Жаңалықтар

Solidcore Resources Plc алтын өндіруші компания (бұрынғы Polymetal International) Ертіс гидрометаллургиялық комбинатының (ЕГМК) құрылысын жүргізу үшін 600 миллион доллар қарыз алды.

Компания таратқан мәліметке сүйенсек, бұл қаржыландыру бағдарламасы аясында Еуропа қайта құру және даму банкінен (ЕҚДБ) 10 жыл мерзімге 300 миллион доллар несие желісі алынған.

Сонымен қатар ING, Société Générale және ADCB банктерінің әрқайсысы 100 миллион доллардан бөлген, жалпы сомасы 300 миллион долларды құрайтын синдикатталған несие желісі тартылды.

Бұл желінің алғашқы мерзімі бес жылды құрайды, оны жеті жылға дейін ұзарту мүмкіндігі бар. Келісімде несие желісінің көлемін тағы 300 миллион долларға дейін арттыру...

Қырғызстанда негізгі және жалпы орта білім беретін жекеменшік онлайн мектептерді лицензиялау енгізілуі мүмкін.

24 kg ақпаратына қарағанда, бұл туралы министрлер кабинетінің тиісті қаулы жобасы қоғамдық талқылауға шығарылды.

Ағарту министрлігінің мәліметінше, қазір елде пилоттық режимде жұмыс істейтін жалғыз мемлекеттік онлайн мектеп – «Тунгуч» бар. Жоба 2025 жылдың 1 қыркүйегінен 2028 жылға дейін жүзеге асырылады. Оған қазірдің өзінде 2,5 мың өтінім түскен.

Алайда билік мемлекеттік жүйеде онлайн оқытуды жаппай енгізуді жоспарламайды. Сонымен қатар елдегі көптеген дәстүрлі мектептерде оқушы саны шамадан тыс көп.

Министрлік қашықтан білім алуға шетелде тұратын еңбек мигранттарының 80 мыңнан астам баласы, мүмкіндігі шектеулі балалар және шалғай елд...

Samsung компаниясы Galaxy Glasses ақылды көзілдірігін шығармақ.. Көзілдірікке Gemini жасанды интеллектісі енгізіледі. Соның арқасында ол қоршаған ортаны талдап, пайдаланушының сұрақтарына жауап береді әрі дисплейсіз жұмыс істей алады. Бұл туралы SamMobile хабарлады.

Құрылғы корпусында бірнеше басқару элементі орналасқаны байқалады. Атап айтқанда, суретке түсіруге арналған жеке батырма, функцияларды басқаруға арналған сенсорлық панель және қуатты қосып-өшіруге арналған арнайы тетік бар.

Смартфонмен бірге жұмыс істеуге бейімделген

Жаңа құрылғының басты ерекшеліктерінің бірі – Samsung смартфондарымен тығыз байланысы. Ақылды көзілдірікпен түсірілген фотосуреттер телефондағы NowBar панелі арқылы бірден көрсетіледі. Бұл пайдаланушыларға қосымша қолданбаларды ашпай-ақ суреттерді жылдам қарап шығуға мүмкіндік береді.

Galaxy Glasses...

Алматы хайуанаттар бағында кейінгі 20 жылда алғаш рет шайқағыш жанаттар төлдеді. Арчи мен Белла жұбы дүниеге үш күшік әкелді.

Қала әкімдігінің мәліметінше, күшіктер 2026 жылғы 27 сәуірде туған. Алғашқы айларда олар анасымен бірге ұяда тұрып, сыртқа шықпаған.

Белла төлдерін ерекше қамқорлықпен бағып, оларға ешкімді жолатпаған. Қазір күшіктер өсіп, өздігінен қозғала бастағандықтан, үлкен қоршауға шығып, айналаны қызығушылықпен зерттеп жүр.

Әзірге күшіктердің жынысы анықталмаған, сол себепті аты да кейінірек қойылады.

«Шайқағыш жанаттардың жаңа туған күшіктерінің салмағы небәрі 60-70 грамм болады. Олар соқыр әрі саңырау күйде дүниеге келеді және алғашқы апталарда толықтай анасына тәуелді болады», – дейд...

