Жаңалықтар

Арнайы мәртебеге ие Алатау қаласында «Өркен фильм» киностудиясы салынады. Бұл туралы осы компанияның директоры, кинопродюсер Айгүл Сайынова Facebook-тегі парағына жазды.

«Біз төл киностудиямызды салу үшін инвестициялық келісімге қол қойдық», – деп жариялады Сайынова.

Топ-менеджер Kursiv.Media тілшісіне жекеменшік жаңа киностудияның Алатау қаласында, компанияның өз қаражатына салынатынын айтты.

Кәсіпкер киностудия орналасатын жерді таңдау барысында оның табиғи жағдайына мән берілгенін де атап өтті.

«Алматының 100 км радиусында бір уақытта бес түрлі климаттық жағдайда фильм түсіруге болады», – деп есептейді продюсер.

«Өркен фильм» 2007 жылы «Ярик» көркем фильмін түсіріп, халықаралық байқауларда жоғары бағаланған.

Естеріңізге...

Өзбекстанда халық санағының алдын ала қорытындысы жарияланды. Ел халқының саны алғаш рет 39 миллионнан асқан.

Gazeta ақпаратына қарағанда, 2026 жылғы 15 қаңтардағы мәлімет бойынша, Өзбекстанда 39 млн 47 мың 321 адам тұрады. Бұл бұрынғы статистикалық есептен 810,6 мың адамға (2,1%) көп.

Ұлттық статистика комитетінің төрағасы Бехзод Хамраевтың айтуынша, халықтың 19,77 миллионы (50,6%) – ерлер, ал 19,28 миллионы (49,4%) – әйелдер.

Этникалық құрам бойынша тұрғындардың 89,4% –  өзбектер. Одан кейін тәжіктер – 1,28 млн (3,27%), қарақалпақтар – 841,4 мың (2,15%), қазақтар – 707,3 мың (1,81%), орыстар – 606,5 мың (1,55%). Сондай-ақ елде 219,1 мың қырғыз, 194,8 мың түрікмен және...

VIII шақырылым депутаты Дәулет Мұқаев жүкті әйелдерге заңсыз декретке шығу жолын үйреткен жоқпын деп отыр. Бұл туралы қос палатаның бірлескен отырысы кулуарында айтты.

Журналистер депутаттан «декретке миллионмен шығуға көмектескендеріңіз үшін сіздерді тексермей ме» деп сұрады.

Бұл ретте Мұқаев ешкімге ақылы қызмет көрсетпегенін атап өтті.

«Мен «помогайка» болған жоқпын. Ешкімге ақылы қызмет ұсынып, делдалдық қызмет көрсеткен жоқпын. Бұл жерде мен тек елге бағыт-бағдар бердім. Ол бар ақпарат. Химия мен физиканың формуласын мұғалім оқушыға түсіндіргендей, «Декретке миллионмен» бағдарламасы аясында, e-gov сайтында тұрған ресми ақпаратты қарапайым тілмен түсіндіру», – дейді депутат.

Депутат бұл ақпаратты кім...

Kursiv.Media зерттеуінше, 2025 жылы қарастырылған 50 ірі компания бюджетке 11,1 трлн теңге шамасында салық төлеген. Салықтың басты салмағы әлі де мұнай-газ секторында. Ал өңірлер арасында Атырау облысы айқын алда тұр.

Бір қарағанда, Қазақстандағы ірі салық төлеушілер картасы көп салалы болып көрінеді: банк те бар, байланыс та бар, тау-кен өндірісі де бар, темекі мен автонарық та кездеседі. Бірақ бұл цифрларды сараласақ, бюджетке келетін ірі корпоративтік салықтың басым бөлігі мұнай-газ және шикізат секторына байланған.

Freedom Holding қаржы директоры болып Валерий Ким тағайындалды. Бұған дейін ол Freedom Holding Corp. қаржы жөніндегі вице-президенті қызметін атқарған және холдингке қарасты Freedom Holding Operations LLP компаниясын басқарды.

