Жаңалықтар

Ел тізгінін қолға алып, былтыр екінші рет АҚШ президенті лауазымына кіріскен Дональд Трамп қызметтегі өкілеттігін жеке пайдасына асырып, сыртқы саясаттағы шешімдерін отбасы мүшелерінің бизнестегі мүдделеріне ыңғайластыра қабылдап жүр, дейді америкалық Tangle жаңалықтар ресурсының бас редакторы Исаак Сол.

Трамптың екінші өкілеттік мерзімінің өткен 15 айындағы қызметіне талдау жасаған журналистің сөзінше, ел басқарған тұлғаның «қолдан келсе, қонышыған бас» деген ұстанымға салып, осылайша құныққаны – АҚШ тарихында бұрын-соңды болмаған жайт әрі бұған биліктің жауапты тармақтары көз жұма қарап отыр. Kursiv Media И.Солдың жинап, жүйелеп баяндап берген деректерін қорытып, оқырман назарына ұсынып отыр.

Жаңа валюта

Трамптың көлденең табыс тауып...

Алматы облысының Кеген ауданында «Кеген МясПром» ет өңдеу зауыты ашылды. Жобаға 3 млрд теңге инвестиция салынған. Кәсіпорынның түпкілікті иесі – Bazis A құрылыс корпорациясының негізін қалаушы Александр Беловичтің ұлы Павел Белович, деп жазады Kursiv.Media.

Облыс әкімдігінің мәліметінше, жаңа зауытта 50-ге жуық жергілікті тұрғын жұмыспен қамтылған. Кәсіпорын тәулігіне 10 тоннаға дейін ет өңдеп, жартылай фабрикаттардың 20 түрін шығаруды жоспарлап отыр. Тәуліктік өндірістік қуаты 120 бас ірі, 100 бас ұсақ мал және 20 жылқыны етке салуға есептелген.

«Кеген МясПром» компаниясының директоры Светлана Козубакованың айтуынша, кәсіпорын техника сатып алуға мемлекеттік субсидия алған.

«Бұл өңірдің табиғаты мал өсіруге...

Полиция қызметкерлері жыл басынан бері елде хабар-ошарсыз кеткен 17 мыңнан астам адамның жүрген жерін анықтады. Сонымен қатар іздеуде жүрген 1 031 күдікті ұсталды. Бұл туралы Ішкі істер министрлігі хабарлады, деп жазады Kursiv.Media.

ІІМ мәліметінше, ұсталғандардың қатарында Қарағандыда 401 млн теңгеден астам соманың мүлкін алаяқтық жолмен иемденді деген күдікке ілінген 67 жастағы ер адам бар. Ол Астана қаласында ұсталды.

Бұдан бөлек, Қазақстанда халықаралық іздеуде жүрген 537 адам қолға түсті. Олардың қатарында 1,3 млрд теңгеден астам сомаға алаяқтық жасады деген күдікке ілінген 45 жастағы шетел азаматы бар. Ол Алматы қаласында ұсталды. Тергеу деректеріне сәйкес, 2023 жылы Бішкекте ер адам Оңтүстік...

2026 жылғы «Алтын доп» сыйлығын «Бавария» футбол клубының шабуылшысы Гарри Кейн иеленді. Футболдағы ең беделді жеке марапатты табыстау рәсімі France Football журналы ұйымдастырған салтанатты кеште өтті, деп хабарлайды Kursiv.Media.

Лондондағы «Палладиум» театрында болған рәсімде жеңімпазға «Алтын допты» бразилиялық футболшы Роналдо табыстады. Бұл жүлдені алуға Кейннен бөлек «Реал Мадридтен» Джуд Беллингем, «Барселонадан» Ламин Ямаль да үміткер болған еді.

Айта кету керек, футболдағы басты марапат тарихта алғаш рет Франциядан тыс жерде табысталды. Рәсімнің Лондонда өтуіне 1956 жылы «Алтын доптың» алғашқы иегері атанған ағылшын футболшысы Стэнли Мэттьюстің есімі себеп болған.

«Алтын доп» сыйлығын France Football журналы үздік...

