Жаңалықтар

Алматы облысында бірнеше күн қатарынан жауған нөсер жауын салдарынан өңірдің бірқатар ауданында өзендер арнасынан асты. Табиғи апат салдарын жою үшін тіпті аудандық деңгейдегі төтенше жағдай жарияланған. Су деңгейі ең көп көтерілген өзендер қатарында Түрген, Ақсай, Ұзынқарғалы және Талғар өзендері бар.

Сауда үйін су басты

Өңір әкімдігінің хабарлауынша, облыс басшысы Марат Сұлтанғазиев сел жүрген аумақтарды аралап, апат салдарын жою жұмыстарын тексерді.

Аймақ басшысы алдымен Қарасай ауданындағы жағдаймен танысты. Мұнда Ақсай өзеніндегі су деңгейі күрт көтеріліп, «Toimart» сауда үйінің іргелес аумағы мен жертөлесін су басқан. Адам шығыны мен зардап шеккендер болған жоқ.

Мәліметтерге қарағанда, дүкеннің жертөлесіндегі су толық шығарылып...

5 шілдеде Қазақстанның барлық дерлік өңірінде күн бұлтты болады. «Қазгидромет» мәліметінше, солтүстік және орталық өңірлерде жаңбыр жауады. Қалған аймақтарда өткінші жаңбыр жауады деп болжанды. Оңтүстікте күн ашық.

Естеріңізге сала кетейік, Алматының төтенше жағдайлар басқармасы 4-5 шілдеде таулы аудандарда сел жүру қаупі жоғары екенін ескерткен. Сенбіде жауған жаңбырдан мегаполис көшелерін су басқан.

Бірнеше күн жауған жаңбырдан Алматы қаласының кейбір көшелерін су басты. Әсіресе Төле би көшесі бойында орналасқан «Тастақ» базарында су деңгейі айтарлықтай көтерілді.

4 шілдедегі жаңбыр Алматы тұрғындарын тағы да әбігерге салды. Қала көшелерін нөсер суы басты. Мегаполистің түрлі аудандарында түсірілген видеолар әлеуметтік желілерде қызу талқыланып жатыр. Әсіресе «Тастақ» базарындағы көрініс мемге айналды. Мәселен, Threads қолданушысы осындай бір видеоға мынадай сипаттама берді: Алматыда жаңа локация: Тастақта гүлге көмкерілген бассейн ашылды.

Қазақстандық теннисші Елена Рыбакина әлемнің бірінші теннисшісі мәртебесіне таласу мүмкіндігін жіберіп алды. Ол Уимблдон турнирінің үшінші айналымында-ақ сүрінді.

Елена Рыбакина мен Элизе Мертенс арасындағы матч екі сетке созылды. Румыниялық теннисші қарсыласын 7:6, 6:1 есебімен жеңді.

Рыбакина матч барысында екі мәрте эйс орындап, допты ойынға қосудан алты рет қателесті. Ол өз добын төрт мәрте жоғалтты. Бүгін Елена бірінші добын сәтсіз орындады – бар болғаны 42%. Соған байланысты ол өзіне тән теннис көрсете алмады.

Қазақстанның үздік теннисшісі Уимблдон турнирінде сәтті өнер көрсеткен жағдайда әлемнің бірінші теннисшісі атанар еді. Алайда жарысты ерте аяқтағандықтан осы мүмкіндікті тағы да жіберіп алды. Қазір Рыбакина WTA рейтингінде...

4 шілдеде ондаған мың адам Тегерандағы ашық аспан астындағы үлкен діни кешенге жиналды. Олар Иранның бұрынғы жоғарғы көсемі аятолла Әли Хаменеи сүйегі салынған табытты көруге келді.

Иранды 37 жыл билеген Әли Хаменеи 2026 жылғы 28 ақпанда АҚШ пен Израиль күштерінің Тегерандағы резиденцияға соққысынан қаза тапты. Көсем енді ғана жерленеді. Аятолламен қоштасу жеті күнге созылады.

Марқұммен қоштасу жұма күні басталған. Бірақ Имам Хомейни Мусалла атындағы орталық мешітке қойылған табытты діни қайраткерлер мен ғалымдар, шетелден келген қонақтар ғана көре алды. Ал қарапайым мұсылман аятолланы соңғы мәрте көруге сенбі күні мүмкіндік алды.

Тегерандағы ашық аспан астындағы ірі кешенге қара киген ондағы мың адам...