Валерий Кимге дейін 2015 жылдан бері холдингтің қаржы директоры Евгений Лер болған еді. Енді ол компаниядағы жұмысын бас директор Тимур Турловтың арнайы кеңесшісі ретінде жалғастырады. Сондай-ақ қаржы тарту, компанияларды қосу, бірігу (M&A) мәмілелерін қадағалайтын болады.

«Freedom жаңа қаржыландыру мүмкіндіктерін іздеуді және стратегиялық сатып алуларды жүзеге асыруды жалғастырып жатқан тұста Евгенийдің тәжірибесі компания үшін де, жеке өзім үшін де үлкен артықшылық болмақ. Ал Валерий – бұл лауазымға ең лайықты таңдау...

Денсаулық сақтау министрлігі Бас прокуратурамен бірігіп елдегі пластикалық ота жасайтын клиникаларды тексеруге кірісті.

Егер медициналық мекемеден заң бұзушылық анықталған жағдайда тиісті шара қабылданады деп ескертеді ведомстводан.

Бұл тексерулер мамырда болған қайғылы оқиғалардан кейін басталды. 21 мамырда блогер Сәуле Ермаханова пластикалық ота жасатуға барып, сол жерде қайтыс болды. Полиция қылмыстық іс қозғап, Денсаулық сақтау министрлігі іс ерекше бақылауға алатынын мәлімдеді.

Ал 22 мамырда Ақтауда жергілікті мәслихат депутаты  пластикалық операция жасатуға барып, қайтыс болғаны анықталды. Наркоз кезінде оның жағдайы күрт нашарлап, комаға түскен.

Бұған дейін ведомство 2024 жылы клиникаларды жаппай тексерген еді. Сол кезде пластикалы...

Қазақстанның халық жазушысы, драматург Софы Сматаев «Отан» орденімен марапатталды. Қаламгер биыл 85 жасқа толды.

Президент Қасым-Жомарт Тоқаев арнайы жарлыққа қол қойып, қаламгерге құттықтау жолдады. Оны Алматы әкімі Дархан Сатыбалды оқып берді.

«Марапат Софы Сматаевқа отандық әдебиетті дамытуға қосқан қомақты үлесі және әлеуметтік-мәдени саладағы жетістіктері үшін берілді», – деп хабарлайды Алматы әкімдігінің баспасөз қызметі.

Мегаполис басшысы жазушыға зор денсаулық пен шығармашылық табыс тілеп, оның бай мәдени мұрасын сақтау маңызды екенін атап өткен.

Софы Сматаев 1941 жылғы 22 маусымда Қарағанды облысында дүниеге келген. Оның 85 жасқа толған мерейтойы 30 маусым, сағат 15:00-де Алматы қаласындағы...

Ұлттық банк дерегіне сәйкес, 2025 жылы қазақстандықтардың 65%-ында ешқандай жинақ болмаған. Яғни әрбір үш адамның екеуі жұмыстан шығып, ауырып қалса немесе басқа да күтпеген жағдайға тап болса, бірден қарыз алуына тура келеді.

Қаржыгер, Qazaq Expert Club сарапшысы Әйгерім Ілиясованың айтуынша, осындай қиындыққа тап болмас үшін әр адамның «қаржы қауіпсіздік жастығы», яғни арнайы ақша қоры болуы керек. Көпшілік қолына артық ақша тисе, оны бірден несиені ерте жабуға жұмсайды немесе инвестиция жасауға тырысады. Экперт мұны үлкен қателік деп санайды.

«Инвестиция жасау немесе несиені ерте жабудан бұрын, алдымен қауіпсіздік жастығын жинап алу қажет. Егер адам кенеттен...