Қазақстанда технологиялық стартаптарды қолдау жұмысы енді өңірлерде де күшейтіледі. Бұл туралы Цифрлық даму, инновациялар және аэроғарыш өнеркәсібі министрі Жаслан Мәдиев Astana Innovations Accelerator 2026 бағдарламасының үшінші легінің ашылуында мәлімдеді.

Министрдің айтуынша, бұл мақсатқа жетуде стартаптарды, жас кәсіпкерлерді және жасанды интеллект жобаларын қолдайтын акселерациялық бағдарламалардың рөлі ерекше.

Мәдиев: үш жыл ішінде толыққанды цифрлық елге айналуымыз керек

Жаслан Мәдиев мемлекет басшысы Қазақстанда технологиялық ұлт қалыптастыруды басты міндеттердің бірі ретінде белгілегенін айтты.

«Мемлекет басшысы технологиялық ұлт қалыптастыру міндетін қойды. Биылғы жылды жасанды интеллект пен цифрландыру жылы деп жариялады. Сондай-ақ алдағы үш жыл ішінде Қазақстан толыққанды цифрлы...

Миллиардтаған бюджет қаржысы бөлініп, жақында ғана жөндеуген өткен Үлкен Алматы өзенінің жағалауы табиғаттың тосын мінезіне төтеп бере алмады. Су арнасынан тасығанда, өзен жағалауындағы гранит тақтайшаларды шайып кеті. Бұған қала тұрғындарының Үлкен Алматы өзенінің жағалауынан түсірген суреттері дәлел.

Көпшіліктің назарын аударған фото кадрлардан жауын-шашыннан кейін су арнасының кейбір тұстарында гранит плиталардың орнынан қозғалып, жартылай бүлінгенін анық көруге болады.

Желі қолданушыларының пікірінше, гранит плиталар шамамен Науаи көшесіндегі 200-үйге қарама-қарсы тұстағы жағалаудан ажырап кеткен. Сондай-ақ жарияланған фотосуреттерден плиталардың астындағы бекітетін цементтің өте аз болғаны анық байқалады.

Десе де, көпшіліктің наразылығын тудырып, қызу талқыға себеп болған дүние – өзен...

«Қайрат» футбол клубы мен Қазақстан құрамасының қақпашысы Темірлан Анарбеков «Бизнес под капотом» подкастына берген сұхбатында Еуропа тарапынан болған қызығушылықтар туралы ашық айтты.

Еуропалық агенттердің қызығушылығы

Сұхбат барысында Темірлан өзіне шетелдік топ-агенттерден тікелей ұсыныстар түскенін жасырмады. Оның айтуынша, еуропалық нарықта оның ойынына қызығушылық танытып, нақты клубтардың нұсқаларын ұсынғандар болған.

«Топ-агенттер де шықты. Олар өзіндік талаптар қойып, осындай клубтар шығып жатыр деп айтты», – дейді жас қақпашы.

Дегенмен, Анарбеков басқа футболшылар сияқты өз бетінше немесе сыртқы агенттердің көмегімен шешім қабылдауға асықпаған.

«Қайрат Советайұлының шешіміне сендім»

Темірлан өзінің «Қайрат» клубының тәрбиеленушісі екенін және клуб басшысы Қайрат...

Жыл басынан бері елордада 3 мыңнан астам адамның жоғалғаны туралы хабарлама тіркелген.

ІІМ ақпаратына қарағанда, олардың арасында кәмелетке толмағандар, ересектер және қарт адамдар бар. Кейбір азаматтар балық аулауға немесе серуендеуге шығып, кейін байланысқа шықпай қалады.

Елордада із-түзсіз жоғалған азаматтарды іздеу жұмыстарына дрондар белсенді қолданылып жатыр.

«Мұндай жағдайларда дрондарды пайдалану іздеу жұмыстарын едәуір жеделдетіп, аумақты тексеру уақытын қысқартады және күрделі жерлерде іздеудің тиімділігін арттырады. Бірқатар жағдайда әуе мониторингі жоғалған адамдарды табуға немесе олардың болуы мүмкін аумақты нақтылауға көмектескен», делінген ақпаратта.

