Жаңалықтар

Еліміздің айтулы тұлғаларына мемлекеттік марапаттар табысталатын кезекті мереке күндері жақын. Сондай марапаттар арасында орны бөлек, дәрежесі айрықша бір құрмет белгісі бар, ол – «Халық қаһарманы» атағы. Kursiv.Media редакциясы қазір бар ашық деректерді шолып, осы атақты алған қайраткерлердің толық базасын әзірлеп, оқырман назарына ұсынады.

Осы уақытқа дейін Қазақстанның «Халық қаhарманы» атағын 39 азамат алған. Алғаш алған тұлға – тәуелсіз Қазақстанның тұңғыш Қорғаныс министрі Сағадат Нұрмағамбетов (1994 жылы алған). Биыл, қайтыс болғанына 52 жыл толғанда, бұл атақты Ұлы Отан соғысында ерекше ерлік көрсеткен қазақ офицері Кенжебай Мәденовке (1925-1974) берді.

Төмендегі интерактивті инфографика кестесіне жинақталған мәліметтерді тиісті сұрау белгілері бойынша сұрыптап көруге...

Атыраудағы трагедиядан кейін тұтас отбасынан айырылған Ақбаян Мұқанғалиева алғаш рет тілшілермен тілдесті. Ол қазіргі жағдайы, балалары туралы әңгімеледі, деп жазады Kursiv Media КТК телеарнасына сілтеме жасап.

Балаларымды алғым келеді

Ақбаян қазір ағасы Шалқар Мұқанғалиевтың қолында. Апта сайын балалар үйіндегі бес баласына барады. Енді оларды қолына алғысы келеді.

«Кішкентайы жылайды, «алып кетші» деп. Үлкендері енді түсінеді. Қазір психологқа барып жүрмін. Таңертең, аптасына екі рет. Басқа ешқайда қаралып жатқан жоқпын. Басым мазаласа, кетеді ғой. Бірақ қатты ауырып жүргенім жоқ», – дейді келіншек.

Өзінің айтуынша, бесінші баласын босанғаннан кейін сырқаттанып, ота...

2026 жылғы мамырда Конго Демократиялық Республикасында басталған Эбола безгегінің өршуі тағы төрт елге тарады. Елдің өзінде 9,5 мыңнан астам адам вирус жұқтырған, олардың 4,6 мыңнан астамы қайтыс болған деп жазады Kursiv Media.

Дүниежүзілік денсаулық сақтау ұйымының (ДДСҰ) мәліметінше, бұл – тарихтағы ең жылдам тараған Эбола індеті. Қазір ауру Орталық, Шығыс және Батыс Африка елдерінде, сондай-ақ Францияда тіркелген. Індеттің өршуіне Эбола вирусының сирек кездесетін Бундибуджио түрі себеп болған. Бұл вирусқа қарсы мақұлданған вакцина да, арнайы емдеу әдісі де жоқ.

Вирус жұқтырған әзірге соңғы науқас Нигерияда расталды. Ауру Угандадан ел астанасы Абуджаға келген әйелден анықталған. Оның бойында алғашқы белгілер...

Қазақстандық пара жеңіл атлеттер Дастан Мұқашбеков пен Илья Залезняк Жапонияда өтіп жатқан V Азия Пара ойындарында жүлдегер атанды. Екі спортшы да ядро серпуден бақ сынап, ел қоржынына күміс және қола медаль салды, деп хабарлайды Kursiv Media.

22 қазанда Аичи–Нагоя қалаларында өтіп жатқан құрлықтық додада F36 класында ядро серпуден жарыс өтті. Қазақстандық Дастан Мұқашбеков 15,47 метр нәтиже көрсетіп, екінші орын иеленді.

Бұл көрсеткіш Дастанның биылғы маусымдағы ең үздік нәтижесі болды.

Алтын медальді Өзбекстан өкілі Баротжон Бахтиеров жеңіп алды. Ол ядроны 15,98 метрге серпіп, Азия Пара ойындарының жаңа рекордын орнатты.

Осы сайыста Қазақстанның тағы бір өкілі Илья Залезняк та жүлдеге қол жеткізд...

