Жаңалықтар

Жақында Қазақстан азаматы, 16 жастағы Сұңқар Сәбиттің қатерлі ісік дертін емдетуге Үндістанға барып, сол жақта көз жұмғаны, марқұмның анасы енді оның шетелде сақталған (химиотерапия жасамай тұрып алған, қатырып қойған) ұрығын елге қайтармақшы деген хабар тарады. Жаңалықты оқып, пікір білдіргендердің арасында «өлген адамның ұрығын қайтеді?» деп таңырқап жатқандар аз емес.

Нақты осы жағдайдың мән-жайын талдамасақ та, жалпы, қайтыс болған ер адамның ұрығын пайдаланып, балалы болу, ұрпақ өсіру мүмкін бе деген сұрақ туындады. Адам өлгеннен кейінгі репродукция әдісі – шетелде бұрыннан бар, in vitro (эко) ұрықтандыру арқылы жүзеге асатын процедура. Осы жолмен перзент сүю мәселесі төңірегіндегі моральдық-этикалық, құқықтық т.б. жайттарға...

АҚШ-тың Әділет министрлігі мен Федералды тергеу бюросы Аргентина футбол қауымдастығындағы (АФА) қаржылық айла-шарғыларға қатысты істі тергеп жатыр. Бұл туралы La Nacion басылымы хабарлады.

Тергеудің мән-жайы

Қазіргі уақытта АҚШ-та өтіп жатқан 2026 жылғы Әлем чемпионаты аясында Федералды тергеу бюросының агенттері Аргентина федерациясының Штаттар аумағындағы қызметін жіті тексеруге кіріскен. Тергеушілер футбол қауымдастығына тиесілі жүздеген миллион доллардың Американың қаржы жүйесі арқылы қалай өткенін және бұл операцияларда ел заңнамасына қайшы келетін қылмыс белгілерінің бар-жоғын анықтауға тырысып жатыр.

Күдікті транзакциялар мен банк шоттары

La Nacion басылымының қолына түскен құжаттарға сәйкес, негізгі күдік аргентиналық кәсіпкер Хавьер Фарони мен жұбайы Эрика Джиллеттке түсіп...

Жапонияның Ispace компаниясы Илон Маскінің SpaceX компаниясымен бірлесіп, айға жүк тасымалдайтын жаңа жоба бастамақшы. Бұл туралы Reuters жазады.

Токиода орналасқан стартап 50 миллион долларға SpaceX-тің алып Starship зымыранынан 500 келілік орын сатып алды. Сол орынға жапон компаниясы өздері құрастырған айда жүретін көлігін орналастырады. Айға жүк жібергісі келетін өзге компаниялар жүгін сол көлікке ақылы түрде тіркеп, бірге жібере алады.

Компанияның вице-президенті Хидеари Камияның айтуынша, SpaceX зымыраны тұтынушылардың жүгін бір уақытта және арзан бағамен таситын үлкен «автобус» рөлін атқарады. Ал ispace аппараттары жүкті айдың нақты бір нүктесіне арнайы жеткізетін «такси» тәрізді қызмет көрсетеді.

Бұған дейін Ispace компаниясы SpaceX-тің Falcon 9 зымырандарын пайдаланған. 2023 және 2025 жылдардағы талпыныстары сәтсіз аяқталды.

Токио компаниясы 2030 жылға...

АҚШ сенаторы Элизабет Уоррен төрт федералды агенттікке хат жолдап, президент Дональд Трамптың отбасымен байланысы бар компанияға мемлекеттік қолдау көрсетілуіне қарсы шықты. Сенатор бұл жерде мүдделер қақтығысы туындауы мүмкін деп қауіптеніп отыр, деп жазады Bloomberg.

Мәселенің мәні – Қазақстандағы вольфрам өндіру жобасына қатысты. АҚШ-тың Экспорт-импорт банкі бұл тау-кен жобасына шамамен 2 млрд доллар көлемінде федералдық қаржы бөлмек. Осыған байланысты Демократиялық партияның өкілі Элизабет Уоррен мемлекеттік қаражаттың жемқорлық пен мүдделер қақтығысы қаупі бар мәмілелерден қорғалуын қамтамасыз ету керек деп есептейді.

