Stellantis Ресейде автокөлік өндірісін тоқтатты

Ол Мәскеуге қарсы санкцияларға байланысты тоқтатылды

    Компанияның жұмысы логистикадағы проблемаларға және Мәскеуге қарсы санкцияларға байланысты тоқтатылды, делінген автоөндіруші мәлімдемеде. Бұл туралы Анадолу сайты хабарлады.

Stellantis корпорациясы логистикадағы қиындықтарға және Мәскеуге салынған санкцияларға байланысты Калугадағы зауытта автокөлік өндірісін тоқтатты, деп хабарлайды компанияның баспасөз қызметі.

Компания Stellantis бұл қадамға халықаралық санкцияларды сақтау және өз қызметкерлерін қорғау үшін баратынын түсіндірді.

Калугадағы  «ПСМА Рус»  кәсіпорнында Peugeot, Citroen, Opel, Fiat және Jeep құрастырылды.

Stellantis  осы маркалардың көліктерін сатумен де айналысқан.

Трансұлттық автомобиль жасау корпорациясы – Stellantis, 2021 жылы итальяндық-американдық Fiat Chrysler Automobiles автоконцернінің француздық Groupe PSA компаниясымен бірігуі нәтижесінде құрылған. Од 14 брендке ие: Abarth, Alfa Romeo, Chrysler, Citroën, Dodge, DS, Fiat, Jeep, Lancia, Maserati, Opel, Peugeot, Ram Trucks и Vauxhall.