Жаңалықтар

Статистика бойынша, әлемде әйелдер ерлерге қарағанда орташа есеппен 5 жылға ұзақ өмір сүреді. Құбылыстың нақты себебі әлі де жұмбақ, бірақ ғалымдардың бірнеше негізгі болжамы бар. ВВС басылымы солардың бірқатарына үңіліп көріпті.

Әлеуметтік фактор мен ерлерге тән тәуекелдер

Ұлыбританиядағы Оксфорд университетіне қарасты қартаюды зерттейтін институтының директоры, профессор Сара Харпердің айтуынша, әйелдердің ұзақ жасауы барлық елде байқалады, бірақ оның айырмашылығы әртүрлі. Айталық, Ресей, Украина мен Вьетнамда әйелдер ерлерден 10 жылдан астам ұзақ өмір сүрсе, Нигерияда алшақтық өте аз.

Бұған бірінші кезекте әлеуметтік жағдай мен мінез-құлық әсер етеді. Ерлер арасында шылым шегу мен ішімдікке үйірлік, дұрыс тамақтанбау жиі кездеседі. Оның үстіне...

Заңсыз ойын бизнесін ұйымдастырғаны үшін халықаралық іздеу жарияланған блогер Қайсар Қамза Вьетнамда қамауда отыр, деп хабарлады ҚазАқпарат агенттігі СІМ-нің ресми өкілі Ерлан Жетібаевтың сөзіне сілтеп.

– Қолда бар ақпаратқа сәйкес, бұл азамат Вьетнам аумағында қамауда отыр. Қазіргі уақытта оны экстрадициялау мәселесі қарастырылып жатыр. Экстрация Бас прокуратура құзыретінде және осы органдардан тиісті мәлімдеме болады, – деген Ерлан Жетібаев брифингте.

Сәуір айында іздеуде жүрген блогер Қайсар Қамза Вьетнамда ұсталғаны хабарланған. Полиция сол кезде блогер әлеуметтік желілерде онлайн-казиноның жарнамалық бейнематериалдарын орналастырып, пайдаланушыларды құмар ойындарға қатысуға тарту арқылы 100 млн теңгеден астам мөлшерде заңсыз табыс тапты деп...

Алматыда көпфункционалды Almaty Water Garden кешенін салу жоспарланып отыр.

Қала әкімінің баспасөз қызметі таратқан ақпаратқа қарағанда, демалыс, мәдени іс-шаралар мен ойын-сауыққа арналған жаңа орталық Алатау ауданында, Бауыржан Момышұлы мен Саин көшелерінің аралығындағы 27 гектардан астам аумақта орналасады. Жобаны жүзеге асыру 2026-2027 жылдарға жоспарланған.

Су арнасы

Әкімдік кешеннің басты ерекшелігі, серуендеуге арналған жағалаулармен, демалыс аймақтарымен және көгалдандырылған қоғамдық кеңістіктермен көмкерілген ұзын су арнасы болатынын айтады. Су жүйесінің айналасында заманауи саябақ аймағы жасалады.

Заманауи фудкорт аймақ

«Кешеннің маңызды нысандарының бірі – әлем халықтарының тағамдары мен гастрономиялық тұжырымдамаларын тоғыстыратын заманауи фудкорт болмақ. Оның жанында концерттер, фестивальдер, кинокөрсетілімдер...

Қазгидромет 2026 жылғы маусым айына арналған консультативтік болжамды жариялады. Синоптиктердің болжамынша, айлық орташа ауа температурасы елдің басым бөлігінде климаттық нормадан 1-2°С жоғары, ал республиканың батыс өңірлерінде норма шамасында болады.

Ал жауын-шашын мөлшері республиканың басым бөлігінде норма шамасында болжанады, елдің батыс пен солтүстік-батыстың жекелеген аудандарында көпжылдық орташа көрсеткіштерден көп болуы ықтимал.

Алғашқы онкүндік

Маусымның бірінші онкүндігінде ауа райы тұрақсыз болады деп күтіледі. Республика бойынша өткінші жаңбыр, найзағай, бұршақ және екпінді жел, ал елдің солтүстік-батыс жартысында кей уақытта қатты жаңбыр болжанады.