Kursiv Media өткен күннің нарықтағы басты өзгерістері мен экономикадағы маңызды жаңалықтарын бір жерге жинады. Теңге бағамы, мұнай, алтын, Bitcoin, KASE акциялары мен әлемдік индекстердің қозғалысын қысқаша шолып, кеше жарияланған негізгі материалдарды ұсынамыз. Сәрсенбінің басты жаңалықтары мынадай:

21 қазанда теңгенің нығаюы жалғасты: KASE-дегі күндізгі саудада доллардың орташа сараланған бағамы 448,60 теңгеге түсіп, бір күнде 1,91 теңгеге арзандады. KASE индексі керісінше 1,04% өсіп, 7 899,96 тармаққа жетті. Индекс құрамындағы Қазатомөнеркәсіп (KZAP) 2,41%, ҚазТрансОйл (KZTO) 2,28%, Банк ЦентрКредит (CCBN) 1,97% қымбаттады.

АҚШ-та технологиялық сектор қайта өсті: S&P 500 0,58% көтеріліп, 7 757,17, Nasdaq Composite 1,05% өсіп, 26 702,86 тармақпен жабылды. Нарыққа технологиялы...

Астанадағы «Меруерт» тұрғын үй кешенінің балалар алаңқайындағы қаруланған сарбаз, әскери тікұшақтар бейнелері боялып тасталды, деп хабарлайды Kursiv.Media.

HALYQSTAN басылымының ақпаратына сүйенсек, Есіл ауданының әкімдігі өзгеріс тұрғындардың пікірі ескеріле отырып жасалғанын хабарлады.

Ойын құрылымдарының дизайнына алғаш болып Threads желісінің didar_toledo бүркеншік атымен тіркелген қолданушысы назар аударған.

«Балалар алаңқайда күнде соғысқа арналған суреттерді не үшін көруі керек?»,- деп жазады жазба авторы.

HALYQSTAN басылымының сауалына жауап берген аудан әкімдігі құрылымдар 2021 жылы жобалық-сметалық құжаттамаға сәйкес орнатылғанын түсіндірді.

«Бұл элементтер балаларға арналған қызықты әрі әртүрлі ойын кеңістігін құру мақсатында қарастырылған болатын», – деп хабарлады ведомство.

Мемлекет басшысы Қасым-Жомарт Тоқаевтың төрағалығымен Қазақстан Республикасы Қауіпсіздік Кеңесінің отырысы өтті. Жиында әскери реформа жоспарының жобасы мақұлданды, деп хабарлайды Kursiv.Media.

Президент қысқа мерзімде заманауи, ұтқыр әрі технологиялық тұрғыдан озық армия құрудың айрықша маңызына тоқталды.

«Қарулы күштердің сапасын өзгерту міндеті қойылды. Өзгерістер басқару ісін, әскери қызметшілерді даярлауды, кадр саясатын, әскери білім беруді, қорғанысты жоспарлау мен технологиялық жарақтандыруды қамтуға тиіс. Әскери қызметтің қауіпсіздігіне, әскерге басшылық ету мәдениетіне және мемлекет ресурстарын тиімді пайдалануға айрықша мән беру керек. Армияның қоғаммен қарым-қатынасы да өзгеруге тиіс. Кешенді реформа қажет. Бұл істе толыққанды шешімдер қабылданбайынша, көздеген нәтижеге жету мүмкін емес», – деді Қасым-Жомарт Тоқаев.

Ел аумағының басым бөлігінде таңертең тұман түссе, шығыс пен солтүстікте қар жауып көктайғақ күтіледі. «Қазгидромет» 22 қазанға ауа райы болжамын ұсынды, деп хабарлайды Kursiv.Media.

Астанада көшпелі бұлт, қар аралас жаңбыр, жел 9-14, екпіні 15-18 м/с. Ауа температурасы түнде 0…+2°C, күндіз +4…+6°C.

Алматыда көшпелі бұлт, жауын-шашынсыз, жел 3-8, екпіні 13 м/с дейін. Температура түнде +4…+6°C, күндіз +14…+16°C.

Шымкентте көшпелі бұлт, жауын-шашынсыз, жел 5-10 м/с. Ауа температурасы түнде +5…+7°C, күндіз +18…+20°C.

Ақтауда көшпелі бұлт, жауын-шашынсыз, жел 7-12 м/с. Ауа температурасы түнде +9…+11°C, күндіз +22…+24°C.

Ақтөбеде көшпелі бұлт, жауын-шашынсыз, жел 3-8 м/с. Ауа температурасы түнде +1…+3°C, күндіз +14…+16°C.

