Жаңалықтар

Күнде 3 маусымда үш дүркін жарқырау тіркелді, ғалымдар Жерге қарай плазманың бөлінуін растады, деп хабарлады Күн астрономиясы зертханасы.

Біріншісі M9.3 деңгейінде болды. Бұл 24 сәуірден бергі ең күштісі. Одан кейінгілері М7.7 және X деңгейіне жақын. Күндегі жарқыраулар рентген сәулеленуінің қуаты бойынша – A-дан (ең әлсіз) X-ке (өте күшті) дейінгі шкаламен жіктеледі.

Ғалымдар алғашқы екі бөлінудің жұлдыздың бет жағында орын алғанын және Жерге бағытталғанын растады.

«Екі плазма бұлттары жол бойы екі ядросы бар бір ірі бұлтқа бірігуі керек. Қазіргі сәтте модельдер бейсенбіден жұмаға қараған түні (4-тен 5 маусымға қараған түні) қос соққыны болжап отыр. Бірінші тығыз...

Аралас жекпе-жек бойынша қазақстандық жауынгер Азат Мақсұм мансабын ACA-да жалғастырады. Бұл туралы «Вестник MMA» Telegram-арнасы хабарлайды.

Дереккөздің мәліметінше, лигамен келісімге тағы бір қазақстандық жауынгер Жасұлан Әкімжан да қол қойған. Екі спортшы да промоушендегі дебютін 17 шілдеде Алматыда өтетін ACA 205 турнирінде жасауы мүмкін.

Мақсұмның мансабы

Мақсұм бұған дейін UFC-де өнер көрсеткен. Әлемнің ең мықты лигасында қазақстандық төрт жекпе-жек өткізді: біреуінде жеңіске жетіп, үшеуінде жеңілді. Жеңілістер сериясынан кейін UFC онымен келісімшартты ұзартпады. Ұйымдағы соңғы кездесуінде Мақсұм төрешілердің бірауыздан шешімімен америкалық Митч Рапозоға есе жіберді. Кәсіби ММА-да Мақсұмның еншісінде барлығы 15 жеңіс және үш жеңіліс бар.

UFC-ден кеткеннен кейін қазақстандық өзбекстанды...

Теңіз экоорталығында қалдықтарды өңдеу қондырғысы уақытша жұмыс істемей тұр. Алайда, себебі ақауда емес, оның ішіне белгісіз құстың ұя салған.

Бес балапанды мазаламау үшін мұнайшылар олар өсіп, өз бетінше ұшқанға дейін күту туралы шешім қабылдады. Ол уақытқа дейін қондырғы өшіріліп, айналасы дабыл лентасымен қоршауға алынды.

ТШО-ның негізгі акционері – 50 пайыз үлесі бар Chevron компаниясы. Тағы 25 пайызы – Exxon Mobil-ге, 20 пайызы – «ҚазМұнайГазға», ал 5 пайызы «Лукойлға» тиесілі.

Теңіз – Қазақстандағы негізгі мұнай жобаларының бірі саналады және еліміздің экспорттық жеткізілімдерінің едәуір бөлігін қамтамасыз етеді.

Қазақстандағы ең ірі мұнай кен орны – Теңізде мұнай өндіру көлемі күрт төмендеді.

Қазақстан заңнамасына интернет арқылы шетелден тауар сатып алудың жаңа ережелері енгізіліп жатыр. Енді шетелдік маркетплейстерден тапсырыс берілетін өнімдерге міндетті баж салығы салынады.

Биылғы қаңтар айында Еуразиялық экономикалық комиссия кеңесі шетелдік интернет-саудаға қатысты жаңа ережелерді бекітті. Өзгерістер Қазақстан тұрғындарының Еуразиялық экономикалық одаққа кірмейтін елдерден, мысалы, Қытай, АҚШ және Еуропадан тапсырыс беретін тауарларына қатысты болып отыр. Бұған дейін Қазақстан бұл түзетулерді қолдаған еді.

Қазіргі уақытта жаңа нормаларды заң жүзінде бекіту жоспарланып жатыр.

Шетелдік интернет-саудада не өзгерді?

ЕАЭО-ның жаңа нормаларына байланысты шетелдік Amazon, AliExpress, Temu секілді сайттарда сауда ережелері айтарлықтай өзгереді.

