Жаңалықтар

Оңтүстік кореялық чип өндіруші SK Hynix компаниясы соңғы жиырма жылдан астам уақыт ішінде алғаш рет Samsung Electronics-ті басып озып, елдегі ең қымбат компанияға айналды.

Reuters агенттігінің мәліметінше, 22 маусым, дүйсенбі күнгі, сауда-саттық қорытындысы бойынша SK Hynix акциялары 5,6%-ға өсіп, компанияның нарықтағы құны 2 080,4 триллион вонға (шамамен 1,35 триллион доллар) жетті. Ал Samsung Electronics қағаздары 0,14%-ға арзандап, компанияның құны 2 066,7 триллион вонды құрады.

SK Hynix-тің мұндай қарқынды өсуі жасанды интеллект саласындағы серпіліспен байланысты. Компания Nvidia және Google сияқты ірі технологиялық алпауыттардың ЖИ жүйелерінде қолданылатын жоғары жылдамдықты HBM жады нарығында көш бастап тұр. Жыл басынан бері өндірушінің акциялары 340%-дан...

Футболдан өтіп жатқан 2026 жылғы әлем чемпионатында топтық кезеңнің екінші тур матчтары жалғасып жатыр. Назарларыңызға 22 маусымнан 23 маусымға қараған түні өтетін кездесулердің кестесін ұсынамыз.

Аргентина – Аустрия (J тобы)

22 маусым, сағат 22:00 де әлемнің басты фавориттерінің бірі Аргентина құрамасы еуропалық ұжым Аустриямен топтағы бірінші орын үшін таласады. Қос кұрама да алғашқы ойындарында жеңіске жеткен еді. Аргентина 3:0 есебімен Алжир құрамасын жеңсе, Аустрия Иорданиядан басым түскен еді.

Франция – Ирак (I тобы)

Филадельфиядағы «Lincoln Financial Field» стадионында Франция құрамасы Ирак футболшыларын қабылдайды. Француздар бұл кездесуде айқын фаворит саналары сөзсіз. Алғашқы ойында француздар африка чемпиондары Сенегалды...

Белгілі журналист Ораз Әлімбек актер Бауыржан Ибрагимовтың әзілкеш Нұржан Төлендиевті «қыз зорлады» деген айыптан құтқарғанын ашық мойындауын сынады.

Бұған әлеуметтік желілерде тараған Бауыржан Ибрагимовтың сұхбатының үзіндісі түрткі болып отыр. Онда Бауыржан Нұржан Төлендиевке («Тука») қыз зорлады деген айыптан құтылуға көмектескенін айтқан. Бауыржан Ибрагимовтың айтуынша, бір қыз құқық қорғау органдарына арыз жазған. Бұған актердің өзі араласып, таныстары мен беделін пайдаланып мәселені шешуге көмектескен. Тіпті қызды арызынан бас тартуға көндіру үшін бірнеше күн қонақүйде ұстағанын, соңында 15 мың доллар берілгенін де жасырмай айтқан.

«Зорлық жасаған адамды жауапкершіліктен құтқарып қалу мақтаныш па? Қазір қоғам өзгерген. Бұрынғыдай көп нәрсеге көз жұма қарамайды...

Олимпиада чемпионы Михаил Шайдоров америкалық бапкер Рафаэль Арутюнянмен бірге жаттығып жүр. АҚШ-тың Калифорния штатындағы мұзда сырғанап жүрген сәтте түсірілген видеоны мәнерлеп сырғанаушының өзі жариялады.

Шайдоровтың Америкаға сапары

Бұған қоса, Шайдоров америкалық бапкермен бірге түскен суретін әлеуметтік желіге жүктеді. Оған «Once Upon a Time in America» деген сипаттама берді. Естеріңізде болса, кезінде Михаил дәл осылай деп аталатын америкалық фильмнің саундтрегін – сазгер Эннио Морриконе туындысын еркін бағдарламасы үшін пайдаланған.

Құрама Штаттарда...

Hyundai жаңа буындағы Elantra моделін таныстырады. The Korean Car Blog мәліметінше, седан толықтай жаңартылған дизайнмен ұсынылады. Бұл жолы 17 дюймдік дисплей, жасанды интеллект негізіндегі көмекші және гибридті күштік қондырғысымен ерекшеленбек.

