Жаңалықтар

Қазақстандық кәсіпқой боксшы Жәнібек Әлімханұлының келесі жекпе-жегі 2027 жылғы 23 қаңтарға жоспарланған. Ол Данияның Хорсенс қаласында жергілікті боксшы Якоб Банкпен кездеседі, деп хабарлайды Kursiv Media.

Бұл туралы Жәнібек өзінің instagram парақшасында мәлімдеді. Жарияланған мәліметке сәйкес, кездесу екінші орта салмақта (76,2 келі) өтеді. Жекпе-жекте WBO нұсқасы бойынша әлем чемпионы атағы сарапқа салынатыны айтылған.

Қазақстандық боксшы бұған дейін орта салмақта өнер көрсетіп, әлем чемпионы атанған. Енді ол жаңа салмақ дәрежесінде чемпиондық белбеу үшін жұдырықтасуды көздеп отыр.

Ал оның қарсыласы Якоб Банк Данияның Хорсенс қаласында өнер көрсетеді. Әлімханұлы кәсіпқой рингте 17 жекпе-жек өткізіп, барлығында жеңіске жеткен.

Еске салайық, 2025 жылдың желтоқсанында...

Нұрсұлтан Құрман Қазақстан футзал қауымдастығының президенті қызметінен кететінін мәлімдеді. Ол бұл шешімін әлеуметтік желідегі парақшасында жариялады, деп хабарлайды Kursiv Media.

Нұрсұлтан Құрман Қазақстан футзал қауымдастығының басшысы ретіндегі жұмысын аяқтау туралы шешім қабылдағанын хабарлады. Ол бұл қызметтің өзіне үлкен жауапкершілік жүктегенін және мол тәжірибе жинауға мүмкіндік бергенін атап өтті.

«Бүгін мен үшін маңызды кезеңдердің бірі аяқталып отыр. Қазақстан футзал қауымдастығының президенті қызметіндегі жұмысымды аяқтау туралы шешім қабылдадым. Бұл қызмет мен үшін үлкен жауапкершілікпен қатар, мол тәжірибе мен ерекше естеліктерге толы кезең болды», – деп жазды Құрман.

Ол отандық футзалдың дамуына үлес қосқан әріптестеріне, клуб...

729 азамат «Әлеуметтік төлемдерден өз еркімен бас тарту» цифрлық сервисі арқылы әлеуметтік төлемдерден ерікті түрде бас тартқан. Аталған сервис 2026 жылғы қазанда іске қосылған, деп хабарлайды Kursiv.Мedia еңбек министрлігіне сілтеме жасап.

Бір ай ішінде 729 адам өзіне тағайындалған әлеуметтік төлемдерден өз еркімен бас тарту туралы шешім қабылдаған. Министрлік мұны әлеуметтік жауапкершіліктің көрінісі деп бағалды.

«Бұл – әлеуметтік жауапкершілік пен қоғамдағы өзара ынтымақтастық қағидаттарының көрінісі, яғни өзін және отбасын өз бетінше қамтамасыз етуге мүмкіндігі бар азаматтар мемлекеттік қолдаудан саналы түрде бас тартуды жөн көрген», – деп мәлімдеді министрлік.

Айта кетейік, 2027 жылғы...

Соңғы бес жылда Қазақстан Ресейге жаңа автокөлік экспорттаған елдердің арасында үшінші орынға жайғасты. 2022 жылғы қаңтардан 2026 жылғы қазанға дейін Ресейге экспортталған жаңа көліктердің жалпы көлемінің 4,1%-ы Қазақстанның үлесіне тиген, деп хабарлайды КурсивАвто.

Ресейге жеткізілген әрбір екінші көлік Қытайдан шыққан

Осы кезеңде Ресей жалпы саны 4,79 млн автокөлік импорттаған. Оның 2,83 миллионы – жаңа, ал 1,96 миллионы жүрілген көлік.

Жаңа автокөлік жеткізушілерінің арасында Қытай көш бастады. Оның үлесі 77,5%-ды құрады. Қырғызстанның үлесіне 8,7%, Қазақстанға 4,1% тиесілі. Одан кейін Беларусь (3%) пен Оңтүстік Корея (1,7%) тұр.

Ал жүрілген автокөліктер сегментінде Жапония 54,4% үлеспен алға шықты...

OpenAI компаниясының үшінші тоқсандағы түсімі екінші тоқсанмен салыстырғанда шамамен 50%-ға өсіп, 10 млрд долларға жетті. Алайда компанияның операциялық шығыны әлі де жоғары деңгейде қалып отыр, деп хабарлайды Kursiv.Мedia.  

