Жаңалықтар

АҚШ-тың Бағалы қағаздар және биржалар жөніндегі комиссиясы (SEC) тарапынан 5 жылға созылған тергеудің аяқталуы Freedom Holding Corp. компаниясына қаржыландырудың жаңа халықаралық нарықтарына шығуға және АҚШ пен Еуропалық Одақта қаржылық лицензиялар алуды жеделдетуге мүмкіндік береді. Бұл туралы холдингтің бас атқарушы директоры Тимур Турлов Уэллс хабарламасы мен 2026 фискалдық жылға арналған аудиттелген қаржылық есептің жариялануына түсініктеме бере отырып мәлімдеді.

Тимур Турловтың айтуынша, тексеріс шортшылардың шабуылы болған кезде басталған және реттеуші бәрін тексеруге міндетті болған.

Істі болған Ерболат Жанабылов пен жұбайы Эльмира Төлегенова мемлекет алдындағы шығынын әлі өтемеген. Бұл туралы ішкі істер министрінің орынбасары Санжар Әділов айтты.

Вице-министрге блогерлер рақымшылыққа іліне ме деген сұрақ қойылды.

«Сіздер айтып отырған кейс орта ауырлықтағы санатқа жатады. Шығынды өтеген жағдайда жазадан құтылу түрінде рақымшылық қолданады. Ол кейс бойынша шығын бар. Бірақ аталған жағдайда шығын өтелмегендіктен, қылмыстық жауапкершіліктен босату деген рақымшылық қолданылмайды», – деді спикер.

27 сәуірде заңсыз лоторея ұйымдастырды деген айыппен ерлі-зайыпты блогер Ерболат Жанабылов пен Эльмира Төлегенова сотталған. Жанабылов мүлкі тәркіленіп, екі жылға шартты түрде сотталды. Ал Эльмира Төлегенованың мүлк...

Ұлттық тестілеу орталығының өкілі Ғалымжан Мұхамедьяров жас талапкерлердің ата-аналарына үндеу жасады. Оның айтуынша, орталық емтиханның адал өтуін басты назарға қояды.

«ҰБТ – әрбір отбасы үшін үлкен сынақ. Әр түлектің артында айлар бойғы дайындық, мұғалімдердің еңбегі мен ата-ананың үміті тұр. Сондықтан біздің басты міндетіміз – тек өз біліміне сенген адал қатысушылардың құқығын қорғау», – деді ол.

Ол емтиханның еш кедергісіз өтуі үшін биыл қандай шаралар қабылданғанын айтып өтті.

«Мәселен, тестілеу пункттерінің кіреберісінде бөтен тұлғалар мен тыйым салынған заттарды анықтайтын металл іздегіштер мен Face ID жұмыс істеп тұр. Сонымен қатар үздіксіз бейнебақылау...

Halyk Finance мамандарының бағалауынша, егер мұнайдың орташа бағасы барреліне 85 доллар деңгейінде сақталса, 2026 жылдың соңына қарай бір доллардың бағамы шамамен 540 теңгеге жетуі мүмкін.

Сарапшылардың айтуынша, теңгенің бұлай құнсыздануына елдегі қымбатшылық, шетелдік инвесторлардың біздің бағалы қағаздарға қызығушылығының азаюы және биыл Ұлттық қордан сатылатын доллар көлемінің былтырғыға қарағанда едәуір аз болуы тікелей әсер етеді.

Бұған қоса, үкіметтің сыртқы қарызы, мұнай бағасының тұрақсыздығы және елге кіріп-шығатын шетел валютасы көлемінің өзгеруі секілді факторлар да осы болжамға өз әсерін тигізуі мүмкін.

Еске сала кетейік, маусым айында Ұлттық қордан сатылатын валюта көлемі екі есеге қысқарып, 200-300 млн долларды құрайды деп...

Шығыс Қазақстан облысы әкімінің бұрынғы бірінші орынбасары Жақсылық Омарға қатысты шыққан сот үкімінен кейін облыс әкімі Нұрымбет Сақтағанов отставкаға өтініш жазған. Бұл туралы әкімнің баспасөз хатшысы Лаура Жақыпова хабарлады.

