Жаңалықтар

Ішкі істер министрлігі қайталанған сталкинг үшін қылмыстық жауапкершілікті қатаңдату керек деп санайды. Бұл туралы Мәжілісте өткен дөңгелек үстелде Ішкі істер министрінің орынбасары Санжар Әділов мәлімдеді.

«Қазіргі таңда сталкинг бойынша Қылмыстық кодекстің 115-1 бап бойынша норманы қатаңдату мәселесі қарастырылуда. Қайталанған қылмысты жасау туралы белгіні кодекске енгізіп, жазаны қатаңдату бойынша ұсыныс жасап отырмыз«, – деді ол.

Айтуынша, қазіргі уақытта сталкинг үшін екі жылға дейін бас бостандығынан айыру жазасы қарастырылған, көп жағдайда 30-40 тәулікке қамауға алу шарасы қолданылады.

Алайда іс жүзінде бұл жаза жеткіліксіз болып шықты, себебі, сотталғандар үкімнен кейін де құрбандарының қыр соңына түсіп алуды...

Михаил Шайдоров пен министрлік арасында еш текетірес болмаған. Керісінше БАҚ өкілдері жариялаған материалдардан қоғамда сондай көзқарас қалыптасқан. Үкімет отырысынан кейін өткен брифингте туризм және спорт министрі Ербол Мырзабосынов осылай деді.

Журналист Тамара Вааль оған Шайдоровқа қатысты дау кезінде арнайы тапсырыс болды ма деген сауал қойды. Министр бұл сұраққа жауап беруден бас тартып, журналистер негативке тым көп назар салады деген ойын айтты.

«Мәселен, бізде әрбір спорт түрінен 20 тарихи көрсеткіш бар. Біз оны үнемі жариялап отырамыз, бірақ сіздер білмейсіздер. Яғни оны аса ешкім байқап отырмайды», – деген ол журналистердің спортшының дауына ерекше назар қойғанын меңзеді.

Астанада «Мерейлі отбасы» ұлттық байқауына өтінім қабылдау басталды. Бұл туралы Астана әкімдігі хабарлады.

Байқау талаптарына сәйкес, қалалық кезеңнің жеңімпазы 1 млн теңге көлемінде ақшалай сыйлық алады. Ал аудандық кезеңде үздік атанған отбасыларға 500 000 теңгеден беріледі.

«Ұлттық конкурстың басты мақсаты – «Мерейлі отбасы» байқауының негізгі мақсаты – өнегелі отбасылардың өмірлік тәжірибесін кеңінен насихаттап, отбасы құндылықтарын, неке мен жанұяның оң үлгісін дәріптеу арқылы олардың қоғамдағы беделін көтеру және қоғамдық бірлікті нығайту», – деді ұйымдастырушылар.

Елорда тұрғындары байқауға қатысу үшін өтінімдерін 15 маусымға дейін тапсыра алады.

Айта кетейік, «Мерейлі отбасы» ұлттық байқауы Қазақстанда жыл...

Семейдегі алапат орман өртінен кейін орманшылардың жалақысы екі есе көтерілді. Бүгін үкімет отырысында экология вице-министрі Нұркен Шәрбиев арнайы қорғалатын аймақта жұмыс істейтін қызметкерлердің қанша айлық алатынын айтты.

«2022-2024 жылдар аралығында барлық азаматтық қызметкерге жалақыны екі есе көтерді. Сондай-ақ еңбек тәуекеліне байланысты орман өрт станцияларының қызметкерлерінің еңбекақысына 100 пайыз үстемақы қосылды. Нәтижесінде, өрт сөндіру көлігінің жүргізушісі 280 мың (тәжірибесіне қарай), орман өрт станциясының бастығы 350 мың, орман өрт сөндірушісі 250 мың теңге жалақы алады», – деді вице-министр.

Арнайы қорғалатын аймақтарда жұмыс істейтін мемлекеттік инспекторлар айлығы одан да жоғары екенін атап өтті. Дегенмен бухгалтерлер, экономистер тәрізді әкімшілік...