27 қазанда Қазақстанның бірқатар өңірінде үсік, тұман, көктайғақ және қатты жел болуы мүмкін. «Қазгидромет» болжамынша, Жетісу облысы мен Талдықорғанда ауа температурасы түнде −11 градусқа дейін төмендейді. Ал Алакөл көлдері маңында желдің екпіні секундына 28 метрге жетуі мүмкін, деп хабарлайды Kursiv.Media.

Ел аумағының басым бөлігінде ауа райы жауын-шашынсыз. Алайда солтүстік, орталық өңірлерде және оңтүстік-шығыстың таулы аймақтарында түнде жаңбыр мен қар жаууы ықтимал.

Синоптиктердің мәліметінше, еліміздің бірқатар өңірінде тұман түсіп, оңтүстік, оңтүстік-шығыс және оңтүстік-батыста жел күшейеді. Оңтүстікте шаңды дауыл соғуы мүмкін.

Қай өңірлерде үсік күтіледі?

Жамбыл облысында түнде ауа температурасы −3…−8 градусқа дейін төмендейді. Таразда −5…−7 градус аяз болжанып отыр.

Алматы...

Алматы әуежайынан жаңа Алатау қаласындағы Iconic Complex кешеніне дейін жерасты метросы салынуы мүмкін. Бұл туралы премьер-министрдің орынбасары Қанат Бозымбаев жобаның құрылысын бастауға арналған іс-шарада KursivMedia сауалына берген жауабында мәлім етті.

KursivMedia тілшісі кешен салынған соң көлік коллабсы болмауы үшін қандай жоспар барын сұраған.

Вице-премьердің сөзінше, жыл соңына дейін Алатау қаласының мастер-планына (бұрынғы бас жоспар – ред) қол қойылмақ. Сол жерде көлік жүйесі де қамтылады.

«Тек Iconic Complex-тің өзіне кіретін және шығатын 8 жол салынады. Сосын бізде жобада Алматы әуежайынан осы жаққа метро салу жоспары бар. Мүмкін ЛРТ салынады, мүмкін метро. Әлі шешім қабылдамадық, қарап жатырмыз...

Соңғы бес жылда елде 1 003 жаңа медициналық нысан пайдалануға беріліп, дәрігер тапшылығы 20,4%-ға қысқарды. Ауылдық жерлерде кадр тапшылығының төмендеуі 28,3%-ды құрады, деп хабарлайды Kursiv.Media Үкіметтің баспасөз қызметіне сілтеме жасап.

Денсаулық сақтау жүйесінде бүгінде 280 мыңнан астам медицина қызметкері еңбек етеді. Оның 84 мыңға жуығы – дәрігерлер. Кадр тапшылығын азайту және мамандарды өңірлерде тұрақтандыру мақсатында әлеуметтік қолдау шаралары да кеңейтіліп жатыр.

2025 жылы 1 760 дәрігер әлеуметтік қолдауға ие болды. Тұрғын үймен қамтамасыз етілген дәрігерлер саны 3,3 есе өсіп, 727 адамға жетті. Сонымен қатар ауылдық жерлерде тапшы мамандықтар бойынша жұмыс істейтін 529 маманға 8,5 млн теңгеден біржолғы төлем берілді.

Alatau City-де қаланың басты келбеті саналатын Iconic Complex жобасының құрылысы басталды. Кешенді салып бітуге нақты қанша қаражат кететіні әзірге бергісіз.

Премьер-министрдің орынбасары Қанат Бозымбаев кешеннің нақты құны туралы айту әлі ерте екенін, шамамен 1 млрд доллардың шамасында болатынын айтады.

“Жобаға инвесторлардың қаражаты тартылады. Үкімет есебінен Ұлттық банктің инвестициялық корпорациясы кіріп отыр. Оның үлесі 10 пайыздай болады. Көбісі жергілікті инвесторлар – Kaspi тобы, Alatau City Bank және осы қытайлық компания (CSCEC – ред) олар қазіргі уақытта Қытай мемлекетінен рұхсатнама қағаздарын алып жатыр, – деді ол жобаның құрылысын бастауға арналған іс-шара барысында KursivMedia сауалына берген жауабында.