Сыртқы келбеті айтарлықтай өзгерген

Соңғы рендерлер мен тыңшылық фотосуреттерге қарағанда, 2027 жылғы Elantra бұрынғыдан да сәнді әрі премиум сипатқа ие болады. Седан брендтің фирмалық стилін сақтағанымен, радиатор торының жаңа дизайны бар жаңартылған алдыңғы бөлікпен ерекшеленеді.

Көліктің артқы бөлігі де өзгеріске ұшыраған, жаңа Elantra қапталынан қарағанда флагмандық Hyundai Grandeur моделін еске салады. Артқы бөлігінде 3D-эффект беретін шамдар орнатылып, олар көлікті визуалды түрде кеңірек көрсетеді.

Батырмалардың орнын...

Бішкектегі құқық қорғау органдарына мемлекеттік мекемелерге бомба қойылғаны туралы 15 хабарлама келіп түскен. Бұл туралы дереккөзіне сілтеме жасаған Vesti.kg жазады.

Құқық қорғау органдарындағы дереккөздердің хабарлауынша, 22 маусымда «102» қызметі мен түрлі мекемелердің мекенжайларына мемлекеттік органдардың ғимараттарында жарылғыш заттар қойылды деген хабарламалар түскен.

Қазір шұғыл қызметтер бірқатар нысандардан, соның ішінде Жоғарғы Кеңеш, Қаржы министрлігі, «Манас» әуежайы, Мемлекеттік ипотекалық компания және басқа да мекемелерден қызметкерлерді эвакуациялап жатыр. Кейбір нысандар бойынша тексеріс жүргізіліп, ақпарат расталмады.

Оқиға орындарында жедел-тергеу топтары, милиция, Ұлттық қауіпсіздік мемлекеттік комитеті, Төтенше жағдайлар министрлігі қызметкерлері және жедел жәрдем бригадалары жұмыс істеп жатыр. Ғимараттар мен оған іргелес аумақтар қоршауға...

Төреғали Төрәлінің шығармашылық қызметінің тоқтатылуы мен продюсерлік орталықпен арадағы дауына қатысты әншінің жары Толқын Тұрарбекқызы пікір білдірді.

Бұған дейін, әншінің продюсері Жан Мұқанов мәлімдеме жасап, Төреғалидің Павлодардағы іс-шараға келмей қалғанын, соған байланысты күзгі халықаралық туры мен Алматы қаласы күніне жоспарланған концерттерінің күші жойылғанын хабарлаған еді. Сондай-ақ «Төреғали Төрәлі» брендіне тиесілі құқықтар да продюсерлік орталықтың бақылауында қалатыны айтылды.

Бұл жаңалық желіде талқыға түскен соң, әншінің жары Толқын Instagram парақшасында сторис жариялады.

«Сәлем бердім! Қалайсыздар?! Бәрін көріп-біліп отырған шығарсыздар! Менің де айтарым көп! Екінші тарапты күтіп отырмын. Жақсылықтың жаршысы болайық», – деп жазды Толқын.

Әзірге әншінің жары...

Ұлыбритания премьер-министрі Кир Стармер 22 маусым, дүйсенбі күні қызметтен кететінін ресми түрде мәлімдеді.

«Қазір партиям келесі жалпыұлттық сайлауда саяси ұйымды мен бастап бара алам ба деген сауалға бас қатырып жүр. Мен парламенттік фракцияның жауабын тыңдап, оны құрметпен қабылдадым. Әрбір шешімім шексіз сүйетін елімді бірінші орынға қоюдан туады. Сол себепті мен Лейбористік партия басшысы қызметінен кетемін», – деп мәлімдеді саясаткер. Оның сөзін CNN таратты.

Стармердің айтуынша, ол дүйсенбі күні таңертең Ұлыбритания королімен сөйлесіп, шешімін жеткізген.

Енді саяси ұйым жаңа басшысын сайлауы тиіс. Премьер-министрдің айтуынша, үміткерлерден өтініш қабылдау 9 шілдеде басталып парламенттің жазғы демалысы...

