Жаңалықтар

Қазақстанда пойыз билеттері 2011 жылдан бері болмаған рекордтық қарқынмен арзандады. Қазан айында ел ішінде қатынайтын пойыз бағасы бірден 7,3%-ға түсіп, соңғы 15 жылдағы ең жоғары төмендеу көрсеткішін тіркеді, деп хабарлайды Kursiv.Media.

Ұлттық статистика бюросы теміржол қызметінің дәл осындай қарқынмен арзандауы сирек кездесетін құбылыс екенін айтты. Соңғы 190 айдың (шамамен 16 жыл) үштен бір бөлігінде ғана бағаның айлық төмендеуі тіркелген. Ал қалған 60%-ында баға өсіп, 8%-ында мүлде өзгеріссіз сақталған.

Қазан айында билет бағасы плацкартта да, купеде де арзандады. Бұл ретте өткен аймен салыстырғанда плацкарт вагондарының бағасы купеге қарағанда көбірек төмендеген. Мәселен, плацкарт вагондары 8,5%-ға төмендесе, купе вагондары 6,2%-ға арзандаған.

Halyk Finance сараптама орталығының талдауынша, мемлекеттік жеңілдетілген ипотекалық бағдарламалар тұрғын үй нарығындағы бағаны төмендетудің орнына, керісінше, оның қымбаттауына себеп болып жатыр.

Сарапшы Арслан Ароновтың жазуынша, Ұлттық Банктің «2025 жылғы Қазақстанның қаржылық тұрақтылығы туралы есебінде» ипотека саласындағы бұл алшақтық айқын көрініс тапқан. 2025 жылы банктер берген ипотеканың жалпы көлемі 16,7%-ға артып, 2,36 трлн теңгеге жеткенімен, бұл өсім тек мемлекет қолдауының есебінен болды.

Осы кезеңде жеңілдетілген ипотеканың жылдық берілімі 26,2%-ға артып, 1,67 трлн теңгені құраса, нарықтық (коммерциялық) ипотека керісінше 1,4%-ға азайып, 0,69 трлн теңгеге дейін құлдыраған.

Нәтижесінде, жаңадан берілген ипотекалық несиелердің 71%-ын мемлекеттік сектор қамтамасыз етіп...

Алматы облысында Ұзынағаш бағытына қарай Үлкен айналма автомобиль жолын салу жобасы қарастырылып жатыр. Жобаны «БАКАД» тәжірибесіне ұқсас етіп мемлекеттік-жекеменшік әріптестік (МЖӘ) тетігі арқылы жүзеге асыру ұсынылған, деп хабарлайды Kursiv.Media.

«ҚазАвтоЖол» басшысы Дархан Иманашевтың айтуынша, егер есеп-қисап пен дайындық жұмыстары ойдағыдай аяқталса, құрылыс 2027 жылы басталуы мүмкін.

«Нақты «БАКАД» сияқты болады деп айта алмаймын. Қазір біздің ұсыныс бойынша әкімдікпен Ұзынағаш «БАКАД» жобасын мемлекеттік-жекеменшік әріптестік арқылы жүзеге асыру мәселесін қарастырып жатырмыз. Ұсыныс енгізілді. Енді біраз уақыт керек, жобаны түгендеп, есептейміз. Егер бәрі ойдағыдай болса, Ұзынағаш бағытындағы Үлкен айналма автомобиль жолы жобасын келесі жылы іске асыруды жоспарлап...

Ауыр жүк көліктерінің жалпыға ортақ пайдаланылатын жолдарға шығуына қатысты шектеу шаралары әзірленіп жатыр. Бұл туралы «ҚазАвтоЖол» ҰК» АҚ басқарма төрағасы Дархан Иманашев мәлімдеді, деп хабарлайды Kursiv.Media.

Оның айтуынша, ауыр жүк көліктерінің республикалық маңызы бар жолдарға шығуы алаңдатарлық мәселе. Себебі шамадан тыс салмақ жол жабынының бұзылуына әкеледі.

«Қазірдің өзінде салмағы 200 тоннадан асатын көліктердің автомобиль жолдарына шыққаны тіркелді. Атап айтқанда, салмағы шамамен 204 тонна болатын көлік болған. Мұндай салмаққа ешбір жол жабыны төтеп бере алмайтыны түсінікті. Салыстыру үшін айтсақ, бұл шамамен үш жарым теміржол вагонының салмағына тең», – деді Дархан Иманашев.

