Жаңалықтар

Құрылтай депутаттары сайлауының бюджеті қазіргі уақытта қалыптасып жатыр, деп хабарлады Орталық сайлау комиссиясының мүшесі Михаил Бортник брифингте.

Оның айтуынша, қазіргі уақытта аумақтық сайлау комиссиялары бюджеттік өтінімдерді жасап жатыр. Олардың негізінде ОСК шығыстар сметасын дайындайды.

«Шығындардың жиынтық есебі Қазақстан Республикасының Үкіметіне жіберіледі. Қорытынды сома үкіметтің шешімімен анықталады», – деді Бортник.

Ол Құрылтай сайлауы жергілікті атқарушы органдардың шоттары арқылы республикалық бюджет қаражатынан қаржыландырылатынын атап өтті. Бұл ретте сайлауды өткізуге арналған шығыстар 2026 жылдың бюджетінде қаралмаған.

«Сайлауды өткізу 2026 жылдың бюджетінде көзделмеген, сондықтан қаражат үкімет резервінен бөлінеді», – деп хабарлады ОСК мүшесі.

Бортникт...

Ұлттық банк мамыр айында биржалық сауда-саттықта 92 млн доллар сатып алды, деп хабарлайды қаржы институтының баспасөз қызметі.

«БЖЗҚ-ның зейнетақы активтеріндегі валюталардың үлесін тұрақты ұстап тұру үшін Ұлттық Банк маусым айында биржадағы сауда-саттық кезінде шетелдік валюта сатып алды. Оның жалпы сомасы 92 млн АҚШ долларын немесе жалпы сауда-саттық көлемінің 1,2%-ға жуығын құрады», – делінген хабарламада.

Алдағы шешімдер зейнетақы активтерін инвестициялық басқару аясындағы нарықтық жағдайды ескере отырып қабылданатын болады, деп толықтырды Ұлттық банк.

Маусым айының қорытындысы бойынша теңге бағамы 1,3%-ға нығайып, бір доллар үшін 479,98 теңгені құрады. Қазақстан қор биржасындағы бір күндік орташа сауда-саттық көлемі бір...

Саяси партиялардың Құрылтай сайлауы бойынша сайлау қорларының шекті мөлшері ұлғаяды, бұл ҚР Орталық сайлау комиссиясының отырысында ұсынылған материалдардан белгілі болды.

ОСК мүшесі Әсел Жанабілова кандидаттарды және саяси партиялардың үгіт-насихат жұмыстарын қаржыландыру сайлау қордары арқылы жүзеге асырылатынын атап өтті.

«Бұл түбегейлі маңызды талап, өйткені бұл аталған қаражаттың қайдан алғанының ашықтығын, бақылауды, сондай-ақ сайлау процесіне қатысушылар үшін тең мүмкіндіктерді қамтамасыз етеді. Заңмен қордан тыс қаржыландыруды тартуға, сондай-ақ, материалдық көмек қабылдауға тыйым салынады. Басқаша айтқанда, үгіт-насихатқа жұмсалатын барлық шығыстар заңмен белгіленген механизм арқылы өтуі тиіс», – деді ол.

Жанабілованың айтуынша, сайлау қорлары саяси партиялардың өз қаражатынан, сондай-ақ ҚР...

УЕФА клубтардың қаржылық ресурстарын бақылау жөніндегі органының (CFCB) Бірінші палатасы қаржылық тұрақтылық талаптарын бұзды деп танылған 14 клубқа сөзсіз тәртіптік шара қолданды.

CFCB 2025/26 жылғы маусымдағы УЕФА клубтық жарыстарына қатысатын клубтарды бағалауды аяқтады және бүгін қаржылық тұрақтылық талаптарын бұзған клубтарға қатысты бірқатар шешімдерді жариялады.

CFCB Бірінші палатасы «Ньюкасл Юнайтед» (Англия), «Ювентус» (Италия), «Ницца» (Франция), «Санта-Клара» (Португалия), «Астана» (Қазақстан) және «Партизан» (Сербия) футбол клубтарының футболшылардың табысы туралы ережені сақтамағанын анықтады, бұл ереже алғаш рет 2025/26 жылғы маусымда үш жылдық жиынтық көрсеткіш негізінде бағаланды. CFCB бағалауы 2023, 2024 және 2025 жылдары аяқталатын қаржылық жылдарды қамтыды.

