарын 2:1 есебімен жеңіп, маңызды 3 ұпайға қол жеткізді.

Бірінші тайм

Ойынның алғашқы 45 минуты қос команданың бір-бірін аңдуымен және сақ қимылдауымен өтті. Екі жақ та қорғанысқа баса назар аударып, есеп ашатын мүмкіндіктерді жіберіп алды. Нәтижесінде бірінші тайм 0:0 есебімен аяқталды.

Екінші тайм

Екінші тайм басталғаннан кейін ойын мүлдем басқа арнаға бұрылды.

59-минутта Чехия құрамасы есеп ашты. В. Цоуфалдың пасынан кейін Крейчи мергендік танытып, еуропалықтарды алға шығарды (0:1).

Көп ұзамай...

Футболдан 2026 жылғы Әлем чемпионатының ашылу матчында алаң қожайындарының бірі – Мексика құрамасы Оңтүстік Африка командасын қабылдап, 2:0 есебімен маңызды жеңіске жетті.

Тартысты өткен кездесуде мексикалықтар өз жанкүйерлерінің алдында жоғары дайындық пен шабуылдағы тиімділікті көрсете білді.

Бірінші тайм: жылдам салынған гол және басымдық

Ойын басталған сәттен-ақ Мексика құрамасы допқа иелік етіп, қарсыластың қорғанысын бұзуға тырысты. Бұл қысым көп күттірген жоқ. Ойынның 9-минутында Э. Лираның тамаша пасынан кейін Х. Киньонес есеп ашып, стадионды дүр сілкіндірді.

Бірінші таймда Оңтүстік Африка футболшылары дөрекі ойнап, 17-минутта Т. Мокоена сары қағаз алса, Мексика сапынан 23-минутта Б. Гутьеррес те ескерту алды. Алғашқы 45 минут...

Мексика астанасы Мехико қаласында 2026 жылғы футболдан әлем чемпионатының ашылу салтанаты өтті. Іс-шара мундиальдің алғашқы матчы өтетін әйгілі «Ацтека» стадионында ұйымдастырылды.

Алдымен ацтектер бейнесіндегі мексикалық бишілер өз елінің тарихын баяндайтын ауқымды шоу көрсетті. Бір нұсқа бойынша, жергілікті тұрғындар доппен ойналатын ойынды (футболдың бастауы) осыдан 3000 жыл бұрын ойлап тапқан.

Сондай-ақ, стадионның ортасында әлем чемпионатының жеңімпазына табысталатын кубоктың көшірмесі – үлкен алтын кубок пайда болды.

Кейіннен Шакира, Бурна Бой, Джей Балвин, «Мана» тобы, Тайла және Алехандро Фернандес сияқты танымал орындаушылар өнер көрсетті. Салтанатты шара жарқыраған отшашумен аяқталды.

Ыстанбұлда есірткіге қатысты шулы іс бойынша тағы 23 адам, оның ішінде танымал тұлғалар ұсталды. Hürrıet басылымының хабарлауынша, олардың арасында «Ғажайып жүз жыл» сериалының жұлдызы, актриса Берен Саат, модель, актриса, әнші және «Түркия аруы – 1999» атағының иегері Айше Хатун Онал, әнші Кенан Догулу, әлеуметтік желі жұлдызы Керимджан Дурмаз бар.

Есірткіге қарсы полиция операциясы барысында ұсталған танымал тұлғаларды алдымен сот-медициналық сараптама институтына жеткізді. Қан мен шаш үлгілерін тапсырғаннан кейін, оларды полиция бөлімшесіне ауыстырды.

Тұтқындалғандарға есірткі немесе психотроптық заттарды жеке мақсатта сақтау және есірткі қолдануға жәрдемдесу айыптары тағылуда.

Операция кезінде полиция тінту жұмыстарын жүргізді, нәтижесінде кейбір мекенжайлар мен жұмыс орындарынан есіртк...