Ауыр...

Қазақстандық «Бажа кинода» және «Заманback 2» фильмдері кинотеатрларда жоғары кассалық көрсеткішке қол жеткізді. Екі комедияның жалпы табысы 2 млрд теңгеге жуықтады, деп хабарлайды Kursiv Media.

Freedom Ticketon мәліметінше, 5–8 қараша аралығында «Бажа кинода» фильмі 401,6 млн теңге жинап, екінші апта қатарынан қазақстандық прокат көшін бастады. Ал «Заманback 2» комедиясы 241,4 млн теңге табыспен екінші орынға жайғасты.

«Бажа кинода» фильмі алғашқы демалыс күндері, яғни 29 қазан мен 1 қараша аралығында 518,9 млн теңге жинаған еді. Осылайша, екі демалыс кезеңіндегі жалпы кассалық түсімі 920,6 млн теңгеге жетті. Ал «Заманback 2» комедиясы үш аптада 1 млрд 76,6 млн теңге жинады.

Абай облысы Жарма ауданында заңсыз алтын өндіріліп келген. Қаржы мониторингі агенттігінің мәліметінше, Жанғызтөбе кентінен шамамен он шақырым жерде ешқандай рұқсатсыз кен қазылған.

Күдіктілер алтын кенін ашық әдіспен өндіріп, арнайы құрал-жабдықтардың көмегімен шайған. Оқиға орнын тексеру барысында тереңдігі 15 метр болатын карьер табылып отыр.

Тергеу болжамы бойынша, бұл заңсыз әрекетке қатысы бар деген 9 адам анықталды. Ауқымды жұмыстардың салдарынан 12 мың текше метрден астам тау жынысы қазылып, 4 мың шаршы метрден астам құнарлы топырақ қабаты бүлінген.

Тінту және тексеру шаралары барысында құқық қорғау органдары руданы ұсақтайтын және шаятын жабдықтар, екі металл іздегіш, екі тиегіш пен бір экскаватор, сондай-ақ ішінде...

Жамбыл облысының Қордай ауданына қарасты Қаракемер ауылында оқушылар арасындағы бопсалау және үш жасөспірімді өз-өзіне қол жұмсауға дейін жеткізу фактілері бойынша тергеу аяқталды. Қылмыстық іс сотқа жолданды, деп жазады Kursiv.Media.

Арнайы прокурорлардың мәліметінше, тергеу барысында ауыл мектептерінің оқушылары арасында «Система» деп аталатын бейресми құрылым болғаны анықталған. Оның өзіндік иерархиясы, мінез-құлық ережелері, бағыну тәртібі және жазалау жүйесі болған.

Тергеу материалдары бопсалау әрекеттері мен үш жасөспірімнің қазасы арасында себеп-салдарлық байланыс бар екенін көрсеткен.

Осы іске байланысты екі күдіктіге Қылмыстық кодекстің 194-бабы 2-бөлігі (қорқытып алу) және 105-бабы 2-бөлігі (өзін-өзі өлтіруге дейін жеткізу) бойынша айып тағылды. Екеуі де қамауға алынды. Тағы...

«Қазгидромет» РМК 10 қараша кешкі уақыттан бастап Алматыда жауын-шашын түсіп, күн райы бұзылатынын хабарлады. Жайын-шашын 12 қарашаға қараған түнге дейін жалғасады, деп хабарлайды Kursiv.Media.

Болжамға сәйкес, қаланың кейбір аудандарында нөсер жаңбыр жауып, Алматының жоғарғы бөлігінде жаңбыр қарға ұласуы мүмкін.

Жауын-шашынның негізгі бөлігі 11 қарашаға қараған түні түседі деп болжанып отыр. Қалада 20 мм-ге дейін, таулы аумақтарда 30 мм-ге дейін жауын-шашын болуы ықтимал. Күндіз тағы 5-7 мм жаңбыр жауады. Желдің екпіні секундына 15-20 метрге дейін жетуі мүмкін. Синоптиктер 12 қарашаға қараған түні де жаңбыр, қар жауып, тұман түсетінін болжайды.

