Жаңалықтар

Бүгін Иран халқы 37 жыл билікте болған аятолла Әли Хаменеиді жер қойнына тапсырады. Жерлеу рәсімі Мешхед қаласында өтуі керек.

Кейбір жергілікті БАҚ 9 шілдеде таңертең басталуы керек болған жерлеу рәсімі кешкі уақытқа ауысуы мүмкін деп жазды. Көрші Иракта аятолламен қоштасу рәсімдері әлі аяқталмағандықтан осындай шешім қабылданған. Наджаф және Кербела қалаларындағы салтанатты қоштасу рәсімдері әлі жалғасып жатқан көрінеді. Соған орай аятоллла денесі салынған табытты Мешхедке жеткізу кері шегерілген. Бірақ бұл ақпаратты Иран үкіметі, өзге де ықпалды БАҚ растаған жоқ.

Әли Хаменеимен қоштасу рәсімдері 4 шілдеде басталған. Қайтыс болғанына 120 күннен асқан діни көсеммен қоштасу Иран мен АҚШ арасындағы...

Қазақстандағы ірі университеттер тек білім беріп қана қоймай, бюджетке төлейтін салық көлемі бойынша да үлкен ойыншыға айналып отыр. 2025 жылы ең көп салық төлеген ЖОО тізімінде ұлттық университеттер, медициналық оқу орындары және жеке университеттер қатар көрінді. Ашық дереккөздердегі БИН мен Мемлекеттік кірістер комитетінің (МКК) мәліметтері негізінде Kursiv Media арнайы рейтинг жасады. Рейтингте топ-50 ЖОО көрсетілген.

Ең ірі салық төлеген университеттер

2025 жылы салық төлемі бойынша бірінші орында Назарбаев Университеті тұр. Ашық дереккөздерде оның 2025 жылғы салық аударымы 7,9 млрд теңгеден асқаны көрсетілген. Бұл көрсеткіш оны елдегі басқа жоғары оқу орындарынан айқын алға шығарады.

Екінші орында – Әл-Фараби атындағы Қаза...

Halyk Bank «SHANYRAQ» атты жаңа тұрғын үй жинақ бағдарламасын іске қосты. Енді банк клиенттері 3 жыл ақша жинап, жылдық мөлшерлемесі 5%-дан басталатын ипотека ала алады. Бұл бағдарлама еліміздегі тұрғын үй құрылыс жинақ үлгісіне ұқсас болғанымен, өзіндік ерекшеліктері мен маңызды шарттары бар.

Жинақтау кезеңі және депозит шарттары

Бағдарлама бойынша несие алу үшін ең алдымен жинақтау кезеңінен өту қажет. Тұтынушы Halyk SuperApp мобильді қосымшасы арқылы онлайн түрде теңгемен «SHANYRAQ» депозитін аша алады.

Сыйақы мөлшерлемесін есептеуді бастау үшін алғашқы жарна ретінде небәрі 5 000 теңге жеткілікті. Депозитті ашқаннан кейін оны мерзім бойы ешқандай шектеусіз толықтырып отыруға рұқсат...

Жамбыл облысында Есірткі қылмысына қарсы іс-қимыл басқармасының қызметкерлеріне қатысты қылмыстық іс тергеліп жатыр.

Halyqstan ақпаратына қарағанда, биыл ақпан айында полиция капитандары Г.М. мен А.Е. Тараздағы ойын клубтарының бірінің маңында Өзбекстан азаматы Х.Д.-ны ұстаған. Тергеу нұсқасына сәйкес, кейін олар шетелдіктің қалтасына есірткі салып, оны жауапкершілікке тартпау үшін 1,5 млн теңге талап еткен көрінеді.

Тергеу мәліметінше, ер адам ақша беруден бас тартқан. Осыдан кейін полицейлер оған есірткінің қай жерде жатқанын көрсетіп, жедел-тергеу тобы келгенге дейін оны есірткі таратқанын мойындауға мәжбүрлеген.

