Жаңалықтар

Әлем чемпионатының 1/16 финалы аясында өткен Бразилия мен Жапония құрамалары арасындағы кездесу драмаға толы болды. Жапония құрамасы соңына дейін жан аямай шайқасқанымен, «пентакампеондар» соңғы қосылған минуттарда жеңісті жұлып кетті. Матчтың қорытынды есебі 2:1.

Саноның голы мен бірінші таймдағы сенсация

Ойын жапондықтардың белсенді шабуылымен басталды. Матчтың 29-минутында К. Сано Бразилия қақпасын дәл көздеп, есепті ашты – 0:1. Бірінші таймда «самурайлар» қорғаныста өте сауатты ойнап, Бразилияның жұлдызды шабуылшыларына мүмкіндік бермеді. Оған қоса, бірінші тайм қос команда үшін де сары қағаздарға толы болды (Сано 12′, Каземиро 14′, Камада 45′).

Екінші тайм: Бразилияның қайта түлеуі

Екінші таймда Бразилия бапкері бірден тактикалық өзгерістерге...

Ресей президенті Владимир Путин Ресей мен Украина арасындағы келіссөздер қайта басталған жағдайда, Минск олар үшін алаңға айналуы мүмкін деп санайды, деп хабарлайды «Интерфакс».

«Егер әңгіме келіссөздерге қатысты болса, Беларусьтің мүмкіндіктерін де пайдалануға болатынына сенімдімін», – деді Путин.

Оның айтуынша, Беларусь президенті Александр Лукашенко қақтығысты бейбіт жолмен реттеуге бағытталған кез келген бастаманы қолдауға дайын.

«Александр Григорьевичтің ұстанымын білемін, ол даулы мәселелерді бейбіт құралдармен шешуге бағытталғанның бәрін жан-жақты қолдауға дайын», – деп атап өтті Путин.

Ол сондай-ақ 2022 жылы қақтығыс басталғаннан кейінгі алғашқы ресей-украин келіссөздері дәл осы Минскіде өткенін еске салды...

Астана биылғы қала күнін ерекше ауқымда атап өтуге дайындалып жатыр. Елорда әкімдігінің хабарлауынша, мереке аясында ашық аспан астындағы концерттерді, фестивальдерді, спорттық жарыстарды, театр премьералары мен отбасылық бағдарламаларды қамтитын 200-ден астам мәдени іс-шара ұйымдастырылады.

Мерекелік бағдарлама шілденің алғашқы күндерінен бастап қыза түспек. Мәселен, 2 шілдеде «Байрағы биік байтағым» мүшәйрасының жеңімпаздары анықталып, Бейбітшілік және келісім саябағында «Taza Fest Astana» эко-фестивалі өтеді. Ал 3 шілдеде Оқушылар сарайында жас фотографтардың көрмесі мен «Ел жүрегі – Астана!» атты жастардың open-air фестивалі жалауын желбіретеді.

Отбасылық құндылықтар мен театр премьералары

Отбасылық құндылықтар мен шығармашылыққа бағытталған шаралар да назардан тыс қалмады. Шілденің 3-і күні Ұлттық музейде «Менің Астанам – менің отбасым» байқауының жеңімпаздары марапатталса...

Түркістан облысы Түлкібас ауданы Еңбекші ауылында болған жол-көлік оқиғасынан бес бала қаза тапты, деп хабарлайды Otyrar.kz.

Volkswagen Polo автокөлігі жолдан шығып кетіп, ағашқа соғылған.

«Апат салдарынан бір отбасының бес баласы шетінеді. Тағы бір бала ауыр жарақаттармен ауруханаға жеткізілді. Дәрігерлер оның өмірін сақтап қалды, бірақ жағдайы әлі де ауыр», – деп хабарлайды басылым.

Өңірлік полициядан мәлімдегендей, алдын ала мәліметтер бойынша, жүргізуші рөлге ие бола алмай қалған.

Жол-көлік оқиғасы фактісі бойынша қылмыстық іс қозғалды. Тергеушілер оқиғаның барлық мән-жайын анықтап жатыр.