Коммуналдық қызмет күшейтілген жұмыс режиміне көшті

Ауа райының қолайсыздығына байланысты...

Астанада қоғамдық көлікте жол жүру тарифін 110 теңгеден 150 теңгеге дейін көтеруді желтоқсан айының ортасынан бастап енгізу жоспарланып отыр,  деп хабарлайды Kursiv.Media.

Қала әкімдігінің мәліметінше, қазіргі тариф 2014 жылы белгіленген. Содан бері жол ақысы бір рет қана қайта қаралған. Ал осы уақыт ішінде тасымалдаушылардың негізгі шығындары айтарлықтай өскен.

Мәселен, дизель отынының бір литрі 2014 жылы шамамен 107 теңге болса, қазір 329 теңгеге жеткен. Жүргізушілердің орташа жалақысы да бұрынғы 100–150 мың теңгеден автобус класы мен жұмыс кестесіне қарай 700 мың теңгеден басталатын деңгейге өскен. Соған қарамастан, соңғы үш жылда елордадағы тасымалдаушылар 1127 жаңа автобус сатып алған. Көлік паркін жаңарту жұмыстары жалғасып...

Елде автомобиль жолдарын қыста күтіп ұстауға арналған арнайы техника тапшылығы әлі де бар. Атап айтқанда, аралас жол машиналарының жетіспеушілігі шамамен 70 бірлікті құрайды. Бұл туралы «ҚазАвтоЖол» ҰК» АҚ басқарма төрағасы Дархан Иманашев мәлімдеді, деп жазады Kursiv.Media.

Оның айтуынша, соңғы екі жарым жылда компания 1 900-ден астам арнайы техника сатып алған. Соның нәтижесінде жалпы техника тапшылығы 5 мыңнан астам бірліктен шамамен 3 мыңға дейін қысқарған.

Дегенмен қыс мезгілінде жолдарды күтіп ұстауға қажетті аралас жол машиналарының тапшылығы әлі де өзекті болып отыр.

«Аралас жол машиналары бойынша тапшылық шамамен 70 бірлікті құрайды. Бұл мәселені шешу үшін аталған техниканы...

АҚШ өкілдер палатасының республикалық партиядан сайланған мүшесі Томас Мэсси қорғаныс министрі Пит Хегсетке импичмент жариялау туралы қарар ұсынды. Ол министрді өкілеттігін асыра пайдаланып, конституцияны бұзды деп айыптап отыр, деп хабарлайды Kursiv.Media.

Конгрессменнің ресми сайтында жарияланған құжатта сегіз айыптау тармағы қамтылған. Оның үшеуі АҚШ-тың Иранға қарсы әскери операцияларына қатысты.

Томас Мэссидің пікірінше, Пит Хегсет конгрестің рұқсатынсыз әскери операцияларды жалғастырып, 1973 жылғы әскери өкілеттіктер туралы заңды бұзған. Атап айтқанда, Иранға қарсы әскери іс-қимылдар заңда белгіленген мерзімнен асып кеткен.

«Ирандағы әскери әрекеттерді конгрестің рұқсатынсыз 90 күннен астам жалғастыру арқылы министр Хегсет заңды бұзып отыр және жауапқа тартылуы...

Қазақстан Ресейге «Достық» құбыры арқылы мұнай тасымалдауды қайта бастау бойынша арнайы сұраныс жібергенімен, әлі ресми жауап алған жоқ. Бұл туралы Энергетика министрі Ерлан Ақкенженов мәлімдеді, деп хабарлайды Kursiv.Media.

Ведомство басшысының айтуынша, бұл бағыт Қазақстан үшін коммерциялық тұрғыдан өте тиімді, сондай-ақ қысқы мезгілде «Атырау – Самара» мұнай құбырының қалыпты жұмысын қамтамасыз ету үшін аса маңызды.

Қазақстан Ресейден «Достық» құбыры арқылы мұнай тасымалын қайта бастау мүмкіндігі туралы жауабын күтіп отыр. БАҚ-та қараша мен желтоқсанда мұнай тасымалданбайды деген ақпарат тараған соң, журналистер Энергетика министрінен бұл мәліметтің қаншалықты рас екенін сұрады.

