Жаңалықтар

Ақтөбе облысында жаппай адам уланған мейрамхана тиісті құжатсыз жұмыс істеген. Бұл туралы Орталық коммуникациялар қызметінде өткен брифингте Санитарлық-эпидемиологиялық бақылау комитетінің төрағасы Сархат Бейсенова мәлімдеді.

Жаппай улану Мұғалжар ауданы Қандыағаш қаласындағы «Тұмар» мейрамханасында өткен банкеттен кейін тіркелген. 19 маусымда өңірдегі екі ауруханаға ішек инфекциясы белгілері бар науқастар түсе бастаған.

Сархат Бейсенованың айтуынша, зардап шеккендердің саны 188 адамға дейін өскен, оның ішінде 14 жасқа толмаған 15 бала бар. Барлығы 177 науқас ауруханаға жатқызылды, ал 11 адам амбулаторлық ем қабылдап жатыр.

Мейрамхананың жұмысы уақытша тоқтатылып, полиция Қылмыстық кодекстің 304-бабы «Санитарлық қағидаларды немесе гигиеналық нормативтерді бұзу» бойынша қылмыстық іс қозғады.

2025 жылы елдегі балгерлер мен көріпкелдер 279,6 млн теңге табыс тапқан деп жазады Бірінші кредиттік бюро. Бір жыл ішінде бақсы-балгерлердің кірісі күрт азайып кеткенін байқауға болады. Себебі 2024 жылы аталған нарықтағы топ өкілдері 2,9 млрд теңге кіріс рәсімдеген еді.

Бірақ 279 млн теңге деген елдегі балгерлер мен көріпкелдердің толық табысын көрсетпейді. Бұл – тек ресми ЖК ретінде тіркелген заңды тұлғалардың кірісі ғана.

Тағы бір атап өтетін дүние, балгерлердің (астрологтар да бар) табысы көріпкелдер мен сәуегейлерге ғана әлдеқайда артық. Былтыр бақсы-балгерлер 222,8 млн теңге табыс тапса, сәуегейлер 56,8 млн теңге кіріс кіргізген.

Олардың қызметін пайдаланушылар – негізінен қарапайым халық. Оның ішінде...

2026 жылдың бірінші тоқсанының қорытындысы бойынша Қазақстанда 45 260 автокөлік өндірілді.

«Қазақстанның Автокөлік Одағы» (ҚАО) деректеріне сәйкес, бұған тіркемелер мен жартылай тіркемелер қоса кірген. Бұл өткен жылдың осы кезеңімен салыстырғанда 36,8%-ға артқан.

2026 жылдың наурыз айында 17 462 бірлік техника өндіріліпті. Бұл 2025 жылдың наурызымен салыстырғанда 42,8%-ға және ағымдағы жылдың ақпан айымен салыстырғанда 19,9%-ға жоғары болды.

 «Алғашқы үш айдың қорытындысы бойынша қазақстандық автоөнеркәсіп тұрақты өсім көрсетіп отыр. Наурыз айындағы жоғары динамиканың сақталуы саладағы оң үрдістерді растайды. Автокомпоненттер сегментінде де айтарлықтай өсім тіркелді. Үш ай ішінде автомобиль бөлшектері мен керек-жарақтарының өндіріс көлемі 259,8 млрд теңгеге жетіп, өткен жылды...

Иран Әли Хаменеимен қоштасу рәсіміне 30-дан астам елдің делегациялары қатысатынын мәлімдеді.

Media.az ақпаратына қарағанда, 90-нан астам елдің діни көшбасшылары да рәсімге қатысуға дайын екенін жеткізген.

Бұл туралы Әли Хаменеимен қоштасу және жерлеу рәсімін ұйымдастыру жөніндегі ұлттық штабтың хатшысы Әли Акбар Пурджамшидиан мәлімдеді.

Оның айтуынша, көптеген мемлекет Иранға ресми түрде өтініш жолдап, марқұмның рухына құрмет көрсету үшін өз делегацияларын жіберетінін растаған.

Еске салайық, Әли Хаменеимен қоштасу және жерлеу рәсімдері 4–9 шілде аралығында Тегеран, Қом және Мешхед қалаларында өтеді.