Сенат пен Мәжілістің бірлескен соңғы отырысының алдында депутат Самат Нұртаза, Дәулет Мұқаев және Ардақ Назаров Мәжіліс біткен соң немен айналысатындарын айтып берді.

Депутат Самат Нұртаза қимастық сезімі бар екенін, Құрылтайға енбей қалса сабақ беріп, шахмат ойнайтынын айтты.

«Қимастық, әрине, бар. Бес жылға жоспарлаған жұмысымызды 3 жылда аяқтай алмай қалдық. Бірақ, менің ойымша, бізден кейін келген азаматтар немесе Құрылтайдың құрамына өзім кіріп жатсам жұмысты аяғына дейін апарамын. Егер құрылтайдың құрамына өтпей қалсам сабақ беремін. Мен мұғаліммін ғой. Одан бөлек репетитор боламын, шахмат ойнаймын, фейсбукте белсенді боламын», – дейді депутат.

Ардақ Назаров депутат болған жылдары үлкен...

Ақтөбеде екі әйел ұялы байланыс дүкенінен қымбат смартфондарды ұрлау үшін ерекше тәсіл қолданған.

Halyqstan ақпаратына қарағанда, олар бет-жүзін жасыратын никаб киіп, дүкеннен телефондарды екі рет қолды еткен.

Кейін ұрланған смартфондарды ломбардқа өткізіп, түскен ақшаны жеке қажеттіліктеріне жұмсаған.

Полицияның мәліметінше, никаб күдіктілерді бірден анықтауға кедергі болғанымен, олардың жеке басы көп ұзамай белгілі болды. Тергеу барысында екі әйел кінәсін толық мойындап, никабты діни сеніміне байланысты емес, жеке басын жасыру мақсатында кигенін айтқан.

Қазақстанда қоғамдық орындарда адамның бет-жүзін тануға кедергі келтіретін киімдерді, соның ішінде никаб, балаклава, маска және өзге де ұқсас киімдерді киюге тыйым салатын заң күшіне енді. Бұл талап...

Республикалық маңызы бар «Астана – Қарағанды (айналып өту жолымен) – Алматы» автожолының Бурылбайталдан Күртіге дейінгі учаскесі енді ақылы болады. Көлік министрлігі тиісті бұйрыққа қол қойды.

Ақылы жол трассаның 1041-ші шақырымынан басталып 1121-ші шақырымға дейін жалғасады, яғни 80 шақырым үшін ақы төлеу керек болады.

Жол жүру тарифтері

Павлодар қаласында полиция автокөлігін ұрлап қашып, жол апатына түскен бір азаматтың үстінен қылмыстық іс қозғалды. Күдікті уақытша тергеу изоляторында отыр.

Оқиға 29 маусымда түнде болған. Құзырлы мекеменің алдын ала мәліметінше, масаң күдікті сол күні дүкен тонап қана қоймай, полиция автокөлігін ұрлап қашқан. Бұған қоса, ол осы көлікпен жол апатына ұшыраған.

Полиция мәліметінше, апаттан ешкім зардап шеккен жоқ. Мәліметтерге қарағанда, полиция көлігін басқарған күдікті бір таксимен соқтығысып, бағанға соғылып, жол ережесі белгісін...

Соңғы бір айда Астанадағы екінші нарықтағы тұрғын үй бағасы айтарлықтай өзгерген жоқ. Дегенмен кейбір аудандарда баға төмендесе, енді бірінде өскен. Бұл туралы Kursiv.Media krisha.kz мамандары ұсынған деректерге сүйене отырып хабарлайды.

Пәтер бағасы қай аудандарда арзандады?

Кейбір аудандарда пәтер бағасы сәл арзандады. Бұл Нұра, Байқоңыр және Сарыарқа аудандарында байқалады.

Қай аудандарда баға өсті?

Бағаның ең жоғары өсімі Есіл ауданында байқалды.

Түркістан облысы Түлкібас ауданындағы Еңбекші ауылында болған жантүршігерлік жол апатынан бір әулеттің бес баласы көз жұмды.