Елдің көп бөлігінде жаңбыр мен найзағай болады, ал шығыс пен оңтүстікте күн қатты ыстық болады деп күтілуде. «Қазгидромет» 30 маусымға арналған ауа райы болжамын ұсынды.

Іске қосылған сәттен бастап Tarlan Astana жеңіл рельсті көлік жүйесін 3,1 млн жолаушы пайдаланып үлгерді. Бұл туралы елорда әкімдігінен хабарлады.

«Бүгінгі таңда орташа тәуліктік жолаушылар ағыны шамамен 70 мың адамды құрайды. Мұндай көрсеткіштер көліктің жаңа түрі қала тұрғындары мен қонақтары арасында тез арада сұранысқа ие болғанын көрсетеді», – деп есеп берді әкімдік.

Ведомстводан Tarlan Astana қала бойынша жылдам әрі ыңғайлы қозғалысты қамтамасыз ете отырып, біртіндеп елорданың қоғамдық көлік жүйесінің негізгі элементтерінің біріне айналып келе жатқанын атап өтті.

Еске сала кетейік, LRT-ның алғашқы желісі 16 мамырда іске қосылған еді. Алғашқы күндері жолаушылар...

Италияда өткен қысқы Паралимпиада ойындарында алғашқы алтын медальді жеңіп алған қазақстандық Ербол Хамитов 350 мың доллар көлемінде төлем алды, деп хабарлайды Туризм және спорт министрлігі.

Үкімет XIV қысқы Паралимпиада ойындарының жеңімпазы мен жүлдегерлеріне ақшалай сыйақы төлеу туралы қаулы қабылдады. Спортшылар мен олардың бапкерлеріне жалпы сомасы 388 млн теңгеден астам қаражат төленді.

Төлемді алған спортшылар:

Ақшалай сыйақы спортшылардың бірінші, жеке және бас бапкерлеріне де төленді. Бұдан бөлек, әкімдік Паралимпиада ойындарының чемпионына жергілікті коммуналдық тұрғын үй қорынан тегін пәтер береді.

Ербол Хамитов қысқы...

Қазақстан мен Грузия мәдениет пен туризмнен бастап жасанды интеллектке дейінгі бірнеше бағыт бойынша ынтымақтастықты бірден кеңейтуге уағдаласты, деп хабарлайды Ақорда.

Келіссөздер қорытындысы бойынша Қазақстан президенті Қасым-Жомарт Тоқаев пен Грузия премьер-министрі Ираклий Кобахидзе екі ел арасында стратегиялық серіктестік орнату туралы бірлескен мәлімдеме қабылдады.

Сонымен қатар, делегация өкілдері үш меморандуммен алмасты. Біріншісі мәдениет саласындағы ынтымақтастыққа, екіншісі – жасанды интеллект пен цифрлық технологияларды дамытуға, үшіншісі – туризм саласындағы өзара іс-қимылға қатысты.

Осыған дейін Тоқаев пен Кобахидзе тар құрамда келіссөздер жүргізіп, елдер арасындағы қарым-қатынастар енді стратегиялық мәртебеге өтетінін мәлімдеген еді. Бұдан бөлек, тараптар транскаспий маршрутын күшейтуді, Баку – Тбилиси – Джейхан арқылы мұнай...

Қазақстан президенті Қасым-Жомарт Тоқаев Грузия премьер-министрі Ираклий Кобахидзені екі ел арасындағы ынтымақтастықты дамытуға қосқан үлесі үшін І дәрежелі «Достық» орденімен марапаттады.

Марапаттау рәсімінде мемлекет басшысы Ираклий Кобахидзені Қазақстанның досы, көреген көшбасшы және өз ісіне берілген мемлекеттік қайраткер деп атады.

«Грузия бұдан былай да орнықты даму жолымен алға басып, қуатты әрі өркендеген ел ретінде жаңа белестерді бағындыра беретініне сенімдімін», – деді президент.

