Жаңалықтар

Әлеуметтік желілерде Ақтауда түсірілген тырдай жалаңаш ер адамның фото және видеолары пайда болды. Кадрларда белгісіз адам біреулермен ұстасып тұрғаны көрінеді.

Полицияның хабарлауынша, оқиға 7 маусым күні таңертең қаланың 39-шағын ауданында болған.

«Таңғы сағат 05:30 шамасында 102 пультіне қоғамдық орында киімсіз жүрген, қоғамдық тәртіпті және тұрғындардың тыныштығын бұзған ер адам туралы хабарлама келіп түсті. Тексеруден кейін тәртіп бұзушыға қатысты бірнеше бап бойынша әкімшілік шаралар қабылданды. Ол тыныштықты бұзғаны, қоғамдық орында алкогольді ішімдіктер ішкені және ұсақ бұзақылық жасағаны үшін жауапқа тартылды», – деп хабарлады Маңғыстау облыстық полиция департаменті.

Жиналған материалдар сотқа жолданды.

Астанада жедел іс-шаралар барысында есірткі сақтау және өткізуге күдікті ер адам анықталып, ұсталды. Оның көлігіндегі пакеттерден жеті келіден астам гашиш табылды, деп хабарлайды Polisia.kz.

Күдіктіге тиесілі автокөлік операция барысында полициямен тоқтатылды. Тінту кезінде көлік салонынан өзіне тән иісі бар сұр-жасыл түсті ұнтақ тәріздес зат салынған пакет, сол тектес зат бар екі литрлік бөтелке, сондай-ақ, ұқсас зат құйылған екі бес литрлік бөтелке табылды.

«Сараптама қорытындысына сәйкес, тәркіленген зат гашиш болып шықты. Одан бөлек, электронды таразы табылды. Жалпы салмағы жеті келіден асатын табылған заттың барлығы тәркіленді. Аталған дерек бойынша қылмыстық іс қозғалды. Ұсталған азамат уақытша ұстау изоляторына...

Алматыда BMW iX3 электрокроссоверінің Қазақстандағы таныстырылымы өтті. Аталған көлік BMW брендінің Neue Klasse платформасы негізінде жасалған және жүріс қоры 800 шақырымнан асатын алғашқы электромобилі.

Тұсаукесерді Astana Motors компаниясына қарасты  Қазақстандағы BMW көлігінің ресми дистрибьюторы – Autocentre-Bavaria өткізді.

Таныстырылым Bavaria Almaty дилерлік орталығында пресс-ланч форматында өтіп, оған журналистер, автоблогерлер, сарапшылар және BMW көлігінің тұрақты кщиенттері қатысты.

«Әлемдік деңгейде iХ3 моделінің тұсаукесерінен кейін жаңа дәуірі басталған BMW нарығының қатарына Қазақстан да кіреді», – деді Германияның Мюнхен қаласындағы BMW AG штаб-пәтерінің аймақтық өнім менеджері Тимур Алтынбаев.

Жаңа BMW iХ3 толық жетекті, қос моторлы электр қуат қондырғысымен жабдықталған. Жалпы қуат 345 кВт-қа жетед...

Қарағанды облысы Долинка кентіндегі балалар ойын алаңының жанында 10 жасар бала тоққа түсті, деп хабарлайды жергілікті eKaraganda.kz басылымы.

Оқиға туралы баланың әпкесі айтып берді. Оның айтуынша, бала ойын алаңынан бірнеше метр жерде орналасқан электр желісінің тірегіне өрмелеп шыққан, сол жерде тоққа түсіп, биіктен құлап кеткен.

Қарағанды облыстық денсаулық сақтау басқармасы зардап шеккен баланың жансақтау бөлімінде ауыр халде жатқанын хабарлады. Баланың туысы оның қатты күйік шалғанын және ауыр жарақат алғанын мәлімдеді.

Полиция департаменті оқиға дерегін растады.

«Материалдар қылмыстық құқық бұзушылық белгілерін анықтау үшін Қарағанды облысы бойынша Атом және энергетикалық қадағалау мен бақылау комитетінің аумақтық департаментіне жолданды...