Димаш Құдайберген 2025 жылы 5 қазан күні Нью-Йорк қаласындағы Madison Square Garden сахнасында өзінің ауқымды «Stranger» шоуын көрермен назарына ұсынды. Димаш аңызға айналған сахнаға табаны тиген ТМД елдерінен шыққан алғашқы әртіс ретінде тарихқа енді.

АҚШ төрінде шырқалған әнұран

Нью-Йорк төріндегі Madison Square Garden сахнасында тұңғыш рет Қазақстан Республикасының Мемлекеттік Гимні орындалып, мыңдаған шетелдік көрермен қазақ тіліндегі әндерді ұйып тыңдады.

Бағдарлама аясында Димаш жанкүйерлеріне үлкен тосынсый жасап, өзінің авторлық жаңа туындысы – «Самғау» әнінің тұсауын кесті. Сондай-ақ кеште алғаш рет орындалған «Love’s Not Over Yet» композициясы көрерменнің жүрегінен жол тапты. Әнді екі мәрте беделді «Grammy» сыйлығының иегері атанған атақты продюсер...

2026 жылдың басынан бері сталкинг бойынша 41 мыңнан астам құқық бұзушы әкімшілік жауапкершілікке тартылып, 11 мыңнан астам адам қамауға алынды. Бұл туралы  ішкі істер министрінің орынбасары Санжар Әділов айтты.

Айтуынша, сот шешімімен 9200 агрессорға ерекше мінез-құлық талаптары белгіленді. Оның ішінде 8300 адамға алкогольдік ішімдіктерді тұтынуға тыйым салынды. 

Белгіленген шектеулерді бұзғаны үшін 10 мыңнан астам адам жауапкершілікке тартылды. Сот шешімімен олардың барлығына міндетті психокоррекциялық шаралар тағайындалды.

Құқық бұзушылықтардың алдын алу туралы жаңа заң аясында 1928 адамға ресми ескерту жасалды. Бұдан бөлек, 49 агрессорға жәбірленушілерге жақындауға тыйым салынды.

«Ішкі істер министрлігі дағдарыс орталықтары, білім беру, әлеуметтік қорғау ұйымдары және...

Қытай азаматы Ван Цзяньнин (Wang Jianning) «Қазақойл Ақтөбе» Бас директоры болып тағайындалды. Қазақстан мен Қытай арасындағы бірлескен компания басшылығы екі жылда ауысып тұрады.

Басшылықтағы ауыс-түйіс

2026 жылғы 1 маусымда «KazakhOil Aktobe» ЖШС бас директоры қызметіне Ван Цзяньнин тағайындалды. Мәлімет мұнай-газ өндіруші компания сайтында жарияланды.

«Қазақойл Ақтөбе» акцияларының 50%-ы «ҚазМұнайГаз» ұлттық компаниясына, ал қалған 50%-ы Sinopec қытай корпорациясына тиесілі. Акционерлер басқару жүйесінде ротация қағидасын қолданады.

Мәселен, 2024-2026 жылдар аралығында бірлескен компанияны Нұрсейіт Союнов басқарған. Енді ол бас директордың орынбасары қызметін атқарады.

Жаңа басшы туралы

«Қазақойл Ақтөбе» мәліметінше, бас директор қызметіне кіріскен Ван Цзяньнин 2005 жылы...

OpenAI компаниясы АҚШ-та Initial Public Offering (IPO) өткізуге өтініш тапсырды. Осылайша жасанды интеллект саласындағы тағы бір алып компания ашық нарыққа шығуға дайындалып жатыр.

Тағы бір ірі ойыншы

ChatGPT дайындаған OpenAI компаниясы 8 маусымда акцияларын IPO-ға шығару жөнінде өтініш тапсырды. Технология саласындағы алып компания ашық нарыққа қашан кіретінін, қанша қағаз сататынын, сауда шарттарын ашып айтпады.

«Уақыт қажет. Өйткені біз әлі іске асырып үлгермеген жайттар бар», – делінген OpenAI мәлімдемесінде.

