Жаңалықтар

Петропавл қаласында 36 жастағы жергілікті тұрғын Виталий Иваненкоға қатысты сот үкімі шықты.

Halyqstan ақпаратына қарағанда, теміржол саласының қызметкері кәмелетке толмағандарға пышақпен шабуыл жасағаны үшін 5 жылға бас бостандығынан айырылды.

Даудың басы

Оқиға өткен жылдың қараша айында болған. Ит үйретумен айналысқан Иваненко Instagram желісіне өз жұмысының видеосын жариялаған. Алайда оның жаттықтыру тәсілдері көпшілікке ұнамай, жазбаның астында сын пікірлер мен жағымсыз комментарийлер пайда болған.

Тергеу мәліметінше, алкоголь ішкен ер адам бұл пікірлерді өз үйінің маңында жиналатын жасөспірімдер жазды деп ойлаған. Осыдан кейін қолына пышақ алып, олармен «есеп айырысуға» шыққан.

Пышақ жұмсаған

Оның құрбаны жылу құбырының үстінде отырған екі мектеп...

Демалыс күндері Алматы облысының Қаскелең қаласында әуе шарлары фестивалі өтеді. Бір мезетте әуеге отыздан астам ірі шар көтеріледі. Азаматтар аэростаттармен ұшуға мүмкіндік алады.

Халықаралық Qazaqstan International Balloon Festival салтанаты 6-7 маусым аралығында ұйымдастырылады.

Облыс әкімдігінің мәліметінше, Қаскелеңде демалыс күндері ұзындығы 15 метрге дейін жететін алып әуе батпырауықтарының шоуы да өтеді. Фудкорттар, кемпинг пен бүкіл отбасыға арналған түрлі ойын-сауық бағдарламалары қонақтарға көтеріңкі көңіл-күй сыйлайды.

«Іс-шараның ең әсерлі сәті әуе шарларының бір мезетте аспанға көтерілуі болмақ. Қонақтар аэростатпен ұшып, Іле Алатауының бөктері мен Қаскелеңнің көркем табиғатын құс көзінен тамашалай алады», – деп таратты өңір әкімдігі.

Соңғы жылдары Қазақстанда жасөспірімдер арасындағы қылмыс көбейіп барады. 2025 жылы 2,5 мың жасөспірімге қылмыс жасады деген айып тағылған. Бұл 2024 жылмен салыстырғанда 30,5%-ға көп. Сонымен қатар 2020 жылдан бергі ең жоғары көрсеткіш болып отыр.

Бас прокуратураның құқықтық статистика және арнайы есепке алу комитетінің мәліметінше, 2026 жылдың алғашқы төрт айында құқық қорғау органдары 665 жасөспірімді қолға түсірген. Бұл өткен жылдың сәйкес кезеңімен салыстырғанда 8,3%-ға аз, бірақ олардың тең жартысына жуығы ауыр және өте ауыр қылмыс жасады деген күдікке ілінді.

Жасөспірімдер қылмысының өсуі кәмелетке толмағандардың ісін қарайтын соттардың жұмысына да әсер етті. Finprom дерегінше, былтыр сотқа ісі түскен жасөспірімдердің шамамен 43%-ы...

Олимпиада чемпионы Михаил Шайдоров Халықаралық балаларды қорғау күніне орай ерекше қайырымдылық акциясын өткізді. Спортшы Алматы қаласындағы №3 балалар мен жасөспірімдер спорт мектебінің тәрбиеленушілеріне спорттық құрал-жабдықтар сатып алуға арналған жалпы құны 6 млн теңгені құрайтын сертификаттар табыс етті. «Спорт Шрёдингера» басылымының мәліметінше, бұл көмек аясында 30 жас спортшының әрқайсысына 200 мың теңгенің сертификаты берілген.

Михаил Шайдоров жас буынға қолдау көрсетудің маңыздылығын атап өтіп, өзінің жүрекжарды лебізін білдірді.

«Қолдау білдірген баршаңызға рақмет! Балаларға қуаныш сыйлап, өз күштеріне деген сенімін арттыра алғаныма өте қуаныштымын», – деп жазды Шайдоров.