Тоқаев сондай-ақ Қазақстан мен Грузия арасындағы қарым-қатынастардың жоғары деңгейін атап өтті, оның айтуынша, бұл қатынастар терең тарихи байланыстарға, ортақ мәдени құндылықтарға және халықтардың көпжылдық достығына негізделген.

Мемлекет басшысы грузин қауымдастығы Қазақстанның көпұлтты қоғамының маңызды...

Президент Қасым-Жомарт Тоқаев Грузия премьер-министрі Ираклий Кобахидземен келіссөздер жүргізді. Кездесудің басты тақырыбы экономикалық ынтымақтастықты дамыту болды, ал келіссөздердің нәтижесі – екі ел арасында стратегиялық серіктестік орнату туралы Бірлескен мәлімдемеге қол қою.

500 млн доллардан астам инвестиция

Қазақстан Грузияның ірі инвесторларының бірі болып қала береді. Тоқаевтың айтуынша, грузин экономикасына салынған қазақстандық инвестиция көлемі қазірдің өзінде 500 млн доллардан асқан.

«Сауда-инвестициялық өзара іс-қимыл қазақ-грузин қатынастарының негізі болып қала береді. Жаһандық тұрақсыздыққа қарамастан, екіжақты тауар айналымының одан әрі өсу әлеуеті бар. Қазақстан Грузия экономикасына жарты миллиард доллардан астам инвестиция салды және бұрынғысынша осы елдің ең ірі инвесторларының қатарына...

Астанада полицейлер видеороликтер түсіру үшін құқық қорғау органдары қызметкерлерінің формасын заңсыз пайдаланған ер адамды іздеп тапты.

Елордалық полиция департаменті хабарлағандай, «погон таққан блогер» өз видеоларымен тәртіп сақшыларының жұмысына нұқсан келтірген.

Күмәнді контент әлеуметтік желілерге мониторинг жүргізу кезінде полицейлердің назарына ілінген. Автордың кім екені тез анықталды – ол елорданың 30 жастағы тұрғыны болып шықты. Оны полиция бөліміне жеткізді.

«Аталған факті бойынша ер адам арнайы киім-кешек пен айырым белгілері бар нысанды киімді заңсыз киіп жүргені, сондай-ақ заңсыз контентті орналастырғаны және таратқаны үшін әкімшілік жауапкершілікке тартылды. Іс материалдары тиісті шешім қабылдау үшін сотқа жіберілді», – деп...

Павлодарда Mitsubishi Carisma автокөлігінің жүргізушісі қарсы қозғалыс жолағына шығып кетіп, үш жаяу жүргіншіні қағып, содан кейін жарықтандыру бағанасын құлатып, автобус аялдамасын соққан.

Осы бір адам өліміне әкеп соққан маневрлерден кейін көлік аударылып қалды, ал апат салдарынан екі адам қаза тауып, бір адам ауруханаға түсті.

Дачный шағын ауданында болған сұмдық жол-көлік оқиғасы орнынан түсірілген видео әлеуметтік желілерге тарады.

Облыстық полиция департаменті хабарлағандай, қайғылы оқиға 29 маусымда күндіз Нұрсұлтан Назарбаев даңғылында болған.

«Жол-көлік оқиғасының мән-жайы мен себептері сотқа дейінгі тергеп-тексеру барысында анықталуда», – деп хабарлады полиция департаментінен.

Апат фактісі бойынша қылмыстық іс...

Қазақстан KidsRights 2026 Жаһандық бала құқықтары индексінде 0,797 ұпай жинап, 24-орынға ие болды. Бұл нәтиже елге балалардың құқықтарын сақтау және әл-ауқатының деңгейі бойынша әлемдегі ең үздік 25 мемлекеттің қатарына кіруге мүмкіндік берді.

Индексті Роттердамдағы Эразмус университеті KidsRights халықаралық ұйымымен бірлесіп дайындаған. Зерттеуде БҰҰ-ның Бала құқықтары туралы конвенциясына қатысушы 194 ел қамтылған. Бағалау бес бағыт бойынша жүргізіледі: өмір сүру, денсаулық, білім беру, қорғау және қолайлы орта.

