Жаңалықтар

Қазақстан қаржыгерлер қауымдастығы (ҚҚҚ) нарықтың кәсіби қатысушылары арасында кезекті сауалнаманы жүргізіп, ел экономикасының басты макроэкономикалық көрсеткіштеріне қатысты маңызды болжамдарын жариялады. Сарапшылардың пайымынша, алдағы бір жыл ішінде доллар 520 теңгеге дейін қайта қымбаттауы мүмкін.

Сарапшылардың пайымдауынша тамыз айының басына қарай доллар бағамы 483,3 теңге деңгейінде қалыптаспақ. Алайда ұзақмерзімді яғни бір жылдық көкжиекке көз жүгіртсек, ұлттық валюта айтарлықтай әлсірейді деп болжап отыр.

Мамандардың орташа есеппен жасаған болжамы бойынша, 12 айдан кейін АҚШ валютасының құны 520,4 теңгеге дейін көтерілуі мүмкін. Айта кетерлігі, бұған дейінгі маусым айындағы сауалнамада бұл көрсеткіш 518,9 теңге болады деп көрсетілген еді.

Демек нарық ойыншыларының теңге...

Атырау қаласының тұрғыны атасынан қалған ескі Winchester 1895 ойық ұңғылы винтовкасын өз еркімен полицияға тапсырды. Қазақстанда заңсыз сақталған қаруды ерікті түрде ақылы тапсыру акциясы жүріп жатыр.

ІІМ мәліметінше, атыраулық азамат атасынан мұра болып қалған көне қаруды ұзақ жылдары бойы үйінде сақтаған. Акция туралы білгеннен кейін, ол қаруды полицияға өткізген.

Құзырлы мекеме акциясына сай, азаматтар қаруды заңсыз сақтағаны үшін қылмыстық жауапкершіліктен босатылады. Бұған қоса қару иесі 100 АЕК-ке, яғни 432 500 теңгеге дейін ақшалай сыйақы ала алады.

Қазір полиция мамандары ескі винтовкаға сараптама жүргізіп жатыр. Егер оның тарихи құндылығы расталса, қару музейге табысталып, тарихи жәдігер ретінде сақталады.

Winchester...

Алматы облысында 2025 жылдың қазан айында із-түзсіз жоғалып кеткен әйелдің мәйіті табылды.

AstanaTV телеарнасының мәліметінше, Қараой ауылының 1984 жылы туған тұрғыны үйінен шығып кетіп, қайта оралмаған. Содан соң оның жолдасы полицияға арызданған. Құқық қорғау органдары көрші аймақтарды да қамти отырып, ауқымды іздестіру шараларын ұйымдастырды. Бір жылдан кейін жоғалған әйел өлі табылды.

Облыстық полиция департаменті факт бойынша қылмыстық іс қозғалғанын хабарлады. Өлімнің нақты себебі сот-медициналық сараптамасының нәтижесінен кейін белгілі болады.

«Аталған дерек бойынша қылмыстық іс қозғалды. Қазіргі уақытта оқиғаның мән-жайын толық анықтауға бағытталған қажетті тергеу және процестік әрекеттер кешені жүргізіліп жатыр, сондай-ақ тиісті сот сараптамалары...

Президент Қасым-Жомарт Тоқаев Қырғызстан, Қатар, Мажарстан және Сербияға Қазақстанның жаңа елшілерін тағайындап, бірқатар дипломатты қызметінен босатты. Бұл туралы Ақорданың баспасөз қызметі мәлімдеді.

Президент жарлығымен жаңа қызметке тағайындалғандар:

Әбілқайыр Бақтыбайұлы Сқақов Қазақстанның Қырғыз Республикасындағы Төтенше және Өкілетті Елшісі лауазымына тағайындалды;

Бақыт Данабекұлы Батыршаев Қазақстан Республикасының Қатар Мемлекетіндегі Төтенше және Өкілетті Елшісі лауазымына тағайындалды;

Анель Бақытбекқызы Қазақстанның Мажарстандағы Төтенше және Өкілетті Елшісі лауазымына тағайындалды;

Болат Бәриұлы Иманбаев Қазақстанның Сербиядағы Төтенше және Өкілетті Елшісі болып тағайындалды, ол Армениядағы Төтенше және Өкілетті Елшісі лауазымынан босатылды;

Қазақстанның Үндістандағы Төтенше және Өкілетті Елшісі Азамат Несіпбайұлы Есқараев Бангладеш Халық Республикасындағы...

