Жаңалықтар

Грантқа түсе алмай қалған түлектер үшін жағымды жаңалық бар. Ғылым және жоғары білім министрлігі өзіндік білім беру гранттарын ұсынатын ЖОО-лардың тізімін жариялады.

2026-2027 оқу жылы үшін елдегі үш ЖОО университет гранттарын ұсынады. Одан бөлек оқу ақысына жеңілдіктер мен атаулы стипендиялар бар.

Қожа Ахмет Ясауи атындағы Халықаралық қазақ-түрік университеті 500 квота ұсынады.  Қатысу үшін 10-15 тамыз аралығында құжат тапсыру керек. Конкурсқа мемлекеттік білім беру гранты конкурсына қатысуға жарамды ҰБТ сертификаты бар және университет белгілеген шекті балды жинаған Қазақстан азаматтары қатыса алады.

Қорқыт ата атындағы Қызылорда университеті IT бағытындағы олимпиадалар, жобалар мен конкурстардың жеңімпаздарына 125 ішкі грант бөлді. Жетім балалар...

Енді темір торда жазасын өтеп отырғандар түрмеде жүн түтіп, дайын өнім шығарып, табыс таба алады. Шымкент пен Түркістандағы Қылмыстық-атқару жүйесі департаменті жергілікті кәсіпкерлермен меморандум жасады.

Соның аясында колонияда жазасын өтеп жатқан 26 сотталушы жұмыспен қамтылды. Оларды «Прод Ком» ЖШС кәсіпорыны қабылдайды. Цех мал жүнін өңдеумен және одан дайын өнім өндірумен айналысады. Күн сайын 3 тоннадан астам жүн өңделіп, дайын өнім шетелге экспортталады.

Енді сотталғандар осы мекемеде жұмыс істеп, еңбекақы алады. Сол арқылы мемлекет алдындағы берешектерін, талап-арыздарын және жәбірленушілерге келтірілген залалды өтеуге мүмкіндік бар. Сонымен қатар, олар үш мезгіл тамақпен, жатақханамен қамтамасыз етіліп, тұрақты бақылауыда болады.

Болашақта жұмыс орындарын көбейту...

«Астана» баскетбол клубы мемлекеттік қаржыландыру көлемінен айырылуы мүмкін. Бұл туралы Туризм және спорт министрлігі мәлімдеді.

42 жеңіліс және соңғы орын

Спорт және дене шынықтыру істері комитеті соңғы жылдары клубтың нәтижелері нашарлап кеткенін атап өтті. ВТБ Бірыңғай лигасының өткен маусымында команда 44 матчтың тек екеуінде жеңіске жетіп, соңғы 12-орынды иеленді. Жеңіліс көрсеткіші 95%-дан асып, клуб тарихындағы ең нашар антирекорд болды. Сонымен қатар, «Астана» Қазақстан кубогын да, Ұлттық лига чемпиондығын да жеңіп ала алмады.

Басымдық – жас мамандар мен резервте

Заңнамаға сәйкес, бұдан былай бюджет есебінен легионерлерді қаржыландыру тоқтатылады.

«Қалыптасқан жағдайда отандық баскетболды дамыту тәсілдерін қайта қарау мүмкіндіг...

Алматыда өтіп жатқан FIDE World University Team Chess Championship-2026 турнирінде Қазақ ұлттық спорт университетінің (ҚҰСУ) құрамасы ширек финалда Афина Ұлттық техникалық университетін 5:3 есебімен (2:2, 3:1) жеңіп, жартылай финалға жолдама алды.

Шешуші кездесуде Меруерт Камалиденова мен Сатбек Ахмединов жеңіске жетсе, Арыстан Исанжулов пен Қазыбек Нөгербек өз партияларын тең аяқтады.

Енді отандық шахматшылар жартылай финалда турнирдің басты фавориті — Екатеринбургтің Орал тау-кен университетімен ойнайды. Екінші жартылай финалда АҚШ-тың Сент-Луис және Гарвард университеттері өзара кездеседі.