Алматы полициясы жасөспірімдерді іздеу мақсатында түнгі клубтарға жаппай рейд жүргізіп жатыр. Көптеген мекеме үшін мұндай тексерулер қызметін тоқтата тұрумен аяқталуда.

Түнде құқық қорғау органдары Медеу ауданындағы екі барды тексерді. Ол жерден түнгі уақытта ересектердің қарауынсыз жүрген және ішімдік ішкен жасөспірімдер анықталды. Олардың барлығы полицияға жеткізіліп, мекеме әкімшілігіне қатысты іс қозғалды.

«Ата-аналар балаларды тәрбиелеу жөніндегі міндеттерін тиісінше орындамағаны үшін жауапқа тартылды», – деп хабарлады полиция.

Құқық қорғаушылар барлардың қызметін тоқтата тұруды көздеп отыр. Бір апта бұрын Алматының дәл осы ауданында ұқсас жағдай орын алып, түнгі клубтарда жасөспірімдер табылған.

Моңғолия астанасы Ұланбатыр қаласында өткен «Білім берудегі шахмат» атты халықаралық конференцияда Қазақстан мен Моңғолияның мектеп жүйесінде шахматты оқытудағы тәжірибесі ортаға салынды. Жиын 21-ші Азия шахмат чемпионаты аясында ұйымдастырылды.

Конференцияға FIDE басшылығы, әртүрлі елдердің білім министрліктерінің өкілдері, ұлттық федерациялар мен сала сарапшылары қатысты.

Шахмат – адам капиталын дамытудың құралы

Халықаралық мектептік шахмат федерациясының (ISCF) президенті, Қазақстан шахмат федерациясының басшысы Тимур Турлов шахматты тек спорт ретінде ғана емес, білім беру жүйесінің ажырамас бөлігі ретінде дамытудың маңыздылығын атап өтті.

«Біз шахматқа инвестиция салу арқылы кәсіби спортшыларды ғана емес, аналитикалық ойлау қабілеті жоғары, қиындыққа төтеп бере алатын және саналы...

Жұмсақ пластик қаптамада сатылатын танымал балалар пюресінің құрамынан мыңдаған микропластик бөлшектері мен химиялық заттар анықталды. Бұл туралы халықаралық «Greenpeace International» экологиялық ұйымы мәлімдеді.

Gerber (Nestlé) мен Happy Baby Organics (Danone) брендтері зертханалық тексерістен өткен. Микропластик талданған әрбір үлгіден анықталған.

Gerber өнімнің 1 грамында орта есеппен 54 микропластик бөлшегі табылған, бұл бір қаптамада 5 000-нан астам бөлшек бар деген сөз.

Happy Baby Organics өнімінің 1 грамында 99 бөлшекке дейін, яғни бір қаптамада 11 000-нан астам бөлшек анықталған.

Бір шай қасыққа шаққанда, бала тамақпен бірге 270-тен 495-ке дейін микроскопиялық пластик сынықтарын жұтып қоюы мүмкін.

Зерттеушілердің болжамы бойынша, микропластик өнімнің өзінен емес, пластик...

Америкалық iSeeCars компаниясы ең ұзақ жүретін автокөліктердің жаңа рейтингін жариялады.

Зерттеу кемінде 10 жыл өндірісте болған, бірақ 2005 жылдан ерте шығарылмаған 174 миллионнан аса көлікті қамтыды. Мұндай шектеу тым ескі модельдерді рейтингтен алып тастау үшін енгізілген.

Зерттеу барысында көліктің 250 мың мильден (400 мың шақырымнан астам) артық жүріп өте алу ықтималдығы бағаланған. Бұл ретте көлік күрделі ақауларсыз пайдаланылуы тиіс. Зерттеу барысында қолданыста болған көліктерді сату туралы нақты хабарландырулар, тіркеу базалары және көлік тарихына қатысты есептер пайдаланылған.

Жалпы нарық көрсеткіші

Зерттеу нәтижесіне сәйкес, 400 мың шақырымнан астам жол жүру мүмкіндігі бойынша автонарықтағы орташа көрсеткіш небәрі 4,8 пайызды құраған...