Ұлттық статистика бюросының дерегіне сәйкес, Қазақстанда жалақы мен әлеуметтік төлемдер өсіп, табыс деңгейі рекорд көрсеткішке жеткен. Алайда инфляциядан аса алмай жатыр.

Нақты табыс қаншаға өсті

Ресми мәліметке сүйенсек, 2026 жылдың үш айында елде жан басына шаққандағы орташа атаулы табыс 252 619 теңгеге жеткен. Бұл былтырғы сәйкес кезеңімен салыстырғанда 11,8%-ға көп. Ақшаның бұлай көбеюіне нақты сектордағы еңбекақының артуы мен мемлекет тарапынан берілетін әлеуметтік төлемдердің өсуі тікелей әсер етті.

Алайда дәл осы уақытта елдегі инфляция деңгейі 11,7%-ды құраған. Нәтижесінде, қымбатшылықты есепке алғандағы халықтың нақты (шынайы) табысы небәрі 0,1%-ға ғана өсті. Яғни қалтаға түскен артық теңгенің пайдасын инфляция жұтып қойып, халықты...

Әнші Рики Мартиннің концерті Алматыдағы «Спартак» стадионында емес Республика сарайында өтеді. Бұл өзгеріс жайлы Freedom Ticketon сайтында жазылған.

Концерт өтетін уақыт, билет бағасы өзгерген жоқ, тек локациясы ауысты. Оған не себеп болғаны белгісіз. Бірақ бұл жағдай әншінің жанкүйерлеріне ұнай қоймаған секілді. Көпшілігі стадионда еркін билеп, ән айтуды жоспарлағанын айтады. Ал Республика сарайында ондай фан-зона орын қарастырылмаған.

«Біз «Шаншар» концертін көру үшін емес билеу үшін сатып алдық қой билетті. Не сұмдық мынау!», – деп жазады желі қолданушылары.

Рики Мартиннің әлемдік туры аясындағы концерті 18 шілдеде өтеді. Ол шоуда «Livin’ la Vida Loca», «Maria...

10 шілдеде Астана уақытымен түнгі сағат 00:59-да Жамбыл облысы аумағында жер сілкінді. Бұл туралы Kursiv.Media Қазақ ұлттық деректер орталығы мәліметіне сүйене отырып хабарлайды.

Жамбыл облысы аумағында бір аптаның ішінде екінші мәрте айтарлықтай қуатты жер сілкінісі тіркеліп отыр. Деректер орталығының Геофизикалық зерттеулер институты өңір аумағында тіркелген жерасты дүмпуінің магнитудасын 4,5 балл деп бағалады. Дүмпу 15 км тереңдікте болған.

Жер сілкінісінің ошағы Тараз қаласынан оңтүстік-батысқа қарай 65 км қашықтықта орналасқан.

Жер сілкінісі Алматы қаласынан шамамен 500 км, ал Бішкек қаласына шамамен 300 км жерде болды.

Естеріңізге сала кетейік, 4 шілдеде дәл осы Жамбыл облысы аумағында жер сілкінген. Сол...

Германияда маусым айында тіркелген аптап ыстықтан 5 мыңнан астам адам қайтыс болды. Роберт Кох атындағы институт осындай тұжырым жасады деп жазады DW.

Институт есебі бойынша, маусым айының соңғы аптасының өзінде 4,3 мыңнан астам адам қайтыс болған. Ғалымдар ыстықтан келген нақты зардап бұдан да ауыр болуы мүмкін екенін айтады.

Мәселен Германияның Федералдық статистикалық ведомствосы маусымның 22-сі мен 28-і аралығындағы өлім-жітім көрсеткіші қалыпты жағдайдан 6,8 мың жағдайға асып кеткенін мәлімдеді. Яғни ауа райы қалыпты болған уақытпен салыстырғанда бір аптаның ішінде қайтыс болғандар бірнеше мыңға көп.