Сөз болып отырған компания -«Cove Kaz Capital». Деректерге сүйенсек, Трамп отбасы осы вольфрам жобасынан пайда көретін америкалық кәсіпорынны...

Атырауда полиция қызметкері Сымбат Танатарова бұрынғы жігіті әрі әріптесін көлік капотында сүйреп өлтіргені үшін кінәлі деп танылды.

Алайда Halyqstan ақпаратына қарағанда, ол жазадан босатылған.

Қорғаушылардың айтуынша, Сымбатты бұрынғы жігіті әрі әріптесі Қанат Ершан бірнеше ай бойы аңдып, мазалаған. Екеуі оқу кезінде танысып, кейін полицияда бірге жұмыс істеген.

Қыздың уәжі

Қыздың сөзінше, ажырасқаннан кейін Ершан кездесуді талап етіп, үйіне келіп маза бермеген. WhatsApp арқылы балағат сөздер жазған. Тіпті, сөйлеспесе, өзіне қол жұмсайтынын айтып қорқытқан.

Оқиға былай өрбіген. 15 сәуірде Ершан Атырауға келіп, кешке Сымбаттың үйінің алдына барған. Әйелдің айтуынша, ол үйден шығуын талап етіп, айқайлап, терезені қаққан. Сол...

Әлемге танымал шахматшы Бибісара Асаубаева тағы бір өнерді меңгерді. Енді ол рояльда ойнайды.

22 жастағы қазақ шахматшысы Қазақстан әнұранын рояльмен орындап, оны әлеуметтік желіге жариялады.

«Тағы бір хобби. Керемет деп айта алмаймын, бірақ тырысып-ақ бақтым. Бар болғаны 5-6 сабақтың нәтижесі», – деп сипаттады Instagram-дағы рилсті өнерлі қыз.

Желі қолданушылары да Бибісараның өнеріне тәнті болып, оған мейлінше қолдау көрсетіп жатыр.

«Әнұран! Жарайсың, Бибісара...

Жаз мезгілінде көпшілік күннен қорғайтын кремді тек жағажайға барар алдында ғана пайдаланады. Алайда ультракүлгін сәулелер теріге қалада серуендегенде де, тауда жүргенде де, тіпті қыста да әсер етеді. Kursiv LifeStyle SPF 15, 30 және 50+ деңгейлерінің айырмашылығы қандай екенін және қай жағдайда қайсысын таңдаған дұрыс екенін түсіндірді.

«Золотое Яблоко» дүкендер желісінің косметологі Мила Устинованың айтуынша, SPF деңгейін таңдағанда тек тері түрін ғана емес, уақытты қайда өткізетініңізді де ескеру қажет.

Күн сәулесі негізінен екі түрге бөлінеді. UVA-сәулелері терінің терең қабатына өтіп, әжімдердің ерте пайда болуына және пигментті дақтардың түзілуіне ықпал етеді. Ал UVB-сәулелері терінің үстіңгі қабатына әсер етеді. Бұл сәулелер терінің қараюына...

«Өнер қырандары» театрының актері Мадияр Серікбаевқа әйелі Дана Тұрарбек қымбат Li автокөлігін сыйлады.

«Адал жарыма арманындағы көлік. Осы күнге жеткізген Аллаға шүкір» деп жазды Дана Тұрарбек әлеуметтік желіге.

Бейнежазбада актердің көлікті көріп, балаша қуанған сәті бейнеленген. Әйелін құшақтап, шаттықтан секіре береді. Сыйлыққа алған көлігін сипалап, көз жасына ерік береді.

Мадияр Серікбаев ризашылық білдіріп: «Барлық еркек бақытты болуға лайықты» деп жазба қалдырған.

Көлік иесіне құттықтаулар көп келіп түсіп жатыр. «Ер адамдарға жұғысты болсын» деген тілектер айтылуда.

«Осы көлікке қолы жетпей жүрген жоқ. Бастысы көңіл бөлуде. Әйелдің назары еркекке қатты керек. Балаларынан бетер. Бақытты болыңдар!» – деп пікір...