Елдің оңтүстігі мен оңтүстік-батысында жекелеген күндері шаңды дауылдар болжанады.

Ауа температурасының біртіндеп жоғарылауы

– елдің батысы мен оңтүстік-батысында, Актөбе облысында түнде +6+12°С-тан +13+22°С-қа дейін, күндіз +15+25°С-тан +27+32°С-қа дейін, ал...

Мадрид қаласында Димаш Құдайбергеннің шығармашылығы туралы «Al Compás de Su Voz» атты деректі фильмнің премьерасы өтті.

Бұл фильм Димаш пен оның Испаниядағы жанкүйерлер қауымдастығына арналған. Жобаны әншінің Испаниядағы фан-клубы мен La Gran Voz Kazaja қауымдастығы бірлесіп әзірлеген. Фильмнің режиссері – жас испан кинематографисі Давид Кольянтес Родригес.

Көрсетілім Мадридтегі Palacio de Hielo кинотеатрында өтіп, оған 130-дан астам көрермен жиналды. Қонақтар қатарында Қазақстанның Испаниядағы елшісі Данат Мұсаев бастаған елшілік өкілдері, қазақ диаспорасының мүшелері, қоғамдық ұйымдар және жас қазақстандық әнші Жанель Әли болды.

Бұл деректі фильм Dears қауымдастығына арналған алғашқы кинотуынды болды. Фильмнің негізгі желісі жанкүйерлер қауымдастығының бес мүшесінің өмір тарихына құрылған. Олар...

Малайзия цифрлық ортада жас пайдаланушыларды қорғау шараларын күшейтті. 1 маусымнан бастап елде 16 жасқа толмаған балаларға әлеуметтік желілерде жеке парақша ашуға тыйым салатын жаңа ереже күшіне енді.

Жаңа талаптар Facebook, Instagram, TikTok және YouTube сияқты ірі әлеуметтік платформаларға қолданылады. Ереже бойынша пайдаланушылардың жасын міндетті түрде тексеру және 16 жасқа толмағандарды тіркеуге тыйым салу қарастырылған.

Қазіргі қолданушылардың жасын тексеру үдерісі алдағы алты ай ішінде кезең-кезеңімен енгізіледі.

16 жасқа толмаған жасөспірімдердің әлеуметтік желідегі парақшалары жабылатындықтан, оларға фотолары мен видеоларын телефонына жүктеп алуға 1 ай уақыт беріледі. Кейін олардың парақшалары бұғатталады немесе өшіріледі.

Заң талаптарын сақтамаған компанияларға 2,5 млн долларға (шамамен 1 млрд...

Қазақстан СІМ-нің ресми өкілі Ерлан Жетібаев әлем чемпионатына баратын қазақстандық жанкүйерлерге қауіпсіздік шараларына байланысты ескерту жасады.

Ол қазақстандықтарды өзімен бірге құжаттарын немесе олардың көшірмелерін алып жүруге және жергілікті құқық қорғау органдарының талаптарын орындауға шақырды.

Сондай-ақ маршруттарды алдын ала жоспарлау, ресми сервистерді пайдалану және рұқсат етілмеген, адамдар көп жиналатын орындардан аулақ болу ұсынылды.

Ерлан Жетібаев шетелдегі көші-қон заңнамасы мен визалық талаптарды қатаң сақтау қажеттігін ерекше атап өтті.

«Төтенше жағдайлар туындаған кезде жергілікті шұғыл қызметтерге немесе Қазақстанның консулдық мекемелеріне хабарласу керек», – деді ол.

Сонымен қатар ол матчтарға баратын қазақстандық жанкүйерлердің нақты саны...

Енді шетелдік тауарлар мемлекеттік сатып алуға қатыса алмайды. Ауыл шаруашылық министрлігі «Ұлттық режимнен алып тастауды белгілеудің кейбір мәселелері туралы» қаулы жобасына өзгерістер енгізбекші.

Жобадағы түзету бойынша, енді мемлекеттік сатып алу жүргізілгенде оған шетелдік тауарлар қатыса алмайды. Жеткізуші тек Қазақстан Республикасы аумағында өндірілген тауарларды ғана ұсынуы керек. Яғни мемлекеттік сатып алуларға тек арнайы тізілімге енген отандық тауар өндірушілер ғана қатыса алады.