Енді шетелдік интернет-дүкендерден тапсырыс берілген заттардың ешқайсысы «жеке пайдалануға...

Алматыда такси жүргізушісін ойыншық тапаншамен кепілге алмақ болған адам ұсталды.

Kriminal Kazakhstan ақпаратына қарағанда, 3 маусым күні кешке Жетісу ауданында «Kia» көлігі патрульдік полиция экипажының жанына тоқтаған. Көліктен жүгіріп шыққан жүргізуші тәртіп сақшыларынан көмек сұраған.

Белгілі болғандай, артқы орындықта отырған жолаушы тапаншаға ұқсас затпен қорқытып, өзін қала маңындағы ауылдардың біріне жеткізуді талап еткен.

Полиция қызметкерлері көлікті дереу қоршауға алып, күдіктіні ұстады. Кейін оның қолындағы қаруға ұқсас зат ойыншық тапанша екені анықталды.

Оқиға бойынша сотқа дейінгі тергеу басталды.

Қызығы, жүргізуші болған жағдайды камера алдында баяндап тұрған кезде оның көлігіне BMW көлігі келіп соғысқан. Алдын ала мәлімет бойынша, BMW жүргізушіс...

Ақордада Қазақстан мен Кипр президенттері ресми кездесу өткізіп, артынан БАҚ өкілдеріне арналған брифингке қатысты. Сөзінде Тоқаев кипрлік кәсіпкерлерге барынша жағдай жасауға дайын екенін де атап өтті.

«Біз Кипрдің іскер азаматтарын ұзақ мерзімге арналған инвестициялық жобаларды бірлесіп іске асыруға шақырамыз. Жақында елімізде жаңа Конституция қабылданды. Ата заңға сәйкес Қазақстанда меншіктің барлық түріне кепілдік беріледі. Бас құжатымыз инвесторлардың құқығын барынша қорғайды. Бұған қоса, кипрлық әріптестеріміз Қазақстанның Altyn Visa бағдарламасын қолдана алады. Бұл визаны алған кәсіпкерлер мен мамандарға салық және көші-қон мәселесіне қатысты жеңілдіктер ұсынылады», – деді Қасым-Жомарт Тоқаев.

Президенттің сөзінше, қазір елімізде Кипр капиталының қатысуымен 400-ден...

Ақсу қаласында прокуратура айыпты әйел жазадан құтылу үшін жалған жүктілік анықтамасын алғанын анықтады.

Noks.kz ақпаратына қарағанда, тексеру барысында жүргізуші куәлігі жоқ әйел мас күйінде көлік тізгіндеп, жол-көлік оқиғасына қатысқаны белгілі болған.

Сот кезінде ол жүкті екенін айтып, анықтама ұсынған. Әйелдің аяғы ауыр екені ескеріліп, әкімшілік қамау айыппұлмен алмастырылған.

Алайда прокуратура жүргізген тексеру медициналық құжат жалған екенін көрсетті. Осы факті бойынша жалған құжаттарды пайдалану бабымен сотқа дейінгі тергеу басталды.

Сонымен қатар полиция қызметкерлерінің ықтимал қатысы да тексеріліп жатыр. Құқық қорғау органдары әзірге іске қатысты толық мәлімет таратқан жоқ.

Ақсу прокуратурасы соттың бастапқы шешіміне наразылық білдіріп, жазаны қатаңдатуды талап етті. Нәтижесінде...

Димаш Құдайберген Алматы облысындағы «Баянкөл» шекара бекетіне барып, әскерилермен кездесті. Бұл туралы ҰҚК хабарлады.

Димаш сарбаздармен кездесіп, ел шекарасының қауіпсіздігі үшін жасаған қызметіне алғыс айтты. Сондай-ақ ол шекарашылар мен қызмет иттерінің достығы туралы «Таймас» фильмінің түсірілімімен танысты. Фильм режиссері – Ғалым Асылов.

Бұған дейін Димаштың өзі де режиссермен кездескенін парақшасында бөліскен еді.