Іздеу жұмыстарына заманауи технологиялармен қатар полиция қызметкерлері мен қызметтік иттер де тартылады.

Полицияны...

Қазақ кәсіпқой боксының жарық жұлдызы, орта салмақтағы WBO чемпионы Жәнібек Әлімханұлы басынан өтіп жатқан допинг дауына және спорттан уақытша шеттетілгеніне қарамастан, үлкен рингке қайта оралу үшін белсенді дайындықты бастап кетті.

Боксшы Instagram парақшасында мәлімдеме жасап, спорттық мансабындағы жаңа белестерді бағындыруға дайын екенін айтты.

«Жаттығу қызу жүріп жатыр!»

Жәнібек Әлімханұлы қиындықтарға мойымай, өз бабын сақтау үшін спорт залында аянбай тер төгіп жүргенін жеткізді. Оның айтуынша, басына түскен сынақтар жеңіске деген құштарлығын одан сайын еселей түскен.

Боксшы өз жазбасында ерекше маңызды сәттерге тоқталып өтті:

«Жаттығу қызу жүріп жатыр! Мемлекет басшысы Қасым-Жомарт Тоқаев үлкен қолдау көрсетіп, ел сенім...

Маңғыстау облысы Бейнеу ауданының орталығында төрт күн толассыз жауған жаңбырдан 90-ға жуық үйдің ауласына су жиналды. Аудан әкімдігі осындай мәлімет таратты.

Жергілікті билік Бейнеуде арнайы техника көмегімен 7 мың текше метрден астам су сыртқы шығарылғанын хабарлады. Қазір ауылда су сору және қалпына келтіру жұмыстарына 25 техника мен 37 қызметкер жұмылдырылған. Жұмыстар тәулік бойы үздіксіз жалғасып жатыр, дейді аудан әкімдігі.

Әкімдік жариялаған суреттер мен видеолардан судың айтарлықтай көп жиналғанын, үйлердің қабырғалары ылғалдан үгітілгенін көруге болады.

Ресейдегі жанармай дағдарысы Қазақстанға қалай әсер етеді. Белгілі экономист Айдархан Құсайынов бұл мәселені уақытша қиындық деп санайды. Оның ойынша, нарықта ешқандай жүйелі қауіп жоқ. Ал оның әріптесі Алмас Чукин бұл пікірмен келіспейді. Ол отын тапшылығының салдары өте ауыр болатынын және қарапайым халықтың қалтасына тікелей соққы болатынын ескертеді.

Айдархан Құсайыновтың пайымдауынша, көрші елдегі мұнай өңдеу қуаты жаппай төмендеп кеткен жоқ. Негізгі мәселе өнімді аймақтарға жедел жеткізе алмаудан, яғни логистикадан туындап отыр.

Ресей — ірі мұнай экспорттаушы ел, сондықтан сыртқа өнім шығаруға тыйым салудың өзі ішкі нарықты жылдам реттейді. Тіпті ішкі зауыттарда үлкен қиындық туса да, шикі мұнай өндірісі тоқтамайды. Бұл...

Қазақстандық дәстүрлі әнші Рамазан Стамғазиев SCAT әуекомпаниясының қызметіне көңілі толмайтынын білдірді.

Әнші әлеуметтік желіге әуежайдағы жағдайды көрсететін бейнежазба жариялады. Онда әуежай қызметкерлері мен жолаушылар арасындағы кикілжің көрсетілген. Әйел адамдар даурығып, айғайға басып, бірін-бірін кінәлап жатыр.

Екінші қысқа бейнежазбада Рамазан Стамғазиев бұл оқиғаға қысқаша түсініктеме берді.

«Достар, бұл – SCAT әуекомпаниясының бізге жасап жатқан «тосын сыйлары». Екі сағат бұрын ұшатын болған. Сағат алты жарымнан бері әлі отырмыз. Не өкілдердері де келмейді. Осында қаншама халық, қаншама адамдар отыр. Міне, мұнда балалар да бар. Бір-біріне сілтеп отыр. SCAT-қа болашақта басқа көзбен қарау керек шығар», – деді әнші.  