Интерфакс-Қазақстан мәліметінше, OpenAI компаниясының біржолғы факторларды есепке алмағандағы операциялық рентабельділігі үшінші тоқсанда жақсарған. Атап айтқанда, алдыңғы тоқсандағы минус 150%-дан минус 109%-ға дейін өскен.

Сонымен қатар компанияның түзетілген операциялық шығыны 10,1 млрд доллардан 10,9 млрд долларға дейін ұлғайған. Бұл көрсеткішке қызметкерлерге акция түрінде берілетін сыйақы шығындары кірмейді. Оның көлемі 2,6 млрд долларды құраған.

OpenAI компаниясының негізгі бәсекелесі Anthropic осы айдың басында үшінші тоқсандағы түсімі шамамен 17 млрд долларға жеткенін хабарлады. Ал операциялық шығыны...

Қазақстанда трансұлттық ұйымдасқан қылмыстық топ құрамында жеңгетайлық жасады деген күдікке ілінген Өзбекстан азаматы Грузиядан экстрадицияланды. Бұл туралы Бас прокуратура хабарлады.

Тергеу мәліметінше, күдікті ұйымдасқан топтың басқа мүшелерімен бірге жезөкшелікпен айналысатын және сексуалдық қызмет көрсететін адамдардың сауалнамаларын Kyzdar.net сайтына орналастырумен айналысқан.

Олар сайттағы сауалнамаларды толықтыруға өтінім қабылдап, ақылы сексуалдық қызметтерді жарнамалап, клиент тартуға көмектескен. Түскен ақшадан комиссиялық сыйақы ұстап қалып, қалған бөлігін сайт әкімшілеріне аударып отырған. Осылайша заңсыз схеманың тұрақты жұмыс істеуін қамтамасыз еткен.

Қылмыстық топтың бірқатар мүшесі бұған дейін сотталып, әртүрлі мерзімге бас бостандығынан айырылған. Ал күдікті қылмыстық қудалау органдарынан жасырынып, халықаралық іздеуге жарияланған.

Биыл шілдеде ол Грузия аумағында ұсталған...

UFC ұйымының бұрынғы чемпионы Мераб Двалишвили Абу-Дабидегі қонақүйлердің бірінде топ болып жасалған шабуылға ұшырағанын мәлімдеді. Оқиғаның видеосы әлеуметтік желіде тарады. Грузиялық спортшы өзін және досын PFL чемпионы Усман Нұрмағамедов пен оның қасындағы адамдар соққыға жыққанын айтты, деп хабарлайды Kursiv Media.

Двалишвилидің сөзінше, ол қонақүй холында сұхбат беріп тұрған кезде бір топ адам артынан келіп, шабуыл жасаған. Спортшы күзет қызметкерлері өзін ұстап тұрған сәтте де қарсы тараптың соққы жасауын...

Мажарстан соты елдің бұрынғы премьер-министрі Виктор Орбанның інісі Арон Орбанды бір ай мерзімге қамауға алу туралы шешім шығарды,  деп хабарлайды Kursiv.Мedia.  

Мажарлық БАҚ-тың хабарлауынша, бұл туралы Будапешт қалалық сотының ресми өкілі Гергё Бозо мәлімдеген.

Арон Орбанға саудада ықпал ету мен заңсыз көші-қонға жәрдемдесу күдігі тағылып отыр.

Осындай бұлтартпау шарасы оның болжамды сыбайластарының біріне де қолданылған. Тағы бір күдікті үйқамаққа алынса, төртінші фигурант босатылған.

Гергё Бозоның айтуынша, сот барлық күдіктіге қатысты айыптауларды негізді деп тапқан. Бұлтартпау шарасын таңдау кезінде күдіктілердің бой тасалауы немесе сот төрелігінен жалтаруға әрекет жасауы мүмкін екені ескерілген.

Тергеу материалдарына сәйкес, Арон Орбан мен оның серіктестері Вьетнам...

15 қарашада теңгенің айналымға енгеніне 33 жыл толады. Осы жылдары төл валюта алғашқы құнсыздануды да, нығайған кезеңдерді де бастан өткеріп, бағамды қатаң бақылаудан еркін өзгермелі режимге дейінгі жолдан өтті. Бұл өзгерістердің бел ортасында Ұлттық банк тұрды. Бас банкті осы уақыт ішінде 11 адам басқарды, Григорий Марченко бұл қызметке екі рет келді. Бір төраға ұлттық валютаны енгізсе, екіншісі жоғары инфляциямен, үшіншісі әлемдік дағдарыспен бетпе-бет келді. Kursiv.Media теңгенің әр басшы тұсында қалай өзгергенін және ел жадында қалған девальвациялардың қандай жағдайда болғанын саралады.