Қазақстан 2025 жылдың маусымы мен 2026 жылдың маусымы аралығында 13 млн тоннадан аса астық пен ұн экспортқа шығарған. Қазақстандық астықтың негізгі тұтынушысы – Өзбекстан мен Ауғанстан.

Ауыл шаруашылығы министрлігінің дерегі бойынша, осы кезеңде сатылған астық өткен маусымның сәйкес кезеңімен салыстырғанда 13%-ға артық. Ол кезде экспорт көлемі 11,6 млн тоннаны құраған.

Экспорттың артуына Орталық Азия елдері мен Ауғанстанға жеткізілген өнім көлемінің артуы себеп.

Атап айтқанда, Өзбекстанға экспорт 38%-ға өсіп, 3,9 млн тоннадан 5,5 млн тоннаға жетті. Ал Ауғанстанға сатылған астық 1,4 млн тоннадан 2,2 млн тоннаға жетті.

Қырғызстан Қазақстаннан 504 мың тонна астық пен ұн сатып алса, Түрікменстанға...

Футболдан 2026 жылғы Әлем чемпионаты өзінің ең қызықты кезеңіне аяқ басты. Плей-офф сатысының алғашқы айналымдары аяқталып, үздік сегіздік анықталды. Енді жанкүйерлерді жартылай финал жолдамасы сарапқа салынатын тартысты ширек финал матчтары күтіп тұр.

Назарларыңызға ширек финал ойындарының кестесін ұсынамыз:

10 шілде, 01:00 – Франция – Марокко

11 шілде, 00:00 – Испания – Бельгия

12 шілде, 02:00 – Норвегия – Англия

12 шілде, 06:00 – Аргентина – Швейцария

Ширек финал кезеңінің шымылдығын Франция мен Марокко құрамалары ашады. Ал бұған дейін Мысыр командасымен болған даулы матчта жеңісті жұлып алған Аргентина құрамасы ширек финалдағы ойынын 12 шілде күні таңғы уақытта Швейцарияға қарсы өткізбек.

«Қазақстан темір жолы» Басқарма төрағасы міндетін атқарушы болып Бауыржан Орынбасаров тағайындалды. Топ-менеджер ұлттық компанияда 1993 жылдан бері жұмыс істейді.

Сәрсенбі күні таңертең ҚТЖ басшылығынан Талғат Алдыбергеновтің кеткені мәлім болған. Ұлттық компаниядағы ауыс-түйіс туралы ресми мәліметті «Самұрық-Қазына» қоры таратқан.

Енді ҚТЖ Басқарма төрағасы міндетін Бауыржан Орынбасаров атқаратыны мәлім болып отыр. Қызылорда облысында туған топ-менеджер 2021 жылдан бері төрағаның орынбасары қызметін атқарып келген.

Айта кетейік, премьер-министр Олжас Бектенов жақында ғана – 16 маусымда ҚТЖ жұмысын сынап, транзиттік тасымалдар бойынша жоспардың кешеуілдеуіне Талғат Алдыбергенің жеке өзі жауапты екенін айтқан. Оның үстіне топ-менеджердің жеке бизнесі бары айтылып, мүдделер қақтығыс туралы

2025 жылғы 1 қаңтардағы жағдай бойынша Қазақстандағы мұнайдың қоры 4 миллиард тоннадан асады. Бұл туралы Орталық коммуникациялар қызметінде өткен брифингте Энергетика вице-министрі Ерлан Ақбаров мәлімдеді.

Оның айтуынша, мемлекеттік есепте 319 мұнай кен орны бар. Оның ішінде 2,8 миллиард тоннадан астамы А+В+С1 санаттарына, ал тағы 1,4 миллиард тоннадан астамы С2 санатына жатады.

Бұдан бөлек, баланстан тыс қорлар 167 миллион тоннадан астам деп бағаланып отыр.

Сондай-ақ Ерлан Ақбаров елімізде 215 жер қойнауын пайдаланушы тіркелгенін айтты. Олардың басым бөлігі Атырау, Маңғыстау және Ақтөбе облыстарында жұмыс істейді. Салалық компаниялардың 67%-дан астамы дәл осы аймақтарда шоғырланған.