Шахматшы Бибісара Асаубаева қазақ тілі сабағынан шағын үзінді жариялады. Әлемнің үш дүркін чемпионы (блиц) тіл жанашырларынан қатты сөкпеуді сұрайды.

Әлемге танымал шахматшы қазақ тілін үйреніп жүргенін бұған дейін де айтқан. Осы жолы Бибісара ана тілі сабағынан үзінді жариялады.

«Менің қазақ тілін қалай үйреніп жүргенімнен қысқаша үзінді. Қатты сөге көрмеңіз. Тіл машықтығы үшін кейде осында жариялап отырамын», – деп сипаттады әлеуметтік желідегі шағын видеоны Асаубаева.

Видеода шахматшы қазақ тілінде қойылған бірнеше қарапайым сұраққа жауап беріп отыр. Мәселен, «Сіз ағылшынсыз ба?» деген сауалға ол: «Жоқ. Мен – қазақпын» деп жауап берген.

Естеріңізге сала кетейік, маусым айының аяғында...

Алматының таулы аймақтарында 4-5 шілде аралығында сел жүру қаупі өте жоғары. Қалалық төтенше жағдайлар департаменті мен «Қазгидромет» осылай деп ескертті.

Мәліметке қарағанда, сенбі күні Алматы қаласында күндіз өткінші жаңбыр жауып, найзағай ойнайды. Батыстан соғатын жел екпіні секундына 15-20 метрге дейін жетеді.

Іле Алатауының таулы аймақтарында жаңбыр жаңбыр жауып, найзағай ойнайды. Кей жерлерде қатты жаңбырға ұласып, бұршақ түседі. Жел батыстан және солтүстік-батыстан соғады. Оның екпіні секундына 15-20 метр, күндіз кей жерлерде 23-28 метрге дейін күшеюі мүмкін.

4-5 шілде аралығында нөсер жауын-шашынға байланысты таулы аймақтарда сел жүру қаупі сақталады.

Осыған байланысты Алматының Төтенше жағдайлар департаменті тұрғындар мен қала қонақтарына қауіпсіздік...

Respublica партиясының төрағасы Айдарбек Қожаназаров саяси ұйымды әрі қарай басқара береді. 4 шілдеде Астанада өткен кезектен тыс съезде осындай шешім қабылданды.

Партия мүшелері Қожаназаров уәкілетін созуды қолдап дауыс берді. Мәжілістің бұрынғы депутаты саяси ұйымды тағы үш жыл басқарады.

Respublica съезі Құрылтай сайлауы қарсаңында ұйымдастырылды. Саяси науқан 23 тамызға белгіленген.

Айта кетейік, парламент сайлауы қарсаңында саяси аренада елеулі өзгерістер болып жатыр. Мәселен, Amanat партиясы биыл ғана құрылған «Әділетке» қосылған. «Ақ жол» партиясының басшысы ауысты: Азат Перуашевтің орнына Дания Еспаева келді. Қазақстан халық партиясының басшы Ермұхамет Ертісбаев қызметін Нұрсұлтан Шоқановқа тапсырды. Бұған қоса, «Ауыл» партиясының төрағасы...

Кейінгі екі тәулікте Қазақстаннан шетелге 3 тонна жанар-жағармай шығару әрекетіне жол берілмеді. Жарты жылда 40 мың литрден астам мұнай өнімін шекарадан заңсыз өткізбек болған. Мәліметтер үкіметтің сенбідегі жиналысында айтылды.

Қор жеткілікті, бірақ…

Премьер-министр Олжас Бектенов төрағалығымен өткен жиналыста жанар-жағармайдың ішкі нарығындағы жағдайды бақылау, мұнай өнімдерін елден заңсыз шығаруға жол бермеу мәселелері талқыланды.

Энергетика министрі Ерлан Ақкенженов елдегі мұнай өңдеу зауыттары жоспарға сай тәртіппен жұмыс істеп жатқанын айтты. Бензин, дизель отыны, авиаотын қоры ішкі нарық қажеттілігін қамтамасыз етеді. Министрлік жанар-жағармай өндіру және жеткізу жағдайын бақылауда ұстайды.

Дегенмен мұнай өнімдерін республика аумағынан шығару әрекеті тыйылмай отыр. Ішкі істер министр...

Қазақстан президенті Қасым-Жомарт Тоқаев АҚШ президентіне құттықтау хатын жолдады. Мемлекет басшысы Дональд Трампты Америка Құрама Штаттарының тәуелсіздігіне 250 жыл толуымен құттықтады.

