Жаңалықтар

Ауыл шаруашылығы вице-министрі Аманғали Бердалин Сенат кулуарында Қазақстанда ірі қараның арасында аса қауіпті аурулардың тіркелмегенін ресми түрде айтты.

«Қазақстанда отыз миллионға жуық мал тіркелген. Сондықтан мал ауруларының да түрі көп. Ауыл шаруашылығы министрлігі, оның ішінде Ветеринариялық бақылау және қадағалау комитеті тек аса қауіпті жұқпалы ауруларды тексеріп, олардың таралмауын қадағалайды», дейді ол.

Кулуарда журналистер вице-министрден Қарағанды облысы, Баршын ауылындағы малдардың қырылуына қатысты сұрақ қойды. Алайда министр ауылда тараған індетті аса қауіпті аурулардың қатарынан емес екендігін айтты.

«Қазақстанда ресми түрде ешқандай қауіпті мал ауруы тіркелген жоқ. Біз міндетті түрде аса қауіпт...

Қазақстанда 4 бөлмелі пәтерлер бойынша мәміле саны азайды. 2025 жылғы мамырда ел бойынша осындай 1 064 пәтер сатылса, 2026 жылғы мамырда 951 мәміле болған.

ҚР ҰСБ-ның мәліметінше бір жылдағы айырма – 113 мәміле. Бұл шамамен 10,6% төмендеу деген сөз.

Бұл дерек тұрғын үй нарығында үлкен пәтерлерге деген сұраныстың бәсеңдегенін көрсетеді. Әсіресе, бағасы қымбат, аумағы кең пәтерлерді сатып алуға халықтың мүмкіндігі бұрынғыдан шектеулі болуы мүмкін.

Астана мен Алматы әлі де негізгі нарық

4 бөлмелі пәтерлер ең көп сатылатын өңірлердің басында бұрынғыдай Астана мен Алматы тұр.

2026 жылғы мамырда Астанада 217, Алматы қаласында 173 төрт бөлмелі пәтер сатылған. Ек...

Астанада Astana Mining & Metallurgy – AMM 2026 XVI Халықаралық тау-кен металлургиялық кешені (ТМК) конгресі өз жұмысын бастады. Биыл іс-шараның бас серіктесі ретінде Qarmet компаниясы қатысуда.

Конгресс жыл сайын ТМК кәсіпорындарының өкілдерін, мемлекеттік органдарды, халықаралық ұйымдарды, инвестициялық қауымдастықты және технологиялық шешімдер жеткізушілерін біріктіреді. Бұл алаң саладағы негізгі сын-қатерлерді талқылауға, тәжірибе алмасуға және ТМК-ны одан әрі дамытудың перспективалық бағыттарын айқындауға мүмкіндік береді.

Іс-шараға Қазақстан Республикасының Премьер-министрі Олжас Бектенов қатысты. Оған Qarmet компаниясының негізгі өндірістік көрсеткіштері таныстырылып, іске асырылу сатысындағы бірқатар инвестициялық жобалар ұсынылды.

Бірінші күннің басты оқиғасы «Жер қойнауынан зияткерлік биіктерге: ТМК болашағы үшін жаһандық серіктестік» тақырыбындағы пленарлық отырыс өтті. Сұрақ-жауап...

Tas Finance Group микроқаржы ұйымы банкке айналуға ниетті. Қазір реттеуші органға лицензия алуға өтініш берген. Бұл туралы New Vision 2026 форумында компанияның тең иесі әрі бас директоры Дулат Тастекей мәлімдеді.

«Иә, қазір бізде бұл процесс жүріп жатыр. Дәлірек айтсақ, әзірге тек алғашқы келіссөздер мен реттеушіден рұқсат алу кезеңіндеміз. Шын мәнінде, бұл кем дегенде 1,5–2 жылға созылатын процесс», — деді Дулат Тастекей.

Егер бұл жоба сәтті жүзеге асып, мақұлданса, Қазақстан нарығында тағы бір жаңа банк пайда болуы мүмкін.

Ашық дереккөз мәліметінше, Tas Finance Group компаниясының ең ірі қатысушылары – Дулат Тастекей мен Рахат Тастекеев. Олардың әрқайсысына...