Заң талабы мен әкімнің отставкасы

Қазақстан Республикасының қолданыстағы заңнамасына сәйкес, тікелей бағынышты қызметкері жемқорлық қылмыс жасап, оның айыптау үкімі заңды күшіне енген жағдайда, бірінші басшы 10 күн ішінде міндетті түрде отставкаға өтініш беруі керек.

ШҚО әкімінің баспасөз хатшысы Лаура Жақыпованың айтуынша, әкім тарапынан заң талабы толық орындалған:

«Қолданыстағы заңнамаға сәйкес, Шығыс Қазақстан облысының әкімі Нұрымбет Сақтағанов белгіленген тәртіппен өзінің отставкаға кетуі туралы өтінішін жолдады. Алайда оны...

Танымал продюсер Баян Алагөзова KeshYou тобының 20 жылдық концертін дүркіретіп өткізгенімен, шоудан ешқандай пайда таппаған.

Блогер әрі PR маманы Әлішер Елікбаев Threads әлеуметтік желісінде Баян және Тұрсын Алагөзовтермен бір ұшақта түскен суретін жариялады.

Борттағы VIP орында KeshYou тобы туралы әңгіме болғанға ұқсайды.

«Қысқасы, мен бәрін анықтап білдім: Kehsyou концерті өзін ақтамаған болып шықты», – деп жазды Елікбаев.

Әлеуметтік желі қолданушылары да Алматының Орталық стадионда дүркіреп өткен концерт билеті тым арзан болғанын әңгімеледі. Олар бұған дейін Алагөзова шоуды ұйымдастыруға 200 мың доллар жұмсағанын, оны өтеу қиын екенін айтқанын сөз етті.

Бұған дейін...

Air Astana 2026 жылғы 2 маусымнан бастап Астана мен Гуанчжоу арасында тікелей рейстерді іске қосты.

Әуекомпаниясының мәліметінше, Қытайдың ірі қалаларына бағытталған маршруттық желісін кеңейту жалғасып жатыр.

Жаңа бағыт 2025 жылғы наурыздан бері аптасына бес рет орындалатын Алматы – Гуанчжоу рейстерін толықтырады. Қытайдың оңтүстігіндегі Гуандун провинциясының орталығы саналатын Гуанчжоу – елдің ең ірі қалаларының бірі әрі маңызды өнеркәсіптік, сауда және көлік орталығы.

Астана-Гуанчжоу рейстері аптасына екі рет, сейсенбі және бейсенбі күндері қатынайды. Ұшақ Астанадан сағат 18:45-те ұшып шығып, Гуанчжоуға жергілікті уақыт бойынша 04:30-да қонады. Ұшу ұзақтығы – 6 сағат 45 минут. Рейстерді Airbus A321LR әуе кемелері орындайды.

2040 жылға қарай Қазақстандағы су тапшылығы 50%-ға жетіп, ал 2050 жылға қарай су дағдарысы елдің ЖІӨ-сін 6%-ға төмендетуі мүмкін. Бұл туралы су саясаты саласындағы сарапшы Қуаныш Өзбеков айтты.

Өзендердің тартылуы және климаттың өзгеруі

Оның айтуынша, соңғы жылдары елімізде Жайық, Тобыл, Ертіс және Есіл өзендеріндегі су деңгейінің тұрақты төмендеуі, сондай-ақ Балқаш пен Каспий су айдындарының тартылуы байқалып отыр.

Сонымен қатар климаттық циклдің өзі өзгеріске ұшырап жатыр. Мәселен, қыс мезгілдері жылырақ болып, қардың жиналуы мен еру режимі бұзылып жатыр. Соның салдарынан судың бір бөлігі су қоймаларына жетпей, ертерек топыраққа сіңіп кетеді немесе буланып кетеді.

Сарапшының айтуынша, 2024 жылғы оқиғалар...

