Жаңалықтар

2026 жылдың 17 шілдесінде «Таза Қазақстан» жалпыұлттық экологиялық акциясы аясында Тараз қаласындағы Тұрар Рысқұлов атындағы орталық мәдениет және демалыс саябағында «Таза қала – дені сау қоғам» тақырыбында экологиялық акция ұйымдастырылды. 

Тұрар Рысқұлов атындағы орталық мәдениет және демалыс саябағы – Тараз қаласының тұрғындары мен қонақтары жиі демалатын, қала тынысын айқындайтын маңызды мәдени-сауықтыру орындарының бірі. Саябақ аумағында жасыл желектер, демалыс орындары, серуендеу алаңдары орналасқан. Мұнда қалалық мәдени іс-шаралар, мерекелік бағдарламалар, экологиялық акциялар мен қоғамдық бастамалар өткізіліп тұрады. Сондықтан кешен аумағын абаттандыру, санитарлық тазалығын сақтау және келушілер үшін қолайлы жағдай қалыптастыру бағытындағы жұмыстар тұрақты түрде жүргізілуде.

Экологиялық акцияға қала жастары, еріктілер және жастар ұйымдарының өкілдер...

«KIA Qazaqstan» компаниясы 2025 жылы 5,8 млрд теңге шығынға батты. Бұл көрсеткіш көлік құрастыратын зауыттың іске қосылуы және өндірістің алғашқы кезеңіндегі шығындарымен тікелей байланысты. Бұл туралы компанияның қаржы есебінде жазылған.

«KIA Qazaqstan» жауапкершілігі шектеулі серіктестігі 2023 жылы құрылған. Кәсіпорын Қостанай қаласында орналасқан зауытында КIA маркалы автокөлік құрастырады.

Автокөлік құрастыру зауытының құрылысы 2025 жылдың қыркүйек айында толық аяқталып, пайдалануға берілді. Бұл зауыттың алғашқы толық өндірістік циклінің басталуына негіз болды.

Зауыт бірнеше стратегиялық серіктеске тиесілі. Акцияларының 50 пайызы «КИА Ресей және ТДМ» жауапкершілігі шектеулі қоғамының иелігінде. Бұл компанияның түпкі заңды иесі – Оңтүстік Кореяның трансұлттық «Kia...

Бірыңғай QR-код жүйесі арқылы сауда жасағандарға кэшбэк беріле ме? Бұл сұраққа Ұлттық банк төрағасының орынбасары Бинұр Жәленов брифинг барысында жауап берді.

Айтуынша, бонус есептеу бойынша әр банктің өз стратегиясы бар, ал Ұлттық банк бұл үдерісті реттемейді.

«Кейбір банктер белгілі бір шығын санаттарына жоғарырақ кешбэк белгілесе, басқалары барлық операцияларға стандартты бонус береді, енді бірі транзакция түрлеріне қарай бөледі. Әр банк өз стратегиясын өзі таңдайды. Әртүрлі қаржы ұйымдарында кешбэк пен ниеттестік бағдарламалары әртүрлі болады. Біздегі мәлімет бойынша, қазірдің өзінде кем дегенде үш банк бірыңғай QR арқылы төлеген кезде арнайы ниеттестік бағдарламаларын жүзеге асыруды жоспарлап отыр», – дед...

Ақмола облысы Шортанды ауданы аумағында бағалы металдарды заңсыз өндірген топтың қызметі анықталды.

Қаржылық мониторинг агенттігінің Ақмола облысы бойынша департаменті прокуратураның үйлестіруімен заңсыз әрекет тоқталды.

«Жедел-іздестіру шаралары барысында құрамында алтыны бар кенді өңдеуге және бағалы металдарды бөліп алуға арналған жасырын цех анықталды. Кенді ұсақтауға және балқытуға арналған жабдық, салмағы 446 грамм алтын құймасы, 4 тонна алтын құрамды материал, 6 келі сынап, сондай-ақ 2 млн теңгеден астам және 8 мың АҚШ доллары көлеміндегі ақшалай қаражат тәркіленді», – делінген ақпаратта.