Атырауда ашық, жауын-шашынсыз, жел 2-7 м/с. Ауа температурасы түнде +3…+5°C, күндіз +18…+20°C.

Жезқазғанда көшпелі бұлт, жауын-шашынсыз, жел 9-14 м/с. Ауа температурасы түнде 0…+2°C, күндіз +9…+11°C.

Көкшетауда көшпелі бұлт, қар аралас жаңбыр, жел 9-14, екпіні 15-20 м/с. Ауа температурасы түнде +1…+3°C, күндіз +4…+6°C.

Қарағандыда көшпелі бұлт, қар аралас жаңбыр, жел 9-14 м/с. Ауа...

Шымкентте есірткіні заңсыз сақтау дерегі анықталғаннан кейін аудандық полиция бөлімінің қызметкері жұмысынан босатылды, деп хабарлайды Kursiv.Media.

Әлеуметтік желіде мемлекеттік нөмірсіз Kia автокөлігін қуу және ұстау сәті түсірілген видео тараған болатын. Желідегі ақпаратқа сәйкес, көлікте полиция қызметкері болған және тексеру кезінде есірткі табылған.

Шымкент қалалық полиция департаменті заңсыз есірткі сақтау дерегін растады. Шұғыл іс-шаралар кезінде ұсталған көлікте азаматтық тұлғалармен бірге полиция қызметкері болғаны анықталып, ол бірден жұмыстан босатылды.

Қазіргі уақытта қажетті тергеу әрекеттері жүргізіліп жатыр. Полиция өкілдері бұрынғы қызметкердің әрекетіне де құқықтық баға берілетінін хабарлады.

Бұған дейін Алматыда аялдамаға есірткі сататын интернет-дүкенді жарнамалайтын стикерлер жапсырған әйел ұсталған.

Түркістан облысында көліктің төбесіне шығып видео түсірген жүргізуші мен жолаушы әкімшілік жауапкершілікке тартылды. Автокөлік айып тұрағына қойылды, деп хабарлайды Kursiv.Media.

Полиция департаментінің хабарлауынша, әлеуметтік желілерге мониторинг жүргізу барысында анықталған оқиға Сайрам ауданында болған. Жол ережесін бұзу дерегі дронның көмегімен де тіркелді.

Жолаушыларды тасымалдау ережесін бұзғаны үшін 22 жастағы жүргізуші мен 30 жастағы жолаушыға әкімшілік шара қолданылып, олармен профилактикалық әңгіме жүргізілді.

Полиция өкілдері әлеуметтік желіде танымал болу үшін жасалған мұндай қауіпті әрекеттердің соңы қайғылы жағдайларға әкеп соғуы мүмкін екенін ескертеді.

Еске салайық, бұған дейін Алматы жолдарында көлікпен қарсы бағытқа шығып, қауіпті трюктер жасаған видеоларымен танылған блогер Назар Ролланның іздеуге жарияланған еді.

Демалыс күндері Францияда болған тәртіпсіздіктерден кейінгі сақтандыру төлемдері көлемі бойынша ел тарихындағы ең ірі оқиғалардың біріне айналмақ, деп жазады Kursiv.Media.

Қаржы сарапшыларының бағалауынша, сақтандырылған шығындар 1,2 млрд еуроға дейін жетуі мүмкін. Financial Times басылымы сауалнама жүргізген брокерлер де шығын көлемі 1 млрд еуродан асатынын жоққа шығармайды. Бұл залал сақтандырушыларға шамамен 700–800 млн еуроға түскен және бір аптадан астам уақытқа созылған 2023 жылдың жазындағы тәртіпсіздіктер салдарынан да асып түсті.

«Бұқаралық тәртіпсіздіктер табиғи апаттарға ұқсап барады», – деді Morningstar сарапшысы Маркос Альварес.

Оның айтуынша, жүздеген миллион еуро шығын әкелетін мұндай ауқымдағы оқиғалар енді жыл сайын қайталануы мүмкін. Қысқа мерзімдегі зорлық-зомбылықтың жоғары қарқындылығы...

Қазақстандық теннисші Михаил Кукушкин Almaty Open турниріндегі соңғы кездесуін өткізіп, кәсіби мансабын аяқтады. Ол жарыстың 1/8 финалында Грекия өкілі Стефанос Циципастан жеңілді, деп хабарлайды Kursiv Media.