«Қазақстан темір жолы» пойыздың қозғалысын нақты уақыт режимінде бақылауға мүмкіндік беретін арнайы сервисті іске қосты. Бұл туралы компания сайтында жазылған.

Енді кез келген адам вокзалға шықпас бұрын tablo-railways.kz сайтына кіріп, карта арқылы өзіне қажетті пойыздың дәл қазір қай жерде келе жатқанын, станцияларға келу-кету уақытын, тіпті тұрақтардың ұзақтығын алдын ала тексере алады. Жаңа сервис жолаушылар ағыны көп кезде немесе басқа пойызға ауысып міну қажет болғанда вокзалда босқа күтіп қалмау үшін өте пайдалы.

Қызметті пайдалану үшін tablo-railways.kz сайтына өтіп, картадан қажетті пойызды таңдау керек. Сондай-ақ, онлайн-таблоға ресми bilet.railways.kz сайты арқылы да кіруге болады. Ол үшін «Пойыздар қозғалысының онлайн-таблосы» баннерін басса жеткілікті.

Оқи отырыңыз...

Сауда және интеграция министрі Арман Шаққалиев Гонконг арнайы әкімшілік аймағының басшысы Джон Лимен және іскерлік қауымдастығының өкілдерімен кездесті.

Кездесу барысында тараптар сауда-экономикалық ынтымақтастықты кеңейту, инвестиция тарту мәселесін талқыға салды.

Арман Шаққалиев Қазақстанның Гонконгпен практикалық ынтымақтастықты тереңдетуге, іскерлік байланысты нығайтуға және отандық өнімдерді сыртқы нарыққа ілгерілетудің жаңа тетіктерін қалыптастыруға мүдделі екенін атап өтті.

«2025 жылдың қорытындысы бойынша Қазақстан мен Гонконг арасындағы тауар айналымы 178,8 млн доллар болды. Біз Гонконг нарығына жеткізілетін қазақстандық өнім көлемін арттыруға мүдделіміз. Бұл қатарға ауыл шаруашылығы өнімдерімен бірге жеңіл және тамақ өнеркәсібінің тауарлары да кіреді», – деді министр.

Джон Ли Гонконгта халықаралы...

ІІМ интернеттегі алаяқтар жасөспірімдерді заңсыз қаржылық схемаларға тартуы мүмкін екенін ескертті.

Polisia.kz ақпаратына қарағанда, олар жасөспірімдерді «дроп» рөліне тартудың түрлі амалын тапқан.

«Әдетте бәрі мессенджердегі хабарламадан, онлайн ойыннан немесе әлеуметтік желіден басталады. Бейтаныс адам «оңай табыс табуды» ұсынып, банк картасына ақша қабылдап, оны басқа шотқа аударуды немесе қолма-қол шешіп беруді сұрайды. Оның орнына белгілі бір пайыз уәде етеді», – делінген хабарламада.

Алайда бұл – ұрланған қаражатты жылыстату схемасы. Алаяқтар өз ізін жасыру үшін «дропперлерді» пайдаланады. Нәтижесінде ақша бөтен адамдардың шоттары арқылы өткізіліп, ұйымдастырушылар жауапкершіліктен жалтарып қалады.

«Мұндай әрекеттерге кездейсоқ қатысудың өзі ауыр салдарға әкелуі мүмкін...

Ақтөбеде қоқыста пакет ішінен табылған нәрестені сәбилер үйіне ауыстыруға дайындап жатыр. Қазіргі уақытта ол балалар ауруханасында жатыр. Сәбиге Батыр есімі берілді.

«КТК» телеарнасының жазуынша, ауруханаға түскен кезде оның салмағы 2 килограмм 900 грамм болған, ал бүгінде 3 килограмнан асты.

Дәрігерлердің айтуынша, нәрестенің жағдайы әлі де орташа ауырлық дәрежесінде деп бағаланып отыр.