Ширек финал нәтижелері (7 тамыз):

Елдің шығысы мен оңтүстік-шығысында жаңбыр жауып, жел күшейсе, батыс пен оңтүстікте қатты ыстық болады. «Қазгидромет» 8 тамызға арналған ауа райы болжамын ұсынды.

Астанада көшпелі бұлт, жауын-шашынсыз, жел 3-8 м/с. Ауа температурасы түнде +11…+13°C, күндіз +27…+29°C.

Алматыда көшпелі бұлт, жауын-шашынсыз, жел 3-8 м/с. Ауа температурасы түнде +19…+21°C, күндіз +32…+34°C.

Шымкентте көшпелі бұлт, жауын-шашынсыз, жел 8-13, екпіні 15-20 м/с. Ауа температурасы түнде +22…+24°C, күндіз +36…+38°C.

Ақтауда көшпелі бұлт, жауын-шашынсыз, жел 5-10 м/с. Ауа температурасы түнде +23…+25°C, күндіз +32…+34°C.

Ақтөбеде ашық, жауын-шашынсыз, жел 7-12 м/с. Ауа температурасы түнде +20…+22°C, күндіз +36…+38°C.

Атырауда ашық, жауын-шашынсыз, жел 5-10 м/с. Ауа температурасы түнде +22…+24°C, күндіз +37…+39°C.

Жезқазғанда көшпелі бұлт, жауын-шашынсыз, жел 7-12, екпін...

«Қайрат» жанкүйерлері команданың «Левскиге» қарсы матчына Алматыдан Түркістанға дейін және кері қайтарда тегін жете алады.

Ticketon баспасөз қызметі хабарлауынша, сапарға Freedom және футбол клубы ұйымдастырған үш автобус аттанады.

Матч 11 тамызда Түркістанда өтеді. Автобустар Алматыдан сағат 04:00-де жолға шығады, ал жанкүйерлерді қалаға кері қайту сапары ойын аяқталғаннан кейін бірден ұйымдастырылады. Сапарды Freedom Афиша (ticketon.kz) және «Тауарлар» сервистері ұйымдастырады.

Жолда жолаушыларға пледтер мен жолға арналған жастықтар, сондай-ақ сусындар мен жеңіл-желпі тағамдар беріледі.

Трансферді тек матчқа билеті бар жанкүйерлер ғана пайдалана алады. Орынды брондау үшін хаттың тақырыбына «Автобус в Туркестан» деп жазып, fan.support@fckairat.kz поштасына өтінім жіберу және «Қайрат...

Президент Қасым-Жомарт Тоқаев Қазақстанның еңбек сіңірген қайраткері, Мемлекеттік сыйлықтың лауреаты, «Құрмет» орденінің иегері, танымал кинорежиссер Ардақ Әмірқұловтың мезгілсіз дүниеден өтуіне байланысты марқұмның отбасы мен туған-туыстарына ауыр қайғыларына ортақтасып, көңіл айту жеделхатын жолдады.

Президент өз жеделхатында марқұмның отандық кинематографияны дамытуға қосқан орасан зор үлесі мен артында қалдырған өшпес рухани мұрасын ерекше атап өтті.

«Ардақ Әмірқұлов бар саналы ғұмырын кино өнеріне арнап, ұлт мәдениетін ұлықтауға мол үлес қосты. Кәсіби киногер ретінде «Отырардың күйреуі», «Абай», «Қош бол, Гүлсары!» сияқты тарихи туындыларды таспалап, төл руханиятымыздың алтын қорын байыта білді. Қазақ кинематографиясын өркендету жолында ұстаздық қызмет атқарып, дарынды шәкірттер тәрбиеледі. Соңына...

Ғылым және жоғары білім министрі Саясат Нұрбек әлеуметтік желіде 2026–2027 оқу жылына арналған мемлекеттік білім беру гранттары конкурсының қорытындысын шығарды.

Оның мәліметінше, бакалавриат бағдарламаларына 75 мыңнан астам грант бөлінген, бұл ретте талапкерлерден 127 041 өтініш түскен.