Reuters дереккөзінің мәліметінше, компания қаржы нарығына шығу арқылы капиталын 1 трлн долларға дейін арттыруды көздейді. Агенттік оның IPO-ға 2026 жылғы қыркүйекте шығуы мүмкін екенін...

Туризм және спорт министрлігі Байқоңырды дамытуға ерекше назар салып отыр. Ведомство басшысы Ербол Мырзабосынов Байқоңыр кешенінде туризмді дамытудың 2030 жылға дейінгі тұжырымдамасы бекітілгенін мәлімдеді.

Жаңа жоба бойынша, енді шетелдік туристердің ғарыш айлағына рұқсат алу мерзімі 10 күнге дейін қысқарады. Оларға Гагарин ұшқан алаң, монтаждап орнату және жанармай құю кешені мен динамикалық сынақтар стенді қызық болуы мүмкін деп жоспарлап отыр.

«Бұл кешеннің қолжетімділігін арттырып, туроператорларға зымыран ұшыруды көруге апару бағдарламалары мен ұшулар арасындағы бағдарламаларды дамытуға мүмкіндік берді», – деді Ербол Мырзабосынов.

2025 жылы Байқоңырға туристер тарту үшін 55 іс-шара жоспарланып, 150 мыңнан аса адам келді.

2025 жылы елге келген шетелдік туристер 3 млрд доллар жұмсаған. Бұл туралы үкімет отырысында туризм және спорт министрі Ербол Мырзабосынов мәлімдеді.

Биыл туризмге салынған инвестиция көлемі 33%-ға өсіп, 1,3 трлн теңгеге жеткен. Тиісінше, салық түсімі 18%-ға ұлғайып, 630 млрд теңге болды. Қазір салада 600 мыңнан аса адам жұмыс істейді.

«Саланы одан әрі дамыту мақсатында осы жылдың наурыз айында заңнамалық түзетулер қабылданды. Атап айтқанда, туристік автобустар үшін «жасыл дәліз» тетігі енгізілуде. Бұл ұйымдастырылған туристік топтардың мемлекеттік шекарадан өту уақытын едәуір қысқартуға мүмкіндік береді», – дейді туризм министрі Ербол Мырзабосынов.

Шетелдік туристерді қызықтыратын бір бағыт – медициналы...

Футболсүйер қауым тағатсыздана күткен басты дода 2026 жылғы Әлем чемпионаты 11 маусым күні басталады. Qazaqstan және Qazsport телеарналары дүбірлі доданы тікелей эфирде жүргізетін комментаторларды таныстырды.

Бұл жолы жанкүйерлер үшін бұрыннан таныс және жаңа есімдерден құралған үлкен шығармашылық топ жұмылдырылмақ. Ресми тізімге Есей Жеңісұлы, Ерсін Ерікұлы, Әлімжан Асқарұлы, Олжас Байбосынов, Руслан Бақытжан, Марғұлан Жақып, Дәулет Сейітбеков, Еламан Әмірғазы, Фархат Қаналы, Айбек Намазбаев және Әзиз Оразбаев енді. Олармен бірге эфир тізгінін Ернұр Дүйсенғазы, Айбек Қабылша, Рауан Оқас, Сергей Райлян, Дидар Қадыров, Ербол Қайыров, Тимур Сулейменов, Дмитрий Нестеренко, Виктор Кирилюк, Дінмұхаммед Төлегенов және Әділет Құсайынов қатар жүргізеді.

Еске сала кетейік, футболдан әлем чемпионаты...

Қазақстанда алтын өндіретін үш ірі компанияның бірі – Solidcore Resources компаниясының басшылық құрамы өзгерді.

1 маусымнан Директорлар кеңесінің төрағасы болып Абдулсалам Әл-Муршиди тағайындалған. Ол бұған дейін Оман Сұлтандығының егеменді әл-ауқат қоры – Oman Investment Authority президенті қызметін атқарған.

Абдулсалам Аль-Муршиди инвестициялық басқару, корпоративтік басқару және стратегиялық көшбасшылық салаларында кәсіби тәжірибесі бар.