Өзгерістерге сәйкес, министрлік шектеу қойылатын шетелдік тауарлар тізімін бекітуі қажет. Ал қаулының күшін екі жылға дейін ұзарту көзделген.

Жоба авторларының түсіндіруінше, түзету елдің қауіпсіздігі мен қорғанысын нығайту, ішкі нарықты қорғау және ұлттық экономиканы дамыту мақсатында әзірленген. Сондай-ақ қазақстанды...

Танымал актриса әрі продюсер Дариға Бадықова мен журналист Нұрсейіт Жылқышыбай арасындағы сот дауы апелляциялық сатыда аяқталды. Актрисаның алғашқы сот шешіміне қарсы түсірген шағымы қанағаттандырылмады. Бұл туралы заңгер Инга Иманбай хабарлады.

Алматы облыстық сотының қылмыстық істер жөніндегі апелляциялық алқасы істі қайта қарап:

«Алматы облысы Қарасай аудандық сотының 2026 жылғы 19 ақпандағы шешімі өзгеріссіз, ал талап қоюшы Дариға Медетжановна Бадықованың келтірген апелляциялық шағымы қанағаттандырудан бас тартылсын», деп қаулы шығарған.

Бұл қаулы жария етілген күннен бастап заңды күшіне енді. Дегенмен, заң бойынша наразы тарап алты ай мерзім ішінде бұл шешімге кассациялық тәртіппен шағым түсіруге құқылы.

Айгүл Иманбаева 22 жасында өмірінде ең ауыр сынаққа тап келгенін баяндады. Айтуынша, алғашқы ажырасуы өміріне қатты әсер еткен.

Бұл – талай отбасының басына ауырлық әкелген 90-жылдары болған. Десе де, бұл қиын-қыстау заман оның төркінін айналып өткен.

«Таршылық көрмедік»

«Шешем өмір бойы қызметте жұмыс жасаған. Бухгалтер – қазіргі тілмен айтқанда, қаржыгер. Бізге қиыншылық көрсетпей өсірді. Қиын бір замандар болды. Тоқсаныншы жылдары тамақ талонмен берілді. Үйде кәмпитті бір тал ғана беретін. Біз бала кезімізде ондай нәрсе көрген жоқпыз», – дейді актриса.  

Сөзіне қарағанда, үйіндегі сервантта тәтті дәмдер толып тұрған. Ешқандай қиындық көрмеген.

«Жоқшылыққа түстім»

«Былай айтқанда тоқтықта өстік десек...

Eurasian Resources Group (ERG) компаниясының Қазақстандағы активтерін Кудрәт Шамиев басқаратын болды. Бұл туралы компанияның баспасөз қызметі хабарлады.

Ол «Еуразиялық Топ» ЖШС-нің бас директоры лауазымына тағайындалды. ERG мәліметінше, Кудрәт Шамиевтің қазақстандық және халықаралық компанияларда 12 жылдан астам басқарушылық әрі сарапшылық тәжірибесі бар.

Ол бұған дейін «Hikmet Travel SDN Berhad» (Малайзия), «Altau Group», «Mangosteen Development» және «Найза-Құрылыс» компанияларында басшылық қызметтер атқарған.

Қазіргі уақытта Кудрәт Шамиев – «Integra Construction KZ» бақылау кеңесінің төрағасы, «Todini Costruzioni Generali SpA» директорлар кеңесінің мүшесі және «Kazakh Construction Group» бақылау кеңесінің төрағасы қызметтерін атқарады.

Бұған дейін Financial Times басылымы ERG-дің бас атқарушы директоры лауазымында Шухрат Ибрагимовты Роман...

Қазақстанда «Орда Аймақ Плюс» жаңа өңірлік ипотекалық бағдарламасы пайда болды. Бағдарлама аясында салынып жатқан тұрғын үй кешендерінен пәтерді жылдық 10,9%-дан басталатын мөлшерлемемен сатып алуға болады. Бұл туралы krisha.kz хабарлады.

Бағдарлама операторы – Қазақстан тұрғын үй компаниясы.