УЕФА мәліметінше, «Астана» ФК мен «Партизан...

Алматы облысында 1 шілдеде Қаскелең өзені арқылы өтетін көпірдің аралық құрылымы қирады, деп хабарлады өңір әкімдігінің баспасөз қызметі.

Қатты жауын-шашын салдарынан су деңгейі күрт көтерілді. Ақсай өзені бойынша су шығыны секундына 6 м³ құрап, көпжылдық орташа нормадан асып кетті. Кейбір учаскелерде су арнасынан шықты. Қаскелең өзеніндегі гидротехникалық құрылыстың жанында да күшті ағын байқалды.

«Қаскелең шатқалында өзен арқылы «Искра» бау-бақша қоғамына апаратын көпірдің аралық құрылымы қирады. Құрылыстың ұзындығы – 15 м, ені – 4 м. Көпір 2018-2019 жылдары тұрғындардың қаражаты есебінен салынған бау-бақша ішіндегі жолда орналасқан. Ол жергілікті атқарушы органдардың теңгерімінде (балансында) жоқ», – деп хабарлады әкімдіктен.

Home Credit Bank жалпы көлемі 300 млрд теңге болатын бесінші облигациялық бағдарламаны тіркеуді мақұлдады. Банк осы бағдарлама аясында Қазақстан қор биржасында (KASE) облигациялардың үш шығарылымын орналастыруды жоспарлап отыр.

Бағдарламаның көлемі банктің меншікті капиталынан асып түседі. 2026 жылғы 1 сәуірдегі жағдай бойынша Home Credit Bank капиталы 245,4 млрд теңгені құрады. Осылайша, облигациялық бағдарламаның көлемі бұл көрсеткіштен 54,6 млрд теңгеге немесе 22,2%-ға артық болды.

Бағдарлама сомасы банктің 2025 жылғы таза пайдасынан шамамен жеті есе асып түседі. Өткен жылдың қорытындысы бойынша Home Credit Bank 43 млрд теңге тапты, бұл бір жыл бұрынғыға қарағанда 23%-ға артық.

Маусым айында банктің жалғыз акционері – ForteBank...

Алматының Наурызбай ауданында сел жүру қаупі салдарынан 60 тұрғын үйге қауіп төніп тұр. Бұл туралы аудан әкімдігі хабарлады.

Қауіп аймағында қалған үйлер Жандосов көшесінен жоғары орналасқан «Весна», «Эдельвейс», «Щедрость» және «Бодрость» бау-бақша серіктестіктерінде орналасқан.

Әкімдіктің мәліметінше, 1 шілде күні сағат 10:00-де Ақсай өзеніне мониторинг жүргізу барысында толассыз жауыннан тау беткейлерінен су аққаны анықталды.

Ал сағат 15:00-дегі жағдай бойынша, Ақсай бөгетінде судың асып-тасуы тіркелді. Мамандар мұны судың дамба немесе оның табанындағы грунт арқылы баяу жайылып ағуы деп түсіндірді.

Осыдан кейін қалада дабылды құрылғылар іске қосылды. Тұрғындар үшін қажет болған жағдайда уақытша орналасатын төрт қабылдау пункті дайындалды:

Қырғызстанда «э» әрпінен бас тартпақшы. Жақында қырғыз тілі орфографиясының жаңа ережелерінің жобасы таныстырылды. Жоба авторлары «э» әрпінің орнына «е» әрпін ғана қолдануды ұсынып отыр.

Ұсынылған жобаға сәйкес, «Э» әрпі «Е» дыбысын қайталайтын әріп ретінде танылған. Осыған байланысты, авторлар қырғыз сөздерінің басында, ортасында және соңында тек «Е» әрпін қолдануды ұсынады.

Егер бұл ережелер күшіне енсе, қырғыз тіліндегі «эки» (екі), «эгемен» (егемен), «эне» (ана) сияқты сөздер сәйкесінше «еки», «егемен» және «ене» болып жазылады. Сондай-ақ, созылыңқы дауысты дыбыстар да осы форматқа көшеді: мысалы, «ээр» (ер-тоқым) және «бээ» (бие) сөздерінің орнына «еер» және «бее» деп жазу ұсынылып отыр.