Қазақстанда 25 маусымда техникалық және кәсіптік, орта білімнен кейінгі білім беру ұйымдарына құжат қабылдау басталады. Бұл туралы Оқу-ағарту министрлігі хабарлады.

2026-2027 оқу жылына мемлекеттік білім беру тапсырысы бойынша колледждерге 140 мың орын бөлінді. Талапкерлер құжаттарды Egov.kz порталы арқылы немесе колледжге барып электронды түрде тапсыра алады.

Мемлекеттік білім беру тапсырысы техникалық мамандықтар бойынша ұлғайтылды. Орта буын мамандықтары мен қолданбалы бакалавриатқа түсушілер үшін конкурс міндетті және бейіндік пәндер бойынша аттестаттың орташа балы негізінде өткізіледі.

Жұмысшы біліктілігін алуға ниетті түлектер колледждерге әңгімелесу нәтижесі бойынша қабылданады.

Педагогикалық мамандықтарға түсушілер үшін эссе немесе диктант, медициналық және шығармашылық мамандықтарға түсушілер үшін арнайы немесе шығармашылық емтихандар өткізіледі.

Қазақтың біртуар ғалымы әрі ағартушысы Шоқан Уәлиханов туралы деректі көркем фильмнің негізгі түсірілімі аяқталды. Бір күн бұрын продюсер Майя Бекбаева бастаған топ Астанадағы ойын-сауық орталықтарының бірінде Afterparty кешін өткізді.

Бұхарадан Қояндыға дейін

Уәлихановтың Атбасар округінің аға сұлтаны қызметіне таласқан сәті Қояндыда түсірілді. Ауыл Астана қаласынан 20 км жерде орналасқан.

Сайлаудың өзі 1862 жылы өткен. Шоқан саяси науқанда қарсыласынан басым түсіп, жеңіске жеткен. Алайда ғалым осы қызметті ресми түрде атқара алмады. Себебі Батыс Сібір генерал-губернаторы Александр Дюгамель халық арасында беделі зор, еркін ойлы, хан тұқымынан шыққан Шоқанның аға сұлтан болуынан сескенді. Патшалық Ресей билігі сайлау нәтижесін бекітпей, қызметке аз дауыс...

Қазақстандағы республикалық маңызы бар жолдардың бойына заманауи эко-сервис стансалары салынады. Үкімет бұған 180 млрд теңге жеке инвестиция тарту туралы келісімді мақұлдап, премьер-министр тиісті қаулыға қол қойды.

Жобаны Көлік министрлігі мен «Car Park Transformer» ЖШС бірлесіп қолға алған. Жоспар бойынша 2030 жылға дейін елдегі күре жолдардың бойында, қазіргі демалыс алаңдарында 250 жаңа қызмет көрсету стансасы бой көтереді. Оның алғашқы 50 нысаны дәл биыл салынып, пайдалануға берілмек.

Олар жай ғана тұрақ емес, жаңартылатын энергия көздерімен жұмыс істейтін заманауи көпфункционалды кешендер болады. Ішінде сауда орындары мен қызмет көрсету пунктері, электромобильдерді қуаттайтын стансалар, тоқпен қамтуға арналған күн панельдері де орналаспақ.

Жобаның өңірлер...

Қазақстандықтардың 74%-ы жазғы демалыс кезінде де жұмыстан қол үзбейді. hh.kz платформасы жүргізген сауалнама нәтижесіне сәйкес, респонденттердің басым бөлігі демалыс кезінде жоқ дегенде әріптестерімен байланыста болып, жұмысқа қатысты хабарламаларға жауап беретінін айтқан.

Әр екінші қазақстандық жазғы демалысын алдын ала жоспарлаған

Жаз дәстүрлі түрде демалыс, саяхат және отбасылық тынығу маусымы саналады. Дегенмен қазақстандықтардың жұмысқа деген көзқарасы өзгеріп келеді. Көпшілік демалыс кезінде де хабарламаларды тексеріп, әріптестерімен байланыста қалады.

hh.kz платформасы 150-ден астам жұмыс беруші мен жұмыс іздеуші арасында сауалнама жүргізді. Онда қазақстандықтардың 2026 жылғы жазғы демалысты қалай жоспарлап отырғанын және демалыс кезінде жұмыстан қаншалықты алшақтайтынын анықтап көрді.