InDrive компаниясының негізін қалаушы, миллионер Арсен Томский жұмыстан бос уақытта курьер болады. Бұл туралы ол Threads желісінде жазған.

«Арасында курьерлік сөмкені алып, қала көшелерінде жұмыс істеп қайтқан дұрыс. Сол кезде ресми есепке қарағанда жағдайдың шын мәнінде қалай болып жатқанын білесің», – дейді ол жазбасында.

Оған дейінгі жазбасының бірінде Томский арасында InDrive жүргізушісі болып жүргенін де айтқан еді.

Арсен Томскийдің дәулеті 685 млн доллар деп бағаланған. Forbes Kazakstan журналының ең бай 75 кәсіпкер тізімінде 12-орынға тұрақтаған. Ол 2024 жылы Ресей азаматтығынан бас тартып, Қазақстан азаматтығын алған еді.

Томскийге тиесілі  inDrive компаниясының түсімі былтыр 31%-ға...

Экс-президент Нұрсұлтан Назарбаев қазір кезінде өзі негізін қалаған «Аманат» партиясының мүшесі емес және партиядағы қазіргі өзгерістерге қатысы жоқ. Бұл туралы оның баспасөз хатшысы Айдос Үкібай Азаттыққа берген жауабында мәлімдеді.

«Нұрсұлтан Әбішұлының партияға қандай қатысы болуы мүмкін? Ол президенттік өкілетін 2019 жылы тоқтатты», – деді Үкібай.

Оның сөзінше, Назарбаев бүгінде саясатқа араласпайды.

Еске салайық, Қазақстанның тұңғыш президенті Нұрсұлтан Назарбаевтың мемлекет басшысы қызметінен кеткеніне биыл 7 жыл. Назарбаев 2019 жылдың 19 наурызы сағат 19:00-де қазақстандықтарға үндеу жасап, бірнеше жыл ойында жүрген шешімін жариялады.

Алайда ол 2022 жылғы Қаңтар оқиғасына дейін Қауіпсіздік кеңесінің төрағасы...

Қытай Халық Республикасының төрағасы Си Цзиньпин жеті жылдан кейін Солтүстік Кореяға екі күндік мемлекеттік сапармен келді. Пхеньян әуежайында Си мен оның жұбайы Пэн Лиюаньді Корея Еңбек партиясының бас хатшысы, КХДР Мемлекеттік істерінің төрағасы Ким Чен Ын мен оның жұбайы Ли Соль Чжу қарсы алды деп хабарлады «Синьхуа» агенттігі.

Бұл – Си Цзиньпиннің биыл шетелге шыққан алғашқы сапары. Қытай билігінің мәліметінше, ол ҚХДР-ға арнайы келген. Мемлекеттік сапары 10 маусымға дейін жалғасады.

Қазақпараттың жазуынша, екі тарап екі ел мүддесі үшін халықаралық және аймақтық істерде стратегиялық серіктесті нығайту керек деп келіскен. Сондай-ақ партиялық жүйе құру, экономиканы дамытуда тәжірибе алмасуға уағдаласқан.

Қазақстанда аптасына 41 сағаттан астам жұмыс істейтін азаматтардың саны артып келеді. 2026 жылдың алғашқы үш айында елімізде 1,4 миллион адам белгіленген уақыттан артық еңбек еткен. Бұл өткен жылмен салыстырғанда 14%-ға, шамамен 171 мың адамға көп.

Finprom мәліметіне сәйкес, салыстырмалы түрде айтсақ, қазір шамамен әр бесінші ер адам және әр тоғызыншы әйел нормадан артық жұмыс істейді.

Ең көп жұмыс істейтіндер кімдер?

Артық уақыт жұмыс істейтіндердің басым бөлігі ер азаматтарды құрайды, шамамен 898 мың адам. Дегенмен көрсеткіш әйелдер арасында да тез өсіп жатыр, жуықтап алғанда 507 мыңнан асады.

Жас ерекшеліктеріне келер болсақ, ең көп жұмыс істейтіндердің жасы 35 пен...