Ипотека шарттары

Маңызды шарттар

Бағдарлама қандай тұрғын үй кешендеріне арналған

«Орда Аймақ Плюс...

Freedom Holding Corp. бірыңғай брендке көшпекші. Компания мәлімдеуінше, логотиптердегі «Bank», «Broker» және басқалар қолданылмайды.

Брендті жаңартудағы басты мақсат – топтың нарықтағы орнын нығайту, қызметтерді жұртқа кеңінен таныту және клиенттер мен серіктестер үшін ортақ әрі ыңғайлы орта қалыптастыру. Ребрендинг аясында холдингтің барлық шетелдік филиалдары бірыңғай стильге, ортақ бренд жүйесіне және коммуникациялық үлгіге біртіндеп көше бастайды.

 «Брендтің өзгертілуі – Freedom-ның біртұтас экожүйе ретінде дамуының қисынды жалғасы. Бүгінгі таңда біздің өнімдеріміз бен көрсетілетін қызметтеріміз бір-бірімен жеткілікті түрде біріктірілген және бірыңғай бренд осы байланысты клиент үшін неғұрлым түсінікті әрі танымал етеді. Адам банктік, брокерлік, сақтандыру немесе lifestyle қызметтерін пайдалана отырып...

Президент Әкімшілігінің басшысы, бұған дейін Премьер-министрдің бірінші орынбасары қызметін атқарған Роман Скляр «Бәйтерек» ұлттық холдингінің директорлар кеңесі құрамынан шығарылды. Бұл туралы Қазақстан қор биржасы (KASE) сайтында жарияланған хабарламада айтылған.

Мәліметке сәйкес, тиісті шешімді холдингтің жалғыз акционері 2026 жылғы 15 мамырда қабылдаған. Роман Скляр Президент Әкімшілігінің басшысы қызметіне 5 мамырда тағайындалған болатын.

Оның орнына «Бәйтерек» холдингінің директорлар кеңесіне Премьер-министрдің бірінші орынбасары Нұрлыбек Нәлібаев кірді.

Нұрлыбек Нәлібаев мемлекеттік қызметке келгенге дейін мұнай-газ саласында және мұнай өнімдері саудасы бағытында еңбек еткен. 2005 жылдан бастап мемлекеттік қызметке ауысып, Шиелі ауданы әкімінің, Қызылорда қаласының әкімі және Қызылорда облысы әкімі қызметтерін...

«ҚазМұнайГаз» ҰК АҚ еуропалық активі – KMG International 2026 жылғы қаңтар-сәуір айларында өндірістік-қаржылық қызметін қорытындылады. Төрт айдағы таза пайда 75 млн долларға жетті.

Компанияның дерегінше, негізгі операциялық және қаржылық көрсеткіштер былтырғы сәйкес кезеңмен салыстырғанда өсім көрсетті.

«Петромидия» мұнай өңдеу зауыты есепті кезеңде 1,67 млн тонна шикізат өңдеп, өзінің жобалық қуатын 98,3%-ға орындады. Мұнай өнімдерін шығару көлемі 1,59 млн тоннаны құрады, соның ішінде:

– дизель отыны – 743 мың тонна;
– бензин – 436 мың тонна;
– авиаотын – 136 мың тонна.

KMGI-ге қарасты ритейл компаниялардың сатылымы 9%, яғни 934 мың тоннаға ұлғайды. Бұл негізінен Румыния мен Молдовадағы көтерме сауданың ұлғаюының нәтижесі. Басқа (отынға...

Кейбір ақпарат құралдары қоғам белсендісі әрі журналист Арман Шораевқа іздеу жарияланғаны туралы ақпарат тарата бастады.

Алайда Шораевтың өзі мұны толықтай терістеп отыр.

Zanamiviehali ақпаратынша, оның үстінен жасөспірімді ұрып-соқты деген арыз түскен. Содан кейін Арман Шораевқа іздеу жарияланған.

«Алайда (іздеу туралы – ред.) хабарлама қазірдің өзінде күшін жойды. Ақмола облысы полициясының мәліметінше, 24 мамыр күні Көкшетау тұрғыны кәмелетке толмаған ұлына дене жарақатын келтіргені жөнінде арыз жазып, онда Арман Шораевтың есімін көрсеткен», – делінген хабарламада.

