Жаңалықтар

Showtime лақап атымен танымал америкалық файтер Энтони Петтис Алматы қаласында жекпе-жек өткізбейтін болды. Әйгілі америкалық танымал файтер промоушен уәдесінде тұрмағанын мәлімдеді.

Лақтырып кетті

ММА жұлдызы Showtime 6 маусымда Алматы Аренада жекпе-жек өткізуі тиіс болған. Ол қазақ ардагер спортшысы Әділ Боранбаевпен кездесуі керек еді. Шоуды жаңадан құрылған Orda Global Fights ұйымдастырып жатқан.

Алайда шоу қарсаңында Энтони оған қатыспайтынын мәлімдеді.

«Өкінішке қарай, промоушеннің келісім шарттарын орындамауына байланысты, мен жекпе-жекке шықпаймын. Жағдай осылай өрбігеніне қатты өкіндім. Енді бұл промоутермен жұмыс істемеймін», – деді Showtime. Оның мәлімдемесі әлеуметтік желілерде жарияланды.

Файтер қазақстандық промоушенді «алдап кетті» дейді.

«Мен...

АҚШ іздестіріп жатқан Рауль Кастро Гаванадағы іс-шараға қатысты, деп хабарлайды Reuters. Кейінгі уақытта ол көпшілік алдына жиі шықпайтын болған.

Кубаның бұрынғы жетекшісі Рауль Кастро жұма күні Ішкі істер министрлігі ұйымдастырған көпшілік шарада бой көрсетті. Ол туралы жергілікті мемлекеттік телеарна хабарлады.

Бір ай бұрын Құрама Штаттар оған кісі өлтіру қылмысы үшін айып таққан. Содан бері 95 жастағы Кастро халық алдына шықпаған. Дональд Трамп әкімшілігі Кастроны 1996 жылы әскери ұшаққа кубалық эмигранттарға тиесілі ұшақты атып түсіруге бұйрық берді деп айыптады. Вашингтон осы қылмыстық Кубаның коммунистік үкіметіне қысым көрсетудің құралы ретінде пайдаланып жүр.

2026 жылғы 3 маусымда Рауль Кастро 95 жасқа...

6 маусымға қараған түні Биткоин (BTC) құны 59 мың долларға дейін құлдырады. Қазір әлемдегі ең қымбат криптовалюта шамамен 61 мың доллардан саудаланып жатыр.

Bitcoin жарты жылдан астам уақыттан бері үздіксіз арзандап келеді. 2025 жылғы қазанда оның құны 124 мың доллардан жоғары көтерілсе, содан бері екі есе арзандап кетті.

Әлемдегі геосаяси жағдайдың ушығуы, әсіресе Таяу Шығыстағы соғыс криптовалюта нарығына кері әсер етіп жатыр. Соның ішінде Биткоин қатты зардап шекті.

Былтырғы ралли аяқталғалы бері, әсіресе 2026 жылы криптовалюта нарығы отырып қалды. Жыл басынан бері, мәселен, Биткоин шамамен 35 мың доллар құнын жоғалтты.

Соған қарамастан, Биткоинның нарықтағы капиталы әлі де болса жоғары болып...

Осы күндері Италияның Болонья қаласында Дүниежүзілік иттер көрмесі өтіп жатыр. Оған Қазақстаннан 12 тазы қатысып жатыр. Бұл туралы Kursiv.Media Қазақпарат мәліметіне сүйене отырып хабарлайды.

Халықаралық көрмеге қатысатын иттерді Қазақстанның өз ішінде арнайы комиссия іріктеп алған. Дегенмен TOP Dog 2026-ға әр елден бір ғана ит қатысады. Қазақстан намысын байқауда Дәстүр атты ит қорғайды.

World Dog Show 2026 аясында қазақ тазысына арналған стенд орнатылды. Оны Қазақстан кинологтар одағы дайындады.