21 қазанда Алматыда өтіп жатқан ATP 250 санатындағы турнирде 38 жастағы Михаил Кукушкин әлемдік рейтингте 39-орында тұрған Стефанос Циципаспен кездесті.

Қазақстандық теннисші қарсыласына екі сетте 1:6, 2:6 есебімен есе жіберді. Кездесу 1 сағат 2 минутқа созылды. Бірінші партия 24 минутта аяқталса, екінші сет 38 минутқа жалғасты.

Михаил Кукушкин ұзақ жылдар бойы Қазақстан ұлттық құрамасының намысын қорғады. Ол ATP турнирлерінде өнер көрсетіп, Дэвис кубогында ел құрамасының жетекші ойыншыларының бірі болды.

Кездесуден кейін Стефанос Циципас қазақстанды...

Англиялық «Бёрнли» клубының шабуылшысы Дастан Сәтбаев Ұлттар лигасының шешуші матчтарына дайындалатын Қазақстан ұлттық құрамасының кеңейтілген тізіміне енді, деп хабарлайды Kursiv.Media.

Қазақстан құрамасының бас бапкері Джон ван’т Схип Молдова және Словакия құрамаларына қарсы алдағы ойындардың кеңейтілген тізіміне 38 футболшыны шақыру туралы шешім қабылдады.

Алдыңғы матчтардан айырмашылығы, бұл жолы құрамға Дастан Сәтбаев пен Бірінші лиганың «Шахтер» командасынан Артём Литош қосылды.

Қазақстан ұлттық футбол құрамасының кеңейтілген тізімі:

АҚШ-тың мемлекеттік қарызы 40 трлн долларлық рекордтық межеден асқаннан кейін, екі ай ішінде тағы да 400 млрд долларға жуық көбейді, деп хабарлайды Kursiv.Media.

US News хабарлауынша, бұл көрсеткіш қорғаныс шығындарының, әлеуметтік бағдарламалардың және пайыздық мөлшерлемелердің бюджет тапшылығына айтарлықтай әсер етіп отырғанын көрсетеді.

АҚШ-тың мемлекеттік қарызы 2026 жылдың 19 тамызында 40 трлн доллардан асқан болатын. Өткен жылдың қазан айында қарыз көлемі тарихи рекорд орнатып, алғаш рет 38 трлн доллардан асқан еді.

Аналитиктердің қазіргі өсу қарқынына негізделген болжамдары бойынша, 2030 жылға қарай мемлекеттік қарыз 50 трлн доллардан асып кетуі мүмкін.

АҚШ-та Конгресс бекіткен мемлекеттік қарыздың заңды лимиті бар. Екіпартиялық саясат орталығының (Bipartisan Policy Center) бағалауынша, АҚШ 2027 жылды...

Құрылтай депутаты Айсұлу Сүлейменова Пара Азия ойындарына қатысып, құрлық рекордын жаңартты, деп жазады Kursiv.Media.

«V Азия Пара ойындарында қазақстандық спортшы Айсулу Сүлейменова пара жеңіл атлетикадан 100 метрге жүгіру сайысында T62 класында Азияның жаңа рекордын орнатты!», – деп хабарлады Параолимпиада комитеті.

Айта кетейік, 2011 жылы Айсұлу Сүлейменова жол көлік апатына ұшырап, екі аяғына ампутация жасалған. Ол психологиялық қиындықтарды жеңу үшін спортпен айналыса бастайды. Қазақстанның Паралимпиадалық құрамасының мүшесі атанды. 2023 жылы «Шапағат» медалімен марапатталды. Сондай-ақ «Жақсы адам – 2023» арнайы сыйлығының иегерлерінің бірі атанды.

Қазақстандықтарға киберполиция қызметкері ретінде қоңырау шалатын алаяқтар көбейген. Олар адамдардың ақшасы қауіпте екенін айтып, банк шотындағы қаражатты «қорғауды» ұсынады, деп хабарлайды Kursiv.Media.

Polisia.kz хабарлауынша, алаяқтар алдымен байланыс операторының, аурухананың немесе коммуналдық қызметтің қызметкері ретінде хабарласады. Кейін басқа адам киберполиция қызметкері болып қоңырау шалып, алдыңғы қоңырау алаяқтардан болғанын айтып, SMS-код пен банк деректерін сұрайды.

Полицияның мәліметінше, құқық қорғау органдары телефон арқылы SMS-кодтарды, банк құпиясөздерін сұрамайды және ақшаны «қауіпсіз шотқа» аударуды талап етпейді.