Баланың анасы әлі табылған жоқ. Ақтөбе облыстық Денсаулық сақтау басқармасының бөлім басшысы Әлия Шарбақованың сөзінше, барлық қажетті процедуралар аяқталғаннан кейін бала «Үміт» сәбилер үйіне жіберіледі.

Еске сала кетейік, осыдан 10 күн бұрын қоқыс жәшігінен жаңа туған нәресте табылды. Сәбиді сол маңнан өтіп бара жатқандар байқап...

2026 жылғы қыркүйектің басында Қазақстанға келетін әнші Энрике Иглесиас қазақша сөйлеп, жанкүйерлерін концертке шақырды. Әзірге ол «Алға, Қазақстан!» деген ұранды ғана біледі.

Әлемге танымал эстрада жұлдызы Энрике Иглесиас 3 қыркүйекте Астанада, ал 5 қыркүйекте Алматыда концерт береді. Қазір испан әншісі әлемдік туры аясында түрлі елдерде концерт беріп жүр. Ол биыл Солтүстік және Оңтүстік Америка, Еуропа елдерін аралайды. Ал күзде Қазақстанға келеді.

Поп-жұлдыздың Астана мен Алматыдағы шоуға қазірдің өзінде дайындалып жүргені анық байқалды. Өйткені ол қазақша сөйлей бастады.

Әзірге Энрикенің қазақшасы екі ауыз сөз ғана, бірақ оның күзге дейін сөздік қорын байыта түсуге мүмкіндігі бар.

Қазақстандағы жанкүйерлерімен қазақша тілдескен жалғыз Иглесиес...

Көлік вице-министрі Жәнібек Тайжанов Баку-Тбилиси-Карс (БТК) теміржолының ресми ашылу салтанатына қатысты.

Көлік министрлігінің ақпаратынша, іс-шара 2 маусым күні Грузияда Ахалкалаки теміржол станциясында өтті.

Баку–Тбилиси–Карс теміржолы – Транскаспий халықаралық көлік бағытының (ТХКБ) маңызды бөліктерінің бірі. Бағыт Әзербайжан, Грузия және Түркия теміржол желілері арасындағы көлік байланысын қамтамасыз етіп, Қазақстаннан жүктерді Каспий теңізі арқылы Түркияға және Еуропа елдеріне тасымалдауға қосымша мүмкіндіктер ашады.

«БТК инфрақұрылымын дамыту Қазақстанның транзиттік әлеуетін одан әрі нығайтуға, халықаралық тасымалдау көлемін ұлғайтуға және Еуразиялық аймақтағы логистикалық тізбектердің тиімділігін арттыруға мүмкіндік береді», – делінген министрліктің ақпаратында.

Теміржол магистралінің жалпы ұзындығы – 827 шақырым. Жел...

TikTok әлеуметтік желісінің негізін қалаған қытай миллиардері Чжан Имин Азияның екінші бай адамы атанды. Bloomberg оның байлығын 92,8 млрд долларға бағалады.

Азия байлары

ByteDance компаниясының негізін қалаушысы Чжан Иминнің дәулеті артты. Ол технология саласының қарқынды өсуі арқасында Азия құрлығындағы екінші бай адам атанды. Қытай миллиардері дәулеті бойынша үндістандық Мукеш Амбаниді басып озды.

Дегенмен құрлықтағы ең бай адам тізімінде тағы бір үндістандық Гаутам Адани тұр. Қазір Азиядағы ең бай үш адам мыналар:

Bloomberg миллиардерлер рейтингінде Аданидің 117 млрд, ал Амбанидің 86,9 млрд...

Түркияның футболдан ұлттық құрамасы АҚШ, Канада және Мексика аумағында өтетін 2026 жылғы FIFA Әлем кубогында бақ сынау үшін жолға шықты.

Ыстанбұл көшелеріндегі шеру

Әлем чемпионатына дайындық аясында Солтүстік Македония құрамасын 4:0 есебімен ойсырата жеңген түрік футболшылары Ривадағы Хасан Доған атындағы ұлттық құрама базасында оқу-жаттығу жиынын аяқтады.