Айта кетейік, енді Қазақстанда жыл сайын 3 қыркүйекте «Қазақ тазысы мен төбеті күні» атап өтіледі. Үкімет осындай қаулыны 2026 жылғы 15 сәуірде қабылдаған.

2024 жылы Халықаралық кинологтар федерациясы (FCI) қазақы тазыны...

«Қазатөнеркәсіптің» бұрынғы басшысы Мұхтар Жәкішевтің құдалары Лондоннан Алматыға келді. Топ-менеджер қызы Алтынай мен оның күйеуі Карл Обидің үйлену тойы осында жалғасады.

Алыстан келген құдалар Алматыда атқа мініп, Шымбұлаққа көтерілді. Олар садақ атып, мейрамханалардың бірінде қазақы дастарханнан дәм татты. Бұл туралы Алтынай Жәкішеваның енесі Ене Оби Instagram-ға жазды.

Астанада LRT-ның «Жібек Жолы» бекеті ашылды. Желі ашылған уақытта дәл осы бөлігі жабық тұрған. Енді ол да алғашқы жолаушыларын қабылдады.

Мәліметтерге қарағанда, әзірге «Жібек Жолы» бекетінің бір ғана шығатын жері бар. Екіншісі кейінірек ашылатынға ұқсайды.

Бекет маңында қазір бір ғана жаңадан салынған ғимарат пен бірнеше жеке үйлер тұр. Болашақта оларды сүріп тастап, орнына жаңа тұрғын үй кешені түседі.

«Жібек Жолында» әзірге адам көп емес. Аудан халқы өскен уақытта мұнда да жолаушылар ағыны пайда болады.

Бұған дейін Kursiv.Media LRT атауы «Тарлан – Астана» деп өзгеретіні туралы жазған. Қалалық мәслихат осы мәселені талқылаған.

4 маусымнан 5 маусымға қараған түні Алматы қаласының Наурызбай ауданындағы тұрғын үй кешендерінің бірінде қайғылы оқиға орын алды.

Полицияның алдын ала мәліметінше, 1988 жылы туған әйел бесінші қабаттың терезесінен секіріп, суицид жасаған. Оқиға орнына келген жедел жәрдем дәрігерлері оның қайтыс болғанын растады.

Наурызбай аудандық полиция басқармасының қызметкерлері аталған факті бойынша қылмыстық іс қозғады. Қазіргі таңда қажетті тергеу әрекеттері жүргізілуде.

«Марқұмның осы тұрғын үй кешенінің тұрғыны екені анықталды. Алдын ала ақпаратқа сәйкес, ол соңғы уақытта жеке жағдайына байланысты ауыр эмоционалдық күйде болған», – деп хабарлады Алматы қалалық Полиция департаментінің баспасөз қызметі.

Ресей президенті Владимир Путин Украина президенті Владимир Зеленскийдің ашық хатына жауап бере отырып, әзірге онымен кездесуге ниеті жоқ екенін мәлімдеді, деп хабарлайды РИА Новости.

«Мен кездесудің мәнін көріп тұрған жоқпын. Мұның мәні тек украин тарапы үшін ғана бар – біздің қарулы күштеріміздің шабуылын тоқтату, болды, осы ғана. Ал бізге жарты жылға немесе үш айға емес, ұзақ тарихи перспективаға арналған келісімдер қажет. Мамандар жұмыс істеп, қандай да бір шешімдер әзірлесін, ал содан кейін ғана кездесуге болады», – деді Владимир Путин.

Ол реттеудегі негізгі мәселелерді Ресей мен Украина шешуі тиіс екенін, ал АҚШ пен басқа елдер...

Қазақстандық теннисші Анна Данилина жұптық сында Францияның ашық чемпионатының финалына шықты, деп хабарлады Қазақстан теннис федерациясы.

Әйелдер арасындағы жұптық турнирдің жартылай финалында Данилина сербиялық Александра Круничпен бірге жапон-тайваньдық Сюко Аояма/Лян Энь-Шо тандемін сенімді түрде жеңді.