Ал «Э» әрпін тек басқа тілдерден енген және қырғыз тіліне бейімделмеген «мэр», «экран...

Атырауда Әл-Фараби атындағы BINOM мектебінің маңында жол апатынан жеті жасар қыз көз жұмған.

Halyqstan ақпаратына қарағанда, оқушының әкесі сотта жүргізушіні кешіретінін айтып, оған қатаң жаза тағайындауды талап етпеді.

Қайғылы оқиға 6 сәуір күні таңертең Нұрсая шағын ауданында болған. Бірінші сынып оқушысы реттелмейтін жаяу жүргіншілер өткелінен өтіп бара жатқанда оны Toyota Hiace шағын автобусы қағып кеткен. Қыз алған жарақатынан жедел жәрдем жеткенше көз жұмған.

Сотта жүргізуші жол қозғалысы ережесін бұзып, абайсызда адам өліміне себепкер болғаны үшін кінәсін толық мойындап, марқұмның отбасынан кешірім сұрады.

Қаза болған қыздың әкесі өзі де көп жылдан бері жүргізуші болып жұмыс істейтінін айтып, сотталушыға ешқандай...

Pinduoduo, Amazon, AliExpress және Temu сияқты шетелдік маркетплейстерден тауар сатыла алуға қатысты жаңа талап кейінге қалдырылды. Жаңа ереже 1 шілдеден күшіне енуі тисі еді. Бұл туралы Мемлекеттік кірістер комитеті хабарлады.

Еуразиялық экономикалық одақ (ЕАЭО) елдері жаңа тәртіпті жаздың ортасынан бастап енгізуді көздеген болатын.

Бұған дейін бекітілген жоспар бойынша, шетелден келетін пошта жөнелтілімдері енді «жеке пайдалануға арналған тауарлар» санатына жатпайтын. Олар үшін «электрондық сауда тауарлары» деген бөлек санат енгізіліп, арнайы кедендік декларация толтырылуы тиіс болған.

Жаңа жүйеде де тауарды баж салығынсыз әкелу шегі 200 еуро деңгейінде қалады. Бірақ сәлемдеме құны бұл сомадан асып кетсе, тек асып тұрған бөлігінен емес...

Чилидегі Вера К. Рубин обсерваториясы түнгі аспанды 10 жыл бойы үздіксіз бақылайтын ауқымды ғылыми жобаны іске қосты.

Science ақпаратына қарағанда, обсерватория бірнеше түн сайын Чили тауынан көрінетін аспанның бүкіл бөлігін әлемдегі ең ірі цифрлық камераның көмегімен түсіріп, осы процесті он жыл бойы қайталайды. Жоба барысында астероидтар, жарылып жатқан жұлдыздар, алыстағы галактикалардың өзгерістері және басқа да ғарыш құбылыстары тіркеледі.

Ғалымдардың айтуынша, телескоптың алғашқы жұмыс жылының өзінде жиналатын деректер көлемі бұрынғы барлық оптикалық телескоптардың мәліметтерінен асып түседі.

Құны 800 миллион доллар болатын телескоптың 8,4 метрлік айнасы және 3200 мегапиксельді алып камерасы бар. Ол бір түнде 1000-ға дейін сурет түсіріп, шамамен...

NASA 2028 жылдың соңына қарай Айға төрт жаңа миссия жіберу үшін Astrobotic, Firefly Aerospace және Intuitive Machines компанияларын таңдады.

Бұл миссиялар болашақта Айда тұрақты база құру бағдарламасының бір бөлігі болады.

Жобаға жалпы 600 миллион долларға жуық қаржы бөлінді. Компаниялар Ай бетіне NASA-ның ғылыми жабдықтарын жеткізеді.

NASA мәліметінше, жаңа миссиялар Айдағы ұзақ мерзімді инфрақұрылымды дамытуға және болашақта адам қатысатын экспедицияларға дайындалуға мүмкіндік береді.

Миссиялар барысында Айға үш негізгі ғылыми құрал жеткізіледі:

Сонымен...