Депутат Марлен Маматалиев Қырғызстанның ресми құжаттарындағы биологиялық жыныс туралы жазбаны өзгертуге тыйым салуды көздейтін заң жобасын ұсынды.

Caravan-info ақпаратына қарағанда, заң жобасы бойынша елдің Неке және отбасы кодексіне, «Азаматтық хал актілері туралы» және «Азаматтардың денсаулығын қорғау туралы» заңдарына өзгерістер енгізу ұсынылады.

Бастама авторларының айтуынша, құжаттың мақсаты – отбасы институтын, демографиялық қауіпсіздікті, ұлттық-мәдени бірегейлік пен дәстүрлі құндылықтарды қорғау.

Түсіндірме хатта қазіргі заңнамада медициналық анықтамалар негізінде азаматтық хал актілеріндегі жыныс туралы мәліметті өзгертуге мүмкіндік беретін құқықтық олқылық бар екені айтылған. Депутаттың пікірінше, мұндай тәжірибе Қырғызстанның тарихи және мәдени дәстүрлеріне сәйкес келмейді әрі демографияға, қоғамдық моральға және ұлттық қауіпсіздікке қауіп төндіруі мүмкін.

Зейнетақы қорындағы ақшаны шешіп алудың жаңа ережесі күшіне енуіне небәрі бір күн қалды. 5 маусымнан бастап шотыңызда қалуға тиіс ең төменгі соманың есептелу тәртібі өзгереді.

Егер қорыңызда жеткілікті шектен асатын ақша болып, оны ескі ережемен шешіп алғыңыз келсе, 4 маусымға дейін (бүгін қоса есептеледі) өтінім беріп үлгеруіңіз керек. Өтінімді enpf-otbasy.kz сайты арқылы беруге болады.

«Отбасы банкінің» ескертуінше, 5 маусымда әрі одан кейін түскен өтінімдердің бәрі жаңа, қатаңдау талаптармен қаралады.

Еңбек министрі Асқарбек Ертаев бұған дейін жинақты баспанаға немесе емделуге жұмсау мүмкіндігі жойылмайтынын айтқан еді. Бірақ ол зейнетақы жүйесінің басты мақсаты – адамды қартайғанда ақшасыз қалдырмау екенін еске салды.

2026 жылғы футболдан Әлем чемпионатының (ӘЧ-2026) барлық матчын отандық Qazaqstan және Qazsport телеканалдары тікелей эфирде көрсетеді.

Дүбірлі дода биыл 12 маусымда басталып, финалдық кездесу 20 шілдеге жоспарланған.

Теледидардан бөлек, жанкүйерлер ойындарды интернет арқылы да еш кедергісіз тамашалай алады. Трансляциялар qazaqstan.tv және qazsporttv.kz ресми сайттарында көрсетіледі.

Турнирдің шымылдығын ашатын алғашқы кездесу Қазақстан уақытымен 12 маусымға қараған түні сағат 00:00-де басталады. Ашылу матчында чемпионатты ұйымдастырушы елдердің бірі Мексика құрамасы Оңтүстік Африка (ОАР) командасын қабылдайды.

Еске сала кетейік, Әлем чемпионаты алдында Мексикада мұғалімдер ереуілге шыққан еді.

Алматы әкімдігінің Мемлекеттік активтер бойынша басқармасы «Қалқаманнан» Барлық базарына баратын метроның жаңа желісі үшін тендер жариялады. Бұл мақсатқа әкімдік 2,9 млрд теңге бөліп отыр.

Мемлекеттік сатып алу сайтында жазылғандай, метро құрылысына қатысатын мердігерлер 9 маусымға дейін өтініш бере алады.

Жобалау-сметалық құжаттамаға сәйкес, Абай даңғылы бойымен Алатау даңғылына дейін, одан кейін солтүстікке қарай Райымбек даңғылына дейін, сосын батысқа қарай «Барлық» базарына дейін үш бекет салынуы керек. Олардың барлығы – бағаналы типтегі, аралдық платформасы бар, терең емес жер асты станциялары.

Сәулет және дизайн талаптары

Сондай-ақ №3 бекетте Райымбек даңғылының астымен өтетін, екі шығысы бар жерасты өткелін жобалау қажет...