Тінту барысында қару мен оқ-дәрілер табылыпты. Қазіргі уақытта заңсыз қызметке қатысы бар барлық тұлға, сондай-ақ заңсыз өндірілген...

Абай және Райымбек даңғылы, сонымен бірге Сайын көшесі Үлкен Алматы айналма автожолына дейін ұзартылады. Мегаполис әкімдігінің мәліметінше, жол түсетін жер телімдерін сатып алу аяқталуға жақын.

Осы мәселе 17 шілдеде Алматы әкімі Дархан Сатыбалды мен Алматы облысының басшысы Марат Сұлтанғазиев бірлесіп өткізген кеңесте сөз болды. Даңғылдар мен көшені айналма жолға дейін созу жобасы қала бюджеті есебінен жүзеге асырылады. Қазір жер телімдерін сатып алу ғана емес, жобалық құжаттаманы жаңарту жұмыстары аяқталуға жақын.

Алматы әкімі Дархан Сатыбалды осы жұмысты тезірек аяқтауды тапсырды.

«Бұл – басым міндеттердің бірі. Қолданыстағы жолдарға түсетін жүктемені азайтып, транзиттік көліктің қала аумағын айналып...

Астанада Абай даңғылының бір бөлігінде көлік қозғалысына уақытша шектеу енгізіледі. Бұл туралы қала әкімдігі хабарлады.

Ә. Сембинов көшесінен А. Пушкин көшесіне дейінгі аралықта жол жабынына орташа жөндеу жұмыстары басталады.

17–25 шілде аралығында аталған учаскеде көлік қозғалысына шектеу қойылады.

Жөндеу жұмыстары кезең-кезеңімен жүргізіледі. Осыған байланысты жолақтар кезекпен жабылып, көлік қозғалысына ішінара шектеу қойылады.

Жөндеу кезінде аталған учаскеде көлік кептелісі болуы мүмкін.

Қауіпсіздікті қамтамасыз ету және кептелісті азайту мақсатында жөндеу жүргізілетін аумақта уақытша жол белгілері мен бағыттаушы көрсеткіштер орнатылады.

Қала әкімдігі жүргізушілерден уақытша қолайсыздықтарға түсіністікпен қарап, жүру бағытын алдын ала жоспарлауды сұрады.

Еске сала кетейік 6 шілдеден 20 тамызға дейін...

Француз азаматына тиесілі сыра уытын шығаратын зауыт таза пайдасын арттырды. Текелі қаласында орналасқан «Суффле Қазақстан ашытқы зауытының» таза пайдасы 2024 жылғы 2,3 млрд теңгеден 2025 жылы 3,2 млрд теңгеге дейін артты. Бұл туралы қаржы есебінде жазылған.

Зауыт негізі 1991 жылы қаланған. Кәсіпорын алғаш рет «Текелі уыт зауыты» мемлекеттік кәсіпорны ретінде құрылды. Кәсіпорын 1998 жылы чех инвесторының иелігіне өтіп, атауы «Алтын Бидай» АҚ деп өзгертілді.

Ал 2002 жылы зауытты француздың жекеменшік «Compagnie Internationale de Malteries SA» компаниясы сатып алды. Қазіргі уақытта бас компания зауыт акцияларының 99,3%-ын иеленеді. Кәсіпорынды француздың «Union InVivo» компаниясы бақылайды...

Актер әрі ММА жұлдызы Еркебұлан Тоқтардың жанкүйерлері блогер, модель Дарья Подгорная (Маркиза) оған кім болып келетінін білмей дал. Бүгінде екеуі шетелде бірге жүргеніне ешқандай күмән қалмады.

Олар бір жерде жүргенін ашық айтпаса да жасыруға тырысып жатқан жоқ. Бірдей локациядан сурет салады, бір бірінің затын ұстап, киімін киіп жүреді. Тіпті Еркебұлан бір видеода көзәйнегі арқылы күнге қыздырынып жатқан қыздың сұлбасын көрсетеді. Кейін «сырымды ақтардың» ғой дегендей көзәйнегін әзілдеп ұрғылайды.