Ең көп грантты инженерлік, өңдеу және құрылыс салаларының болашақ мамандары алды – 16 674. Екінші орында – 12 228 грантпен педагогикалық ғылымдар, үшінші орында – 10 387 грант бөлінген ақпараттық-коммуникациялық технологиялар. Тағы 9 188 грант жаратылыстану ғылымдары, математика және статистика бағыттары бойынша қарастырылған.

Ғылым министрлігі атап өткендей, жалпы Қазақстанда мемлекеттік білім беру тапсырысы 98%-ға игерілген.

Шетелде азаматтық актілерін тіркеу қағидалары жаңартылды. Жаңа нормалар, өзге де жайттармен қатар, Қазақстан азаматтарының туу, неке қию, некені бұзу және қайтыс болуын тіркеуге қатысты.

Тиісті өзгерістер Сыртқы істер министрінің 2026 жылғы 30 шілдедегі бұйрығымен енгізілді. Ереженің жаңа редакциясы 2026 жылғы 17 тамыздан бастап қолданысқа енгізіледі.

Өзгерістер бес мемлекеттік қызметті реттейді:

Егер бала шетелде туса

Дүниеге келген сәбиді тіркеу үшін ата-аналары немесе басқа да мүдделі тұлғалар бала туған күннен бастап ек...

Netflix кинокомпаниясы режиссёр Дэвид Финчердің түсіруі тиіс болған «Кальмар ойынының» американдық спин-оффын әзірлеуді тоқтатты, деп хабарлайды The Playlist.

Жоба «Heckler» деген атау алған. Оқиға АҚШ-та өтуі тиіс болса да, оны Ұлыбританияда түсіру жоспарланған еді. Сценариін британдық «Утопия» сериалының авторы Деннис Келли жазған.

Басылым дереккөзінің мәліметінше, жобаны бірнеше жыл әзірлеуден және кадрлық ауыс-түйістерден кейін Netflix франшизаға қатысты жоспарларын қайта қарады. Сонымен қатар, Финчердің басқа фильмдермен айналысуына байланысты спин-офф бойынша жұмыс бәсеңдеп қалды.

Американдық спин-оффтың орнына Netflix «Кальмар ойынының» нұсқаларын әртүрлі елдерде түсіру мүмкіндігін қарастырып жатыр.

Кореялық сериалдың үшінші маусымының финалында Кейт Бланшетт американдық кейіпкердің рөлін ойнады, бұл «Кальмар ойыныны...

Мемлекет басшысы Солтүстік Қазақстан облысының құрылғанына 90 жыл толуына орай салтанатты жиынға қатысушыларға құттықтау жолдады.

Тоқаев өңірдің ел дамуындағы орны мен стратегиялық маңызына тоқталып, жергілікті тұрғындардың азық-түлік қауіпсіздігі мен өндірісті өркендетуге қосқан үлесін жоғары бағалады.

Құттықтау мәтінінде аймақта ауыл шаруашылығымен қатар өңдеу өнеркәсібі мен машина жасау салаларының қарқынды дамып келе жатқаны, жаңа инвестициялық жобалардың іске асуы халықтың тұрмысын жақсартуға ықпал етіп отырғаны атап өтілді. Сондай-ақ, президент өңірдегі этносаралық татулық пен тұрғындардың жасампаздық қуатын айрықша атап өтті.

«Берекелі өңір барлық жетістікке азаматтардың жасампаздық қуатының арқасында қол жеткізіп келеді. Сіздер алдағы уақытта да ел игілігін еселеуге атсалыса...

Нью-Мехико штатының соты Facebook, Instagram және WhatsApp компанияларының иесі – Meta-ға жалпы 942 млн доллар айыппұл тағайындады. Компания бұл қаражатты әлеуметтік желі алгоритмдерінің балаларға келтіретін зияны мен пайдаланушылардың жасын тексерудің жеткіліксіз тиімділігі үшін төлеуге міндеттелді.

Судья Брайан Бидшейд Meta-ны «қоғамдық қауіп» деп атады. Жеке тоқталсақ, компания әлеуметтік желілерінің алгоритмдері тәуелділік тудыратыны үшін айыпты деп танылды. Оған мұны түзету, сондай-ақ, балаларды сексуалдық қанауға жол бермеу үшін жасты тексеру жүйесін жақсарту міндеттелді.