Телеграм арнаның мәліметінше, осыдан кейін полиция қызметкерлеріне Шораевты ұстау туралы хабарлама жолданған. Алайда сол күні Арман Шораевтың өзі полицияға келіп...

Алматы қаласы Алмалы аудандық сотында «көрінеу жалған ақпарат таратты» деген айыппен қамауға алынған заңгер әрі блогер Әділетхан Молдаханға қатысты сот процесі басталды. Алғашқы сот отырысында айыпталушы өзіне тағылған қылмыстық айыппен толықтай келісетінін мәлімдеді. Бұл туралы Orda.kz хабарлады.

Жәбірленушілер – жоғары шенді полицейлер

Бұл қылмыстық іс бойынша Алматы қалалық полициясы басшысының бұрынғы орынбасары Ержан Ұзабаев пен әкімшілік полиция басшысы Серік Шұмаев жәбірленуші деп танылды.

Сот барысында Ержан Ұзабаевтың адвокаты айыпталушы Әділетхан Молдаханнан моральдық шығын ретінде 10 млн теңге, сондай-ақ сот шығындарын өтеу үшін 1 млн теңгені өндіріп алуды сұрады.

Молдаханның қорғаушылары соттан айыпталушыны қамаудан босатып, үйқамаққа шығаруды және...

1 маусымда жергілікті уақытпен таңғы сағат 6:30-да Мальтада отшашу шығаратын зауытта ірі жарылыс болды. Екі адам ауруханаға түсті.

Отшашу сақтайтын қоймадағы жарылыстың қатты болғаны сонша, оның әсерін аралдағы бірнеше аудан сезді.

Maltatoday басылымының мәліметінше, төтенше оқиғадан кейін екі адам ауруханаға түскен. Олардың жарақаты ауыр емес.

Полиция жарылыс болған уақытта зауытта бір де бір жұмысшы болмағанын хабарлады. Өндіріс орнындағы төтенше оқиға себептері мен салдары анықталып жатыр.

Қазақстанда 2028 жылдан бастап ұл балаларды адам папилломасы вирусына (АПВ) қарсы егу жоспарланып отыр. Бұл туралы Санитариялық-эпидемиологиялық бақылау комитетінің баспасөз қызметі хабарлады.

Дәрігерлердің айтуынша, иммундау АПВ-мен байланысты бірқатар аурудан, соның ішінде жыныс мүшелері қатерлі ісігінен қорғай алады. Сондай-ақ ұлдарды вакцинациялау вирустың таралуын азайтып, әйелдерді де жанама түрде қорғайды.

Комитет 2024 жылдан бастап республикада 11 жастағы қыз балаларға жоспарлы түрде екпе егіліп жатқанын еске салды. Ал 12 және 13 жастағы қазақстандық қыздар үшін уақытында егілмей қалған екпелерін қайта қабылдау мүмкіндігі қарастырылған.

2026 жылы жас шегі кеңейтілді. Енді АПВ-ға қарсы екпе 14 жастан бастап 17 жас 11 ай 29 күнге дейінгі қыз...

Астана қаласы бойынша Қылмыстық-атқару жүйесі департаментінің №2 мекемесінде Халықаралық балаларды қорғау күні қарсаңында «Ашық есік күні» ұйымдастырылды.

Жаздың алғашқы мерекесіне орайластырылған бұл шараның негізгі мақсаты – жазасын өтеп жатқан азаматтардың отбасылық байланыстарын нығайту, ата-ана мен бала арасындағы үзілмес қарым-қатынасты сақтау және сотталғандардың өз жақындарымен емін-еркін қарым-қатынас жасауына барынша қолдау көрсету болды.

Мереке аясында мекемеге келген бүлдіршіндер үшін ерекше сый дайындалды. Аршалы ауданы прокуратурасының тікелей қолдауымен балаларға арналған арнайы концерттік бағдарлама ұйымдастырылды. Колония қабырғасында өткен шара барысында жас қонақтардың барлығына мерекелік сыйлықтар табысталды.

iPhone 18 Pro-ға орнатылатын жаңа камера Apple компаниясына қазіргі камера модулінен кемінде 1,5 есе қымбатқа түседі. Бұл туралы танымал сарапшы Мин-Чи Куо мәлімдеді.