Алматыдағы Фурманов шыңы маңында адасып кеткен екі жасөспірімге құтқарушылар көмек көрсетті, деп жазады Kursiv.Media. Тауда бағытынан жаңылған балалар өздігінен төмен түсе алмаған.

Оқиға түнгі уақытта болған. Таңертең тауға шыққан жасөспірімдер кері қайтар жолды таба алмай, анасына хабарласқан. Осыдан кейін олардың орналасқан жерін анықтаған ТЖМ Республикалық құтқару қызметінің «Барыс» жасағы іздестіру жұмыстарына кірісті.

Құтқарушылар балаларды тауып, қауіпсіз жерге алып түсті. Жасөспірімдердің жағдайы жақсы болғандықтан, медициналық көмек қажет болмаған.

Құтқару жұмыстары аяқталған соң балалар Қимасар шатқалындағы алғашқы бақылау-өткізу бекетіне жеткізіліп, ата-аналарына тапсырылды.

Бұған дейін құтқарушылар төбесі құлаған тұрғын үйдің астында қалған адамға көмек көрсеткен.

Alatau City-де Iconic Complex жобасының құрылысын бастауға арналған іс-шара өтті. Үкімет кешенді қаланың төлқұжатына айналатын жоба ретінде таныстырды.

Іскерлік орталықтың жүрегі

Премьер-министрдің орынбасары Қанат Бозымбаев Iconic Complex Алатау қаласының болашақ іскерлік орталығының маңызды бөлігіне айналатынын айтады.

«Бүгінгі іс-шара Қазақстан үшін стратегиялық маңызы бар Alatau City жобасын іске асыру кезеңіне көшудің елеулі қадамдарының бірі. Президенттің жеке бастамасымен қалада бизнес үшін жаңа мүмкіндіктер ашатын және заманауи басқару жүйесін қалыптастыруды көздейтін арнайы құқықтық режим құрылып жатыр. Өткен кезеңде қаланы дамытудың құқықтық және институционалды негізі қалыптастырылды, 2026 жылғы 8 мамырда Алатау қаласы туралы арнайы конституциялық заң қабылданды, оны...

Түркия полициясы Ыстанбұлда қаза тапқан 26 жастағы қазақстандық Айсұлу Бекмаханованың өліміне байланысты екі адамды ұстады. Олардың арасында марқұммен бірге тұрған көршісі мен оның сүйіктісі болуы мүмкін. Бұл туралы түркиялық DHA агенттігі хабарлады, деп жазады Kursiv.Media.

Ұсталғандардың бірі – 22 жастағы Ресей азаматы Дарья Б. Ол Айсұлу Бекмаханова­мен бірге тұрған. Екінші күдікті – 35 жастағы дүкен иесі Мазхар Т. Әзірге олардың қазақстандық қыздың өліміне қатысы бар-жоғы және қандай күдікке ілінгені туралы ресми ақпарат жарияланған жоқ.

Қайғылы оқиға алдындағы жағдай

Түркиялық журналистер Айсұлу Бекмаханова қаза таппай тұрып түсірілген фотосуретті жариялады. Суретте қыз көрші ғимараттың шатырының шетінде отырған...

Түркияның Ыстанбұл қаласында Қазақстан азаматы Айсұлу Бекмаханова қаза тапты. Алдын ала мәлімет бойынша, ол көрші ғимараттың шатырына балкон арқылы өтпек болған кезде құлаған. Сыртқы істер министрлігі марқұмның туыстарына консулдық-құқықтық көмек көрсетіп жатыр, деп жазады Kursiv.Media.

Қайғылы жағдай 25 қазан күні таңертең Ыстанбұлдың Шишли ауданында болған. Түркияның DHA ақпарат агенттігінің хабарлауынша, 26 жастағы қазақстандық өзі тұрған үйдің алтыншы қабатындағы балконнан көрші ғимараттың шатырына өткен. Кейін қыз ойықты жауып тұрған шатыр жабынына басып, төменге құлаған болуы мүмкін.

Оқиға орнына полиция мен медицина қызметкерлері жеткенімен, қыз сол кезде көз жұмған. Мамандар оқиға орнын тексергеннен кейін марқұмның денесі сот-медициналық сараптамаға...