1 шілдеден Қазақстанда референдум арқылы қабылданған жаңа Конституция күшіне енді. Жаңа Ата заңда теңгенің елдің жалғыз әрі дербес ұлттық валютасы екені ресми түрде бекітілді. Конституцияның 2-бабына сәйкес, теңгені айналымға шығару құқығы тек Қазақстан мемлекетіне ғана тиесілі. Ескі заңда теңгенің статусын айқындайтын бап болмаған.

Теңгенің ұлттық валюта, төлем және жинақтау құралы ретіндегі бұл құқықтық мәртебесі елдің қаржылық дербестігі мен экономикалық тәуелсіздігін толық қамтамасыз етеді.

Ұлттық Банктің мәлімдеуінше, бұл қадамның стратегиялық маңызы зор.

«Ұлттық валютаның конституциялық мәртебе алуы ұзақмерзімді ақша-кредит саясатын жүргізудің құқықтық негізін күшейтеді. Мемлекеттің ұлттық валютаны шығару құқығын Конституцияда бекіту қаржылы...

Солтүстік Қазақстан облысында жол-көлік оқиғасы орнына барған медбикеге ер адамдар күш көрсеткен. Олар қолынан, аяғынан және іш тұсынан ұрып тастаған. Аталған факті бойынша қылмыстық іс қозғалды.

Полиция департаментінің мәліметінше, оқиға Шал ақын ауданындағы Чудесай өзенінің маңында болған.

«Lada автокөлігі аударылып қалған соң, оқиға орнына патрульдік полиция қызметкерлері мен жедел жәрдем бригадасы барған. Алайда мамандардың жұмысына көлік ішіндегі жолаушылардың бірі кедергі келтірген. 62 жастағы ер адам мас күйінде 37 жастағы медбикеге шабуыл жасап, оның қолы, аяғы және іш тұсынан ұрған», – деп хабарлады Солтүстік Қазақстан облысы полиция департаментінің баспасөз қызметі.

Құқық қорғау органдары...

Алматыда Денис Тен, Наталья Сац және Әмен Қайдаров атындағы жаңа көшелер пайда болды. Алматы әкімдігінің қаулысымен, қаладағы ондаған көшеге жаңа атау берілді.

Олардың арасында Вьетнамның бұрынғы президенті Хо Ши Мин, режиссер, театр қайраткері Наталья Сац, академик Әбдуәли Қайдар есімдері бар. Олимпиаданың қола жүлдегері Денис Теннің аты да бір көшеге берілді. Тұңғыш Президент саябағының оң жағындағы, «Архат» ықшамауданындағы 7-көше енді спортшының есімімен аталады. Дәл осы аудандағы 2-көшеге белгілі кинорежиссер, суретші Әмен Қайдаровтың аты беріледі.

Ал Бостандық ауданындағы 26-көше енді Әбдіжәміл Нұрпейісов, ал «Мамыр-1» және «Мамыр-2» шағынаудандарының арасындағы 3-көше Рәбиға Сыздық атындағы көше деп аталады.

Алматыда Денис Теннің құрметіне қойылған ескерткіш...

Ресейдің Краснояр өлкесіндегі Минусинск ауданында балалар мінген автобус жол жиегіне аударылып, екі адам зардап шекті.

Іnterfax ақпаратына қарағанда, апат салдарынан бір әйел мен 15 жастағы жасөспірім жарақат алып, ауруханаға жеткізілді.

Полицияның хабарлауынша, автобус салонында 27 бала болған. Қазіргі уақытта оқиғаның мән-жайы анықталып жатыр.

Тергеу мәліметіне сәйкес, Hyundai автобусы балалар лагерінен қайтып келе жатқан. Жолдың 32-шақырымында қарсы бағытқа Kia Sportage көлігі шығып кеткен. Соқтығысуды болдырмау үшін автобус жүргізушісі рульді оңға бұрып, көлік жол жиегіне шығып, аударылған.

Ал Kia Sportage көлігінің жүргізушісі полицияға рөлде отырып ұйықтап кеткенін айтқан.

Ал Қазақстанның Қызылорда облысында 47 шетел азаматы мінген автобус жүк көлігімен...