Махаббаттан гөрі маркетинг

Десе де желі қолданушылары жастарды бірауыздан қосуға асығар емес. Оларды жұп деп санайтындар некен-саяқ. Махаббаттан гөрі маркетинг деп жатқандар жетеді. Көпшілік Дарьяны Еркебұланның жуырда ашқан маркетингтік компаниясыны...

Канададағы ірі орман өрттеріне байланысты футболдан әлем чемпионатының финалдық кездесуі кейінге қалуы мүмкін. Бұл туралы Аргентиналық «Ole» газеті жазды.

Финалдық матчқа жолдама алған Аргентина мен Испания арасындағы ойын 19 шілдеде, Ист-Ратерфордтағы (Нью-Джерси штаты, АҚШ) «Метлайф» стадионында өтуі тиіс еді.

Алайда өрттен шыққан қою түтін АҚШ-тың солтүстік штаттарына, соның ішінде турнирдің финалдық матчы өтетін Нью-Йорк пен Нью-Джерсиге де жетті. Бұл турнирді тамашалауға келген жанкүйерлердің денсаулығына зиянын тигізеді.

Чикаго билігі кейбір қоғамдық орындарды жауып, ашық аспан астындағы іс-шараларды, соның ішінде «Чикаго Файр» мен «Ванкувер Уайткэпс» командалары арасындағы MLS тұрақты чемпионатының матчын тоқтатқаны хабарланды. Ауаның қатты ластануына байланысты бұл ойын...

14 жастағы қазақстандық футболшы Кәрім Меңдіқанов Испанияның әйгілі «Барселона» клубымен келісімшартқа қол қойды.

Ол енді каталониялық клубтың жасөспірімдер командаларында өнер көрсетеді. Меңдіқанов бұған дейін Қазақстанның жасөспірімдер құрамасы сапында да ойнаған.

«Өмір бойы жанкүйер болған клубыммен келісімшартқа қол қойғанымды мақтан тұтамын», – деп жазды жас футболшы әлеуметтік желідегі парақшасында.

Ол жазбасына «Барселона» кеңсесінде түскен суретін де жариялады.

Кәрім Меңдіқанов 2011 жылғы 10 қарашада Орал қаласында дүниеге келген. «Барселонаға» ауысқанға дейін Каталонияның «Сан-Кугат» клубында ойнайды.

Сондай-ақ Қазақстанның 16 жасқа дейінгі жасөспірімдер құрамасы сапында бір матч өткізген.

Бұның алдында лондондық «Челсидің» 17 жасар қазақстанды...

2026 жылдың алғашқы алты айында Астана мен Алматыға ең көп инвестиция тартылған. Елордаға 1,09 трлн теңге, Алматы қаласына 1,02 трлн теңге салынған. Осы екі қала елдегі барлық инвестицияның шамамен бестен бір бөлігін жинап отыр.

Үшінші орында Түркістан облысы тұр. Өңірге 894,6 млрд теңге инвестиция салынып, бір жылдағы нақты өсім 44,4%-ға жетті. Бұл Түркістанды көлемі де, өсімі де жоғары өңірлердің қатарына шығарды.

Атырау облысына 736,2 млрд теңге, Ақтөбе облысына 542,4 млрд теңге, Маңғыстау облысына 533,6 млрд теңге, Алматы облысына 532,1 млрд теңге инвестиция бағытталған. Мұнайлы өңірлерде инвестиция көлемі әлі де жоғары болғанымен, өсім қарқыны салыстырмалы түрде баяу.

Ең жылдам...

Қабдеш Жұмаділовтің «Тағдыр» романының Брайль қарпінде басылған жаңа басылымының таныстырылымы өтті.

Бұл туралы Мәдениет және ақпарат министрлігінің баспасөз қызметі хабарлады.

 «Оқырмандарға арнайы форматта жарық көрген кітап таныстырылып, шығарманың тарихи және көркемдік маңызы кеңінен сөз болды. Романда қазақ халқының тағдыры, ұлттық болмыс, туған жерге деген сүйіспеншілік, ел бірлігі мен отансүйгіштік құндылықтары кеңінен көрініс тапқан», – делінген хабарламада.  

Айта кететін жайт, 2026 жылы «Тағдыр» романы республикалық «Бір ел – бір кітап» акциясы аясында жалпыхалықтық оқуға ұсынылған туынды ретінде таңдалды.