Алғашында Х.Д.-ға қатысты есірткіні заңсыз өткізу фактісі бойынша қылмыстық іс тіркелген. Кейін тексеру барысында полицейлердің әрекеттері де күмән тудырған.

Жақында...

Toyota бір жылға жуық үзілістен кейін Toyota Land Cruiser 70 жол талғамайтын көлігіне Австралияда қайтадан тапсырыс қабылдай бастады. Бұл туралы Carscoops басылымы хабарлады.

Заманауи экологиялық талаптарға сай болу үшін көлікке AdBlue негізіндегі шығарынды газдарды тазарту жүйесі орнатылған. Сонымен қатар модельдің классикалық құрылымы мен жолсыз жердегі мүмкіндіктері өзгеріссіз сақталған.

Компания 2025 жылы сұраныстың жоғары болуы және жеткізілім көлемінің шектеулі болуына байланысты бұл модельге тапсырыс қабылдауды тоқтатқан еді. Енді Toyota Land Cruiser 70 қайтадан сатылымға шықты. Алайда әзірге оның барлық нұсқасына бірдей тапсырыс беру мүмкін емес.

Не өзгерді

Негізгі өзгеріс көліктің Euro 6d экологиялық стандартына сәйкестендірілуіне байланысты болды. Осы...

Астана қаласының Нұра ауданында белгілі боксшы, 2016 жылғы Олимпиада чемпионы және әлем чемпионы Данияр Елеусіновтің қатысуымен ірі жол-көлік оқиғасы орын алды. Бұл туралы заңгер Жасұлан Рахымғалиев хабарлады.

Заңгердің айтуынша, «102» арнасына Төле би мен Халифа бен Заид аль-Нахаян көшелерінің қиылысында («Хан Шатыр» СОО маңы) үш автокөліктің қатысуымен жол апаты болғаны туралы хабарлама түскен. ЖКО-ға кінәлі деп танылған, мемлекеттік нөмірі 001 EDM 01 «Toyota Land Cruiser» автокөлігінің жүргізушісі оқиға орнынан бой тасалап, қашып кеткен.

Жедел іздестіру шараларының нәтижесінде аталған көлік Достық көшесінің бойында, дәл осы «Хан Шатыр» сауда-ойын-сауық орталығына қарама-қарсы тұста қолға түсті. Рөлде 1991 жылы туған азамат Елеусінов Данияр Маратұлыны...

Конго Демократиялық Республикасында аса қауіпті эбола індетінен 600 адам қайтыс болды. Жұқпалы ауру елдің басқа да өңірлеріне тарап жатыр.

Конго ДР үкіметінің 8 шілде күні кешке жариялаған мәліметінше, осы уақытқа дейін 1759 адам эбола жұқтырған. Reuters мәліметінше, ауру елдің шығысындағы Итури, Солтүстік Киву және Оңтүстік Киву провинцияларында көп таралған.

8 шілдеде тағы 51 адамның ауру жұқтырғаны мәлім болды. Бір тәуліктің ішінде 20 адам індеттен көз жұмған.

Дүниежүзілік денсаулық сақтау ұйымы осы аптада індетке қатысты жағдай әлі тұрақталмағанын мәлімдеген. Өйткені адамдар қозғалысынан ауру да тарап жатыр.

Конго Демократиялық Республикасы Африка құрлығының орталығында орналасқан, тоғыз елмен шектесіп жатыр.

Эбола...

Үкімет Солтүстік Қазақстан облысы, Петропавлдағы қаласындағы жылу магистралі құрылысына 650 млн теңге қаржы бөлді. Тиісті қаулыға премьер-министр Олжас Бектенов қол қойған. Бұл магистраль 30 мыңнан астам тұрғынды жылумен қамтамасыз етуі керек.

Жалпы Петропавлдағы № 2 магистралдің 2 шақырымнан асатын бөлігі жөндеуді қажет етеді. Оның 0,7 шақырымы былтыр жаңартылған. Ал биыл 1,4 шақырым демонтаждалып, жаңа жылу желілері тартылады.