Рейтингтің көшбасшысы болып 0,871 ұпайлық көрсеткішпен Нидерланды қалып отыр. Қазақстан 24-орынға тұрақтап, Шығыс Еуропа, Кавказ және Орталық Азияның бірқатар мемлекеттерін артқа тастады.

Өңірлік тұрғыда позициялар келесідей бөлінді: Молдова – 32-орын, Украина – 36-орын, Грузия...

Алматы облысында екі автокөліктің үстіне ағаш құлап, әйел адам қаза тапты деп хабарлады аймақтың денсаулық сақтау басқармасы.

Оқиға 28 маусымда Еңбек және Қырбалтабай ауылдарының арасындағы автожол учаскесінде болған. Ағаш екі жеңіл автокөліктің үстіне құлаған. Ауруханаға бес зардап шеккен ада жеткізілді. 61 жастағы әйел көптеген жарақаттармен түскен, оның жағдайы өте ауыр болған. Дәрігерлер ота жасағанымен, алған жарақаттары өмірмен үйлесімсіз болып шықты. Пациент қайтыс болды.

Қазіргі уақытта жансақтау бөлімінде 38 және 39 жастағы екі ер адам жатыр.

«Біреуінің жағдайы өте ауыр деп бағалануда. Жүрегі мен өкпесі зақымдалған. Екіншісі травматология бөлімшесіне ауыстырылды, жағдайы тұрақты. Жеңіл жарақат алған адам қолхатпен...

29 маусымда Тәуелсіздік сарайында елімізге ресми сапармен келген Грузия Премьер-министрі Ираклий Кобахидзе қарсы алу рәсімі өтті. Бұл туралы Ақорда хабарлады.

Іс-шара барысында Қасым-Жомарт Тоқаев пен Ираклий Кобахидзе бір біріне делегация мүшелерін таныстырды.

Кейін Қасым-Жомарт Тоқаев пен Ираклий Кобахидзе шағын құрамда келіссөз жүргізді.

Қасым-Жомарт Тоқаев Ираклий Кобахидзеге ілтипат көрсетіп, аталған сапар қазақ-грузин серіктестігін нығайтуда өте маңызды екенін атап өтті.

«Бұл сапар табысты болатынына сенімдімін. Қазақстан Грузияны стратегиялық тұрғыдан маңызды әрі дәстүрлі серіктесі ретінде қарастыратынын атап өткім келеді. Біз көптеген бағытта, соның ішінде экономикалық немесе гуманитарлық салаларда тығыз байланыс орнаттық. Мұндай ықпалдастық алдағы уақытта да жалғасуға...

Жамбыл облысында қуаты 1 Гигаватт, құны шамамен 1,4 млрд доллар болатын ең ауқымды жел электр станциясының құрылысы басталды. Бұл туралы Энергетика министрлігінің баспасөз қызметі хабарлады.

Энергетика вице-министрі Сұңғат Есімханов, «Самұрық-Қазына» АҚ Басқарма төрағасы Нұрлан Жақыпов және БАӘ-дегі Masdar инвестициялық компаниясының басшысы Мұхамед Жамиль Әл-Рамахи құрылыс жұмыстарының басталуына ресми түрде белгі берді.

Сұңғат Есімхановтың айтуынша, жоба еліміздің оңтүстік өңірлеріндегі электр энергиясы тапшылығын реттеуге бағытталған.

«Бұл жоба өңірдің энергетикалық қауіпсіздігін нығайтып, жаңартылатын энергия көздері секторына заманауи технологияларды тартуға мүмкіндік береді. Біз серіктестеріміздің еліміздің орнықты дамуына инвестиция салуға деген әзірлігін жоғары бағалаймыз әрі өз тарапымыздан жобаның барлы...

Алматы қаласы Наурызбай ауданы Шұғыла шағынауданында орналасқан «Ұлытау» тұрғын үй кешенінің ауласында бір әйел босануға мәжбүр болды.

Тұрғындардың айтуынша, аулаға көліктердің көптігінен жедел жәрдем дер кезінде өте алмаған.