Otyrar ақпаратына қарағанда, алтыншы бала ауыр жарақат алып, ауруханаға жеткізілді. Дәрігерлер оның өмірін сақтап қалғанымен, жағдайы ауыр.

Полицияның алдын ала мәліметінше, Volkswagen Polo көлігінің жүргізушісі рөлге ие бола алмай, жол жиегіндегі ағашқа соғылған. Бейресми ақпарат бойынша, көлікті биыл мектеп бітірген түлек басқарған.

Аталған факті бойынша қылмыстық іс қозғалып, оқиғаның мән-жайы анықталып жатыр.

Бас прокуратура мәліметінше, биылғы бес айда Түркістан облысында 461 жол апаты тіркеліп, 100 адам қаза тауып, 573 адам жарақат алған.

Сондай-ақ, Алматы-Өскемен тас жолында апат болып, бес адам қайтыс...

Полиция қызметкерлері көшеде, аялдамаларда, подъездерде немесе жарнама тақтайшаларындағы QR-кодтардан сақ болуды ескертті. Қандай да бір QR-кодтарды сканерлемес бұрын оның қауіпсіз екеніне көз жеткізу керек.

Полицияның айтуынша, алаяқтар дәл осы схеманы пайдаланып, азаматтарды алдаудың жаңа тәсілдерін қолданып жүр.

«Көшеде, аялдамаларда, подъездерде немесе жарнама ілуге арналған тақтайшаларда орналасқан QR-кодтарды сканерлемес бұрын олардың қауіпсіз екеніне көз жеткізіңіз. Себебі қылмыскерлер түпнұсқа кодтың орнына өздерінің жалған QR-кодын жапсырып, адамдарды қауіпті сайттарға бағыттауы мүмкін», – деп ескертті полиция.

Мұндай сілтемелердің мақсаты әртүрлі болуы мүмкін. Сіздің жеке мәліметтеріңізді немесе банк карталарының деректерін алуға тырысады. Көп жағдайда азаматтар төлемд...

Миллиардер Тимур Құлыбаевқа тиесілі Joint Resources холдингі Қазақстан қор биржасынан (KASE) кететінін мәлімдеді. Компанияның бағалы қағаздарын биржа тізімінен ерікті түрде шығару (делистинг) туралы шешімді оның жалғыз акционері қабылдаған.

«Joint Resources» холдингі энергетика, тау-кен өндірісі және мұнай шығару салаларындағы ірі активтерді бақылап отыр. Холдинг Ақшабұлақ кен орнында электр энергиясын сату және көмірсутек шикізатын өндірумен айналысатын «Кристалл Менеджмент» компаниясының 51% акциясына иелік етеді.

Сондай-ақ оның еншісінде «Premier Development Company» кәсіпорнының 50% үлесі бар, ал бұл құрылым өз кезегінде «Майкубен-Вест» көмір өндіруші компаниясының 100% акциясын толық бақылайды.

Бұған қоса, холдинг «Каспий мұнай» мұнай өндіруші компаниясының 100% акциясының жалғыз иегері. Тізімді тау-кен...

Венесуэлада 25 маусымдағы 7,5 балдық жойқын зілзаладан 58 мыңнан астам үй мен ғимарат қираған болуы мүмкін. Бұл уақытта табиғат апаты құрбандарының саны артып келеді.

Дүмпулер қайталанып жатыр

Латын Америкасындағы осы елде болған жер сілкінісінен кем дегенде 1719 адам қаза тапты. Ұлттық ассамблея төрағасы Хорхе Родригес 29 маусым күні осындай мәлімет жариялады, деп таратты CNN телеарнасы.

Бұған дейін АҚШ геологиялық қызметі Венесуэладағы зілзала құрбандарының саны 10 мыңнан асуы мүмкін екенін мәлімдеген.