Алматыда Орталық Азиядағы ең ірі Гимнастика орталығы салынатын болды. Бұл туралы президент Тоқаевтың Халықаралық гимнастика федерациясының президенті (FIG) Моринари Ватанабэмен және Азия гимнастикалық одағының (AGU) президенті Абдулрахман Әл-Шатримен кездесуінде белгілі болды.

Екі тарап елімізде гимнастика спорты түрлерін дамыту және насихаттау бойынша ынтымақтастық перспективасын талқылады. Қазір Қазақстанда жергілікті залдармен қатар, ұлттық құрама жаттығатын және халықаралық жарыстар ұйымдастырылатын үш арнаулы кешен жұмыс істейді. Енді халықаралық деңгейдегі жаңа кешен салынбақ.

Моринари Ватанабэ мен Абдулрахман Әл-Шатри Қазақстан басшылығының кәсіби және бұқаралық спортқа көрсетіп отырған қолдауына оң баға берді.

Тоқаев Қазақстанда және әлемде гимнастика спортын дамытуға сіңірген еңбегі үшін Халықаралық гимнастика федерациясыны...

Алматы қаласының Наурызбай ауданында таулы аймақта сел жүру қаупіне байланысты тұрғындарды эвакуациялау жұмыстары жүргізіліп жатыр.

Төтенше жағдайлар департаментінің мәліметінше, сел қаупінің күшеюіне байланысты Ақсай өзенінің арнасы бойындағы аумақтан тұрғындар қауіпсіз жерге көшіріліп жатыр.

Олар уақытша аудан мектептерінің базасында ұйымдастырылған қабылдау пункттеріне орналастырылып жатыр.

Қазіргі уақытта ТЖД жанынан жедел штаб құрылып, азаматтық қорғау қызметтерінің барлық күші жұмылдырылды. Құтқару және көшіру шаралары жоспарлы түрде атқарылып жатыр, жағдай толық бақылауда«, – деп хабарлады ведомство.

Сонымен қатар, 8 (727) 279-22-32 нөмірі бойынша жедел желі іске қосылды. Қазіргі уақытта оған төрт қоңырау келіп түскен.

Бұған дейін Алматы...

Қазақстанда әр отбасының әлеуметтік жағдайын нақты анықтау үшін жаңа жүйе енгізілмек. Бұл туралы Үкімет отырысында Еңбек және халықты әлеуметтік қорғау министрі Асқарбек Ертаев мәлімдеді. Министрдің айтуынша, қазір отбасылардың әл-ауқатын бағалау әдістемесі жаңартылып, «Отбасының цифрлық картасы» жетілдіріліп жатыр.

Жобаның келесі кезеңі – «eGov Mobile» мобильді қосымшасында әрбір үйдің дербес цифрлық профилін қалыптастыру.

Яғни мұнда әр отбасының табысы ғана емес, нақты шығыны мен қарызы, төлейтін несиесі туралы мәліметтер де жинақталады. Ол үшін цифрлық жүйе Қаржы министрлігі, екінші деңгейлі банктер мен несие бюроларының деректер базасымен толық байланысады.

Министрдің сөзінше, мұндай қадам мемлекетке әрбір отбасының шынайы қаржы ахуалын анық көруге мүмкіндік береді.

Яғни...

Президент Қасым-Жомарт Тоқаев «Қазақстан Республикасы Құрылтайының сайлауын тағайындау туралы» жарлыққа қол қойды.

Президент қаулысында Құрылтай депутаттарын сайлау 2026 жылғы 23 тамызға тағайындалғаны көрсетілген.

Орталық сайлау комиссиясына Қазақстан Республикасы Құрылтайының депутаттарын сайлауға дайындықты және оны өткізуді ұйымдастыру тапсырылып отыр.

Үкіметке, Астананың, облыстардың, республикалық маңызы бар қалалардың әкімдеріне Қазақстан Республикасы Құрылтайының депутаттарын сайлауды ұйымдастырушылық, материалдық-техникалық және қаржылық қамтамасыз ету жөніндегі барлық қажетті шараны кідіріссіз қабылдау бұйырылған.

Жарлық жарияланған күнінен бастап қолданысқа енгізіледі.

Қазақстан президенті жаңа Конституциясының күшіне енуіне орай үндеу жариялады. Ол бүгіннен бастап ел тарихында жаңа дәуір басталғанын атап өтті.