Сарапшылардың түсіндіруінше, жоғары температураның адам өліміне тікелей себеп болмайды. Көбінде аптап ыстық адамның созылмалы ауруларын...

Астана қаласының Байқоңыр ауданындағы Алаш тас жолы бойында орналасқан қоқыс полигоны кешеден бері өртеніп жатыр. Оны сөндіруге жүз шақты өрт сөндіруші жұмылдырылған.

Төтенше жағдайлар министрлігі полигондағы өртті сөндіру қиынға түскені туралы хабарлады.

«Өртті сөндіру жұмыстары қою түтін мен қатты тұрмыстық қалдықтардың жану ерекшеліктеріне байланысты қиындады. Өрт сөндірушілер тілсіз жауды сөндіру үшін барлық қажетті шараларды қабылдап жатыр», – деп таратты министрлік.

Өртенген қоқысты сөндіруге 100-ге жуық жеке құрам мен 47 бірлік арнайы техника жұмылдырылды.

Министрлік жағдайды бақылауда ұстап отырғанын мәлімдеді. Жұма, 10 шілде күні таңертең өрттің оқшауланғаны немесе сөндірілгені туралы ақпарат жарияланған жоқ.

...

9 шілдеде Иранның бұрынғы жоғарғы көсемі аятолла Әли Хаменеи мен оның төрт туысы жерленді. Алайда елдің қазіргі көсемі Мұжтаба Хаменеи әкесі мен әйелінің жаназасына қатысқан жоқ.

Иран билігінің мәліметінше, миллиондаған тұрғын бейсенбі күні Хаменеи әулетінің бес мүшесін ақтық сапарға шығарып салды. Елді 37 жылға жуық уақыт басқарған бұрынғы жоғарғы көсем аятолла Әли Хаменеи, оның қызы Бошра Хаменеи, 14 айлық немересі Захра Мохаммади Голпаеғани (Бошраның қызы), келіні Захра Хаддад Адель (қазіргі жоғарғы көсем Мұжтабаның әйелі), күйеу баласы Мисбах әл-Хода Багери-Кани Мәшһәд қаласындағы Имам Реза кесенесі аумағына жерленді. Үлкен мешіт маңына, Reuters мәліметінше, жүздеген мың адам жиналды.

Ықпалды әулетт...

Футболдан өтіп жатқан Әлем чемпионатында «Алтын бутсы» үшін де талас қыза түсті. Ширек финалда Марокко қақпасына гол соққан Франция құрамасының шабуылшысы Килиан Мбаппе сұрмергендер тізімінде көш бастап тұрған Лионель Мессимен теңесті.

Үздіктер дуэлі: Мбаппе vs Месси

Қазіргі уақытта қос супержұлдыздың да еншісінде 8 голдан бар. Дегенмен, турнирлік кестедегі қосымша көрсеткіштер (нәтижелі пастар) бойынша француздық шабуылшы сәл алда тұр:

Мбаппе командаластарына 3 рет голдық пас шығарып бергендіктен, сұрмергендер шеруінде ресми түрде 1-орынға жайғасты.

Өкшелеп келе жатқан бәсекелестер

Үздік екі алыптан бөлек, «Алтын бутсыдан» әлі де үмітін үзбеген бірнеше...

Футболдан өтіп жатқан Әлем чемпионатының ширек финалында Франция құрамасы Марокко командасымен кездесіп, 2:0 есебімен сенімді жеңіске жетті.

Тартысты бірінші тайм мен Мбаппенің мүлт кетуі

Ойынның алғашқы бөлімі қос команданың да сақтық танытуымен басталды. Бірінші таймның 28-минутында Франция құрамасының капитаны Килиан Мбаппе пенальтиді орындай алмай, маңызды мүмкіндікті уысынан шығарып алды. Нәтижесінде, алғашқы 45 минут 0:0 есебімен аяқталды.

Екінші тайм: Француздардың басымдығы

Екінші таймда Франция құрамасы шабуылды үдетті. 60-минутта Килиан Мбаппе бірінші таймдағы қателігін түзеп, әдемі соққысымен есеп ашты. Көп күттірмей 66-минутта Усман Дембеле Мбаппенің пасынан кейін есепті еселей түсті – 2:0. 