Тартысты бәсеке 1 сағат 35 минутқа созылып, қазақстандық-сербиялық дуэттің екі сеттегі жеңісімен аяқталды – 7:5, 6:2.

«Үлкен дулыға» турнирінің беделді кубогы үшін өтетін шешуші матчта Данилина мен Крунич жарыстың басты фавориттері – чехиялық Катерина Синякова мен америкалық Тэйлор Таунсендке қарсы ойнайды.

«Ролан Гаррос» финалы 7 маусымда өтеді.

Айта кетейік, осыған дейін Данилина Астанада өткен командалық Әлем чемпионатында еліміздің намысын қорғаған еді.

Қазақстанның солтүстігі мен шығысында қатты жаңбыр жауып, ал оңтүстігінде 35 градустан жоғары ыстық болады деп күтілуде. «Қазгидромет» 6 маусымға арналған ауа райы болжамын ұсынды.

Қазақстан Орталық Азияда алғашқы болып білім беру саласында OpenAI компаниясының «ChatGPT Edu» арнайы шешімін ауқымды түрде енгізуді қолға алды. Еліміздегі университеттер, оқытушылар мен зерттеушілерге 165 мың лицензия берілді.

Бұл бастама Қазақстан Республикасы Цифрлық даму, инновациялар және аэроғарыш өнеркәсібі министрлігі мен Ғылым және жоғары білім министрлігінің OpenAI компаниясымен арадағы меморандумы аясында жүзеге асырылуда.

Сапалы білім – жасанды интеллект арқылы

Аталған жоба аясында осы аптада OpenAI делегациясы Қазақстанға арнайы сапармен келді. 2-5 маусым аралығында Астана мен Алматы қалаларында өткен кездесулер, сарапшылық сессиялар мен воркшоптар жасанды интеллектіні (ЖИ) оқу процесіне тиімді интеграциялауға бағытталды.

Alem.ai алаңында жасанды интеллектінің жаһандық экономикаға әсері және «AI-агенттер...

Халықаралық ғарыш станциясындағы төрт астронавт эвакуация режиміне ауыстырылды, ал ресейлік экипаж ауаның тарылуын тоқтатуға тырысуда, деп хабарлайды Euronews.

АҚШ-тың ғарыш агенттігі экипаждан ықтимал эвакуацияға дайындалуды талап етті. Әңгіме станцияның ресейлік модульдерінің біріндегі ақау туралы болып отыр, онда ұқсас мәселелер 2019 жылдан бері тіркеліп келеді.

NASA баспасөз хатшысы Бетани Стивенс X желісінде жариялаған хабарламасында «Звезда» қызметтік модулінің PrK деп аталатын өтпелі тоннелінде көптен бері жарықшақтар мен ағып кетулер бар екенін, оны «Роскосмос» осы күнге дейін шамасы келгенше бақылауда ұстап келгенін мәлімдеді.

«Роскосмос» ауаны сақтау үшін 5 маусым күні ауқымды жөндеу жұмыстарын жүргізуді шешті. Барынша сақтық шарасы ретінде NASA SpaceX Crew...

Қызылорда облысының Полиция департаменті өңірде адам өлтіруші маньяк жүр деген қауесетті жоққа шығарды. Сонымен қатар, полиция облыста екі күн ішінде екі адам өлтірілгенін растады.

Қызылорда облысында бірнеше кісі өлтіру оқиғасы бір-бірімен байланысты болған деген қауесетті қазақстандықтар әлеуметтік желілер мен мессенджерлерде қызу талқылаған.

Өңірдің Полиция департаменті 3 маусым күні кешке Шиелі ауданы ауылдарының бірінде жергілікті тұрғын канал шлюзінен бойжеткеннің денесін тауып алғанын хабарлады. Оның жеке басы анықталды. Туыстарының айтуынша, ол бір күн бұрын үйден шығып, қайтып оралмаған. Полиция «Кісі өлтіру» бабы бойынша қылмыстық іс қозғады.