Ақорда мәліметінше, президент Америка халқының еркіндік, теңдік және әділдік қағидаттарына бейіл екенін паш ететін бұл айтулы күннің айрықша тарихи маңызына назар аударды.

Сонымен бірге мемлекет басшысы қазақ-америка қатынастарының қарқынды дамуына президент Трамптың қосқан үлесін атап өтіп, кеңейтілген стратегиялық серіктестікті одан әрі нығайтуға дайын екенін растады.

«Қасым-Жомарт Тоқаев Дональд Трамптың жауапты мемлекеттік қызметіне табыс, ал достас АҚШ халқына бақ-береке тіледі», – делінген ресми мәліметте.

4 шілде – АҚШ тәуелсіздігі күні. Құрама Штаттар тура...

Футбол әлемінде күтпеген ауыс-түйіс болды. Жақында ғана Қазақстан ұлттық құрамасының бас бапкері лауазымына басты үміткер атанған Анге Постекоглу маңызды таңдау жасады

Танымал бапкер Анге Постекоглу мансабын Қазақстанда емес, Сауд Арабиясында жалғастыратын болды. Кезінде «Тоттенхэм» мен «Селтикті» баптаған маман португалиялық жұлдыз Криштиану Роналду өнер көрсететін «Әл-Наср» клубының тізгінін ұстады.

Ақша жетпеді

Талғат Байсуфинов қызметкен кеткен соң Қазақстан футбол федерациясы босаған орынға әлемдік деңгейдегі маман іздеген. Федерация бас хатшысы Скотт Мунның «Тоттенхэмде» бірге жұмыс істеген ескі танысын Қазақстанға шақыру идеясы жанкүйерлер көңілінен шыққан. Екі тарап арасында ресми келіссөз жүріп жатқаны мәлім болған.

Алайда оның Қазақстанға келуіне бапкердің қаржы талабы кедергі жасады...

Венесуэлада өткен аптадағы зілзаладан қаза тапқандар саны артып келеді. Ресми мәлімет бойынша, табиғат апат құрбандары 2645 адамға жетті.

Зілзаладан қатты зардап шеккен елдің ақпарат министрлігі тың мәлімет жариялады. Жер сілкінісінен 12 мыңнан астам адам жараланған. Шамамен 15 мың адам үйсіз-күйсіз, жылусыз қалды.

Бұған дейін АҚШ Геологиялық қызметі (USGS) зілзала құрбандарының саны 10 мыңнан асуы мүмкін деп болжаған. Осының алдында Венесуэлада шамамен 50 мың адам із-түссіз жоғалғаны айтылған.

Қазір БҰҰ, ЮНИСЕФ сынды халықаралық ұйымдардың, тағы 27 елдің құтқарушылар тобы зілзаладан зардап шеккен елде жүр. NASA-ның ғарыштан алынған мәліметінше, жойқын жер сілкінісінен 58 мыңнан астам үй мен ғимарат қираған.

Естеріңізге...

Футболдан 2026 жылғы әлем чемпионатының 1/16 финалдық кезеңі нағыз сенсациямен аяқтала жаздады. Аргентина құрамасы турнирдің көркін қыздырған Кабо-Вердемен кездесті.

Майами төрінде өткен тартысты ойында Лионель Месси бастаған Аргентина құрамасы әлем біріншілігінің басты тосынсыйына айналған Кабо-Вердені әзер жеңді. Матч тағдыры қосымша уақытта ғана шешілді. Аргентина қарсыласын 3:2 есебімен жеңіп, келесі кезеңге өтті.

Ойын әлем чемпиондарының басымдығымен басталды. 29-минутта аңызға айналған шабуылшы Лионель Месси есеп ашып, жанкүйерлерді қатты қуантты. Алайда «көк-ақтардың» қуанышы ұзаққа созылмады. Екінші таймда қорғанысқа иек артқан Кабо-Верде қарсы шабуылға көшіп, 59-минутта Дерой Дуарте таразы басын теңестіріп кетті. Негізгі уақытта фавориттер қанша тырысқанымен, Кабо-Верденің берік қорғанысын бұза алмады.

Тартысты матч...

Солтүстік Қазақстан облыстық әкімдік ғимараты маңындағы субұрқаққа жалаңаш түскен ер азамат 15 тәулікке қамалды.

Оқиға Петропавл қаласында 2 шілдеде түн жарымында болған. Орта жастағы бір ер азамат субұрқаққа тыржалаңаш түскен. Қоғамдық орындағы оқиға куәгерлері болған жайтты видеоға түсіріп, оны әлеуметтік желілерде жариялады.