Энергетика министрлігінің мәліметінше, 2025 жылдан бері электр станцияларындағы 10 энергия блогына, 63 қазандық пен 39 турбинаға күрделі жөндеу жүргізілді. Сонымен қатар 17 мың шақырым электр тарату желісі жаңартылып, 420 қосалқы станция жаңғыртылды және ең көп тозған 323 шақырым жылу желісі ауыстырылды. Нәтижесінде...

Тұрсынбек Қабатовтың үлкен қызы Әдемі Тұрсынбекқызы желідегі оқырмандарына су жаңа көлігін көрсетті. Бойжеткен өзінің әлеуметтік желідегі парақшасына үлкен қызыл бант тағылған, көк түсті сәнді темір тұлпардың алдында түскен суретін жариялады. Ол бұл бағалы сыйлық үшін анасына алғыс айтып, «Рахмет, Мама» деп жазба қалдырған.

Бұған дейін Тұрсынбек Қабатовтың бұрынғы әйелі Мөлдір Мұқан «3 қуаныш, 1 той» деген атаумен үш баласының тойын дүркіретіп өткізген еді. Дәл осы айтулы кеште...

Латын Америкасындағы Венесуэлада екі апта бұрын болған екі ірі зілзаладан қаза тапқандар саны 3811-ге жетті. Бұл туралы Ұлттық ассамблея төрағасы Хорхе Родригес хабарлады.

Үкіметтің ресми мәліметінше, 25 маусымдағы жойқын жер сілкінісінен 16 740 адам жараланған. 17 907 адам үйсіз қалған.

Reuters агенттігінің хабарлауынша, елдің уақытша президенті Дельси Родригес Венесуэладан халықаралық санкцияларды тағы да алып тастауды сұрады. Оның айтуынша, шетелде бұғатталған активтер елді қалпына келтіруге жетер еді.

«Венесуэланың бүкіл әлемде бұғатталған ресурстары бар. Ол елді қалпына келтіруге жұмсалар еді», – деп мәлімдеген президент мемлекеттік VTV телеарнасының эфирінде.

Кейінгі жиырма жылда АҚШ, ЕО және басқа...

ФИФА мен Global Citizen ұйымы футбол тарихында тұңғыш рет өтетін Әлем чемпионаты финалдық матчының үзіліс шоуында (Halftime Show) өнер көрсететін әлемдік деңгейдегі жұлдыздардың есімін жариялады. 2026 жылдың 19 шілдесінде «Нью-Йорк Нью-Джерси» стадионында өтетін финалдық ойынның бас хедлайнерлері – Шакира, BTS тобы, Мадонна және Джастин Бибер.

Сонымен қатар, бұл ауқымды шоуға африкалық жұлдыз Burna Boy, белгілі дирижер Густаво Дудамель және PS 22 Chorus балалар хоры қатысады.

Бұл ауқымды концерт футбол тарихында алғаш рет матчтың үзілісі кезінде 30 минутқа созылатын бірегей шоу болмақ.

Ұлттық банк Қазақстан парламентіне 30 жыл коллекциялық күміс монетасын 10 шілдеде интернет-дүкенде сата бастайтынын жариялады.

Монетаның өзі күмістен дайындалғанымен, оның бетіне алтын жалатылған. Массасы 24 грамм, диаметрі 37 мм. Дайындау сапасы – proof.

Номиналы – 1000 теңгелік монета 1 мың данамен таралады.

2026 жылы Қазақстан парламентіне 30 жыл толды. Ол заң шығару функцияларын жүзеге асыратын елдің ең жоғары өкілді органы.

Монетаның реверсінде Сенат пен Мәжіліс ғимараттары бейнеленген. Монетаның бейнесінде мәжіліс залының орталығынан көрініс беретін едендегі ою-өрнек композициясының элементі пайдаланылды. Монетаның төменгі бөлігінде Парламенттің құрылған жылы және мерейтой датасының жылы бейнеленген.

Бұған дейін Ұлттық банк Ермек Серкебаев құрметіне...

Ақмола облысының Бурабай ауданында квадроциклдің қатысуымен адам өліміне әкеп соққан жол-көлік оқиғасы болды.