Соңғы мәліметтерге сүйенсек, Қазақстанда мұнай қоры 35 жылға...

Қырғызстан көрші елдерден 4 млрд кВт/сағ-тан астам электр энергиясын импорттауды жоспарлап отыр. Бұл туралы елдің энергетика министрі Алтынбек Рысбеков мәлімдеді деп жазады Kaktus.Media.

Бірақ нақты қандай мемлекеттерден электр энергиясын сатып алатыны белгісіз, әзірге хабарланбады. Рысбеков тек бұл бағытта жұмыс жүріп жатқанын атап өтті.

Энергетика министрлігі Орталық диспетчерлік қызметінің басшысы Ұлан Әбдірасуловтың дерегінше, қазір Қырғызстандағы бір тәуліктегі электр энергиясын тұтыну көлемі 45 млн кВт·сағаттан асқан. Бұл ретте кешкі уақыттағы ең жоғары жүктеме 2 332 МВт-ты құрады, оның 1 469 МВт-ы елдің солтүстігіне, ал 825 МВт-ы оңтүстігіне тиесілі.

Қырғызстан электр қуатын Өзбекстан немесе Қазақстаннан да сұрауы мүмкін. Былтыр күзде Орталы...

Қазақстанда бастауыш сынып оқушылары үшін бөлім бойынша жиынтық бағалау (БЖБ) мен тоқсандық жиынтық бағалауды (ТЖБ) алып тастау мәселесі әлі де талқыланып жатыр. Егер бұл бастама қолдау тапса, бастауыш сынып оқушыларының білімін бағалау формативті бағалау арқылы жалғасады. Яғни мұғалімдер оқушылардың үлгерімін күнделікті бақылап, дер кезінде кері байланыс беретін болады. Бұл туралы Оқу-ағарту министрі Жұлдыз Сүлейменова әлеуметтік желідегі парақшасында жариялаған видеода мәлімдеді.

БЖБ мен ТЖБ орнына не ұсынылды

Министрдің айтуынша, ұсынылып отырған өзгеріс оқушылардың білімін бағалау жүйесінен толықтай бас тартуды көздемейді. Керісінше, мектептерде формативті бағалау сақталады.

Яғни мұғалімдер бұрынғыдай оқушылардың оқу қарқынын, оқу материалын меңгеру деңгейін, мәтінді түсінуін және...

Павлодарда жедел шақыртуға бара жатқан реанимобиль бағдаршамсыз жаяу жүргіншілер өткелінде 76 жастағы әйелді қағып кетті.

Оқиға академик Сәтбаев көшесінде болған. Мәліметке сәйкес, жедел жәрдем көлігі бірінші санаттағы шұғыл шақыртуға бара жатқан. Көліктің дабыл шамдары мен арнайы дыбыс белгісі қосулы болған.

Реанимобиль жаяу жүргіншілер өткелінен өтіп бара жатқанда зейнеткер әйел шыға келген.

Жол апатынан кейін 103 қызметінің мамандары зардап шеккен әйелге оқиға орнында алғашқы медициналық көмек көрсетіп, дереу Павлодар қалалық №1 ауруханасына жеткізді. Ал дәрігерлер бара жатқан шақыру басқа бригадаға берілді.

Жедел жәрдем жүргізушісінің әрекетіне құқықтық бағаны полиция береді. Қазір оқиғаға байланысты тексеру жүргізіліп жатыр. 103 қызметі зардап шеккен әйелдің тезірек...

Forbes журналы әлемдегі ең бай және ықпалды блогердердің тізімін жариялады. Басылым мәліметінше, ең ықпалды 50 блогердің жалпы табысы 1 млрд доллардан асып жығылады. Нақтырақ айтсақ, олар бір жылда 1,02 млрд доллар (шамамен 470 миллиард теңгеден астам) пайда тапқан. Бұл көрсеткіш өткен жылмен салыстырғанда 20%-ға, ал 2022 жылғы алғашқы тізіммен салыстырғанда 80%-ға өскен.

Блогерлер қазір жүздеген қызметкері бар студия ашып, ауқымды жарнамалық науқандарды басқарып қана қоймай, кіріс жағынан Голливуд фильмдерінің өзін артта қалдырып отыр.