Зерттеу нәтижесіне...

Ләйлә Сұлтанқызы бизнес өкілдерін, сондай-ақ қызмет көрсету саласындағы жастарды алдымен қазақ тілінде қызмет көрсетуге шақырды.

Танымал тележүргізуші әрі медиаменеджердің  пікірінше, қазақ тілінде қызмет көрсету тұрақты клиенттердің көбеюіне түрткі болады.  

«Қызмет көрсету саласында – кафе, бар, мейрамханада істейтін жастарға, даяшыларға кірген бетте мүмкіндігінше қазақша амандасыңдаршы деймін. Енді көріп тұр ғой. Мәселе – менің Ләйлә екенімде емес, қазақтың қызы екенімде. Сосын өзіне ыңғайлы тілде айта берсін. Сонда біз сізді жақсы көре бастаймыз. Құрметпен қарай бастаймыз. Тілге деген құрметіңізден жанашырлығыңыз, жұмысты жақсы көретініңіз білініп тұрады. Содан кейін сол жерге қайта қайта баратын боламыз. Бұл бизнес үшін жақсы емес...

Ұлттық банк мамыр айында зейнетақы қорындағы қаржының 34,5 млрд теңгесіне «Отбасы банктің» облигацияларын сатып алған. Бұл туралы инвестициялық басқаруға қатысты есепте жазылған.

Өткен айда елдегі екінші деңгейлі банктердің бағалы қағаздарына салынған зейнетақы қаржысы 39,85 млрд теңгеге артып, 679,68 млрд теңгені құрады. Жалпы портфельдегі үлесі 2,57%-ға жетті.

Соның ішінде 34,48 млрд теңгеге «Отбасы Банк» ТҚЖБ» АҚ облигациялары сатып алынды.

Қазіргі кезде зейнатақы активтері «Отбасы банктен» бөлек, Alatau City Bank, Forte Bank, Bank RBK, «Еуразиялық банк», БЦК және Халық банктің бағалы қағаздарына инвестицияланған. Осы облигациялары бойынша орташа алынған кірістілік жылдық 16,25%-ды құрап отыр.

Жалпы жыл...

Қазақстан мен Еуропалық одақ арасындағы виза тәртібін жеңілдету туралы келіссөздер мәресіне жетті. Бұл туралы Қазақстанның ЕО-дағы елшісі Роман Василенко мәлімдеді.

«Біз виза тәртібін жеңілдету және реадмиссия (елден шығарылған азаматтарды кері қабылдау-ред.) туралы келісімдер бойынша келіссөздерді аяқтауға жақын қалдық. Бұл құжаттар жолаушылардың Қазақстан мен Еуропа елдері арасында оңайырақ саяхаттауына мүмкіндік беруі тиіс», – деді Василенко.

Бірақ бұл жерде әңгіме Қазақстан мен Еуропалық одақ елдері арасында толықтай визасыз режим енгізу туралы емес екенін түсіну керек. Жеңілдету туралы келісім виза рәсімдеу кезіндегі әкімшілік кедергілерді азайтуды көздейді. Яғни, қажетті құжаттар тізімі қысқарады, консулдық алымдар азаяды және азаматтардың кейбір...

АҚШ Президенті Дональд Трамп Иранмен қақтығыс аяқталған соң «жеңіске жеткенін» мәлімдеді. Алайда сарапшылар бұл қақтығыстың АҚШ үшін зардабы ондаған миллиард долларға бағаланып отырғанын айтады.

Келісімге қол қойылып, келіссөзді жалғастыруға уағдаласқан соң, АҚШ пен Иран арасындағы текетірес уақытша тоқтады. Трамп бұл қақтығыстан АҚШ-тың жеңімпаз болып шыққанын жариялады.

«Мұнай нарыққа шығып жатыр, Иран ешқашан ядролық қаруға ие болмайды, қор нарықтары өсуде, жұмыс орындарының саны рекордтық деңгейге жетті, ал баға төмендеп жатыр», – деп жазды Трамп әлеуметтік желідегі парақшасында.