Брайль қарпінде жарық көрген басылым зағип және нашар көретін оқырмандардың көркем шығарманы еркін оқуына мүмкіндік беріп...

Шанхай қаласында жұмыс сапарымен жүрген Қасым-Жомарт Тоқаев Таиланд Премьер-министрі Анутин Чарнвиракулмен кездесті. Бұл туралы Ақорданың баспасөз қызметі хабарлады.

Мемлекет басшысы Қазақстан Таиландты Оңтүстік-Шығыс Азиядағы негізгі серіктестерінің бірі ретінде қарастыратынын атап өтті. Сондай-ақ Президент екі ел арасындағы экономикалық ынтымақтастықтың әлеуетіне жоғары баға берді.

Оның айтуынша, 2026 жылдың алғашқы төрт айында Қазақстан мен Таиланд арасындағы тауар айналымы өткен жылдың сәйкес кезеңімен салыстырғанда 76%-ға өсіп, 110 млн доллардан асты. Қасым-Жомарт Тоқаев бұл көрсеткішті, ең алдымен, ауыл шаруашылығы өнімдерінің экспортын ұлғайту арқылы айтарлықтай арттыруға болатынын айтты.

Кәсіпкерлер үшін қолайлы жағдай жасау мақсатында Мемлекет басшысы екі ел үкіметтері арасындағы ынтымақтастықты жандандыруды ұсынды.

Президенттің айтуынша, туризм...

Қазақстанда жеке тұлғалар үшін базалық салық шегерімін қолданудың бірыңғай тәртібі бекітілді. Салық кодексіне сәйкес, бұл жеңілдіктің мөлшері айына 30 АЕК (129 750 тең) құрайды, ал күнтізбелік жылға арналған жалпы шегі 360 АЕК-тен (1 557 000 теңге) аспауға тиіс.

Үкімет бекіткен жаңа тәсіл бойынша, егер қызметкердің айлық табысы 30 АЕК-тен аз болса, жұмыс беруші шегерімді тек іс жүзінде есептелген жалақы көлемінде ғана қолданады.

Шегерімнің пайдаланылмай қалған қалдығы келесі айларға ауыстырылмайды, яғни жұмыс орнында күйіп кетеді. Бухгалтерия 30 АЕК көлеміндегі шегерімді тек ағымдағы күнтізбелік айда есепке алады.

Дегенмен, жұмыс орнында пайдаланылмаған салық шегерімінің сомасын азаматтар жоғалтпайды. Жеке тұлға өз бетінше салы...

«Қазгидромет» синоптиктері алдағы демалыс күндерге ауа райы болжамын ұсынды. Оған сәйкес, Қазақстанның басым бөлігінде күн құбылмалы болады. Кей өңірлерде жаңбыр жауып, аптап ыстықтың беті қайтады.

19-20 шілдеде Қостанай облысының жекелеген аудандарында, Солтүстік Қазақстан және Ақмола облыстарында, 20 шілде күндіз Батыс Қазақстан мен Ақтөбе облыстарында қатты жаңбыр жауады деп болжанады. Кей жерлерде бұршақ түсіп, дауылды жел соғады, жел күшейеді, ал оңтүстік өңірлерде шаңды дауыл күтіледі.

Тек елдің оңтүстігінде, оңтүстік-шығысында, орталық өңірлерде 18 шілдеде жауын-шашынсыз, ашық ауа райы болады.

Әсіресе елдің солтүстік-батысы мен солтүстігінде кей уақыттарда жаңбырдың қатты жаууына байланысты күндізгі ауа температурасы +21…+29°С-қа дейін төмендейді.

Сонымен қатар елдің шығысы мен...

BYD компаниясының премиум бренді Denza жаңа Denza Z9S электр седанының алғашқы ресми суреттерін жариялады.

Сarnewschina ақпаратына қарағанда, модель үш электрқозғалтқышты нұсқада 1194 ат күшіне дейін қуатқа ие. Бір қуаттаумен 920 шақырымға дейін жүре алады.