Команданы шығарып салуға ұлттық құраманың бас демеушісі – Түркияның отандық Togg электромобиль бренді ерекше қолдау көрсетті. Түрік туларымен безендірілген ондаған Togg ақылды көліктерінен құралған алып автокеруен футболшылар мінген автобусты әуежайға дейін шығарып салды.

Алматыдағы базарлар қала тұрғындарына ғана емес, жалпы қазақстандықтарға да жақсы танымал. Бұл сауда орындарының айналымы миллиардтарға дейін жетеді. Kursiv Media ең танымал деген базарлардың иесі кім екенін анықтап көруге тырысты.

Алматыдағы «Көк базар»

«Көк базар» – Алматыдағы ең танымал орынның бірі. Аумағы 3,16 гектар жерді алып жатыр. Базардың түпкілікті иесі екі адам. Оның бірі – Forbes тізіміндегі миллиардер, экс-президенттің қызы Динара Құлыбаева. Ол сауда орнын «MERCURY PROPERTIES» ЖШС арқылы басқарады. Тағы бір иесі – миллиардер Цхай Юрий. Базарға «Достар-ИНВЕСТ» компаниясы арқылы иелік етеді. Ол да Forbes Kazakhstan мүшесі, дәулеті 100 млн доллар деп бағаланған. Цхай Юрий Алатау...

Маңғыстау облысының Экология департаменті Баутино кентіндегі Каспий теңізінің жағалауынан өлі итбалықтар мен бекіре балықтарының денелері табылғанын хабарлады.

Өлі жануарлар мен балықтар 1 маусымда табылды. Баутино кентіндегі су тұщыту зауытының маңындағы жағалау учаскесінен 20 итбалықтың және бекіре тұқымдас сегіз балықтың өлексесі табылып отыр.

2 маусымда өңірлік Экология департаментінің зертханалық-талдамалық бақылау бөлімінің мамандары Түпқараған ауданы Форт-Шевченко қаласының теңіз жағалауынан су сынамаларын алды.

Алынған сынамалардың талдау нәтижелері кейінірек хабарланады.

Сәуір айының ортасында осы ауданнан 200-ге жуық өлі итбалық, ал мамыр айында тағы 35-ке жуығы табылған болатын. Ол кезде су сынамаларының нәтижесі бойынша ластаушы заттар анықталмаған еді.

Төтенше жағдайлар департаменті Алматы тұрғындары мен қонақтарын ауа райының нашарлауы туралы ескертіп, тауға бармауға кеңес берді.

3 маусымда Алматыда найзағай, жаңбыр және солтүстік-батыстан соққан желдің күшеюі күтіледі. Желдің екпіні 18 м/с жетуі мүмкін. Бостандық және Медеу аудандарының таулы аймақтарында қысқа мерзімді жаңбыр, найзағай, сондай-ақ желдің 15-20 м/с дейін күшеюіне болжам жасалған.

«Ауа райының нашарлауына байланысты азаматтарға нашар бекітілген құрылымдардың, жарнамалық қалқандардың, құрылыс қоршауларының, ағаштардың және қатты жел кезінде қауіп төндіруі мүмкін басқа да нысандардың жанында тұрмауға кеңес береміз. Дауылды ескерту кезеңінде таулы аймақтарға барудан бас тартыңыздар», – делінген ТЖД хабарламасында.

Егер күтпеген жағдай орын...

Маңғыстау облысында полиция 12 жасар баланың өлімін тергеп жатыр, деп хабарлайды Lada.kz. Қайғылы оқиға 1 маусымда Мұнайлы ауданы Атамекен ауылындағы жеке үйлердің бірінің ауласында болды. Жергілікті тұрғындар оқушыны тұншығу белгілерімен тапқан.

Куәгердің айтуынша, баланы басқа бала көріп, алдымен оны әткеншекте ойнап жатыр деп ойлаған. Жақындап келгенде оқушының беті көгеріп, аузынан ақ көбік ағып жатқанын байқаған. Осыдан кейін бала үлкендерді шақырған, олар полиция мен жедел жәрдем шақырды. Баланың қайтыс болғанын облыстық жедел медициналық жәрдем станциясы растады.