Өңірлік полиция департаментінің баспасөз қызметі хабарлауынша, Бурабай ауданында квадроциклдің қатысуымен болған, соның салдарынан бойжеткен қаза тапқан жол-көлік оқиғасы фактісі тергелуде.

«Алдын ала мәліметтер бойынша, 7 шілдеде Зеленый Бор және Бурабай кенттері арасындағы автожол учаскесінде елорданың 22 жастағы тұрғыны квадроциклді басқарып бара жатып, көліктің аударылуына жол берген. Алған жарақаттарынан ол оқиға орнында көз жұмды. Квадроциклдің жолаушысы, елорданың 2007 жылы туған тұрғыны медициналық көмекке жүгінді», – деп мәлімдеді ведомство.

Полицейлер болған жағдай бойынша қылмыстық іс қозғады. Тергеу аясында оқиғаның барлық мән-жайлары анықталуда, соның ішінде...

Ресейлік БАҚ-та жарияланған Қазақстан аумағынан ұшқышсыз ұшатын аппараттардың (дрон) ұшырылғаны туралы ақпаратты ҚР Сыртқы істер министрлігі арандатушылық деп атады.

«Соңғы уақытта жекелеген бұқаралық ақпарат құралдарында Ресей Федерациясы аумағындағы объектілерге шабуыл жасау кезінде қолданылған ұшқышсыз ұшатын аппараттарды ұшыру үшін Қазақстан Республикасының аумағы пайдаланылуы мүмкін деген арандатушылық мәлімдемелер таратылуда. Қазақстан Республикасының Сыртқы істер министрлігі аталған мәлімдемелердің шындыққа жанаспайтынын және ешқандай деректермен немесе фактілермен расталмайтынын жауапты түрде мәлімдейді», – делінген Қазақстан СІМ мәлімдемесінде.

Сыртқы саяси ведомство мұндай ақпаратты Қазақстан-Ресей қарым-қатынастарының дәстүрлі достық сипатын бұрмалауға бағытталған негізсіз жала жабу (инсинуация) ретінде бағалайтындарын мәлімдеді.

СІМ, сондай-ақ, Қазақстанның тату көршілік, өзара...

8 шілде күні кешке алматылық «Қайрат» Чемпиондар лигасының 2026/27 жылғы маусымындағы бірінші біліктілік кезеңінің өз алаңындағы матчында черногориялық «Сутьесканы» жеңді.

Алматылық клуб осымен екінші жыл қатарынан Чемпиондар лигасының негізгі кезеңіне барар жолын бірінші іріктеу кезеңінен бастап отыр. Еске сала кетейік, өткен маусымда алматылықтар іріктеуден өтіп, еуропалық футбол грандтарымен ойнаудың сәті түскен болатын.

Бірінші таймның 33-ші минутында «Қайрат» есеп ашуы мүмкін еді, бірақ төреші бейнеқайталауды көргеннен кейін Жоржиньоның офсайдтан соққан голын есепке алмады. Қалған уақытта алаң иелері бастаманы өз қолдарында ұстады.

Сондай-ақ қос команда қарсылас қақпасына 3 соққыдан бағыттағанымен, гол соғылмады.

Үзілістен кейін «Қайраттың» бапкері ойыншыларды алмастырды: Мартынович, Қасаболат және Тапаловты...

Елдің көптеген аймағында жаңбыр, найзағай, желдің күшеюі болжанып, алдын ала ескерту жарияланды. «Қазгидромет» 9 шілдеге ауа райы болжамын ұсынды.  

Қазақстан президенті Қасым-Жомарт Тоқаев бірден үш маңызды құжатқа қол қойды: Алатау қаласын дамыту туралы жарлық, топырақты қорғау туралы жаңа заң және жер заңнамасы мен агроөнеркәсіптік кешен саласына түзетулер пакеті, деп хабарлайды Ақорда.