«Мессенджерлер арқылы таратылып жатқан ақпарат шындыққа жанаспайды. Полиция азаматтарды жалған ақпарат таратпауға...

Шымкенттік «Ордабасы» футбол клубы Норвегия құрамасының бұрынғы ойыншысы, 34 жастағы Бьорн Йонсенмен келісімшартқа отырғанын хабарлады.

Йонсен өз мансабында Еуропа, Азия және Солтүстік Америка клубтарында, соның ішінде Норвегиядағы «Тенсберг» пен «Русенборг», Португалиядағы «Лулетано» мен «Атлетико», Нидерландыдағы «АЗ Алкмар», «АДО Ден Хааг» пен «Камбюр», Оңтүстік Кореядағы «Ульсан Хендай» мен «Сеул», Грузиядағы «Торпедо Кутаиси», сондай-ақ АҚШ, Шотландия және Болгария клубтарында өнер көрсеткен.

2017-2021 жылдар аралығында ол Норвегия құрамасы сапында 16 матч өткізіп, бес гол соқты.

Қазақстандық әзілкеш Нұрлан Сабуровқа қатысты жүргізілген тексеру қорытындысы бойынша құқық бұзушылық белгілері табылмады. Бұл туралы Ұлттық қауіпсіздік комитетінің баспасөз қызметі хабарлады.

Тексеру іс-шаралары БАҚ мәліметтері бойынша Сабуровтың 2025 жылдың жазында ресейлік жауынгерлерге он мотоцикл бергені туралы видеожазбаға қатысты жарияланымдар мен өтініштерден кейін жүргізілді.

«Тексеру іс-шараларының нәтижесінде құқық бұзушылық белгілері анықталған жоқ», – деп хабарлады ҰҚК.

Еске салайық, ақпан айында Нұрлан Сабуровқа Ресейге кіруге 50 жылға тыйым салған еді. Ресейлік басылымдардың жазуынша, оған «соғысқа кетесің, не еліңе қайтасың» деп шарт қойылған. 

Сондай-ақ, жуырда Молдова билігі ресейлік әнші Диана Арбенина мен әзілкеш Нұрлан Сабуровтың елде концерт бергенін құптамады. 

Белгілі әнші Жазира Байырбекованың сіңілісі әнші, блогер Ләззат Байырбекова ұлы Тәуіржанның 84 млн теңге қарызға батқанын растады.

Оның айтуынша, көпшілік бұл жағдайды сценарий немесе хайп деп қабылдағанымен, мәселе шын болған.

«Жақындарымыз да, кейбір оқырмандар да сенбейді екен. Олар мұның бәрі қаралым жинау үшін жасалып жатқан арнайы сценарий деп ойлайды екен. Бірақ бұл шын мәнінде рас. Пайызы өсіп кетіп, қарызы 84 млн теңгеге жетіп тұрғаны өкінішті болып тұр», – деп хабарлады әнші.

Қарызды өтеуге көмектесу үшін Ләззат Байырбекова екі пәтерін сатуға мәжбүр болғанын айтты.

Анасы бұл жағдайды ұлының қаржылық сауаттылығының жеткіліксіздігімен байланыстырды.

2025 жылғы ақпаратқа...

Threads желісінде қолданушылар ауық-ауық «айына 1 млн теңгеден көп табатындар қандай жұмыс істейсіңдер» деген сауал тастап тұрады. Солардың бірқатарын жинақтап, жоғары жалақы төленетін жұмыстарды ұсынбақпыз.

Жуырда ғана тасталған сондай сауалдардың біріне бір жарым мың пікір жазылған.

Мәселен, Жанерке деген қолданушы күйеуі тракторшы болып 1 млн теңгені 10 күннің ішінде табатынын айтады.

Енді бірі Қосшыда қойма кешенін жалға беріп, айына 9 млн теңге тауып отырғанын жазған.