Павлодарлық «Ертіс» футбол клубының жаттықтырушылар штабында елеулі өзгерістер орын алды. Маусымның соңына дейін Қазақстан ұлттық құрамасының бұрынғы бас бапкері Талгат Байсуфинов команданың кеңесшісі болып тағайындалды. Бұл туралы клуб директоры Мұрат Тілешев айтып, Нұрбол Жұмасқалиевтің қызметтен кету себебін түсіндірді.

Жұмасқалиев неліктен қызметінен кетті?

Клуб директоры Мұрат Тілешевтің айтуынша, өз алаңында өткен матчтан кейін Нұрбол Жұмасқалиев отбасылық жағдайына байланысты оны қызметінен босатуды сұрап, басшылыққа өтініш білдірген.

Клуб басшылығы маманды шешімін өзгертуге көндіруге тырысқанымен, бірнеше рет болған әңгімелесуден кейін оның өтінішін қанағаттандыруға мәжбүр болған. Айта кетейік, Жұмасқалиев «Ертісті» шамамен бір жарым ай ғана басқарды. Оның жетекшілігімен команда 6 матч өткізіп...

Оралда режиссер Жандос Құсайыновтың «Қосшығұлов. Шоколад фабрикасы» атты фильмінің түсірілім басталды. Картина  XIX ғасырдың соңы мен XX ғасырдың басында өмір сүрген Баймұхамбет және Құрманғали Қосшығұловтардың өмір жолын баяндайды.

Баймұхамбет және Құрманғали Қосшығұловтар – қазақ даласындағы алғашқы ірі кәсіпкерлердің бірі. Тарихи деректерге сүйенсек, олардың тері-терсек зауыты, сабын зауыты, кірпіш зауыты, шаруашылық құрал-жабдықтар шығаратын зауыт сияқты бірнеше кәсіпорындары болған.

1895 жылы олар елдегі алғашқы кондитер фабрикасын ашады. Кәсіпорынның директоры болып Баймұхамбеттің үлкен ұлы Құрманғали Қосшығұлұлы тағайындалды. Кей тарихшылар бұл фабриканы Қазақстанның тамақ өнеркәсібі саласындағы тұңғыш жобасы деп атайды. Кәсіпорында бал, қант, прәніктер, халуа, оралған шоколадтардың бірнеше түрі және кәмпиттер шығарылған.

Жамбыл тұрғыны көлік құралын тіркеу туралы куәліктегі қатені түзетуді талап етіп, полиция департаментін сотқа берген.

Жамбыл облысының мамандандырылған ауданаралық әкімшілік соты оның талабын қарап, қанағаттандырды.

Іс материалдарына сәйкес, 2009 жылы шығарылған Nissan Tiida автокөлігін тіркеу кезінде көлік шанағының сәйкестендіру нөмірінде (VIN) техникалық қате жіберілген. Құжатта нақты нөмірдің орнына бір цифры қате көрсетілген.

Сараптама қорытындысы бойынша, көліктің нақты VIN нөмірі зауытта берілген. Оған ешқандай өзгеріс енгізілмеген және ол тіркеу құжаттарындағы мәліметтерге сәйкес келмейтіні анықталған.

Сот уәкілетті орган өтінішті қарау барысында азаматтың құқықтарын қалпына келтіру үшін барлық қажетті шараларды қабылдамаған деген қорытындыға келді.

Сот шешімімен Полиция департаментіне көлік құралын тіркеу...

Қазақстанда әлемдік деңгейдегі жасанды интеллектінің ауқымды кластерін құру жоспарланып отыр Президент Қасым-Жомарт Тоқаевтың төрағалығымен өткен Шетелдік инвесторлар кеңесінің отырысы аясында Жасанды интеллект және цифрлық даму министрлігі, халықаралық Citi корпорациясы және Freedom Holding Corp. арасында өзара түсіністік туралы үшжақты меморандумға қол қойылды. Меморандумға қол қойылғаны туралы ЖИ және цифрлық даму министрлігі хабарлады.

Жаңа инфрақұрылым: GPU-есептеулеріне көшу

Серіктестіктің негізгі міндеті – озық технологиялармен жабдықталатын және мемлекеттік сектор, бизнес пен ғылым үшін «ми орталығы» рөлін атқаратын деректерді өңдеу орталығын салу. Жоба Freedom AI Super Cluster деп аталды.