«Жақын арада таныстыратын жаңа жобалар қарсаңында, досым Ғалым Асылов түсіріп жатқан фильмнің түсірілім алаңына баруды жөн көрдім. Ол соңғы жылдары менің бірнеше музыкалық бейнебаянымды түсіріп, көрермендердің ықыласына бөленген болатын. Бүкіл түсірілім тобына табыс пен сәттілік тілеймін», – деп жазды Димаш.

Тағы да оқыңыз:

BINOM мектептер желісінің әкімшілігі 2026-2027 оқу жылына бірінші сынып оқушылары қабылданбай жатыр деген ақпаратқа пікір білдірді.

Мектеп әкімшілігінің мәліметінше, бірінші сыныпқа өтінім қабылдау жүргізілген. Алайда орындар қабылдау басталған алғашқы минуттарда-ақ түгелдей толып үлгерген. Соған байланысты резервтік тізім ашылған. Мектепке қабылдау тұрғылықты жер бойынша жүргізілгенімен, орынның тапшылығынан баланың автоматты түрде оқуға түсіп кетуіне кепілдік жоқ.

Ресми түсініктемеде орыс сыныптарына деген сұраныс орын санынан бірнеше есе жоғары екені ерекше атап өтілген.

«Мектептегі жалпы сынып жиынтығының тек 20%-ға жуығы орыс сыныптарының үлесіне тиесілі. Осы себепті өтініштерді қабылдау басталған алғашқы минуттарда-ақ бұл сыныптардағы бос орындар толығымен толып үлгереді.

Бірінші сыныптарға...

Алматы қаласында мемлекеттік рәміздер күніне орайластырылған ауқымды мерекелік Open-Air концерт ұйымдастырылады. Іс-шара заманауи фестиваль форматында өтіп, әртүрлі буын өкілдерін бір алаңға тоғыстырады.

Мерекелік концертте қазақ эстрадасының танымал жұлдыздары өнер көрсетеді. Сахна төрінде Айдар Тұрғанбек, Төреғали Төреәлі, Әбдіжаппар Әлқожа, Тұрар, Ақбота-Нұр Сейтмағамбет, Баянсұлу, Диная және Ернар Жұматаев сияқты танымал әншілер өнер көрсетеді. Сонымен қатар кешті «КешYOU», «Алашұлы» және «Абырой» топтары қыздыра түспек.

Ұйымдастырушылар барша алматылықтар мен қала қонақтарын мемлекеттік рәміздер күніне арналған мерекелік кешті бірге тамашалауға шақырады.

Мерекелік шара Алматы қаласындағы Көк-Төбе демалыс саябағында өтеді. Концерт 2026 жылдың 4 маусымы күні сағат 17:00-де басталып, 21:00-ге дейін жалғасады.

Еске сала кетейік, бұған...

Астана қаласының Сарайшық ауданында Жүргенов көшесіндегі 10 қабатты тұрғын үйдің 7-қабатынан өрт шықты. Оқиға орнына ТЖМ қызметкерлері барды.

ТЖМ мәліметінше, 7-қабаттың балконында жеке заттар жанған. Жалын бірте-бірте 8-қабаттың балконына таралған.

«Оқиға орнына келген ТЖМ бөлімшелері өртті шағын аумақта жедел сөндіріп, жалынның пәтер ішіне таралуына жол бермеді. Өрт сөндірушілер келгенге дейін тұрғындар өздігінен эвакуацияланды», – делінген хабарламада.

Өрт салдарынан зардап шеккендер жоқ.

Бұған дейін Астана қаласындағы балалар ауруханасының ғимаратынан өрт шыққан еді.

Түркістанда ауыл шаруашылығы қажеттіліктеріне арналған дрон шығаратын зауыт жұмысын бастады. 

Жобаны «Avatar Agricultural Technology Development» компаниясы қолға алған. Жылына 500 дана техника өндіреді.

Ауыл шаруашылығына арналған дрондар егіс алқаптарын дәрілеу жұмыстарын жеңілдетпек. Бір аппараттың өзі 70 литр сұйықтықты еркін көтеріп, 5 гектар жерді өңдеуге қауқарлы. Бұл технология шығынды азайтып, жұмыс өнімділігін айтарлықтай арттырады.

Қазірдің өзінде кәсіпорынға 20 тапсырыс түскен. Сондай-ақ келесі жылдан бастап өрт сөндіретін және жүк таситын дрондарды шығару жоспарланып отыр.