«Мен мұндай хабарламаларды көрген жоқпын. Өткен жолы...

Қатты боран, көктайғақ немесе өзге де қолайсыз ауа райы кезінде республикалық жолдарда көлік қозғалысы уақытша шектеледі. Мұндай шешім қауіпті жағдай басталмай тұрып, шамамен 3–4 сағат бұрын қабылданады. Бұл туралы ОКҚ алаңында «ҚазАвтоЖол» ҰК» АҚ басқарма төрағасы Дархан Иманашев мәлімдеді.

Оның айтуынша, қозғалысты шектеу туралы шешім «Қазгидромет» болжамы мен жолдағы нақты жағдайды ескере отырып, Ішкі істер және Төтенше жағдайлар министрліктерімен бірлесіп қабылданады.

«Басты мақсат – боран, көктайғақ және басқа да қауіпті жағдайлар кезінде жолда төтенше оқиғалардың туындауына, көліктер мен адамдардың қауіпті бөліктерде жиналып қалуына жол бермеу. Жол қозғалысын уақытша шектеу – ең алдымен адамдардың өмір...

Төтенше жағдайлар министрі Мұрат Мұханов «112» қызметінен келетін шұғыл хабарламалар қазақстандықтарға не себепті кешігіп келетінін түсіндірді, деп хабарлайды Kursiv.Media.

Журналистер «112» нөмірінен келетін ескертулердің кешігіп келетініне және мұндай жағдайдың бірнеше рет қайталанатынына назар аударды. Мәселен, мұның салдарынан қазақстандықтар ескертулерді елемейтін болған. Журналситер министрден ескертулердің уақытылы жетуіне кім жауапты екенін және ТЖМ бұл түйткілді қалай шешуді көздеп отырғанын сұрады.

Мұрат Мұханов министрлік әр өңірге SMS-хабарламаларды «Қазгидрометтен» ақпарат түскеннен кейін бекітілген ережелерге сәйкес бағыттайтынын, ал ұялы байланыс операторлары хабарламаларды өз абоненттеріне кезегімен тарататынын айтты.

«Иә, хабарламаның кешігіп жететіні туралы мәселе бар. Қазір ақпарат абоненттерге шұғыл жеткізілуі үшін...

Президент Қасым-Жомарт Тоқаев Халықаралық «Қазақ тілі» қоғамының Х құрылтайында мемлекеттік тілдің болашағына ешқандай қауіп төніп тұрмағанын мәлімдеді. Мемлекет басшысы қазақ тілінің жасанды интеллект пен заманауи технологиялар саласында қарқынды дамып келе жатқанын атап өтті, деп хабарлайды Kursiv Media.

Президенттің айтуынша, қазақ тілі тарихтағы күрделі кезеңдер мен саяси қысымдарға қарамастан өзінің өміршеңдігін сақтап қалды. Бұған әдебиетшілер, тіл мамандары, журналистер, зиялы қауым өкілдері мен қарапайым азаматтар зор үлес қосты.

«Өткен замандарда саяси қысым болған кезде ана тіліміз әдебиетшілер мен тіл мамандарының, журналистеріміздің, зиялы қауым мен қарапайым азаматтардың арқасында аман қалды да, өзінің дамуын тоқтатқан жоқ. Бұл...

Елдегі республикалық маңызы бар жолдарда жүргізушілер ауа райы мен жолдағы жағдай туралы ақпаратты электрондық таблолардан көре алады. Қазір мұндай құрылғылар мен ақылды жол белгілері сынақтан өткізіліп жатыр. Бұл туралы ОКҚ алаңында «ҚазАвтоЖол» ҰК» АҚ басқарма төрағасы Дархан Иманашев мәлімдеді.

Оның айтуынша, қазіргі уақытта 282 ауыспалы ақпараттық жол белгісі мен 142 электрондық табло орнатылған. Тағы 110 құрылғыны орнату жұмыстары аяқталуға жақын.

«Бұл құрылғылар жүргізушілерге көктайғақ, қар, қатты жел, қозғалыс шектеулері және жылдамдықты төмендету қажеттігі туралы жедел ескертуге мүмкіндік береді», – деді Дархан Иманашев.