Негізгі құжаттардың бірі – «Топырақты қорғау туралы» Заң. Ол заңнамалық деңгейде елдің топырақ ресурстарын сақтау, қалпына келтіру және ұтымды пайдалану мәселелерін алғаш рет бекітеді. Заңның мәтіні баспасөзде жарияланады.

Сонымен бірге мемлекет басшысы «Қазақстан Республикасының кейбір заңнамалық актілеріне топырақты қорғау, жер қатынастары және агроөнеркәсіптік кешен мәселелері бойынша өзгерістер мен толықтырулар енгізу туралы» Заңға қол қойды. Құжат топырақты қорғау, жер қатынастарын реттеу және АӨК-ті дамыту саласындағы жаңа нормаларды іске асыру...

Қазақстан президенті Қасым-Жомарт Тоқаев АҚШ Конгресінің сенаторы Стив Дэйнспен кездесті. Ақорданың баспасөз қызметінің хабарлауынша, келіссөздерде тараптар стратегиялық серіктестікті дамытуды, қол жеткізілген уағдаластықтардың іске асырылуын және АҚШ-та өтетін алдағы G20 саммитін талқылады.

Кездесуде мемлекет басшысы америкалық сенаторды АҚШ тәуелсіздігінің 250 жылдығымен құттықтап, екі ел арасындағы қарым-қатынастардың нығая түскенін атап өтті. Президент ендігі жерде өткен жылдың қараша айында АҚШ-қа жасаған сапары кезінде қол қойылған келісімдердің сапалы орындалуын қамтамасыз ету маңызды екенін баса айтты.

Оның айтуынша, жыл соңында Майамиде өтетін G20 саммитіне қатысу үшін АҚШ-қа жоспарланған алдағы сапар да екіжақты қарым-қатынастарға қосымша серпін бере алады. Тоқаев сондай-ақ Стив Дэйнске кеңейтілген стратегиялық серіктестікт...

Қазақстанда күннің жылыну қарқыны әлемдік орташа көрсеткіштерден жоғары, деп хабарлады «Қазгидромет».

Климаттың өзгеруі 30 жылдық бақылаулар негізінде бағаланады. Синоптиктер мұндай тәсіл ұзақ мерзімді климаттық үрдістерді анықтауға және оларды табиғи жылсаналық құбылмалылықтан ажыратуға мүмкіндік беретінін атап өтеді.

«Қазақстан аумағында ауа температурасының көтерілуінің тұрақты үрдісі байқалады. 1976 жылдан бастап орташа жылдық ауа температурасы әр 10 жыл сайын шамамен 0,4 градусқа артып келеді, бұл Қазақстандағы жылыну қарқынының әлемдік орташа көрсеткіштерден жоғары екенін көрсетеді. Температураның ең қарқынды өсуі көктемгі кезеңде байқалады, бұл уақытта жылыну қарқыны онжылдықта шамамен 0,7 градусты құрайды, ал кейбір аймақтарда 0,9 градусқа дейін жетеді», – делінген...

Маңғыстауда теміржол станциясының қызметкері жұмыс орнында көз жұмды. Бұл ақпаратты «Қазақстан темір жолы» магистральдық желі дирекциясының баспасөз қызметі растады.

Қайғылы жағдай 5 шілде күні таңертең Маңғыстау магистральдық желі бөлімшесінде болған. №13 айрық станциясының бастығы 1983 жылы туған кезекшінің жансыз денесін тапқан. Оқиға орнына жедел жәрдем бригадасы мен полиция қызметкерлері шақырылды. Медицина қызметкерлері өлім фактісін тіркеді.

Құқық қорғау органдары тергеу амалдарын жүргізіп жатыр.

«Теміржол ұйымы қызметкерінің кенеттен қайтыс болу фактісі бойынша Маңғыстау станциясындағы көліктегі полиция бөлімі қылмыстық іс қозғады. Өлімнің алдын ала себебі – созылмалы жүрек ауруы», – делінген хабарламада.

Істі тергеу барысына қатысты басқа мәліметтер...

Астана халықаралық әуежайында екінші терминалдың бірінші желісіне кіру жолы ашылды, деп хабарлады әуе айлағының баспасөз қызметі.