Бұдан бөлек, 7 тамызда сот технологиялық гигантты 567 млн доллар төлеуге міндеттеді. Ал наурыз айында дәл осы сот компанияға 375 млн доллар сомасында айыппұл салған. Ол кезде алқабилер компанияның балаларды...

2026 жылдың бірінші жартыжылдығының қорытындысы бойынша Қазақстан мен Өзбекстан арасындағы тауар айналымының көлемі 2,8 млрд долларды құрады.

Өзбекстанның Ұлттық статистика комитетінің мәліметінше, 2026 жылдың алғашқы алты айында республика әлемнің 195 елімен сауда-саттық қарым-қатынас жүргізген. Негізгі сауда әріптестерінің рейтингінде Қытай ($9,5 млрд), Ресей ($7 млрд) және Қазақстан ($2,8 млрд) көш бастап тұр.

Бұдан бөлек, Өзбекстанның ең ірі он сауда әріптесінің қатарына Туркия ($1,4 млрд), Ауғанстан ($1,1 млрд), Оңтүстік Корея ($940 млн), Франция ($890,9 млн), БАӘ ($807,7 млн), Қырғызстан ($624,6 млн) және Германия ($623,2 млн) енді.

Бұған дейін Қазақстанның Орталық Азия елдерімен саудасы 28,9%-ға өсіп, рекордтық 4,2 млрд долларға жетті.

Шымкенттің мамандандырылған ауданаралық сотында Нұрай Серікбайды өлтіру ісі бойынша сот процесі жалғасып жатыр. Кезекті отырысқа қаза тапқан қыздың денесін тексерген сот-медициналық сарапшы Жанболат Пернебеков шақырылған.

Пернебеков марқұмның денесінде қандай жерлерден жарақаттар табылғанын көрсетті. Оның айтуынша, бойжеткеннің денесінен мойын, іш, кеуде қуысы және бет аймағынан көптеген сұғылып-кесілген жарақаттар табылған. Олардың сегізі денеге терең еніп, ішкі органдарды зақымдаған.

«Көптеген жарақаттардың, соның ішінде ішкі органдарға терең енген жарақаттардың болуына байланысты, олардың қайсысы өлімге тікелей себеп болғанын дәл айта алмаймын. Қаза болу бір минутта да, бірнеше минутта да орын алуы мүмкін еді», – деді Жанболат Пернебеков.

Ол бойжеткен...

Алматыда кәсіби суретшілерге арналған «Ажарлы Алматы!» республикалық байқауы басталды. Қатысушылар қаланың тарихи келбетіне, табиғаты мен мәдени өміріне арналған туындыларын ұсынып, 10,5 млн теңге көлеміндегі жүлде қорына таласады.

Әкімдіктің баспасөз қызметінің мәліметінше, өтінімдер 2026 жылдың 7 қыркүйегіне дейін azharlyalmaty@gmail.com электронды поштасы арқылы қабылданады.

«Байқау бейнелеу өнерін дамытуға, суретшілердің шығармашылық қызметіне қолдау көрсетуге, сондай-ақ бейнелеу өнері туындылары арқылы Алматының тарихи, мәдени және табиғи келбетін дәріптеуге бағытталған», – деп түсіндірді әкімдік.

Сайысқа жасы мен тұратын жеріне қарамастан, көркемсурет бағытында білімі бар Қазақстан Республикасының кәсіби суретшілері қатыса алады.

Байқау жұмыстары келесі тақырыптардың біріне сәйкес келу...

Талдықорған қалалық соты Жетісу облыстық сот сараптамасы институтының бұрынғы директоры Жеңіс Әубәкіровке үкім шығарды.

Halyqstan ақпаратына қарағанда, сот оны марқұмның туыстарынан мәйітті сот-медициналық сараптамасыз беру үшін 200 мың теңге пара алғаны үшін кінәлі деп таныды.