Орталық сайлау комиссиясы 2026 жылғы 29 қарашада өтетін кезектен тыс сайлауда мәслихат депутаттығына кандидаттардың сайлауалды үгіт жүргізуіне республикалық бюджеттен бөлінетін қаражат мөлшерін белгіледі, деп хабарлайды Kursiv.Media.

Атап айтқанда, республикалық маңызы бар қалалар, облыстар мен Астана мәслихаттарына үміткерлерге теледидар мен радио арқылы сөз сөйлеуге, сондай-ақ баспа немесе интернет-басылымдарда екі мақала жариялауға 410 мың теңгеге дейін қарастырылған.

Ал жария үгіт іс-шараларын өткізуге және үгіт материалдарын шығаруға 180 мың теңге, көлік шығындарына әр кандидатқа 110 мың теңге бөлінеді.

Қалалық және аудандық мәслихаттарға үміткерлер үшін қаражат мөлшері өзгеше

Қалалық мәслихат депутаттығына кандидаттарға сөз сөйлеу мен жарияланымдар үшін 400 мы...

«Қайрат» футбол клубының бас бапкері Рафаэль Уразбахтин өз еркімен қызметінен кетуге шешім қабылдады. Клуб басшылығы оның шешімін қабылдап, өтінішін қанағаттандырды, деп хабарлайды Kursiv.Media.

Рафаэль Радикович 2024 жылғы қыркүйекте негізгі команданың бас бапкері атанып, алғашқы маусымының қорытындысы бойынша сары-қараларды Қазақстан чемпионы атандырды.

2025 жылы оның жетекшілігімен «Қайрат» Қазақстан Суперкубогын жеңіп алып, чемпиондық атағын қорғады және клуб тарихында алғаш рет УЕФА Чемпиондар лигасының жалпы кезеңіне жолдама алды. Ал 2026 жылғы маусымда команда УЕФА Конференция лигасының жалпы кезеңіне шығып, Қазақстан чемпионатында күміс жүлдегер атанды.

Бас бапкердің міндетін бұған дейін «Қайрат-Жастарды» басқарған Жора Арутюнян атқарады. Оның жетекшілігімен команда «Алтайға» қарсы алдағы матчқа дайындалады.

«Әділет» партиясы көпқабатты үйлерді басқару кезінде туындайтын мәселелерді шешу үшін тұрғын үй-коммуналдық шаруашылық саласындағы заңнамаға түзетулер әзірлеп жатыр. Заңнамалық өзгерістерді 2027 жылдың соңына дейін қабылдау жоспарланған, деп хабарлайды Kursiv.Media.

«Біздің қала» партиялық жобасы аясында көпқабатты үйлерді басқару жүйесіндегі өзекті мәселелер талқыланды. Атап айтқанда, мүлік иелері бірлестігі (МИБ) төрағаларын ауыстыру, пәтер иелері туралы мәліметтерге қол жеткізу, жиналыстар мен дауыс беру тәртібі және ортақ үй есептегіштерінің жұмысы қаралды.

«Әділет» партиясынан Қазақстан Республикасы Құрылтайының депутаты Екатерина Смышляева тұрғын үй қорын басқару саласының өкілдерімен кездесу өткізді. Жиынға МИБ, пәтер иелері кооперативтері (ПИК), басқарушы компаниялар, тұрғын үй-коммуналдық шаруашылық саласының мамандары мен кәсіби қауымдастық өкілдер...

Семейде құрылыс-жөндеу жұмыстары кезінде жеке тұрғын үйдің төбе жабындары опырылып түсіп, оның астында бір тұрғын қалып қойды. Төтенше жағдайлар министрлігінің құтқарушылары зардап шегушіге жедел көмек көрсетті, деп хабарлайды Kursiv.Media.

Оқиға кеше, 25 қазан күні болған. Қалалық 112 шұғыл қызмет пультіне жеке тұрғын үйде жөндеу жұмыстарын жүргізу барысында төбе опырылғаны туралы хабарлама түскен.