Әли Хаменеи 28 ақпанда Тегеранға жасалған соққылар кезінде қаза тапқан. Оның орнына Иранның жоғарғы көшбасшысы болып Әли Хаменеидің ұлы Моджтаба Хаменеи сайланды.

Синоптиктер шілденің алғашқы үш күнінде Астана мен Алматыда ауа райы қандай болатынын жариялады.

Астанадағы ауа райы болжамы

Шілденің алғашқы үш күнінде елордада күн бұлтты болады. Өткінші жаңбыр жауып, найзағай ойнайды, күндіз бұршақ жауып, дауыл тұрады. Ауа температурасы 1 шілде түнде +14…+16 градус, күндіз +26…+28 градусты құрайды.

2 шілдеде ауа температурасы түнде +14…+16 градус, күндіз +24…+26 градус жылылықты көрсетіп тұр. Жел оңтүстік-батыстан соғады, жылдамдығы секундына 9-14 метр, күндіз екпіні 15-20 метрге жетеді.

3 шілдеде сынап бағанасы түнде +13…+15 градус, күндіз +24…+26 градус жылыны көрсетіп тұр. Жел оңтүстік-батыстан соғады, жылдамдығы секундына 9-14 метр, екпіні – 15-20 метр.

Алматыдағы ауа...

Қатонқарағай ұлттық табиғи паркі аумағын мекендеген қар барысының үш күшігі қайта-қайта фототұзаққа түсті. Мамандар Алтай тауларында түсірілген видеоларға қарап, алаңдар есейіп қалғанын байқады.

Орманшы Жомарт Аманбаев қар барысының тіршілігін зерттеу мақсатында биік тау жоталарына фототұзақ орнатқан. «Қазақ орманы» мекемесінің мәліметінше, қысқы кадрлардағы кішкентай алаңдар әжептәуір өсіп, қазір анасымен бірге асқар тауларды еркін кезіп жүр.

«Жабайы табиғатта мұндай сәттердің тіркелуі – өте құнды дерек. Бұл сирек кездесетін жыртқыштың табиғи мекенінде қауіпсіз өсіп-өніп, ұрпағын аман жеткізіп жатқанын көрсетеді», – деп есептейді «Қазақ орманы» мамандары.

Естеріңізге сала кетейік, бұған дейін Қатонқарағайда қоңыр аю, тауешкі, құны және...

Премьер-министрдің бірінші орынбасары Нұрлыбек Нәлібаев Ұлытау облысына жұмыс сапары аясында Жезқазған – Қарағанды автожолын қайта жаңғырту жобасының ресми басталуына қатысты.  

Жобаның жалпы ұзындығы – 572 шақырым. Оның 335 шақырымы Ұлытау облысының аумағы арқылы өтеді. Республикалық маңызы бар жол құрылысының басталу рәсіміне «ҚазАвтоЖол» ұлттық компаниясы» АҚ басқарма төрағасы Дархан Иманашев, Қарағанды облысының әкімі Ермағанбет Бөлекпаев, сондай-ақ мемлекеттік органдардың, мердігер ұйымдардың өкілдері қатысты.

«Бұл – Мемлекет басшысының тікелей бақылауындағы, ел үшін айрықша маңызы бар әрі көптен күткен жоба. Бүгін оның құрылысына ресми түрде бастау беріліп отыр. Жоспарға сәйкес жоба 2029 жылы аяқталуы тиіс. Дегенмен мердігер ұйымдармен келіссөздер жүргізіп, тиісті міндеттер жүктейміз...

Сайлау қарсаңында Ақордада ірі ауыс-түйіс болды. Тоқаевтың өкімімен Қазақстан халқы Ассамблеясы төрағасының орынбасары Марат Әзілханов қызметінен босатылды.

«Мемлекет басшысының өкімімен Марат Алмасұлы Әзілханов Қазақстан халқы Ассамблеясы Төрағасының орынбасары, Қазақстан Республикасы Президенті Әкімшілігінің Қазақстан халқы Ассамблеясы хатшылығының меңгерушісі лауазымынан босатылды», – деп жазылған Ақорда хабарламасында

Сондай-ақ Әмірбек Оспанбеков Қазақстан Республикасы Парламентіндегі Өкілдігінің басшысы лауазымынан босатылды.