Тағы да оқыңыз: Түрік инвесторлары Ақтөбеде зауыт ашып, дрон шығарады

2026 жылдың 12 шілдесінен бастап Қазақстанда жалға берілетін тұрғын үйді субсидиялау бағдарламасына бақылау күшейтіледі.

Digital Business ақпаратына қарағанда, әкімдіктер мен Отбасы банк мемлекеттік қолдау алатын азаматтардың пәтерлерінде шынымен тұрып жатқанын тексереді.

Тексеру тек әлеуметтік осал санаттағы азаматтарға қатысты болады. Олардың қатарында көпбалалы отбасылар, жетім балалар, І және ІІ топтағы мүгедектігі бар адамдар және мүгедек бала тәрбиелеп отырған отбасылар бар. Бұл азаматтарға мемлекет жалдау ақысының 50 пайызын өтейді.

Билік жалған құжат рәсімдеу арқылы бюджет қаражатын заңсыз алудың алдын алуды көздеп отыр. Осы мақсатта әкімдіктер мен Отбасы банк нақты уақыт режимінде мәлімет алмасып, тұрақты мониторинг жүргізеді.

Ал мемлекеттік субсидия алмайтын қарапайым...

Ұлттық балаларды оңалту орталығы (ҰБОО) ұйымдастырған халықаралық конференция аясында танымал әншілер Төреғали Төреәлі мен Ернар Сәдірбаев (Amre) орталық тарихында тұңғыш рет «Ізгі ниет елшісі» мәртебесімен марапатталды.

Бастама орталық тәжірибесінде алғаш рет жүзеге асып отырғандықтан, қоғам тарапынан «бұл нені білдіреді» деген сұрақтар қойылған.

Ұлттық балаларды оңалту орталығының директоры Ажар Ғинияттың айтуынша, елшілердің басты миссиясы ерекше қажеттіліктері бар балалардың мәселелеріне қоғам назарын аударту. Инклюзивті орта қалыптастыруға ықпал ету.

«Танымал өнерпаздар шығармашылығы мен қоғамдық белсенділігі арқылы балаларға үміт сыйлап, әлеуметтік маңызы бар бастамаларға ұдайы қолдау көрсетіп келеді. Олардың бұл қадамы орталығымыздың миссиясын кеңінен танытуға және қоғамда мейірімділік пен жауапкершілік...

Қазақстандық танымал спортшы Еркебұлан Тоқтар америкалық блогер әрі бокс промоутері Джейк Пол негізін қалаған Most Valuable Promotions (MVP) бокс лигасында бағын сынау мүмкіндігін қарастырып жатыр.

Жаңалықты спортшы журналист Әмір Тәжібаевқа берген сұхбатында айтты. Оның сөзінше, қазіргі уақытта Zuffa Boxing лигасына шығу мүмкіндігі шектеулі болғанымен, MVP жобасының өкілдерімен белсенді түрде келіссөздер жүргізіліп жатыр.

«Әзірге Джейк Полдың бокс лигасы. Zuffa Boxing-ке шыға алмаймын, ал MVP-де мүмкіндік бар. Қазір сол жақпен сөйлесіп жатыр», – деді Еркебұлан Тоқтар.

Most Valuable Promotions (MVP) деген не?

Ұйымның негізін 2021 жылы танымал блогер әрі кәсіпқой боксшы Джейк Пол қалаған.

Лига кәсіби...

Голливуд сауда палатасы Англия құрамасының бұрынғы футболшысы әрі «Интер Майами» МЛС клубының иесі Дэвид Бекхэмнің әйгілі «Даңқ аллеясында» жеке жұлдызы пайда болатынын ресми түрде мәлімдеді.

Салтанатты шара 12 маусымда Лос-Анджелестегі Голливуд бульварында өтеді. Рәсімге танымал актер Том Круз және футболшының жары, «Spice Girls» тобының бұрынғы мүшесі Виктория Бекхэм қатысады.

«Бекхэмнің Америка Құрама Штаттарындағы футболдың танымалдылығын арттырудағы рөлі және оның спортқа, ойын-сауық саласы мен әлемдік мәдениетке тигізген теңдессіз әсері бұл марапаттың мәнін одан сайын арттыра түседі», – деп атап өтті шара продюсері Ана Мартинес.

