«45 млн теңгеге үш үй алып беремін»: алматылықты алаяқ сан соқтырды
Жарияланды
Күдікті ұсталып, қамауға алынды
45 млн теңгеге үш үй алып беремін деп алматылықты алдап кеткен атыраулық әйел ұсталды, – деп хабарлайды Polisia.kz сайты.
40 жастағы Алматы қаласының тұрғыны полицияға шағымданып, өзінің алданғандығы туралы айтқан. Айтуынша, оны 44 жастағы азаматша Атырау қаласынан элиталық үш бірдей үй алып беремін деп сендірген. Нәтижесінде, 45 млн теңге ақшасын иемденіп алған.
Полиция қызметкерлері жедел-іздестіру жұмыстарын жүргізу кезінде алаяқтықпен айналысқан атыраулық 44 жастағы азаматшаны анықтады. Күдікті ұсталып, қамауға алынды. Қазіргі уақытта ҚР ҚК-нің 190-бабымен (Алаяқтық) қылмыстық іс тіркеліп, тергеп-тексеру жұмыстары жүргізілуде.