Мысалы, Кейн Парсонстың желілік қорқынышты хикаясына негізделген «Backrooms» фильмі 10 млн долларға түсіріліп, 260 миллион доллардан астам табыс әкелсе, скетч-комедия авторы Карри...

Жалпыұлттық социал-демократиялық партия Астанада өткен кезектен тыс XXV съезінде Құрылтай сайлауына ұсынатын кандидаттарының партиялық тізімін бекітті.

Партия төрағасы Асхат Рахымжановтың айтуынша, алдағы сайлауда партия кемінде 10 пайыз дауыс жинауды мақсат етіп отыр. Оның сөзінше, бұл ЖСДП үшін жақсы нәтиже болмақ.

ЖСДП бекіткен партиялық тізімге барлығы 33 кандидат енді. Олардың қатарында өңірлік филиалдардың төрағалары, Парламент Мәжілісінің депутаттары, жастар және әйелдер қанатының өкілдері, сондай-ақ сарапшылар мен үкіметтік емес сектор мүшелері бар.

ЖСДП атынан Құрылтай сайлауына қатысатын кандидаттар:

Мысыр футбол қауымдастығы Аргентинамен ойынында төрелік еткен төреші Франсуа Летексьенің үстінен Халықаралық футбол федерациясы ФИФА-ға шағым түсірді. Бұл туралы En.as.com порталы хабарлады.

7 шілде күні өткен ойын 3:2 есебімен Аргентина құрамасының пайдасына аяқталды. Voices of Emirates басылымының мәліметінше, Мысыр тарапы өз шағымында есепке алынбай қалған голды, белгіленбеген пенальтиді және даулы эпизодтарда төрешілердің VAR (бейнеқайталау) жүйесіне жүгінуден бас тартқанын алға тартқан.

Мысыр футбол қауымдастығының басшысы Хани Або Рида төрешілер бригадасын Әлем чемпионатындағы алдағы ойындардан шеттетуді талап етіп, олардың іс-әрекетін «алалау» деп бағалады.

Кездесуден кейін Мысыр құрамасының капитаны Мохамед Салах та өз наразылығын білдірді.

«Қазгидромет» 9-11 шілдеге ауа райы болжамын жариялады. Оған сәйкес, кейбір өңірлерде күн 45 градусқа дейін ысиды.

Синоптиктердің мәліметінше, батыс және солтүстік-батыс өңірлерде атмосфералық фронттардың әсерінен жаңбыр жауып, найзағай ойнайды. Кей жерлерде бұршақ түсіп, екпінді жел соғып, нөсер жаңбыр күтіледі.

9 шілдеде шығыс өңірлерде де найзағай ойнап, жаңбыр жауады. Кей жерлерде мол жауын-шашын түседі де, артынша басылады.

Ал оңтүстік және оңтүстік-шығыстың таулы аудандарында қысқа мерзімді жаңбыр мен найзағай болжанған. Елдің қалған бөлігінде құрғақ әрі ыстық ауа райы сақталады.

Алдағы күндері ауа температурасы айтарлықтай көтеріледі:

Қайтарылған активтерді басқару компаниясы (KUVA) 2025 жылдың басынан бері өткізе алмай келе жатқан 36 зергерлік бұйым мен сағатты арзан бағаға саудалауға көшті. Олардың арасында De Beers гауһар сырғасы да бар.

Байлар қайтарған заттар арзандады

Sauda электронды порталындағы аукцион 9 шілдеде түскі сағат 12:00-де басталады. KUVA бейсенбі күні барлығы 36 қайтарылған активті саудаға қояды. Компания бұл жолы оларды арзан бағаға ұсынып отыр.

Мәселен, мамандар 158,1 млн теңгеге бағалаған гауһар сырғаның бастапқы бағасы бұл жолы 110,6 млн теңге деп белгіленді. Айта кетейік, зергерлік бұйым өз бағасынан 30%-ға арзанға сатылғалы жатыр. Осы аукционға қатысу үшін 23,7 млн теңге кепілпұл төлеу...