Жұмбақ жағдайда қайтыс болған Ақнәр Гүлстанның тергеуі әлі аяқталмаған, іс материалдары Қытайға жіберілген. Бұл туралы бүгін ішкі істер министрінің орынбасары Санжар Әділов айтты.

«Қазіргі уақытта қылмыстық іс министрлікке қарасты өндірістің тергеу департаментінде. Алматыдан аса маңызды істер бойынша аға тергеуші жіберілді. Сараптама қорытындысы және қылмыстық істің кейбір материалдары Қытай Халық Республикасына жіберілді. Қазір сол жақтағы әріптестерден жауап күтіп отырмыз», – дейді ол.

Оның сөзінше, Ақнәр сол елде тұрып, сол жақта оқығандықтан материалдарды арнайы жіберген.

Іске қатысты әлі ешкім күдікті деп танылмағанын да атап өтті.

Еске сала кетсек, 22 жастағы бойжеткен Алматыдағы көпқабатты үйлерд...

2026 жылғы 12 тамызда Күн толық тұтылады. Ай жұлдыздың бетін толықтай жабады. Сирек кездесетін астрономиялық оқиға Астана уақытымен сағат 20:34-те басталады.

Толысқан Күн

Мамандар Күннің толық тұтылуы ең ұзақ дегенде 2 минут 18 секундқа созылатынын есептеп шығарды. Толысқан жұлдызды негізінен Еуропа елдері тамашалай алады.

NASA Күннің толық және ішінара тұтылу картасын дайындады. Толысқан жұлдызды Испания, Португалияның солтүстігі, Исландия және Гренландия елдерінің тұрғындары көреді.

Ішінара тұтылу және Қазақстан

Күннің толық тұтылу фазасы 12 тамызда Астана уақытымен сағат 21:58-да басталады. Ал 22:46-да тұтылудың ең жоғарғы шегіне жетеді. Толық тұтылу фазасы 23:34-те, ал ішінара тұтылу 00:57-де аяқталады.

Бұл уақытта Қазақстанда күн...

Қазақстандық танымал теннисші Зарина Дияс өзінің әлеуметтік желідегі парақшасында мәнерлеп сырғанаудан еліміздің үздігі, олимпиада чемпионы Михаил Шайдоровпен бірге түскен қызықты видеосын жариялады.

Спортшылар теннис кортында бас қосып, өзара бақ сынасып, теннис ойнаған. Зарина бұл кездесуді өзінің жаңа «Talk over Tennis» атты айдарының алғашқы бөлімі ретінде таныстырды.

«Миша өте ашық әрі қарапайым жан»

Зарина Дияс бұл ерекше кездесуден алған әсерімен бөлісіп, Михаилдың мінезіне тәнті болғанын жасырмады:

«Олимпиада ойындарының чемпионы, мәнерлеп сырғанаушы Михаил Шайдоровпен теннис және мәнерлеп сырғанау туралы сыр шертіп, сонымен қатар бірге теннис ойнап үлгердік. Миша өте ашық, қарапайым әрі жарқын адам екен, уақытымыз өте...

Қорғаныс министрлігі ер офицерлердің декреттік демалысқа шығуына қатысты статистиканы жариялады. Ведомство мәліметінше, соңғы жылдары бала күту демалысын алатын әскерилер қатары артқан.

Биыл 42 офицер әке декретке шықты

Министрлік дерегіне сәйкес, 2023 жылы 15 ер офицер декреттік демалысқа шыққан. 2024 жылы бұл көрсеткіш 67 адамға жеткен, ал 2025 жылы 95 офицер бала күту демалысын пайдаланған. 2026 жылдың алғашқы төрт-бес айында 42 адам осы құқықты қолданған.

«Біріншіден, біз келтіріп отырған статистика тек қана ер азаматтарға қатысты. Оған әйелдерді қоспадық. Статистикаға қарасақ, жыл сайын өсіп келе жатыр», – деді Қорғаныс министрінің тәрбие және идеологиялық жұмыстар жөніндегі орынбасары Асқар Мұсатбаеков.

Декретке...

Биыл мұнай-газ секторынан бюджетке түсетін салық көлемі төмендеген. Бұл туралы LS-ке Қаржы министрлігі хабарлады.