Сонымен қатар 22 ақылы жол учаскесінде 56 лазерлік құрылғы орнатылған. Жол...

Кей сарапшылар 2027 жыл соңына қарай елдегі АИ-92 бағасы литріне 300 теңгеге, ал дизельді отын 400 теңгеге дейін көтеріледі деп болжап отыр. Журналистер осыған қатысты энергетика министрі Ерлан Ақкенженовтың пікірін сұрады.

Ведомство басшысының сөзінше, жанар-жағармай бағасы ішкі сұраныс пен ұсыныс арқылы қалыптасады. Соңғы екі жыл мемлекет отын бағасын реттеп отырған жоқ, тиісінше баға нарық арқылы реттеледі.

«Болжам жасау жақсы іс емес негізі. Бірақ бензин және дизельді отын бойынша елдегі баға диапазонын айта кетейін, соған қарап өздеріңіз нәтиже шығарарсыздар. Қазір Қазақстанда АИ-92 бензинінің литрі 253–271 теңге, ал дизель отыны 356–367 теңге аралығында сатылып жатыр», – дед...

Қыс түскенде республикалық маңызы бар жолдарда қар тазалау мен көктайғаққа қарсы күрес жұмыстары күшейеді. Биыл бұл міндеттерге 1 966 жаңа техника жұмылдырылып, қар басу қаупі жоғары жолдардың ұзындығы да қысқарған. «ҚазАвтоЖол» қысқы маусымға дайындығы туралы мәлімдеді, деп жазады Kursiv.Media.

Ұлттық компанияның басқарма төрағасы Дархан Иманашевтың айтуынша, арнайы жол техникасы 96%-ға дайын. Қысқы жұмыстарға құрама жол машиналары, автогрейдерлер, тиегіштер, қар тазалағыштар мен тракторлар тартылады.

«Соңғы екі жылда жол қызметтерінің техника паркі 1 966 жаңа техникамен толықты. Бұл қыс мезгілінде жолдарды күтіп ұстау мүмкіндігін едәуір арттырды. Қысқы маусымға қажетті материалдар қоры да толық дайындалды...

Президент Қасым-Жомарт Тоқаев Халықаралық «Қазақ тілі» қоғамының Х құрылтайында сөз сөйлеп, мемлекеттік тілдің мәртебесін нығайту мәселесіне тоқталды, деп хабарлайды Kursiv Media.

Мемлекет басшысы «Қазақ тілі» қоғамының ел тарихындағы ерекше орнын атап өтіп, ұйымның мемлекеттік тілді дамытуға қосқан үлесін жоғары бағалады.

«Сонау 1989 жылы іргесі қаланған ұйымның Егемен ел тарихындағы орны бөлек. Кезінде көрнекті ғалымдар – академиктер Әбдуәли Қайдар және Өмірзақ Айтбайұлының бастамасымен құрылған «Қазақ тілі» қоғамының тарихи жолын қазіргі буын өкілдері мен белгілі тіл мамандары лайықты жалғастырып келе жатыр», – деді президент.

Тоқаев бүгінде қоғам мүшелері мемлекеттік тілдің қолданыс аясын кеңейтуге бағытталған көптеген...

Энергетика министрі Ерлан Ақкенженов Үкіметте өткен брифингте электр энергиясы тарифтерін әрі қарай өсіру жоспарда жоқ екенін айтты, деп хабарлайды Kursiv.Media.

Журналистер министрден тарифтерді өсіру электр энергиясын тұтыну көлемінің артуын тежеуге ықпал ете ме және олардың кезең-кезеңмен өсуі қашан аяқталатынын сұрады.

Ақкенженов тарифтер мен тұтыну өсімінің арасында ешқандай байланыс жоқ екенін айтты. Оның сөзінше, тарифтерді белгілеу кезінде, ең алдымен, жабдықтарды жөндеуге кететін шығындар мен қызметкерлердің жалақысы ескеріледі.

Сонымен қатар министр тарифтерді өсіру қадамына барғысы келмейтінін айтты.

«Біз Энергетика министрлігі ретінде тарифтерді өсіруді жоспарлап отырған жоқпыз. Мұндай қадамға барғымыз келмейді», – деді .

Ерлан Ақкенженовт...