Теңгенің тарихын доллар бағамының өсуімен ғана баяндау оңай. Алғашқы жылдардағы бірнеше теңгені бүгінгі жүздеген теңгемен салыстырудың өзі әсерл...

Абу-Дабиде Ресей-АҚШ-Украина арасындағы екі күнге созылған келіссөздер аяқталды. Бірақ соғысты тоқтатуға әсер ететіндей келісімдер қабылданбады деп жазады ВВС.

Украина мен Ресей неге келісе алмады

Келіссөздер кезінде талқыланған басты мәселе – аумақтық тұтастық. Кей дереккөздердің жазуынша, АҚШ Киевке Донецк және Луганск облыстарын Ресейге тиесілі деп мойындауды ұсынған. Бірақ бұл жағдайда Украина өз ұстанымынан бас тартқан емес.

«Менің ойымша, ресейліктер өте қатаң нұсқаулықты ұстанып отырды, дискуссия кезінде олардың мәнерін жұмсарту өте қиынға соқты», – деді Украина өкілі Давид Арахамия.

Оның сөзінше, бұл кездесу биылғы жылдағы ең қиын келіссөздердің бірі болған...

Алматыдағы нөсер жауыннан кейін тұрғын үйлердің бірін су басты, тіпті жоғары қабаттарға дейін жеткен деп хабарлайды KTK телеарнасы.

Тұрғындардың сөзінше, су басу таңғы алтыда басталған.

«Таңертең тұрсам, көлкілдеген су үйдің іші. Жарықты жағайын деп едім, тоқ ұрды. Адреналиннен бе оны сезбедім, кейін бәрі реттелген соң ғана түсіндім», – дейді Іңкәр Қалиева.

Тұрғын үйде тұратын азаматтар әуелі суды өз күшімен тоқтатып көрген. Су аққан тұстың барлығына шелек, үлкен шылапшындарды қояды, бірақ онымен тоқтамайды.

Бірнеше рет жергілікті ПИК-ке хабарласып, төтенше қызмет мамандарын шақырады. Олардың сөзінше, қатты жауыннан шатырды су басып, одан әр...

Алматы облысындағы Шарын шатқалы әлемнің ең үздік каньондары мен шатқалдарының рейтингінде 17-орынға ие болды. Қазақстанның табиғи көрікті жері халықаралық Worldworthy 100 рейтингінің 2026 жылғы тізіміне енді, деп хабарлайды Kursiv.Media.

Бұл туралы Qazaq Ormany мәлімдеді.

Жарияланған ақпаратқа сәйкес, Шарын шатқалы әлемдегі ең үздік 100 каньон мен шатқалдың арасында 17-орынға орналасқан. Ал Қазақстан бойынша рейтингке енген нысандар арасында бірінші орын алған.

Worldworthy 100 рейтингі келушілердің пікірлері мен ұсыныстары, журналистік зерттеулер және ашық дереккөздердегі мәліметтер негізінде жасалады.

2026 жылғы рейтингке әлемнің 46 елінен 100 каньон мен шатқал енгізілген.

Шарын шатқалы миллиондаған жылдар бойы қалыптасқан жартастары, ерекше геологиялық құрылымы және табиғат көріністерімен...

12 қарашада Алматының Жетісу ауданында антитеррористік оқу-жаттығу ұйымдастырылады. Ол таңғы сағат 08:00-ден 15:00-ге дейін Боралдай көшесінің бойындағы теміржол жолдарында өтеді. Бұл туралы қалалық Полиция департаментінің баспасөз қызметі хабарлады.

Іс-шараның мақсаты – көлік инфрақұрылымы нысандарында болуы мүмкін террористік әрекеттердің алдын алу және мұндай жағдайларға тосқауыл қою тетіктерін жетілдіру. Оқу-жаттығу кезінде жолаушылар мен жүк пойыздарының қозғалысын шектеу жоспарланбаған.

Полиция департаменті тұрғындарды қауіпсіздік шараларын сақтауға және оқу-жаттығуға қатысатын мемлекеттік орган қызметкерлерінің заңды талаптарын орындауға шақырды.

