Қырғызстанда депутаттар жабайы тұяқтыларды атуға мораторий жариялауды талап етті

Оның ішіне арқар, ешкі, марал, қабан кіреді

Депутаттар арқар, қабан, ешкі, марал атуға мораторий енгізу мәселесін тағы да көтерді. Тиісті заңға түзетулер дайындалды. Бұл туралы 24 кg сайты хабарлады.

Сараптамалық топ тәуелсіз экологтармен бірлесіп негізгі жабайы тұяқтылар санының азайғанын анықтады. Әсіресе, мамандардың айтуынша, жойылу алдында тұрған жабайы шошқалар мен бұғылардың популяциясының жағдайы алаңдатады.

Бұл ретте мемлекет аңшылық шаруашылығына 14,8 миллион гектар жер бөлді, бұл ерекше қорғалатын табиғи аумақтардың жалпы көлемінен 10 еседен астам.

Қырғызстанда аңшылық және аңшылық қызмет саласында кәсіпкерлікпен 52 серіктестік айналысады, оның 42-сі жекеменшік аңшылық кәсіпорны, 9-ы мемлекеттік және 1-і табиғи ресурстарды тиімді пайдалану жөніндегі мемлекеттік департамент болып табылады.

Халық қалаулылары 2023-2026 жылдарды қоса алғанда қабан, марал, ешкі және арқар аулауға мораторий енгізуді жақтап отыр.

Мораторийді бұзушылар, депутаттардың пікірінше, жауапқа тартылуы қажет.