Сауда және интеграция министрлігі 2026 жылғы 1 желтоқсаннан электрмен қуаттау станцияларына (ЭҚС) жаңа метрологиялық бақылау талаптарын енгізеді. Жаңа ережеге сәйкес, бұдан бұлай электромобильге берілген электр энергиясының көлемі (киловатт-сағат) ғана емес, сонымен бірге тоқтың кернеуі, күші және қуаттау уақыты да мемлекеттік реттеуге жатады.

Бұл шешім «Ақ жол» партиясы депутаттарының алаңдаушылығын тудырды. Депутаттар министрге жолдаған сауалында бұл талаптар бизнеске қосымша шығын әкеліп, соның салдарынан қуаттау тарифі қымбаттауы мүмкін екенін ескерткен.

Кәсіпкерлердің мәліметінше, станцияның бір түрін немесе топтамасын сынақтан өткізіп бекіту шамамен 2 миллион теңге тұрады. Сондай-ақ, депутаттар елімізде мұны тексеретін нақты әдістеме әлі дайын емес екенін, әртүрл...

Қырғыздың ұлы жазушысы Шыңғыс Айтматовтың өміріне арналған «Айтматов» көркем фильмі Ресей киносыншыларының сынына ұшырады. Бірі туындыдағы тарихи дәлсіздіктерді атап өтсе, енді бірі мистикалық көріністердің көптігін сынға алды. Алайда ресейлік сыншылар күмәнмен қараған кейбір көркемдік шешімдердің астарында қырғыз бен қазақ халқына ортақ дүниетаным, ата-баба рухына құрмет және тарихи жады мәселесі жатыр. Kursiv.Media фильмге қатысты жарияланған рецензияларға шолу жасады.

Ресейлік киносыншылар неге наразы?

«Коммерсантъ» басылымының киносыншысы Михаил Трофименков «Айтматов» фильміне «И дольше века длится фарс» деген тақырыппен рецензия жариялаған.

Автор туындыда тарихи драма, тыңшылық триллер мен мистикалық элементтер араласып кеткенін сынайды. Оның пікірінше, режиссер Қаныбек Қалматов жазушыны...

Қазақстанда климаттың өзгеруіне байланысты жылыту маусымының мерзімдері қайта қаралуы мүмкін. Бұл туралы Энергетика министрі Ерлан Ақкенженов мәлімдеді, деп хабарлайды Kursiv.Media.

Ведомство басшысының айтуынша, жылу электр орталықтарының жұмысы ауа райының температурасына тікелей байланысты, ал соңғы жылдары күзгі-қысқы мезгілде күннің жылы болуы ғимараттарды артық жылытып, ысырапшылдыққа әкеліп соқтыруда.

БАҚ өкілдері Энергетика министрлігі климаттық өзгерістерге байланысты Қазақстандағы жылыту маусымының мерзімдерін қайта қарауды жоспарлап отыр ма деп сұрады.

«Энергетиктер жылу беруді әрдайым реттеп отырады. Кейде тіпті ауаны жылытатын кездеріміз де болады. Пәтерлерде ыстық болған соң адамдар терезелерді ашады, ал біз ғимаратты жылытудың орнына атмосфераны жылытамыз. Жалпы алғанда, жылу электр...

АҚШ Қазақстандағы вольфрам кен орнын қаржыландыруға 1,6 млрд доллар бөлуге әлі дайын емес. Сарапшы Арман Батаев Bloomberg басылыма сілтеме жасай отырып, EXIM мен DFC қаржы ұйымы Дональд Трамптың балаларымен байланысы бар «Cove Kaz Capital» жобасын мақұлдауға асықпай отырғанын жазады.

Агенттік дереккөзі мұның себебін жобаның болашағына деген күмән және Қазақстанның Қытай мен Ресейге көрші орналасуына байланысты геосаяси тәуекелдермен түсіндіреді.

Жоба Трамп әкімшілігі тарапынан АҚШ-тың қытай вольфрамына деген тәуелділігін азайту стратегиясының бір бөлігі ретінде қолдау тапқан болатын. Бұл металл зымырандар мен артиллериялық снарядтарды өндіруде кеңінен қолданылады.

EXIM Bank бұл жобаға 900 млн және...