Бұған дейін Ерлан Қаринді мемлекеттік кеңесші қызметінен босатқан еді.

Еске салайық, жаңа Конституция бойынша, Қазақстан халқы Ассамблеясы жойылып, оның орнына Қазақстан Халық Кеңесі құрылады. Аталған институт мемлекеттік маңызы бар мәселелер бойынша келісілген ұсыныстар мен ұсынымдар әзірлейтін алаң ретінде...

Даңқты жапон теннисшісі Наоми Осака Үлкен дулыға санатындағы кезекті турнирде ерекше киім үлгісімен көпшілікті тағы таңқалдырды. Бұл жолы ол Уимблдон кортына ақ түсті кимоно киіп шықты.

Фэшн-ханшайым

Үлкен дулыға санатындағы ірі турнирлерде ерекше сән үлгісін көрсетуді әдетке айналдырған Наоми Осака жұртшылық назарын тағы да өзіне қаратты. Лондонда өтіп жатқан Уимблдон жарысының бірінші айналымына жапон теннисшісі ұлттық нақышта тігілген кең көйлекпен шықты.

Етек-жеңі ұзын кимономен кортта қозғалу оңай емес. Кең көйлектің астында теннис ойнауға ыңғайлы спорт киімі бар. Жарыс басталған уақытта теннисші сыртқы әдемі киімін шешіп қояды.

Осака Лондондағы турнирде алғашқы қарсыласын қиналмай ұтты. Ол француз қызы Эльза Жакмоны...

Ресей азаматтығын алып, Қазақстан азаматтығынан бас тартпаған әйелге 302 мың теңге айыппұл салынды.

Жамбыл облысының Шу аудандық соты Ресей Федерациясының азаматтығын алғаны туралы Қазақстанның ішкі істер органдарына уақытында хабарламаған әйелге қатысты әкімшілік істі қарады.

Іс материалдарына сәйкес, әйел 2017 жылдың тамызында Ресей азаматтығын алған. Алайда заңда белгіленген 30 күн ішінде бұл туралы Қазақстанның ішкі істер органдарына хабарлап, құжаттарын тапсырмаған.

Сотта ол кінәсін толық мойындап, мұндай талаптан бейхабар болғанын айтты. Сондай-ақ Қазақстан азаматының төлқұжатын жоғалтып алғанын жеткізіп, өзін елден шығармауды және айыппұл тағайындауды сұрады.

Сот әйелдің кінәсін мойындауы, шын өкінуі, бұрын әкімшілік жауапкершілікке тартылмағаны, екі кәмелетке толмаған баласының болуы...

Полиция қызметкерлері Шығыс Қазақстан облысында құрамында алтыны бар шикізат пен алтынның өзін заңсыз өндірумен айналысқан топты әшкереледі. Бұл туралы Ішкі істер министрлігінің баспасөз қызметі хабарлады.

Жедел іс-шараларды жүргізу барысында құқыққа қайшы схеманы ұйымдастырған 63 адам, сондай-ақ өңір аумағында заңсыз қызметпен айналысқан 13 шетел азаматы ұсталды.

«Жүргізілген тінту шаралары нәтижесінде бірнеше автокөлік пен арнайы техника, ірі көлемдегі қаражат, оның ішінде 40 мың доллардан астам қаржы, құрамында алтыны бар шикізат пен алтын, сондай-ақ заңсыз қызметті растайтын құжаттар мен өзге де заттай дәлелдемелер тәркіленді», – деп хабарлады полиция.

Алдын ала мәліметтерге сәйкес, пайдалы қазбаларды заңсыз өндіру...

Ерлан Қарин жаңа қызметке орналасты. Ол Президент әкімшілігі жетекшісінің бірінші орынбасары болып сайланды.

«Мемлекет басшысының Жарлығымен Ерлан Тынымбайұлы Қарин Қазақстан Республикасы Президентінің Әкімшілігі Басшысының бірінші орынбасары болып тағайындалды. Ол бұрынғы атқарған лауазымынан босатылды», – деп хабарлайды Ақордадан.

Ерлан Қарин бұған дейін үш жыл мемлекеттік кеңесші лауазымында болған. Бұл қызметке 2022 жылғы 14 маусымда тағайындалған еді.