Дәрігерлер ана мен баланың жағдайы қалыпты деп отыр. Дереу Қалалық перинаталдық орталыққа жеткізілген.

Тұрғындардың сөзіне қарағанда, құрылыс компаниясы жеткілікті автотұрақ қарастырмаған. Ал ауданның қарқынды салынып жатқаны жағдайды одан әрі ушықтырған. Соның салдарынан аулалар көлікке толып, жедел жәрдем мен басқа да арнайы қызметтердің қозғалысына кедергі келуде.

«Пәтерлерімізді ипотекаға сатып алдық. Бірақ күн сайын тұрақ тапшылығына тап боламыз. Мұндай жағдай қайғылы оқиғаға ұласпай тұрғанда қала әкімдігі мен жауапты...

Әкімшілік рақымшылық аясында қазақстандықтардың 300 млн теңгеге жуық айыппұлы кешірілуі мүмкін. Бұл туралы Мемлекеттік кірістер комитетінің баспасөз қызметі хабарлады.

Амнистия Қазақстан азаматтарына, жеке кәсіпкерлерге, жеке нотариустарға, сот орындаушыларына, адвокаттар мен заң кеңесшілеріне қатысты қолданылады. Ал заңды тұлғаларға, лауазымды тұлғаларға, қандастарға, шетел азаматтарына және азаматтығы жоқ адамдарға әкімшілік рақымшылық қолданылмайды.

Сондай-ақ әкімшілік амнистия сот шешімімен салынған айыппұлдарға, азаматтар мен мемлекеттің қауіпсіздігіне қатер төндіргендерге жүрмейді.

Салық заңнамасын бұзған жауаптылар да рақымшылыққа ілінбейді. Ашып айтқанда, салық салынатын нысанды жасыру, салық төлеуден жалтару және салық міндеттемелерін төмендету сияқты әрекеттерге қатысты айыппұлдар кешірілмейді.

Қазақстан Республикасы Қаржы министрлігі мұндай құқықбұзушылықтың ел экономикасына елеул...

Өзбекстанда 6 айлық сәбиін аса қатыгездікпен өлтірген ер адам 15 жылға бас бостандығынан айырылды.

Kun ақпаратына қарағанда, қайғылы оқиға 2026 жылдың 9 қаңтарында болған.

Тергеу мәліметінше, 33 жастағы ер адам демалмақ болған кезде сәбиі шарылдап жылаған. Бұған қатты ашуланған отағасы туыстарының көзінше оның аузына шұлық тығып, екі қолынан бірнеше рет қатты сілкіген.

Соның салдарынан баланың басы диванның ағаш бөлігіне соғылып, кейін клиникалық өлім жағдайына түскен.

Сот-медициналық сараптама нәрестенің миына қан құйылғаны, ми мен өкпенің ісінгені анықталды. Сондай-ақ, сәби дем жетпей, тұншығып өлген.

Оқиғадан кейін сәби ауруханаға жеткізілгенімен, дәрігерлер оның өмірін сақтап қала алмады. Алғашында іс денсаулыққа ауыр зиян...

Осы уақытқа дейін Алматыдағы жаңа салынған үйлердің бағасы ескі үйлермен салыстырғанда арзан болып келсе, қазір екеуінің құны теңесті. Жылжымайтын мүлік маманы Диляра Сейітнұрованың айтуынша, бұған құрылыс компанияларына қосылған құн салығының (ҚҚС) енгізілуі себеп болды. Осы салық қазірден бастап жаңа тұрғын үй кешендерінің бастапқы бағасына қосылып жатыр. Соның салдарынан 2027 жылы жаңа үйлер ескі үйлерден қымбаттап кетуі мүмкін.

Сонымен қатар нарықта жалпы сауда көлемі төмендеп келеді. Оған мынадай факторлар әсер етіп жатыр:

Ал қаржыгер Сұлтан Елемесов қазіргі бағаны тым асыра...

45 жасында шетелде студент болып оқып жүрген актриса Айгүл Иманбаева қазақтар мен ағылшындардың тұрмысын салыстырды.