Freedom Holding Corp. бас атқарушы директоры (CEO) Тимур Турлов мемлекеттің цифрландыру...

Шымкентте ұйымдасқан қылмысқа қарсы күрес басқармасының қызметкерлері блогер мен оның үш сыбайласын ұстады. Министрлік мәліметінше, күдіктілер кәсіпкерлер мен мемлекеттік қызметкерлерді беделіне нұқсан келтіретін бейнежазбаларды жариялаймыз деп қорқытып, ақша бопсалаған. Арнайы операция туралы ІІМ хабарлады.

Ведомствоның мәліметінше, ұсталғандардың бірі – Instagram желісінде шамамен 150 мың оқырманы бар жергілікті блогер. Оның есімі ресми хабарламада жарияланған жоқ.

«Шымкент қаласы полиция департаментінің ұйымдасқан қылмысқа қарсы күрес басқармасының қызметкерлері әлеуметтік желілерде беделге нұқсан келтіретін бейнематериалдарды жариялаймын деп қорқытып, азаматтардан ақша бопсалаумен айналысқан топтың заңсыз әрекетін тоқтатты»,– делінген хабарламада.

Жедел іс-шаралар барысында блогердің үш сыбайласымен бірге кәсіпкерлер мен мемлекеттік...

3 шілде күні Әлем чемпионатының 1/16 плей-офф кезеңі аясында Швейцария мен Алжир құрамалары арасында тартысты ойын өтті. FIFA рейтингінде 19-шы орында тұрған Швейцария командасы 28-ші орындағы Алжирді 2:0 есебімен сенімді түрде жеңіп, келесі кезеңге өтті.

Бірінші тайм: Эмболоның жылдам голы

Ойын басталған сәттен-ақ швейцариялықтар белсенді шабуылға көшті. Нәтижесінде, матчтың 10-шы минутында Й. Манзамбидің пасынан кейін Эмболо есеп ашып, Швейцарияны алға шығарды (1:0).

Алжир құрамасы сапынан Ф. Чаиби 36-шы минутта дөрекі ойыны үшін сары қағаз алып, командасының жағдайын қиындатты. Бірінші тайм осы есеппен аяқталды.

Екінші тайм

Екінші тайм басталмай жатып, 46-шы минутта Швейцария шабуылшысы Ндойе есепті еселеп, матч тағдырын...

Алматы облысында буырқанған Ақсай өзенін өз арнасына бұру кезінде су желісі зақымданып, Қарасай ауданындағы Жаңатұрмыс ауылы ауызсусыз қалды.

Бір тәулік бұрын, 2 шілдеде таңертең Жаңатұрмыс маңындағы «Ақсай карьері» аумағында өзен жағалауын су шайып, топырақ сырғыған. Құтқарушылар қауіп төнген тоғыз үйдің адамдарын көшірген. Тасыған Ақсай өзенін арнасына бұру барысында жергілікті су желісі зақымданғаны мәлім болды.

«Өзен суын қайта өз арнасына бұру және қалпына келтіру бағытындағы іс-шараларды жүргізу кезінде техникалық ахуалдар туындап, атап айтқанда, қалпына келтіру жұмыстары барысында осы тұстағы су желісінің зақымдану дерегі тіркелді», – деп таратты Қарасай аудандық әкімдігі.

Соның салдарынан Жаңатұрмыс ауылыны...

Бақыт Тұрман қыздарға жар таңдау кезінде не нәрсеге баса назар аудару керек екенін айтып, кеңес берді.

Оның пікірінше, шын сүйген кезде ғана адам «шын өмір сүрдім» деп айта алады. Мысал ретінде Бақыт Тұрман Қайрат Әділгерейді қандай қасиеттері үшін ұнатқанын, жар етіп таңдағанын баяндады.  

«Қайратты таңдаған кезде мен де бір фактор болды. Қандай фактор десеңіз, тарихты жақсы біледі. Жалпы тарихты жақсы білген ер адам ақылды. Мен қазір де солай ойлаймын», – деді Бақыт Тұрман.