Жазбаға сонау Америкадан пікір білдірген Ерлан деген жігіттің айтуынша, Чикагода такси қызметін ұсынып, айына бір жарым млн тауып жүр, бірақ АҚШ-қа қауіпті жолмен келген.

«Қойдың артынан бес жыл жүрдім. Басын мыңға жеткізгеннен...

Армения премьер-министрі Никол Пашинян қоғамдық телеарнадағы сайлауалды дебат кезінде Ереван қажет болса, Ұжымдық қауіпсіздік туралы шарт ұйымынан шығатынын кезекті мәрте қайталады.

Ол дебат барысында «Қуатты Армения» партиялар блогынан депутаттыққа кандидаттардың пропорционалды тізімінің жетекшісі Нарек Карапетянның сұрағына жауап берді.

«Не істеу керектігін шетелдік агенттер емес, өзіміз шешеміз. Лукашенконың қайтадан біздің кепіліміз болуына жол бермейміз», – деп атап өтті Пашинян.

«ҰҚШҰ-дағы мүшелікті тоқтата тұру деген не сөз? Жұмыс істемей ме – шығыңыздар», – деп қосты Карапетян. Ол алдымен Армения мен Әзірбайжан арасында кепіл болатын тарапты тауып алуға шақырды.

«Қажет болса, ҰҚШҰ-дан шығамыз...

ҰҚК сыбайлас жемқорлыққа қарсы іс-қимыл қызметі мамыр айының қорытындысын жариялады. Ведомство мәліметінше, өткен айда тергеуі аяқталған істер бойынша мемлекетке 1,5 млрд теңге залал келтірілген.

Есепті кезеңде барлығы 83 сыбайлас жемқорлық құқық бұзушылығы тіркелген. Әшкереленген қылмыстардың басым бөлігі пара алу, тонау және алаяқтық деректеріне қатысты болып отыр. Жедел тергеу амалдарының нәтижесінде бұл қылмыстық істер бойынша 45 адам күдікті деп танылды.

Сыбайлас жемқорлыққа қарсы іс-қимыл қызметі өндірісіндегі 85 қылмыстық істің тергеуі толық аяқталды. Оның ішінде 66 материал сотқа жолданды.

Тергеуі аяқталған істер бойынша анықталған шығын көлемі 1,5 млрд теңгені құрады. Қазіргі таңда мемлекетке келген залалдың 835,3 млн теңгесі бюджетке қайтарылды.

Бұдан...

Францияның Air Liquide ірі химиялық компаниясы мен «ҚазМұнайГаз» ұлттық компаниясы Павлодарда сутегі өндіретін қондырғы салып жатыр. Жоба құны – 90 млн еуро.

«Эр Ликид Мұнай Тех Газ» бірлескен кәсіпорны өндірісті 2026 жылдың аяғына дейін іске қосады. Қондырғы Павлодар мұнай-химия зауыты аумағында орналасқан, деп хабарлады осы өңірдің әкімдігі. Кешен сағатына 12 500 нм³ сутегі шығара алады.

Жоба инновацияға негізделген. Air Liquide әлемде алғаш рет FOIK (First of Its Kind) технологиясын енгізіп жатыр. Мұндай технология бутан-бутилен фракциясынан сутегі өндіруге негізделген.

Қазір нысанда құрылыс-монтаж жұмыстары жүргізіліп жатыр. Өңірге барлық технологиялық жабдық жеткізілген. Құрылысқа 200 адам тартылған. Жоба іске қосылған уақытта...

Ипотекалық несиелердің шекті мөлшерлемесін 20%-ға дейін төмендету мерзімі 2027 жылға шегерілді. Бұған дейін бұл норма 2026 жылғы 1 шілдеден бастап күшіне енуі тиіс еді. Тиісті жобаны Қаржы нарығын реттеу және дамыту агенттігі жариялады.

Тиісті түзетулерді Қаржы нарығын реттеу және дамыту агенттігі мен Ұлттық банк әзірледі.