Қарағанды облысының кәмелетке толмағандар істері жөніндегі мамандандырылған соты мұғалімдер отбасына үкім шығарды.

Қарағанды облысы сотының хабарлауынша, ерлі-зайыпты мен олардың қызы алты патронаттық баланы қорлады деп айыпталған.

Тергеу мәліметінше, Қарқаралы ауданындағы мұғалімдер отбасы бес жыл бойы балалар үйінен алынған балаларды қорлап келген. Олар балаларды ауыр жұмысқа жегіп, мал бақтырған. Ұрып-соғып, аш қалдырған, қорлаған.

Сотта балалар кейде нанды көңмен араластырып жеуге мәжбүр болғаны, иттің үйшігінде ұйықтағаны, қайнаған су мен қыздырылған темірден күйік алғаны айтылды. Бір баланың денесінен 19, екіншісінен 47 тыртық анықталған. Зардап шеккендердің бірі өзін кілемге орап, үстінен секіргенін, соның салдарынан есінен танып, кейін бірнеше ота жасап, мүгедектік алғанын...

Бұл туралы Мемлекет басшысы Қасым-Жомарт Тоқаев Ту көтеру рәсімінде сөйлеген сөзінде айтты.  

Президенттің айтуынша, қазір Қазақстан жаңа тұрпатты елге айналып отыр.

«Біз біртұтас әрі жасампаз ұлт ретінде дамудың даңғыл жолына түстік. Кейінгі жылдарды еліміз үшін тарихи бетбұрыс кезеңі деуге толық негіз бар. Ауқымды реформалар барлық салаға тың серпін беруде. Түбегейлі өзгерістер, әсіресе, қоғамдық санаға зор сілкініс әкелді. Ішкі саясаттың мазмұны жаңарды, бағыт-бағдары айқындала түсті. Ел ішінде жанашырлық, еңбекқорлық, ұқыптылық, үнемшілдік қасиеттері орныға бастады», – деді ол.

Сонымен қатар, азаматтарымыздың көзқарасы және ұстанымы өзгеріп келеді.

«Халқымыз Әділетті, Мәдениетті, Таза және...

Қазақстандық танымал ММА файтері, 38 жастағы Қуат Хамитов шілде айында UFC жұлдызы, 29 жастағы Арман Царукянмен кездеседі. Қазақстан мен Армения өкілдері арасындағы айтулы текетірес 11 шілдеде Тбилисиде өтетін турнир аясында ұйымдастырылады.

Алайда жекпе-жек ММА ережесімен емес, америкалық элиталық RAF лигасының ережесі бойынша еркін күрестен және орта салмақта өтеді.

Царукянның күрестегі нәтижесі

UFC-дің жеңіл салмақтағы басты үміткерлерінің бірі Арман Царукян танымалдылығы қарқынды артып келе жатқан RAF лигасында еркін күрестен де бағын сынап тұрады. Қазіргі уақытта бұл ұйымда 5 рет боз кілемге шығып, барлығында жеңіске жеткен. Царукянның тобығынан қаққандардың қатарында PFL-дің экс-чемпионы Лэнс Палмер, UFC-дің бұрынғы үміткері Юрай Фэйбер, сондай-ақ кәсіби...

Кәсіпкерлерді қолдауды көздейтін «Даму» қоры 2025 жылы 2,2 трлн теңгеге дейін көмек көрсетті. Бұл туралы қор өкілдері Kursiv.Media басылымына хабарлады.

«Даму» қоры 2025 жылы кәсіпкерлерге 2,2 трлн теңгеге дейін көмек берді. Салыстырар болсақ, 2024 жылы бизнес өкілдерін қолдауға 1,7 трлн теңге бөлінген. Қаржылай демеу бір жылдың ішінде шамамен 28%-ға дейін артқан.

Қор кәсіпкерлерді демеудің үш негізгі құралын пайдаланып отыр. Олар:

Айта кетейік, «Даму» жеңілдігі бар несиені екінші деңгейлі банктер, микроқаржы ұйымдары және лизингтік компаниялар арқылы береді. Бұл ретте қаржы ұйымдары несиені қор белгілеген шарттар негізінде жүзеге асырады.