Желіде тараған бейнероликтерден тұрғынның денесін ғана емес, ішкиімін де субұрқаққа жуып алғанын көруге болады.

Қала тұрғындарын ерсі әрекетімен шошытқан ер азаматты полиция қызметкерлері тез іздеп тауып, ұсақ бұзақылық жасағаны үшін әкімшілік жазаға тартты. Ол 15 тәулікке қамалды.

Петропавл тыныштығын бұзған азамат сол күні сыра көп ішкенін, суға түскені есінде қалмағанын айтып, қала тұрғындарынан кешірім сұраған.

4 шілдеде таңертең Астана уақытымен сағат 04:40-та Жамбыл облысы аумағында жер сілкінді. Табиғат апатынан ешкім зардап шеккен жоқ.

Геофизикалық зерттеулер институты жанындағы Қазақ ұлттық мәліметтер орталығының шұғыл мәліметінше, жерасты дүмпуінің ошағы Тараз қаласынан солтүстік-шығысқа қарай 63 шақырым жерде орналасқан. Сейсмологтар дүмпу магнитудасы 4,5 балл болғанын анықтады. Дүмпу 22 шақырым тереңдікте болды.

Тараз қаласының тұрғындары 2 балдық жер сілкінісін сезді. Дүмпу ошағынан батысқа қарай 413 шақырым жердегі Алматы қаласына дүмпу сезілген жоқ.

Төтенше жағдайлар министрлігі жер сілкінісінен зардап шеккендер мен қираулар туралы мәлімет түспегенін хабарлады.

Естеріңізге сала кетейік, 25 маусымда таңертең Латын Америкасындағы Венесуэлада екі жойқын зілзала...

Қазақстан бензин, дизель отыны және жекелеген мұнай өнімдерін әкетуге салынған тыйымды тағы алты айға ұзартуды жоспарлап отыр. Энергетика министрі бұйрығының жобасы қоғамдық талқылау үшін «Ашық НҚА» порталында жарияланды.

Құжат Қазақстан аумағынан жекелеген мұнай өнімдерінің түрлерін автомобиль және теміржол көлігімен экспорттауға қолданыстағы шектеулерді ұзартуды көздейді.

Жобаға сәйкес, 2026 жылғы 22 қарашадан бастап 2027 жылғы 22 мамырға дейін автомобиль және теміржол көлігімен бензин, дизель отыны және жекелеген мұнай өнімдерін, соның ішінде Еуразиялық экономикалық одаққа мүше мемлекеттерге әкетуге тыйым салуды белгілеу ұсынылады.

Сондай-ақ, 2027 жылғы 1 қаңтардан бастап 2027 жылғы 30 маусымға дейін ЕАЭО кедендік аумағынан тыс жерлерге жеңіл дистилляттарды, авиакеросиндер мен...

Батыс Қазақстан облысында қызметтік міндетін атқару кезінде жол-көлік оқиғасынан екі полиция қызметкері қаза тапты, деп хабарлады өңірдің полиция департаменті.

Апат 3 шілдеде болған. Тасқала аудандық полиция бөлімінің қызметкерлері – полиция майоры Абзал Үмбетқалиев пен полиция аға сержанты Нұрғали Әдиетов қаза тапты.

Жол-көлік оқиғасы фактісі бойынша сотқа дейінгі тергеу басталды. Қазіргі уақытта болған оқиғаның барлық мән-жайын анықтау мақсатында қажетті тергеу және жедел-іздестіру шаралары жүргізіліп жатыр.

«Жол-көлік оқиғасы фактісі бойынша сотқа дейінгі тергеу басталды. Болған оқиғаның барлық мән-жайын анықтауға бағытталған қажетті тергеу және жедел-іздестіру іс-шараларының кешені жүргізілуде», – деп хабарлады полиция департаменті.

Полиция департаменті және ішкі істер...

Қазақстанның сыртқы істер министрі Ермек Көшербаев Иранның Жоғарғы көшбасшысы Аятолла Сейед Әли Хаменеймен қоштасуға арналған аза тұту рәсімдеріне қатысты. Сапар аясында министр Иран президенті Масуд Пезешкианмен және СІМ басшысы Аббас Аракчимен кездесті.

Маңызды кездесулер мен уағдаластықтар

Ермек Көшербаев Қазақстан халқының атынан Иран тарапына қайғылы оқиғаларға байланысты көңіл айтты.