Ол 1976 жылы Түркістан облысы, Сайрам ауданы, Ақсу ауылында туған. Еңбек жолын география және тарих пәндерінің мұғалімі ретінде бастады. Маңғыстау облысы әкімінің кеңесшісі болды. Президент Әкімшілігінде жұмыс істеді. 2019 жылы президент кеңесшісі, кейін көмекшісі атанды.

Айта кетейік...

Жаз – ашық аспан астында жаттығу жасауға ең қолайлы мезгіл. Алайда аптап ыстықта жүгіру ағзаға қосымша салмақ түсіріп, денсаулыққа да қауіп төндіруі мүмкін. Сондықтан жаттығу қауіпсіз әрі тиімді болу үшін бірнеше қарапайым, бірақ маңызды ережені сақтау қажет. Бұл туралы Kursiv.Media Vesti.kz ұсынған мәліметтерге сүйене отырып хабарлайды.

Жүгіруге қолайлы уақытты таңдаңыз

Күннің ең ыстық кезі – 11:00 мен 17:00 аралығы. Сондықтан жүгіруді таңғы сағат 9:00-ге дейін немесе кешкі 19:00-ден кейін жоспарлаған дұрыс. Бұл уақытта ауа температурасы төмендеп, күннің қызуы бәсеңдейді. Соның арқасында ағзаға түсетін жүктеме азайып, жаттығу қауіпсіз әрі жайлы өтеді.

Ағзадағы су теңгерімін сақтаңыз

«Ұлттық қор – балаларға» бағдарламасы басталғалы үш жылда 6,5 млн баланың есепшотына 2,3 млрд доллар аударылған. Бұл туралы Қасым-Жомарт Тоқаев парламент палаталарының бірлескен отырысында айтты.

Бұл ретте Тоқаев арнайы конституциялық нормаға сүйене отырып, табиғи байлық азаматтардың бастапқы капиталы ретінде бекітілгенін атап өтті.

«Қазақстан – осындай бірегей бастаманы іске асырған аймақтағы алғашқы мемлекет. «Ұлттық қор – балаларға» бағдарламасы – соның айқын дәлелі. Бұл жобаның тиімділігі жоғары: үш жылдың ішінде 6,5 миллион баланың есепшотына 2,3 миллиард доллар аударылды», – деді ол.

Сондай-ақ Президент қамқорлық шараларының нақты жалғасы ретінде «Келешек» жинақтау жүйесі іске қосылғанын атап өтті. Дарынды...

Әлеуметтік мемлекет боламыз деп, қаражатты талан-таражға салуға болмайды. Бұл туралы Парламент палаталарының қорытынды отырысында Президент Қасым-Жомарт Тоқаев айтты.

Мемлекет басшысының пікірінше, билік болашақ ұрпақ үшін берік іргетас қалау мақсатында бюджет қаражатын тиімдірек пайдалануы қажет.

«Қаражат деген уақытша дүние, оның құны жыл сайын төмендеп бара жатыр, ал оны тиімді пайдалану, бұл – нақты нәтижелерге қол жеткізу, тиісті нысандарды өскелең ұрпақтарға аманат етіп қалдыру деген сөз. Әлеуметтік мемлекет боламыз деп, қаражатты талан-таражға салуға болмайды. Осындай қысқа, шолақ ойлы саясатты біздің ұрпақтарымыз түсінбейді де, кешірмейді де», – деді Президент.

Авиаотын тапшылығын жою

Президенттің айтуынша...

Көп адам кеш ұйықтауды қалыпты әдет деп санайды. Алайда мамандардың айтуынша, мұндай режим небәрі төрт апта ішінде ағза жұмысына кері әсер етіп, денсаулыққа елеулі өзгерістер әкелуі мүмкін.

Дәрігерлердің айтуынша, кешкі сағат 23:00-ден кейін ұйықтауға ыңғайланатын адамдар алғашқы аптаның өзінде-ақ қаттырақ шаршай бастайды. Бұл кезеңде ағзадағы мелатонин деңгейі төмендеп, күйзеліс гормоны саналатын кортизолдың мөлшері артады. Соның салдарынан мазасыздық күшейіп, тәбет те жиі ашылады.