Ведомствоның мәліметінше, 2026 жылдың бес айында мұнай-газ компанияларынан елдің шоғырландырылған бюджетіне 2,666 трлн теңге түскен. Оның 1,536 трлн теңгесі Ұлттық қорға аударылған.

Алайда бұл былтырғы осы кезеңмен салыстырғанда 219,6 млрд теңгеге аз.

LSM дерегінше ірі үш кен орны бойынша жағдай әртүрлі.

Жыл басынан бері «Теңізшевройлдан» бюджетке 1,2 трлн теңге түсті. Бұл 2025 жылдың қаңтар-мамыр айларымен салыстырғанда 180,3 млрд теңгеге аз.

Қарашығанақ жобасынан 515,7 млрд теңге түскен. Мұнда да түсім 127,4 млрд теңгеге төмендеді.

Ал Солтүстік Каспий жобасынан, яғни Қашағаннан, бюджетке 265,8 млрд теңге аударылған...

Соңғы күндері қазақстандық әлеуметтік желі қолданушыларының жүрегін ауыртып, қызу талқыға түскен сурет тағы да назарға ілікті. Арқасына курьерлік сөмке асып, қолына 3-4 айлық баласын алып, көшеде жүрген әйелдің суреті желіні шарлап кеткен болатын. Көпшілік «ана байғұс қандай күйге түскен?» деп аяушылық білдіріп, оған көмектесуге асықты.

Жақында Threads желісінде Алмат Несіпқалиев есімді қолданушы бұл ананы тапқанын айтып, жазба жариялады. Оның сөзінше, оқиға 8 маусым күні кешкі сағат 17:30–17:50 шамасында Алматы қаласындағы «Кристалл» тұрғын үй кешенінің маңында болған. Автор сол жердегі мейрамханалардың бірінде жұмыс істейтінін және осы көрініске куә болып, әйелді қуып жеткенін айтады.

Сыртқы істер министрінің бірінші орынбасары Ерлан Ашықбаев Сенат кулуарында қазақстандықтарға қайда баруға болмайтынын айтты.

Айтуынша, күрделі эпидемиологиялық жағдай мен Таяу Шығыстағы қақтығыстарға байланысты кейбір елдерге баруға тыйым салынды.

«Африка елдеріндегі күрделі эпидемиологиялық жағдай мен Таяу Шығыстағы қақтығыстардың жай-жапсары көпшілікке белгілі әрі түсінікті. Қазақстанның құзырлы мемлекеттік органдарының, соның ішінде денсаулық сақтау саласындағы ахуалға қатысты Денсаулық сақтау министрлігінің нұсқаулықтарын қатаң ескеруіміз керек. Қазіргі уақытта Иранға және Африканың бірқатар елдеріне баруға кеңес берілмейді», – деді ол.

Министрлік мәселені ұдайы назарда ұстап, жағдайды тұрақты түрде қадағалап отыр.

«Азаматтардың, жеке және заңды...

Қазақстан үкіметі 2029 жылға дейін халықтың табысын инфляция деңгейінен 2-3 пайызға асыруды көздеп отыр. Осы мақсатта үш жылдық кешенді жоспарды жүзеге асырмақ. Бұл туралы Үкіметте өткен баспасөз мәслихатында ұлттық экономика министрінің бірінші орынбасары Азамат Әмрин мәлімдеді.

Оның айтуынша, құжат алты бағыт бойынша 59 іс-шараны қамтиды және азаматтардың әл-ауқатын арттыруға, сапалы жұмыс орындарын құруға және халықтың нақты табысын арттыруға бағытталған.

Жаңа жоспар 2022 жылдан бастап жүзеге асырылып жатқан бағдарламаның орнын алмастырады.

Ең алдымен, бюджет саласында істейтін азаматтардың табысын өсіру үшін олардың жалақысы көтеріледі. Жалпы халықтың, соның ішінде жалақысы төмен және орташа топтардың табысы инфляция деңгейінен 2–3%-ға жоғары өседі. Шенеуніктердің тұжырымдауынща...