Марокко құрамасы тарапынан бірнеше ойыншы алмасқанымен, есепті өзгерте алмады. 

Жартылай финал

Франция құрамасы жартылай...

Абай облысында төрт автокөлік соқтығысқан жол-көлік оқиғасы болды. Алдын ала мәліметтер бойынша, апатқа жүргізушілердің бірінің зейінсіздігі себеп болған. Қайғылы жағдай 9 шілдеде таңғы сағат 08:40 шамасында Алматы-Өскемен тасжолының 885-шақырымында, Жарма ауданы Жарма ауылының маңында болды.

Абай облысының полиция департаментінің мәліметінше, Volkswagen Polo жүргізушісі басқаруға мән бермей, рульге ие бола алмай қалған және қарсы бағытқа шығып кетіп, Volvo жүк көлігімен соқтығысқан. Бұдан кейін апатқа Toyota Windom және DAF жүк автокөлігі де тап болған.

Соқтығысу салдарынан Volkswagen Polo-ның жолаушысы оқиға орнында көз жұмды. Апаттың тағы бірнеше қатысушысы түрлі жарақаттармен ауруханаға жеткізілді.

«Аталған факті бойынша Қазақстан Республикасы Қылмыстық кодексін...

Джакартада (Индонезия) өтіп жатқан бокстан Азия чемпионатында U19 жас санатындағы ширек финалдық жекпе-жектер аяқталды, деп хабарлайды ҰОК.

Күндізгі сессияда U19 жас санатындағы ширек финалдық жекпе-жектер өтті. Кездесулер қорытындысы бойынша Мәдира Жұмақан (48 килограмға дейін) техникалық нокаутпен жеңіске жетіп, жартылай финалға шықты. Жадыра Қалтай (51 килограмға дейін) мен Марал Төлепберген (54 килограмға дейін) турнирдегі өнерлерін аяқтады.

Кешкі сессияда Ақнұр Тұрсынғали (57 килограмға дейін) өз жекпе-жегінде жеңіске жетті. Енді ол финалға шығу үшін бақ сынайды. Жасмин Абрамян (60 килограмға дейін) мен Алтынгүл Аймұхан (75 килограмға дейін) жарысты ширек финал кезеңінде аяқтады.

Айта кетейік, U19 жас санатындағы жартылай финалдық жекпе-жектер 13 шілдеде өтеді.

Сот елімізде алғаш рет тыйым салынған Kyzdar.net сайтының қызметіне қатысты қылмыстық іске нүкте қойды.

Солтүстік Қазақстан облысының қылмыстық істер жөніндегі мамандандырылған ауданаралық соты трансұлттық ұйымдасқан топтың алты мүшесін кінәлі деп таныды. Тергеу мәліметтері бойынша, олар интимдік қызмет көрсететін қыздардың анкеталарын ілгерілетуге көмектескен.

Солтүстік Қазақстан облысының прокуратурасы хабарлағандай, айыпталушыларға айып осы жылдың наурыз айында тағылған. Тергеу анықтағандай, бұл топ сыйақы үшін интимдік қызметтер туралы хабарландыруларды орналастырумен және ілгерілетумен айналысқан.

«Бұл – Қазақстандағы Kyzdar.net сайты арқылы жеңгетайлыққа көмектесу ісі бойынша шыққан алғашқы айыптау үкімі. Топ жетекшісі 10 жылға бас бостандығынан айырылды. Қалған бес қатысушының әрқайсысы сегіз...

Батыста найзағай мен қатты желмен жаңбыр жауады, оңтүстікте 42 градусқа дейін ыстық болады деп болжануда. «Қазгидромет» 10 шілдеге ауа райы болжамын ұсынды.

Иран Кувейт, Бахрейн, Қатар және Иорданиядағы америкалық әскери нысандарға зымырандық соққы жасағанын жариялады. Тегеран бұл қадам ел аумағына жасалған америкалық шабуылдардың жаңа толқынына жауап болғанын мәлімдеді, деп хабарлайды Reuters.