«Қауіпсіздік шараларын сақтап, мемлекеттік органдардың жұмылдырылған қызметкерлерінің заңды талаптарын орындауды сұраймыз. Сондай-ақ ақпаратты ресми дереккөздерден алып, жалған мәлімет таратпау қажет», – деп жазылған ведомство...

Алматыда 10 қараша кешінен 11 қараша сағат 21:00-ге дейін 42 мм жауын-шашын жауды, деп хабарлайды Kursiv.Media.

Әкімдіктің мәліметінше, қалада жаңа су басу учаскелері тіркелген жоқ. Бұған дейін анықталған 8 су басу аймағы проблемалық учаскелер тізіміне енгізіліп, қарашаның соңына дейін ретке келтірілетін болды. 

Ауа райының қолайсыздығына байланысты 1 579 адамнан тұратын 85 жедел бригада, 415 техника мен 97 мотопомпа кезекшілікке тартылды. Ал күндізгі уақытта қаланы тазалауға 3 250 жуық жұмысшы мен 1 225 арнайы техника шығарылды.

Түнде ауа температурасы 0…–2 °C-қа дейін төмендейді деп күтілуде. Жолдарда көктайғақ болуы мүмкін болғандықтан, тұрғындарға сақтық шараларын сақтау ескертілді.

Еске салсақ, 11 қараша таңертең арық желісінің толуынан «Алатау» метро станциясының солтүстік...

Павлодар облысы Екібастұз қаласындағы теміржол станциясында қайғылы оқиға орын алды, деп хабарлайды Кursiv.Media.

Қозғалыс жылдамдығын реттеуші болып жұмыс істеген ер адамды жүк вагоны басып кетті. Ол алған жарақаттарынан оқиға орнында көз жұмды.

Аталған факті бойынша Көліктегі полиция департаменті қылмыстық іс қозғады.

«2026 жылғы 10 қарашада Павлодар станциясындағы желілік полиция бөлімі абайсызда адам өліміне әкеп соқтырған теміржол көлігінің қозғалыс немесе пайдалану қауіпсіздігі ережелерін бұзу фактісі бойынша қылмыстық іс қозғады. Қазіргі уақытта оқиғаның себептері мен мән-жайын анықтау үшін қажетті тергеу әрекеттері жүргізілуде», – деп хабарлады ведомство.

ҚР Қылмыстық-процестік кодексінің 201-бабына сәйкес тергеу мүддесі үшін өзге ақпарат жария етуге жатпайды.

Көлік...

Елдің батысы мен шығысында жаңбыр жауып, жел күшейіп, оңтүстігінде үсік жүреді. «Қазгидромет» 12 қарашаға арналған ауа райы болжамын ұсынды, деп хабарлайды Kursiv.Мedia.

Астанада көшпелі бұлт, қар аралас жаңбыр, жел 3-8 м/с. Ауа температурасы түнде -3…-5°C, күндіз -1…+1°C.

Алматыда көшпелі бұлт, жауын-шашынсыз, жел 3-8 м/с. Температура түнде 0…-2°C, күндіз +5…+7°C.

Шымкентте көшпелі бұлт, жауын-шашынсыз, жел 5-10 м/с. Ауа температурасы түнде -1…-3°C, күндіз +6…+8°C.

Ақтауда көшпелі бұлт, жауын-шашынсыз, жел 9-14, екпіні 15-20 м/с. Ауа температурасы түнде +3…+5°C,күндіз +9…+11°C.

Ақтөбеде көшпелі бұлт, қар аралас жаңбыр, жел 3-8 м/с. Ауа температурасы түнде 0…-2°C, күндіз +3…+5°C.

Атырауда бұлтты, жаңбыр жауады, жел 7-12, екпіні 15-18 м/с. Ауа температурасы түнде +2…+4°C, күндіз +6…+8°C.

Жезқазғанда көшпелі бұлт, жауын-шашынсыз, жел 2-7 м/с. Ауа температурасы түнде -1…-3°C, күндіз +2…+4°C.

Көкшетауда көшпелі бұлт, жауын-шашынсыз, жел 7-12 м/с. Ауа температурасы түнде -2…-4°C, күндіз +1…+3°C.

Қарағандыда көшпелі бұлт, жауын-шашынсыз, жел 4-9 м/с. Ауа температурасы түнде -2…-4°C, күндіз 0…-2°C.

Қонаевта көшпел...

Ұжымдық қауіпсіздік шарт ұйымына (ҰҚШҰ) мүше мемлекеттер Арменияны дауыс беру құқығынан айыру туралы шешім қабылдады, деп хабарлайды Kursiv.Мedia.