2027 жылғы 1 қаңтардан бастап ипотекалық тұрғын үй несиелері бойынша жылдық тиімді сыйақы мөлшерлемесінің шекті көлемін белгілеуде сараланған тәсіл енгізіледі. Бұл тәртіп несие сомасы мен кепіл мүлкінің құны арасындағы арақатынасты көрсететін LTV коэффициентіне байланысты болады.

LTV көрсеткіші ипотекалық несие сомасының кепілге қойылатын мүлік құнына қатынасын білдіреді және ипотекалық несие бойынша тәуекелді бағалаудың негізг...

Жетісу облысында халықтың жеке мәліметтерін заңсыз пайдаланып келген коллекторлық агенттік әшкереленді. Операцияны облыстық Полиция департаментінің Киберқылмысқа қарсы күрес басқармасы, прокуратура және ҰҚК қызметкерлері бірлесіп жүргізді.

Белгілі болғандай, Талдықорғанда орналасқан агенттік қызметкерлері арнайы заңсыз бағдарламаны қолданған. Ол жүйе арқылы кез келген қазақстандықтың аты-жөнін, ЖСН нөмірін немесе телефонын теріп, барлық құпия ақпаратты оңай тауып алып отырған.

Заңсыз базаны құрып, оны жұмысқа пайдаланды деген күдікпен 3 адам ұсталып, тергеу басталды. Күдіктілердің үйі мен жұмыс орындарын тінтіп, адамдардың деректері сақталған өте көп мөлшердегі компьютерлер, ноутбуктер мен ұялы телефондар тәркіленді.

Былтыр сәуірде қазақстандықтардың жеке дерегін коллектор мен микроқаржы ұйымдарына сатқандар ұсталғаны жайлы...

Ауғанстанда артық шығыннан қашып, 80 жұп бірігіп, жаппай неке қию рәсімін өткізген.

SWN ақпаратына қарағанда, іс-шараның мақсаты – қоғамдағы қымбат әрі қажетсіз үйлену дәстүрлерімен күресу.

Шара ұйымдастырушысы Саид Гүл Ахмад Мотамеди соңғы жылдары Газниде 28 рет жаппай той өткізілгенін айтты. Оның сөзінше, бұл жолы Газни, Бамиан және Дайкунди өңірлерінен 80 жұп тіркелген.

Жас жұбайлардың айтуынша, олар бастамаға өз еркімен қатысып, қоғамдағы артық шығынды талап ететін дәстүрлерді азайтуды көздеген.

Жаңа тұрмыс құрған Хумайра тойды қарапайым түрде өткізу арқылы отбасына қаржылай қолдау көрсеткісі келгенін айтқан.

Оның пікірінше, мұндай шаралар жастарға көмектесіп, қымбат тойлардың азаюына ықпал етеді.

Ал күйеу жігіт Мехди бірнеше...

Қазақстан күнбағыс майын экспорттау бойынша әлемдегі ең ірі үш елдің қатарына кіруді жоспарлап отыр. Бұл туралы Астанада өтіп жатқан «FOC 2026» конференциясында Премьер-министрдің орынбасары – Ұлттық экономика министрі Серік Жұманғарин мәлімдеді.

Вице-премьердің сөзінше, қазірдің өзінде Қазақстан күнбағыс майының экспорты бойынша әлемде 6-орынды иеленіп отыр. Әсіресе, Қытай нарығында отандық өнім жеткізілім көлемі жағынан 2-орында тұр. Сондай-ақ, Еуропалық Одақ пен Орталық Азия елдерінде де позициямыз өте мықты.

«Біз май өнімдері экспортын дамытудың 2026-2028 жылдарға арналған жол картасын жүзеге асырып жатырмыз. Басты мақсатымыз саланың валюталық түсімін 1,5 миллиард доллардан асыру, еліміздің күнбағыс майын экспорттаушылар арасындағы орнын нығайту және әлемдік...