Техастағы атыстан қаза тапқандар саны 21-ге жетті
Қылмыскер мектепке барар алдында әлі тірі және ауруханалардың бірінде жатқан әжесін атып тастаған
Техастың оңтүстігіндегі бастауыш мектепте атыс болып, 21 адам – 18 бала мен үш ересек адам қаза тапты, деп хабарлады CNN-ге штат сенаторы Роланд Гутьеррес жергілікті полицияға сілтеме жасап.
Бұған дейін Техас штатының губернаторы Грег Эбботт баспасөз мәслихатында 14 бала мен бір мұғалімнің құрбан болғанын айтқан.
Оның айтуынша, оқ атқан адамның аты-жөні анықталған, ол 18 жастағы Сальвадор Рамос екенін, оны оқиға орнына жеткен полиция ізін суытқанға ұқсайды. Олардың екеуі атыс кезінде жеңіл жарақат алған.
Эбботтың айтуынша, атқыш көлікті мектептің сыртында қалдырып, ғимаратқа тапаншамен және кейбір мәліметтер бойынша мылтықпен кірген. Рамос мектепке барар алдында әлі тірі және ауруханалардың бірінде жатқан әжесін атып тастаған.
АҚШ президенті Джо Байден қайтыс болғандарды еске алу үшін жалауларды жартылай түсіруді бұйырды, деп хабарлады Ақ үй.