Z9-дан қысқа, бірақ қуатты

Denza Z9S ұзындығы – 5090 мм, ал доңғалақ базасы – 3025 мм. Бұл оны қазіргі Denza Z9 моделінен 145 мм қысқа және 100 мм-ге ықшам етеді.

Компания жаңа модельді «технологиялық люкс интеллектуалды седан» ретінде сипаттайды. Автомобиль ресми суреттерде жаңа Dawn Purple күлгін түсті шанақпен көрсетілді.

Қандай нұсқалар ұсынылады?

Қытайдың Өнеркәсіп және ақпараттық технологиялар министрлігі (MIIT) жариялаған деректерге сәйкес...

Президент Қасым-Жомарт Тоқаев Дүниежүзілік жасанды интеллект жөніндегі конференцияда сөз сөйледі. Мемлекет басшысы Шанхайдағы форумда ҚХР төрағасы Си Цзиньпин ұсынған тұжырымдаманы мақтап, әлемдегі қақтығыстарды ЖИ көмегімен шешу жолдарын ұсынды.

Қытай төрағасы туралы

Ақорда мәліметінше, конференция мінберіне көтерілген Тоқаев Қытайдың жасанды интеллект саласындағы айтулы жетістіктерін тілге тиек етті.

«Осы орайда Қытай төрағасы Си Цзиньпин ұсынған «Адамзаттың ортақ тағдыры қоғамдастығын» құру туралы тұжырымдаманың маңызы зор. Қазақстан алысты болжаған бұл бастаманы жоғары бағалайды әрі жасанды интеллект дәуірінде оның өзектілігі артып келеді деп санайды», – дейді Тоқаев.

Мемлекет басшысы Си Цзиньпинді «тарихи ауқымдағы біртуар көшбасшы» деп атады.

Қазақстанның қаржы нарығында үлкен реформа басталды. Елдегі банктердің басын бір арнаға тоғыстыратын бірыңғай QR-код жүйесі іске қосылуға толықтай дайын. Бұл туралы Ұлттық банкте өткен брифингте Ұлттық Банк төрағасының орынбасары Бинұр Жәленов мәлімдеді.

Айтуынша, 17 шілдеден бастап еліміздегі банктердің басым бөлігі бірыңғай QR код жүйесін енгізуге кірісті. Жүйе ресми түрде жексенбі, 19 шілде күні жұмысын бастайды.

Кәсіпкерлер мен сатып алушылар үшін не өзгереді?

Бинұр Жәленовтің түсіндіруінше, іске қосылғалы тұрған жүйе бизнес өкілдерінен қосымша шығын немесе жаңа құрылғы орнатуды талап етпейді. Барлық жұмыс қолданыстағы инфрақұрылым арқылы жүзеге асырылады.

Ал қарапайым қолданушылар үшін тек өздері қолданатын банкінің мобильді қосымшасын App Store немесе...

Мемлекет басшысы 40 жастағы Есет Байкенді Ұлытау облысының әкімі лауазымына тағайындады. Бұл туралы Ақорда хабарлайды.

«Мемлекет басшысының Жарлығымен Есет Берікұлы Байкен Ұлытау облысының әкімі лауазымына тағайындалды», – делінген ресми хабарламада.

Ол бұған дейін Астана қаласы әкімінің орынбасары қызметін атқарып келген. Байкен жаңа қызметте Дастан Рыспековтің орнына келді. Соңғысын президент жұма күні қызметтен алған.

Есет Байкен 1986 жылы Қарағанды облысында туған. Қазақ гуманитарлық заң университетін, Е.А. Бөкетов атындағы Қарағанды мемлекеттік университетін тәмамдаған. Құқықтану және қаржы бакалавры.

Қызмет жолын 2008 жылы Астана қаласы әкімдігінде бастап, бас инспектор қызметіне дейін көтерілген. Аз уақыт Президент...

Ұлы Отан соғысының ардагерлеріне тиесілі жеңіл көліктер ақылы автомобиль жолдарында жол ақысын төлемейді. Сонымен қатар бірқатар арнайы қызмет көліктері мен кей санаттағы автобустарға да жеңілдік қарастырылған. Бұл туралы «ҚазАвтоЖол» ұлттық компаниясы хабарлады.