Бұған дейін Директорлар кеңесіне жетекшілік еткен Омар Бахрам Төрағаның орынбасары лауазымына ауысты.

Solidcore Resources – Қазақстандағы жетекші алтын өндіруші және АХҚО биржасында (AIX) тіркелген ірі компания. Бүгінде оның портфелінде елдегі екі жұмыс істеп тұрған кәсіпорын мен бірнеше...

9 мамырға қараған түні Алматы зообағында өрт шықты. Болған жағдайға қатысты Төтенше жағдай министрлігі пікір білдірді.

Ведомство мәліметінше, зообақ аумағындағы дүңгіршектердің бірінен өрт шыққан.

«Алматыда Медеу ауданында Есенберлин көшесіндегі фотосалонда от шығып, ол жанындағы электромобильге тиген. Өрт аумағы 25 шаршы метр, құтқарушылар оқиға орнына тез жетіп, от ошағын өшірді», – деп нақтылады баспасөз қызметі.

Зардап шеккендер жоқ, өрт себебі әзірге белгісіз. Дүңгіршек зообаққа емес жалға алушыларға тиесілі екен.

Тағы да оқыңыз: Алматыдағы хайуанаттар бағында билет бағасы қымбаттады

Еуропа одағы (ЕО) Қырғызстан әуе компанияларын авиация саласындағы «қара тізімнен» ресми түрде шығарды. Шешім Қазақстан жолаушыларына да тиімді.

Реформа жемісі

Қырғыз әуе компаниялары 20 жылда алғаш рет Еуропа елдеріне қатынай алады. Осындай шешім 19-21 мамырда ЕО Ұшу қауіпсіздігі жөніндегі комитетінің (ASC) отырысында қабылданған. Ал осы аптада ресми түрде жарияланды.

Қырғызстан EU Air Safety List тізімінде 2006 жылдан бері тұрған. Жиырма жылдан кейін ғана көрші елдің әуе компаниялары ЕО елдеріне қатынауға мүмкіндік алып отыр.

Кейінгі жылдары қырғыз үкіметі азаматтық авиация саласында ауқымды реформа жүргізді. Қауіпсіздік стандарттарын ИКАО (ICAO) талаптарына сәйкестендірді. Бұған қоса, 11 әуежай жаңартылып, жаңа ұшақтар сатып ала бастады.

Түркияның Сакария аймағындағы Расимпаша мешітінде жастарға арнап үлкен экранда футбол матчын көрсету бастамасы қоғамда қызу талқыға түсіп, соңы дауға ұласты. Қоғам белсенділері мен діни қауымдастықтың наразылығынан кейін, жастарды мешітке тарту мақсатында жоспарланған шара ресми түрде тоқтатылды.

Оқиға Сакария провинциясының Хендек ауданында болған. Жергілікті БАҚ-тың хабарлауынша, мешіт ішіне дәу экран орнатып, футболдан Әлем чемпионатының матчын бірге тамашалау идеясын Али Инджи көтерген. Ол Расимпаша мешіті діни қорының төрағасы әрі биліктегі Әділет және даму партиясының Сакариядан сайланған депутаты.

Ұйымдастырушылардың пайымдауынша, бұл шара жастардың мешіт ортасымен тығыз байланыс орнатуына, әрі әлеуметтік, әрі рухани тұрғыдан жақындасуына септігін тигізуге тиіс болған. Тіпті бағдарламаға сәйкес, жастар алдымен...

Apple компаниясы iOS 27 жүйесінің жаңа нұсқасын таныстырды. Операциялық жүйе жетілген соң Siri көмекшісі де ақылды бола түсті.

Жаңа операциялық жүйе

iOS 27 жүйесін iPhone-ның 11-сериясынан кейінгілеріне, сонымен бірге Apple-дің басқа да өнімдеріне ие қолданушылар жаңарта алады. Дегенмен Siri AI көмекшісі кейінгі өнімдерде ғана пайда болады. Атап айтқанда, iPhone 16, iPhone 15 Pro, A17 Pro чипі бар iPad mini, M1 чипі бар iPad, M1 чипі бар Mac, Apple Vision Pro, сонымен бірге Apple Watch Series 10 және басқа да жаңа өнімдерге ЖИ көмекшісі жүктеледі.