Дегенмен, CNN жүргізген талдау бұл қақтығыстың Америка экономикасына тигізген салдары әлдеқайда күрделі екенін көрсетті.

40 миллиард доллар...

OMODA және JAECOO автокөліктерінің өндірісі Алматыдағы Astana Motors Manufacturing Kazakhstan мультибрендті зауытында басталады. Бұл туралы Astana Motors құрамындағы OMODA және JAECOO брендтерінің дистрибуциясы хабарлады.

Өндіріс желісін әзірлеу үшін Алматыға Қытайдан мамандар келді. Олар іске қосу және реттеу жұмыстарына қатысып, жабдықтарды баптаумен айналысады әрі Astana Motors Manufacturing Kazakhstan зауытының жергілікті мамандарға кеңес береді.

«Өндіріс қосылмалы гибридті JAECOO J7 PHEV моделін және бұған дейін Қазақстан нарығында ресми ұсынылмаған JAECOO J5 ықшам кроссоверін шығарудан басталады. OMODA бренді бойынша да жаңартылған C5 моделін жергілікті өндіріске дайындық жұмыстары жүргізілуде. Біз үшін өндірістік процестің нақты жолға қойылуы, сапа және Қазақстанда өндірілген автокөліктердің нарыққа уақытылы...

«Ойыншықтар хикаясы 5» анимациялы фильмі алғашқы аптада бүкіл әлем бойынша 312 млн доллар жинап, франшиза рекордын жаңартты. Фильм қазақ тіліне аударылған.

18 маусымнан бастап кинотеатрларда көрсетіле бастаған Toy Story 5 көпшіліктің қызығушылығын туғызды. Демалыс күндері АҚШ пен Канаданың өзінде оның кассасы 160 млн доллар болды. Салыстырар болсақ, мультфильмнің төртінші бөлімі алғашқы күндері 120 млн доллар жинаған.

Фильмді Walt Disney-ге қарасты Pixar Animation студиясы түсірген. Франшизаның жарыққа шыққанына биыл 31 жыл толды.

Мамандар биыл «Ойыншықтар» прокатта 1 млрд доллардан астам қаражат жинайтынына сенімді. Өйткені фильмнің төртінші бөлімі осы межені еңсерген.

The Seattle Times мәліметінше, фильм өндірісіне 250 млн доллар...

Әлемге танымал қазақстандық әнші Димаш Құдайберген өзінің әлеуметтік желідегі парақшасында тыңдармандарын жаңа бейнебаянмен қуантты. Ол өзінің ресми аккаунтында ұшақ алдында отырып, қазақтың халық әні «Ақеркені» орындаған сәтінен үзінді жариялады.

Әнші жазбасына:

«Ұшақты қолға алып, Аспан әлеміне Ақеркені паш еттім. Баршаңызға қолдауларыңыз үшін алғыс айтамын. Қазақтың халық әні көкте қалықтай берсін!», – деп жазды Димаш.

Димаш ән айтып қана қоймай, ұшақты өзі басқарды. Әлемдік сахналарды бағындырған әртіс бұл жолы халық әні «Ақеркені» жаңа қырынан танытып отыр.

Абай Бегейдің әйелі Фариза Жұманова шымкенттіктерге тіл тигізгені үшін әлеуметтік желі арқылы кешірім сұрады.

Блогер жолда нөмірінің соңғы сандары 13-пен аяқталатын, яғни түркістандық бір көліктің кесірінен жол апатына түсуге шақ қалған. Артынша ашумен ызалы жазба қалдырған.

«Кім таниды? Таза д. екен! Шымкент десе, ренжисіңдер. Авария бола жаздадық», – деп пост қалдырған еді блогер Threads-те.

Көп ұзамай Фариза Жұманова артық кеткенін түсініп, көпшіліктен кешірім сұрады. Ол бір түннің ішінде жазбасы дүмпу тудырады деп ойламаған. Шымкентте өзі оқығанын, сол жақта тұратын достары мен жақындары бар екенін алға тартты.

«Қатты эмоцияға беріліп, бір өлім аузынан қалған сәтте айтқан...