Жұлдыздың ашылу рәсімі АҚШ, Мексика және Канада бірлесіп өткізетін 2026 жылғы Әлем...

Қазақстандықтар ЖИ-ді көбіне кеңес алуға немесе мәтін өңдеу үшін қолданады екен. Бұл туралы ЖИ министрлігінің сайтында жазылған.

Нақты айтқанда:

Хабарламалардың 42%-дан астамы сұрақ немесе ақпарат тауып беру туралы сұраныс негізінде қалыптастырылады. Шамамен 32%-ы белгілі бір тапсырманы орындауға бағытталған.

ЖИ-ді негізінен жастар белсенді қолданады екен. Барлық сұраныстардың 72%-ы 18 бен 34 жас аралығындағы пайдаланушыларға тиесілі. Оның ішінде 18–24 жастағылар хабарламалардың 36,2%-ын жолдаса, 25–34 жастағы топ 35,8%-ын құрап, олардан сәл ғана қалыс қалып тұр.

Қолдану мақсаттарына келсек, ең жас буын көбіне мәтін мен мультимедиаға...

Биыл Астанада миллионнан астам жасыл желек отырғызу жоспарланып отыр. Көгалдандыру кампаниясы аясында елордада 70 мың ағаш, 250 мыңнан астам көпжылдық гүл және 500 мың бұта егіледі.

Қалалық инфрақұрылымды дамыту аясында абаттандыру жұмыстары қаланың басты магистральдарын қамтиды.

24kz арнасының жазуынша, олардың қатарында Қалдаяқов, Кенесары көшелері мен Мәңгілік Ел, Қабанбай батыр, Бауыржан Момышұлы, Қошқарбаев және Ұлы Дала даңғылдары бар.

Биылғы инфрақұрылымдық жобалардың басты тренді – жаяу жүргіншілер үшін кедергісіз орта құру. Сондай-ақ «Мыңжылдық» аллеясы мен Greenline гүлзары сияқты ірі нысандар басымдыққа ие. Жедел мәліметтерге сәйкес, бекітілген 170 қоғамдық кеңістіктің 30%-дан астамында жұмыс аяқталған.

Елордалық урбанистика және көгалдандыру процесіне жеке капитал...

Димаш Құдайбергеннің Латын Америкасындағы жанкүйерлері алты елдің тыңдармандарын біріктірген «Өмір» атты халықаралық шығармашылық жобаны таныстырды.

Жобаға Коста-Рика, Мексика, Боливия, Аргентина, Уругвай және Чили елдеріндегі Dears қауымдастығының мүшелері қатысты. Олар Димаштың «Өмір» әнін қазақ тілінде орындап, өнер иесіне деген құрметтері мен ықыластарын білдірді.

Жоба қатысушыларының айтуынша, бұл ән Димаш үшін де, оның әлемдегі жанкүйерлері үшін де ерекше маңызға ие. Әрбір қатысушы өз дауысын, уақытын және шығармашылық еңбегін ортақ мақсат жолында біріктірген.

Ұйымдастырушылардың сөзінше, алты елдің жанкүйерлері Димаштың шығармашылық жолына құрмет көрсету және туған күнін атап өту үшін «біртұтас үнге» айналған.

Әлемнің түкпір-түкпіріндегі Димаш жанкүйерлері оның әндерін қазақ тілінде орындап...

Қазақстанда әкімшілік істерге рақымшылық жасау аясында 500 мыңнан астам азаматтың айыппұлы кешіріледі. Бұл туралы Ішкі істер министрінің орынбасары Санжар Әділов айтты.

Оның айтуынша, Ішкі істер органдарының құзыретіне жататын Әкімшілік құқық бұзушылық туралы кодекстің 58-бабы амнистия шарасының аясында қарастырылып отыр.

«Алдын ала есеп бойынша жалпы сомасы 17 миллиард теңгеден асатын 1 миллионнан астам айыппұл есептен шығарылады», – деді ол.

Санжар Әділовтың сөзінше, төленбеген айыппұлдары кешірілетін әкімшілік құқық бұзушылықтардың басым бөлігі жол қозғалысы ережелерін бұзуға қатысты.