Бұл талаптар «Автомобиль жолдары туралы» заңның 5-2-бабында көрсетілген.

Арнайы қызмет көліктері ақы төлемейді

Арнайы қызмет көліктері міндеттерін орындау кезінде ақылы жолдарды тегін пайдалана алады.

Атап айтқанда:

Әлемдік поп жұлдыз Ye (бұрынғы есімі Kanye West) 14 тамыз күні Алматының Орталық стадионында концерт береді. Бұл туралы блогер Бейбіт Әлібеков хабарлады.

Блогер ауқымды оқиғаға кімдер ұйықтқы болатынын айта кетті.

«Дананы, First Media Group командасын мақтан тұтамын. Алматы қаласының әкімдігіне, Тимур Турловқа және осы айтулы оқиғаның жүзеге асуына үлес қосқан барша жанға алғысымды білдіремін», деп жазды ол.

Концертті FIRST MEDIA GROUP компаниясы Freedom холдингімен бірлесіп ұйымдастырады. Freedom Holding Corp. бас атқарушы директоры Тимур Турлов әлемдік әртістің кеші жоғары деңгейде өтетініне сенім білдірді..

«Біз Қазақстанда ауқымды әлемдік іс-шара ұйымдастырудан үлкен тәжірибе...

Елде 19 шілдеден бастап барлық банк үшін бірыңғай QR-код жүйесі іске қосылады. Тимур Сүлейменов Ұлттық банкте өткен брифингте жүйенің маңызына тоқталып өтті.

Ұлттық банк төрағасының айтуынша, елде қолма-қол ақшасыз жасалған төлемдер 190 триллион теңгеге жеткен. Ал қолма-қол ақшаның үлесі бірден 90%-ға дейін қысқарды.

«Бүгін егжей-тегжейлі тоқталғым келетін маңызды жобалардың бірі – бірыңғай QR-код жүйесі. Бұл тұтынушы ретінде әрқайсымызды қызықтыратын мәселе. Өйткені біз күнделікті төлем жасаймыз. Оны Ұлттық QR, бірыңғай QR деп те атауға болады. Ресми түрде ол 19 шілдеден бастап күшіне енеді. Осыған орай бүгін оның мүмкіндіктерін көрсеткіміз келеді», – дейді ҰБ төрағасы.

Айтуынша...

Екібастұзда бұрын адам өлтіргені үшін сотталып, шартты түрде мерзімінен бұрын босатылған әйел тағы аса ауыр қылмыс жасады.

Оның түрмеден шыққанына алты ай ғана уақыт болған.

Жұбайларға пышақ салған

Іс материалдарына сәйкес, қаңтар айында ол көршісімен бірге ішімдік ішіп отырып, жанжалдасып қалған. Айыпталушы алдымен танысын подъезде соққыға жығып, кейін пәтер ішінде бірнеше рет пышақтаған. Зардап шеккен әйел баспалдақ алаңына қашып шығып, есінен танып қалған.

Осыдан кейін айыпталушы пәтерге қайта кіріп, жәбірленушінің ұйықтап жатқан 32 жастағы азаматтық некедегі күйеуіне бірнеше рет пышақ сұққан. Өйткені жұбайы үшін кек алады деп қауіптенген.

17 жыл түрмеде отыратын болды

Кейін қайтадан подъезге...

Қазақстанда бір апта ішінде бірнеше әлеуметтік маңызы бар азық-түлік тауарларының бағасы төмендеді. Бұл туралы Ұлттық статистика бюросы хабарлады.

Бағасы ең көп арзандаған өнім – қияр. Оның құны бір аптада 4,6%-ға төмендеп, орташа бағасы келісіне 524 теңгені құрады. Ең арзан қияр Тараз қаласында сатылды – келісі 357 теңге.

Сондай-ақ бір апта ішінде мына өнімдердің бағасы төмендеді:

Әлеуметтік маңызы бар азық-түлік тауарларының жалпы бағасы жеті қалада арзандаған. Атап айтқанда, Ақтауда – 0,7%, Қонаевта – 0,3%, Жезқазған мен Петропавлда – 0,2%, Тараз, Қарағанды және Түркістан қалаларында...