9 шілдеге қараған түні АҚШ Иранға кезекті соққыларын жасады. Вашингтон бұл операцияның мақсаты үш жүк кемесіне жасалған шабуылдан кейін Ормұз бұғазындағы кеме қатынасының қауіпсіздігін қамтамасыз ету болғанын мәлімдеді. АҚШ президенті Дональд Трамп шабуылды «кек алу» деп атап, соғысты уақытша тоқтату туралы келіссөздердің бұдан былай өзекті еместігін мәлімдеді.

Бұған жауап ретінде Ислам революциясы күзетшілер корпусы Иорданиядағы АҚШ Әскери-әуе күштерінің бөлімшелері орналасқан Азрак авиабазасына 10 баллистикалық зымыран ұшырылғанын хабарлады. Иран әскерилері, сондай-а...

Қытайдың шығысындағы Фуцзянь провинциясында аяқ киім фабрикасында үлкен өрт болып, 28 адамның өмірін қиды, деп хабарлайды Xinhua агенттігі.

Өрт бейсенбі күні сағат 12:04-те Шыңжаң қаласына әкімшілік тұрғыдан бағынысты Чэньдай кентінің Цзянтоу ауылындағы фабрикада тұтанған. Бастапқыда бірнеше адамның қамалып қалғаны немесе хабар-ошарсыз кеткені хабарланған болатын.

Кейіннен ҚХР Төрағасы Си Цзиньпин іздестіру-құтқару жұмыстарын жүргізуге, өрттің шығу себептерін анықтауға және кінәлілерді қатаң жауапкершілікке тартуға барлық күш-жігерді жұмсауға шақырды.

Төтенше жағдай орнында 183 құтқарушы мен 35 техника жұмыс істеп жатыр. ТЖМ мен Мемлекеттік өртке қарсы құтқару басқармасы аймаққа бірлескен жұмыс тобын жіберді.

Айта кетейік, осыған дейін BYD қытай компаниясының Шэньчжэнь зауытында өндіріс кешені өртенгенін...

Ақтөбеде көптеген мектеп мұғалімдеріне еңбек демалысында берілуі тиіс қаржы берілмеген. Ақшаны әзірге 1 маусымнан бастап демалысқа шыққан мұғалімдер ғана алған.

Жергілікті «Диапозон» басылымының жазуынша, 1 шілдеден бастап шыққандарға демалыс ақысын 10 шілдеде беруге уәде етіп отыр. Білім басқармасы бюджеттен түсімдерді күтіп отырғандарын айтып жауап берді. Әзірге жалақы мен демалыс ақысы 1 маусымнан бастап демалысқа кеткен мұғалімдерге аударылған.

Өңірлік білім бөлімінің ақпаратына сүйенсек, демалыс ақысы 3 күн ішінде төленуі тиіс, бірақ бұл бюджеттің кіріс бөлігінің түсуіне байланысты.

«Біз кесте құрдық, 1 шілде мен 10 шілде аралығында демалысқа шыққандарға ақшаны кезең-кезеңімен төлеуге дайынбыз, бірақ бұл...

Шығыс Қазақстанда ауыл шаруашылығы алқаптарын үйірлі шегірткеге қарсы өңдеудің негізгі кезеңі аяқталды. Бір ай ішінде мамандар 18 мың гектар аумақты өңдеді, ал қабылданған шаралардың тиімділігі 95%-ды құрады.

Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің ШҚО бойынша аумақтық инспекциясы хабарлауынша, химиялық өңдеу жұмыстары зиянкестердің саны экономикалық зияндылық шегінен асқан облыстың алты ауданында жүргізілді.

«Барлық жоспарланған іс-шаралар толық көлемде және белгіленген мерзімде орындалды. Жүргізілген өңдеу жұмыстарының нәтижесі бойынша қолданылған препараттардың биологиялық тиімділігі 95%-ға жетті, бұл үйірлі шегірткенің таралуын тиімді тежеуге мүмкіндік берді», – деп хабарлады инспекциядан.

Зиянкестермен күресу үшін бір уақытта техниканың бірнеше түрі қолданылды. Алқаптарды...