«Даму...

Америкалық рэпер Eminem Қазақстанға келуі мүмкін бе? Батыс жұлдыздары Қазақстандағы концерттері үшін көрші елдермен салыстырғанда бірнеше есе жоғары гонорар сұрайды. Бұл туралы Freedom Impressions Talk шарасында Freedom Events бас директоры (CEO) Виктория Торгунакова «Курсивке» берген сұхбатында мәлімдеді.

Биыл сәуір айында «Спорттық құрылыстар дирекциясының» бас директоры Есет Байтасов Eminem гастрольдік тур аясында келуі мүмкін екенін айтқан еді. Алайда ол кезде нақты келісім болған жоқ: келісімшарттарға қол қойылмады, ал концерт күндері белгісіз еді.

Ресми расталмаған ақпарат ойын-сауық нарығына тікелей әсер етті. Ауқымды шараны күткен көрермендер бюджеттерін бұғаттап, басқа концерттер мен мәдени шараларға барудан бас тарта бастаған.

Мемлекеттік рәміздер күнінде президент Тоқаев Ту көтеру рәсіміне қатысып, сөз сөйледі. Ол қазақ тарихы үшін Алтын Орданың маңызын тағы бір еске салып, қазіргі президенттік басқару үлгісі бір кездердегі Шыңғыс хан ұрпақтары басқарған жүйеге ұқсас екенін айтты.

«Қазір Қазақстанда берік орныққан президенттік басқару үлгісі Алтын Орда кезінде құрылған саяси жүйеден бастау алады. Алтын Орданың ең басты мұрасы – оның мызғымас құндылықтары. Себебі алып мемлекетте діні, тілі, мәдениеті, дәстүрі бөлек адамдар ортақ ережелер аясында тату-тәтті өмір сүрді. Бабаларымыздың осындай тағылымды жолы біз үшін өшпес өнеге және басты стратегиялық бағдар болып қала береді», – деп атап өтті президент.

Қытайлық Meng Xiaoyi стартапы иттің үргені мен мысықтың мияулағанын адами тілге «аударатын» смарт-қарғыбауды таныстырды.

ТСН ақпаратына қарағанда, онда жасанды интеллект орнатылған. Құрылғы PettiChat деп аталады.

Компанияның мәліметінше, құрылғының аударма дәлдігі – 94,6%. Алайда оны растайтын тәуелсіз ғылыми зерттеу әзірге жарияланған жоқ.

Салмағы небәрі 27 грамм болатын құрылғы жануардың мойнына тағылады. Ол микрофондар, қозғалыс датчиктері мен акселерометрлер арқылы дыбыстарды, дене қимылдарын және мінез-құлық белгілерін тіркейді. Жиналған мәліметтер Alibaba Cloud әзірлеген Qwen жасанды интеллект моделі арқылы өңделеді.

Әзірлеушілердің айтуынша, жүйе жануардың әрекеттерін талдап, шамамен 1,2 секунд ішінде иесінің смартфонына «аударылған» хабарлама жібереді. Стартап құрылғыны жасау үшін жануарлардың миллионнан астам дыбысы мен...

2026 жылдың шілде айында Астана күніне орай қазақстандықтар тағы бір қосымша күн демалады. Қазақстанда жыл сайын 6 шілдеде Астана күні атап өтіледі.

Биыл 6 шілде дүйсенбіге түсіп тұр. Осыған байланысты бес күндік жұмыс аптасымен еңбек ететін азаматтар қатарынан 3 күн демалады: 4,5 шілде – әдеттегі демалыс күні. 6 шілде – Астана күніне орайластырылған мерекелік демалыс күні.

Ал алты күндік жұмыс аптасымен істейтіндер үшін 4 шілде сенбі әдеттегідей жұмыс күні болып қала береді де, жексенбі және дүйсенбі күндері демалады.

Еске сала кетейік, бұған дейін жазғы демалыс кезеңінде пойыздар мен әуе рейстерінің саны артатыны туралы жазған едік.