Жастарды қоғамдық орындардан әскерге күштеп алып кетуге қарсы шыққан бір топ азаматтың үндеуіне Қорғаныс министрлігі түсініктеме берді.

«Мен ол видеоны көрген жоқпын. Дегенмен біз барлық әскерге шақырылатын адамдарды олай әкетіп жатқан жоқпыз», – деді Қорғаныс министрінің тәрбие және идеологиялық жұмыстар жөніндегі орынбасары Асқар Мұстабеков.

Оның айтуынша, қазір әскерге шақыру рәсімі заңнамаға сәйкес электронды форматта жүргізіледі.

«Өйткені заң бойынша электронды шақыру бар, соны жібереміз», – деді министрлік өкілі.

Мұстабековтің сөзінше, шақырту бірнеше рет жіберілгенімен азамат келмеген жағдайда ғана тиісті шара қолданылады.

«Үш мәрте жіберіп, алайда азамат келмеген...

Бүгін, 11 маусымнан 12 маусымға қараған түні, футболсүйер қауым тағатсыздана күткен 2026 жылғы Әлем чемпионатының жалауы желбірейді. Мундиалдың шымылдығын ашатын алғашқы ойында Мексика мен Оңтүстік Африка құрамалары кездеседі.

Биылғы дода 3 бірдей ұйымдастырушы Мексика, Канада, АҚШ 48 команданың басын қосқан футбол тарихындағы ең ауқымды Әлем чемпионаты болмақ.

Мексика – ОАР: Тікелей трансляция қайда және қашан болады?

Әлем чемпионатының алғашқы матчының трансляциясы Қазақстан уақытымен 11 маусым күні сағат 23:40-та басталады. Ойынды Qazaqstan ұлттық телеарнасы мен ресми сайты тікелей эфирде көрсетеді. Матч басталмас бұрын дүбірлі доданың ресми ашылу салтанаты өтеді.

ӘЧ-2026 ашылу салтанатының ерекшелігі

Бұл мундиалдың басты бірегейліг...

Қазақстанда интернет-платформалар арқылы дәрі-дәрмек сату қатаң шектелмек, Енді маркетплейстерде дәрігердің нұсқауымен ғана берілетін препараттарды, оның ішінде сұранысқа ие антибиотиктерді де сатуға толықтай тыйым салынуы мүмкін. Бұл туралы Медициналық және фармацевтикалық бақылау комитетінің төрағасы Бауыржан Жүсіпов мәлімдеді.

Оның айтуынша, қазір онлайн-платформаларда тек дәрігер рұқсатымен сатылуы керек дәрілер еркін саудаланып жатыр. Министрлік мұндай заңсыздықтардың әрқайсысына жеке-жеке тоқталып, платформа иелерінен ол өнімдерді өшіруді талап етуге мәжбүр болып отыр. Бірақ жекелеген шаралар тым тиімсіз болғандықтан, ведомство жүйелі түрде әрекет етіп, тыйым салмақшы.

«Рецептпен берілетін дәрілерді ешқашан онлайн сатып алуға болмайды, оларды дәріханадағы маманның өзі ғана беруге тиіс...

FIFA Халықаралық футбол федерациясы 2026 жылғы Әлем чемпионатын ұйымдастыру арқылы 6 млрд доллардан астам табыс таппақ. Бұл туралы Finance Football компаниясы мәлімдеді.

Компания турнирдің негізгі табыс телетрансляциялар құқығын сатудан түсетінін айтып отыр. Осы арқылы ұйым шамамен 3,8 млрд доллар табыс табуы мүмкін.

Сонымен қатар жарнамалық келісімдер мен демеушілік серіктестік арқылы тағы 2,4 млрд доллар көлемінде кіріс түседі.

ФИФА-ның ең ірі серіктестерінің бірі – Сауд Арабиясының Saudi Aramco мұнай компаниясы.

Компания ұйымға жыл сайын шамамен 100 млн доллар төлейді. Сондай-ақ ең табысты демеушілер қатарында Adidas, Coca-Cola, Visa және Hyundai/Kia компаниялары бар. Әрқайсысы ФИФА-ға жылына 80-120 млн доллар аралығында табыс алып...