Алайда амнистия заңсыз есірткі және қару айналымына байланысты құқық бұзушылықтарға, сот шешімдерімен байланысты істерге, сондай-ақ қайталанған және қасақана жасалған өрескел...

Бүгін Тоқаев Президент Әкімшілігінің жетекшісі Роман Склярға жаңа көмекші тағайындады. Бұл туралы Ақорда хабарлады.

«Ержан Нұрланұлы Жиенбаев Қазақстан Республикасы Президентінің Әкімшілігі Басшысының орынбасары  болып тағайындалды, ол бұрынғы атқарған лауазымынан босатылды», – деп жазылған хабарламада.

Ержан Жиенбаев 1981 жылы Алматыда дүниеге келген. «Тұран» университетін «Құқықтану» мамандығы бойынша бітірген. 2018 жылы Ресей халық шаруашылығы және мемлекеттік қызмет академиясының (РАНХиГС) Executive MBA бағдарламасы бойынша білім алған.

2002-2005 жылдар аралығында Қаржы министрлігі жүйесінде еңбек етті. 2005 жылдан 2012 жылға дейін Премьер-министр кеңсесінің құрылымында түрлі қызметтер атқарды: аға сарапшы, бас сарапшы, бас кеңесші, сектор меңгерушісі және заң бөлімі меңгерушісінің орынбасары...

Иранның Ислам революциясы сақшылар корпусы АҚШ-тың бір күн бұрын жасаған шабуылдарына қарымта жауап берді.

Таяу Шығыстағы АҚШ-тың нысандары мен сауда кемесіне зымырандар мен ұшқышсыз аппараттар арқылы соққы берген. Бұл туралы PressTV телеарнасы хабарлады.

Иран әскері АҚШ-пен байланысты Panaya сауда кемесіне кемеге қарсы зымыранмен соққы жасаған. Сонымен қатар АҚШ Әскери-теңіз күштерінің Бесінші жедел флотының басқару орталығы мен Таяу Шығыстағы америкалық әскери базалардың бірі нысанаға алынған.

Иран мұны АҚШ-тың Кешм аралы мен Иранмен байланысты танкерге жасаған шабуылдарына жауап деп түсіндірді. Ормұз бұғазындағы қауіпсіздікке қатер төнген жағдайда америкалық әскерилерге қатаң жауап берілетінін ескертті.

25 мамырда АҚШ президенті Дональд Трамп жанжалдасушы тараптар әлемдік мұнайды...

АҚШ-тың Бағалы қағаздар және биржалар жөніндегі комиссиясы (SEC) тарапынан 5 жылға созылған тергеудің аяқталуы Freedom Holding Corp. компаниясына қаржыландырудың жаңа халықаралық нарықтарына шығуға және АҚШ пен Еуропалық Одақта қаржылық лицензиялар алуды жеделдетуге мүмкіндік береді. Бұл туралы холдингтің бас атқарушы директоры Тимур Турлов Уэллс хабарламасы мен 2026 фискалдық жылға арналған аудиттелген қаржылық есептің жариялануына түсініктеме бере отырып мәлімдеді.

Тимур Турловтың айтуынша, тексеріс шортшылардың шабуылы болған кезде басталған және реттеуші бәрін тексеруге міндетті болған.

Істі болған Ерболат Жанабылов пен жұбайы Эльмира Төлегенова мемлекет алдындағы шығынын әлі өтемеген. Бұл туралы ішкі істер министрінің орынбасары Санжар Әділов айтты.

Вице-министрге блогерлер рақымшылыққа іліне ме деген сұрақ қойылды.

«Сіздер айтып отырған кейс орта ауырлықтағы санатқа жатады. Шығынды өтеген жағдайда жазадан құтылу түрінде рақымшылық қолданады. Ол кейс бойынша шығын бар. Бірақ аталған жағдайда шығын өтелмегендіктен, қылмыстық жауапкершіліктен босату деген рақымшылық қолданылмайды», – деді спикер.

27 сәуірде заңсыз лоторея ұйымдастырды деген айыппен ерлі-зайыпты блогер Ерболат Жанабылов пен Эльмира Төлегенова сотталған. Жанабылов мүлкі тәркіленіп, екі жылға шартты түрде сотталды. Ал Эльмира Төлегенованың мүлк...