Экс-судья Айгүл Сайлыбаеваның өліміндегі басты күдіктілер – күйеуі Александр Донцов пен енесі Наталья Донцова Мәскеуде ұсталды. Бұған дейін олар халықаралық және мемлекетаралық іздеуде болған.

Қазақстанның Германиядағы Елшілігі іс бойынша Германия Сыртқы істер министрлігінің өкілдерімен тұрақты түрде кездесулер өткізіп тұрады.

«Қазақстанның Франкфурт қаласындағы Бас консулдығы Гессен федералдық жерінің құзыретті органдарымен тиісті жұмыстар жүргізіп жатыр.

Ресей Федерациясы СІМ-нің нотасына сәйкес, ҚР құзырлы органдарының экстрадициялық сұранысы негізінде Мәскеу қаласы бойынша Ресей ІІМ Бас басқармасының Қылмыстық іздестіру қызметкерлері А. Донцов пен Н. Донцованы ұстады. Бұған дейін оларға Германия құқық қорғау органдары тарапынан халықаралық іздеу, ал ҚР ІІМ тарапынан...

Екібастұз қаласында Орталық Азиядағы ең ірі цифрлық хаб – Data Center Valley жобасының құрылысы басталды. Қазақстанның «Силикон алқабына» айналатын бұл нысанның алғашқы кезеңі 2027 жылғы жазға дейін іске қосылады.

Он орталық салынады

Павладор облысы әкімдігінің мәліметінше, қазір бөлінген 177 гектар алқапта жерді тегістеу және аумақты қоршау сияқты алғашқы дайындық жұмыстары жүріп жатыр. Инфрақұрылымды дамыту үшін кіреберіс автокөлік жолының құрылысы да қолға алынған.

Құрылыс 2033 жылға дейін толық аяқталуға тиіс. Жоба бірнеше кезеңнен тұрады:

Мексикада жалақыны өсіруді талап еткен мұғалімдер алдағы футболдан Әлем чемпионатының матчтарын өткізуге кедергі келтіретінін айтып, қоқан-лоқы көрсеткен. Бұл туралы Bloomberg агенттігі хабарлады.

Бұл жағдай онсыз да әуежайларда қонақ күтіп алу деңгейінің төмендігі, көлік кептелісі мен кейбір қалалардағы қауіпсіздік мәселелерімен бас қатырып отырған турнир ұйымдастырушыларына үлкен қысым болып тұр.

Мұғалімдер кәсіподағының (CNTE) өкілдері 2 маусымда өз талаптарын талқылау үшін елдің Ішкі істер және Білім министрлерімен кездесті. Кездесу Мехико орталығындағы наразылық шарасы жаппай тәртіпсіздікке ұласқаннан кейін шұғыл ұйымдастырылды. Ереуілшілер мен полиция арасындағы қақтығыс салдарынан оннан астам адам түрлі жарақат алды.

Келіссөздер жүріп жатқан уақытта да наразылық білдірушілер қаланың басты магистральдарының бірін жауып...

Алматыда 32 жастағы Анна Ефименко мен оның дүниеге келмеген сәбиінің өліміне қатысты тергеу басталды.

КТК ақпаратына қарағанда, әйел жүктілігінің сегізінші айында кесарь тілігі арқылы босанған. Алайда нәресте өлі туған. Келесі күні перинаталдық орталықта ананың өзі де қайтыс болды.

Жүрегі бірнеше рет тоқтаған

Марқұмның жұбайы Алексей Ефименконың айтуынша, әйелінің жағдайы 4 мамырдан 5 мамырға қараған түні күрт нашарлаған. Ол есінен танып, жедел жәрдеммен ауруханаға жеткізілген. Отадан кейін дәрігерлер бірнеше рет жүрегі тоқтап қалғанын айтып, жансақтау бөліміне жатқызған.

7 мамыр күні дәрігерлер әйелдің көз жұмғанын хабарлаған. Алдын ала мәлімет бойынша, оның миына қан құйылып, бас-ми жарақатын алғаны анықталған.

Марқұмны...