Екінші қасиеті – қыз бен жігіт болып жүрген кездерінде Қайраттың көбінесе жас балалармен емес, үлкен адамдармен араласатынын байқаған. Ол ұдайы үлкен...

Жаздың аптап ыстығында көпшілік кондиционер мен желдеткішті жиі пайдаланады. Алайда мамандар бұл құрылғылардың өздері инфекция таратпаса да, кей жағдайда вирустардың бөлме ішінде таралуына жанама түрде ықпал етуі мүмкін екенін ескертеді. Бұл туралы академик Ройтберг клиникасының терапевті, профпатолог Светлана Бурнацкая «Газета.Ru» басылымына берген сұхбатында айтты.

Желдеткіш инфекцияның таралуына қалай әсер етеді

Дәрігердің айтуынша, желдеткіш белгілі бір бағытта ауа ағынын қалыптастырады. Соның салдарынан ауадағы ұсақ тамшылар мен аэрозольдер қозғалмай тұрған ауаға қарағанда әлдеқайда алысқа таралуы мүмкін.

Егер ауа ағынының бағыты сау адамға қарай бағытталса, вирус жұқтыру қаупі артады.

Кондиционер қаншалықты қауіпті

Маманның сөзінше, тұрмыстық кондиционерлердің көпшілігі бөлме ішіндег...

Дүниежүзілік алтын кеңесінің (World Gold Council) мәліметіне сәйкес, 2026 жылдың мамыр айында әлемнің орталық банктері алтын-валюта резервтеріндегі алтын көлемін 41,2 тоннаға арттырды. Қазақстан бір айда 7 тонна алтын сатып алған.

Бұл көрсеткіш бас банктердің қорды бағалы металмен толықтыру бағытына қайтадан белсенді түрде көшкенін айқын көрсетеді.

WGC сарапшысы Марисса Салимнің атап өтуінше, соңғы уақытта орын алған түрлі оқиғаларға қарамастан, орталық банктер алтынның резервтегі рөліне өте оң көзқараспен қарап отыр.

Ұйым жүргізген соңғы сауалнама нәтижелері де осы үрдісті растай түседі. Сауалнамаға қатысқан орталық банктердің 89%-ы алдағы бір жыл ішінде жаһандық деңгейде алтын-валюта резервтеріндегі алтын көлемі өседі деп болжаса, 45%-ы өздер...

Хорватияны тізе бүктіріп, 1/8 финалға жолдама алған Португалия құрамасы жеңістен кейін марқұм Диогу Жотаны еске алды. Тура 3 шілде күні Диогу мен оның бауырының жол апатынан қаза тапқанына бір жыл толған еді.

Көкке бағытталған ишара мен 21-нөмір

Матч аяқталған соң құрама капитаны Криштиану Роналду ұлттық құрама сапында Жота киген 21-нөмірлі жейдемен алаңға шықты. Капитан қолын көкке созып, жеңісті қайтыс болған досына арнады. Кейіннен бүкіл команда бұл сәтті ортақ суретке түсіріп, естелікке қалдырды.

Криштиану Роналду өзінің инстаграм парақшасында:

«Біз бұл ойында Диогу мен Португалия үшін ойнадық. Алға!!!!» – деп жазба қалдырды.

Сондай-ақ ол өз...

Sony Interactive Entertainment 2028 жылдан бастап PlayStation-дегі жаңа ойындар үшін қатқыл дисктер шығаруды тоқтатады.

«Sony Interactive Entertainment тұтынушылық трендтерге бейімделіп жатыр. Өйткені цифрлық медиа өнімдеріне деген сұраныс қатқыл дискілерге қарағанда әлдеқайда жоғары», – дейді компанияның контент коммуникациялары жөніндегі аға директоры Сид Шуман жаңа өзгеріс туралы.

Оның айтуынша, бұл процес бұған дейін жарық көрген немесе 2028 жылдың қаңтарына дейін дискіде шығатын ойындарға әсер етпейді. Ал 2028 жылы шығатын жаңа ойындарды PlayStation Store арқылы немесе сауда дүкендерінде сатылатын цифрлық кодтар көмегімен сатып алуға болады.

Көптеген ойыншылар үшін бұл тұтас бір дәуірдің символдық аяқталуын...