Павлодарда теміржолшы жұмыстағы жазатайым оқиғадан кейін мүгедек болып қалды. Ер адамның көзіне металл жарықшағы кіріп кеткен. Алайда оқиғаны зерттеген комиссия жұмыс беруші 70% кінәлі, ал қалған 30% кінә зардап шегушінің өзінде деген шешімге келген.

Мамандар оны абайсыздық танытты деп есептеді. Жұмыскер бұнымен келіспей, сотқа жүгінді. Істі Павлодар облысының мамандандырылған ауданаралық әкімшілік соты қарады.

Іс материалдарына сәйкес, ер адамның жарақаты өте ауыр болып шыққан, кейіннен оған III топтағы мүгедектік белгіленді. Тергеу барысында жұмыс берушінің зардап шегушіге қорғаныш көзілдірігі берілгенін дәлелдей алмағаны анықталды. Сондай-ақ, жұмысшының еңбекті қорғау нұсқаулықтарымен және тиісті бұйрықпен танысқаны туралы сенімді дәлел табылмады.

Сонымен қатар, сот кәсіпорында еңбект...

Қазақстандық мәнерлеп сырғанаушы Михаил Шайдоров жаңа маусымға дайындығын жалғастыруда. 2026 жылғы Олимпиада чемпионы мұздағы жаттығу сәтінен кадрлар көрсетіп, белгілі канадалық хореограф Ше-Линн Бурнмен бірге жаңа қысқа бағдарлама үстінде жұмыс істеп жатқанын хабарлады.

Шайдоров дайындықтың маңызды кезеңі және құнды кәсіби тәжірибе екенін атап өтті.

«Жаңа маусымға дайындалып жатырмын. Мұз айдында Ше-Линн Бурнмен бірге жаңа қысқа бағдарлама үстінде жұмыс істеу – мен үшін үлкен мәртебе және керемет тәжірибе. Осы бірлескен жұмыс үшін өте ризамын», – деп жазды мәнерлеп сырғанаушы Instagram-да.

Бурнмен бірлесіп жұмыс істеу Шайдоровтың жаңа жарыс цикліне дайындығының басты элементтерінің біріне айналуы мүмкін. Ол әлемдік мәнерлеп...

Бүгін, 9 шілдеде Баянауыл ұлттық паркінің аумағында өрт тіркелді, деп хабарлады Экология және табиғи ресурстар министрлігінің баспасөз қызметі.

Өрт сағат 11.50-де Жасыбай орманшылығында басталған.

Оқиға орнына бірінші болып «Қазавиаорманқорғау» авиациялық қызметінің десантшылары жетті. Сағат 12.19-да олар өртті сөндіруге кірісті. Тілсіз жауды ауыздықтауға екі автоцистерна, үш шағын орман патрульдік кешені және тікұшақ жұмылдырылды.

«Өрт таулы, жартасты және баруы қиын жерде шыққандықтан, өрт орнына Семейден «Қазавиаорманқорғау» мекемесінің тікұшағы жіберілді. Сонымен қатар Төтенше жағдайлар министрлігінің борты ұшуға дайындалып жатыр», – делінген хабарламада.

Ведомство жағдайдың бақылауда екенін айтты.

Айта кететін жайт, биыл 3 маусымда Астана қаласында 13 қабатты...

Астана қалалық полиция департаменті жол апатына түсіп, оқиға орнынан қашып кеткен Toyota Land Cruiser жүргізушісін ұстау сәтінің видеосын жариялады. Кейіннен рульде бокстан 2016 жылғы Олимпиада чемпионы Данияр Елеусіновтің болғаны анықталды.

Видеода полиция қызметкерлерінің көлікті тоқтатқан сәті және жүргізушіні машинадан қалай шығарып алғаны тіркелген. Сондай-ақ кадрда соқтығысу салдарынан зақымдалған басқа автокөліктер, жауап алу сәттері мен сот отырысы көрсетілген. Бейнеролик Елеусіновті тергеу изоляторына (СИЗО) алып бара жатқан кадрлармен аяқталады.

Елеусіновке қатысты көлікті мас болып басқарып, көлік құралдарының зақымдалуына әкеп соққаны, сондай-ақ ЖКО-ға байланысты міндеттерді орындамағаны үшін әкімшілік материалдар жиналды.