Бұл учаскеде жөндеу жұмыстары аяқталды. Енді жолаушыларды отырғызу мен түсіруді тікелей терминалдың алдында жүзеге асыруға болады.

«Көлікпен кіру үйреншікті схема бойынша – жабық паркинг ғимараты мен жаңа LRT станциясының арасымен жүзеге асырылады. Жұмыстарды жүргізу кезеңінде түсіністік танытып, шыдамдылық танытқандарыңыз үшін алғыс айтамыз», – делінген хабарламада.

Бұған дейін 1 тамыздан бастап Астана халықаралық әуежайында қысқа мерзімді тұрақ құны өсетіні белгілі болған еді. Жаңа тариф сағатына 300 теңгені құрайды – бұл қазіргі қолданыстағы тарифтен 100 теңгеге артық.

Бұған қоса...

Қазақстан аумағында уақытша жүрген шетелдіктер мен азаматтығы жоқ адамдар үшін ЖСН қалыптастыру және түзету бойынша мемлекеттік қызмет көрсету ережелері жаңартылды. Ішкі істер министрінің 2026 жылғы 30 маусымдағы тиісті бұйрығы 17 шілдеде күшіне енеді.

Құжатта мемлекеттік қызмет көрсету ережелері жаңа редакцияда баяндалған. Өзгерістерге сәйкес, ЖСН қалыптастыру және түзету бұрынғыдай «Азаматтарға арналған үкімет» мемлекеттік корпорациясы арқылы жүзеге асырылады. ЖСН алу үшін шетелдік азамат немесе азаматтығы жоқ адам келген жері бойынша ХҚКО-ға өтінішпен және қажетті құжаттармен жеке өзі жүгінуге тиіс.

Өтінімді ресімдеу кезінде Мемлекеттік корпорация қызметкерлері өтініш берушінің жеке басын сәйкестендіреді, ұсынылған құжаттарды тексереді және мәліметтерді ХҚКО-ның ақпараттық жүйесіне енгізеді. Бұл ретте...

Бавариядағы гимназияға жасалған шабуылдан кейін бірнеше адам ауыр жарақат алды, деп хабарлайды BILD.

Шабуыл Шонгаудағы Welfen-Gymnasium гимназиясында болған. Төрт адамның ауыр жарақат алғаны белгілі, бірақ зардап шеккендердің нақты саны әлі де нақтылануда.

Үрейлі дабыл мектептегі сабақ уақытында түскен. Оқиға орнына 15-тен астам полиция патрулі келді. Күдікті шабуылшы ұсталды.

Алдын ала мәліметтер бойынша, оқиға мектеп аумағында да, оның жанында да болған. Іздеу жұмыстары кезінде полиция тікұшақты жұмылдырды.

Шонгау – Мюнхеннің оңтүстік-батысында, Лех өзенінің бойында орналасқан, халқының саны шамамен 12 мың адамды құрайтын шағын қала.

JUST IN – School stabbing at Das Welfen-Gymnasium in Schongau, Bavaria, Germany...

Ғылым және жоғары білім министрі Жоғары оқу орнынан кейінгі білім беру ұйымдарына оқуға қабылдаудың үлгілік қағидаларына өзгерістер енгізді. Тиісті бұйрық 2026 жылғы 18 шілдеден бастап қолданысқа енгізіледі.

Құжатқа сәйкес, білім беру грантын тағайыну конкурсына қатысу немесе ақылы негізде оқуға түсу үшін жоғары оқу орнының санаты мен дайындық бағытына байланысты ҰБТ-ның ең төменгі шекті балдары сақталады.

Сонымен ұлттық жоғары және жоғары оқу орнынан кейінгі білім беру ұйымдарына түсу үшін кемінде 65 балл жинау қажет. Бұл ретте «Педагогикалық ғылымдар» бағыты үшін шекті деңгей – 75 балл, «Денсаулық сақтау»  – 70 балл, «Құқық»  – 75 балл, ал «Ауыл шаруашылығы және биоресурстар» және «Ветеринария...