2025 жылы Алматы облысына 147 мың шетел турисі келді. Олардың басым бөлігі – Қытай азаматы. Мәліметті осы өңір әкімдігінің баспасөз қызметі жариялады.

Қазақстан мен Қытай азаматтары үшін енгізілген визасыз тәртіп облыста туризм саласының дамуына ықпал еткен. Былтыр шетел азаматтарының сапары 2024 жылмен салыстырғанда 13,19%-ға жиілеген.

Биыл Шанхай қаласында облыс әкімдігінің қызмет көрсету орталығы ашылды. Әкімдік мәліметінше, Алматы облысы ITB China және ITB Asia секілді ірі көрмелерге қатысып, қытай туроператорларымен, әуе компанияларымен, медиа өкілдерімен белсенді жұмыс істеп жүр.

Сәрсенбі күні Алматы облысы мен Қытайдың Цзянсу провинциясы ынтымақтастық туралы меморандумға қол қойды. Өңір әкімі Марат Сұлтанғазиевтің айтуынша, қазір облыста қытай...

Көп ер адам 40-тан кейін артық салмақ пен күш-қуаттың азаюына шағымданады. Алайда қарапайым жаттығулардың өзі бұл өзгерістердің алдын алуға көмектеседі. Мамандардың пікірінше, күнделікті орындалатын бірнеше жаттығу спортзалға бармай-ақ дене қалпын жақсы сақтауға мүмкіндік береді. Бұл туралы Kursiv.Media Vesti.kz дерегіне сілтеме жасап хабарлайды.

Неліктен 40 жастан кейін жаттығу жасау маңызды

Жас ұлғайған сайын ер адамдар ағзасында табиғи өзгерістер жүреді: тестостерон деңгейі төмендеп, бұлшықет массасы мен сүйек тығыздығы азаяды, зат алмасу процесі баяулайды. Мұның бәрі жүрек-қан тамырлары аурулары, 2-типті қант диабеті және басқа да созылмалы сырқаттардың даму қаупін арттырады.

Тұрақты дене белсенділігі бұл процестердің қарқынын бәсеңдетуге көмектеседі. Жаттығулар...

Халық әртісі, әлемге танымал әнші Димаш Құдайбергеннің шығармашылығы шекара танымайды. Оның талантына бас иіп, қазақ еліне ғашық болған шетелдік жанкүйерлерінің бірі – Эстер Ульманн Димаштың білім алып, тәрбие алған қара шаңырағы Ақтөбедегі №32 мектеп-гимназиясына арнайы ат басын бұрып келді.

Сапар барысында швейцариялық қонақ гимназия ұжымымен және оқушылармен кездесті. Ол өнер иесінің балалық шағы өткен, қанаты қатайған білім ордасының тыныс-тіршілігімен жақыннан танысты.

Эстер ханымға Димаштың оқушы кезіндегі өмір жолы, оның алғашқы қадамдары мен қызықты сәттері туралы тың әрі құнды мәліметтер ұсынылды. Эстер бұған дейін Қазақстанға бес рет келген, үш рет Астанаға екі рет Алматыға, сондықтан бұл жолы арнайы әншінің туған жеріне...

Қазақстанда некеге тұратындар қатары саны жыл сайын қысқарып барады. 2026 жылдың бірінші тоқсанында 21,6 мың неке тіркелген, ол былтырғы сәйкес кезеңмен салыстырғанда 3,9%-ға аз.

Finprom мәліметінше, 2021 жылдың бірінші тоқсанында неке саны 32,3 мыңға жетіп, 2014 жылдан бергі ең жоғары көрсеткішті көрсеткен еді. Ал 2026 жылғы көрсеткіш соңғы 20 жылдағы ең төмен көрсеткіш болды.

Ажырасу көрсеткіші де жоғары

Сонымен қатар ажырасу да артып отыр. 2026 жылдың қаңтар-наурыз айларында саны 11,2 мыңға жетті. Бір жыл бұрын бұл көрсеткіш 10,2 мың болған еді. Бұл соңғы жеті жылдағы ең жоғары көрсеткіш.

Әлемдегі ахуал қандай?

Ажырасу тақырыбы әлемнің басқа елдерінде де басты...