Қазақстанның агроөнеркәсіп кешенінде соңғы жылдары көзге анық түсетін бір бағыт бар. Ол – күнбағыс майы. Бұрын сыртқы саудада аса ірі тауар саналмаған өнім қазір елдің маңызды экспорттық позицияларының біріне айналып отыр.

Сандардың өзі өзгерістің ауқымын көрсетеді. ҚР ҰСБ мәліметінше, 2015 жылы Қазақстан шетелге бар болғаны 19,1 мың тонна күнбағыс майын экспорттаған. Оның жалпы құны 18,2 млн доллар болды. Ал 2025 жылы экспорт көлемі 690,6 мың тоннаға жетті. Ақшалай мәнде бұл 698,3 млн доллар.

Соңғы уақытта қазақстандықтар Қырғызстаннан баспана сатып алуды жиілеткен. 2025 жыл мен 2026 жылдың бірінші тоқсанында олар көрші елден 424 жылжымайтын мүлік нысанын сатып алған.

Қырғызстанда шетел азаматтарының жылжымайтын мүлік сатып алуына қатысты статистика жарияланды. Мәліметтерге сүйенсек, қазақстандықтар Қырғызстанда жылжымайтын мүлік сатып алатын шетелдіктер арасында алдыңғы қатарда тұр.

Бұл деректерді Қырғызстан Жогорку Кеңешінің депутаты Дастан Бекешев Мемлекеттік кадастр мәліметтеріне сілтеме жасап келтірді.

«2025 жыл мен 2026 жылдың бірінші тоқсанында шетел азаматтары ел аумағынан 2408 жылжымайтын мүлік нысанын сатып алды. Ең көп мәмілені Ресей азаматтары жасаған – 1238. Екінші орында 424 нысан сатып алған Қазақстан азаматтары

Енді 16 маусымынан бастап прокатқа шығатын фильмдер тексерістен өтіп, арнайы құжат алуы керек. Мәдениет және ақпарат министрлігі заңға осындай ереже енгізді.

Жаңа өзгеріс бойынша, картинаға прокат алды сараптама тағайындалады. Оның құрамына кіретін сарапшылар фильмде пропаганда, конституциялық құрылымды, ел тұтастығын бұзуға бағытталған агитация, әлеуметтік, ұлттық, діни алауыздықты қоздыратын эпизодтар бар-жоған анықтайды. Сондай-ақ фильмде қатыгездік пен зорлық-зомбылыққа табынушылық, порнография, педофилия мен дәстүрлі емес сексуалдық бағыт насихатының болмауын да тексереді.

Сараптамадан өту үшін дистрибьютор фильмнің кинотеатрларда көрсетуге арналған нұсқасын ұсынуға тиіс. Комиссия оны көріп шығып, мазмұнын саралап, комиссия отырысында талқылағаннан кейін дауыс беріп, қорытынды шешім шығарады.

Комиссия министрлік жанынан құрылған, құрамына...

Ресейлік танымал рэп орындаушы Моргенштерн (шын есімі – Алишер Валеев) иудаизм дінін ресми түрде қабылдады.

Желіде әртістің еврейлердің дәстүрлі биі «хораны» билеп жүрген видеосы тарады. Бейнежазбада жиналған қауымның маңызды оқиғалар мен мерекелерде айтылатын «Мазаль тов!» (құтты болсын) деген тілектерін естуге болады.

Мәліметтерге сүйенсек, музыкант гиюр рәсімінен өткен. Бұл тегі еврей емес адамдардың иудаизм дініне өтуіне арналған арнайы діни процесс. Осы рәсім аяқталғаннан кейін, адам еврей қауымдастығының толыққанды мүшесі атанып, Тәурат (Тора) парыздарын орындауды өз міндетіне алады.

Дінді қабылдаумен қатар, рэпер есімін де өзгертті. Енді ол Алишер Валеев емес, оның есімі Исраэль Йегуда Моргенштерн.

MTV рэпер аралас отбасыдан шыққанын, жартылай орыс...

Қызылорда облысының Шиелі ауданында денесі канал суынан табылған қыз баланың өліміне қатысы бар күдікті ұсталды.