Бір апта бойы кеш ұйықтасаңыз, ағзада қандай өзгерістер болады

Екінші аптада ағзадағы өсу гормонының бөлінуі азаяды. Бұл бұлшықеттердің қалпына келуін баяулатады, ал балаларда физикалық дамудың тежелуіне себеп болуы мүмкін.

Үшінші аптада миға кері әсері байқалады...

Астана полициясы өзін әскери комиссариат қызметкерімін деп таныстырып, жастарды әскерге алып кетем деп қорқытқан азаматтың кім екенін анықтады. Пранкер әкімшілік жазаға тартылып, 10 тәулікке қамалды.

Пранкерге «алданған» бір жас жігіт «военкомат қызметкерінен» қашам деп, суға секірген. Видео әлеуметтік желілерде таралған.

«Бұл көрініс әлеуметтік желіге ойын-сауық мақсатында түсірілген пранк болып шықты», – деп таратты polisia.kz.

Елорда полициясы бейнежазба авторын анықтап, оны бөлімшеге жеткізді. Тергеу барысында түсірілімге қатысқан екінші адамның кәмелетке толмаған жасөспірім екені, оның шағын шоуға алдын ала келісім бергені белгілі болды. Құзырлы мекеме қызметкерлері жас жігітке осындай әрекеттердің қауіптілігі мен заңға қайшы екенін...

Парламент отырысында Тоқаев Халық кеңесі, оны құрудағы мақсаты туралы түсіндіріп өтті. Президент сөзінше, бқл кеңес тарихымызда алғаш рет конституциялық деңгейде құрылған диалог алаңы болмақ.

«Бұрын Қазақстан халқы ассамблеясына тиесілі болған қызметтік міндеттер енді Халық кеңесіне өтеді. Осылайша, құрылым форматы өзгергенімен, жалпыұлттық бірлігіміздің мәні ішкі саясатымыздың маңызды бағыты ретінде сақталады. Қазақстан Халық Кеңесі мәслихаттардың, қоғамдық кеңестердің, сарапшылар алаңы мен азаматтық қоғам ұйымдары өкілдерінің басын біріктіреді», – деді ол.

Тоқаев соңғы төрт жылда үш рет жалпыұлттық референдум болғанын атап өтіп, бұған дейінгі халықпен тікелей диалог басқаша жүргізілгенін меңзеді.

Халықтың өз...

Президент Қасым-Жомарт Тоқаев Парламент палаталарының бірлескен отырысында Қазақстан экономикасын жаңа үлгіге көшіруді аса маңызды стратегиялық міндет ретінде атап өтті.

Президенттің пайымдауынша, бұл мақсатқа қысқа мерзімде қол жеткізу үшін басқару жүйесіне мүлдем жаңа көзқарас пен жаңа ұстаным қажет. Әсіресе базалық мөлшерлеме мәселесін шешуді тапсырды.

«Былтыр экономикамыз 6,5 пайызға өсті. Мұны әлем елдерінің даму қарқынымен салыстырғанда жоғары көрсеткіш деуге болады. Жалпы ішкі өнім ел тарихында алғаш рет 300 миллиард доллардан асты. Оның жан басына шаққандағы үлесі 15 мың доллардан асып, 2019 жылдан бері бір жарым есе артты. Бұл – Тәуелсіз мемлекеттер достастығы елдер...

Қазақстанда алғашқы атом электр станциясының құрылысы 2027 жылы басталады. Бұл туралы Президент Қасым-Жомарт Тоқаев Парламент отырысында мәлімдеді. Мемлекет басшысы бұл қадамды елдің энергетикалық егемендігінің кепілі деп атады.

Тоқаев атом энергетикасын дамыту шешімін халық қолдағанын атап өтті. Бұл таңдау 2024 жылы өткен жалпыұлттық референдумда жасалды. Президенттің пікірінше, бұл ел болашағы үшін ең дұрыс шешім болды.

Өйткені Қазақстан уран өндіруден әлемде бірінші орында тұр. Сондай-ақ елімізде дамыған ядролық инфрақұрылым бар. Сондықтан АЭС салу – мемлекет үшін басты басымдықтың бірі. Жана станция болашақ цифрлық экономиканың сенімді негізіне айналады.