Оның айтуынша, Англия тұрғындары дүние-мүлік жинамайтынына, қарапайым тұратынына таңырқады.

«Мынау үй – кәдімгі ағылшындардың үйі. Ең алғаш Англияға оқуға келген кезде Коунтри деген қалада жатақханада үш ай тұрдым. Сабаққа жаяу кетіп бара жатып, осындай үйлердің алдынан өтемін. Сол кезде «мәссаған, мына есік кішкентай ғой. Мына есікке қазақтар сыймайды. Қазақтардың жиһазы сыймайды», – деппін. Ең бірінші айтқан сөзім сол болды. Қазір күлемін», – деді актриса.

Айгүл Иманбаеваның айтуынша, ағылшындар үйіне жиһаз жинамайды. Дүние-мүлік алмайды. Сосын үйі де, есігі де кішкентай болады. Екі қабатты үйде тұрғанымен, бәр...

Қазақстанда қалааралық сапарға шығу үшін жүргізуші немесе автокөлік іздеу әлдеқашан цифрлық форматқа көшкен. Дегенмен, қалаішілік сапарларда бұл процесс жылдамырақ жүрсе, қалааралық тасымалда өзіндік ерекшеліктер бар. Бүгінде осы сегменттегі ең ірі ойыншылардың бірі – inDrive.Қалааралық. Компанияның мәліметінше, тек соңғы бір жылдың өзінде сервис арқылы 24 миллионнан астам қалааралық сапар жүзеге асырылған. Ал Қазақстан бойынша бұл қызметті пайдаланушылар саны 10 миллион асты. Тұтынушылардың әдеттері қалай өзгеріп жатыр және платформаның нарықтағы көшбасшылық позициясын сақтауға қандай шешімдер ықпал етуде – осы туралы айтамыз.

Автокөлікпен қалааралық сапарға шығу – танымалдылықтың сыры неде?

Сарапшылар цифрлық платформалардың қарқынды дамуын бірнеше фактормен байланыстырады.

Біріншіден, бұл платформалардың дамуы халықты...

Қазақстанда ломбардтардың тапқан таза пайдасы жылдам өсіп келеді. 2026 жылдың алғашқы үш айында саланың жалпы таза пайдасы 54,7 млрд теңгені құрады. Ал 2025 жылы көрсеткіш екі есе төмен еді.

Ал екі жыл бұрынғы көрсеткішпен, яғни 2024 жылдың бірінші тоқсанымен салыстырсақ, ол кезде пайда 8,7 млрд теңге ғана болған. Демек ломбардтардың табысы небәрі екі жылда 6 есеге дейін өсіп кеткен.

Табысы көп ломбардтар

Finprom зерттеуінше, «М-Ломбард» нарықтағы жекелеген компаниялар арасында ең көп пайда тауып, бірінші орынға шықты. Олар биылғы қаңтар-наурыз айларында 12,9 млрд теңге тапты, ал былтырғы табысы 6,5 млрд теңге болған еді.

Екінші орында 10,5 млрд теңге пайдамен...

Бибісара Асаубаева былтыр тағайындалған II дәрежелі «Барыс» орденін алты ай өткенде ғана алды. Әлемге әйгілі қазақ шахматшысын шенділер Астанаға арнайы шақыртып, марапатты салтанатты түрде тапсырды.

Әлемнің үш дүркін чемпионы (блиц) Бибісара Асаубаева бұған дейін президентке бейнеүндеу жолдап, былтыр тағайындалған орденді әлі алмағанына да шағымданған. Шахматшының мәлімдемесі төңірегіндегі шудан кейін ғана спорт министрлігі марапатты тапсыруға уақыт тауыпты.

«Мен көптен күткен II дәрежелі «Барыс» орденін алдым. III дәрежесі де бар. Біріншісі қолыма тисе, мен осы орденнің толық кавалері атанамын», – дейді Асаубаева.

Шахматшы орденнің әсемдігіне тамсанды. «Барыс» таза күмістен құйылып, бетіне алтын жалатылады.

Асаубаеваға II дәрежелі «Барыс...