Родригестің айтуынша, жерасты дүмпулерінен кем дегенде 22 619 адам зардап шеккен. Олардың арасында 5034 адам жараланған.

Өткен аптаның сәрсенбісіндегі зілзаладан бері 609 афтершок тіркелген. Солардың бір...

BYD Қазақстан нарығына арналған жаңа ірі кроссоверін әзірдеуде. Қытайда Tang L атауымен танымал BYD Atto 8 гибридінің көлік құралының типін мақұлдау құжаты Қазақстанның жергілікті тізілімінде жарияланды.

Ұзындығы бес метрге жуық, доңғалақ базасы 2,95 метр болатын гибридті кроссовер Қазақстанда жеті орындық, толық жетекті нұсқада сертификатталды. BYD Atto 8 капотының астында қуаты 149 ат күшіне (220 Нм) тең 1,5 литрлік турбомотор, екі электрқозғалтқыш және сыйымдылығы 35,62 кВт·сағ болатын LFP аккумуляторы орнатылған. Жүйенің жалпы қуаты шамамен 540 ат күшін құрайды.

Өндірушінің мәліметінше, көлік бір толық қуаттаумен және жанармай құйғанда 1000 шақырымнан астам жол жүре алады. Ал тек электр қуатымен WLTP циклі бойынша...

2026 жылғы 6–8 тамыз аралығында Алматы қаласындағы Atakent-Expo көрме орталығында ауқымды халықаралық HomeTech & Electra 2026 іскерлік көрмесі өтеді. World Silk Way компаниясы ұйымдастырып отырған бұл ірі жоба электроника, тұрмыстық техника, смарт құрылғылар, заманауи жарықтандыру және электротехника саласындағы шетелдік тікелей өндірушілер мен жеткізушілерді бір алаңға жинайды. Қазақстандық бизнес үшін ерекше ынтымақтастық мүмкіндіктері ұсынылады.

Көрменің басты мақсаты – Алматыда өндірушілер, жеткізушілер, дистрибьюторлар, сауда желілері, маркетплейстер және кәсіпкерлер тікелей келіссөздер жүргізіп, серіктестер тауып, келісімшарттар жасай алатын ірі халықаралық алаң қалыптастыру. Сонымен қатар көрме Қазақстан мен Алматының Шығыс пен Батысты байланыстыратын маңызды сауда және көлік көпірі ретіндегі рөлін нығайтуға ықпал етеді.

Қазақстан үшін...

Түркістанда екі жігіт қыз алып қашпақ болған, бірақ оларды дер кезінде полиция байқап үлгерді. Бұл туралы жергілікті «Отырар» арнасы хабарлайды.

Тәртіп сақшылары жол бойындағы Kia автокөлігінің ішінде отырған қыздың қолын бұлғап, көмекке шақырғанын байқайды. Күдік тудырған машинаны тоқтатқанда, бойжеткен жүгіріп шығып, көмектесуін сұрайды.

Аталған жағдай бойынша полиция мәжбүрлеп некеге тұр бабы бойынша іс қозғайды. Бірақ кейінірек бойжеткен жас жігітпен кездесіп жүргенін, бірақ кейін жанжалдасып қалғанын айтады. Ол жігітке қарсы арыз жазудан бас тартады.

Қазір жан-жақты тексеру жүргізіліп жатыр.

Осыған дейін Шымкентте 17 жастағы қызды алып қашқан ер адамдар ұсталған. Олар үш жылға бас бостандығынан айырылып, жәбірленушіге...

«Союз МС‑29» кемесінің экипажы 29 маусымда Байқоңырға жетті. Олардың қорытынды дайындығы ғарыш қалашығында өтеді, деп хабарлайды «Роскосмос».

NASA ғарышкері Анил Менон, «Роскосмостың» екі ғарышкері Пётр Дубров пен Анна Кикина дүйсенбі күні Байқоңырға келді. Олар 14 шілдеде айлақтан ғарышқа ұшады.