Бірнеше банк алдында төленбеген кредиті бар азаматтар үшін жаңа мүмкіндік пайда болды. 2026 жылдың 1 шілдесінен Қаржы нарығын реттеу және дамыту агенттігі мен Бірінші кредиттік бюро бірлесіп әзірлеген «Finkelisim.kz» бірыңғай цифрлық платформасы жұмысын бастады. Ол жерде бүкіл кредитті біріктіріп, бір төлем кестесін жасатып алуға болады.

Жаңа жүйенің тиімділігі – бұған дейін қарыз алушы әр несие ұйымына жеке-жеке барып өтініш білдірсе, енді платформа арқылы бәріне бір ғана өтініш жолдай алады.

Платформа азаматтың бүкіл қарызы туралы мәліметті автоматты түрде жинақтап, тиісті құжаттарды дайындайды.

Өтініш мақұлданса, заңды тұлғаларға 5 жылға дейін, ал халықтың әлеуметтік осал топтары мен атаулы...

Парламент ғимаратындағы Мәжіліс пен Сенат атауы алынып тасталды деп жазады Kursiv.Media.

Жұмысшылардың Парламент ғимарат сыртындағы «Қазақстан Республикасы Парламентінің мәжілісі» деген жазуды алып жатқан суреттері желіге тарады. Дәл солай «Қазақстан Республикасы Парламенті» деген жазуды да ғимарат маңдайшасынан алып тастаған.

Бірінші шілдеден бастап Қазақстанда жаңа Конституция күшіне енді. Ата Заң бойынша, Сенат жойылып, бір палаталы парламент «Құрылтай» деп аталатын болады. Құрылтай 145 депутаттан тұрады. Бәрі пропорционалдық жүйемен, яғни партиялық тізіммен сайланады. Құрылтай депутатының өкілеттілік мерзімі – 5 жыл.

30 маусымда Парламент қос палатасының соңғы бірлескен отырысы өткен. Ол жерге Тоқаев келіп қатысып, депутаттарға алғыс айтты. Мәжіліс пен Сенаттың отыз жылды...

Шығыс Қазақстан облысында тұрғын ерікті түрде полицияға 1900 жылы шығарылған сирек «Браунинг» тапаншасын тапсырды.

Yk-news ақпаратына қарағанда, 1900 жылғы өздігінен оқталатын Browning тапаншасына мамандардың да назары ерекше ауған. Бұл – әлемдегі алғашқы жаппай шығарылған өздігінен оқталатын тапаншалардың бірі. Оның авторы – әйгілі қару құрастырушы Джон Мозес Браунинг.

Сот-баллистикалық сараптама қарудың техникалық тұрғыдан жарамды екенін растады. Криминалистер химиялық өңдеу арқылы тапаншаның «4821…» деп басталатын сериялық нөмірін ішінара қалпына келтірген.

Полиция заңсыз сақталған қаруды ерікті түрде тапсырған азаматтар қылмыстық және әкімшілік жауапкершіліктен толық босатылатынын еске салды.

Полиция департаментінің мәліметінше, 20 сәуірден бері заңсыз сақталған қару-жарақ, оқ-дәрі мен жарылғыш заттарды ерікті түрде...

Жаңа оқу жылынан бастап еліміздің мектептерінде жаңа міндетті оқу пәндері енгізіледі. Бұл туралы Үкімет отырысында Оқу-ағарту министрі Жұлдыз Сүлейменова мәлімдеді.

Министрдің айтуынша, өзгерістер жаңа Конституцияны жүзеге асыру аясында әзірленген.

«Жаңа оқу жылынан бастап білім беру жүйесі бірнеше жаңа оқу пәндерімен толығады. 5-7-сынып оқушылары үшін «Конституция негіздері» пәні енгізіледі. Ал 8-11-сыныптарда «Заң және тәртіп» міндетті курсы оқытылады. Бұдан бөлек, 5–11-сынып оқушылары үшін «Жеке қауіпсіздік» міндетті курсы енгізіледі», – деді Сүлейменова.

Министрдің айтуынша, бастауыш сыныптарға арналған білім беру бағдарламасының мазмұны қайта қаралып жатыр.

«Әліппе» пәнін оқытуға 84 сағат бөлінді, ал «Ана...