Облыстық полиция департаменті күдікті сол ауданның тұрғыны екенін айтты. Қазіргі уақытта ол қамауда отыр.

«Күдікті ұсталып, сот санкциясымен қамауға алынды. Қазіргі уақытта оқиғаның барлық мән-жайын анықтауға бағытталған жедел тергеу іс-шаралары жүргізіліп жатыр. Тергеу мүддесіне байланысты сотқа дейінгі тергеп-тексеру деректері жария етілмейді, – деді департаменттің тергеу басқармасы бастығының міндетін атқарушы Асылбек Бексейітов.

Істің толық мән-жайы тергеу амалдары аяқталғаннан кейін белгілі болады.

Айта кетейік, 3 маусымда Шиелі ауданының тұрғыны полицияға каналдан қыздың мәйіті табылғанын хабарлады. Адам өлтіру дерегі негізінде қылмыстық іс қозғалды. Туыстары...

Қытай Семейдегі жаңа көпір құрылысына грант түрінде қаржы бөлуден бас тартты. Бұл туралы Абай облысы әкімінің орынбасары Серік Төленбергенов Instagram парақшасында хабарлады.

2025 жылдың тамыз айында екі ел техникалық-экономикалық ынтымақтастық туралы келісімге қол қойған. Аталған құжат аясында Қытай Халық Республикасы 200 млн юань (14 млрд теңгеден астам) көлемінде өтеусіз көмек көрсетуі тиіс болған. Қазақстан үкіметі бұл гранттың бір бөлігін Семейдегі жаңа көпір құрылысын аяқтауға бағыттауды мақұлдаған еді. Алайда Серік Төленбергеновтің мәліметінше, Қытай тарапы бұл жобаға қаржы бөлуден бас тартқан.

«Қытай тарапы аталған жобаның қайтарымсыз көмек аясында іске асырылатын жобаларға қойылатын талаптарға сәйкес келмейтіні туралы...

2026 жылғы Футболдан әлем чемпионаты басталмай жатып, үлкен саяси даудың ошағына айналды. Дүбірлі доданы қабылдаушы елдердің бірі АҚШ Иран ұлттық құрамасының ресми өкілдеріне виза беруден бас тартты. Бұл шешім спорт қауымдастығы мен дипломатиялық шеңберде үлкен наразылық тудырды.

«Әлем чемпионатының дәрменсіз ұйымдастырушысы – АҚШ өз міндеттерін тиісті деңгейде атқара алмай отыр. Біз FIFA қонағымыз, сондықтан барлық қатысушылардың виза алуын қамтамасыз ету ФИФА-ның тікелей міндеті. АҚШ Әлем чемпионаты қарсаңында Иран ұлттық футбол құрамасының ресми тұлғаларына виза беруден бас тартты», делінген Иранның футбол федерациясының хабарламасында.

АҚШ елшілігі Иран құрамасының барлық футболшылары мен бапкерлер құрамына виза мақұлдағанымен, делегацияның әкімшілік...

2018-2025 жылдар аралығындағы ЖӨӨ ( жалпы өңірлік өнім) динамикасы Қазақстан экономикасында маңызды өзгеріс жүріп жатқанын көрсетеді. Бір қарағанда көшбасшылар сол қалпында қалғандай. Бірақ өңірлердің орын ауыстыруына қарасақ, ел экономикасының салмағы біртіндеп ірі қалалар мен агломерацияларға қарай ауып барады.

Алматы абсолют көшбасшы, Астана қарқыны қатты

Алматы қаласы рейтингте әлі де абсолют көшбасшы. 2018 жылы да бірінші орында болды, 2025 жылы да бірінші орнын сақтап қалды. Қаланың ЖӨӨ көлемі 2025 жылы 71,5 млрд долларға жетті. Бұл – елдегі ең ірі экономикалық орталық әлі де Алматы екенін көрсетеді. Қаржы, сауда, қызмет көрсету, құрылыс және тұтыну нарығы қала экономикасын алға сүйреп отыр.

Е...