Астанада Халықаралық өркениеттер диалогы күніне орай E-LIGHT 2026 халықаралық жастар форум-фестивалі өтті. Іс-шараға Қазақстан, Қытай және Орталық Азия елдерінен 150-ге жуық делегат қатысты.

Форумда энергетика, цифрлық технологиялар, білім беру, кадр даярлау және жастар саясаты мәселелері талқыланды. Қатысушылар халықаралық ынтымақтастықты дамыту, кәсіби тәжірибе алмасу және энергетика саласындағы жас мамандарды қолдау тақырыптарына назар аударды.

Қатысушылар панельдік пікірталастарға қатысып, халықаралық сарапшылардың баяндамаларын тыңдап, жастар бастамаларын талқылады.

CNPC Central Asia компаниясы бас директорының орынбасары Гао Биннің айтуынша, форум жастар арасындағы халықаралық байланысты нығайтуға бағытталған.

«Жастар форумын өткізудегі негізгі мақсат – әртүрлі елдер мен өңірлердің жастары арасындағы ынтымақтастық пен өзара байланысты нығайту. Бұл...

Мамыр айының соңында өткен сынақтардан кейін Stadler вагондары қабылдауға толық дайын. Бұл туралы швейцариялық компания Kursiv.Media-ға берген ресми жауабында мәлімдеді.

Компания «Қазақстан темір жолы» мен оның еншілес ұйымы «Жолаушылар тасымалы» тарапынан қабылдауға толық әзір екенін хабарлады. Мәліметке сүйенсек, «Самұрық-Қазына» АҚ экономика және қаржы жөніндегі директоры Айдар Рысқұловтың вагондардың тежеу жүйесіне қатысты айтқан мәлімдемесі шындыққа сәйкес келмейді.

«Астанада ұлттық тасымалдаушы үшін шығарылған Stadler вагондарының тежеу жүйесіне қатысты айтылған пікірлерге байланысты мынаны хабарлаймыз: бұл мәлімдеме шындыққа жанаспайды. 2025 жылдың соңында анықталған тежеу жүйесіндегі кемшіліктер 2026 жылдың ақпанына дейін толық жойылды», – делінген компания ұсынған ақпаратта.

Тежеу...

Үкімет 2029 жылға дейінгі «Digital Qazaqstan» ауқымды цифрландыру және жасанды интеллект технологияларын енгізудің жалпыұлттық стратегиясын бекітті.

Құжатқа сәйкес, Қазақстан алдағы үш жылда цифрландыру мен жасанды интеллекті мемлекеттік басқару, экономика және әлеуметтік салаға кеңінен енгізбекші. Осының арқасында 2029 жылға қарай елдің ЖІӨ өсіміне жыл сайын қосымша 1,5 пайыздық тармақ қосып, 10,5–16,5 млрд доллар көлемінде инвестиция тартуды жоспарлап отыр.

Стратегия үш негізгі бағыттан тұрады:

Экономика саласында агроөнеркәсіп, құрылыс, қаржы, мұнай-газ және шағын бизнес секторларын терең цифрландыру жоспарланған. Билік жасанды интеллект, цифрлық егіздер мен интеллектуалды платформаларды енгізу еңбек...

Алматы қаласының әкімі Дархан Сатыбалдының Бейжіңге сапары барысында Қытайдың ірі кәсіпорындарымен бірқатар маңызды келісім жасалды. Құжаттардың мегаполисте LRT желісін салу, SkyTrain жүйесін енгізу және метроны одан әрі кеңейтуге қатысы бар.

Әкім Бейжіңде жүр

Қала әкімдігінің мәліметінше, Дархан Сатыбалды Бейжіңде Қытайдың көлік саласындағы жетекші компаниялары өкілдерімен кездесті. Олардың арасында China Civil Engineering Construction Corporation (CCECC), China Railway Rolling Stock Corporation (CRRC) және басқа да ірі кәсіпорын басшылары бар.

«Кездесу барысында тараптар Алматының заманауи көлік инфрақұрылымын бірлесіп дамыту мүмкіндіктерін талқылады. Әсіресе, LRT желісін салу, SkyTrain жүйесін енгізу және метрополитенді одан әрі кеңейту жобаларына ерекше назар...