Жаңа камера модуліне байланысты iPhone 18 Pro және iPhone 18 Pro Max модельдерінің бағасы қымбаттауы мүмкін. Сарапшының айтуынша, реттелетін диафрагмасы бар камераның өзіндік құны қазіргі шешіммен салыстырғанда кемінде 1,5 есе жоғары болады. Бұл туралы Wylsa.com порталы жазды.

Камерада не өзгереді

iPhone 18 Pro және Pro Max смартфондарының негізгі камерасы айнымалы диафрагмасы бар оптикамен жабдықталады. Бұл жүйе түсірілімнің жарықтығын және фонның бұлдырау деңгейін бағдарламалық өңдеу арқылы емес, арнайы механикалық арнайы тетіктер көмегімен реттеуге...

Маусымда Қазақстанның бірнеше өңірінде мәдени және спорттық бағыттағы фестивальдер өтеді. Солардың ең ауқымдысын назарларыңызға ұсынамыз.

«АЛТЫН БЕСІК – АҚСУАТ»

«Алтын бесік – Ақсуат» өнер және спорт фестивалі Абай облысында өтеді. Мереке аймақтың бұқаралық спорты мен дәстүрлеріне арналады. Қонақтарды қазақ күресінен палуандар айқасы, ақындар айтысы, гала-концерт және отбасылық іс-шаралар күтеді.

BEU FEST

Алматыдағы Beu Fest – заманауи жастар мәдениетіне арналған жазғы музыкалық фестиваль. Мерекелік шарада танымал әртістер мен жаңа орындаушылардың жанды дауыстағы концерттері, диджей-сеттер, арт-аймақтар мен түрлі интерактивтер күтеді. Фестивальдің басты ерекшелігі – open-air форматында өтуі. Жыл сайын Beu...

Мәдениет және өнер қызметкерлері күніне орай белгілі композитор, продюсер әрі музыкант, «ДимашАли» шығармашылық орталығының жетекшісі Қанат Айтбаев жоғары мемлекеттік наградамен марапатталды. Ел Президентінің атынан құрметті марапатты ҚР Премьер-министрінің орынбасары – Мәдениет және ақпарат министрі Аида Балаева табыс етті.

Марапаттау рәсімі барысында Аида Балаева Қанат Айтбаевтың отандық мәдениет пен өнерді дамыту жолындағы қажырлы еңбегіне ерекше тоқталды. Сондай-ақ оның қазақстандық музыка өнерін халықаралық деңгейде қолдау және кеңінен насихаттау ісіне қосқан зор үлесін атап өтті.

«Парасат» ордені елімізде ғылым, мәдениет, әдебиет пен өнер салаларын дамытуға сіңірген айрықша еңбегі, сондай-ақ мемлекеттің рухани және зияткерлік әлеуетін нығайтуға қосқан елеулі үлесі үшін беріледі.

Айта кетейік, Мәдениет...

Қазақстанда жаңа саяси ұйым пайда болды. 1 маусымда «Әділет» партиясы ресми түрде тіркеуден өтті. Бұл туралы саяси бірлестіктің төрағасы Айбек Дәдебай мәлімдеді.

Жаңадан құрылған партия билік саясатын қолдайды. Ұйым басшысы жаңадан құрылған бірлестік елдің саяси жүйесінде бәсекені күшейтті деп есептейді.

«Бүгін «Әділет» партиясы мемлекеттік тіркеуден өтті. Бұл – еліміздің дамуындағы жаңа кезеңнің басталуы. Мемлекет басшысы Қасым-Жомарт Тоқаевтың бастамасымен жүзеге асырылған саяси реформалардың нәтижесінде еліміздің саяси жүйесі ашық әрі бәсекеге қабілетті бола түсті», – деп мәлімдеді Дәдебай.

Саясаткер партияның тіркелгенін «оң өзгерістердің нақты көрінісі» деп сипаттады.

«Партия қатарында еңбек адамдары...