Өзгерген Siri

Apple Intelligence базасында жаңа функциялар пайда болды. Енді Siri ЖИ...

Енді АҚШ визасын бұрынғыдай бірнеше ай күтпей, он күнде алуға болады. Ол үшін стандартты 185 доллар жарнаға қосымша 750 доллар төлеу қажет. Бұл туралы Associated Press жазады.

Әзірге бұл сынақ бағдарламасы осы жылдың шілдесінен бастап 31 желтоқсанға дейін жалғасады. Егер сұраныс көп болса, оны ұзартуы да мүмкін. Бағдарламаға қатысатын мемлекеттер тізімі жоба басталғанға дейін жарияланады.

АР жазуынша, Трамп әкімшілігі соңғы кезде тым қатты қатаңдатқан визалық саясатты жұмсарту үшін жасалып отыр. Бірақ қосымша жарна төлеу виза алуға кепілдік бермейді, тек сұхбатқа жазылуды жеделдетеді.

Еске салайық, биыл қыста АҚШ 75 елдің азаматына виза беруді тоқтататынын хабарлаған еді. Ресейден басқа шектеуге ұшыраған...

Мұхтар Жәкішев отбасындағы үлкен қуанышымен бөлісе отырып, желідегі парақшасында жүрекжарды жазба қалдырды. 5 маусым күні кіші қызы Алтынай тұрмысқа шығып, ұясына қонды.

Түрмедегі хаттан ақ босағаға дейін

Әрбір әке үшін қызының бойжетіп, өз серігін табуы толғандырар сәт. Алайда бұл тойдың Мұхтар Жәкішев үшін мәні тым бөлек. Өз жазбасында өткен күннің ең ауыр, өкінішті сәттерін жасырмай, ашық айтты.

«Үлкен қызым тұрмысқа шыққанда, мен түрмеде отырдым. Ол кезде әке ретінде қолымнан келгені ақ тілегімді қағазға түсіріп, хатпен беріп жіберу ғана болды. Сол хат тойында оқылды. Ал бүгін бәрі басқаша. Қызыңның қуанышында қағаздағы құрғақ сөзбен шектелмей, өз сөзіңд...

Иран мен Израиль бір-біріне қарсы әскери операцияларды тоқтататынын жариялады. Tasnim агенттігінің ақпаратына сәйкес, Иранның қарулы күштері Ливанға жасалған шабуылдары үшін Израильге ауыр соққы берген.

«Осы негізде әскери операциялардың тоқтатылғаны жарияланады, бірақ агрессия мен зұлымдық, соның ішінде Ливанның оңтүстігінде жалғасатын болса, бұрынғыдан да шешуші және жойқын әрекеттер жасалатыны атап өтіледі», – делінген мәлімдемеде.

Израиль премьер-министрі Биньямин Нетаньяху өз кезегінде Иранға қарсы шабуылдар әзірге тоқтатылғанын айтып, егер шабуылдар қайта басталса, Израиль Тегеран мен «Хезболлаға» соққы беретінін ескертті, деп хабарлайды The Times of Israel.

«Бүгін Иран мен Хезболла бұрынғыдан да әлсіз, ал...

Сейсмикалық станциялар желісі Қазақстанның оңтүстігінде жер сілкінісін тіркеді. Төтенше жағдайлар министрлігінің ақпараты бойынша, жер сілкінісі 8 маусым күні Астана уақытымен сағат 21:55-те Алматы облысында сезілген.

«Эпицентр Қазақстан аумағында, Алматыдан оңтүстік-шығысқа қарай 111 шақырым жерде орналасқан. Оның координаттары – солтүстік ендіктің 42.920° және шығыс бойлықтың 78.188°, жер қыртысының тереңдігі 5 шақырымды құрады», – деп хабарлады ТЖМ.