Көпқабатты үйлердің жанынан өрт сөндіру техникасы үшін арнайы алаң салу жоспарланып отыр. Бұл туралы Премьер-министр Олжас Бектенов айтты.

Еске сала кетейік, 15 сәуірде Мәжіліс депутаты Олжас Құспеков шұғыл қызметтердің жолын бөгемес үшін «Fire Lane» дәліздерін енгізуді ұсынған еді. Оның арқасында өрт сөндіру қызметкерлеріне сыртқы жағдай қиындық тудырмай, өз жұмыстарын жедел түрде атқаруға мүмкіндік беріледі.

Депутаттық сауалға берген жауабында Бектенов қазіргі уақытта өрт сөндіру көліктерінің кіріп-шығуына қойылатын талаптар «Өрт қауіпсіздігіне қойылатын жалпы талаптар» техникалық регламентімен реттелетінін айтты.

«Биіктігі 28 метрге дейінгі көппәтерлі тұрғын үйлерге өрт сөндіру көлігінің өтуі бір жағынан, 28-ден 75 метрге дейінг...

Павлодарда Назарбаев зияткерлік мектебінде оқитын 13 жастағы Әмірхан Асанов Threads желісінен айына 200 мың табады. Ол үшін күнінен жарты сағат қана уақыт жұмсайды деп жазады Digital Business.

Бір посты 3 минутта жазады

Әмірхан бастапқыда ТикТок пен Ютуб үшін UGC-контент дайындаған. ЖИ арқылы қысқа видеолар дайындап, жариялайтын. Кейде мектеп оқушыларына пайдалы сайттар мен тренингтерге шолу жасайды. Оның бейнежазбалары тез таралып, миллиондаған қаралым жинай бастайды. Осыдан кейін Әмірхан ол ресурсты монетизациялауды ойлайды.

Осы кезде оған IELTS емтиханына дайындайтын орталықтардың бірінен ұсыныс түседі. Оқушы олар үшін Threads-ке пост жазып, оған платформаның нативті жарнамасын да қосады. Сол жазбадағы сілтеме арқылы оқырман платформаға...

Салық органдары Қазақстанның әр азаматының тапқан табысы, кірісі мен шығысы, жұмсаған ақшасы жайлы егжей-тегжей ақпарат жинап, бақылап отыр. Салықшылар әйтеуір бір күні кірісің мен шығысыңдағы айырманың себебін сұрап, салық төлегеніңді талап етеді. Салық сарапшысы және Кәсіпкерлерге көмек көрсету республикалық орталығының директоры Дмитрий Казанцев бұл туралы KAST подкастында айтты.

«Егер жұмсаған қаржы мен шығыныңыз ресми жалақы, жеке кәсіпкерліктен түсетін табыс және бизнестің иесі ретінде алатын дивидендіңізден аз болса, сізде салық органдарының шаруасы болмайды. Ал егер айлық жалақыңыз ресми түрде 85 мың теңге бола тұра, жылына 5 млн теңгеден аса ақша жұмсасаңыз, осы жерде...

Тынық мұхиты жағалауында орналасқан бірқатар мемлекетте жойқын жер сілкінісінен кейін цунами қаупі төнді. Германияның геофизикалық ғылымдар зерттеу орталығының (GFZ) хабарлауынша, жерасты дүмпулерінің ошағы 10 шақырым тереңдікте орналасқан.

Сейсмологиялық орталықтар жер сілкінісінің қуатын әртүрлі бағалап отыр. Индонезия метеорология қызметі жер сілкінісінің қуаты 7,7 балға тең екенін хабарлады. Phivolcs (Филиппин агенттігі) магнитуданы 7,0 деп көрсетіп, биіктігі бір метрден асатын және бірнеше сағатқа созылуы мүмкін цунами толқындары мен елеулі қираулар қаупін ескертті.

Филиппинде жерасты дүмпулері осымен екінші күн қатарынан тіркеліп жатыр.

Цунами қаупі төнген аймақтар

БАҚ мәліметінше, жер сілкінісі Гонолулуда да (Гавай аралдары) сезілген. Қазіргі таңда Тынық мұхиты жағалауы бойында орналасқан елдер...