Туыстары бұл талапқа келіскендей болып, кейін ҰҚК-ге шағымданған. Арнайы операция кезінде Әубәкіров ақшаны алған сәтте ұсталды.

Сотта ол кінәсін толық мойындап, бас бостандығынан айырмауды сұрады.

Сот оның жасаған ісін Қылмыстық кодекстің 366-бабы 2-бөлігі бойынша саралап, 6 млн теңге айыппұл салды. Бұл сома – сұраған параның 30 еселенген мөлшері.

Сондай-ақ, ол өмір бойына мемлекеттік қызметте және квазимемлекеттік секторда жұмыс істеу құқығынан айырылды. Бұдан бөлек...

Кісі қолынан қайтыс болған Нұрай Серікбайдың отбасы моральдық және материалдық өтемақы ретінде 10 млрд теңге сұрап отыр. Бұл туралы олардың адвокаты хабарлады,

Қазір Шымкентте 21 жастағы Нұрай Серікбайдың өліміне қатысты сот отырысы өтіп жатыр. Жәбірленуші тараптың адвокаты Аянхан Омаров марқұмның отбасы талап етіп отырған материалдық және моральдық шығын мөлшерін оқып берді.

«Нұрай Серікбайдың отбасы үшін бұл – орны толмас ауыр қайғы. Әке-анасы мен бауырлары сүйіспеншілік пен аялы алақанда өсірген жалғыз қызынан, қарындасынан айырылды. Шерхан Нұрайды өзіне тұрмысқа шығуға мәжбүрлеу үшін алып қашқан, ал кейін оның бас тартқанын қабылдай алмай, артынан қалмай аңдып, соңында ауыр қылмысқа...

Жаз бен күз айлары Қазақстандағы дәстүрлі той маусымының ең қызған шағы. Сұраныстың артуына байланысты банкет залдары, асаба, фотограф, декораторлар мен әртістердің қызмет бағасы да өседі. Бүгінде заманауи той тек ресторандағы отырыспен шектелмей, ондаған жеке қызметті қамтитын ауқымды іс-шараға айналды.

OLX Қазақстан сарапшыларының зерттеуіне сүйене отырып, 2026 жылы той ұйымдастырудың негізгі шығындары мен орташа бюджетін ұсынамыз.

1. Мейрамхана

Той бюджетінің басым бөлігі банкет залына кетеді. Баға қалаға, мекеменің танымалдылығына және қонақтар санына тікелей байланысты:

Ең төменгі баға 500 000 теңгеден басталады (шағын жиындарға арналған).

Орташа баға 800 000 – 1,5 миллион теңге аралығы.

Премиум локациялар 2,5 миллион теңгеге дейін және одан жоғары...

Қазақстанда 2026–2027 оқу жылына арналған білім беру гранты иегерлерінің таңдауы белгілі болды. Талапкерлер арасында ЕҰУ, ҚазҰҚПУ және ҚазАТУ көш бастаса, ҚазҰУ, Satbayev University, ҚБТУ және Нархоз да ең көп грант иегері түскен университеттердің қатарына кірді.

Көш басында ЕҰУ

Грант иегерлері ең көп түскен университет – Л.Н. Гумилев атындағы Еуразия ұлттық университеті. Оған 4 500 талапкер грантпен қабылданған.

Қазақстанда бір апта ішінде әлеуметтік маңызы бар азық-түлік тауарларының бірқатары арзандады. Оның ішінде қияр, қызанақ, картоп және тағы басқа азық-түлік бар.

Ұлттық статистика бюросының мәліметінше, 2026 жылғы 5 тамыздағы жағдай бойынша, есепті аптада Қазақстанда әлеуметтік маңызы бар азық-түлік тауарларының бірқатары бойынша бағаның төмендеуі байқалды.

Апта ішінде қияр бағасы 2,4 пайызға, ақ қырыққабат 2,1 пайызға, қызанақ пен картоп 1,7 пайызға, сүйексіз сиыр еті 0,4 пайызға, алма 0,3 пайызға, қарақұмық жармасы 0,2 пайызға, ал қаймақ бағасы 0,1 пайызға төмендеді.