Ресей президентінің баспасөз хатшысы Дмитрий Песковтың мәлімдеуінше, бұл шешім Ереванның ұйым алдындағы міндеттемелерін бірнеше жыл бойы орындамауына байланысты қабылданған. Енді Армения дауыс беру құқығынан ғана емес, ҰҚШҰ-дағы жауапты лауазымдарға өз өкілдерін тағайындау мүмкіндігінен де айырылды.

Ұйымның Бас хатшысы Таалатбек Масадыков Армения 2024 жылдан бері мүшелік жарналарды төлемегенін атап өтті. Жарғының 25-бабына сәйкес, берешек 2 жылдан асса, ел дауыс беру құқығынан айырылады. Дегенмен Армения ұжымдық қауіпсіздік құқығын сақтап қалады. Жарна толық өтелсе, елдің құқықтары қайта калпына келтіріледі.

Армения премьер-министрі Никол Пашинян бұған дейін елдің ҰҚШҰ-дан шығарылуын оң қабылдайтынын мәлімдеген. Оның айтуынша, Ереван жақын...

Павлодарда мектеп оқушысы сыныптасының телефонын жасырын пайдаланып, шұғыл қызметке теракт дайындалып жатқаны туралы жалған ақпарат берген. Полиция жасөспірімді анықтап, қылмыстық іс козғады, деп хабарлайды Kursiv.Media.

Polisia.kz ақпаратына сүйенсек, сабаққа кешіккен оқушы спорт залда иесіз жатқан телефонды көріп, салдары туралы ойланбастан шұғыл қызметке қоңырау шалған.

Павлодар қалалық полиция басқармасының бастығы Балғабай Қапаров террорлық акт туралы көрінеу жалған хабарлау фактісі бойынша қылмыстық іс қозғалғанын, ал кәмелетке толмаған бала заңды өкілдерінің кепілгерлігіне берілгенін хабарлады.

Айта кетейік, терроризм туралы жалған хабарлама бергендер 5 жылға дейін бас бостандығынан айырылуы мүмкін. Шұғыл қызметтердің жалған шақыртуға жұмсаған барлық шығыны қылмыс жасаған адамнан немесе оның заңды өкілдерінен (ата-анасынан) өндіріледі.

Мәскеуде Ұжымдық қауіпсіздік шарт ұйымы (ҰҚШҰ) Ұжымдық қауіпсіздік кеңесінің отырысы өтті. Саммитке Қазақстан президентімен бірге Ресей, Беларусь, Қырғызстан және Тәжікстан басшылары мен ҰҚШҰ Бас хатшысы қатысты, деп хабарлайды Kursiv.Мedia.

Мемлекеттер басшылары Ұйымның 2026 жылғы қызметін қорытындылап, халықаралық әрі өңірлік қауіпсіздіктің өзекті мәселелерін талқылады.

Президент Тоқаев өз сөзінде мына негізгі бағыттарға тоқталды:

Жиын қорытындысы бойынша Ұжымдық қауіпсіздік кеңесінің декларациясы қабылданып, ұжымдық қауіпсіздікті нығайтуға бағытталған бірқатар маңызды құжатқа қол қойылды.

Испанияда CCOO және UGT ірі кәсіподақтарының ұйымдастыруымен 24 сағаттық жалпыұлттық ереуіл өтіп жатыр. Сәрсенбі, 11 қарашада бастау алған бұл шара 2012 жылдың қарашасынан бергі алғашқы ауқымды қарсылық акциясы, деп хабарлайды Kursiv.Мedia.

«Жалақы, тұрғын үй, баға» ұранымен өтіп жатқан ереуіл баспана қолжетімсіздігіне және жалақының қымбатшылыққа сай өспеуіне бағытталған. Қыркүйек айында Мадридтің 87 жастағы тұрғыны Марикармен Абаскальдың үйінен мәжбүрлі түрде шығарылып, оның бірнеше күннен кейін қайтыс болуы мәселені ушықтыра түсті.

Кәсіподақтардың мәліметінше, автоөнеркәсіп пен порттарда жұмысшылардың қатысуы 90%-ға, ал энергетика мен ет өнеркәсібінде 75-85%-ға жетті. Таңертеңгі электр энергиясын тұтыну 10%-ға төмендеді.

Ереуіл салдарынан қоғамдық көліктер шектеулі режимде жұмыс істеп жатыр, Каталонияда қатынас қиындады. Ереуілшілер ірі көтерме базарлар (Mercamadrid, Mercabarna), Seat пен Volkswagen...