Ақпарат алынысымен оқиға орнына ТЖМ жедел-құтқару жасағының қызметкерлері шұғыл жетті. Мамандар қираған заттар астында қысылып қалған ер адамды абайлап шығарып, алғашқы көмек көрсеткеннен кейін оны жедел медициналық жәрдем бригадасына тапсырды.

Сербиядағы парламент сайлауында рекордтық қатысу көрсеткіші тіркеліп, оппозициялық «Студенттік тізім» жеңіске жетті. Бұрынғы президент Александар Вучич өз партиясының жеңілгенін мойындады, деп хабарлайды Kursiv.Media.

Reuters мәліметінше, Сербияда жексенбі, 25 қазан күні өткен мерзімінен бұрынғы парламент сайлауында бұрынғы президент Александар Вучич бастаған билеуші Серб прогрессивті партиясының жеңіліске ұшырағаны белгілі болды. Белградтағы Серб прогрессивті партиясының (СНС) штаб-пәтеріндегі жақтастары алдында сөз сөйлеген Вучич: «Әзірге ресми нәтижелер жоқ, бірақ бұл сайлауда жеңілгеніміз анық. «Студенттік тізім» жеңіске жетті: олар 135 пен 140 аралығында мандат алады, ал бізде 105 орын болады. Парламентке басқа ешкім өткен жоқ», – деді.

Сербияның Орталық сайлау комиссиясының мәліметінше, учаскелер...

Астанада қоғамдық көлікте жол жүру ақысы өзгерді. Қала ішіндегі қарапайым автобустарда электронды төлем арқылы бір сапардың құны 150 теңге болды, деп жазады Kursiv.Media.

Астана әкімдігінің қаулысына сәйкес, жаңа тарифтер төлем тәсілі мен маршрут санатына қарай белгіленген. Электронды төлем кезінде қарапайым қалалық автобустарда жолақы 150 теңге, ал жедел автобустарда 300 теңге болады. Қолма-қол ақшамен төлеген жағдайда бұл сома тиісінше 300 және 400 теңгені құрайды. Қала маңы бағыттарында жолақы әр шақырымға есептеледі.

Ал LRT тарифі өзгере ме

Бұған дейін City Transportation Systems компаниясы жеңіл рельсті көліктегі бір реттік сапар құны 200 теңге болатынын хабарлаған. Автобустардың жолақысы қымбаттағанына байланысты қоғамдық көлік...

Мемлекет басшысы Қасым-Жомарт Тоқаев шет мемлекеттер мен халықаралық ұйымдардың басшыларына Қазақстанның Ұлттық мерекесіне орай жолдаған құттықтаулары үшін ризашылық білдірді.

«Республика күніне орай жолдаған риясыз құттықтаулары мен жылы лебіздері үшін барлық мемлекеттер және үкіметтер басшыларына, сондай-ақ ірі халықаралық ұйымдардың жетекшілеріне алғыс айтамын. Егемен елімізге арнаған ізгі тілектеріңізді халқымыз ризашылықпен қабылдады», – деп жазды президент Х әлеуметтік желісіндегі ресми парақшасында.

Бұған дейін Республика күніне орай мемлекет басшысының атына шет елдердің президенттерінен, үкімет басшыларынан және халықаралық ұйымдар жетекшілерінен құттықтау жеделхаттары толассыз келіп түскенін хабарланған болатын.

25 қазан кешкісін Қостанайда Назарбаев даңғылы мен Алтынсарин көшесінің қиылысында ауыр жол-көлік оқиғасы орын алды, деп хабарлайды Kursiv.Media.

Өңірлік «Наша газета» басылымы мен полицияның мәліметінше, «Volkswagen Passat» жеңіл автокөлігі мен №10 бағыттағы жолаушылар автобусы соқтығысқан.

Облыстық полиция департаментінің хабарлауынша, сағат 21:10 шамасында жеңіл көлік жүргізушісі жол ережесін бұзып, тәртіп сақшыларының тоқтау туралы талабына бағынбаған. Артынан патрульдік машина түскен жүргізуші полициядан қашпақ болып, бағдаршамның қызыл түсіне өтіп кеткен де, қиылыста автобусқа соғылған.