Елде өзге де энергетикалық жобалар іске асып жатыр. Мысалы, 2026 жылдың наурызында үш қалада көмірмен...

Бүгін Парламент төрағасының соңғы кеңейтілген отырысы өтті. Арнайы жиынға президент Тоқаев келіп қатысты. Ол депутаттарға осы уақытқа дейін істеген жұмысы үшін алғыс айтты.

«Осы ретте жұртымыз алдағы саяси науқанға белсене атсалысады деп сенемін. Құрылтай жаңа тұрпатты Қазақстанның символы болмақ. Сондықтан оның құрамына нағыз отаншыл, бастамашыл әрі мемлекетшіл тұлғалар яғни тек үздіктер ғана кіруі керек. Себебі халық реформалардың қаншалықты нәтижелі болғанын дәл осы Құрылтайдың қызметіне қарап бағалайды. Осындай маңызды сәтте Сенат пен Мәіжілістің басшылығына және депутаттарына шынайы ризашылығымды білдіремін. Себебі сіздер ел игілігі үшін адал әрі қажырлы еңбек еттіңіздер», – деді ол.

Сондай-ақ ол Amanat...

Қарашығанақ кен орнында сұйық көмірсутек өндірісі 10%-ға төмендеп, тәулігіне 28 мың тоннаны құрап отыр. Бұған дейін аталған кен орнында тәулігіне 31 мың тонна шикізат өндіріліп келген.

«Қазіргі уақытта кен орнында өндіріс тұрақталды деп айтуға толық негіз бар. Жалпы қазіргі шектеулер бұған дейінгі оқиғалардың салдарынан болып отыр. Дегенмен Қарашығанақтағы өндіріс көлемін тәулігіне шамамен 28 мың тоннаға дейін көтере алдық. Салыстырмалы түрде айтсақ, бұрын бұл көрсеткіш 31 мың тонна болатын», – деді «ҚазМұнайГаз» басқарма төрағасы Асхат Хасенов журналистерге.

Бұған дейін Энергетика министрлігі өндіріс көлемі 25 мың тоннаға дейін (9 мың тоннаға) төмендегенін хабарлаған. Өйткен...

Парламентте қос Палатаның отырысы өтіп жатыр. Жиынға Тоқаев қатысып, бірқатар мәлімдеме жасады. Соның ішінде өңірлерді газбен жабдықтау мәселесін тездетуді тапсырды.

«Елді газдандыру жұмыстарын жеделдетуді жоспарлап отырмыз. Қазір көрсеткішті 65%-дан 80%-ға дейін жеткізу міндеті қойылды. Үкімет дәстүрлі энергетикамен қатар, жалпы энергия балансындағы үлесі 7 пайызға жеткен «жасыл» энергетикаға да баса назар аударып отыр. Қарқынды дамып келе жатқан экономиканы сенімді энергиямен қамтамасыз ету үшін 2029 жылға қарай 13 гигаваттан астам жаңа қуат көздерін іске қосу жоспарлануда. Оның үстіне, бұл көлемнің кем дегенде төрттен бірі жаңартылатын энергия көздері есебінен қамтамасыз етіледі», – деді президент Парламент палаталарының бірлескен отырысында.

Қазақстан Парламенті 30 жыл ішінде ел дамуында маңызды рөл атқаратын 3,5 мыңға жуық заң қабылдады. Бұл туралы палаталардың бірлескен отырысында Президент Қасым-Жомарт Тоқаев айтты.

Президент Парламенттің кезекті сессиясын қорытындылап қана қоймай, Тәуелсіз Қазақстан тарихындағы тұтас бір дәуірге есеп беретінін айтты.

Қасым-Жомарт Тоқаевтың айтуынша, жаңа институционалдық модельге көшкен заң шығарушы орган мемлекеттілікті нығайтуға, құқықтық жүйені қалыптастыруға және нарықтық экономиканы дамытуға үлкен үлес қосты.

«30 жыл ішінде өте маңызды 3,5 мыңға жуық заң қабылданды. Бұл ретте әрбір оныншы заңға депутаттардың өздері бастамашы болды. Заң шығару жүйесінің бастауында бүкіл халық пен халықаралық қоғамдастыққа танымал саясаткерлеріміз, көрнекті мемлекет және...