Халықаралық допинг-тестілеу агенттігі (ITA) аралас жекпе-жек спортшысы Зейнеп Оразханды антидопингтік ережелерді екі рет бұзғаны үшін 3 жылға дисквалификациялады, деп хабарлайды Kursiv.Мedia.

Спортшының Индонезияда өткен GAMMA әлем чемпионатындағы (72,6 келіден жоғары салмақ) алтын медалі мен 2024 жылғы 14 желтоқсаннан бергі барлық нәтижелері жойылды. Оның допинг-пробасынан тыйым салынған мельдоний заты табылған.

Сондай-ақ, екінші ереже бұзушылық – рұқсат етілген лимиттен (12 сағат ішінде 100 мл) артық тамыр ішіне сұйықтық құйдырумен байланысты болды. Спортшы өз айыбын мойындаған соң, жаза мерзімі бір жылға қысқартылып, 2029 жылдың 19 қазанына дейін белгіленді.

Айта кетейік, дәл осы әлем чемпионатында қазақстандық тағы екі спортшы – Мажит Сардаров пен Айдын Төлепбаевтың да пробасынан мельдоний...

Белгілі қазақстандық футболшы, «Жеңіс» ФК бас директоры Давид Лория әкесі – «Қызылжар» клубының бұрынғы басшысы Григорий Лорияға мемлекетаралық іздеу жариялануына қатысты пікір білдірді, деп хабарлайды Kursiv.Мedia.

«Аталған клубтардың қызметіне және басылымдарда жазылған оқиғаларға ешқандай қатысым жоқ екенін атап өткім келеді. Сонымен қатар, ҚР заңнамасына сәйкес, кінәсі заңды түрде дәлелденгенге дейін ешкім де кінәлі деп саналмайтынын (айыпсыздық презумпциясы) еске салғым келеді», – деді Давид Лория.

Ол туған қаласында спорт инфрақұрылымын дамыту жобаларын жалғастыра беретінін айтып, әрдайым патриотизм мен қоғам алдындағы жауапкершілікті басшылыққа алатынын жеткізді.

Еске салсақ, 8 қарашада Бас прокуратураның құқықтық статистика порталында Григорий Лорияға мемлекетаралық іздеу жарияланғаны белгілі болды. Ал...

Қазақстандық параспортшы Ербол Хамитов Абу-Дабиде (БӘӘ) өткен Abu Dhabi World Para Jiu-Jitsu Championship 2026 әлем чемпионатында алтын медаль жеңіп алды, деп хабарлайды Kursiv.Media.

Пара-джиу-джитсудан күлгін белбеу иелері арасында (A3 класы) өнер көрсеткен ол барлық қарсыласын сенімді түрде жеңді. Хамитов жартылай финалда бразилиялық Джексон Рибейроны 8:2 есебімен басып озса, финалда АҚШ спортшысы Растин Хьюзді 13:2 есебімен ойсырата жеңді.

A3 категориясы бойынша жүлдегерлер:

Еске сала кетейік, қазақстандық Ербол Хамитов 2026 жылғы 10 наурызда қысқы Паралимпиада ойындарында шаңғы жарысынан қола медаль жеңіп алып, өзінің алғашқы жүлдесіне қол жеткізген болатын. Көп...

Жапонияның Жоғарғы соты 2025 жылғы шілдеде өткен парламенттің жоғарғы палатасына сайлауды сайлаушылар дауысының теңдігі принципіне сай келмейді деп тапты, деп хабарлайды Kursiv.Мedia.

Kyodo басылымының ақпаратын сүйенсек, шешімге сайлау округтеріндегі халық санының алшақтығы себеп болған. Мысалы, халық тығыз орналасқан Канагава префектурасындағы бір дауыстың көрсеткіші тұрғыны аз Фукуи префектурасымен салыстырғанда 3,13 есе төмен болған. Жоғарғы сот бұл алшақтықты назардан тыс қалдыруға болмайтынын және парламенттің дауыс теңсіздігін жою жөніндегі әрекеттері тоқырап қалғанын атап өтті.

Дегенмен, сот сайлау нәтижелерін жою туралы талаптарды кері қайтарды.

Айта кетейік, Жапонияда мұндай жағдай бұған дейін де тіркелген. 2010 және 2013 жылдары өткен сайлауларда дауыс көрсеткішінің айырмашылығы сәйкесінше 5 және 4,77 есеге дейін жетіп, конституцияға қайшы...