ЖСДП ауыл шаруашылық министрі Айдарбек Сапаровқа қатысты ішкі тексеру басталғанын мәлімдеді. Оған фермерлер мен үлескерлерден түскен шағым себеп болған. Бұл туралы партияның сьезіне қатысқан Bes.media жазады.

Жалпыұлттық социал-демократиялық партиясы төрағасының орынбасары Тазабек Сәмбетбайдың сөзінше, партия қазіргі министрге қатысты тексеру жүріп жатыр. Оның сөзінше, аграрлық сектордан жүйелі түрде министрге қатысты шағым түсіп отырған. Партия тіпті шенеунік пен бизнес-құрылымдар арасында байланыс болуы мүмкін, Сапаров өзінің қызметтік лауазымын, министр ретіндегі ресурстарын пайдаланған деп күдіктеніп отыр.

«Қазір біз ауыл шаруашылық министрі Сапаровқа қатысты мәселені тексеріп жатырмыз. Оның аграрлық бизнеспен айналысатын туыстары да болуы мүмкін. Жоғары лауазымды...

Павлодар әуежайының ұшу-қону жолағын жаңғырту жұмыстары басталды. Жобаны жүзеге асыруға Арнайы мемлекеттік қордан 9 млрд теңгеден астам қаражат бөлінді.

Бас көлік прокуратурасының мәліметінше, әуежайды жөндеу жұмыстары мемлекетке қайтарылған активтер есебінен жүргізіледі.

Қазіргі уақытта құрылыс-монтаждау жұмыстары бекітілген кестеге сай жүріп жатыр. Жаңғырту жұмыстары 2026 жылдың қыркүйек айында аяқталуға тиіс.

Мердігер ұйымға, тапсырыс берушіге және техникалық қадағалау өкілдеріне жұмыстың уақытылы әрі сапалы орындалуын, еңбекті қорғау және экологиялық заңнама талаптарының сақталуын, сондай-ақ бюджет қаражатының тиімді жұмсалуын қамтамасыз ету тапсырылды.

Қайта жаңғырту жұмыстары аяқталғаннан кейін әуежай бір сағатта 200-ден 300 жолаушыға дейін қабылдай алады.

Атап айтқанда, инфрақұрылымның жаңаруы көрсетілетін қызмет сапасын...

Қазақстандағы ең бай адам Вячеслав Кимге тиесілі United Group Alatau холдингінің топ-менеджелері 2025 жылы 170,5 млн теңге сыйақы алған. Бұл туралы қаржы есептілігі депозитарийіндегі хабарламада жазылған. United Group Alatau – Alatau City Bank-ке иелік ететін холдинг.

170 млн теңге – холдинг басқама төрағасы, оның орынбасары мен қаржы директоры алған сыйақы. 2019 жылдан бері компания басқарма төрағасының орынбасары мен қаржы директоры қызметін Ерке Нұркенов пен Алма Мұстафаева атқарып келсе, басқарма төрағасы болып 2024 жылдан Олжас Құрманов тағайындалған.

2023 -2024 жылдары компания басшылары 145 және 133 млн теңге айлық алған. Бұл жылдары басқарма құрамында төрағаның орынбасары ретінде Абай

Қанатбек Жайсанбаев Қазақстан Халық Кеңесі Төрағасының орынбасары болып тағайындалды. Бұл туралы Ақорданың баспасөз қызметі хабарлады.

«Мемлекет басшысының Жарлығымен Қанатбек Бақытұлы Жайсанбаев Қазақстан Халық Кеңесі Төрағасының орынбасары – Қазақстан Халық Кеңесі Хатшылығының басшысы болып тағайындалды, ол бұрынғы атқарған лауазымынан босатылды», – деп жазылған хабарламада.

Ол еңбек жолын 2000 жылы Қазақ мемлекеттік заң академиясының Қызылордадағы филиалында оқытушы болып бастады.  

2001 тамыздан бастап Қазақстан Республикасы Жоғарғы Соты жанындағы Соттық әкімшілендіру комитетінің Қызылорда облысы бойынша Сот әкімшілігінің бас маманы болып қызмет атқарды.

2001 жылғы желтоқсан айында Қызылорда облысы әкімі аппаратының Мемлекеттік құқық жұмысы бөлімінің бас маманы...