Қарбыз – жаз мезгілінің сүйікті жемісі. Алайда бұл өнімді таңдауда және тұтынуда сақ болған жөн. Біреулер тәуекелге барып, қарбыздың дәмін қазірдің өзінде татып көрсе, енді бірі жаздың бел ортасын күтуді жөн көреді. Маусым айында сатылатын алғашқы қарбыздарды жеуге бола ма деген сұрақ жиі туындайды. Осыған байланысты Kursiv LifeStyle мамандардың кеңесіне шолу жасап көрді.

Қарбыздарды таңдағанда нені ескеру керек

Диетологтардың айтуынша, қарбыздың өзі пайдалы өнім болғанымен, оны таңдауда және тұтынуда бірнеше ережені сақтау маңызды.

Диетолог Марият Мухина қарбыздың құрамында су мөлшері көп, сондықтан ол ағзадағы су теңгерімін сақтауға көмектесетінін айтады. Сонымен қатар қарбызда калий, магний және антиоксидант қасиет...

Белгілі эстрада әншісі Нұрлан Өнербаевтың отбасында орны толмас ауыр қаза болды. Өнер иесінің анасы өмірден озды. Бұл туралы әнші әлеуметтік желідегі парақшасында мәлімдеді.

«Анасы бар адамдар ешқашан қартаймайды» деп ән шырқап, бүкіл қазақ даласын елжіреткен Нұрлан Өнербаев өз жазбасында анасының жүз жасайтынына үміттенгенін жеткізді.

«Жалғандағы жарығым сөнді. Анам 100 жасайды деуші едім, Алланың есебі басқа екен ғой. Амал нешік. Алдың жарық болсын анашым», – деп жазды Өнербаев.

Нұрлан Өнербаев – Қазақстанның еңбек сіңірген қайраткері, халықтың сүйікті әншісі. Әр жылдары Мұхтар Әуезов атындағы қазақ мемлекеттік академиялық драма театрында қызмет етіп, телерадио саласында жауапты басқарушылық лауазымдарды атқарған.

Ауыл шаруашылығы министрлігі шетелден келетін азық-түліктің 39 түріне шектеу енгізуді жоспарлап отыр. Салалық ведомствоның inbusiness.kz сайтына берген жауабында шектеу азық-түліктің 39 түріне қатысты болмақ.

Олардың қатарында ұн, ет және ет өнімдері, сүт өнімдері, жұмыртқа, көкөніс, қант, сусындар және тағы басқа да тауарлар бар.

Министрлік мемлекеттік сатып алу жүйесі арқылы отандық азық-түлік өндірушілерді қолдау аясын кеңейтуді ұсынды. Қазіргі уақытта шетелден келетін өнімдерді сатып алуды шектеуді көздейтін қаулы жобасы көпшіліктің талқылауына шығарылды.

Ауыл шаруашылығы министрлігінің түсіндіруінше, шетелдік өнімдерді сатып алуға толықтай тыйым салынбайды. Егер отандық өндірушілер конкурсқа қатыспаса немесе тендер өтпей қалса, мемлекеттік ұйымдар импорттық тауарларды сатып ала алады...

АҚШ пен Иран арасындағы жоғары деңгейдегі келіссөздердің алғашқы раунды Швейцарияда аяқталды. Reuters мәліметінше, бұл туралы араағайын елдер – Қатар мен Пәкістан хабарлаған.

Келіссөз оңай басталмаған. Оған дейін Тегеран Ормұз бұғазы арқылы теңіз қозғалысын қайта тоқтататынын мәлімдесе, АҚШ президенті Дональд Трамп Иранға қарсы шабуылдар қайта басталуы мүмкін екенін ескерткен.

Соған қарамастан тараптар келіссөз үстелінен нақты нәтиже де жоқ емес. Қатар Сыртқы істер министрлігі жариялаған мәлімдемеге сәйкес, АҚШ пен Иран алдағы 60 күн ішінде түпкілікті келісімге келуге арналған жол картасын мақұлдаған.

Техникалық деңгейдегі келіссөздер апта соңына дейін жалғасады. Олар Швейцариядағы Қатарға тиесілі Бюргеншток тау курортында өтеді.

Келіссөзге АҚШ тарапынан вице-президент...