Оларды алмастыра алатын үш ғарышкер де Қазақстанға жетті. Қосалқы экипаж құрамында NASA ғарышкері Дениз Бёрнхем, «Роскосмос» өкілдері Дмитрий Петелин мен Константин Борисов бар.

Осыған дейін олардың бәрі Ресейде Ғарышкерлерді дайындау орталығында шеберлігін пысықтаған.

«Союз МС‑29» кемесі үш ғарышкерді Халықаралық ғарыш станциясына жеткізеді.

Антверпеннің дүниежүзілік алмас орталығы (AWDC) АҚШ тәуелсіздігінің 250 жылдығына орай президент Дональд Трампқа 321 табиғи гауһартаспен безендірілген эксклюзивті сақина сыйлады. Бұл туралы орталықтың баспасөз қызметі хабарлады.

Сақинаны антверпендік зергер әрі алмас шебері Давид Готлиб әзірлеп, жасаған. Оның дизайны Super Bowl чемпиондарының марапат сақиналарынан шабыт алып жасалған және АҚШ тәуелсіздігінің мерейтойына арналған ерекше элементтерді қамтиды.

Бұйым 18 караттық алтыннан жасалған. Ол 321 табиғи гауһартаспен қатар 75 асыл таспен безендірілген.

Сақина сондай-ақ Бельгия мен АҚШ арасындағы тарихи сауда байланысының символы саналады.

Мәлімдемеде айтылғандай, сыйлықты АҚШ-тың Бельгиядағы елшісі Билл Уайт қабылдап алған. Дипломат бұл тартуды «тамаша сақина» деп атап, АҚШ тарапы...

Энергетика министрлігі елде жазғы және туристік маусымда жанармай тапшылығы болмайтынын, қажетті мұнай өнімдерінің қоры жеткілікті екенін мәлімдеді.

Министрлік елдегі мұнай өнімдерінің жиынтық қоры 1,1 млн тоннадан асатынын хабарлады. Оның ішінде АИ-92 және АИ-95 маркалы бензин, сондай-ақ дизель отыны бар. Ведомствоның мәліметінше, қорлар отандық мұнай өңдеу зауыттарының қазіргі өндірісі есебінен тұрақты түрде толықтырылып отырады.

Ішкі нарықтағы тұрақтылықты сақтау мақсатында мемлекеттік реттеу шаралары да жалғасуда. Атап айтқанда, биылғы 21 қарашаға дейін мұнай өнімдерінің жекелеген түрлерін автомобиль және теміржол көлігімен экспорттауға қойылған уақытша тыйым күшінде қалады.

Сонымен қатар, мемлекеттік шекарадан көлік құралдарының тәулігіне бір реттен артық өтуіне шектеу енгізілген. Ал 20 маусымнан бастап

29 маусым күні футболдан әлем чемпионатының алғашқы плей-офф кезеңінде сенсация тіркелді. Германия құрамасы Парагвайдан жеңіліп, ЧМ-2026 турнирін ерте аяқтауға мәжбүр болды. Матчтан кейінгі пенальти сериясында 3:4 есебімен есе жіберген Бундестим жарыс жолынан шықты.

Ойын барысында неміс футболшылары айқын басымдыққа ие болғанымен, есепті бірінші болып қарсыластар ашты. 42-минуттағы қарымта шабуылдардың бірінде парагвайлық шабуылшы Хулио Энсисо мергендік танытты. Дегенмен екінші тайм басталған бойда Германия таразы басын теңестіре алды. Кай Хаверц дәл соққы жасап, өзінің осы әлем чемпионатындағы үшінші әрі соңғы голын соқты.

Пенальти сериясы

Матчтың негізгі 90 минуты мен қосымша уақытында жеңімпаз анықталмады.

Бірінші экстра-таймның соңында төреші неміс қорғаушысы Йонатан Таны...