Дәрігерлердің мәліметінше, оқиға орнына шақырту 1 маусымда тіркелген. Дәрігерлер 2014 жылы туған кәмелетке толмаған баланың қайтыс болғанын растады.

Найзағай мен жаңбырға байланысты Қазақстан аумағында дауылды алдын ала ескерту жарияланды. Тек шығыста күн қатты ыстық болады деп күтілуде. «Қазгидромет» 3 маусымға арналған ауа райы болжамын ұсынды.

АҚШ ұрыс қимылдарының жалғасуы аясында Израиль мен Ливан арасындағы шиеленісті бәсеңдету бойынша делдалдық күш-жігерін жалғастыруда, деп хабарлайды The Guardian.

Сейсенбі күні Вашингтонда АҚШ-тың делдалдығымен Израиль мен Ливан арасындағы келіссөздердің төртінші кезеңі басталды. Кездесу АҚШ Мемлекеттік департаментінде өтуде және екі күнге созылады. Келіссөзге Израиль мен Ливан өкілдері қатысуда. Екі ел де 1948 жылдан бері ресми түрде соғыс жағдайында қалуда.

Ливанның NNA ұлттық ақпарат агенттігі делегациялардың Вашингтонға келіп, талқылауды бастағанын хабарлады.

Келіссөздер күн тәртібінің егжей-тегжейлері әзірге жарияланған жоқ. Консультациялардың жаңа кезеңі АҚШ президенті Дональд Трамптың Израиль мен «Хезболладан» жағдайды деэскалациялауға қатысты кепілдік алғаны туралы мәлімдемесінен кейін басталды.

Келіссөздер Израильд...

Теміртауда бес қабатты үйде болған өрт кезінде жеті адам эвакуацияланды, деп хабарлады ТЖМ. От қаланың 6-шағын ауданындағы бес қабатты тұрғын үйдің бірінші қабатындағы пәтерде шықты. Жиһаз бен тұрмыстық техника жанды.

ТЖМ қызметкерлері баспалдақ арқылы жеті адамды, оның ішінде төрт баланы эвакуациялады. Өртті сөндіру кезінде пәтерден газ баллоны шығарылды, бұл ықтимал жарылыстың алдын алды. Қызыл жалын қысқа мерзімде жойылды. Зардап шеккендер жоқ.

Алдын ала мәліметтер бойынша, өртке балалардың отпен ойнауы себеп болған. Пәтердің ас үйінде газ баллонына жалғанған электр плитасы болған. Анасының айтуынша, кіші ұлы электр плитаны қосқан, содан кейін ол қыза бастаған.

Болжам бойынша, бала отпен ойнап, қағазды немесе...

Астанада шомылу маусымының басталуына байланысты құтқарушылар су айдындарында патрульдеуді күшейтті, деп хабарлайды елорда әкімдігінің ресми сайты.

Қазіргі таңда Төтенше жағдайлар департаментінің қызметкерлері Есіл өзенінде күнделікті патрульдеу жұмыстарын жүргізуде. Қауіпті учаскелерде үш мобильді құтқару бекетінің жұмысы ұйымдастырылды.

Елорда тұрғындары мен қонақтарының қауіпсіз демалуы үшін қалада шомылуға арналған бес ресми орын белгіленді. Жабдықталмаған және қауіпті учаскелерде шомылуға тыйым салатын ескерту белгілері орнатылды.

Астана қаласы Төтенше жағдайларды жою басқармасының бастығы Бауыржан Ахметалин судағы жазатайым оқиғалардың көпшілігі шомылуға арналмаған орындарда орын алатынын атап өтті.

«Судағы жазатайым оқиғалардың көпшілігі шомылуға арналмаған орындарда орын алады. Сондықтан біз қала тұрғындары мен қонақтарын тек...