Полиция азаматтарға бейтаныс адамдарға құпия деректерді бермеуге, олардың нұсқауымен ақша аудармауға кеңес береді. Күдікті қоңырау түскен жағдайда әңгімені тоқтатып, ұйымның ресми нөміріне өз бетінше хабарласқан жөн.

Айта кетейік, осыған...

Жетісу облысының Сарқан ауданында ірі табиғи өрт шықты. Қазір өртті сөндіруге құтқарушылар мен орман шаруашылығының қызметкерлері жұмылдырылды, деп хабарлайды Kursiv.Media.

Төтенше жағдайлар министрлігінің хабарлауынша, Құрақсу орманшылығы аумағында құрғақ шөп пен қамыс өртеніп жатыр. Өрт шарпыған аумақ шамамен 15 гектарды құрайды.

Өртті сөндіруге Жетісу облысының Төтенше жағдайлар департаменті мен орман шаруашылығының күштері мен құралдары тартылған. Сонымен қатар, «Қазавиақұтқару» тікұшағы жұмылдырылып, әуеден жалпы көлемі 11,4 тонна су төгілген. Тікұшақ 19 рет су шашқан.

ТЖМ мәліметінше, әзірге елді мекендер мен шаруа қожалықтарға қауіп төніп тұрған жоқ. Өртті сөндіру жұмыстары жалғасып жатыр.

Павлодар тұрғыны саяжай учаскесіне жеке үй салу үшін оның нысаналы мақсатын өзгертуді сұраған. Алайда тиісті органның бас тартуымен келіспеген ер адам қала әкімдігіне қарсы сотқа жүгінді, деп хабарлайды Kursiv.Media.

2026 жылғы наурызда ер адам Павлодардың солтүстік бөлігіндегі «Ертіс» бау-бақша қоғамдастығынан жер телімін сатып алған. Бірнеше аптадан кейін ол учаскенің нысаналы мақсатын жеке үй салуға өзгерту туралы өтінішпен жер қатынастары бөліміне жүгінген. Бірақ одан бас тартылған.

Осы шешіммен келіспеген павлодарлық соттан бас тартуды заңсыз деп тануды, күшін жоюды және әкімдікті өтінішін қанағаттандыратын әкімшілік акт қабылдауға міндеттеуді сұраған.

Павлодар облысының мамандандырылған ауданаралық әкімшілік соты талап арызды қанағаттандырды. Сот әкімдік шешімін заңсыз деп...

Қазақстанның Халық әртісі Димаш Құдайберген 21 қазанда TikTok әлеуметтік желісінде тікелей эфирге шығып, жанкүйерлеріне ешкім күтпеген жаңалықты бөлісетінін мәлімдеді, деп жазады Kursiv.Media.

Өнер иесі 20 қазанда TikTok желісінде алғаш рет ескертусіз тікелей эфирге шыққанын айтты. Оның айтуынша, эфирге қосылып үлгермей қалған жанкүйерлер реніш білдіргеннен кейін, жаңалықты бүгін айтатынын жазды.

«Кеше алдын ала ескертпестен TikTok-та алғаш рет тікелей эфирге шықтым. Көпшілігіңіз эфирге қосылып үлгермегендіктен, жаңалығымды бүгін айтуды ұйғардым. 5 сағаттан кейін тікелей эфир. Сіздер күтпеген жаңалығым бар, не туралы айтатынымды елесте де алмайсыздар», – деп жазды ол әлеуметтік желісіндегі парақшада.

Күз – табиғаттың ерекше түске еніп, саяхатқа өзгеше көңіл-күй сыйлайтын мезгілі. Бұл мезгілде әсем көріністерді тамашалап, демалу үшін шетелге шығудың қажеті жоқ. Қазақстанның өзінде алтын түске боялған ормандарды, тау көлдерін, шатқалдар мен ерекше табиғи ландшафттарды тамашалауға болатын жерлер көп. Бір бағыт демалыс күндері қала сыртына шығып қайтуға қолайлы болса, енді бірі бірнеше күндік сапарды қажет етеді. Kursiv LifeStyle күзде саяхаттауға болатын Қазақстанның ТОП-10 көрікті орнындарына шолу жасап көрді.

1. Бурабай: орман мен көл аясында демалу

Ақмола облысындағы Бурабай – табиғат аясында тынығып, қала қарбаласынан алыстағысы келетіндерге қолайлы бағыттардың бірі. Қарағайлы орман, көлдер мен гранит жартастар бұл өңірге ерекше көрік...