Бірінші сұрыпты бидай ұнынан пісірілген нан, сүйекті сиыр еті, тауық еті, құс еті, ет фаршы, сүзбе, айран және шай бағалары есепті аптада өзгеріссіз...

FlyArystan әуекомпаниясы 2026 жылғы 1 қыркүйектен бастап Алматы – Павлодар – Алматы бағыты бойынша рейстердің қайта орындала бастайтынын хабарлайды.

Әуе компаниясы мәліметінше, рейстер күн сайын орындалып, жолаушыларға Алматы мен Павлодар қалалары арасында ыңғайлы әрі тұрақты әуе қатынасын қамтамасыз етеді.

«Рейстердің қайта іске қосылуы екі қаланың тұрғындары мен қонақтарына іскерлік сапарлар, саяхаттар және туған-туыстары мен жақындарына бару үшін тікелей әуе қатынасын қайта пайдалануға мүмкіндік береді», – деп түсіндірді FlyArystan.

Шілденің басында әуе компаниясы Үргенішке 37 000 теңгеден тұратын билет ұсынып, науқан жариялаған.

50-ден астам халықаралық құқық және адам құқықтары сарапшысы гендерлік апартеидті халықаралық құқық аясында қылмыс деп тануға шақырды.

Afganistan International ақпаратына қарағанда, бастама ең алдымен Ауғанстандағы әйелдер мен қыздардың жағдайына арналды.

Үндеу 13 тамызда жарияланатын «Гендерлік апартеид және оның жойқын салдары туралы халықаралық декларацияда» қамтылған. Құжат авторлары оның мақсаты – ауған әйелдері мен қыздарының құқықтары үшін күресін қолдау және гендерлік апартеидті халықаралық құқық бойынша қылмыс ретінде тану бастамасын күшейту екенін айтты.

18 айлық халықаралық консультациялар нәтижесінде әзірленген декларацияға Нобель сыйлығының лауреаттары, халықаралық соттың бұрынғы судьялары, БҰҰ-ның экс-қызметкерлері және Ауғанстан мен Оңтүстік Африка құқық қорғаушылары қол қойған.

Құжатта гендерлік апартеидке тыйымды...

«МузАРТ» тобының мүшесі Кенжебек Жанәбілов жансақтау бөліміне түсіп қалды.

Бұл туралы әнші өзінің Instagram парақшасында хабарлады. Өнер иесінің айтуынша, оның жүрек қан тамырлары бітеліп қалған. Ауруханаға түсуіне байланысты әнші Шымкентте жоспарланған концертке қатыса алмайды.

«Бүгін мен Шымкенттегі концертте өнер көрсетуім керек еді, бірақ жүрегімнің қан тамырлары бітеліп қалды. Мені жансақтау бөлімінен әдеттегі палатаға ауыстырды», – деді Жанәбілов.

Ол өзіне алғашқы медициналық көмек көрсеткен дәрігерлерге алғысын...

Қазақстандық UFC жауынгері Асу Алмабаев бразилиялық джиу-джитсу мен грэпплингке маманданған ACBJJ лигасымен ресми түрде келісімшартқа отырды.

Осылайша, ол аталған промоушенде бағын сынап жүрген Арман Царукян, Белал Мухаммад, Мовсар Евлоев, Забит Магомедшарипов, Юссеф Залал және Бенсон Хендерсон сияқты ММА жұлдыздарының қатарына қосылды.

Алмабаевтың ACBJJ лигасы аясындағы алғашқы жекпе-жегі қашан өтетіні әлі хабарланған жоқ.

Осыған дейін Асу Алмабаев екі америкалық лигада параллель түрде өнер көрсетіп келген еді. Ал қазір ол бір мезгілде үш лигада бағын сынайтын болады.

Асу 2023 жылдан бері әлемнің ең үздік аралас жекпе-жек лигасы саналатын UFC-де өнер көрсетіп келеді. Осы уақытқа дейін 8 жекпе-жек өткізіп, ең жеңіл салмақ дәрежесінің рейтингінде 5-орынға...