Апат салдарынан «Volkswagen Passat» жүргізушісі оқиға орнында қаза тапты, ал оның қасында болған жолаушы ауруханаға жеткізілді.

Соқтығысу кезінде автобус ішінде 55 жолаушы болған...

Мемлекет басшысы Қасым-Жомарт Тоқаев Аустрия Республикасының Федералдық Президенті Александр Ван дер Белленге құттықтау жеделхатын жолдады, деп хабарлайды Kursiv.Media.

Президент Қазақстан халқының және жеке өзінің атынан Александр Ван дер Белленді және барша Аустрия халқын елінің басты мерекесі – Ұлттық күнімен құттықтады.

Қасым-Жомарт Тоқаев екі ел арасындағы достық пен өзара түсіністікке негізделген ынтымақтастықтың одан әрі нығая беретініне сенім білдірді. Сонымен қатар мемлекет басшысы Аустрия президентінің жауапты мемлекеттік қызметіне табыс, ал достас Аустрия халқына бақ-береке мен өркендеу тіледі.

«Қазгидромет» синоптиктері 26 қазанға ауа райы болжамын ұсынды. Еліміздің екі ірі мегаполисі – Алматы мен Шымкентте, сондай-ақ 16 облыста қолайсыз ауа райына байланысты дауылды алдын ала ескерту жарияланды, деп хабарлайды Kursiv.Media.

Синоптиктердің хабарлауынша, аймақтарда түнде үсік жүріп, кей жерлерде шаңды дауыл, қатты жел мен тұман болуы мүмкін. Сондай-ақ бірқатар өңірде өрт қаупі әлі де жоғары болып тұр.

Алматы, Шымкент және оңтүстік өңірлер

Алматы қаласы мен Алматы облысында түнде ауа температурасы -2…-4°C (облыс бойынша -2…-7°C) дейін төмендейді. Іле Алатауы тауларында, Медеу мен Бостандық аудандарының таулы аймақтарында желдің жылдамдығы 17-22 м/с дейін күшейеді. Қонаев қаласында да түнде -2…-4°C үсік болады...

Шымкенттің «Ордабасы» футбол клубы Қазақстан Премьер-лигасының 2026 жылғы маусымында чемпион атанды, деп хабарлайды Kursiv Media.

Молдовалық маман Андрей Мартин жаттықтыратын «Ордабасы» 29 матчтан кейін 68 ұпай жинап, турнир кестесінде көш бастады. 25 қазанда алматылық «Қайрат» сырт алаңда «Ақтөбемен» кездесіп, 2:2 есебімен тең түсті. Осы нәтижеден кейін алматылық клубтың еншісінде 64 ұпай болды.

Чемпионаттың аяқталуына бір тур қалғандықтан, «Қайрат» енді «Ордабасыны» қуып жете алмайды. Осылайша, шымкенттік команда соңғы турдың нәтижесіне қарамастан ел чемпионы атанды.

«Ордабасы» тарихында екінші рет чемпион атанды

Шымкенттік клуб Қазақстан Премьер-лигасының алтын медалін өз тарихында екінші рет жеңіп алды. Бұған дейін «Ордабасы» 2023 жылы алғаш...

Ресейлік теннисші Даниил Медведев Алматыда өткен ATP 250 санатындағы Almaty Open турнирінің жеңімпазы атанды. Финалда ол грузиялық Николоз Басилашвилиді үш сетте жеңді, деп хабарлайды Kursiv Media.

17–25 қазан аралығында Almaty Arena кешенінде өткен турнирдің финалында әлемдік рейтингте бесінші орында тұрған Медведев ATP рейтингіндегі 128-орындағы Басилашвилимен кездесті.

25 қазанда өткен шешуші матч 1 сағат 53 минутқа созылып, ресейлік теннисшінің 6:7 (6:8), 6:1, 6:3 есебіндегі жеңісімен аяқталды.

Алғашқы сетте грузиялық спортшы әлемнің экс бірінші ракеткасына қарсы лайықты ойын көрсетті. Екі теннисші арасындағы тартысты партия тай-брейкке ұласып, Басилашвили 8:6 есебімен басым түсті. Алайда екінші сетте Медведев ойын тізгінін өз қолына алды...