Қазақстанда алтын өндірісі төмендеп жатыр. 2026 жылдың тоғыз айында өңделмеген және жартылай өңделмеген алтын мен алтын ұнтағын шығару көлемі 11 пайызға қысқарды, деп хабарлайды Kursiv.Media energyprom.kz деректеріне сілтеме жасап.

Ұлттық статистика бюросының мәліметінше, 2025 жылдың қорытындысы бойынша өңделмеген және жартылай өңделмеген алтын өндірісінің көлемі 127 тоннаны құрады. Бұл 132,3 тонна өндірілген 2024 жылғы көрсеткіштен 4%-ға аз.

Аффинаждалған (ең жоғары тазалыққа дейін жеткізу процесі) алтын шығару көлемі де теріс динамика көрсетті. Бұл сегментте бір жыл ішіндегі өндіріс 4,2%-ға қысқарып, 74,3 тоннадан 71,2 тоннаға дейін төмендеді.

2026 жылдың қаңтар-қыркүйек айларында Қазақстанда өңделмеген, жартылай өңделмеген түрдегі, сондай-ақ ұнтақ формасындағы 84,7 тонна алтын...

2026 жылдың 8 айында Қазақстанда зейнетақы аннуитеті бойынша сақтандыру төлемдері 81,5 млрд теңге болған, деп хабарлайды Kursiv.media.

Еңбек және халықты әлеуметтік қорғау министрлігінің хабарлауынша, сақтандыру жарналарының көлемі 624,7 млрд теңгеге жеткен.

Министрлік зейнетақымен қамсыздандырудың осы тетігі қалай жұмыс істейтінін және келісімшарт жасасу үшін қандай талаптар қойылатынын түсіндірді.

Зейнетақы аннуитеті бойынша азамат өзінің зейнетақы жинақтарын өмірді сақтандыру компаниясына аударады. Ал компания оған өмір бойы тұрақты төлем жасап отыруға міндеттеме алады. Демек, төлем адамға өмір бойы беріледі. Тіпті төлемдердің жалпы сомасы бастапқыда аударылған қаражаттан асып кетсе де, төлем жалғаса береді.

Зейнетақы аннуитеті бойынша келісімшарт жасау үшін белгіленген жасқа...

Тәуелсіздіктің 35 жылдығына орай республикалық патриоттық әндер байқауы өтеді. Байқаудың жалпы жүлде қоры – 30 млн теңге, деп хабарлайды Kursiv.Media Мәдениет және ақпарат министрлігіне сілтеме жасап.

Байқаудың мақсаты – Отан, туған жер және ел бірлігі тақырыбындағы жаңа әндерді анықтап, талантты ақындар мен композиторларды қолдау, сондай-ақ заманауи патриоттық әндер қорын толықтыру. Байқауға елдің барлық өңірінен ақындар мен композиторлар, соның ішінде шығармашылық жолын енді бастаған авторлар қатыса алады. Ұйымдастырушылар бұрын жарияланбаған және орындалмаған әндерді қабылдайды.

Қатысушылар шығармаларын үш бағыт бойынша ұсына алады:

Туындыларды композиторлардан, ақындардан және музыка мамандарынан құралған сарапшылар кеңес...

Қазақстандық пара жүзуші Әли Тұрғанбеков Жапонияда өтіп жатқан V Азия Пара ойындарының күміс жүлдегері атанды. Бала кезінде әлемдік футбол жұлдыздарымен кездесіп, көпшілікке танылған спортшы енді жүзуден халықаралық додада жүлдеге қол жеткізді, деп хабарлайды Kursiv.Media.

21 қазанда Аичи–Нагояда өтіп жатқан Азия Пара ойындарында Әли Тұрғанбеков SB4 класында 100 метрге брасс әдісімен жүзуден финалға қатысты. Қазақстандық спортшы қашықтықты 1 минут 44,26 секундта жүзіп өтіп, екінші орын иеленді.

Алтын медаль Малайзия өкіліне бұйырды. Ол 1 минут 41,44 секундта жүзіп өтіп, Азия Пара ойындарының жаңа рекордын орнатты.

Бір қызығы, Әли Тұрғанбеков іріктеу кезеңінде Азия Пара ойындарының рекордын жаңартып, финалға ең үздік нәтижемен...