Келіссөздер барысында тараптар мынадай негізгі мәселелерді талқылады:

Елдің басым бөлігінде найзағай, бұршақ аралас жаңбыр мен дауыл күтіледі. «Қазгидромет» 4 шілдеге арналған ауа райы болжамын ұсынды.

Қонаевта Қапшағай су қоймасында 2006 жылы туған бойжеткен мен 2004 жылы туған жігіт суға кетті, деп хабарлады Алматы облысының ТЖД.

Қайғылы оқиға 1 шілдеде «Джаса» демалыс аймағының маңында болған. ТЖД мәліметінше, жастар шомылуға жабдықталмаған жерде суға түскен.

«1 шілдеде Алматы облысы ТЖД-ның 112 пультіне Қонаев қаласының «Джаса» демалыс аймағы маңында шомылуға жабдықталмаған жерде суға түсу кезінде екі жастың суға кеткені туралы хабарлама түсті», – деп хабарлады ТЖД.

Құтқарушылар келгенге дейін демалушылар жағадан шамамен 30 метр жерде судан 2006 жылы туған бойжеткеннің денесін шығарған. Жоғалған екінші адамды іздеу үшін Алматы облысы ТЖД жедел-құтқару жасағының күштері мен...

«Алға Петербург» арнасының авторы, блогер Иван Червинский Қазақстан азаматтығын алды. Блогер өзінің Instagram парақшасында сүйінші сұрады.

«Сүйінші! Біз Қазақпыз! Алға Қазақстан!» – деп жазды ол.

Иван Червинский бүкіл Қазақстанды аралап, әдемі жерлерді түсіреді және еліміз бен оның тұрғындарының жетістіктері туралы айтады. Иван Қазақстаннан және оның тұрғындарынан шабыт алады.

2023 жылы ол Алматыға көшіп келіп, өзі мен оның командасы үшін басты мақсат – еліміз туралы әлемде...

Шілде айында Қазақстанның қай өңірлері құрғақшылыққа тап болуы мүмкін екенін «Қазгидромет» жария етті.

Түпкілікті болжамға сәйкес, бірқалыпты құрғақшылық мына аймақтарда күтіледі:

Бірқалыпты ылғалды жағдайлар мына аймақтарда болжанады:

Алматыда Медеуден «Шымбұлақ» тау шаңғысы курортына дейінгі жолдың жекелеген учаскелерінде инженерлік желілердің құрылысына байланысты қозғалыс уақытша шектелуі мүмкін, деп хабарлады қала әкімдігі.

Жүргізушілер мен туристерге бағытты алдын ала жоспарлау және арнайы техниканың жұмысын ескеру ұсынылды.

Жұмыстар Алматы қаласы Энергетика және сумен жабдықтау басқармасының тапсырысы бойынша жүргізілуде. Учаскеде 5,7 км орташа қысымды газ құбырын және 2,7 км су бұру желісін салу жоспарлануда.

Әкімдіктің мәліметінше, жаңа желілер Медеуден Шымбұлаққа дейінгі жолдың бойында орналасқан нысандар үшін, соның ішінде тау шаңғысы курортының аумағы үшін қажет.

Мердігер құрылыс-монтаждау жұмыстарына кірісіп кетті. Қазіргі уақытта мамандар газ құбырының алғашқы учаскелерін монтаждап, су бұру желілерін салып және темірбетон...

Абай облысында шахталық клетьтің (лифт) штаттан тыс тоқтауынан кейін Орлов шахтасының алты қызметкері медициналық көмекке жүгінді. Барлық зардап шеккендерге жеңіл дәрежедегі жарақат диагнозы қойылды.

KAZ Minerals компаниясының хабарлауынша, оқиға 1 шілдеде жұмысшыларды түсіруге және көтеруге арналған клетьтің қозғалысы кезінде болған.

«Қозғалыс кезінде шахталық клетьтің шайқалуы орын алды. Кенеттен тоқтау салдарынан Орлов шахтасының алты қызметкері кәсіпорынның денсаулық сақтау пунктіне медициналық көмек сұрап жүгінді», – деді хабарлады KAZ Minerals.

Компанияның мәліметінше, үш кеншіге медициналық көмек көрсетілгеннен кейін олар амбулаторлық емделуге жіберілді.

Тағы үш қызметкер қосымша тексеру үшін Семей қаласының ауруханасына жеткізілді. Тексеру қорытындысы бойынша дәрігерлер олардан да...