Freedom компаниясы Fan2Fan сервисін таныстырып, билеттерді қайта сату нарығына шықты. Платформа пайдаланушылар арасында билеттерді қауіпсіз қайта сатуға арналған. Бастама алыпсатарлардың ретсіз нарығын заңдастыруға, қаржылық алаяқтық қаупін толығымен жоюға бағытталған. Бұл туралы 3 маусымда өткен Freedom Impressions Talk шарасында Freedom Lifestyle Group атқарушы директоры Ерлан Есімсейітов мәлімдеді.

Ерлан Есімсейітов SuperApp қолданбасындағы сервистің жұмыс істеу технологиясын таныстырды. Сатушы сатып алған билетін платформаға шығарады. Сатып алушы көрсетілген соманы төлеп, электронды билетті бірден алады. Ал қаражат іс-шара нақты аяқталғанға дейін ұсталып тұрады. Сатушы төлемді тек шара сәтті өткеннен кейін ғана кепілді түрде алады.

Мұндай механизм сатып алушыларды жасанды билеттерден қорғап, алаяқтық мәселесін түпкілікті шешеді.

Қырғызстанның бұрынғы премьер-министрі Данияр Үсеновтың ұлы Урмат Үсенов Алматыдағы тергеу изоляторында отыр. Бұл туралы дереккөздеріне сілтеме жасап  Kaktus.media хабарлады.

Редакция мәліметінше, Урмат Үсеновпен бірге Қырғызстанның екі азаматы және тағы бір Қазақстан азаматы трансұлттық топ құрып, заңсыз кәсіпкерлікпен айналысқан деген күдікке ілінген. 10 наурызда Алматы қаласының мамандандырылған ауданаралық тергеу соты күдіктілерді екі ай мерзімге қамауға алу туралы санкция берді.

Оларды Қазақстан Республикасы Қылмыстық кодексінің 28-бабы 3-бөлігі және 214-бабы 2-бөлігі 1-тармағы ( «Қылмыстық топ жасаған заңсыз кәсіпкерлік қызметті ұйымдастыру») және 264-баптың 1-бөлігі («Трансұлттық ұйымдасқан топты немесе трансұлттық қылмыстық ұйымды құру, сол сияқты оған немесе оның құрылымдық бөлімшесіне басшылық ету») бойынша айыптап отыр.

Алматы...

Freedom Travel қонақүй брондау сервисін іске қосты. Жаңа агрегатор базасына бүкіл әлемде 3 миллион орналастыру нысаны енгізілген.

Freedom Travel компаниясының бас директоры Игорь Бойко 3 маусым күні өткен Freedom Impressions Talk барысында жобаның ерекшеліктерін таныстырып, Еуропа нарығына шығу жоспары мен геосаясаттың жаһандық логистикаға әсері туралы айтты.

Пакеттік турлардан айырмашылығы және баға саясаты

Игорь Бойконың айтуынша, компания экожүйесінде бұрыннан бар дайын турлардан ерекшелігі – жаңа агрегатор маршруттарын өз бетінше жоспарлайтын саяхатшыларға арналған.

«Бұл – мүлде басқа өнім. Турлар – қонақүй, әуе рейсі және трансфері алдын ала белгіленген толық ұйымдастырылған пакет. Ал қонақүйді жеке брондау қызметінде клиент...

Түркістан облысы, Келес ауданында қайғылы жағдай болды. Еңбекші ауылындағы Ошақты каналына бір үйдің екі баласы ағып кетті. Болған оқиғаны облыстық төтенше жағдайлар департаменті растады деп жазады Oтырар сайты.

Қайғылы оқиға 31 мамырда болған. Балалардың үлкені 13-те, кішісі 8-де. Алдын-ала мәлімет бойынша, ата-анасы жұмыста жүрген. Бауырлар ешкімге ескертпестен суға түспекші болып, ағып кетеді.

Бір баланың денесін сол түні, ал екіншісін келесі күні табады.

Іздеу жұмыстарына төтенше жағдайлар департаментінің, құтқару отрядының 73 қызметкері, сондай-ақ 11 техника бірлігі жұмылдырылды. Қазір оқиғаның мән-жайы анықталып жатыр.

Мұның алдында Түркістанда 8 жастағы бала өзенге құлап, батып кеткенін жазған едік.