Алматы облысының Кеген ауданында жер сілкінісі әлсіз сезілді. Саты ауылында қарқындылығы 2,5 балды, Жаңалау ауылында 2 балды құрады.

Жер сілкінісінен кейін «Қазселденқорғау» мамандары өзен арналарына, гидротехникалық құрылыстарға, сондай-ақ көшкін және сел қаупі бар учаскелерге мониторинг жүргізді.

Сонымен қатар тіршілікті қамтамасыз ету...

Қазақстанның батысында да жаңбыр жауады. Ал солтүстік пен Астанада найзағай, дауыл мен бұршақ күтіледі. «Қазгидромет» 9 маусымға ауа райы болжамын ұсынды.

Қазақстандық шахматшы Бибісара Асаубаева FIDE Women’s Circuit 2026–2027 жалпы есебінде бірінші орынға көтерілді. Оған көшбасшылықты беделді Norway Chess Women 2026 турниріндегі жеңіс әкелді.

Жаңартылған рейтингте Асаубаева қытайлық Чжу Цзинь мен үндістандық шахматшы Вайшали Рамешбабуды басып озды. Олар тиісінше екінші және үшінші орындарда тұр.

FIDE Circuit 2026-2027 ашық есебінде көшбасшылықты өзбекстандық гроссмейстер Нодирбек Абдусатторов сақтап отыр. Екінші орында оның отандасы Джавохир Синдаров, үздік үштікті американдық Фабиано Каруана түйіндейді.

FIDE Circuit – үміткерлер турниріне шығудың негізгі квалификациялық жолдарының бірі. Цикл қорытындысы бойынша үздік шахматшылар әлем чемпиондығына таласатын матчқа қатысу құқығын алады.

Айта кетейік, осыған дейін қазақстандық шахматшы Бибісара Асаубаева 2026 жылғы Norway...

Шығыс Қазақстан, Абай, Павлодар облыстары мен Жетісудағы мыңдаған абонент кабельдің қатты зақымдануынан уақытша байланыссыз және интернетсіз қалды.

«Қазақтелеком» АҚ хабарлағандай, оқиға 8 маусым күні сағат 16:59-да Өскемен-Шемонаиха учаскесінде болған. Алдын ала мәліметтер бойынша, ШҚО тұрғыны жер қазу жұмыстарын жүргізіп, байланыс желісін зақымдаған.

«Апат еліміздің төрт өңіріндегі – ШҚО, Абай, Павлодар және Жетісу облыстарындағы интернет сервистері мен мобильді байланыс сапасына әсер етті. Магистральдің зақымдануы ірі операторлардың жұмысында ауқымды іркілістерді тудырды. Семей, Павлодар және Өскемен қалаларында интернет жылдамдығының төмендегені тіркелді», – деп хабарлады компанияның баспасөз қызметі.

Сондай-ақ Үржар, Глубокое, Аягөз, Бородулиха аудандары, Мақаншы ауданы, Риддер қаласы, сонымен...

Арыс қаласында үш адамның өмірін қиған апаттан кейін медициналық бақылауда екі зардап шегуші, оның ішінде кәмелетке толмаған пациент бар. Олардың жағдайы тұрақты деп бағаланып отыр.

Түркістан облыстық денсаулық сақтау басқармасының мәліметінше, оқиғадан кейін зардап шеккендер бірден Арыс аудандық ауруханасына жеткізілген. Дәрігерлер қарап, консилиум өткізгеннен кейін, пациенттердің біреуі жергілікті стационарға емдеуге қалдырылды.

«Бірінші пациент қазір хирургия бөлімшесінде ем қабылдап жатыр. Оның жағдайы тұрақты деп бағаланады. Медициналық көмек бекітілген клиникалық хаттамаға сәйкес толық көлемде көрсетілуде. Емдеу курсы аяқталғаннан кейін пациент үйіне шығарылады», – деп түсіндірді профильді ведомство ресми сауалға берген жауабында.

Жол-көлік оқиғасында зардап шеккен баланы дәрігерлер...